| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. ааяааг̇ад̣̇ааяагад̇т̇зраабад̣̇аанаван̣н̣анаа
8. Āyāgadāyakattheraapadānavaṇṇanā
ниб̣б̣уд̇з логанаат̇амхийд̇иаад̣̇игам̣ ааяасмад̇о ааяааг̇ад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сикисса бхаг̇авад̇о бариниб̣б̣уд̇агаалз згасмим̣ гулаг̇зхз ниб̣б̣ад̇д̇о саасанз басанно вад̣дхагийнам̣ муулам̣ д̣̇ад̇ваа ад̇иманохарам̣ д̣̇ийгхам̣ бхож̇анасаалам̣ гаараабзд̇ваа бхигкусан̇гхам̣ ниманд̇зд̇ваа бан̣ийд̇знаахаарзна бхож̇зд̇ваа махаад̣̇аанам̣ д̣̇ад̇ваа жид̇д̇ам̣ басаад̣̇зси. со яаавад̇ааяугам̣ бун̃н̃аани гад̇ваа д̣̇звамануссзсуязва сам̣саранд̇о убхаяасамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о бадилад̣̇д̇хасад̣̇д̇хо баб̣б̣аж̇ид̇ваа гхадзнд̇о вааяаманд̇о вибассанам̣ вад̣дхзд̇ваа на жирассзва арахад̇д̇ам̣ баабун̣и. буб̣б̣з гад̇абун̃н̃авасзна ааяааг̇ад̇т̇зрод̇и баагадо.
Nibbutelokanāthamhītiādikaṃ āyasmato āyāgadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato parinibbutakāle ekasmiṃ kulagehe nibbatto sāsane pasanno vaḍḍhakīnaṃ mūlaṃ datvā atimanoharaṃ dīghaṃ bhojanasālaṃ kārāpetvā bhikkhusaṅghaṃ nimantetvā paṇītenāhārena bhojetvā mahādānaṃ datvā cittaṃ pasādesi. So yāvatāyukaṃ puññāni katvā devamanussesuyeva saṃsaranto ubhayasampattiṃ anubhavitvā imasmiṃ buddhuppāde kulagehe nibbatto paṭiladdhasaddho pabbajitvā ghaṭento vāyamanto vipassanaṃ vaḍḍhetvā na cirasseva arahattaṃ pāpuṇi. Pubbe katapuññavasena āyāgattheroti pākaṭo.
94. звам̣ со гад̇абун̃н̃асамбхааравасзна арахад̇д̇ам̣ бад̇ваа ад̇д̇анаа буб̣б̣з гад̇агусалагаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ниб̣б̣уд̇з логанаат̇амхийд̇иаад̣̇имааха. д̇ад̇т̇а ниб̣б̣уд̇зд̇и вад̣̇ад̇ам̣ ‘‘маяам̣ б̣уд̣̇д̇хаа’’д̇и вад̣̇анд̇аанам̣ анд̇арз варз уд̇д̇амз сикимхи бхаг̇авад̇и бариниб̣б̣уд̇зд̇и ад̇т̇о. хадто хадтзна жид̇д̇знаад̇и сад̣̇д̇хад̇ааяа хадтабахадто соманассаяуд̇д̇ажид̇д̇ад̇ааяа бахадтзна жид̇д̇зна уд̇д̇амам̣ т̇уубам̣ сздтам̣ жзд̇ияам̣ аванд̣̇им̣ бан̣аамаяинд̇и ад̇т̇о.
94. Evaṃ so katapuññasambhāravasena arahattaṃ patvā attanā pubbe katakusalakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Tattha nibbuteti vadataṃ ‘‘mayaṃ buddhā’’ti vadantānaṃ antare vare uttame sikhimhi bhagavati parinibbuteti attho. Haṭṭho haṭṭhena cittenāti saddhatāya haṭṭhapahaṭṭho somanassayuttacittatāya pahaṭṭhena cittena uttamaṃ thūpaṃ seṭṭhaṃ cetiyaṃ avandiṃ paṇāmayinti attho.
95. вад̣дхагийхи гат̇аабзд̇ваад̇и ‘‘бхож̇анасаалааяа бамаан̣ам̣ гид̇д̇ага’’нд̇и бамаан̣ам̣ гат̇аабзд̇ваад̇и ад̇т̇о. муулам̣ д̣̇ад̇ваанахам̣ д̇ад̣̇аад̇и д̇ад̣̇аа д̇асмим̣ гаалз ахам̣ гаммагаран̣ад̇т̇ааяа д̇зсам̣ вад̣дхагийнам̣ муулам̣ д̣̇ад̇ваа ааяааг̇ам̣ ааяад̇ам̣ д̣̇ийгхам̣ бхож̇анасаалам̣ ахам̣ санд̇удто соманассажид̇д̇зна гаарабзсахам̣ гаараабзсим̣ аханд̇и ад̇т̇о. сзсам̣ сувин̃н̃зяяамзваад̇и.
95.Vaḍḍhakīhi kathāpetvāti ‘‘bhojanasālāya pamāṇaṃ kittaka’’nti pamāṇaṃ kathāpetvāti attho. Mūlaṃ datvānahaṃ tadāti tadā tasmiṃ kāle ahaṃ kammakaraṇatthāya tesaṃ vaḍḍhakīnaṃ mūlaṃ datvā āyāgaṃ āyataṃ dīghaṃ bhojanasālaṃ ahaṃ santuṭṭho somanassacittena kārapesahaṃ kārāpesiṃ ahanti attho. Sesaṃ suviññeyyamevāti.
97. ааяааг̇асса ид̣̇ам̣ паланд̇и бхож̇анасаалад̣̇аанасса ид̣̇ам̣ вибааганд̇и ад̇т̇о.
97.Āyāgassa idaṃ phalanti bhojanasāladānassa idaṃ vipākanti attho.
ааяааг̇ад̣̇ааяагад̇т̇зраабад̣̇аанаван̣н̣анаа самад̇д̇аа.
Āyāgadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. ааяааг̇ад̣̇ааяагад̇т̇зраабад̣̇аанам̣ • 8. Āyāgadāyakattheraapadānaṃ
