| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೮. ಆಯಾಗದಾಯಕತ್ಥೇರಅಪದಾನವಣ್ಣನಾ
8. Āyāgadāyakattheraapadānavaṇṇanā
ನಿಬ್ಬುತೇ ಲೋಕನಾಥಮ್ಹೀತಿಆದಿಕಂ ಆಯಸ್ಮತೋ ಆಯಾಗದಾಯಕತ್ಥೇರಸ್ಸ ಅಪದಾನಂ। ಅಯಮ್ಪಿ ಪುರಿಮಬುದ್ಧೇಸು ಕತಾಧಿಕಾರೋ ತತ್ಥ ತತ್ಥ ಭವೇ ವಿವಟ್ಟೂಪನಿಸ್ಸಯಾನಿ ಪುಞ್ಞಾನಿ ಉಪಚಿನನ್ತೋ ಸಿಖಿಸ್ಸ ಭಗವತೋ ಪರಿನಿಬ್ಬುತಕಾಲೇ ಏಕಸ್ಮಿಂ ಕುಲಗೇಹೇ ನಿಬ್ಬತ್ತೋ ಸಾಸನೇ ಪಸನ್ನೋ ವಡ್ಢಕೀನಂ ಮೂಲಂ ದತ್ವಾ ಅತಿಮನೋಹರಂ ದೀಘಂ ಭೋಜನಸಾಲಂ ಕಾರಾಪೇತ್ವಾ ಭಿಕ್ಖುಸಙ್ಘಂ ನಿಮನ್ತೇತ್ವಾ ಪಣೀತೇನಾಹಾರೇನ ಭೋಜೇತ್ವಾ ಮಹಾದಾನಂ ದತ್ವಾ ಚಿತ್ತಂ ಪಸಾದೇಸಿ। ಸೋ ಯಾವತಾಯುಕಂ ಪುಞ್ಞಾನಿ ಕತ್ವಾ ದೇವಮನುಸ್ಸೇಸುಯೇವ ಸಂಸರನ್ತೋ ಉಭಯಸಮ್ಪತ್ತಿಂ ಅನುಭವಿತ್ವಾ ಇಮಸ್ಮಿಂ ಬುದ್ಧುಪ್ಪಾದೇ ಕುಲಗೇಹೇ ನಿಬ್ಬತ್ತೋ ಪಟಿಲದ್ಧಸದ್ಧೋ ಪಬ್ಬಜಿತ್ವಾ ಘಟೇನ್ತೋ ವಾಯಮನ್ತೋ ವಿಪಸ್ಸನಂ ವಡ್ಢೇತ್ವಾ ನ ಚಿರಸ್ಸೇವ ಅರಹತ್ತಂ ಪಾಪುಣಿ। ಪುಬ್ಬೇ ಕತಪುಞ್ಞವಸೇನ ಆಯಾಗತ್ಥೇರೋತಿ ಪಾಕಟೋ।
Nibbutelokanāthamhītiādikaṃ āyasmato āyāgadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato parinibbutakāle ekasmiṃ kulagehe nibbatto sāsane pasanno vaḍḍhakīnaṃ mūlaṃ datvā atimanoharaṃ dīghaṃ bhojanasālaṃ kārāpetvā bhikkhusaṅghaṃ nimantetvā paṇītenāhārena bhojetvā mahādānaṃ datvā cittaṃ pasādesi. So yāvatāyukaṃ puññāni katvā devamanussesuyeva saṃsaranto ubhayasampattiṃ anubhavitvā imasmiṃ buddhuppāde kulagehe nibbatto paṭiladdhasaddho pabbajitvā ghaṭento vāyamanto vipassanaṃ vaḍḍhetvā na cirasseva arahattaṃ pāpuṇi. Pubbe katapuññavasena āyāgattheroti pākaṭo.
೯೪. ಏವಂ ಸೋ ಕತಪುಞ್ಞಸಮ್ಭಾರವಸೇನ ಅರಹತ್ತಂ ಪತ್ವಾ ಅತ್ತನಾ ಪುಬ್ಬೇ ಕತಕುಸಲಕಮ್ಮಂ ಸರಿತ್ವಾ ಸೋಮನಸ್ಸಜಾತೋ ಪುಬ್ಬಚರಿತಾಪದಾನಂ ಪಕಾಸೇನ್ತೋ ನಿಬ್ಬುತೇ ಲೋಕನಾಥಮ್ಹೀತಿಆದಿಮಾಹ। ತತ್ಥ ನಿಬ್ಬುತೇತಿ ವದತಂ ‘‘ಮಯಂ ಬುದ್ಧಾ’’ತಿ ವದನ್ತಾನಂ ಅನ್ತರೇ ವರೇ ಉತ್ತಮೇ ಸಿಖಿಮ್ಹಿ ಭಗವತಿ ಪರಿನಿಬ್ಬುತೇತಿ ಅತ್ಥೋ। ಹಟ್ಠೋ ಹಟ್ಠೇನ ಚಿತ್ತೇನಾತಿ ಸದ್ಧತಾಯ ಹಟ್ಠಪಹಟ್ಠೋ ಸೋಮನಸ್ಸಯುತ್ತಚಿತ್ತತಾಯ ಪಹಟ್ಠೇನ ಚಿತ್ತೇನ ಉತ್ತಮಂ ಥೂಪಂ ಸೇಟ್ಠಂ ಚೇತಿಯಂ ಅವನ್ದಿಂ ಪಣಾಮಯಿನ್ತಿ ಅತ್ಥೋ।
94. Evaṃ so katapuññasambhāravasena arahattaṃ patvā attanā pubbe katakusalakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Tattha nibbuteti vadataṃ ‘‘mayaṃ buddhā’’ti vadantānaṃ antare vare uttame sikhimhi bhagavati parinibbuteti attho. Haṭṭho haṭṭhena cittenāti saddhatāya haṭṭhapahaṭṭho somanassayuttacittatāya pahaṭṭhena cittena uttamaṃ thūpaṃ seṭṭhaṃ cetiyaṃ avandiṃ paṇāmayinti attho.
೯೫. ವಡ್ಢಕೀಹಿ ಕಥಾಪೇತ್ವಾತಿ ‘‘ಭೋಜನಸಾಲಾಯ ಪಮಾಣಂ ಕಿತ್ತಕ’’ನ್ತಿ ಪಮಾಣಂ ಕಥಾಪೇತ್ವಾತಿ ಅತ್ಥೋ। ಮೂಲಂ ದತ್ವಾನಹಂ ತದಾತಿ ತದಾ ತಸ್ಮಿಂ ಕಾಲೇ ಅಹಂ ಕಮ್ಮಕರಣತ್ಥಾಯ ತೇಸಂ ವಡ್ಢಕೀನಂ ಮೂಲಂ ದತ್ವಾ ಆಯಾಗಂ ಆಯತಂ ದೀಘಂ ಭೋಜನಸಾಲಂ ಅಹಂ ಸನ್ತುಟ್ಠೋ ಸೋಮನಸ್ಸಚಿತ್ತೇನ ಕಾರಪೇಸಹಂ ಕಾರಾಪೇಸಿಂ ಅಹನ್ತಿ ಅತ್ಥೋ। ಸೇಸಂ ಸುವಿಞ್ಞೇಯ್ಯಮೇವಾತಿ।
95.Vaḍḍhakīhi kathāpetvāti ‘‘bhojanasālāya pamāṇaṃ kittaka’’nti pamāṇaṃ kathāpetvāti attho. Mūlaṃ datvānahaṃ tadāti tadā tasmiṃ kāle ahaṃ kammakaraṇatthāya tesaṃ vaḍḍhakīnaṃ mūlaṃ datvā āyāgaṃ āyataṃ dīghaṃ bhojanasālaṃ ahaṃ santuṭṭho somanassacittena kārapesahaṃ kārāpesiṃ ahanti attho. Sesaṃ suviññeyyamevāti.
೯೭. ಆಯಾಗಸ್ಸ ಇದಂ ಫಲನ್ತಿ ಭೋಜನಸಾಲದಾನಸ್ಸ ಇದಂ ವಿಪಾಕನ್ತಿ ಅತ್ಥೋ।
97.Āyāgassa idaṃ phalanti bhojanasāladānassa idaṃ vipākanti attho.
ಆಯಾಗದಾಯಕತ್ಥೇರಅಪದಾನವಣ್ಣನಾ ಸಮತ್ತಾ।
Āyāgadāyakattheraapadānavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೮. ಆಯಾಗದಾಯಕತ್ಥೇರಅಪದಾನಂ • 8. Āyāgadāyakattheraapadānaṃ
