Library / Tipiṭaka / තිපිටක • Tipiṭaka / ජාතකපාළි • Jātakapāḷi

347. අයකූටජාතකං (4-5-7)

347. Ayakūṭajātakaṃ (4-5-7)

185.

සබ්‌බායසං කූටමතිප්‌පමාණං, පග්‌ගය්‌හ යො ¹ තිට්‌ඨසි අන්‌තලික්‌ඛෙ;

Sabbāyasaṃ kūṭamatippamāṇaṃ, paggayha yo ² tiṭṭhasi antalikkhe;

රක්‌ඛාය මෙ ³ ත්‌වං විහිතො නුසජ්‌ජ, උදාහු මෙ චෙතයසෙ ⁴ වධාය.

Rakkhāya me ⁵ tvaṃ vihito nusajja, udāhu me cetayase ⁶ vadhāya.

186.

දූතො අහං රාජිධ රක්‌ඛසානං, වධාය තුය්‌හං පහිතොහමස්‌මි;

Dūto ahaṃ rājidha rakkhasānaṃ, vadhāya tuyhaṃ pahitohamasmi;

ඉන්‌දො ච තං රක්‌ඛති දෙවරාජා, තෙනුත්‌තමඞ්‌ගං න තෙ ⁷ ඵාලයාමි.

Indo ca taṃ rakkhati devarājā, tenuttamaṅgaṃ na te ⁸ phālayāmi.

187.

සචෙ ච මං රක්‌ඛති දෙවරාජා, දෙවානමින්‌දො මඝවා සුජම්‌පති;

Sace ca maṃ rakkhati devarājā, devānamindo maghavā sujampati;

කාමං පිසාචා විනදන්‌තු සබ්‌බෙ, න සන්‌තසෙ රක්‌ඛසියා පජාය.

Kāmaṃ pisācā vinadantu sabbe, na santase rakkhasiyā pajāya.

188.

කාමං කන්‌දන්‌තු ⁹ කුම්‌භණ්‌ඩා, සබ්‌බෙ පංසුපිසාචකා;

Kāmaṃ kandantu ¹⁰ kumbhaṇḍā, sabbe paṃsupisācakā;

නාලං පිසාචා යුද්‌ධාය, මහතී සා විභිංසිකාති ¹¹.

Nālaṃ pisācā yuddhāya, mahatī sā vibhiṃsikāti ¹².

අයකූටජාතකං සත්‌තමං.

Ayakūṭajātakaṃ sattamaṃ.

Next: 348. අරඤ්‌ඤජාතකං • 348. Araññajātakaṃ

Footnotes:

1. සො (පී.)

2. so (pī.)

3. මං (සී.)

4. වායමසෙ (සී. ස්‍යා.)

5. maṃ (sī.)

6. vāyamase (sī. syā.)

7. න හි (ක. සී. පී.), තෙ න (ක.)

8. na hi (ka. sī. pī.), te na (ka.)

9. කන්‌තන්‌තු (ක.), කණ්‌ඩන්‌තු (ස්‍යා.)

10. kantantu (ka.), kaṇḍantu (syā.)

11. විභෙසිකාති (ස්‍යා.), විහෙසිකාති (පී.)

12. vibhesikāti (syā.), vihesikāti (pī.)

Related texts:

අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [347] 7. අයකූටජාතකවණ්‌ණනා • [347] 7. Ayakūṭajātakavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact