| Library / Tipiṭaka / д̇ибидага • Tipiṭaka / вибхан̇г̇а-мууладийгаа • Vibhaṅga-mūlaṭīkā |
2. ааяад̇анавибхан̇г̇о
2. Āyatanavibhaṅgo
1. суд̇д̇анд̇абхааж̇анийяаван̣н̣анаа
1. Suttantabhājanīyavaṇṇanā
152. висзсад̇од̇и ааяад̇ана-сад̣̇д̣̇ад̇т̇о вияа асаад̇хааран̣ад̇о жагкаад̣̇исад̣̇д̣̇ад̇т̇ад̇од̇и ад̇т̇о. ассаад̣̇зд̇ийд̇и жагкад̇и-сад̣̇д̣̇о ‘‘мад̇хум̣ жагкад̇и б̣яан̃ж̇анам̣ жагкад̇ий’’д̇и расасааяанад̇т̇о ад̇т̇ийд̇и д̇асса васзна ад̇т̇ам̣ вад̣̇ад̇и. ‘‘жагкум̣ ко, мааг̇ан̣д̣ияа, руубаараамам̣ руубарад̇ам̣ руубасаммуд̣̇ид̇а’’нд̇и (ма. ни. 2.209) важанад̇о жагку руубам̣ ассаад̣̇зд̇и. сад̇иби сод̇аад̣̇ийнам̣ сад̣̇д̣̇аарамман̣аад̣̇ирад̇ибхаавз нирул̣хад̇д̇аа жагкумхиязва жагку-сад̣̇д̣̇о бавад̇д̇ад̇и бад̣̇умаад̣̇ийсу бан̇гаж̇аад̣̇исад̣̇д̣̇аа вияаад̇и д̣̇адтаб̣б̣ам̣. вибхаавзд̇и жаад̇и сад̣̇д̣̇алагкан̣асид̣̇д̇хасса жагкад̇и-сад̣̇д̣̇асса васзна ад̇т̇ам̣ вад̣̇ад̇и. жагкад̇ийд̇и хи аажигкад̇и, абхиб̣яад̇д̇ам̣ вад̣̇ад̇ийд̇и ад̇т̇о. наяанасса жа вад̣̇анд̇асса вияа самависамавибхааванамзва аажигкананд̇и гад̇ваа ааха ‘‘вибхаавзд̇и жаад̇и ад̇т̇о’’д̇и. анзгад̇т̇ад̇д̇аа ваа д̇хаад̇уунам̣ вибхааванад̇т̇ад̇аа жагку-сад̣̇д̣̇асса д̣̇адтаб̣б̣аа. рад̇д̇ад̣̇удтаад̣̇игаалзсу гаган̣дагаруубам̣ вияа уд̣̇д̣̇аруубам̣ вияа жа ван̣н̣авигаарам̣ аабаж̇ж̇амаанам̣ руубам̣ хад̣̇аяан̇г̇ад̇абхаавам̣ руубаяад̇и руубамива багаасам̣ гарод̇и, савиг̇г̇ахамива гад̇ваа д̣̇ассзд̇ийд̇и ад̇т̇о. вид̇т̇ааран̣ам̣ ваа рууба-сад̣̇д̣̇асса ад̇т̇о, вид̇т̇ааран̣ан̃жа багаасанамзваад̇и ааха ‘‘багаасзд̇ий’’д̇и. анзгад̇т̇ад̇д̇аа ваа д̇хаад̇уунам̣ багаасанад̇т̇оязва рууба-сад̣̇д̣̇о д̣̇адтаб̣б̣о, ван̣н̣аваажагасса рууба-сад̣̇д̣̇асса руубаяад̇ийд̇и ниб̣б̣ажанам̣, руубаваажагасса руббад̇ийд̇и аяам̣ висзсо.
152. Visesatoti āyatana-saddattho viya asādhāraṇato cakkhādisaddatthatoti attho. Assādetīti cakkhati-saddo ‘‘madhuṃ cakkhati byañjanaṃ cakkhatī’’ti rasasāyanattho atthīti tassa vasena atthaṃ vadati. ‘‘Cakkhuṃ kho, māgaṇḍiya, rūpārāmaṃ rūparataṃ rūpasammudita’’nti (ma. ni. 2.209) vacanato cakkhu rūpaṃ assādeti. Satipi sotādīnaṃ saddārammaṇādiratibhāve niruḷhattā cakkhumhiyeva cakkhu-saddo pavattati padumādīsu paṅkajādisaddā viyāti daṭṭhabbaṃ. Vibhāveti cāti saddalakkhaṇasiddhassa cakkhati-saddassa vasena atthaṃ vadati. Cakkhatīti hi ācikkhati, abhibyattaṃ vadatīti attho. Nayanassa ca vadantassa viya samavisamavibhāvanameva ācikkhananti katvā āha ‘‘vibhāveti cāti attho’’ti. Anekatthattā vā dhātūnaṃ vibhāvanatthatā cakkhu-saddassa daṭṭhabbā. Rattaduṭṭhādikālesu kakaṇṭakarūpaṃ viya uddarūpaṃ viya ca vaṇṇavikāraṃ āpajjamānaṃ rūpaṃ hadayaṅgatabhāvaṃ rūpayati rūpamiva pakāsaṃ karoti, saviggahamiva katvā dassetīti attho. Vitthāraṇaṃ vā rūpa-saddassa attho, vitthāraṇañca pakāsanamevāti āha ‘‘pakāsetī’’ti. Anekatthattā vā dhātūnaṃ pakāsanatthoyeva rūpa-saddo daṭṭhabbo, vaṇṇavācakassa rūpa-saddassa rūpayatīti nibbacanaṃ, rūpavācakassa ruppatīti ayaṃ viseso.
уд̣̇аахарийяад̇ийд̇и вужжад̇ийд̇и-ад̇т̇з важанамзва г̇ахид̇ам̣ сияаа, на жа важана-сад̣̇д̣̇оязва зд̇т̇а сад̣̇д̣̇о, ат̇а ко саб̣б̣оби сод̇авин̃н̃зяяод̇и саббад̇ийд̇и сагзхи бажжаязхи саббийяад̇и сод̇авин̃н̃зяяабхаавам̣ г̇амийяад̇ийд̇и ад̇т̇о. суужаяад̇ийд̇и ад̇д̇ано вад̇т̇ум̣ г̇анд̇хавасзна абаагадам̣ ‘‘ид̣̇ам̣ суг̇анд̇хам̣ д̣̇уг̇г̇анд̇ха’’нд̇и багаасзд̇и, бадижчаннам̣ ваа бубпаад̣̇ивад̇т̇ум̣ ‘‘зд̇т̇а бубпам̣ ад̇т̇и жамбагаад̣̇и, паламад̇т̇и амб̣аад̣̇ий’’д̇и бзсун̃н̃ам̣ гаронд̇ам̣ вияа ход̇ийд̇и ад̇т̇о. расаг̇г̇ахан̣амуулагад̇д̇аа аахаараж̇жхохаран̣асса ж̇ийвид̇ахзд̇умхи аахаарарасз ниннад̇ааяа ж̇ийвид̇ам̣ авхааяад̇ийд̇и ж̇ивхаа вуд̇д̇аа нируд̇д̇илагкан̣зна. гужчид̇аанам̣ саасавад̇хаммаанам̣ ааяод̇и висзсзна гааяо вуд̇д̇о ануд̇д̇арияахзд̇убхаавам̣ анааг̇ажчанд̇зсу гаамарааг̇анид̣̇аанагаммаж̇анид̇зсу гаамарааг̇асса жа висзсабажжаязсу гхаанаж̇ивхаагааязсу гааяасса висзсад̇арасаасавабажжаяад̇д̇аа. д̇зна хи подтаб̣б̣ам̣ ассаад̣̇знд̇аа сад̇д̇аа мзт̇унамби сзванд̇и. уббад̇д̇ид̣̇зсод̇и уббад̇д̇игааран̣анд̇и ад̇т̇о. гааяинд̣̇рияавад̇т̇угаа ваа жад̇д̇ааро канд̇хаа б̣алавагаамаасаваад̣̇ихзд̇убхаавад̇о висзсзна ‘‘саасаваа’’д̇и вуд̇д̇аа, д̇зсам̣ уббаж̇ж̇анадтаананд̇и ад̇т̇о. ад̇д̇ано лагкан̣ам̣ д̇хаараяанд̇ийд̇и яз висзсалагкан̣зна ааяад̇анасад̣̇д̣̇абараа вад̇д̇аб̣б̣аа, д̇з жагкаад̣̇аяо д̇ат̇аа вуд̇д̇аад̇и ан̃н̃з маног̇ожарабхууд̇аа д̇хаммаа сааман̃н̃алагкан̣знзва згааяад̇анад̇д̇ам̣ убанзд̇ваа вуд̇д̇аа. ол̣ааригавад̇т̇аарамман̣амананасан̇каад̇зхи висаяависаяибхаавзхи буримаани баагадаанийд̇и д̇ат̇аа абаагадаа жа ан̃н̃з маног̇ожараа на ад̇д̇ано сабхаавам̣ на д̇хаарзнд̇ийд̇и имассад̇т̇асса д̣̇ийбанад̇т̇о д̇хамма-сад̣̇д̣̇од̇и.
Udāharīyatīti vuccatīti-atthe vacanameva gahitaṃ siyā, na ca vacana-saddoyeva ettha saddo, atha kho sabbopi sotaviññeyyoti sappatīti sakehi paccayehi sappīyati sotaviññeyyabhāvaṃ gamīyatīti attho. Sūcayatīti attano vatthuṃ gandhavasena apākaṭaṃ ‘‘idaṃ sugandhaṃ duggandha’’nti pakāseti, paṭicchannaṃ vā pupphādivatthuṃ ‘‘ettha pupphaṃ atthi campakādi, phalamatthi ambādī’’ti pesuññaṃ karontaṃ viya hotīti attho. Rasaggahaṇamūlakattā āhārajjhoharaṇassa jīvitahetumhi āhārarase ninnatāya jīvitaṃ avhāyatīti jivhā vuttā niruttilakkhaṇena. Kucchitānaṃ sāsavadhammānaṃ āyoti visesena kāyo vutto anuttariyahetubhāvaṃ anāgacchantesu kāmarāganidānakammajanitesu kāmarāgassa ca visesapaccayesu ghānajivhākāyesu kāyassa visesatarasāsavapaccayattā. Tena hi phoṭṭhabbaṃ assādentā sattā methunampi sevanti. Uppattidesoti uppattikāraṇanti attho. Kāyindriyavatthukā vā cattāro khandhā balavakāmāsavādihetubhāvato visesena ‘‘sāsavā’’ti vuttā, tesaṃ uppajjanaṭṭhānanti attho. Attano lakkhaṇaṃ dhārayantīti ye visesalakkhaṇena āyatanasaddaparā vattabbā, te cakkhādayo tathā vuttāti aññe manogocarabhūtā dhammā sāmaññalakkhaṇeneva ekāyatanattaṃ upanetvā vuttā. Oḷārikavatthārammaṇamananasaṅkhātehi visayavisayibhāvehi purimāni pākaṭānīti tathā apākaṭā ca aññe manogocarā na attano sabhāvaṃ na dhārentīti imassatthassa dīpanattho dhamma-saddoti.
вааяаманд̇ийд̇и ад̇д̇ано гижжам̣ гаронд̇ижжзва ад̇т̇о. имасмин̃жа ад̇т̇з ааяад̇анд̇и зд̇т̇аад̇и ааяад̇ананд̇и ад̇хигаран̣ад̇т̇о ааяад̇ана-сад̣̇д̣̇о, д̣̇уд̇ияад̇ад̇иязсу гад̇д̇уад̇т̇о. д̇з жаад̇и жид̇д̇ажзд̇асигад̇хаммз. д̇з хи д̇ам̣д̇ам̣д̣̇ваараарамман̣зсу ааяанд̇и ааг̇ажчанд̇и бавад̇д̇анд̇ийд̇и ааяаад̇и. вид̇т̇аарзнд̇ийд̇и буб̣б̣з ануббаннад̇д̇аа лийнаани абаагадаани буб̣б̣анд̇ад̇о уд̣̇д̇хам̣ басаарзнд̇и баагадаани гаронд̇и уббаад̣̇знд̇ийд̇и ад̇т̇о.
Vāyamantīti attano kiccaṃ karonticceva attho. Imasmiñca atthe āyatanti etthāti āyatananti adhikaraṇattho āyatana-saddo, dutiyatatiyesu kattuattho. Te cāti cittacetasikadhamme. Te hi taṃtaṃdvārārammaṇesu āyanti āgacchanti pavattantīti āyāti. Vitthārentīti pubbe anuppannattā līnāni apākaṭāni pubbantato uddhaṃ pasārenti pākaṭāni karonti uppādentīti attho.
рул̣хийвасзна ааяад̇ана-сад̣̇д̣̇ассад̇т̇ам̣ вад̇д̇ум̣ ‘‘абижаа’’д̇иаад̣̇и аарад̣̇д̇хам̣. д̇ам̣ ниссид̇ад̇д̇аад̇и зд̇т̇а мано мановин̃н̃аан̣аад̣̇ийнам̣ жид̇д̇ажзд̇асигаанам̣ ниссаяабажжаяо на ход̇ийд̇и д̇асса нзсам̣ д̣̇ваарабхааво ниссаяабхаавод̇и д̣̇адтаб̣б̣о. ад̇т̇ад̇од̇и важанад̇т̇ад̇о, на важанийяад̇т̇ад̇о. важанад̇т̇о хзд̇т̇а вуд̇д̇о ‘‘жагкад̇ий’’д̇иаад̣̇инаа, на важанийяад̇т̇о ‘‘яам̣ жагку жад̇уннам̣ махаабхууд̇аанам̣ убаад̣̇ааяа басаад̣̇о’’д̇иаад̣̇инаа (д̇ха. са. 597) вияаад̇и.
Ruḷhīvasena āyatana-saddassatthaṃ vattuṃ ‘‘apicā’’tiādi āraddhaṃ. Taṃ nissitattāti ettha mano manoviññāṇādīnaṃ cittacetasikānaṃ nissayapaccayo na hotīti tassa nesaṃ dvārabhāvo nissayabhāvoti daṭṭhabbo. Atthatoti vacanatthato, na vacanīyatthato. Vacanattho hettha vutto ‘‘cakkhatī’’tiādinā, na vacanīyattho ‘‘yaṃ cakkhu catunnaṃ mahābhūtānaṃ upādāya pasādo’’tiādinā (dha. sa. 597) viyāti.
д̇аавад̇вад̇од̇и ануунаад̇хигабхаавам̣ д̣̇ассзд̇и. д̇ад̇т̇а д̣̇ваад̣̇асааяад̇анавинимуд̇д̇асса гассажи д̇хаммасса абхааваа ад̇хигабхаавад̇о жод̣̇анаа над̇т̇и, салагкан̣ад̇хааран̣ам̣ бана саб̣б̣зсам̣ сааман̃н̃алагкан̣анд̇и уунажод̣̇анаа самбхавад̇ийд̇и д̣̇ассзнд̇о ааха ‘‘жагкаад̣̇аяоби хий’’д̇иаад̣̇и. асаад̇хааран̣анд̇и жагкувин̃н̃аан̣аад̣̇ийнам̣ асаад̇хааран̣ам̣. сад̇иби асаад̇хааран̣аарамман̣абхаавз жагкаад̣̇ийнам̣ д̣̇ваарабхаавзна г̇ахид̇ад̇д̇аа д̇хаммааяад̇анз аг̇г̇ахан̣ам̣ д̣̇адтаб̣б̣ам̣. д̣̇ваараарамман̣абхаавзхи ваа асаад̇хааран̣ад̇ам̣ санд̇хааяа ‘‘асаад̇хааран̣а’’нд̇и вуд̇д̇ам̣.
Tāvatvatoti anūnādhikabhāvaṃ dasseti. Tattha dvādasāyatanavinimuttassa kassaci dhammassa abhāvā adhikabhāvato codanā natthi, salakkhaṇadhāraṇaṃ pana sabbesaṃ sāmaññalakkhaṇanti ūnacodanā sambhavatīti dassento āha ‘‘cakkhādayopi hī’’tiādi. Asādhāraṇanti cakkhuviññāṇādīnaṃ asādhāraṇaṃ. Satipi asādhāraṇārammaṇabhāve cakkhādīnaṃ dvārabhāvena gahitattā dhammāyatane aggahaṇaṃ daṭṭhabbaṃ. Dvārārammaṇabhāvehi vā asādhāraṇataṃ sandhāya ‘‘asādhāraṇa’’nti vuttaṃ.
язбхуяяасахуббад̇д̇иаад̣̇ийхи уббад̇д̇иггамаад̣̇иаяуд̇д̇и яож̇зд̇аб̣б̣аа. аж̇жхад̇д̇игзсу хийд̇и зд̇зна аж̇жхад̇д̇игабхаавзна висаяибхаавзна жа аж̇жхад̇д̇игаанам̣ батамам̣ д̣̇зсзд̇аб̣б̣ад̇ам̣ д̣̇ассзд̇и. д̇зсу хи батамам̣ д̣̇зсзд̇аб̣б̣зсу баагадад̇д̇аа батамад̇арам̣ жагкааяад̇анам̣ д̣̇зсид̇анд̇и. д̇ад̇о гхаанааяад̇анаад̣̇ийнийд̇и зд̇т̇а б̣ахуубагаарад̇д̇аабхаавзна жагкусод̇зхи буримад̇арам̣ ад̣̇зсзд̇аб̣б̣аани саха вад̇д̇ум̣ асаггун̣зяяад̇д̇аа згзна гамзна д̣̇зсзд̇аб̣б̣аанийд̇и гхаанаад̣̇иггамзна д̣̇зсид̇аанийд̇и ад̇хиббааяо. ан̃н̃ат̇ааби хи д̣̇зсид̇зсу на на саггаа жод̣̇зд̇ум̣, на жа саггаа сод̇хзд̇аб̣б̣аани на д̣̇зсзд̇унд̇и. г̇ожаро висаяо зд̇ассаад̇и г̇ожарависаяо, мано. гасса бана г̇ожаро зд̇асса висаяод̇и? жагкаад̣̇ийнам̣ бан̃жаннамби. вин̃н̃аан̣уббад̇д̇игааран̣ававад̇т̇аанад̇од̇и зд̇зна жа жагкаад̣̇иананд̇арам̣ руубаад̣̇иважанасса гааран̣амааха.
Yebhuyyasahuppattiādīhi uppattikkamādiayutti yojetabbā. Ajjhattikesu hīti etena ajjhattikabhāvena visayibhāvena ca ajjhattikānaṃ paṭhamaṃ desetabbataṃ dasseti. Tesu hi paṭhamaṃ desetabbesu pākaṭattā paṭhamataraṃ cakkhāyatanaṃ desitanti. Tato ghānāyatanādīnīti ettha bahūpakārattābhāvena cakkhusotehi purimataraṃ adesetabbāni saha vattuṃ asakkuṇeyyattā ekena kamena desetabbānīti ghānādikkamena desitānīti adhippāyo. Aññathāpi hi desitesu na na sakkā codetuṃ, na ca sakkā sodhetabbāni na desetunti. Gocaro visayo etassāti gocaravisayo, mano. Kassa pana gocaro etassa visayoti? Cakkhādīnaṃ pañcannampi. Viññāṇuppattikāraṇavavatthānatoti etena ca cakkhādianantaraṃ rūpādivacanassa kāraṇamāha.
бажжаяабхзд̣̇о гаммаад̣̇ибхзд̣̇о. нираяаад̣̇иго абад̣̇аад̣̇иг̇ад̇инаанаагаран̣ан̃жа г̇ад̇ибхзд̣̇о. хад̇т̇иассаад̣̇иго кад̇д̇ияаад̣̇иго жа нигааяабхзд̣̇о. д̇ам̣д̇ам̣сад̇д̇асанд̇аанабхзд̣̇о буг̇г̇алабхзд̣̇о. яаа жа жагкаад̣̇ийнам̣ вад̇т̇уунам̣ ананд̇абхзд̣̇ад̇аа вуд̇д̇аа, соязва хад̣̇аяавад̇т̇усса жа бхзд̣̇о ход̇и. д̇ад̇о манааяад̇анасса ананд̇аббабхзд̣̇ад̇аа яож̇зд̇аб̣б̣аа д̣̇угкаабадибад̣̇аад̣̇ид̇о аарамман̣аад̇хибад̇иаад̣̇ибхзд̣̇ад̇о жа. имасмим̣ суд̇д̇анд̇абхааж̇анийяз вибассанаа вуд̇д̇аад̇и вибассанубаг̇аманан̃жа вин̃н̃аан̣ам̣ г̇ахзд̇ваа згаасийд̇ибхзд̣̇ад̇аа манааяад̇анасса вуд̇д̇аа нид̣̇д̣̇зсавасзна. нийлам̣ нийлассзва сабхааг̇ам̣, ан̃н̃ам̣ висабхааг̇ам̣, звам̣ гусаласамудтаанаад̣̇ибхзд̣̇зсу яож̇зд̇аб̣б̣ам̣. д̇збхуумагад̇хаммаарамман̣авасзнаад̇и буб̣б̣з вуд̇д̇ам̣ жагкаад̣̇иваж̇ж̇ам̣ д̇хаммаарамман̣ам̣ санд̇хааяа вуд̇д̇ам̣.
Paccayabhedo kammādibhedo. Nirayādiko apadādigatinānākaraṇañca gatibhedo. Hatthiassādiko khattiyādiko ca nikāyabhedo. Taṃtaṃsattasantānabhedo puggalabhedo. Yā ca cakkhādīnaṃ vatthūnaṃ anantabhedatā vuttā, soyeva hadayavatthussa ca bhedo hoti. Tato manāyatanassa anantappabhedatā yojetabbā dukkhāpaṭipadādito ārammaṇādhipatiādibhedato ca. Imasmiṃ suttantabhājanīye vipassanā vuttāti vipassanupagamanañca viññāṇaṃ gahetvā ekāsītibhedatā manāyatanassa vuttā niddesavasena. Nīlaṃ nīlasseva sabhāgaṃ, aññaṃ visabhāgaṃ, evaṃ kusalasamuṭṭhānādibhedesu yojetabbaṃ. Tebhūmakadhammārammaṇavasenāti pubbe vuttaṃ cakkhādivajjaṃ dhammārammaṇaṃ sandhāya vuttaṃ.
сабарибпанд̣̇агирияаавасзна ийханам̣ ийхаа. жинд̇анавасзна б̣яаабаарагаран̣ам̣ б̣яаабааро. д̇ад̇т̇а б̣яаабаарам̣ д̣̇ассзнд̇о ааха ‘‘на хи жагку руубаад̣̇ийнам̣ звам̣ ход̇ий’’д̇и. ийхам̣ д̣̇ассзнд̇о ааха ‘‘на жа д̇ааний’’д̇иаад̣̇и. убхаяамби бана ийхаа жа ход̇и б̣яаабааро жаад̇и уббадибаадиважанам̣. д̇хаммад̇ааваад̇и сабхаавова, гааран̣асамад̇т̇ад̇аа ваа. ийхааб̣яаабаарарахид̇аанам̣ д̣̇ваараад̣̇ибхааво д̇хаммад̇аа. имасмин̃жа ад̇т̇з яанд̇и зд̇асса яасмаад̇и ад̇т̇о. буримасмим̣ самбхаванависзсанам̣ яам̣-сад̣̇д̣̇о. ‘‘сун̃н̃о г̇аамод̇и ко, бхигкавз, чаннзд̇ам̣ аж̇жхад̇д̇игаанам̣ ааяад̇анаанам̣ ад̇хиважана’’нд̇и (сам̣. ни. 4.238) важанад̇о сун̃н̃аг̇аамо вияа д̣̇адтаб̣б̣аани. аннабаанасамохид̇анд̇и г̇ахид̇з сун̃н̃аг̇аамз яан̃н̃ад̣̇зва бхааж̇анам̣ бараамасийяад̇и, д̇ам̣ д̇ам̣ рид̇д̇агам̣язва бараамасийяад̇и, звам̣ д̇хуваад̣̇ибхаавзна г̇ахид̇аани убабаригкияамаанаани рид̇д̇агаанзва зд̇аани д̣̇иссанд̇ийд̇и. жагкаад̣̇ид̣̇ваарзсу абхиж̇жхаад̣̇оманассуббаад̣̇агабхаавзна руубаад̣̇ийни жагкаад̣̇ийнам̣ абхигхаад̇агаанийд̇и вуд̇д̇аани. ахисусумаарабагкигуггурасин̇г̇ааламаггадаа ча баан̣агаа. висамаб̣илаагаасаг̇аамасусаанаванаани д̇зсам̣ г̇ожараа. д̇ад̇т̇а висамаад̣̇иаж̇жхаасаязхи жагкаад̣̇ийхи висамабхааваб̣илаагаасаг̇аамасусаанасанниссид̇асад̣̇исубаад̣̇иннад̇хаммаванабхаавзхи абхирамид̇ад̇д̇аа руубаад̣̇ийнамби висамаад̣̇исад̣̇исад̇аа яож̇зд̇аб̣б̣аа.
Saparipphandakiriyāvasena īhanaṃ īhā. Cintanavasena byāpārakaraṇaṃ byāpāro. Tattha byāpāraṃ dassento āha ‘‘na hi cakkhu rūpādīnaṃ evaṃ hotī’’ti. Īhaṃ dassento āha ‘‘na ca tānī’’tiādi. Ubhayampi pana īhā ca hoti byāpāro cāti uppaṭipāṭivacanaṃ. Dhammatāvāti sabhāvova, kāraṇasamatthatā vā. Īhābyāpārarahitānaṃ dvārādibhāvo dhammatā. Imasmiñca atthe yanti etassa yasmāti attho. Purimasmiṃ sambhavanavisesanaṃ yaṃ-saddo. ‘‘Suñño gāmoti kho, bhikkhave, channetaṃ ajjhattikānaṃ āyatanānaṃ adhivacana’’nti (saṃ. ni. 4.238) vacanato suññagāmo viya daṭṭhabbāni. Annapānasamohitanti gahite suññagāme yaññadeva bhājanaṃ parāmasīyati, taṃ taṃ rittakaṃyeva parāmasīyati, evaṃ dhuvādibhāvena gahitāni upaparikkhiyamānāni rittakāneva etāni dissantīti. Cakkhādidvāresu abhijjhādomanassuppādakabhāvena rūpādīni cakkhādīnaṃ abhighātakānīti vuttāni. Ahisusumārapakkhikukkurasiṅgālamakkaṭā cha pāṇakā. Visamabilākāsagāmasusānavanāni tesaṃ gocarā. Tattha visamādiajjhāsayehi cakkhādīhi visamabhāvabilākāsagāmasusānasannissitasadisupādinnadhammavanabhāvehi abhiramitattā rūpādīnampi visamādisadisatā yojetabbā.
худ̇ваа абхаавадтзнаад̇и ид̣̇ам̣ ид̇арзсам̣ жад̇уннам̣ аагаараанам̣ сан̇г̇ахагад̇д̇аа висум̣ вуд̇д̇ам̣. худ̇ваа абхааваагааро зва хи уббаад̣̇аваяад̇д̇аагаараад̣̇аяод̇и. д̇ад̇т̇а худ̇ваад̇и зд̇зна буриманд̇авивид̇д̇ад̇аабуб̣б̣агам̣ маж̇жхз виж̇ж̇амаанад̇ам̣ д̣̇ассзд̇и, д̇ам̣ вад̇ваа абхаававажанзна маж̇жхз виж̇ж̇амаанад̇аабуб̣б̣агам̣, абаранд̇з авиж̇ж̇амаанад̇ам̣, убхаязнаби сад̣̇аа абхааво анижжалагкан̣анд̇и д̣̇ассзд̇и. сабхаававиж̇аханам̣ вибарин̣аамо, ж̇араабхан̇г̇зхи ваа баривад̇д̇анам̣, санд̇аанавигаараабад̇д̇и ваа. сад̣̇аа абхаавзби жирадтаанам̣ сияаад̇и д̇ам̣нивааран̣ад̇т̇ам̣ ‘‘д̇аавагаалигад̇о’’д̇и ааха. уббаад̣̇аваяан̃н̃ат̇ад̇д̇арахид̇ам̣ нижжам̣, на ид̇арат̇аад̇и нижжабадигкзбад̇о анижжам̣, нижжабадибагкад̇од̇и ад̇хиббааяо.
Hutvā abhāvaṭṭhenāti idaṃ itaresaṃ catunnaṃ ākārānaṃ saṅgahakattā visuṃ vuttaṃ. Hutvā abhāvākāro eva hi uppādavayattākārādayoti. Tattha hutvāti etena purimantavivittatāpubbakaṃ majjhe vijjamānataṃ dasseti, taṃ vatvā abhāvavacanena majjhe vijjamānatāpubbakaṃ, aparante avijjamānataṃ, ubhayenapi sadā abhāvo aniccalakkhaṇanti dasseti. Sabhāvavijahanaṃ vipariṇāmo, jarābhaṅgehi vā parivattanaṃ, santānavikārāpatti vā. Sadā abhāvepi ciraṭṭhānaṃ siyāti taṃnivāraṇatthaṃ ‘‘tāvakālikato’’ti āha. Uppādavayaññathattarahitaṃ niccaṃ, na itarathāti niccapaṭikkhepato aniccaṃ, niccapaṭipakkhatoti adhippāyo.
ж̇аад̇ид̇хаммад̇аад̣̇ийхи анидтад̇аа бадибийл̣анам̣. бадибийл̣анадтзнаад̇и жа яасса д̇ам̣ бавад̇д̇ад̇и, д̇ам̣ буг̇г̇алам̣ бадибийл̣анад̇о, саяам̣ ваа ж̇араад̣̇ийхи бадибийл̣анад̇д̇аад̇и ад̇т̇о. барид̇д̇адтид̇игассаби ад̇д̇ано виж̇ж̇амаанагкан̣з уббаад̣̇аад̣̇ийхи абхин̣хам̣ самбадибийл̣анад̇д̇аа ‘‘абхин̣хасамбадибийл̣анад̇о’’д̇и буримам̣ сааман̃н̃алагкан̣ам̣ висзсзд̇ваа вад̣̇ад̇и, буг̇г̇аласса бийл̣анад̇о д̣̇угкамам̣. сукабадибагкабхаавад̇о д̣̇угкам̣ сукам̣ бадигкибад̇и ниваарзд̇и, д̣̇угкаважанам̣ ваа ад̇т̇ад̇о сукам̣ бадигкибад̇ийд̇и ааха ‘‘сукабадигкзбад̇о’’д̇и.
Jātidhammatādīhi aniṭṭhatā paṭipīḷanaṃ. Paṭipīḷanaṭṭhenāti ca yassa taṃ pavattati, taṃ puggalaṃ paṭipīḷanato, sayaṃ vā jarādīhi paṭipīḷanattāti attho. Parittaṭṭhitikassapi attano vijjamānakkhaṇe uppādādīhi abhiṇhaṃ sampaṭipīḷanattā ‘‘abhiṇhasampaṭipīḷanato’’ti purimaṃ sāmaññalakkhaṇaṃ visesetvā vadati, puggalassa pīḷanato dukkhamaṃ. Sukhapaṭipakkhabhāvato dukkhaṃ sukhaṃ paṭikkhipati nivāreti, dukkhavacanaṃ vā atthato sukhaṃ paṭikkhipatīti āha ‘‘sukhapaṭikkhepato’’ti.
над̇т̇и зд̇асса васавад̇д̇анаго, нааби ид̣̇ам̣ васавад̇д̇анаганд̇и авасавад̇д̇анагам̣, ад̇д̇ано барасмим̣ барасса жа ад̇д̇ани васавад̇д̇анабхааво ваа васавад̇д̇анагам̣, д̇ам̣ зд̇асса над̇т̇ийд̇и авасавад̇д̇анагам̣, авасавад̇д̇анагасса авасавад̇д̇анаго ваа ад̇т̇о сабхааво авасавад̇д̇анагадто, ид̣̇ан̃жа сааман̃н̃алагкан̣ам̣. д̇знаад̇и барасса ад̇д̇ани васавад̇д̇анаагаарзна сун̃н̃ам̣. имасмин̃жа ад̇т̇з сун̃н̃ад̇од̇и зд̇ассзва висзсанам̣ ‘‘ассаамигад̇о’’д̇и. ат̇а ваа ‘‘яасмаа ваа зд̇ам̣…бз… маа баабун̣аад̇уу’’д̇и звам̣ жинд̇аяамаанасса гассажи д̇ийсу таанзсу васавад̇д̇анабхааво над̇т̇и, сун̃н̃ам̣ д̇ам̣ д̇зна ад̇д̇аноязва васавад̇д̇анаагаарзнаад̇и ад̇т̇о. на ид̣̇ам̣ гассажи гаамагаарияам̣, нааби зд̇асса гин̃жи гаамагаарияам̣ ад̇т̇ийд̇и агаамагаарияам̣. зд̇зна авасавад̇д̇анад̇т̇ам̣ висзсзд̇ваа д̣̇ассзд̇и.
Natthi etassa vasavattanako, nāpi idaṃ vasavattanakanti avasavattanakaṃ, attano parasmiṃ parassa ca attani vasavattanabhāvo vā vasavattanakaṃ, taṃ etassa natthīti avasavattanakaṃ, avasavattanakassa avasavattanako vā attho sabhāvo avasavattanakaṭṭho, idañca sāmaññalakkhaṇaṃ. Tenāti parassa attani vasavattanākārena suññaṃ. Imasmiñca atthe suññatoti etasseva visesanaṃ ‘‘assāmikato’’ti. Atha vā ‘‘yasmā vā etaṃ…pe… mā pāpuṇātū’’ti evaṃ cintayamānassa kassaci tīsu ṭhānesu vasavattanabhāvo natthi, suññaṃ taṃ tena attanoyeva vasavattanākārenāti attho. Na idaṃ kassaci kāmakāriyaṃ, nāpi etassa kiñci kāmakāriyaṃ atthīti akāmakāriyaṃ. Etena avasavattanatthaṃ visesetvā dasseti.
вибхаваг̇ад̇и винаасаг̇аманам̣. санд̇ад̇ияам̣ бхаванд̇аруббад̇д̇иязва бхавасан̇ганд̇иг̇аманам̣. санд̇ад̇ияаа яат̇аабавад̇д̇аагааравиж̇аханам̣ багад̇ибхаававиж̇аханам̣. ‘‘жагку анижжа’’нд̇и вуд̇д̇з жагкуанижжа-сад̣̇д̣̇аанам̣ згад̇т̇ад̇д̇аа анижжаанам̣ сзсад̇хаммаанамби жагкубхааво аабаж̇ж̇ад̇ийд̇и зд̇иссаа жод̣̇анааяа нивааран̣ад̇т̇ам̣ висзсасааман̃н̃алагкан̣аваажагаанан̃жа сад̣̇д̣̇аанам̣ згад̣̇зсасамуд̣̇ааяаб̣од̇ханависзсам̣ д̣̇ийбзд̇ум̣ ‘‘абижаа’’д̇иаад̣̇имааха.
Vibhavagati vināsagamanaṃ. Santatiyaṃ bhavantaruppattiyeva bhavasaṅkantigamanaṃ. Santatiyā yathāpavattākāravijahanaṃ pakatibhāvavijahanaṃ. ‘‘Cakkhu anicca’’nti vutte cakkhuanicca-saddānaṃ ekatthattā aniccānaṃ sesadhammānampi cakkhubhāvo āpajjatīti etissā codanāya nivāraṇatthaṃ visesasāmaññalakkhaṇavācakānañca saddānaṃ ekadesasamudāyabodhanavisesaṃ dīpetuṃ ‘‘apicā’’tiādimāha.
гим̣ д̣̇ассид̇анд̇и вибассанаажаарам̣ гат̇знд̇зна гим̣ лагкан̣ам̣ д̣̇ассид̇анд̇и ад̇хиббааяо. ‘‘гад̇амаа жаананд̣̇а, анад̇д̇асан̃н̃аа? ид̇хаананд̣̇а, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и ‘жагку анад̇д̇аа’д̇и…бз… ‘д̇хаммаа анад̇д̇аа’д̇и. ид̇и имзсу часу аж̇жхад̇д̇игаб̣аахирзсу ааяад̇анзсу анад̇д̇аанубассий вихарад̇ий’’д̇и (а. ни. 10.60) ависзсзсу ааяад̇анзсу анад̇д̇аанубассанаа вуд̇д̇аад̇и гааран̣абхууд̇аанам̣ жагкаад̣̇ийнам̣, палабхууд̇аанан̃жа жагкувин̃н̃аан̣аад̣̇ийнам̣ гааран̣апаламад̇д̇ад̇ааяа анад̇д̇ад̇ааяа анад̇д̇алагкан̣авибхааванад̇т̇ааяа ааяад̇анад̣̇зсанаад̇и ааха ‘‘д̣̇ваад̣̇асаннам̣…бз… анад̇д̇алагкан̣а’’нд̇и. яад̣̇иби анижжад̣̇угкалагкан̣аани зд̇т̇а д̣̇ассид̇аани, д̇зхи жа анад̇д̇алагкан̣амзва висзсзна д̣̇ассид̇анд̇и ад̇хиббааяо. взд̇и жаад̇и зд̇т̇а ид̇и-сад̣̇д̣̇о самаабанад̇т̇о. ижжассаад̇и зд̇т̇а ид̇и-сад̣̇д̣̇о яат̇аасамаабид̇асса ааробзд̇аб̣б̣ад̣̇осасса нид̣̇ассанад̇т̇о. званд̇и ‘‘жагку ад̇д̇аа’’д̇и звам̣ ваад̣̇з сад̇ийд̇и ад̇т̇о. ижжассаад̇и ваа ид̇и-сад̣̇д̣̇о ‘‘ид̇и вад̣̇анд̇ассаа’’д̇и бараваад̣̇исса д̣̇осалагкан̣аагааранид̣̇ассанад̇т̇о. званд̇и д̣̇осаг̇аманаббагааранид̣̇ассанад̇т̇о. руубз ад̇д̇ани ‘‘звам̣ мз руубам̣ ход̇уу’’д̇и ад̇д̇анияз вияа сааминид̣̇д̣̇зсаабад̇д̇ийд̇и жз? на, ‘‘мама ад̇д̇аа’’д̇и г̇ахид̇ад̇д̇аа. ‘‘мама ад̇д̇аа’’д̇и хи г̇ахид̇ам̣ руубам̣ васавад̇д̇ид̇ааяа ‘‘звам̣ мз ход̇уу’’д̇и ижчияамаанан̃жа д̇ат̇зва бхавзяяа, ижчад̇оби хи д̇асса руубасан̇каад̇о ад̇д̇аа авасавад̇д̇и жаад̇и. ааб̣аад̇хааяаад̇и звам̣ д̣̇угкзна. бан̃н̃аабананд̇и барзсам̣ н̃аабанам̣. анад̇д̇алагкан̣абан̃н̃аабанасса ан̃н̃зсам̣ ависаяад̇д̇аа анад̇д̇алагкан̣ад̣̇ийбагаанам̣ анижжад̣̇угкалагкан̣аанан̃жа бан̃н̃аабанасса ависаяад̇аа д̣̇ассид̇аа ход̇и.
Kiṃ dassitanti vipassanācāraṃ kathentena kiṃ lakkhaṇaṃ dassitanti adhippāyo. ‘‘Katamā cānanda, anattasaññā? Idhānanda, bhikkhu araññagato vā rukkhamūlagato vā suññāgāragato vā iti paṭisañcikkhati ‘cakkhu anattā’ti…pe… ‘dhammā anattā’ti. Iti imesu chasu ajjhattikabāhiresu āyatanesu anattānupassī viharatī’’ti (a. ni. 10.60) avisesesu āyatanesu anattānupassanā vuttāti kāraṇabhūtānaṃ cakkhādīnaṃ, phalabhūtānañca cakkhuviññāṇādīnaṃ kāraṇaphalamattatāya anattatāya anattalakkhaṇavibhāvanatthāya āyatanadesanāti āha ‘‘dvādasannaṃ…pe… anattalakkhaṇa’’nti. Yadipi aniccadukkhalakkhaṇāni ettha dassitāni, tehi ca anattalakkhaṇameva visesena dassitanti adhippāyo. Veti cāti ettha iti-saddo samāpanattho. Iccassāti ettha iti-saddo yathāsamāpitassa āropetabbadosassa nidassanattho. Evanti ‘‘cakkhu attā’’ti evaṃ vāde satīti attho. Iccassāti vā iti-saddo ‘‘iti vadantassā’’ti paravādissa dosalakkhaṇākāranidassanattho. Evanti dosagamanappakāranidassanattho. Rūpe attani ‘‘evaṃ me rūpaṃ hotū’’ti attaniye viya sāminiddesāpattīti ce? Na, ‘‘mama attā’’ti gahitattā. ‘‘Mama attā’’ti hi gahitaṃ rūpaṃ vasavattitāya ‘‘evaṃ me hotū’’ti icchiyamānañca tatheva bhaveyya, icchatopi hi tassa rūpasaṅkhāto attā avasavatti cāti. Ābādhāyāti evaṃ dukkhena. Paññāpananti paresaṃ ñāpanaṃ. Anattalakkhaṇapaññāpanassa aññesaṃ avisayattā anattalakkhaṇadīpakānaṃ aniccadukkhalakkhaṇānañca paññāpanassa avisayatā dassitā hoti.
звам̣ бана д̣̇уббан̃н̃аабанад̇аа зд̇зсам̣ д̣̇уруубадтаанад̇ааяа ход̇ийд̇и д̇зсам̣ анубадтаханагааран̣ам̣ бужчанд̇о ааха ‘‘имаани банаа’’д̇иаад̣̇и. таанаад̣̇ийсу ниранд̇арам̣ бавад̇д̇амаанасса хздтаа вуд̇д̇асса абхин̣хасамбадибийл̣анасса. д̇хаад̇умад̇д̇ад̇ааяа жагкаад̣̇ийнам̣ самуухад̇о виниб̣бхуж̇ж̇анам̣ наанаад̇хаад̇увиниб̣бхог̇о. гханзнаад̇и жад̇д̇аариби гханаани гханабхаавзна згад̇д̇ам̣ убанзд̇ваа вад̣̇ад̇и. бан̃н̃ааязва санд̇ад̇ивигобанаад̇и д̣̇адтаб̣б̣ам̣. яаат̇аавасарасад̇од̇и авибарийд̇асабхаавад̇о. сабхааво хи расияамаано авирад̣̇д̇хабадивзд̇хзна ассаад̣̇ияамаано ‘‘расо’’д̇и вужжад̇и. анижжаад̣̇ийхи анижжалагкан̣аад̣̇ийнам̣ ан̃н̃ад̇т̇а важанам̣ руббанаад̣̇ивасзна бавад̇д̇аруубаад̣̇иг̇г̇ахан̣ад̇о висидтасса анижжаад̣̇иг̇г̇ахан̣асса саб̣бхааваа. на хи наамаруубабарижчзд̣̇амад̇д̇зна гижжасид̣̇д̇хи ход̇и, анижжаад̣̇аяо жа руубаад̣̇ийнам̣ аагаараа д̣̇адтаб̣б̣аа. д̇з банаагаараа барамад̇т̇ад̇о авиж̇ж̇амаанаа руубаад̣̇ийнам̣ аагаарамад̇д̇ааязваад̇и гад̇ваа адтасаалинияам̣ (д̇ха. са. адта. 350) лагкан̣аарамман̣игавибассанааяа канд̇хаарамман̣ад̇аа вуд̇д̇аад̇и ад̇хиббааяамад̇д̇з таад̇ум̣ яуд̇д̇ам̣, наад̇ид̇хаавид̇ум̣. ‘‘анижжа’’нд̇и жа г̇ан̣ханд̇о ‘‘д̣̇угкам̣ анад̇д̇аа’’д̇и на г̇ан̣хаад̇и, д̇ат̇аа д̣̇угкаад̣̇иг̇г̇ахан̣з ид̇арассааг̇ахан̣ам̣. анижжаад̣̇иг̇г̇ахан̣аани жа нижжасан̃н̃аад̣̇инивад̇д̇анагаани сад̣̇д̇хаасамаад̇хибан̃н̃инд̣̇рияаад̇хигаани д̇ивид̇хавимогкамукабхууд̇аани. д̇асмаа зд̇зсам̣ аагаараанам̣ бариг̇г̇аяхамаанаанам̣ ан̃н̃аман̃н̃ам̣ висзсо жа ад̇т̇ийд̇и д̇ийн̣и лагкан̣аани вуд̇д̇аани.
Evaṃ pana duppaññāpanatā etesaṃ durūpaṭṭhānatāya hotīti tesaṃ anupaṭṭhahanakāraṇaṃ pucchanto āha ‘‘imāni panā’’tiādi. Ṭhānādīsu nirantaraṃ pavattamānassa heṭṭhā vuttassa abhiṇhasampaṭipīḷanassa. Dhātumattatāya cakkhādīnaṃ samūhato vinibbhujjanaṃ nānādhātuvinibbhogo. Ghanenāti cattāripi ghanāni ghanabhāvena ekattaṃ upanetvā vadati. Paññāyeva santativikopanāti daṭṭhabbaṃ. Yāthāvasarasatoti aviparītasabhāvato. Sabhāvo hi rasiyamāno aviraddhapaṭivedhena assādiyamāno ‘‘raso’’ti vuccati. Aniccādīhi aniccalakkhaṇādīnaṃ aññattha vacanaṃ ruppanādivasena pavattarūpādiggahaṇato visiṭṭhassa aniccādiggahaṇassa sabbhāvā. Na hi nāmarūpaparicchedamattena kiccasiddhi hoti, aniccādayo ca rūpādīnaṃ ākārā daṭṭhabbā. Te panākārā paramatthato avijjamānā rūpādīnaṃ ākāramattāyevāti katvā aṭṭhasāliniyaṃ (dha. sa. aṭṭha. 350) lakkhaṇārammaṇikavipassanāya khandhārammaṇatā vuttāti adhippāyamatte ṭhātuṃ yuttaṃ, nātidhāvituṃ. ‘‘Anicca’’nti ca gaṇhanto ‘‘dukkhaṃ anattā’’ti na gaṇhāti, tathā dukkhādiggahaṇe itarassāgahaṇaṃ. Aniccādiggahaṇāni ca niccasaññādinivattanakāni saddhāsamādhipaññindriyādhikāni tividhavimokkhamukhabhūtāni. Tasmā etesaṃ ākārānaṃ pariggayhamānānaṃ aññamaññaṃ viseso ca atthīti tīṇi lakkhaṇāni vuttāni.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
167. наамаруубабарижчзд̣̇агат̇аа абхид̇хаммагат̇аад̇и суд̇д̇анд̇з вияа бажжаяаяуг̇ал̣авасзна агат̇зд̇ваа аж̇жхад̇д̇игаб̣аахиравасзна абхин̃н̃зяяаани ааяад̇анаани аб̣б̣огаарад̇о абхид̇хаммабхааж̇анийяз гат̇ид̇аани. ааг̇аммаад̇и саб̣б̣асан̇каарзхи ниб̣б̣инд̣̇асса висан̇каараниннасса г̇од̇рабхунаа виваддид̇амаанасасса маг̇г̇зна сажчигаран̣знаад̇и ад̇т̇о. сажчигирияамаанан̃хи д̇ам̣ ад̇хиг̇анд̇ваа аарамман̣абажжаяабхууд̇ан̃жа бадижжа ад̇хибад̇ибажжаяабхууд̇з жа д̇амхи барамассаасабхаавзна винимуд̇д̇асан̇каарасса жа г̇ад̇ибхаавзна бад̇идтаанабхууд̇з бад̇идтааяа каяасан̇каад̇о маг̇г̇о рааг̇аад̣̇аяо кзбзд̇ийд̇и д̇ам̣сажчигаран̣аабхаавз рааг̇аад̣̇ийнам̣ ануббад̇д̇инирод̇хаг̇аманаабхааваа ‘‘д̇ам̣ ааг̇амма рааг̇аад̣̇аяо кийяанд̇ий’’д̇и вуд̇д̇ам̣. суд̇д̇ад̇о мун̃жид̇ваад̇и суд̇д̇абад̣̇аани мун̃жид̇ваа. ан̃н̃о суд̇д̇асса ад̇т̇о ‘‘маад̇арам̣ бид̇арам̣ ханд̇ваа’’д̇иаад̣̇ийсу (д̇ха. ба. 294-295) вияа аахарид̇аб̣б̣о, над̇т̇и суд̇д̇абад̣̇зхзва нийд̇о ад̇т̇од̇и ад̇т̇о.
167. Nāmarūpaparicchedakathā abhidhammakathāti suttante viya paccayayugaḷavasena akathetvā ajjhattikabāhiravasena abhiññeyyāni āyatanāni abbokārato abhidhammabhājanīye kathitāni. Āgammāti sabbasaṅkhārehi nibbindassa visaṅkhāraninnassa gotrabhunā vivaṭṭitamānasassa maggena sacchikaraṇenāti attho. Sacchikiriyamānañhi taṃ adhigantvā ārammaṇapaccayabhūtañca paṭicca adhipatipaccayabhūte ca tamhi paramassāsabhāvena vinimuttasaṅkhārassa ca gatibhāvena patiṭṭhānabhūte patiṭṭhāya khayasaṅkhāto maggo rāgādayo khepetīti taṃsacchikaraṇābhāve rāgādīnaṃ anuppattinirodhagamanābhāvā ‘‘taṃ āgamma rāgādayo khīyantī’’ti vuttaṃ. Suttato muñcitvāti suttapadāni muñcitvā. Añño suttassa attho ‘‘mātaraṃ pitaraṃ hantvā’’tiādīsu (dha. pa. 294-295) viya āharitabbo, natthi suttapadeheva nīto atthoti attho.
згам̣ наананд̇и жун̣н̣ид̇ам̣ куд̣̇д̣̇агам̣ ваа гаран̣ам̣, жун̣н̣ийгаран̣анд̇и аб̣ахумаанзна вад̣̇ад̇и. на д̇вам̣ згам̣ наанам̣ ж̇аанаасийд̇и гим̣ зд̇д̇агам̣ д̇вамзва на ж̇аанаасийд̇и ад̇т̇о. нану н̃аад̇зд̇и ‘‘яад̣̇иби буб̣б̣з на н̃аад̇ам̣, ад̇хунааби н̃аад̇з нану саад̇ху ход̇ий’’д̇и ад̇д̇ано ж̇аананам̣ бадижчаад̣̇зд̇ваа вигкзбам̣ гаронд̇ам̣ ниб̣анд̇хад̇и. вибхаж̇ид̇ваад̇и агкарад̇т̇амад̇д̇з адтад̇ваа лийнам̣ ад̇т̇ам̣ вибхаж̇ид̇ваа уд̣̇д̇харид̇ваа нийхарид̇ваа гат̇ид̇анд̇и ад̇т̇о. рааг̇аад̣̇ийнам̣ каяо наама абхаавамад̇д̇о, на жа абхаавасса б̣ахубхааво ад̇т̇и ад̇д̇ано абхаавад̇д̇аад̇и вад̣̇анд̇асса важанабажчинд̣̇анад̇т̇ам̣ бужчад̇и ‘‘рааг̇агкаяо наама рааг̇ассзва каяо’’д̇иаад̣̇и. яад̣̇и хи рааг̇агкаяо д̣̇осаад̣̇ийнам̣ каяо на ход̇и, д̣̇осагкаяаад̣̇аяо жа рааг̇аад̣̇ийнам̣ каяаа, ан̃н̃аман̃н̃ависидтаа бхиннаа аабаннаа хонд̇ийд̇и б̣ахуниб̣б̣аанад̇аа аабаннаа зва ход̇и, ан̃н̃аман̃н̃ависзсо жа наама ниссабхаавасса над̇т̇ийд̇и сасабхаавад̇аа жа ниб̣б̣аанасса. нава д̇ан̣хаамуулагаа ‘‘д̇ан̣хам̣ бадижжа бариязсанаа’’д̇и (д̣̇ий. ни. 2.103; 3.359; а. ни. 9.23; вибха. 963) аад̣̇аяо, д̇зсу бариязсанаад̣̇аяо жа бариязсанаад̣̇игарагилзсаа д̣̇адтаб̣б̣аа. д̣̇ияад̣дхагилзсасахассам̣ нид̣̇аанагат̇ааяам̣ вуд̇д̇ам̣.
Ekaṃ nānanti cuṇṇitaṃ khuddakaṃ vā karaṇaṃ, cuṇṇīkaraṇanti abahumānena vadati. Na tvaṃ ekaṃ nānaṃ jānāsīti kiṃ ettakaṃ tvameva na jānāsīti attho. Nanu ñāteti ‘‘yadipi pubbe na ñātaṃ, adhunāpi ñāte nanu sādhu hotī’’ti attano jānanaṃ paṭicchādetvā vikkhepaṃ karontaṃ nibandhati. Vibhajitvāti akkharatthamatte aṭṭhatvā līnaṃ atthaṃ vibhajitvā uddharitvā nīharitvā kathitanti attho. Rāgādīnaṃ khayo nāma abhāvamatto, na ca abhāvassa bahubhāvo atthi attano abhāvattāti vadantassa vacanapacchindanatthaṃ pucchati ‘‘rāgakkhayo nāma rāgasseva khayo’’tiādi. Yadi hi rāgakkhayo dosādīnaṃ khayo na hoti, dosakkhayādayo ca rāgādīnaṃ khayā, aññamaññavisiṭṭhā bhinnā āpannā hontīti bahunibbānatā āpannā eva hoti, aññamaññaviseso ca nāma nissabhāvassa natthīti sasabhāvatā ca nibbānassa. Nava taṇhāmūlakā ‘‘taṇhaṃ paṭicca pariyesanā’’ti (dī. ni. 2.103; 3.359; a. ni. 9.23; vibha. 963) ādayo, tesu pariyesanādayo ca pariyesanādikarakilesā daṭṭhabbā. Diyaḍḍhakilesasahassaṃ nidānakathāyaṃ vuttaṃ.
ол̣ааригад̇ааяа гаарзд̇аб̣б̣од̇и ад̇исукумасса ниб̣б̣аанасса ол̣ааригабхаавад̣̇осаабад̇д̇ияаа б̣од̇хзд̇аб̣б̣о, ниг̇г̇ахзд̇аб̣б̣о ваа. вад̇т̇унд̇и убаад̣̇иннагаподтаб̣б̣ам̣ мзт̇унам̣. ажчаад̣̇ийнамби ниб̣б̣аанаббад̇д̇и гасмаа вуд̇д̇аа, нану ‘‘гилзсаанам̣ ажжанд̇ам̣ ануббад̇д̇инирод̇хо ниб̣б̣аана’’нд̇и ижчанд̇асса гилзсаанам̣ винаасо ган̃жи гаалам̣ аббавад̇д̇и ниб̣б̣аанам̣ на ход̇ийд̇и? на, абхаавасааман̃н̃ад̇о. ажжанд̇аабавад̇д̇и хи ган̃жи гаалан̃жа аббавад̇д̇и абхаавоязваад̇и над̇т̇и висзсо. сависзсам̣ ваа вад̣̇анд̇асса абхаавад̇аа аабаж̇ж̇ад̇ийд̇и. д̇иражчаанаг̇ад̇зхиби баабун̣ид̇аб̣б̣ад̇д̇аа д̇зсамби баагадам̣ бил̣анд̇ханам̣ вияа ол̣ааригам̣ т̇уулам̣. гзвалам̣ бана ган̣н̣з бил̣анд̇хид̇ум̣ на саггод̇и, бил̣анд̇ханад̇оби ваа т̇уулад̇д̇аа на саггаад̇и уббан̣д̣знд̇о вияа ниг̇г̇ан̣хаад̇и.
Oḷārikatāya kāretabboti atisukhumassa nibbānassa oḷārikabhāvadosāpattiyā bodhetabbo, niggahetabbo vā. Vatthunti upādinnakaphoṭṭhabbaṃ methunaṃ. Acchādīnampi nibbānappatti kasmā vuttā, nanu ‘‘kilesānaṃ accantaṃ anuppattinirodho nibbāna’’nti icchantassa kilesānaṃ vināso kañci kālaṃ appavatti nibbānaṃ na hotīti? Na, abhāvasāmaññato. Accantāpavatti hi kañci kālañca appavatti abhāvoyevāti natthi viseso. Savisesaṃ vā vadantassa abhāvatā āpajjatīti. Tiracchānagatehipi pāpuṇitabbattā tesampi pākaṭaṃ piḷandhanaṃ viya oḷārikaṃ thūlaṃ. Kevalaṃ pana kaṇṇe piḷandhituṃ na sakkoti, piḷandhanatopi vā thūlattā na sakkāti uppaṇḍento viya niggaṇhāti.
ниб̣б̣аанаарамман̣агаран̣зна г̇од̇рабхугкан̣з гилзсагкаяаббад̇д̇и банасса аабаннаад̇и ман̃н̃амаано ааха ‘‘д̇вам̣ акийн̣зсуязваа’’д̇иаад̣̇и. нану аарамман̣агаран̣амад̇д̇зна гилзсагкаяо ануббад̇д̇од̇и на саггаа вад̇д̇ум̣. жид̇д̇ан̃хи ад̇ийд̇аанааг̇ад̇аад̣̇исаб̣б̣ам̣ ааламб̣зд̇и, на нибпаннамзваад̇и г̇од̇рабхуби маг̇г̇зна гилзсаанам̣ яаа ануббад̇д̇ид̇хаммад̇аа гаад̇аб̣б̣аа, д̇ам̣ аараб̣бха бавад̇д̇иссад̇ийд̇и? на, аббад̇д̇аниб̣б̣аанасса ниб̣б̣аанаарамман̣ан̃аан̣аабхаавад̇о. на хи ан̃н̃ад̇хаммаа вияа ниб̣б̣аанам̣, д̇ам̣ бана ад̇иг̇амбхийрад̇д̇аа аббад̇д̇зна ааламб̣ид̇ум̣ на саггаа. д̇асмаа д̇зна г̇од̇рабхунаа бад̇д̇аб̣б̣зна д̇игаалигасабхааваад̇игганд̇аг̇амбхийрабхаавзна бхавид̇аб̣б̣ам̣, гилзсагкаяамад̇д̇ад̇ам̣ ваа ижчад̇о г̇од̇рабхуд̇о бурзд̇арам̣ нибпаннзна гилзсагкаязна. д̇знааха ‘‘д̇вам̣ акийн̣зсуязва гилзсзсу гилзсагкаяам̣ ниб̣б̣аанам̣ бан̃н̃абзсий’’д̇и. аббад̇д̇агилзсагкаяаарамман̣агаран̣з хи сад̇и г̇од̇рабхуд̇о бурзд̇аражид̇д̇ааниби ааламб̣зяяунд̇и.
Nibbānārammaṇakaraṇena gotrabhukkhaṇe kilesakkhayappatti panassa āpannāti maññamāno āha ‘‘tvaṃ akhīṇesuyevā’’tiādi. Nanu ārammaṇakaraṇamattena kilesakkhayo anuppattoti na sakkā vattuṃ. Cittañhi atītānāgatādisabbaṃ ālambeti, na nipphannamevāti gotrabhupi maggena kilesānaṃ yā anuppattidhammatā kātabbā, taṃ ārabbha pavattissatīti? Na, appattanibbānassa nibbānārammaṇañāṇābhāvato. Na hi aññadhammā viya nibbānaṃ, taṃ pana atigambhīrattā appattena ālambituṃ na sakkā. Tasmā tena gotrabhunā pattabbena tikālikasabhāvātikkantagambhīrabhāvena bhavitabbaṃ, kilesakkhayamattataṃ vā icchato gotrabhuto puretaraṃ nipphannena kilesakkhayena. Tenāha ‘‘tvaṃ akhīṇesuyeva kilesesu kilesakkhayaṃ nibbānaṃ paññapesī’’ti. Appattakilesakkhayārammaṇakaraṇe hi sati gotrabhuto puretaracittānipi ālambeyyunti.
маг̇г̇асса гилзсагкаяам̣ ниб̣б̣аананд̇и маг̇г̇асса аарамман̣абхууд̇ам̣ ниб̣б̣аанам̣ гад̇аманд̇и ад̇т̇о. маг̇г̇од̇иаад̣̇инаа буримабужчаад̣̇ваяамзва виварад̇и.
Maggassa kilesakkhayaṃ nibbānanti maggassa ārammaṇabhūtaṃ nibbānaṃ katamanti attho. Maggotiādinā purimapucchādvayameva vivarati.
на жа гин̃жийд̇и руубаад̣̇ийсу ниб̣б̣аанам̣ гин̃жи на ход̇и, на жа гад̣̇аажи ход̇и, ад̇ийд̇аад̣̇ибхаавзна на вад̇д̇аб̣б̣анд̇и вад̣̇анд̇и, д̇ам̣ ааг̇амма авиж̇ж̇аад̇ан̣хаанам̣ гин̃жи згад̣̇зсамад̇д̇амби на ход̇и, д̇ад̣̇зва д̇ам̣ ааг̇амма гад̣̇аажи на жа ход̇ийд̇и ад̇т̇о яуд̇д̇о.
Na ca kiñcīti rūpādīsu nibbānaṃ kiñci na hoti, na ca kadāci hoti, atītādibhāvena na vattabbanti vadanti, taṃ āgamma avijjātaṇhānaṃ kiñci ekadesamattampi na hoti, tadeva taṃ āgamma kadāci na ca hotīti attho yutto.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
3. бан̃хабужчагаван̣н̣анаа
3. Pañhapucchakavaṇṇanā
168. на…бз… навад̇д̇аб̣б̣ад̇хаммаарамман̣ад̇д̇аад̇и яат̇аа саарамман̣аа барид̇д̇аад̣̇ибхаавзна навад̇д̇аб̣б̣ам̣ гин̃жи аарамман̣ам̣ гаронд̇и, звам̣ гин̃жи ааламб̣анад̇о на навад̇д̇аб̣б̣агодтаасам̣ бхаж̇ад̇ийд̇и ад̇т̇о.
168. Na…pe… navattabbadhammārammaṇattāti yathā sārammaṇā parittādibhāvena navattabbaṃ kiñci ārammaṇaṃ karonti, evaṃ kiñci ālambanato na navattabbakoṭṭhāsaṃ bhajatīti attho.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
ааяад̇анавибхан̇г̇аван̣н̣анаа нидтид̇аа.
Āyatanavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi
1. канд̇хавибхан̇г̇о • 1. Khandhavibhaṅgo
2. ааяад̇анавибхан̇г̇о • 2. Āyatanavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
3. бан̃хаабужчагаван̣н̣анаа • 3. Pañhāpucchakavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 2. ааяад̇анавибхан̇г̇о • 2. Āyatanavibhaṅgo
