| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
2. ааяад̇анавибхан̇г̇о
2. Āyatanavibhaṅgo
1. суд̇д̇анд̇абхааж̇анийяаван̣н̣анаа
1. Suttantabhājanīyavaṇṇanā
154. асаад̇хааран̣ад̇од̇и аавзн̣игад̇о. д̇ам̣ нзсам̣ асаад̇хааран̣абхаавам̣ вибагкавасзна бад̇идтаабзд̇ум̣ саад̇хааран̣ам̣ уд̣̇аахаран̣авасзна д̣̇ассзд̇и ‘‘ааяад̇анасад̣̇д̣̇ад̇т̇о вияаа’’д̇и. ат̇а ваа жагкаад̣̇иад̇т̇о зва жагкаад̣̇исад̣̇д̣̇ависзсид̇о ааяад̇анад̇т̇од̇и д̇ам̣ д̇аад̣̇исам̣ ааяад̇анад̇т̇ам̣ санд̇хааяааха ‘‘ааяад̇анасад̣̇д̣̇ад̇т̇о вияа асаад̇хааран̣ад̇о’’д̇и.
154. Asādhāraṇatoti āveṇikato. Taṃ nesaṃ asādhāraṇabhāvaṃ vipakkhavasena patiṭṭhāpetuṃ sādhāraṇaṃ udāharaṇavasena dasseti ‘‘āyatanasaddattho viyā’’ti. Atha vā cakkhādiattho eva cakkhādisaddavisesito āyatanatthoti taṃ tādisaṃ āyatanatthaṃ sandhāyāha ‘‘āyatanasaddattho viya asādhāraṇato’’ti.
яад̣̇и висаяассаад̣̇анад̇т̇о жагку-сад̣̇д̣̇о, сод̇аад̣̇ийнамби аяам̣ саман̃н̃аа сияаад̇и ад̇иббасан̇г̇ам̣ барихаранд̇о ‘‘сад̇ибий’’д̇иаад̣̇имааха. д̣̇уд̇ияз ад̇т̇авигаббз жагкад̇ийд̇и вин̃н̃аан̣аад̇хидтид̇ам̣ самависамам̣ аажигкад̇и, аажигканд̇ам̣ вияа, вибхаавзнд̇ам̣ вияа ваа ход̇ийд̇и ад̇т̇о. руубамива жагкувин̃н̃зяяам̣ вияа савиг̇г̇ахамива саб̣имб̣агам̣ вияа ван̣н̣аваажаго рууба-сад̣̇д̣̇о ад̇хиббзд̇од̇и ааха ‘‘вид̇т̇ааран̣ам̣ ваа руубасад̣̇д̣̇асса ад̇т̇о’’д̇и.
Yadi visayassādanattho cakkhu-saddo, sotādīnampi ayaṃ samaññā siyāti atippasaṅgaṃ pariharanto ‘‘satipī’’tiādimāha. Dutiye atthavikappe cakkhatīti viññāṇādhiṭṭhitaṃ samavisamaṃ ācikkhati, ācikkhantaṃ viya, vibhāventaṃ viya vā hotīti attho. Rūpamiva cakkhuviññeyyaṃ viya saviggahamiva sabimbakaṃ viya vaṇṇavācako rūpa-saddo adhippetoti āha ‘‘vitthāraṇaṃ vā rūpasaddassa attho’’ti.
важанамзваад̇и савин̃н̃ад̇д̇игасад̣̇д̣̇амзва. г̇амийяад̇ийд̇и убанийяад̇и. аж̇жхохаран̣асса расаг̇г̇ахан̣амуулад̇ааважанзна расасса барамбарааяа ж̇ийвид̇ахзд̇уд̇ам̣ д̣̇ассзд̇и. расанимид̇д̇ан̃хи расаг̇г̇ахан̣ам̣, расаг̇г̇ахан̣анимид̇д̇ам̣ аж̇жхохаран̣ам̣, д̇ам̣нимид̇д̇ам̣ ж̇ийвид̇анд̇и. расаг̇г̇ахан̣амуулад̇аа жа аж̇жхохаран̣асса язбхуяяад̇о взд̣̇ид̇аб̣б̣аа. д̣̇иссад̇и абад̣̇иссад̇и зд̇зна паланд̇и д̣̇зсо, хзд̇ууд̇и ааха ‘‘уббад̇д̇ид̣̇зсод̇и уббад̇д̇игааран̣а’’нд̇и. д̇ат̇аад̇и жагкааяад̇анаад̣̇иббагаарзна. маног̇ожарабхууд̇аад̇и манасо зва г̇ожарабхууд̇аа. сааман̃н̃алагкан̣знзваад̇и анубхаванаад̣̇ивисзсалагкан̣ам̣ аг̇г̇ахзд̇ваа д̇хаммабхаавасан̇каад̇асаад̇хааран̣алагкан̣знзва . згааяад̇анад̇д̇ам̣ убанзд̇ваа вуд̇д̇аа д̣̇ваад̣̇аса згасабхаавад̇д̇аа бхинд̣̇ид̇ваа важанз баяож̇анаабхааваа. д̣̇ваарааламб̣анавибхааг̇ад̣̇ассанад̇т̇аа хи ааяад̇анад̣̇зсанаад̇и.
Vacanamevāti saviññattikasaddameva. Gamīyatīti upanīyati. Ajjhoharaṇassa rasaggahaṇamūlatāvacanena rasassa paramparāya jīvitahetutaṃ dasseti. Rasanimittañhi rasaggahaṇaṃ, rasaggahaṇanimittaṃ ajjhoharaṇaṃ, taṃnimittaṃ jīvitanti. Rasaggahaṇamūlatā ca ajjhoharaṇassa yebhuyyato veditabbā. Dissati apadissati etena phalanti deso, hetūti āha ‘‘uppattidesoti uppattikāraṇa’’nti. Tathāti cakkhāyatanādippakārena. Manogocarabhūtāti manaso eva gocarabhūtā. Sāmaññalakkhaṇenevāti anubhavanādivisesalakkhaṇaṃ aggahetvā dhammabhāvasaṅkhātasādhāraṇalakkhaṇeneva . Ekāyatanattaṃ upanetvā vuttā dvādasa ekasabhāvattā bhinditvā vacane payojanābhāvā. Dvārālambanavibhāgadassanatthā hi āyatanadesanāti.
буб̣б̣анд̇ад̇од̇и буримабхааг̇ад̇о баагабхаавад̇о. баагабхааво хи сабхаавад̇хаммаанам̣ буб̣б̣анд̇о, вид̣̇д̇хам̣саабхааво абаранд̇о.
Pubbantatoti purimabhāgato pākabhāvato. Pākabhāvo hi sabhāvadhammānaṃ pubbanto, viddhaṃsābhāvo aparanto.
ниваасадтаанаад̣̇ийсу ааяад̇ана-сад̣̇д̣̇о на ааяад̇анад̇т̇аад̣̇ийсу вияа бад̣̇ад̇т̇авиваран̣амукзна бавад̇д̇о, ат̇а ко д̇асмим̣ д̇асмим̣ д̣̇звагхараад̣̇игз нирул̣хад̇ааяа звамад̇т̇од̇и ааха ‘‘рул̣хивасзна ааяад̇анасад̣̇д̣̇ассад̇т̇ам̣ вад̇д̇у’’нд̇и. манод̇и д̣̇ваарабхууд̇амано . ниссаяабхаавод̇и зд̇т̇а ниссаяасад̣̇исо ниссаяо, сад̣̇исад̇аа жа паласса д̇аббадиб̣ад̣̇д̇хавуд̇д̇ид̇ааяа д̣̇адтаб̣б̣аа. важанийяад̇т̇о бхаавад̇т̇о.
Nivāsaṭṭhānādīsu āyatana-saddo na āyatanatthādīsu viya padatthavivaraṇamukhena pavatto, atha kho tasmiṃ tasmiṃ devagharādike niruḷhatāya evamatthoti āha ‘‘ruḷhivasena āyatanasaddassatthaṃ vattu’’nti. Manoti dvārabhūtamano . Nissayabhāvoti ettha nissayasadiso nissayo, sadisatā ca phalassa tappaṭibaddhavuttitāya daṭṭhabbā. Vacanīyattho bhāvattho.
д̇аавад̇вад̇од̇и д̇ад̇д̇агад̇о. уунажод̣̇анаад̇и д̣̇ваад̣̇асад̇о уунаани гасмаа на вуд̇д̇аанийд̇и жод̣̇анаа. яад̣̇и жагкувин̃н̃аан̣аад̣̇ийнам̣ асаад̇хааран̣ам̣ д̇хаммаж̇аад̇ам̣ д̇хаммааяад̇анам̣, звам̣ санд̇з жагкаад̣̇ийнамби д̇хаммааяад̇анабхааво сияаад̇и жод̣̇анам̣ санд̇хааяааха ‘‘сад̇ибий’’д̇иаад̣̇и. д̣̇ваараарамман̣абхаавзхийд̇и на аарамман̣абхаавзнзва асаад̇хааран̣ам̣, ат̇а ко д̣̇ваараарамман̣абхаавзхи асаад̇хааран̣ам̣ самбхавад̇ийд̇и важанасзсо.
Tāvatvatoti tattakato. Ūnacodanāti dvādasato ūnāni kasmā na vuttānīti codanā. Yadi cakkhuviññāṇādīnaṃ asādhāraṇaṃ dhammajātaṃ dhammāyatanaṃ, evaṃ sante cakkhādīnampi dhammāyatanabhāvo siyāti codanaṃ sandhāyāha ‘‘satipī’’tiādi. Dvārārammaṇabhāvehīti na ārammaṇabhāveneva asādhāraṇaṃ, atha kho dvārārammaṇabhāvehi asādhāraṇaṃ sambhavatīti vacanaseso.
язбхуяяасахуббад̇д̇иаад̣̇ийхийд̇и язбхуяязна жагкааяад̇анаад̣̇ийни гассажи гад̣̇аажи згад̇о уббаж̇ж̇анд̇и. ‘‘гаамад̇хаад̇уяаа убабад̇д̇игкан̣з гассажи згаад̣̇асааяад̇анаани уббаж̇ж̇анд̇ий’’д̇и хи вуд̇д̇ам̣. д̇асмаа ааяад̇анаанам̣ уббад̇д̇иггамо д̇аава на яуж̇ж̇ад̇и, на бахаанаггамо гусалааб̣яаагад̇аанам̣ аббахаад̇аб̣б̣ад̇о, на бадибад̇д̇иггамо агусалаанам̣, згажжааб̣яаагад̇аанан̃жа аббадибаж̇ж̇анийяад̇о, на бхуумиггамо ад̣дхзгаад̣̇асаннам̣ ааяад̇анаанам̣ зганд̇агаамааважарад̇д̇аа, ид̇арзсам̣ жад̇убхуумибарияаабаннад̇д̇аа, згажжасса логуд̇д̇арабхаавад̇о жа. звам̣ уббад̇д̇иггамаад̣̇иаяуд̇д̇ияож̇анаа взд̣̇ид̇аб̣б̣аа. язсу виж̇ж̇амаанзсу ад̇д̇абхаавасса бан̃н̃аабанаа, д̇з ‘‘маяхам̣ жагку’’нд̇иаад̣̇инаа ад̇хигасинзхавад̇т̇убхууд̇аа жагкаад̣̇аяо яат̇аа аж̇жхад̇д̇игад̇ааяа, звам̣ д̣̇ассанаад̣̇игижжагараинд̣̇рияад̇аа жа бад̇хаанаад̇и ааха ‘‘аж̇жхад̇д̇игабхаавзна, висаяибхаавзна жаа’’д̇и. гхаанаад̣̇иггамзнаад̇и гхаанам̣ ж̇ивхаа гааяод̇и иминаа гамзна.
Yebhuyyasahuppattiādīhīti yebhuyyena cakkhāyatanādīni kassaci kadāci ekato uppajjanti. ‘‘Kāmadhātuyā upapattikkhaṇe kassaci ekādasāyatanāni uppajjantī’’ti hi vuttaṃ. Tasmā āyatanānaṃ uppattikkamo tāva na yujjati, na pahānakkamo kusalābyākatānaṃ appahātabbato, na paṭipattikkamo akusalānaṃ, ekaccaabyākatānañca appaṭipajjanīyato, na bhūmikkamo aḍḍhekādasannaṃ āyatanānaṃ ekantakāmāvacarattā, itaresaṃ catubhūmipariyāpannattā, ekaccassa lokuttarabhāvato ca. Evaṃ uppattikkamādiayuttiyojanā veditabbā. Yesu vijjamānesu attabhāvassa paññāpanā, te ‘‘mayhaṃ cakkhu’’ntiādinā adhikasinehavatthubhūtā cakkhādayo yathā ajjhattikatāya, evaṃ dassanādikiccakaraindriyatā ca padhānāti āha ‘‘ajjhattikabhāvena, visayibhāvena cā’’ti. Ghānādikkamenāti ghānaṃ jivhā kāyoti iminā kamena.
бажжуббаннаарамман̣ад̇д̇аа ваа жагкаад̣̇ийни батамам̣ вуд̇д̇аани, мано бана гин̃жи бажжуббаннаарамман̣ам̣ , гин̃жи яааванавад̇д̇аб̣б̣аарамман̣анд̇и бажчаа вуд̇д̇ам̣. бажжуббаннаарамман̣зсуби убаад̣̇ааруубаарамман̣аани жад̇д̇аари батамам̣ вуд̇д̇аани, д̇ад̇о бхууд̇аруубаарамман̣ам̣. убаад̣̇ааруубаарамман̣зсуби д̣̇уурад̇арз д̣̇уурз, сийгхад̇арам̣ сийгхан̃жа аарамман̣асамбадижчанад̣̇ийбанад̇т̇ам̣ жагкаад̣̇ийнам̣ д̣̇зсанааггамо. жагкусод̇ад̣̇ваяан̃хи д̣̇уураг̇ожаранд̇и батамам̣ вуд̇д̇ам̣. д̇ад̇рааби жагку д̣̇уурад̇араг̇ожаранд̇и саб̣б̣абатамам̣ вуд̇д̇ам̣. бассанд̇оби хи д̣̇уурад̇арз над̣̇исод̇ам̣ на д̇асса сад̣̇д̣̇ам̣ сун̣аад̇и. гхаанаж̇ивхаасуби гхаанам̣ сийгхад̇аравуд̇д̇ийд̇и батамам̣ вуд̇д̇ам̣. бурад̇о табид̇амад̇д̇асса хи бхож̇анасса г̇анд̇хо г̇аяхад̇ийд̇и. яат̇аатаанам̣ ваа д̇зсам̣ д̣̇зсанааггамо. имасмин̃хи сарийрз саб̣б̣убари жагкусса ад̇хидтаанам̣, д̇асса ад̇хо сод̇асса, д̇асса ад̇хо гхаанасса, д̇асса ад̇хо ж̇ивхааяа, д̇ат̇аа гааяасса язбхуяязна, мано бана аруубийбхаавад̇о саб̣б̣абажчаа вуд̇д̇о. д̇ам̣д̇ам̣г̇ожарад̇д̇аа д̇асса д̇ассаананд̇арам̣ б̣аахирааяад̇анаани вуд̇д̇аанийд̇и вуд̇д̇овааяамад̇т̇од̇и звамби имзсам̣ гамо взд̣̇ид̇аб̣б̣о.
Paccuppannārammaṇattā vā cakkhādīni paṭhamaṃ vuttāni, mano pana kiñci paccuppannārammaṇaṃ , kiñci yāvanavattabbārammaṇanti pacchā vuttaṃ. Paccuppannārammaṇesupi upādārūpārammaṇāni cattāri paṭhamaṃ vuttāni, tato bhūtarūpārammaṇaṃ. Upādārūpārammaṇesupi dūratare dūre, sīghataraṃ sīghañca ārammaṇasampaṭicchanadīpanatthaṃ cakkhādīnaṃ desanākkamo. Cakkhusotadvayañhi dūragocaranti paṭhamaṃ vuttaṃ. Tatrāpi cakkhu dūrataragocaranti sabbapaṭhamaṃ vuttaṃ. Passantopi hi dūratare nadisotaṃ na tassa saddaṃ suṇāti. Ghānajivhāsupi ghānaṃ sīghataravuttīti paṭhamaṃ vuttaṃ. Purato ṭhapitamattassa hi bhojanassa gandho gayhatīti. Yathāṭhānaṃ vā tesaṃ desanākkamo. Imasmiñhi sarīre sabbupari cakkhussa adhiṭṭhānaṃ, tassa adho sotassa, tassa adho ghānassa, tassa adho jivhāya, tathā kāyassa yebhuyyena, mano pana arūpībhāvato sabbapacchā vutto. Taṃtaṃgocarattā tassa tassānantaraṃ bāhirāyatanāni vuttānīti vuttovāyamatthoti evampi imesaṃ kamo veditabbo.
д̇ад̇од̇и хад̣̇аяавад̇т̇убхзд̣̇ад̇о. яан̃хи хад̣̇аяавад̇т̇ум̣ ниссааяа згам̣ мановин̃н̃аан̣ам̣ бавад̇д̇ад̇и, на д̇ад̣̇зва ниссааяа ан̃н̃ам̣ бавад̇д̇ад̇и. нид̣̇д̣̇зсавасзнаад̇и сан̇кзбавид̇т̇ааранид̣̇д̣̇зсавасзна. яож̇зд̇аб̣б̣ам̣ ‘‘гусаласамудтаанам̣ гусаласамудтаанасса сабхааг̇а’’нд̇иаад̣̇инаа.
Tatoti hadayavatthubhedato. Yañhi hadayavatthuṃ nissāya ekaṃ manoviññāṇaṃ pavattati, na tadeva nissāya aññaṃ pavattati. Niddesavasenāti saṅkhepavitthāraniddesavasena. Yojetabbaṃ ‘‘kusalasamuṭṭhānaṃ kusalasamuṭṭhānassa sabhāga’’ntiādinā.
сабхаавод̇и висаяивисаяабхааво, д̇ад̣̇абхиниб̣б̣ад̇д̇ияан̃жа яог̇яад̇аа. гааран̣асамад̇т̇ад̇аад̇и гааран̣абхууд̇аа самад̇т̇ад̇аа бажжаяабхааво. д̣̇ваараад̣̇ибхаавод̇и д̣̇ваараарамман̣з д̣̇вааравуд̇д̇ибхааво. имасмим̣ ад̇т̇зд̇и ананд̇арам̣ вуд̇д̇аад̇т̇з. яасмаад̇и яааяа д̇хаммад̇ааяа язна д̣̇ваараад̣̇ибхаавзна гааран̣абхууд̇зна. самбхаванависзсананд̇и гирияааяа бараамасанамааха. яам̣ самбхаванам̣, д̇хаммад̇аавзсаад̇и ад̇т̇о. рид̇д̇агаанзваад̇и д̇хуваад̣̇ибхааварид̇д̇агаанзва. висамаад̣̇ийсу аж̇жхаасаяо зд̇зсанд̇и висамаад̣̇иаж̇жхаасаяаани, висамаад̣̇иаж̇жхаасаяаани вияа хонд̇ийд̇и висамаад̣̇иаж̇жхаасаяаани, жагкаад̣̇ийни. висамабхаава…бз… ванабхаавзхийд̇и висамабхааваад̣̇исанниссид̇аахиаад̣̇исад̣̇исубаад̣̇иннад̇хаммзхи жагкаад̣̇ийхи, ванасанниссид̇амаггадасад̣̇исзна жид̇д̇зна жа абхирамид̇ад̇д̇аа. ванабхаавод̇и хи ванаж̇жхаасаяод̇и ад̇т̇о.
Sabhāvoti visayivisayabhāvo, tadabhinibbattiyañca yogyatā. Kāraṇasamatthatāti kāraṇabhūtā samatthatā paccayabhāvo. Dvārādibhāvoti dvārārammaṇe dvāravuttibhāvo. Imasmiṃ attheti anantaraṃ vuttaatthe. Yasmāti yāya dhammatāya yena dvārādibhāvena kāraṇabhūtena. Sambhavanavisesananti kiriyāya parāmasanamāha. Yaṃ sambhavanaṃ, dhammatāvesāti attho. Rittakānevāti dhuvādibhāvarittakāneva. Visamādīsu ajjhāsayo etesanti visamādiajjhāsayāni, visamādiajjhāsayāni viya hontīti visamādiajjhāsayāni, cakkhādīni. Visamabhāva…pe… vanabhāvehīti visamabhāvādisannissitaahiādisadisupādinnadhammehi cakkhādīhi, vanasannissitamakkaṭasadisena cittena ca abhiramitattā. Vanabhāvoti hi vanajjhāsayoti attho.
буриманд̇авивид̇д̇ад̇аад̇и буб̣б̣абхааг̇авирахо. уббаад̣̇ад̇о буримагодтаасо хи ид̇ха буриманд̇о. абаранд̇зд̇и абарабхааг̇з, бхан̇г̇ад̇о уд̣̇д̇ханд̇и ад̇т̇о. уд̣̇аяаб̣б̣аяабарижчинно хи сабхаавад̇хаммо. яам̣ санд̇хааяа вуд̇д̇ам̣ ‘‘анид̇хаанаг̇ад̇аа бхаг̇г̇аа, бун̃ж̇о над̇т̇и анааг̇ад̇з’’д̇и (махаани. 10). сад̣̇аа абхаавод̇и на сад̣̇аа абхаавабад̇идтаабанам̣ саб̣б̣агааламби над̇т̇ийд̇и, ат̇а ко уд̣̇аяаб̣б̣аяабарижчиннад̇д̇аа сад̣̇аабхаавабадигкзбод̇и ааха ‘‘анижжалагкан̣а’’нд̇и. сабхаававиж̇ахананд̇и бхан̇г̇аббад̇д̇имааха . вибаривад̇д̇анам̣ уббаад̣̇аж̇араавад̇т̇аахи санд̇аанам̣ винаа на вигаараабад̇д̇ийд̇и ааха ‘‘санд̇аанавигаараабад̇д̇и ваа’’д̇и.
Purimantavivittatāti pubbabhāgaviraho. Uppādato purimakoṭṭhāso hi idha purimanto. Aparanteti aparabhāge, bhaṅgato uddhanti attho. Udayabbayaparicchinno hi sabhāvadhammo. Yaṃ sandhāya vuttaṃ ‘‘anidhānagatā bhaggā, puñjo natthi anāgate’’ti (mahāni. 10). Sadā abhāvoti na sadā abhāvapatiṭṭhāpanaṃ sabbakālampi natthīti, atha kho udayabbayaparicchinnattā sadābhāvapaṭikkhepoti āha ‘‘aniccalakkhaṇa’’nti. Sabhāvavijahananti bhaṅgappattimāha . Viparivattanaṃ uppādajarāvatthāhi santānaṃ vinā na vikārāpattīti āha ‘‘santānavikārāpatti vā’’ti.
ж̇аад̇ид̇хаммад̇аад̣̇ийхийд̇и ж̇аад̇иж̇арааб̣яаад̇химаран̣аад̣̇исабхаавад̇аахи. анидтад̇аад̇и на идтад̇аа, д̣̇угкад̇аад̇и ад̇т̇о. буримам̣ сааман̃н̃алагкан̣анд̇и ‘‘бадибийл̣анадтзнаа’’д̇и буб̣б̣з сааман̃н̃ад̇о вуд̇д̇ам̣ д̣̇угкалагкан̣ам̣. бажжаяавасзна д̣̇угканаагаарзна бавад̇д̇амаанаанам̣ сабхаавад̇хаммаанам̣ д̣̇угканам̣ буг̇г̇алассзва васзна д̣̇угкамад̇аад̇и ааха ‘‘буг̇г̇аласса бийл̣анад̇о д̣̇угкама’’нд̇и. д̣̇угкаважананд̇и ‘‘д̣̇угка’’нд̇и сад̇т̇у важанам̣.
Jātidhammatādīhīti jātijarābyādhimaraṇādisabhāvatāhi. Aniṭṭhatāti na iṭṭhatā, dukkhatāti attho. Purimaṃ sāmaññalakkhaṇanti ‘‘paṭipīḷanaṭṭhenā’’ti pubbe sāmaññato vuttaṃ dukkhalakkhaṇaṃ. Paccayavasena dukkhanākārena pavattamānānaṃ sabhāvadhammānaṃ dukkhanaṃ puggalasseva vasena dukkhamatāti āha ‘‘puggalassa pīḷanato dukkhama’’nti. Dukkhavacananti ‘‘dukkha’’nti satthu vacanaṃ.
‘‘над̇т̇и зд̇асса васавад̇д̇аго’’д̇и иминаа над̇т̇и зд̇асса ад̇д̇аад̇и анад̇д̇аад̇и имамад̇т̇ам̣ д̣̇ассзд̇и, ‘‘нааби ид̣̇ам̣ васавад̇д̇ага’’нд̇и иминаа бана на ад̇д̇аад̇и анад̇д̇аад̇и. ад̇д̇анод̇и нияагаж̇жхад̇д̇ам̣ санд̇хааяа вад̣̇ад̇и. барасминд̇и д̇ад̇о ан̃н̃асмим̣. барасса жа ад̇д̇анийд̇и зд̇т̇ааби зсзва наяо. д̇ам̣ зд̇асса над̇т̇ийд̇и д̇ам̣ яат̇аавуд̇д̇абарабаригаббид̇ам̣ васавад̇д̇агам̣ зд̇асса жагкаад̣̇ино над̇т̇и, зд̇зна жад̇угодигасун̃н̃ад̇ааяа сан̇г̇ахо д̣̇адтаб̣б̣о. ‘‘сун̃н̃ам̣ д̇ам̣ д̇зна васавад̇д̇анаагаарзнаа’’д̇и иминаа убхаяат̇ааби авасавад̇д̇анадтз д̣̇ассид̇аб̣б̣з д̇ад̇т̇а д̇аава згам̣ д̣̇ассзд̇ум̣ ‘‘барассаа’’д̇иаад̣̇им̣ вад̇ваа буна ‘‘ат̇а ваа’’д̇иаад̣̇инаа ид̇арам̣ д̣̇ассзд̇и. саами зва саамиго, на саамиго ассаамигод̇и звам̣ ад̇т̇з г̇аяхамаанз ‘‘ассаамигад̇о’’д̇и бад̣̇асса сун̃н̃ависзсанад̇ааяа баяож̇анам̣ над̇т̇и. гаамагаарияанд̇и яат̇аагаамагаран̣ийяам̣. авасавад̇д̇анад̇т̇ам̣ висзсзд̇ваа д̣̇ассзд̇и самаасад̣̇ваяад̇т̇асан̇г̇ахад̇о.
‘‘Natthi etassa vasavattako’’ti iminā natthi etassa attāti anattāti imamatthaṃ dasseti, ‘‘nāpi idaṃ vasavattaka’’nti iminā pana na attāti anattāti. Attanoti niyakajjhattaṃ sandhāya vadati. Parasminti tato aññasmiṃ. Parassa ca attanīti etthāpi eseva nayo. Taṃ etassa natthīti taṃ yathāvuttaparaparikappitaṃ vasavattakaṃ etassa cakkhādino natthi, etena catukoṭikasuññatāya saṅgaho daṭṭhabbo. ‘‘Suññaṃ taṃ tena vasavattanākārenā’’ti iminā ubhayathāpi avasavattanaṭṭhe dassitabbe tattha tāva ekaṃ dassetuṃ ‘‘parassā’’tiādiṃ vatvā puna ‘‘atha vā’’tiādinā itaraṃ dasseti. Sāmi eva sāmiko, na sāmiko assāmikoti evaṃ atthe gayhamāne ‘‘assāmikato’’ti padassa suññavisesanatāya payojanaṃ natthi. Kāmakāriyanti yathākāmakaraṇīyaṃ. Avasavattanatthaṃ visesetvā dasseti samāsadvayatthasaṅgahato.
сасанд̇аанз д̇хаммаанам̣ висад̣̇исуббад̇д̇и ид̇ха бхаавасан̇ганд̇иг̇аманам̣ наамаад̇и ааха ‘‘санд̇ад̇ияам̣ бхааванд̇аруббад̇д̇иязваа’’д̇и. д̇ат̇аа висад̣̇исуббад̇д̇ияам̣ буримаагааравиг̇амо багад̇ибхаававиж̇ахананд̇и ааха ‘‘санд̇ад̇ияаа яат̇аабавад̇д̇аагааравиж̇ахана’’нд̇и. бхавад̇ийд̇и ваа бхааво, авад̇т̇аависзсо, д̇асса сан̇гаманам̣ бхаавасан̇ганд̇и. сабхаавад̇хаммо хи уббаад̣̇агкан̣ам̣ тид̇игкан̣ан̃жа бад̇ваа бхиж̇ж̇ад̇ийд̇и уббаад̣̇аавад̇т̇ааяа ж̇араавад̇т̇ам̣, д̇ад̇о бхан̇г̇аавад̇т̇ам̣ сан̇гамад̇ийд̇и вужжад̇и. д̇ат̇аа сан̇гамад̇о жа ад̇д̇алаабхагкан̣ад̇о уд̣̇д̇хам̣ ж̇араамаран̣зхи д̇ам̣сабхаавабарижжааг̇о багад̇ибхаававиж̇ахананд̇и кан̣авасзна жзд̇ам̣ яож̇зд̇аб̣б̣ам̣. буб̣б̣аабаравасзнаад̇и жа кан̣аанам̣ буб̣б̣аабаравасзнаад̇и ад̇т̇о самбхавад̇и. згад̇т̇ад̇д̇аад̇и самаанаад̇хигаран̣ад̇д̇аа, на бана висзсанависзсид̇аб̣б̣абхааваанам̣ згад̇д̇аа. ‘‘жагкум̣ анижжа’’нд̇и вуд̇д̇з ‘‘анижжам̣ жагку’’нд̇иби вуд̇д̇амзва ход̇ийд̇и ‘‘яам̣ жагку, д̇ам̣ анижжам̣, яам̣ анижжам̣, д̇ам̣ жагку’’нд̇и аабаннамзваад̇и ааха ‘‘анижжаанам̣ сзсад̇хаммаанамби жагкубхааво аабаж̇ж̇ад̇ий’’д̇и.
Sasantāne dhammānaṃ visadisuppatti idha bhāvasaṅkantigamanaṃ nāmāti āha ‘‘santatiyaṃ bhāvantaruppattiyevā’’ti. Tathā visadisuppattiyaṃ purimākāravigamo pakatibhāvavijahananti āha ‘‘santatiyā yathāpavattākāravijahana’’nti. Bhavatīti vā bhāvo, avatthāviseso, tassa saṅkamanaṃ bhāvasaṅkanti. Sabhāvadhammo hi uppādakkhaṇaṃ ṭhitikkhaṇañca patvā bhijjatīti uppādāvatthāya jarāvatthaṃ, tato bhaṅgāvatthaṃ saṅkamatīti vuccati. Tathā saṅkamato ca attalābhakkhaṇato uddhaṃ jarāmaraṇehi taṃsabhāvapariccāgo pakatibhāvavijahananti khaṇavasena cetaṃ yojetabbaṃ. Pubbāparavasenāti ca khaṇānaṃ pubbāparavasenāti attho sambhavati. Ekatthattāti samānādhikaraṇattā, na pana visesanavisesitabbabhāvānaṃ ekattā. ‘‘Cakkhuṃ anicca’’nti vutte ‘‘aniccaṃ cakkhu’’ntipi vuttameva hotīti ‘‘yaṃ cakkhu, taṃ aniccaṃ, yaṃ aniccaṃ, taṃ cakkhu’’nti āpannamevāti āha ‘‘aniccānaṃ sesadhammānampi cakkhubhāvo āpajjatī’’ti.
д̇зхи жа анижжад̣̇угкалагкан̣зхи жа анад̇д̇алагкан̣амзва висзсзна д̣̇ассид̇ам̣ ‘‘яад̣̇анижжам̣, д̇ам̣ д̣̇угкам̣, яам̣ д̣̇угкам̣, д̇ад̣̇анад̇д̇аа’’д̇иаад̣̇ийсу (сам̣. ни. 3.15, 45, 76, 85; 2.4.1, 2; бади. ма. 2.10) вияа. д̣̇осалагкан̣аагааранид̣̇ассанад̇т̇од̇и д̣̇осасса лагкид̇аб̣б̣аагааранид̣̇ассанад̇т̇о. звам̣ д̣̇угкзнаад̇и звам̣ наанаббагаарзна агкирог̇аад̣̇ид̣̇угкзна ааб̣аад̇хад̇ааяа. анад̇д̇алагкан̣ад̣̇ийбагаананд̇и анад̇д̇ад̇аабан̃н̃аабанасса ж̇од̇агаанам̣ убааяабхууд̇аанам̣. на хи гхадабхзд̣̇аган̣дагавзд̇хаад̣̇ивасзна лаб̣бхамаанаа анижжад̣̇угкад̇аа сад̇д̇аанам̣ зганд̇ад̇о анад̇д̇ад̇аад̇хиг̇амахзд̇уу хонд̇и. бажжаяабадиб̣ад̣̇д̇хад̇ааабхин̣хасамбадибийл̣анаад̣̇ивасзна бана лаб̣бхамаанаа хонд̇и. д̇ат̇аа хи жагкаад̣̇ийни гаммаад̣̇имахаабхууд̇аад̣̇ибажжаяабадиб̣ад̣̇д̇хавуд̇д̇ийни, д̇ад̇о зва ахуд̇ваа самбхаванд̇и, худ̇ваа бадивзнд̇ийд̇и анижжаани, абхин̣хасамбадибийл̣ид̇ад̇д̇аа д̣̇угкаани, звам̣бхууд̇аани жа авасавад̇д̇анад̇о анад̇д̇агаанийд̇и бариг̇г̇ахз тид̇зхи самубажид̇ан̃аан̣асамбхаарзхи бассид̇ум̣ саггаа.
Tehi ca aniccadukkhalakkhaṇehi ca anattalakkhaṇameva visesena dassitaṃ ‘‘yadaniccaṃ, taṃ dukkhaṃ, yaṃ dukkhaṃ, tadanattā’’tiādīsu (saṃ. ni. 3.15, 45, 76, 85; 2.4.1, 2; paṭi. ma. 2.10) viya. Dosalakkhaṇākāranidassanatthoti dosassa lakkhitabbākāranidassanattho. Evaṃ dukkhenāti evaṃ nānappakārena akkhirogādidukkhena ābādhatāya. Anattalakkhaṇadīpakānanti anattatāpaññāpanassa jotakānaṃ upāyabhūtānaṃ. Na hi ghaṭabhedakaṇṭakavedhādivasena labbhamānā aniccadukkhatā sattānaṃ ekantato anattatādhigamahetū honti. Paccayapaṭibaddhatāabhiṇhasampaṭipīḷanādivasena pana labbhamānā honti. Tathā hi cakkhādīni kammādimahābhūtādipaccayapaṭibaddhavuttīni, tato eva ahutvā sambhavanti, hutvā paṭiventīti aniccāni, abhiṇhasampaṭipīḷitattā dukkhāni, evaṃbhūtāni ca avasavattanato anattakānīti pariggahe ṭhitehi samupacitañāṇasambhārehi passituṃ sakkā.
гат̇ам̣ банзд̇зсам̣ худ̇ваа абхааво ж̇аанид̇аб̣б̣од̇и? кан̣з кан̣з ан̃н̃ат̇ад̇д̇ад̣̇ассанад̇о. д̇ам̣ гат̇ам̣ н̃ааяад̇ийд̇и? яуд̇д̇ид̇о. гаа банзд̇т̇а яуд̇д̇ийд̇и? висзсаг̇г̇ахан̣ам̣. яад̣̇и жагкаад̣̇ийнам̣ кан̣з кан̣з ан̃н̃ат̇ад̇д̇ам̣ на сияаа, б̣ахибажжаяабхзд̣̇з яад̣̇ид̣̇ам̣ бажчаа висзсаг̇г̇ахан̣ам̣, д̇ам̣ на сияаа. яасса хи д̇аад̣̇исам̣ кан̣з кан̣з ан̃н̃ат̇ад̇д̇ам̣ над̇т̇и, д̇асса асад̇и б̣ахибажжаяависзсз гат̇ам̣ бажчаа висзсаг̇г̇ахан̣ам̣ бхавзяяа, бхавад̇и жа висзсаг̇г̇ахан̣ам̣. д̇асмаа ад̇т̇и нзсам̣ кан̣з кан̣з ан̃н̃ат̇ад̇д̇ам̣ яам̣ сан̣игам̣ сан̣игам̣ вад̣дхзнд̇ам̣ бажчаа баагадад̇арам̣ ж̇ааяад̇ийд̇и. д̇ат̇аа хи сарийрасса д̇аава аанаабаанаанам̣ анавад̇т̇аанад̇о бариссамад̇о жа висзсаг̇г̇ахан̣ам̣. анавад̇т̇ид̇аа хи ассаасабассаасаа ваад̇аа ваарзна ваарзна бавад̇д̇анад̇о. яад̣̇и хи ассасид̇з ваа бассассид̇з ваа сарийрасса гожи бажчаа висзсо на сияаа, на нзсам̣ гожи бхзд̣̇о сияаа, д̣̇идто жа со. д̇асмаа ассасид̇ам̣ сарийрам̣ ан̃н̃ат̇аа хонд̇ам̣ гамзна д̇аад̣̇исам̣ авад̇т̇ам̣ баабун̣аад̇и. яаа бассаасасса бажжаяо ход̇и, бассасид̇з жа буна д̇ат̇зва ассаасасса бажжаяо ход̇ийд̇и аанаабаанаанам̣ анавад̇т̇аанад̇оби сарийрасса висзсаг̇г̇ахан̣ам̣ ан̃н̃ат̇ад̇д̇асид̣̇д̇хи. д̇ат̇аа бариссамоби асад̇и висзсз бажчаа сарийрасса на сияаа, язнааяам̣ ирияаабат̇анд̇араад̣̇ийни сзванзна бариссамавинод̣̇анам̣ гарод̇и.
Kathaṃ panetesaṃ hutvā abhāvo jānitabboti? Khaṇe khaṇe aññathattadassanato. Taṃ kathaṃ ñāyatīti? Yuttito. Kā panettha yuttīti? Visesaggahaṇaṃ. Yadi cakkhādīnaṃ khaṇe khaṇe aññathattaṃ na siyā, bahipaccayabhede yadidaṃ pacchā visesaggahaṇaṃ, taṃ na siyā. Yassa hi tādisaṃ khaṇe khaṇe aññathattaṃ natthi, tassa asati bahipaccayavisese kathaṃ pacchā visesaggahaṇaṃ bhaveyya, bhavati ca visesaggahaṇaṃ. Tasmā atthi nesaṃ khaṇe khaṇe aññathattaṃ yaṃ saṇikaṃ saṇikaṃ vaḍḍhentaṃ pacchā pākaṭataraṃ jāyatīti. Tathā hi sarīrassa tāva ānāpānānaṃ anavatthānato parissamato ca visesaggahaṇaṃ. Anavatthitā hi assāsapassāsā vātā vārena vārena pavattanato. Yadi hi assasite vā passassite vā sarīrassa koci pacchā viseso na siyā, na nesaṃ koci bhedo siyā, diṭṭho ca so. Tasmā assasitaṃ sarīraṃ aññathā hontaṃ kamena tādisaṃ avatthaṃ pāpuṇāti. Yā passāsassa paccayo hoti, passasite ca puna tatheva assāsassa paccayo hotīti ānāpānānaṃ anavatthānatopi sarīrassa visesaggahaṇaṃ aññathattasiddhi. Tathā parissamopi asati visese pacchā sarīrassa na siyā, yenāyaṃ iriyāpathantarādīni sevanena parissamavinodanaṃ karoti.
ат̇а ваа руубаад̣̇ибхзд̣̇ад̇оби висзсаг̇г̇ахан̣ам̣. руубаг̇анд̇харасапассаад̣̇ийнан̃хи висзсзна яо сарийрз анинд̣̇рияаб̣ад̣̇д̇хзсу жа кийрууд̣̇агавад̇т̇абубпапалосад̇хид̇хан̃н̃аад̣̇ийнам̣ бажчаа висзсо г̇аяхад̇и, со асад̇и б̣ахибажжаяависзсз нзсам̣ ж̇араад̣̇иавад̇т̇аасу ван̣н̣аб̣алаад̣̇ибхзд̣̇о, расавийрияавибаагаанубхаавабхзд̣̇о жа кан̣з кан̣з ан̃н̃ат̇ад̇д̇ам̣ винаа гат̇амубалаб̣бхзяяа. яам̣ бана д̇ам̣ д̇хаммад̇ааруубам̣ силаад̣̇и, д̇ад̇т̇а гат̇анд̇и? д̇ассааби сийд̇ун̣хасампассабхзд̣̇ад̇о ад̇т̇зва висзсаг̇г̇ахан̣ам̣. д̇ам̣ кан̣з кан̣з ан̃н̃ат̇ад̇д̇ам̣ винаа на яуж̇ж̇ад̇ийд̇и. сад̇и жа руубаад̣̇ибхзд̣̇з сид̣̇д̇хова д̇ам̣ниссаяамахаабхууд̇абхзд̣̇оби. на хи ниссаяамахаабхууд̇абхзд̣̇зна винаа ниссид̇абхзд̣̇о самбхавад̇ийд̇и. звам̣ д̇аава руубад̇хаммаанам̣ висзсаг̇г̇ахан̣ад̇о кан̣з кан̣з ан̃н̃ат̇ад̇д̇ам̣, д̇ад̇о жа худ̇ваа абхаавасид̣̇д̇хи.
Atha vā rūpādibhedatopi visesaggahaṇaṃ. Rūpagandharasaphassādīnañhi visesena yo sarīre anindriyabaddhesu ca khīrūdakavatthapupphaphalosadhidhaññādīnaṃ pacchā viseso gayhati, so asati bahipaccayavisese nesaṃ jarādiavatthāsu vaṇṇabalādibhedo, rasavīriyavipākānubhāvabhedo ca khaṇe khaṇe aññathattaṃ vinā kathamupalabbheyya. Yaṃ pana taṃ dhammatārūpaṃ silādi, tattha kathanti? Tassāpi sītuṇhasamphassabhedato attheva visesaggahaṇaṃ. Taṃ khaṇe khaṇe aññathattaṃ vinā na yujjatīti. Sati ca rūpādibhede siddhova taṃnissayamahābhūtabhedopi. Na hi nissayamahābhūtabhedena vinā nissitabhedo sambhavatīti. Evaṃ tāva rūpadhammānaṃ visesaggahaṇato khaṇe khaṇe aññathattaṃ, tato ca hutvā abhāvasiddhi.
аруубад̇хаммаанам̣ бана аарамман̣аад̣̇ибхзд̣̇зна висзсаг̇г̇ахан̣ам̣. яад̇т̇а яад̇т̇а хи аарамман̣з аруубад̇хаммаа уббаж̇ж̇анд̇и, д̇ад̇т̇а д̇ад̇т̇зва д̇з бхиж̇ж̇анд̇и, на ан̃н̃ам̣ сан̇гаманд̇и, аарамман̣ад̇хаммаа жа яат̇аасагам̣ кан̣ад̇о уд̣̇д̇хам̣ на д̇идтанд̇ийд̇и. свааяамад̇т̇о бад̣̇ийбаад̣̇иуд̣̇аахаран̣зна взд̣̇ид̇аб̣б̣о. ан̃н̃з зва хи кан̣з кан̣з руубаад̣̇аяо бад̣̇ийбаж̇аалааяа, д̇ат̇аа кийрад̇хаараад̣̇ийсу бад̇анд̇ийсу, вааяумхи жа бахаранд̇з сампассаани. яат̇аа жзд̇зсам̣ кан̣з кан̣з ан̃н̃ат̇ад̇д̇ам̣, гиман̇г̇ам̣ бана жид̇д̇ажзд̇асигаанам̣. гин̃жа сад̣̇д̣̇абхзд̣̇ад̇о, сад̣̇д̣̇ависзсад̇оби д̇аннимид̇д̇аанам̣ жид̇д̇ажзд̇асигаанам̣ кан̣з кан̣з ан̃н̃ат̇ад̇д̇ам̣, д̇ад̇о висзсаг̇г̇ахан̣ам̣. баг̇ун̣ан̃хи г̇ант̇ам̣ сийгхам̣ баривад̇д̇знд̇асса жид̇д̇асамудтаанаанам̣ сад̣̇д̣̇аанам̣ бхзд̣̇о д̣̇идто. на хи гааран̣абхзд̣̇зна винаа палабхзд̣̇о ад̇т̇и. яат̇аа д̇ам̣ ваад̣̇ид̇асад̣̇д̣̇аанам̣, звам̣ аарамман̣абхзд̣̇зна аруубад̇хаммаанам̣ висзсаг̇г̇ахан̣ам̣. д̇знзва нзсам̣ кан̣з кан̣з ан̃н̃ат̇ад̇д̇ам̣ взд̣̇ид̇аб̣б̣ам̣. ж̇аад̇ибхуумисамбаяуд̇д̇ад̇хаммабхзд̣̇зна висзсаг̇г̇ахан̣зби зсзва наяо. звам̣ руубааруубад̇хаммаанам̣ висзсаг̇г̇ахан̣ад̇о кан̣з кан̣з ан̃н̃ат̇ад̇д̇асид̣̇д̇хи. яад̇о худ̇ваа абхаавад̇о жагкаад̣̇ийни анижжаанийд̇и сид̣̇д̇хаани, анижжад̇д̇аа зва абхин̣хасамбадибийл̣анад̇о д̣̇угкаани, д̇ад̇о жа авасавад̇д̇анад̇о анад̇д̇агаани. д̇знааха бхаг̇аваа ‘‘яад̣̇анижжам̣, д̇ам̣ д̣̇угкам̣, яам̣ д̣̇угкам̣, д̇ад̣̇анад̇д̇аа’’д̇и (сам̣. ни. 3.15, 45, 76, 85; 2.4.1, 2; бади. ма. 2.10).
Arūpadhammānaṃ pana ārammaṇādibhedena visesaggahaṇaṃ. Yattha yattha hi ārammaṇe arūpadhammā uppajjanti, tattha tattheva te bhijjanti, na aññaṃ saṅkamanti, ārammaṇadhammā ca yathāsakaṃ khaṇato uddhaṃ na tiṭṭhantīti. Svāyamattho padīpādiudāharaṇena veditabbo. Aññe eva hi khaṇe khaṇe rūpādayo padīpajālāya, tathā khīradhārādīsu patantīsu, vāyumhi ca paharante samphassāni. Yathā cetesaṃ khaṇe khaṇe aññathattaṃ, kimaṅgaṃ pana cittacetasikānaṃ. Kiñca saddabhedato, saddavisesatopi tannimittānaṃ cittacetasikānaṃ khaṇe khaṇe aññathattaṃ, tato visesaggahaṇaṃ. Paguṇañhi ganthaṃ sīghaṃ parivattentassa cittasamuṭṭhānānaṃ saddānaṃ bhedo diṭṭho. Na hi kāraṇabhedena vinā phalabhedo atthi. Yathā taṃ vāditasaddānaṃ, evaṃ ārammaṇabhedena arūpadhammānaṃ visesaggahaṇaṃ. Teneva nesaṃ khaṇe khaṇe aññathattaṃ veditabbaṃ. Jātibhūmisampayuttadhammabhedena visesaggahaṇepi eseva nayo. Evaṃ rūpārūpadhammānaṃ visesaggahaṇato khaṇe khaṇe aññathattasiddhi. Yato hutvā abhāvato cakkhādīni aniccānīti siddhāni, aniccattā eva abhiṇhasampaṭipīḷanato dukkhāni, tato ca avasavattanato anattakāni. Tenāha bhagavā ‘‘yadaniccaṃ, taṃ dukkhaṃ, yaṃ dukkhaṃ, tadanattā’’ti (saṃ. ni. 3.15, 45, 76, 85; 2.4.1, 2; paṭi. ma. 2.10).
ниранд̇арам̣ бавад̇д̇амаанассаад̇и абхин̣хасад̣̇д̣̇ад̇т̇ам̣ висзсзд̇ваа вад̣̇ад̇и. д̇хаад̇умад̇д̇ад̇ааяаад̇и д̇хаад̇умад̇д̇абхаавзна. самуухад̇од̇и сасамбхааражагкаад̣̇ибин̣д̣ад̇о. ‘‘жагкаад̣̇ийна’’нд̇и ид̣̇ам̣ ‘‘самуухад̇о’’д̇и бад̣̇ам̣ абзгкид̇ваа самб̣анд̇хз саамиважанам̣, ‘‘виниб̣бхуж̇ана’’нд̇и бад̣̇ам̣ абзгкид̇ваа гаммад̇т̇зд̇и взд̣̇ид̇аб̣б̣ам̣. жад̇д̇аариби гханаанийд̇и санд̇ад̇исамуухагижжаарамман̣агханаани. бавад̇д̇аруубаад̣̇иг̇г̇ахан̣ад̇од̇и руббанаад̣̇ивасзна бавад̇д̇ан̃жа д̇ам̣ руубаад̣̇иг̇г̇ахан̣ан̃жаад̇и бавад̇д̇аруубаад̣̇иг̇г̇ахан̣ам̣, д̇ад̇од̇и яож̇зд̇аб̣б̣ам̣. анижжаад̣̇иг̇г̇ахан̣асса саб̣бхааваад̇и руубавзд̣̇анаад̣̇ин̃аан̣ад̇о бхиннасса анижжаад̣̇ин̃аан̣асса лаб̣бхамаанад̇д̇аа. д̇зна сад̇иби руубаад̣̇иад̇т̇аанам̣ анижжаад̣̇ибхаавз руббанаад̣̇ибхаавад̇о анижжаад̣̇ибхаавасса бхзд̣̇амааха. ид̣̇аани д̇амзва бхзд̣̇ам̣ н̃аад̇ад̇ийран̣абарин̃н̃аависаяад̇ааяа баагадам̣ гаад̇ум̣ ‘‘на хий’’д̇иаад̣̇имааха. наад̇ид̇хаавид̇унд̇и ид̇ха лагкан̣алагкан̣аванд̇аа бхиннаа вуд̇д̇аа. д̇ад̇т̇а лагкан̣аарамман̣игавибассанааяа канд̇хаарамман̣ад̇ааважанзна абхиннаад̇и ан̃н̃аман̃н̃авирод̇хаабаад̣̇анзна ад̇ид̇хаавид̇ум̣ на яуд̇д̇ам̣. гасмаад̇и жз? вуд̇д̇ам̣ ‘‘д̇з банаагаараа’’д̇иаад̣̇и. ад̇хиббааяоби жзд̇т̇а лагкан̣аанам̣ руубаад̣̇иаагаарамад̇д̇ад̇аавибхаавананд̇и д̣̇адтаб̣б̣о. ‘‘анижжам̣ д̣̇угкам̣ анад̇д̇аа’’д̇и хи сан̇каарз сабхаавад̇о саллагкзнд̇оязва лагкан̣аани жа саллагкзд̇ийд̇и. яат̇аа анижжаад̣̇ид̇о анижжад̇аад̣̇ийнам̣ вуд̇д̇анаязна бхзд̣̇о, звам̣ анижжад̇аад̣̇ийнамби сад̇иби лагкан̣абхаавасааман̃н̃з наанаан̃аан̣аг̇ожарад̇ааяа, наанаабадибагкад̇ааяа, наанинд̣̇рияаад̇хигад̇ааяа жа вимогкамукад̇д̇аяабхууд̇аанам̣ ан̃н̃аман̃н̃абхзд̣̇од̇и д̣̇ассзнд̇о ‘‘анижжанд̇и жа г̇ан̣ханд̇о’’д̇иаад̣̇имааха. д̇ам̣ сувин̃н̃зяяамзва.
Nirantaraṃpavattamānassāti abhiṇhasaddatthaṃ visesetvā vadati. Dhātumattatāyāti dhātumattabhāvena. Samūhatoti sasambhāracakkhādipiṇḍato. ‘‘Cakkhādīna’’nti idaṃ ‘‘samūhato’’ti padaṃ apekkhitvā sambandhe sāmivacanaṃ, ‘‘vinibbhujana’’nti padaṃ apekkhitvā kammattheti veditabbaṃ. Cattāripi ghanānīti santatisamūhakiccārammaṇaghanāni. Pavattarūpādiggahaṇatoti ruppanādivasena pavattañca taṃ rūpādiggahaṇañcāti pavattarūpādiggahaṇaṃ, tatoti yojetabbaṃ. Aniccādiggahaṇassa sabbhāvāti rūpavedanādiñāṇato bhinnassa aniccādiñāṇassa labbhamānattā. Tena satipi rūpādiatthānaṃ aniccādibhāve ruppanādibhāvato aniccādibhāvassa bhedamāha. Idāni tameva bhedaṃ ñātatīraṇapariññāvisayatāya pākaṭaṃ kātuṃ ‘‘na hī’’tiādimāha. Nātidhāvitunti idha lakkhaṇalakkhaṇavantā bhinnā vuttā. Tattha lakkhaṇārammaṇikavipassanāya khandhārammaṇatāvacanena abhinnāti aññamaññavirodhāpādanena atidhāvituṃ na yuttaṃ. Kasmāti ce? Vuttaṃ ‘‘te panākārā’’tiādi. Adhippāyopi cettha lakkhaṇānaṃ rūpādiākāramattatāvibhāvananti daṭṭhabbo. ‘‘Aniccaṃ dukkhaṃ anattā’’ti hi saṅkhāre sabhāvato sallakkhentoyeva lakkhaṇāni ca sallakkhetīti. Yathā aniccādito aniccatādīnaṃ vuttanayena bhedo, evaṃ aniccatādīnampi satipi lakkhaṇabhāvasāmaññe nānāñāṇagocaratāya, nānāpaṭipakkhatāya, nānindriyādhikatāya ca vimokkhamukhattayabhūtānaṃ aññamaññabhedoti dassento ‘‘aniccanti ca gaṇhanto’’tiādimāha. Taṃ suviññeyyameva.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
155. бажжаяаяуг̇ал̣авасзнаад̇и аж̇жхад̇д̇игаб̣аахирабажжаяад̣̇ваяавасзна. аж̇жхад̇д̇игаб̣аахиравасзна аб̣б̣огаарад̇од̇и аж̇жхад̇д̇игавасзна жзва б̣аахиравасзна жа асан̇гарад̇о.
155. Paccayayugaḷavasenāti ajjhattikabāhirapaccayadvayavasena. Ajjhattikabāhiravasena abbokāratoti ajjhattikavasena ceva bāhiravasena ca asaṅkarato.
167. висан̇каараниннассаад̇и ниб̣б̣аанабон̣асса. винимуд̇д̇асан̇каарассаад̇и самужчзд̣̇абадибассад̣̇д̇хивимуд̇д̇ийхи самукзна, д̇аббадиб̣ад̣̇д̇хачанд̣̇арааг̇аббахаанзна жа судту винимуд̇д̇асан̇каарасса барамассаасабхаавзна, г̇ад̇ибхаавзна жа бад̇идтаанабхууд̇з. ‘‘ниб̣б̣аанам̣ арахад̇о г̇ад̇ий’’д̇и (бади. 339) хи вуд̇д̇ам̣. тид̇ибхаавзнаад̇и жа баато. д̇ам̣сажчигаран̣аабхаавзд̇и д̇асса ниб̣б̣аанасса сажчигаран̣аабхаавз. нийд̇од̇и баабид̇о, багаасид̇од̇и ад̇т̇о.
167. Visaṅkhāraninnassāti nibbānapoṇassa. Vinimuttasaṅkhārassāti samucchedapaṭipassaddhivimuttīhi samukhena, tappaṭibaddhachandarāgappahānena ca suṭṭhu vinimuttasaṅkhārassa paramassāsabhāvena, gatibhāvena ca patiṭṭhānabhūte. ‘‘Nibbānaṃ arahato gatī’’ti (paṭi. 339) hi vuttaṃ. Ṭhitibhāvenāti ca pāṭho. Taṃsacchikaraṇābhāveti tassa nibbānassa sacchikaraṇābhāve. Nītoti pāpito, pakāsitoti attho.
жун̣н̣ид̇анд̇и бхзд̣̇ид̇ам̣. д̇вамзва гим̣ на ж̇аанаасийд̇и гим̣ д̇вам̣ на ж̇аанаасиязваад̇и ад̇т̇о. ‘‘гим̣ д̇вам̣ згам̣ наанам̣ ж̇аанааси, гим̣ д̇вам̣ на ж̇аанааси зваа’’д̇и звам̣ вигкзбам̣ гаронд̇ам̣ бараваад̣̇им̣ ‘‘нану н̃аад̇з’’д̇иаад̣̇инаа сагаваад̣̇ий ниб̣анд̇хад̇и. вибхаж̇ид̇ваад̇и ‘‘рааг̇аад̣̇ийнам̣ кийн̣анд̇з уббаннад̇д̇аа’’д̇и бхаавад̇т̇ам̣ вибхаж̇ид̇ваа. рааг̇аад̣̇ийнам̣ каяаа на хонд̇ийд̇и яож̇анаа. сасабхаавад̇аа жа ниб̣б̣аанасса аабаннаа ход̇ийд̇и самб̣анд̇хо.
Cuṇṇitanti bheditaṃ. Tvameva kiṃ na jānāsīti kiṃ tvaṃ na jānāsiyevāti attho. ‘‘Kiṃ tvaṃ ekaṃ nānaṃ jānāsi, kiṃ tvaṃ na jānāsi evā’’ti evaṃ vikkhepaṃ karontaṃ paravādiṃ ‘‘nanu ñāte’’tiādinā sakavādī nibandhati. Vibhajitvāti ‘‘rāgādīnaṃ khīṇante uppannattā’’ti bhāvatthaṃ vibhajitvā. Rāgādīnaṃ khayā na hontīti yojanā. Sasabhāvatā ca nibbānassa āpannā hotīti sambandho.
ниб̣б̣аанаарамман̣агаран̣зна гааран̣абхууд̇зна. хзд̇уад̇т̇з хи ид̣̇ам̣ гаран̣аважанам̣. гилзсагкаяамад̇д̇ад̇ам̣ ваа ниб̣б̣аанасса ижчад̇о гилзсагкаязна бхавид̇аб̣б̣анд̇и яож̇анаа.
Nibbānārammaṇakaraṇena kāraṇabhūtena. Hetuatthe hi idaṃ karaṇavacanaṃ. Kilesakkhayamattataṃ vā nibbānassa icchato kilesakkhayena bhavitabbanti yojanā.
звам̣ гилзсагкаяамад̇д̇з ниб̣б̣аанз кзбзд̇аб̣б̣аа гилзсаа б̣ахувид̇хаа наанаббагаараа, маг̇г̇о жа од̇хисо гилзсз кзбзд̇и. свааяам̣ ‘‘гад̇амам̣ гилзсагкаяам̣ ниб̣б̣аанам̣ аарамман̣ам̣ гад̇ваа гад̇амз гилзсз кзбзд̇ий’’д̇и буримабужчаад̣̇ваяамзва вад̣̇ад̇и. д̇ад̣̇зваад̇и яам̣ ‘‘авиж̇ж̇аад̇ан̣хаанам̣ гин̃жи згад̣̇зсамад̇д̇амбий’’д̇и вуд̇д̇ам̣, д̇ад̣̇зва.
Evaṃ kilesakkhayamatte nibbāne khepetabbā kilesā bahuvidhā nānappakārā, maggo ca odhiso kilese khepeti. Svāyaṃ ‘‘katamaṃ kilesakkhayaṃ nibbānaṃ ārammaṇaṃ katvā katame kilese khepetī’’ti purimapucchādvayameva vadati. Tadevāti yaṃ ‘‘avijjātaṇhānaṃ kiñci ekadesamattampī’’ti vuttaṃ, tadeva.
зд̇т̇а жа яааяам̣ ‘‘гилзсагкаяова ниб̣б̣аана’’нд̇и ниб̣б̣аанасса абхаавад̇аажод̣̇анаа, д̇ад̇рааяам̣ ааг̇амад̇о яуд̇д̇ид̇о жасса бхааваабхаававибхааванаа. д̇ан̃хи бхаг̇авад̇аа –
Ettha ca yāyaṃ ‘‘kilesakkhayova nibbāna’’nti nibbānassa abhāvatācodanā, tatrāyaṃ āgamato yuttito cassa bhāvābhāvavibhāvanā. Tañhi bhagavatā –
‘‘ад̇т̇и, бхигкавз, аж̇аад̇ам̣ абхууд̇ам̣ агад̇ам̣ асан̇кад̇а’’нд̇и (уд̣̇аа. 73; ид̇иву. 43).
‘‘Atthi, bhikkhave, ajātaṃ abhūtaṃ akataṃ asaṅkhata’’nti (udā. 73; itivu. 43).
‘‘ад̇т̇и , бхигкавз, д̇ад̣̇ааяад̇анам̣, яад̇т̇а нзва бат̇авий на аабо на д̇зж̇о на вааяо’’д̇и (уд̣̇аа. 71) –
‘‘Atthi , bhikkhave, tadāyatanaṃ, yattha neva pathavī na āpo na tejo na vāyo’’ti (udā. 71) –
жа аад̣̇инаа, д̇ат̇аа –
Ca ādinā, tathā –
‘‘г̇амбхийро д̣̇уд̣̇д̣̇асо д̣̇урануб̣од̇хо санд̇о бан̣ийд̇о ад̇аггааважаро нибун̣о бан̣д̣ид̇авзд̣̇анийяо’’д̇и (ма. ни. 2.337; сам̣. ни. 1.172; махаава. 7-8) –
‘‘Gambhīro duddaso duranubodho santo paṇīto atakkāvacaro nipuṇo paṇḍitavedanīyo’’ti (ma. ni. 2.337; saṃ. ni. 1.172; mahāva. 7-8) –
‘‘асан̇кад̇ан̃жа во, бхигкавз, д̣̇зсзссаами асан̇кад̇аг̇ааминин̃жа бадибад̣̇ам̣, анад̇ам̣, анаасавам̣, сажжам̣, баарам̣, нибун̣ам̣, суд̣̇уд̣̇д̣̇асам̣, аж̇аж̇ж̇арам̣, д̇хувам̣, абалогид̇ам̣, анид̣̇ассанам̣, ниббабан̃жам̣, санд̇ам̣, амад̇ам̣, бан̣ийд̇ам̣, сивам̣, кзмам̣, д̇ан̣хаагкаяам̣, ажчарияам̣, аб̣бхуд̇ам̣, анийд̇игам̣, анийд̇игад̇хаммам̣, ниб̣б̣аанам̣, аб̣яааб̣аж̇жхам̣, вирааг̇ам̣, суд̣̇д̇хим̣, муд̇д̇им̣, анаалаяам̣, д̣̇ийбам̣, лзн̣ам̣, д̇аан̣ам̣, саран̣ам̣, барааяан̣ан̃жа во, бхигкавз, д̣̇зсзссаами барааяан̣аг̇ааминин̃жа бадибад̣̇а’’нд̇и (сам̣. ни. 4.377) –
‘‘Asaṅkhatañca vo, bhikkhave, desessāmi asaṅkhatagāminiñca paṭipadaṃ, anataṃ, anāsavaṃ, saccaṃ, pāraṃ, nipuṇaṃ, sududdasaṃ, ajajjaraṃ, dhuvaṃ, apalokitaṃ, anidassanaṃ, nippapañcaṃ, santaṃ, amataṃ, paṇītaṃ, sivaṃ, khemaṃ, taṇhākkhayaṃ, acchariyaṃ, abbhutaṃ, anītikaṃ, anītikadhammaṃ, nibbānaṃ, abyābajjhaṃ, virāgaṃ, suddhiṃ, muttiṃ, anālayaṃ, dīpaṃ, leṇaṃ, tāṇaṃ, saraṇaṃ, parāyaṇañca vo, bhikkhave, desessāmi parāyaṇagāminiñca paṭipada’’nti (saṃ. ni. 4.377) –
звамаад̣̇ийхи жа суд̇д̇абад̣̇зхи ‘‘аббажжаяаа д̇хаммаа, асан̇кад̇аа д̇хаммаа (д̇ха. са. д̣̇угамаад̇игаа 7), саб̣б̣ан̃жа руубам̣ асан̇кад̇аа жа д̇хаад̇уу’’д̇иаад̣̇ийхи (д̇ха. са. 1192, 1198, 1200) абхид̇хаммабад̣̇зсзхи жа барамад̇т̇абхаавзнзва д̣̇зсид̇ам̣. на хи сабхаававирахид̇асса абхаавамад̇д̇асса г̇амбхийраасан̇кад̇аад̣̇ибхааво аб̣яаагад̇ад̇хаммаад̣̇ибхааво жа яуд̇д̇о, вуд̇д̇о жа со. д̇асмаа на абхаавамад̇д̇ам̣ ниб̣б̣аанам̣.
Evamādīhi ca suttapadehi ‘‘appaccayā dhammā, asaṅkhatā dhammā (dha. sa. dukamātikā 7), sabbañca rūpaṃ asaṅkhatā ca dhātū’’tiādīhi (dha. sa. 1192, 1198, 1200) abhidhammapadesehi ca paramatthabhāveneva desitaṃ. Na hi sabhāvavirahitassa abhāvamattassa gambhīrāsaṅkhatādibhāvo abyākatadhammādibhāvo ca yutto, vutto ca so. Tasmā na abhāvamattaṃ nibbānaṃ.
аби жааяам̣ абхаававаад̣̇ий звам̣ бужчид̇аб̣б̣о – яад̣̇и гилзсаабхааво ниб̣б̣аанам̣, свааяамабхааво зго ваа сияаа анзго ваа? яад̣̇и зго, згзнзва маг̇г̇зна гад̇о сажчигад̇о жа ход̇ийд̇и убаримаанам̣ маг̇г̇аанам̣ нирад̇т̇агад̇аа аабаж̇ж̇ад̇и. на хи згам̣ анзгзхи гаммаббавад̇д̇зхи саад̇хзд̇аб̣б̣ам̣ д̣̇идтам̣. ат̇а сияаа згова со гилзсаабхааво, на бана маг̇г̇зхи гаад̇аб̣б̣о, ат̇а ко сажчигаад̇аб̣б̣од̇и. звам̣ сад̇и судтуд̇арам̣ маг̇г̇асса нирад̇т̇агад̇аа аабаж̇ж̇ад̇и гилзсаанам̣ аббахаанад̇о. агаронд̇о жа маг̇г̇о гилзсаабхаавам̣ д̇асса сажчигирияааяа гамад̇т̇ам̣ саад̇хзяяа, ат̇а маг̇г̇аанам̣ сам̣яож̇анад̇д̇аяаббахаанаад̣̇ибадинияад̇агижжад̇ааяа бахааяагавибхааг̇зна гилзсаабхаавабхзд̣̇о, звам̣ сад̇и винаа сабхаавабхзд̣̇ам̣ б̣ахубхааво над̇т̇ийд̇и б̣ахубхаавад̇аабад̣̇зсзнасса сасабхаавад̇аа аабаннаа. ат̇ааби сияаа ‘‘язсам̣ абхааво, д̇зсам̣ б̣ахубхаавзна б̣ахубхаавобажааро’’д̇и, звам̣ сад̇и язсам̣ абхааво, д̇зсам̣ сабхаавад̇ааяа сасабхаавобажаароби сияаа. д̇ат̇аа д̇зсам̣ гилзсасан̇кад̇аад̣̇ид̇ааяа гилзсасан̇кад̇аад̣̇ибхааваа жа сияум̣, на жзд̇ам̣ яуд̇д̇анд̇и на д̇зсам̣ б̣ахубхаавобажааро яуд̇д̇о. згабхаавоби жасса асабхаавад̇ааяа зва вад̇д̇ум̣ на саггаад̇и жз? на, абхаавасааман̃н̃ад̇о, абхаавасааман̃н̃зна абхзд̣̇асаман̃н̃ааяа згад̇д̇анид̣̇д̣̇зсо. сад̇и жа згад̇д̇з буб̣б̣з вуд̇д̇ад̣̇осаанад̇ивад̇д̇и.
Api cāyaṃ abhāvavādī evaṃ pucchitabbo – yadi kilesābhāvo nibbānaṃ, svāyamabhāvo eko vā siyā aneko vā? Yadi eko, ekeneva maggena kato sacchikato ca hotīti uparimānaṃ maggānaṃ niratthakatā āpajjati. Na hi ekaṃ anekehi kammappavattehi sādhetabbaṃ diṭṭhaṃ. Atha siyā ekova so kilesābhāvo, na pana maggehi kātabbo, atha kho sacchikātabboti. Evaṃ sati suṭṭhutaraṃ maggassa niratthakatā āpajjati kilesānaṃ appahānato. Akaronto ca maggo kilesābhāvaṃ tassa sacchikiriyāya kamatthaṃ sādheyya, atha maggānaṃ saṃyojanattayappahānādipaṭiniyatakiccatāya pahāyakavibhāgena kilesābhāvabhedo, evaṃ sati vinā sabhāvabhedaṃ bahubhāvo natthīti bahubhāvatāpadesenassa sasabhāvatā āpannā. Athāpi siyā ‘‘yesaṃ abhāvo, tesaṃ bahubhāvena bahubhāvopacāro’’ti, evaṃ sati yesaṃ abhāvo, tesaṃ sabhāvatāya sasabhāvopacāropi siyā. Tathā tesaṃ kilesasaṅkhatāditāya kilesasaṅkhatādibhāvā ca siyuṃ, na cetaṃ yuttanti na tesaṃ bahubhāvopacāro yutto. Ekabhāvopi cassa asabhāvatāya eva vattuṃ na sakkāti ce? Na, abhāvasāmaññato, abhāvasāmaññena abhedasamaññāya ekattaniddeso. Sati ca ekatte pubbe vuttadosānativatti.
б̣ахубхаавз жа сасабхаавад̇аа сид̣̇д̇хаа. яад̣̇иби сияаа яат̇аа б̣ахубхааво сасабхаавад̇ам̣, звам̣ сааман̃н̃зна сасабхаавад̇аа б̣ахубхаавам̣ на б̣яабхижарзяяаад̇и сасабхаавабагкзби ниб̣б̣аанасса б̣ахубхааво аабаж̇ж̇ад̇ийд̇и? д̇ам̣ на, гасмаа? д̇ат̇аа сааман̃н̃аабхзд̣̇ад̇о. на хи звам̣ вад̇д̇ум̣ лаб̣бхаа яат̇аа карабхааво сасабхаавад̇ам̣ на б̣яабхижарад̇и, звам̣ сасабхаавад̇ааби карабхаавам̣ на б̣яабхижарзяяаад̇и. зван̃хи сад̇и д̇ад̣̇ан̃н̃асаб̣б̣ад̇хаммаабхааваббасан̇г̇о сияаа, д̇асмаа б̣ахубхааво сасабхаавад̇аабзгко, на сасабхаавад̇аа б̣ахубхааваабзгкаад̇и на сасабхаавасса ниб̣б̣аанасса б̣ахубхааваабад̇д̇и. ‘‘зган̃хи сажжам̣ на д̣̇уд̇ийяамад̇т̇и (су. ни. 890; махаани. 119), згаа нидтаа на бут̇унидтаа’’д̇иаад̣̇иважанад̇о.
Bahubhāve ca sasabhāvatā siddhā. Yadipi siyā yathā bahubhāvo sasabhāvataṃ, evaṃ sāmaññena sasabhāvatā bahubhāvaṃ na byabhicareyyāti sasabhāvapakkhepi nibbānassa bahubhāvo āpajjatīti? Taṃ na, kasmā? Tathā sāmaññābhedato. Na hi evaṃ vattuṃ labbhā yathā kharabhāvo sasabhāvataṃ na byabhicarati, evaṃ sasabhāvatāpi kharabhāvaṃ na byabhicareyyāti. Evañhi sati tadaññasabbadhammābhāvappasaṅgo siyā, tasmā bahubhāvo sasabhāvatāpekkho, na sasabhāvatā bahubhāvāpekkhāti na sasabhāvassa nibbānassa bahubhāvāpatti. ‘‘Ekañhi saccaṃ na dutīyamatthi (su. ni. 890; mahāni. 119), ekā niṭṭhā na puthuniṭṭhā’’tiādivacanato.
аби жзд̇т̇а гилзсаабхааво наама рааг̇аад̣̇ийнам̣ самужчзд̣̇о ажжанд̇аббахаанам̣ ануббаад̣̇анирод̇хо. д̇асса жа згад̇д̇з згзнзва маг̇г̇зна саад̇хзд̇аб̣б̣ад̇аа гижжависзсаабхаавад̇од̇и д̣̇ассанаад̣̇имаг̇г̇авибхааг̇о на сияаа. ижчид̇о жа со од̇хисова гилзсаанам̣ бахаад̇аб̣б̣ад̇д̇аа. со жа маг̇г̇авибхааг̇о сад̣̇д̇хаад̣̇ийнам̣ инд̣̇рияаанам̣ наад̇ид̇игкад̇игкад̇игкад̇арад̇игкад̇амабхаавзна згасмимби самужчзд̣̇аббахаанаяог̇яабхаавз сажчигирияаависзсзна ход̇ийд̇и ниб̣б̣аанасса сасабхаавад̇ааяаязва яуд̇д̇о. абхааво бана гилзсаанам̣ маг̇г̇зна гаад̇аб̣б̣о сияаа ‘‘маа маг̇г̇асса нирад̇т̇агад̇аа ахосий’’д̇и, на сажчигаад̇аб̣б̣о. го хи д̇асса сабхааво, яо д̇зна сажчигариязяяа. со жа гилзсаабхааво згзнзва маг̇г̇зна саад̇хзд̇аб̣б̣о сияаа, на жад̇уухи ‘‘маа жад̇убхааваниб̣б̣аанад̇аабад̇д̇и, ниб̣б̣аанависзсаабад̇д̇и жа ахосий’’д̇и. д̇ад̇о д̣̇ассанаад̣̇имаг̇г̇авибхааг̇о на сияаад̇и саб̣б̣ам̣ аавад̇д̇ад̇и.
Api cettha kilesābhāvo nāma rāgādīnaṃ samucchedo accantappahānaṃ anuppādanirodho. Tassa ca ekatte ekeneva maggena sādhetabbatā kiccavisesābhāvatoti dassanādimaggavibhāgo na siyā. Icchito ca so odhisova kilesānaṃ pahātabbattā. So ca maggavibhāgo saddhādīnaṃ indriyānaṃ nātitikkhatikkhatikkhataratikkhatamabhāvena ekasmimpi samucchedappahānayogyabhāve sacchikiriyāvisesena hotīti nibbānassa sasabhāvatāyayeva yutto. Abhāvo pana kilesānaṃ maggena kātabbo siyā ‘‘mā maggassa niratthakatā ahosī’’ti, na sacchikātabbo. Ko hi tassa sabhāvo, yo tena sacchikariyeyya. So ca kilesābhāvo ekeneva maggena sādhetabbo siyā, na catūhi ‘‘mā catubhāvanibbānatāpatti, nibbānavisesāpatti ca ahosī’’ti. Tato dassanādimaggavibhāgo na siyāti sabbaṃ āvattati.
яад̣̇и жа абхааво бхаавасса сияаад̇и д̇асса бхаавад̇хаммад̇аа ижчид̇аа, звам̣ сад̇и яат̇аа сан̇кад̇ад̇хаммасса д̇асса ж̇араамаран̣аад̣̇ийнам̣ вияа сан̇кад̇ад̇хаммад̇ааби аабаннаа, звам̣ б̣ахуунам̣ гилзсаанам̣ д̇хаммасса д̇асса б̣ахубхааваад̣̇иббасан̇г̇оби д̣̇унниваарод̇и ад̇ам̣сабхаавасса асан̇кад̇ассзгасса сасабхаавасса ниб̣б̣аанабхааво взд̣̇ид̇аб̣б̣о.
Yadi ca abhāvo bhāvassa siyāti tassa bhāvadhammatā icchitā, evaṃ sati yathā saṅkhatadhammassa tassa jarāmaraṇādīnaṃ viya saṅkhatadhammatāpi āpannā, evaṃ bahūnaṃ kilesānaṃ dhammassa tassa bahubhāvādippasaṅgopi dunnivāroti ataṃsabhāvassa asaṅkhatassekassa sasabhāvassa nibbānabhāvo veditabbo.
яад̣̇и звам̣ гасмаа ‘‘рааг̇агкаяо д̣̇осагкаяо мохагкаяо’’д̇и (сам̣. ни. 4.315, 330) вуд̇д̇анд̇и? каязна ад̇хиг̇анд̇аб̣б̣ад̇д̇аа. каяо хи арияамаг̇г̇о. яат̇ааха ‘‘каяз н̃аан̣ам̣, ануббаад̣̇з н̃аан̣а’’нд̇и (д̇ха. са. д̣̇угамаад̇игаа 142). д̇зна рааг̇аад̣̇игкаяабарияааязна арияамаг̇г̇зна ад̇хиг̇анд̇аб̣б̣ад̇о ‘‘барамад̇т̇ам̣ г̇амбхийрам̣ нибун̣ам̣ д̣̇уд̣̇д̣̇асам̣ д̣̇урануб̣од̇хам̣ ниб̣б̣аанам̣ рааг̇аад̣̇игкаяо’’д̇и вуд̇д̇ам̣. рааг̇аад̣̇иббахаанамукзна ваа д̇ат̇аа бад̇д̇аб̣б̣ад̇о, яат̇аа ан̃н̃ад̇т̇ааби вуд̇д̇ам̣ ‘‘мад̣̇аниммад̣̇д̣̇ано бибаасавинаяо’’д̇иаад̣̇и (а. ни. 4.34; ид̇иву. 90).
Yadi evaṃ kasmā ‘‘rāgakkhayo dosakkhayo mohakkhayo’’ti (saṃ. ni. 4.315, 330) vuttanti? Khayena adhigantabbattā. Khayo hi ariyamaggo. Yathāha ‘‘khaye ñāṇaṃ, anuppāde ñāṇa’’nti (dha. sa. dukamātikā 142). Tena rāgādikkhayapariyāyena ariyamaggena adhigantabbato ‘‘paramatthaṃ gambhīraṃ nipuṇaṃ duddasaṃ duranubodhaṃ nibbānaṃ rāgādikkhayo’’ti vuttaṃ. Rāgādippahānamukhena vā tathā pattabbato, yathā aññatthāpi vuttaṃ ‘‘madanimmaddano pipāsavinayo’’tiādi (a. ni. 4.34; itivu. 90).
абижа яат̇аа барин̃н̃зяяад̇ааяа сауд̇д̇араанам̣ гаамаанам̣ руубаанан̃жа бадибагкабхууд̇ам̣ д̇аб̣б̣ид̇хурасабхаавам̣ ниссаран̣ам̣ бан̃н̃ааяад̇и, звам̣ сасабхааваанам̣ саб̣б̣зсамби сан̇кад̇ад̇хаммаанам̣ бадибагкабхууд̇зна д̇аб̣б̣ид̇хурасабхаавзна ниссаран̣зна бхавид̇аб̣б̣ам̣. яан̃жа д̇анниссаран̣ам̣, саа асан̇кад̇аа д̇хаад̇у. гин̃жа бхияяо – сан̇кад̇ад̇хаммаарамман̣ам̣ вибассанаан̃аан̣ам̣ аби ануломан̃аан̣ам̣ гилзсз д̇ад̣̇ан̇г̇авасзна баж̇ахад̇и, на самужчзд̣̇авасзна баж̇ахид̇ум̣ саггод̇и. д̇ат̇аа саммуд̇исажжаарамман̣ам̣ батамаж̇жхаанаад̣̇ийсу н̃аан̣ам̣ вигкамбханавасзнзва гилзсз баж̇ахад̇и, на самужчзд̣̇авасзна. ид̇и сан̇кад̇ад̇хаммаарамман̣асса, саммуд̇исажжаарамман̣асса жа н̃аан̣асса гилзсаанам̣ самужчзд̣̇аббахаанз асамад̇т̇абхаавад̇о д̇зсам̣ самужчзд̣̇аббахаанагарасса арияамаг̇г̇ан̃аан̣асса д̇ад̣̇убхаяавибарийд̇асабхаавзна аарамман̣зна бхавид̇аб̣б̣ам̣, саа асан̇кад̇аа д̇хаад̇у. д̇ат̇аа ‘‘ад̇т̇и, бхигкавз, аж̇аад̇ам̣ абхууд̇ам̣ агад̇ам̣ асан̇кад̇а’’нд̇и (уд̣̇аа. 73; ид̇иву. 43) ид̣̇ам̣ ниб̣б̣аанасса барамад̇т̇ад̇о ад̇т̇ибхааваж̇од̇агам̣ важанам̣ авибарийд̇ад̇т̇ам̣ бхаг̇авад̇аа бхаасид̇ад̇д̇аа. яан̃хи бхаг̇авад̇аа бхаасид̇ам̣, д̇ам̣ авибарийд̇ад̇т̇ам̣ яат̇аа д̇ам̣ ‘‘саб̣б̣з сан̇каараа анижжаа, саб̣б̣з сан̇каараа д̣̇угкаа, саб̣б̣з д̇хаммаа анад̇д̇аа’’д̇и (д̇ха. ба. 277-279; т̇зраг̇аа. 676-678; нзд̇д̇и. 5), д̇ат̇аа ниб̣б̣аана-сад̣̇д̣̇о гад̇т̇ажи висаяз яат̇аабхууд̇абарамад̇т̇ависаяо убажааравуд̇д̇исаб̣бхаавад̇о сзяяат̇ааби сийха-сад̣̇д̣̇о. ат̇а ваа ад̇т̇зва барамад̇т̇ад̇о асан̇кад̇аа д̇хаад̇у ид̇арад̇аб̣б̣ибарийд̇авимуд̇д̇исабхаавад̇д̇аа сзяяат̇ааби ‘‘бат̇авийд̇хаад̇у взд̣̇анаа жаа’’д̇и звамаад̣̇ийхи наязхи яуд̇д̇ид̇оби асан̇кад̇ааяа д̇хаад̇уяаа барамад̇т̇ад̇о ад̇т̇ибхааво взд̣̇ид̇аб̣б̣о.
Apica yathā pariññeyyatāya sauttarānaṃ kāmānaṃ rūpānañca paṭipakkhabhūtaṃ tabbidhurasabhāvaṃ nissaraṇaṃ paññāyati, evaṃ sasabhāvānaṃ sabbesampi saṅkhatadhammānaṃ paṭipakkhabhūtena tabbidhurasabhāvena nissaraṇena bhavitabbaṃ. Yañca tannissaraṇaṃ, sā asaṅkhatā dhātu. Kiñca bhiyyo – saṅkhatadhammārammaṇaṃ vipassanāñāṇaṃ api anulomañāṇaṃ kilese tadaṅgavasena pajahati, na samucchedavasena pajahituṃ sakkoti. Tathā sammutisaccārammaṇaṃ paṭhamajjhānādīsu ñāṇaṃ vikkhambhanavaseneva kilese pajahati, na samucchedavasena. Iti saṅkhatadhammārammaṇassa, sammutisaccārammaṇassa ca ñāṇassa kilesānaṃ samucchedappahāne asamatthabhāvato tesaṃ samucchedappahānakarassa ariyamaggañāṇassa tadubhayaviparītasabhāvena ārammaṇena bhavitabbaṃ, sā asaṅkhatā dhātu. Tathā ‘‘atthi, bhikkhave, ajātaṃ abhūtaṃ akataṃ asaṅkhata’’nti (udā. 73; itivu. 43) idaṃ nibbānassa paramatthato atthibhāvajotakaṃ vacanaṃ aviparītatthaṃ bhagavatā bhāsitattā. Yañhi bhagavatā bhāsitaṃ, taṃ aviparītatthaṃ yathā taṃ ‘‘sabbe saṅkhārā aniccā, sabbe saṅkhārā dukkhā, sabbe dhammā anattā’’ti (dha. pa. 277-279; theragā. 676-678; netti. 5), tathā nibbāna-saddo katthaci visaye yathābhūtaparamatthavisayo upacāravuttisabbhāvato seyyathāpi sīha-saddo. Atha vā attheva paramatthato asaṅkhatā dhātu itaratabbiparītavimuttisabhāvattā seyyathāpi ‘‘pathavīdhātu vedanā cā’’ti evamādīhi nayehi yuttitopi asaṅkhatāya dhātuyā paramatthato atthibhāvo veditabbo.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
3. бан̃хабужчагаван̣н̣анаа
3. Pañhapucchakavaṇṇanā
168. гин̃жийд̇и гин̃жи аарамман̣ам̣. ааламб̣анад̇од̇и аарамман̣агаран̣ад̇о.
168. Kiñcīti kiñci ārammaṇaṃ. Ālambanatoti ārammaṇakaraṇato.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
ааяад̇анавибхан̇г̇аван̣н̣анаа нидтид̇аа.
Āyatanavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 2. ааяад̇анавибхан̇г̇о • 2. Āyatanavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
3. бан̃хаабужчагаван̣н̣анаа • 3. Pañhāpucchakavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 2. ааяад̇анавибхан̇г̇о • 2. Āyatanavibhaṅgo
