| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
3. аяогхаражарияааван̣н̣анаа
3. Ayogharacariyāvaṇṇanā
24. д̇ад̇ияз аяогхарамхи сам̣вад̣дход̇и амануссаубад̣̇д̣̇авабариваж̇ж̇анад̇т̇ам̣ жад̇урассасаалавасзна гад̇з махад̇и саб̣б̣ааяомаяз г̇зхз сам̣вад̣дхо. наамзнааси аяогхарод̇и аяогхарз ж̇аад̇асам̣вад̣дхабхаавзнзва ‘‘аяогхарагумааро’’д̇и наамзна баагадо ахоси.
24. Tatiye ayogharamhi saṃvaḍḍhoti amanussaupaddavaparivajjanatthaṃ caturassasālavasena kate mahati sabbaayomaye gehe saṃvaḍḍho. Nāmenāsi ayogharoti ayoghare jātasaṃvaḍḍhabhāveneva ‘‘ayogharakumāro’’ti nāmena pākaṭo ahosi.
25-6. д̇ад̣̇аа хи гаасиран̃н̃о аг̇г̇амахзсияаа буримад̇д̇абхаавз сабад̇д̇и ‘‘д̇ава ж̇аад̇ам̣ ж̇аад̇ам̣ баж̇ам̣ каад̣̇зяяа’’нд̇и бад̇т̇анам̣ бадтабзд̇ваа яагкинияонияам̣ ниб̣б̣ад̇д̇аа огаасам̣ лабхид̇ваа д̇ассаа виж̇аад̇агаалз д̣̇вз ваарз буд̇д̇з каад̣̇и. д̇ад̇ияаваарз бана б̣од̇хисад̇д̇о д̇ассаа гужчияам̣ бадисанд̇хим̣ г̇ан̣хи. рааж̇аа ‘‘д̣̇звияаа ж̇аад̇ам̣ ж̇аад̇ам̣ баж̇ам̣ згаа яагкиний каад̣̇ад̇и, гим̣ ну ко гаад̇аб̣б̣а’’нд̇и мануссзхи самманд̇зд̇ваа ‘‘амануссаа наама аяогхарасса бхааяанд̇и, аяогхарам̣ гаад̇ум̣ ваддад̇ий’’д̇и вуд̇д̇з гаммаарз аан̣аабзд̇ваа т̇амбхз аад̣̇им̣ гад̇ваа аяомаязхзва саб̣б̣аг̇зхасамбхаарзхи жад̇урассасаалам̣ маханд̇ам̣ аяогхарам̣ нидтаабзд̇ваа барибаггаг̇аб̣бхам̣ д̣̇звим̣ д̇ад̇т̇а ваасзси. саа д̇ад̇т̇а д̇хан̃н̃абун̃н̃алагкан̣ам̣ буд̇д̇ам̣ виж̇ааяи. ‘‘аяогхарагумааро’’д̇взвасса наамам̣ гарим̣су. д̇ам̣ д̇хаад̇ийнам̣ д̣̇ад̇ваа маханд̇ам̣ аарагкам̣ сам̣вид̣̇ахид̇ваа рааж̇аа д̣̇звим̣ анд̇збурам̣ аанзси. яагкинийби уд̣̇агаваарам̣ г̇анд̇ваа взссаван̣асса уд̣̇агам̣ ваханд̇ий ж̇ийвид̇агкаяам̣ бад̇д̇аа.
25-6. Tadā hi kāsirañño aggamahesiyā purimattabhāve sapatti ‘‘tava jātaṃ jātaṃ pajaṃ khādeyya’’nti patthanaṃ paṭṭhapetvā yakkhiniyoniyaṃ nibbattā okāsaṃ labhitvā tassā vijātakāle dve vāre putte khādi. Tatiyavāre pana bodhisatto tassā kucchiyaṃ paṭisandhiṃ gaṇhi. Rājā ‘‘deviyā jātaṃ jātaṃ pajaṃ ekā yakkhinī khādati, kiṃ nu kho kātabba’’nti manussehi sammantetvā ‘‘amanussā nāma ayogharassa bhāyanti, ayogharaṃ kātuṃ vaṭṭatī’’ti vutte kammāre āṇāpetvā thambhe ādiṃ katvā ayomayeheva sabbagehasambhārehi caturassasālaṃ mahantaṃ ayogharaṃ niṭṭhāpetvā paripakkagabbhaṃ deviṃ tattha vāsesi. Sā tattha dhaññapuññalakkhaṇaṃ puttaṃ vijāyi. ‘‘Ayogharakumāro’’tvevassa nāmaṃ kariṃsu. Taṃ dhātīnaṃ datvā mahantaṃ ārakkhaṃ saṃvidahitvā rājā deviṃ antepuraṃ ānesi. Yakkhinīpi udakavāraṃ gantvā vessavaṇassa udakaṃ vahantī jīvitakkhayaṃ pattā.
махаасад̇д̇о аяогхарзязва вад̣дхид̇ваа вин̃н̃уд̇ам̣ бад̇д̇о, д̇ад̇т̇зва саб̣б̣асиббаани уг̇г̇ан̣хи. рааж̇аа буд̇д̇ам̣ сол̣асавассуд̣̇д̣̇зсигам̣ вид̣̇ид̇ваа ‘‘раж̇ж̇амасса д̣̇ассаамий’’д̇и амажжз аан̣аабзси – ‘‘буд̇д̇ам̣ мз аанзт̇аа’’д̇и. д̇з ‘‘саад̇ху, д̣̇зваа’’д̇и наг̇арам̣ алан̇гаараабзд̇ваа саб̣б̣аалан̇гааравибхуусид̇ам̣ ман̇г̇алавааран̣ам̣ аад̣̇ааяа д̇ад̇т̇а г̇анд̇ваа гумаарам̣ алан̇гарид̇ваа хад̇т̇игканд̇хз нисийд̣̇аабзд̇ваа наг̇арам̣ бад̣̇агкин̣ам̣ гаарзд̇ваа ран̃н̃о д̣̇ассзсум̣. махаасад̇д̇о рааж̇аанам̣ ванд̣̇ид̇ваа адтааси. рааж̇аа д̇асса сарийрасобхам̣ ологзд̇ваа б̣алавасинзхзна д̇ам̣ аалин̇г̇ид̇ваа ‘‘аж̇ж̇зва мз буд̇д̇ам̣ абхисин̃жат̇аа’’д̇и амажжз аан̣аабзси. махаасад̇д̇о бид̇арам̣ ванд̣̇ид̇ваа ‘‘на маяхам̣ раж̇ж̇зна ад̇т̇о, ахам̣ баб̣б̣аж̇иссаами, баб̣б̣аж̇ж̇ам̣ мз ануж̇аанаат̇аа’’д̇и ааха. д̇зна вуд̇д̇ам̣ ‘‘д̣̇угкзна ж̇ийвид̇о лад̣̇д̇хо’’д̇иаад̣̇и.
Mahāsatto ayoghareyeva vaḍḍhitvā viññutaṃ patto, tattheva sabbasippāni uggaṇhi. Rājā puttaṃ soḷasavassuddesikaṃ viditvā ‘‘rajjamassa dassāmī’’ti amacce āṇāpesi – ‘‘puttaṃ me ānethā’’ti. Te ‘‘sādhu, devā’’ti nagaraṃ alaṅkārāpetvā sabbālaṅkāravibhūsitaṃ maṅgalavāraṇaṃ ādāya tattha gantvā kumāraṃ alaṅkaritvā hatthikkhandhe nisīdāpetvā nagaraṃ padakkhiṇaṃ kāretvā rañño dassesuṃ. Mahāsatto rājānaṃ vanditvā aṭṭhāsi. Rājā tassa sarīrasobhaṃ oloketvā balavasinehena taṃ āliṅgitvā ‘‘ajjeva me puttaṃ abhisiñcathā’’ti amacce āṇāpesi. Mahāsatto pitaraṃ vanditvā ‘‘na mayhaṃ rajjena attho, ahaṃ pabbajissāmi, pabbajjaṃ me anujānāthā’’ti āha. Tena vuttaṃ ‘‘dukkhena jīvito laddho’’tiādi.
д̇ад̇т̇а д̣̇угкзнаад̇и, д̇аад̇а, д̇ава бхаад̇игаа д̣̇вз згааяа яагкинияаа каад̣̇ид̇аа, д̇уяхам̣ бана д̇ад̇о амануссабхаяад̇о нивааран̣ад̇т̇ам̣ гад̇зна д̣̇угкзна махад̇аа ааяаасзна ж̇ийвид̇о лад̣̇д̇хо. сам̣бийл̣з бад̇ибосид̇од̇и наанаавид̇хааяа амануссарагкааяа самб̣аад̇хз аяогхарз виж̇ааяанагаалад̇о бадтааяа яаава сол̣асавассуббад̇д̇ияаа самб̣аад̇хз сам̣вад̣дхид̇од̇и ад̇т̇о. аж̇ж̇зва, буд̇д̇а, бадибаж̇ж̇а, гзвалам̣ васуд̇хам̣ иманд̇и ган̃жанамаалаалан̇гад̇асса сзд̇ажчад̇д̇асса хздтаа рад̇анараасимхи табзд̇ваа д̇ийхи сан̇кзхи абхисин̃жияамаано имам̣ гуласанд̇агам̣ гзвалам̣ сагалам̣ самуд̣̇д̣̇абарияанд̇ам̣ д̇ад̇оязва саха радтзхийд̇и сарадтагам̣ саха ниг̇амзхи махааг̇аамзхийд̇и саниг̇амам̣ абаримид̇зна бариваараж̇анзна сад̣̇д̇хим̣ саж̇анам̣ имам̣ васуд̇хам̣ махаабат̇авим̣ аж̇ж̇зва, буд̇д̇а, бадибаж̇ж̇а, раж̇ж̇ам̣ гаарзхийд̇и ад̇т̇о. ванд̣̇ид̇ваа кад̇д̇ияам̣. ан̃ж̇алим̣ баг̇г̇ахзд̇ваана, ид̣̇ам̣ важанамаб̣равинд̇и кад̇д̇ияам̣ гаасирааж̇аанам̣ мама бид̇арам̣ ванд̣̇ид̇ваа д̇асса ан̃ж̇алим̣ бан̣аамзд̇ваа ид̣̇ам̣ важанам̣ абхаасим̣.
Tattha dukkhenāti, tāta, tava bhātikā dve ekāya yakkhiniyā khāditā, tuyhaṃ pana tato amanussabhayato nivāraṇatthaṃ katena dukkhena mahatā āyāsena jīvito laddho. Saṃpīḷe patipositoti nānāvidhāya amanussarakkhāya sambādhe ayoghare vijāyanakālato paṭṭhāya yāva soḷasavassuppattiyā sambādhe saṃvaḍḍhitoti attho. Ajjeva, putta, paṭipajja, kevalaṃ vasudhaṃ imanti kañcanamālālaṅkatassa setacchattassa heṭṭhā ratanarāsimhi ṭhapetvā tīhi saṅkhehi abhisiñciyamāno imaṃ kulasantakaṃ kevalaṃ sakalaṃ samuddapariyantaṃ tatoyeva saha raṭṭhehīti saraṭṭhakaṃ saha nigamehi mahāgāmehīti sanigamaṃ aparimitena parivārajanena saddhiṃ sajanaṃ imaṃ vasudhaṃ mahāpathaviṃ ajjeva, putta, paṭipajja, rajjaṃ kārehīti attho. Vanditvā khattiyaṃ. Añjaliṃ paggahetvāna, idaṃ vacanamabravinti khattiyaṃ kāsirājānaṃ mama pitaraṃ vanditvā tassa añjaliṃ paṇāmetvā idaṃ vacanaṃ abhāsiṃ.
27. яз гзжи махияаа сад̇д̇аад̇и имиссаа махаабат̇авияаа яз гзжи сад̇д̇аа наама. хийнамуггадтамаж̇жхимаад̇и лаамагаа жзва уд̇д̇амаа жа, убхиннам̣ взмаж̇жхз бхавад̇д̇аа маж̇жхимаа жа. сагз г̇зхзд̇и саб̣б̣з д̇з сагз г̇зхз. саган̃аад̇ибхийд̇и сагзхи н̃аад̇ийхи саммод̣̇амаанаа виссадтаа анугган̣тид̇аа яат̇аавибхавам̣ вад̣дханд̇и.
27.Yekeci mahiyā sattāti imissā mahāpathaviyā ye keci sattā nāma. Hīnamukkaṭṭhamajjhimāti lāmakā ceva uttamā ca, ubhinnaṃ vemajjhe bhavattā majjhimā ca. Sake geheti sabbe te sake gehe. Sakañātibhīti sakehi ñātīhi sammodamānā vissaṭṭhā anukkaṇṭhitā yathāvibhavaṃ vaḍḍhanti.
28. ид̣̇ам̣ логз уд̇д̇арияанд̇и ид̣̇ам̣ бана имасмим̣ логз асад̣̇исам̣, маяхам̣ зва аавзн̣игам̣. гим̣ бана д̇ам̣ сам̣бийл̣з мама босананд̇и самб̣аад̇хз мама сам̣вад̣дханам̣. д̇ат̇аа хи аяогхарамхи сам̣вад̣дхо, аббабхз жанд̣̇асууриязд̇и жанд̣̇асуурияаанам̣ бабхаарахид̇з аяогхарз сам̣вад̣дхомхийд̇и сам̣вад̣дхо амхи.
28.Idaṃ loke uttariyanti idaṃ pana imasmiṃ loke asadisaṃ, mayhaṃ eva āveṇikaṃ. Kiṃ pana taṃ saṃpīḷe mama posananti sambādhe mama saṃvaḍḍhanaṃ. Tathā hi ayogharamhi saṃvaḍḍho, appabhe candasūriyeti candasūriyānaṃ pabhārahite ayoghare saṃvaḍḍhomhīti saṃvaḍḍho amhi.
29. бууд̇игун̣абасамбун̣н̣аад̇и бууд̇иг̇анд̇ханаанаббагаарагун̣абасамбун̣н̣аа г̇уут̇анираяасад̣̇исаа. маад̇у гужчид̇о ж̇ийвид̇асам̣саяз вад̇д̇амаанз гат̇ам̣ мужжид̇ваа нигкамид̇ваа. д̇ад̇о гхорад̇арзд̇и д̇ад̇оби г̇аб̣бхаваасад̇о д̣̇аарун̣ад̇арз, ависсадтаваасзна д̣̇угкз. багкид̇д̇аяогхарзд̇и багкид̇д̇о аяогхарз, б̣анд̇ханааг̇аарз табид̇о вияа ахосинд̇и д̣̇ассзд̇и.
29.Pūtikuṇapasampuṇṇāti pūtigandhanānappakārakuṇapasampuṇṇā gūthanirayasadisā. Mātu kucchito jīvitasaṃsaye vattamāne kathaṃ muccitvā nikkhamitvā. Tato ghoratareti tatopi gabbhavāsato dāruṇatare, avissaṭṭhavāsena dukkhe. Pakkhittayoghareti pakkhitto ayoghare, bandhanāgāre ṭhapito viya ahosinti dasseti.
30. яад̣̇иханд̇и зд̇т̇а яад̣̇ийд̇и нибаад̇амад̇д̇ам̣. д̇аад̣̇исанд̇и яаад̣̇исам̣ буб̣б̣з вуд̇д̇ам̣, д̇аад̣̇исам̣ барамад̣̇аарун̣ам̣ д̣̇угкам̣ бад̇ваа ахам̣ раж̇ж̇зсу яад̣̇и раж̇ж̇аами яад̣̇и рамиссаами, звам̣ санд̇з баабаанам̣ лаамагаанам̣ нихийнабурисаанам̣ уд̇д̇амо нихийнад̇амо сияам̣ .
30.Yadihanti ettha yadīti nipātamattaṃ. Tādisanti yādisaṃ pubbe vuttaṃ, tādisaṃ paramadāruṇaṃ dukkhaṃ patvā ahaṃ rajjesu yadi rajjāmi yadi ramissāmi, evaṃ sante pāpānaṃ lāmakānaṃ nihīnapurisānaṃ uttamo nihīnatamo siyaṃ.
31. угган̣тид̇омхи гааязнаад̇и абаримуд̇д̇аг̇аб̣бхаваасаад̣̇инаа бууд̇игааязна угган̣тид̇о ниб̣б̣инно амхи. раж̇ж̇знамхи анад̇т̇игод̇и раж̇ж̇знаби анад̇т̇иго амхи. яагкинияаа хад̇т̇ад̇о муд̇д̇оби хи наахам̣ аж̇араамаро, гим̣ мз раж̇ж̇зна, раж̇ж̇ан̃хи наама саб̣б̣зсам̣ анад̇т̇аанам̣ саннибаад̇адтаанам̣, д̇ад̇т̇а тид̇агаалад̇о бадтааяа д̣̇уннигкамам̣ ход̇и, д̇асмаа д̇ам̣ анубаг̇анд̇ваа ниб̣б̣уд̇им̣ бариязсиссам̣, яад̇т̇а мам̣ мажжу на мад̣̇д̣̇иязд̇и яад̇т̇а тид̇ам̣ мам̣ махаасзно мажжурааж̇аа на мад̣̇д̣̇ияз на од̇т̇арзяяа на абхибхавзяяа, д̇ам̣ ниб̣б̣уд̇им̣ амад̇амахааниб̣б̣аанам̣ бариязсиссаамийд̇и.
31.Ukkaṇṭhitomhi kāyenāti aparimuttagabbhavāsādinā pūtikāyena ukkaṇṭhito nibbinno amhi. Rajjenamhi anatthikoti rajjenapi anatthiko amhi. Yakkhiniyā hatthato muttopi hi nāhaṃ ajarāmaro, kiṃ me rajjena, rajjañhi nāma sabbesaṃ anatthānaṃ sannipātaṭṭhānaṃ, tattha ṭhitakālato paṭṭhāya dunnikkhamaṃ hoti, tasmā taṃ anupagantvā nibbutiṃ pariyesissaṃ, yattha maṃ maccu na maddiyeti yattha ṭhitaṃ maṃ mahāseno maccurājā na maddiye na otthareyya na abhibhaveyya, taṃ nibbutiṃ amatamahānibbānaṃ pariyesissāmīti.
32. зваахам̣ жинд̇аяид̇ваанаад̇и звам̣ иминаа вуд̇д̇аббагаарзна наанаббагаарам̣ сам̣саарз аад̣̇ийнавам̣ бажжавзгкан̣зна ниб̣б̣аанз аанисам̣сад̣̇ассанзна жа яонисо жинд̇зд̇ваа. вираванд̇з махааж̇анзд̇и маяаа виббаяог̇ад̣̇угкаасаханзна вираванд̇з барид̣̇званд̇з маад̇аабид̇уббамукз маханд̇з ж̇анз. нааг̇ова б̣анд̇ханам̣ чзд̇ваад̇и яат̇аа наама махааб̣ало хад̇т̇инааг̇о д̣̇уб̣б̣алад̇арам̣ раж̇ж̇уб̣анд̇ханам̣ сукзнзва чинд̣̇ад̇и, звамзва н̃аад̇исан̇г̇аад̣̇ибхзд̣̇асса д̇асмим̣ ж̇анз д̇ан̣хааб̣анд̇ханасса чинд̣̇анзна б̣анд̇ханам̣ чзд̇ваа гаананасан̇каад̇ам̣ махааванам̣ баб̣б̣аж̇ж̇уубаг̇аманавасзна баависим̣. осаанаг̇аат̇аа вуд̇д̇ад̇т̇аа зва.
32.Evāhaṃ cintayitvānāti evaṃ iminā vuttappakārena nānappakāraṃ saṃsāre ādīnavaṃ paccavekkhaṇena nibbāne ānisaṃsadassanena ca yoniso cintetvā. Viravante mahājaneti mayā vippayogadukkhāsahanena viravante paridevante mātāpituppamukhe mahante jane. Nāgova bandhanaṃ chetvāti yathā nāma mahābalo hatthināgo dubbalataraṃ rajjubandhanaṃ sukheneva chindati, evameva ñātisaṅgādibhedassa tasmiṃ jane taṇhābandhanassa chindanena bandhanaṃ chetvā kānanasaṅkhātaṃ mahāvanaṃ pabbajjūpagamanavasena pāvisiṃ. Osānagāthā vuttatthā eva.
д̇ад̇т̇а жа махаасад̇д̇о ад̇д̇ано баб̣б̣аж̇ж̇аад̇хиббааяам̣ ж̇аанид̇ваа ‘‘д̇аад̇а, гим̣гааран̣аа баб̣б̣аж̇асий’’д̇и ран̃н̃аа вуд̇д̇о ‘‘д̣̇зва, ахам̣ маад̇угужчимхи д̣̇аса маасз г̇уут̇анираяз вияа васид̇ваа маад̇у гужчид̇о нигканд̇о яагкинияаа бхаязна сол̣асавассаани б̣анд̇ханааг̇аарз васанд̇о б̣ахи ологзд̇умби на лабхим̣, уссад̣̇анираяз багкид̇д̇о вияа ахосим̣, яагкинид̇о муд̇д̇оби аж̇араамаро на хоми, мажжу наамзса на саггаа гзнажи ж̇инид̇ум̣, бхавз угган̣тид̇омхи, яаава мз б̣яаад̇хиж̇араамаран̣аани нааг̇ажчанд̇и, д̇аавад̣̇зва баб̣б̣аж̇ид̇ваа д̇хаммам̣ жариссаами, алам̣ мз раж̇ж̇зна, ануж̇аанаахи мам̣, д̣̇зва, баб̣б̣аж̇ид̇у’’нд̇и вад̇ваа –
Tattha ca mahāsatto attano pabbajjādhippāyaṃ jānitvā ‘‘tāta, kiṃkāraṇā pabbajasī’’ti raññā vutto ‘‘deva, ahaṃ mātukucchimhi dasa māse gūthaniraye viya vasitvā mātu kucchito nikkhanto yakkhiniyā bhayena soḷasavassāni bandhanāgāre vasanto bahi oloketumpi na labhiṃ, ussadaniraye pakkhitto viya ahosiṃ, yakkhinito muttopi ajarāmaro na homi, maccu nāmesa na sakkā kenaci jinituṃ, bhave ukkaṇṭhitomhi, yāva me byādhijarāmaraṇāni nāgacchanti, tāvadeva pabbajitvā dhammaṃ carissāmi, alaṃ me rajjena, anujānāhi maṃ, deva, pabbajitu’’nti vatvā –
‘‘яамзгарад̇д̇им̣ батамам̣, г̇аб̣бхз васад̇и маан̣аво;
‘‘Yamekarattiṃ paṭhamaṃ, gabbhe vasati māṇavo;
аб̣бхудтид̇ова со яаад̇и, са г̇ажчам̣ на нивад̇д̇ад̇ий’’д̇и. (ж̇аа. 1.15.363) –
Abbhuṭṭhitova so yāti, sa gacchaṃ na nivattatī’’ti. (jā. 1.15.363) –
аад̣̇инаа жад̇увийсад̇ияаа г̇аат̇аахи бид̇у д̇хаммам̣ д̣̇зсзд̇ваа ‘‘махаарааж̇а, д̇умхаагам̣ раж̇ж̇ам̣ д̇умхаагамзва ход̇у, на маяхам̣ иминаа ад̇т̇о, д̇умхзхи сад̣̇д̇хим̣ гат̇знд̇зязва б̣яаад̇хиж̇араамаран̣аани ааг̇ажчзяяум̣, д̇идтат̇а д̇умхз’’д̇и вад̇ваа аяад̣̇аамам̣ чинд̣̇ид̇ваа мад̇д̇ахад̇т̇ий вияа, ган̃жанабан̃ж̇арам̣ бхинд̣̇ид̇ваа сийхабод̇аго вияа, гаамз бахааяа маад̇аабид̇аро ванд̣̇ид̇ваа нигками. ат̇асса бид̇аа ‘‘аяам̣ наама гумааро баб̣б̣аж̇ид̇угаамо, гиман̇г̇ам̣ банаахам̣, мамааби раж̇ж̇зна ад̇т̇о над̇т̇ий’’д̇и раж̇ж̇ам̣ бахааяа д̇зна сад̣̇д̇хим̣ зва нигками. д̇асмим̣ нигкаманд̇з д̣̇звийби амажжааби б̣раахман̣аг̇ахабад̇игаад̣̇аяобийд̇и сагаланаг̇араваасино бхог̇з чад̣д̣зд̇ваа нигкамим̣су. самааг̇амо махаа ахоси, барисаа д̣̇ваад̣̇асаяож̇анигаа ж̇аад̇аа, д̇з аад̣̇ааяа махаасад̇д̇о химаванд̇ам̣ баависи.
Ādinā catuvīsatiyā gāthāhi pitu dhammaṃ desetvā ‘‘mahārāja, tumhākaṃ rajjaṃ tumhākameva hotu, na mayhaṃ iminā attho, tumhehi saddhiṃ kathenteyeva byādhijarāmaraṇāni āgaccheyyuṃ, tiṭṭhatha tumhe’’ti vatvā ayadāmaṃ chinditvā mattahatthī viya, kañcanapañjaraṃ bhinditvā sīhapotako viya, kāme pahāya mātāpitaro vanditvā nikkhami. Athassa pitā ‘‘ayaṃ nāma kumāro pabbajitukāmo, kimaṅgaṃ panāhaṃ, mamāpi rajjena attho natthī’’ti rajjaṃ pahāya tena saddhiṃ eva nikkhami. Tasmiṃ nikkhamante devīpi amaccāpi brāhmaṇagahapatikādayopīti sakalanagaravāsino bhoge chaḍḍetvā nikkhamiṃsu. Samāgamo mahā ahosi, parisā dvādasayojanikā jātā, te ādāya mahāsatto himavantaṃ pāvisi.
сагго д̣̇зварааж̇аа д̇асса нигканд̇абхаавам̣ н̃ад̇ваа виссагаммам̣ бзсзд̇ваа д̣̇ваад̣̇асаяож̇анааяаамам̣ сад̇д̇аяож̇анавид̇т̇аарам̣ ассамабад̣̇ам̣ гаарзси, саб̣б̣з жа баб̣б̣аж̇ид̇абаригкаарз бадияаад̣̇аабзси. ид̇ха махаасад̇д̇асса баб̣б̣аж̇ж̇аа жа оваад̣̇ад̣̇аанан̃жа б̣рахмалогабарааяанад̇аа жа барисааяа саммаа бадибад̇д̇и жа саб̣б̣аа махааг̇овинд̣̇ажарияааяам̣ (жарияаа. 1.37 аад̣̇аяо) вуд̇д̇анаязнзва взд̣̇ид̇аб̣б̣аа.
Sakko devarājā tassa nikkhantabhāvaṃ ñatvā vissakammaṃ pesetvā dvādasayojanāyāmaṃ sattayojanavitthāraṃ assamapadaṃ kāresi, sabbe ca pabbajitaparikkhāre paṭiyādāpesi. Idha mahāsattassa pabbajjā ca ovādadānañca brahmalokaparāyanatā ca parisāya sammā paṭipatti ca sabbā mahāgovindacariyāyaṃ (cariyā. 1.37 ādayo) vuttanayeneva veditabbā.
д̇ад̣̇аа маад̇аабид̇аро махаарааж̇агулаани ахзсум̣, барисаа б̣уд̣̇д̇хабарисаа, аяогхарабан̣д̣ид̇о логанаат̇о.
Tadā mātāpitaro mahārājakulāni ahesuṃ, parisā buddhaparisā, ayogharapaṇḍito lokanātho.
д̇асса сзсабаараминид̣̇д̇хааран̣аа аанубхаававибхааванаа жа хздтаа вуд̇д̇анаязнзва взд̣̇ид̇аб̣б̣аад̇и.
Tassa sesapāraminiddhāraṇā ānubhāvavibhāvanā ca heṭṭhā vuttanayeneva veditabbāti.
аяогхаражарияааван̣н̣анаа нидтид̇аа.
Ayogharacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 3. аяогхаражарияаа • 3. Ayogharacariyā
