| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[510] 14. аяогхараж̇аад̇агаван̣н̣анаа
[510] 14. Ayogharajātakavaṇṇanā
яамзгарад̇д̇им̣ батаманд̇и ид̣̇ам̣ сад̇т̇аа ж̇зд̇аванз вихаранд̇о махаабхинигкаманан̃н̃зва аараб̣бха гат̇зси. д̇ад̣̇ааби хи со ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о махаабхинигкаманам̣ нигканд̇оязваа’’д̇и вад̇ваа ад̇ийд̇ам̣ аахари.
Yamekarattiṃ paṭhamanti idaṃ satthā jetavane viharanto mahābhinikkhamanaññeva ārabbha kathesi. Tadāpi hi so ‘‘na, bhikkhave, idāneva, pubbepi tathāgato mahābhinikkhamanaṃ nikkhantoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣рахмад̣̇ад̇д̇асса ран̃н̃о аг̇г̇амахзсий г̇аб̣бхам̣ бадилабхид̇ваа лад̣̇д̇хаг̇аб̣бхабарихаараа барин̣ад̇аг̇аб̣бхаа бажжуусасамананд̇арз буд̇д̇ам̣ виж̇ааяи. д̇ассаа буримад̇д̇абхаавз згаа сабад̇д̇игаа ‘‘д̇ава ж̇аад̇ам̣ ж̇аад̇ам̣ баж̇ам̣ каад̣̇ид̇ум̣ лабхиссаамий’’д̇и бад̇т̇анам̣ бадтабзси. саа гира саяам̣ ван̃жхаа худ̇ваа буд̇д̇амаад̇угод̇хзна д̇ам̣ бад̇т̇анам̣ гад̇ваа яагкаяонияам̣ ниб̣б̣ад̇д̇и. ид̇араа ран̃н̃о аг̇г̇амахзсий худ̇ваа имам̣ буд̇д̇ам̣ виж̇ааяи. саа яагкиний д̇ад̣̇аа огаасам̣ лабхид̇ваа д̣̇звияаа бассанд̇ияаава б̣ийбхажчаруубаа худ̇ваа ааг̇анд̇ваа д̇ам̣ д̣̇аарагам̣ г̇ахзд̇ваа балааяи. д̣̇звий ‘‘яагкиний мз буд̇д̇ам̣ г̇ахзд̇ваа балааяий’’д̇и махаасад̣̇д̣̇зна вирави. ид̇арааби д̣̇аарагам̣ муулаганд̣̇ам̣ вияа мурум̣ мурум̣ гаронд̇ий каад̣̇ид̇ваа д̣̇звияаа хад̇т̇авигаараад̣̇ийхи бхзравам̣ багаасзд̇ваа д̇аж̇ж̇зд̇ваа баггаами. рааж̇аа д̇ам̣ важанам̣ суд̇ваа ‘‘гим̣ саггаа яагкинияаа гаад̇у’’нд̇и д̇ун̣хий ахоси. буна д̣̇звияаа виж̇ааяанагаалз д̣̇ал̣хам̣ аарагкамагааси. д̣̇звий буд̇д̇ам̣ буна виж̇ааяи. яагкиний ааг̇анд̇ваа д̇амби каад̣̇ид̇ваа г̇ад̇аа. д̇ад̇ияаваарз д̇ассаа гужчияам̣ махаасад̇д̇о бадисанд̇хим̣ г̇ан̣хи. рааж̇аа махааж̇анам̣ саннибаад̇зд̇ваа ‘‘д̣̇звияаа ж̇аад̇ам̣ ж̇аад̇ам̣ баж̇ам̣ згаа яагкиний каад̣̇ад̇и , гим̣ ну ко гаад̇аб̣б̣а’’нд̇и бужчи. ат̇зго ‘‘яагкаа наама д̇аалабан̣н̣асса бхааяанд̇и, д̣̇звияаа хад̇т̇абаад̣̇зсу д̇аалабан̣н̣ам̣ б̣анд̇хид̇ум̣ ваддад̇ий’’д̇и ааха. ат̇зго ‘‘аяогхарасса бхааяанд̇и, аяогхарам̣ гаад̇ум̣ ваддад̇ий’’д̇и ааха. рааж̇аа ‘‘саад̇хуу’’д̇и ад̇д̇ано виж̇ид̇з гаммаарз саннибаад̇зд̇ваа ‘‘аяогхарам̣ гарот̇аа’’д̇и аан̣аабзд̇ваа ааяуд̇д̇агз ад̣̇ааси. анд̇онаг̇арзязва раман̣ийяз бхуумибхааг̇з г̇зхам̣ бадтабзсум̣, т̇амбхз аад̣̇им̣ гад̇ваа саб̣б̣аг̇зхасамбхаараа аяомаяаава ахзсум̣, навахи маасзхи аяомаяам̣ маханд̇ам̣ жад̇урассасаалам̣ нидтаанам̣ аг̇амааси. д̇ам̣ нижжам̣ баж̇ж̇алид̇абад̣̇ийбамзва ход̇и.
Atīte bārāṇasiyaṃ brahmadatte rajjaṃ kārente brahmadattassa rañño aggamahesī gabbhaṃ paṭilabhitvā laddhagabbhaparihārā pariṇatagabbhā paccūsasamanantare puttaṃ vijāyi. Tassā purimattabhāve ekā sapattikā ‘‘tava jātaṃ jātaṃ pajaṃ khādituṃ labhissāmī’’ti patthanaṃ paṭṭhapesi. Sā kira sayaṃ vañjhā hutvā puttamātukodhena taṃ patthanaṃ katvā yakkhayoniyaṃ nibbatti. Itarā rañño aggamahesī hutvā imaṃ puttaṃ vijāyi. Sā yakkhinī tadā okāsaṃ labhitvā deviyā passantiyāva bībhaccharūpā hutvā āgantvā taṃ dārakaṃ gahetvā palāyi. Devī ‘‘yakkhinī me puttaṃ gahetvā palāyī’’ti mahāsaddena viravi. Itarāpi dārakaṃ mūlakandaṃ viya muruṃ muruṃ karontī khāditvā deviyā hatthavikārādīhi bheravaṃ pakāsetvā tajjetvā pakkāmi. Rājā taṃ vacanaṃ sutvā ‘‘kiṃ sakkā yakkhiniyā kātu’’nti tuṇhī ahosi. Puna deviyā vijāyanakāle daḷhaṃ ārakkhamakāsi. Devī puttaṃ puna vijāyi. Yakkhinī āgantvā tampi khāditvā gatā. Tatiyavāre tassā kucchiyaṃ mahāsatto paṭisandhiṃ gaṇhi. Rājā mahājanaṃ sannipātetvā ‘‘deviyā jātaṃ jātaṃ pajaṃ ekā yakkhinī khādati , kiṃ nu kho kātabba’’nti pucchi. Atheko ‘‘yakkhā nāma tālapaṇṇassa bhāyanti, deviyā hatthapādesu tālapaṇṇaṃ bandhituṃ vaṭṭatī’’ti āha. Atheko ‘‘ayogharassa bhāyanti, ayogharaṃ kātuṃ vaṭṭatī’’ti āha. Rājā ‘‘sādhū’’ti attano vijite kammāre sannipātetvā ‘‘ayogharaṃ karothā’’ti āṇāpetvā āyuttake adāsi. Antonagareyeva ramaṇīye bhūmibhāge gehaṃ paṭṭhapesuṃ, thambhe ādiṃ katvā sabbagehasambhārā ayomayāva ahesuṃ, navahi māsehi ayomayaṃ mahantaṃ caturassasālaṃ niṭṭhānaṃ agamāsi. Taṃ niccaṃ pajjalitapadīpameva hoti.
рааж̇аа д̣̇звияаа г̇аб̣бхабарибаагам̣ н̃ад̇ваа аяогхарам̣ алан̇гаараабзд̇ваа д̇ам̣ аад̣̇ааяа аяогхарам̣ баависи. саа д̇ад̇т̇а д̇хан̃н̃абун̃н̃алагкан̣асамбаннам̣ буд̇д̇ам̣ виж̇ааяи, ‘‘аяогхарагумааро’’д̇взвасса наамам̣ гарим̣су. д̇ам̣ д̇хаад̇ийнам̣ д̣̇ад̇ваа маханд̇ам̣ аарагкам̣ сам̣вид̣̇ахид̇ваа рааж̇аа д̣̇звим̣ аад̣̇ааяа наг̇арам̣ бад̣̇агкин̣ам̣ гад̇ваа алан̇гад̇абаасаад̣̇ад̇аламзва абхирухи. яагкинийби уд̣̇агаваарам̣ г̇анд̇ваа взссаван̣асса уд̣̇агам̣ ваханд̇ий ж̇ийвид̇агкаяам̣ бад̇д̇аа. махаасад̇д̇о аяогхарзязва вад̣дхид̇ваа вин̃н̃уд̇ам̣ бад̇д̇о д̇ад̇т̇зва саб̣б̣асиббаани уг̇г̇ан̣хи. рааж̇аа ‘‘го мз буд̇д̇асса ваяаббад̣̇зсо’’д̇и амажжз бужчид̇ваа ‘‘сол̣асавассо, д̣̇зва, сууро т̇аамасамбанно яагкасахассамби бадиб̣аахид̇ум̣ самад̇т̇о’’д̇и суд̇ваа ‘‘раж̇ж̇амасса д̣̇ассаами, сагаланаг̇арам̣ алан̇гарид̇ваа аяогхарад̇о д̇ам̣ нийхарид̇ваа аанзт̇аа’’д̇и ааха. амажжаа ‘‘саад̇ху, д̣̇зваа’’д̇и д̣̇ваад̣̇асаяож̇анигам̣ б̣аараан̣асим̣ алан̇гарид̇ваа саб̣б̣аалан̇гааравибхуусид̇ам̣ ман̇г̇алавааран̣ам̣ аад̣̇ааяа д̇ад̇т̇а г̇анд̇ваа гумаарам̣ алан̇гаараабзд̇ваа хад̇т̇игканд̇хз нисийд̣̇аабзд̇ваа ‘‘д̣̇зва, гуласанд̇агам̣ алан̇гад̇анаг̇арам̣ бад̣̇агкин̣ам̣ гад̇ваа бид̇арам̣ гаасирааж̇аанам̣ ванд̣̇ат̇а, аж̇ж̇зва сзд̇ажчад̇д̇ам̣ лабхиссат̇аа’’д̇и аахам̣су.
Rājā deviyā gabbhaparipākaṃ ñatvā ayogharaṃ alaṅkārāpetvā taṃ ādāya ayogharaṃ pāvisi. Sā tattha dhaññapuññalakkhaṇasampannaṃ puttaṃ vijāyi, ‘‘ayogharakumāro’’tvevassa nāmaṃ kariṃsu. Taṃ dhātīnaṃ datvā mahantaṃ ārakkhaṃ saṃvidahitvā rājā deviṃ ādāya nagaraṃ padakkhiṇaṃ katvā alaṅkatapāsādatalameva abhiruhi. Yakkhinīpi udakavāraṃ gantvā vessavaṇassa udakaṃ vahantī jīvitakkhayaṃ pattā. Mahāsatto ayoghareyeva vaḍḍhitvā viññutaṃ patto tattheva sabbasippāni uggaṇhi. Rājā ‘‘ko me puttassa vayappadeso’’ti amacce pucchitvā ‘‘soḷasavasso, deva, sūro thāmasampanno yakkhasahassampi paṭibāhituṃ samattho’’ti sutvā ‘‘rajjamassa dassāmi, sakalanagaraṃ alaṅkaritvā ayogharato taṃ nīharitvā ānethā’’ti āha. Amaccā ‘‘sādhu, devā’’ti dvādasayojanikaṃ bārāṇasiṃ alaṅkaritvā sabbālaṅkāravibhūsitaṃ maṅgalavāraṇaṃ ādāya tattha gantvā kumāraṃ alaṅkārāpetvā hatthikkhandhe nisīdāpetvā ‘‘deva, kulasantakaṃ alaṅkatanagaraṃ padakkhiṇaṃ katvā pitaraṃ kāsirājānaṃ vandatha, ajjeva setacchattaṃ labhissathā’’ti āhaṃsu.
махаасад̇д̇о наг̇арам̣ бад̣̇агкин̣ам̣ гаронд̇о аараамарааман̣зяяагаванабогкаран̣ибхуумирааман̣зяяагабаасаад̣̇арааман̣зяяагаад̣̇ийни д̣̇исваа жинд̇зси ‘‘мама бид̇аа мам̣ зд̇д̇агам̣ гаалам̣ б̣анд̇ханааг̇аарз васаабзси. зваруубам̣ алан̇гад̇анаг̇арам̣ д̣̇адтум̣ наад̣̇ааси, го ну ко маяхам̣ д̣̇осо’’д̇и амажжз бужчи. ‘‘д̣̇зва, над̇т̇и д̇умхаагам̣ д̣̇осо, д̇умхаагам̣ бана д̣̇взбхаад̇игз згаа яагкиний каад̣̇и, д̇зна во бид̇аа аяогхарз васаабзси, аяогхарзна ж̇ийвид̇ам̣ д̇умхаагам̣ лад̣̇д̇ха’’нд̇и. со д̇зсам̣ важанам̣ суд̇ваа жинд̇зси ‘‘ахам̣ д̣̇аса маасз лохагумбхинираяз вияа жа г̇уут̇анираяз вияа жа маад̇угужчимхи васид̇ваа маад̇угужчид̇о нигканд̇агаалад̇о бадтааяа сол̣аса вассаани зд̇асмим̣ б̣анд̇ханааг̇аарз васим̣, б̣ахи ологзд̇умби на лабхим̣, уссад̣̇анираяз кид̇д̇о вияа ахосим̣, яагкинияаа хад̇т̇ад̇о муд̇д̇оби банаахам̣ нзва аж̇аро, на амаро хоми, гим̣ мз раж̇ж̇зна, раж̇ж̇з тид̇агаалад̇о бадтааяа д̣̇уннигкаманам̣ ход̇и, аж̇ж̇зва мама бид̇арам̣ баб̣б̣аж̇ж̇ам̣ ануж̇аанаабзд̇ваа химаванд̇ам̣ бависид̇ваа баб̣б̣аж̇иссаамий’’д̇и. со наг̇арам̣ бад̣̇агкин̣ам̣ гад̇ваа рааж̇агулам̣ бависид̇ваа рааж̇аанам̣ ванд̣̇ид̇ваа адтааси.
Mahāsatto nagaraṃ padakkhiṇaṃ karonto ārāmarāmaṇeyyakavanapokkharaṇibhūmirāmaṇeyyakapāsādarāmaṇeyyakādīni disvā cintesi ‘‘mama pitā maṃ ettakaṃ kālaṃ bandhanāgāre vasāpesi. Evarūpaṃ alaṅkatanagaraṃ daṭṭhuṃ nādāsi, ko nu kho mayhaṃ doso’’ti amacce pucchi. ‘‘Deva, natthi tumhākaṃ doso, tumhākaṃ pana dvebhātike ekā yakkhinī khādi, tena vo pitā ayoghare vasāpesi, ayogharena jīvitaṃ tumhākaṃ laddha’’nti. So tesaṃ vacanaṃ sutvā cintesi ‘‘ahaṃ dasa māse lohakumbhiniraye viya ca gūthaniraye viya ca mātukucchimhi vasitvā mātukucchito nikkhantakālato paṭṭhāya soḷasa vassāni etasmiṃ bandhanāgāre vasiṃ, bahi oloketumpi na labhiṃ, ussadaniraye khitto viya ahosiṃ, yakkhiniyā hatthato muttopi panāhaṃ neva ajaro, na amaro homi, kiṃ me rajjena, rajje ṭhitakālato paṭṭhāya dunnikkhamanaṃ hoti, ajjeva mama pitaraṃ pabbajjaṃ anujānāpetvā himavantaṃ pavisitvā pabbajissāmī’’ti. So nagaraṃ padakkhiṇaṃ katvā rājakulaṃ pavisitvā rājānaṃ vanditvā aṭṭhāsi.
рааж̇аа д̇асса сарийрасобхам̣ ологзд̇ваа б̣алавасинзхзна амажжз ологзси. д̇з ‘‘гим̣ гарома, д̣̇зваа’’д̇и вад̣̇им̣су. буд̇д̇ам̣ мз рад̇анараасимхи табзд̇ваа д̇ийхи сан̇кзхи абхисин̃жид̇ваа ган̃жанамаалам̣ сзд̇ажчад̇д̇ам̣ уссаабзт̇аад̇и. махаасад̇д̇о бид̇арам̣ ванд̣̇ид̇ваа ‘‘на маяхам̣ раж̇ж̇знад̇т̇о, ахам̣ баб̣б̣аж̇иссаами, баб̣б̣аж̇ж̇ам̣ мз ануж̇аанаат̇аа’’д̇и ааха. д̇аад̇а раж̇ж̇ам̣ бадигкибид̇ваа гим̣гааран̣аа баб̣б̣аж̇иссасийд̇и. ‘‘д̣̇зва ахам̣ маад̇угужчимхи д̣̇аса маасз г̇уут̇анираяз вияа васид̇ваа маад̇угужчид̇о нигканд̇о яагкинибхаязна сол̣аса вассаани б̣анд̇ханааг̇аарз васанд̇о б̣ахи ологзд̇умби на алабхим̣, уссад̣̇анираяз кид̇д̇о вияа ахосим̣, яагкинияаа хад̇т̇ад̇о муд̇д̇омхийд̇иби аж̇аро амаро на хоми. мажжу наамзса на саггаа гзнажи ж̇инид̇ум̣, бхавз угган̣тид̇омхи, яаава мз б̣яаад̇хиж̇араамаран̣аани нааг̇ажчанд̇и, д̇аавад̣̇зва баб̣б̣аж̇ид̇ваа д̇хаммам̣ жариссаами, алам̣ мз раж̇ж̇зна, ануж̇аанаат̇а мам̣, д̣̇зваа’’д̇и вад̇ваа бид̇у д̇хаммам̣ д̣̇зсзнд̇о ааха –
Rājā tassa sarīrasobhaṃ oloketvā balavasinehena amacce olokesi. Te ‘‘kiṃ karoma, devā’’ti vadiṃsu. Puttaṃ me ratanarāsimhi ṭhapetvā tīhi saṅkhehi abhisiñcitvā kañcanamālaṃ setacchattaṃ ussāpethāti. Mahāsatto pitaraṃ vanditvā ‘‘na mayhaṃ rajjenattho, ahaṃ pabbajissāmi, pabbajjaṃ me anujānāthā’’ti āha. Tāta rajjaṃ paṭikkhipitvā kiṃkāraṇā pabbajissasīti. ‘‘Deva ahaṃ mātukucchimhi dasa māse gūthaniraye viya vasitvā mātukucchito nikkhanto yakkhinibhayena soḷasa vassāni bandhanāgāre vasanto bahi oloketumpi na alabhiṃ, ussadaniraye khitto viya ahosiṃ, yakkhiniyā hatthato muttomhītipi ajaro amaro na homi. Maccu nāmesa na sakkā kenaci jinituṃ, bhave ukkaṇṭhitomhi, yāva me byādhijarāmaraṇāni nāgacchanti, tāvadeva pabbajitvā dhammaṃ carissāmi, alaṃ me rajjena, anujānātha maṃ, devā’’ti vatvā pitu dhammaṃ desento āha –
363.
363.
‘‘яамзгарад̇д̇им̣ батамам̣, г̇аб̣бхз васад̇и маан̣аво;
‘‘Yamekarattiṃ paṭhamaṃ, gabbhe vasati māṇavo;
аб̣бхудтид̇ова со яаад̇и, са г̇ажчам̣ на нивад̇д̇ад̇и.
Abbhuṭṭhitova so yāti, sa gacchaṃ na nivattati.
364.
364.
‘‘на яуж̇жхамаанаа на б̣алзнавассид̇аа, нараа на ж̇ийранд̇и на жааби мийяарз;
‘‘Na yujjhamānā na balenavassitā, narā na jīranti na cāpi mīyare;
саб̣б̣ам̣ хид̣̇ам̣ ж̇аад̇иж̇арааяубад̣̇д̣̇уд̇ам̣, д̇ам̣ мз мад̇ий ход̇и жараами д̇хаммам̣.
Sabbaṃ hidaṃ jātijarāyupaddutaṃ, taṃ me matī hoti carāmi dhammaṃ.
365.
365.
‘‘жад̇уран̇г̇иним̣ сзнам̣ субхим̣саруубам̣, ж̇аяанд̇и радтаад̇хибад̇ий басаяха;
‘‘Caturaṅginiṃ senaṃ subhiṃsarūpaṃ, jayanti raṭṭhādhipatī pasayha;
на мажжуно ж̇аяид̇умуссаханд̇и, д̇ам̣ мз мад̇ий ход̇и жараами д̇хаммам̣.
Na maccuno jayitumussahanti, taṃ me matī hoti carāmi dhammaṃ.
366.
366.
‘‘хад̇т̇ийхи ассзхи рат̇зхи бад̇д̇ибхи, бариваарид̇аа мужжарз згажжзяяаа;
‘‘Hatthīhi assehi rathehi pattibhi, parivāritā muccare ekacceyyā;
на мажжуно мужжид̇умуссаханд̇и, д̇ам̣ мз мад̇ий ход̇и жараами д̇хаммам̣.
Na maccuno muccitumussahanti, taṃ me matī hoti carāmi dhammaṃ.
367.
367.
‘‘хад̇т̇ийхи ассзхи рат̇зхи бад̇д̇ибхи, суураа бабхан̃ж̇анд̇и бад̇хам̣саяанд̇и;
‘‘Hatthīhi assehi rathehi pattibhi, sūrā pabhañjanti padhaṃsayanti;
на мажжуно бхан̃ж̇ид̇умуссаханд̇и, д̇ам̣ мз мад̇ий ход̇и жараами д̇хаммам̣.
Na maccuno bhañjitumussahanti, taṃ me matī hoti carāmi dhammaṃ.
368.
368.
‘‘мад̇д̇аа г̇аж̇аа бхиннаг̇ал̣аа бабхиннаа, наг̇араани мад̣̇д̣̇анд̇и ж̇анам̣ хананд̇и;
‘‘Mattā gajā bhinnagaḷā pabhinnā, nagarāni maddanti janaṃ hananti;
на мажжуно мад̣̇д̣̇ид̇умуссаханд̇и, д̇ам̣ мз мад̇ий ход̇и жараами д̇хаммам̣.
Na maccuno madditumussahanti, taṃ me matī hoti carāmi dhammaṃ.
369.
369.
‘‘иссаасино гад̇ахад̇т̇ааби вийраа, д̣̇уурзбаад̇ий агкан̣авзд̇хиноби;
‘‘Issāsino katahatthāpi vīrā, dūrepātī akkhaṇavedhinopi;
на мажжуно виж̇жхид̇умуссаханд̇и, д̇ам̣ мз мад̇ий ход̇и жараами д̇хаммам̣.
Na maccuno vijjhitumussahanti, taṃ me matī hoti carāmi dhammaṃ.
370.
370.
‘‘сараани кийяанд̇и сасзлагаананаа, саб̣б̣ам̣ хид̣̇ам̣ кийяад̇и д̣̇ийгхаманд̇арам̣;
‘‘Sarāni khīyanti saselakānanā, sabbaṃ hidaṃ khīyati dīghamantaraṃ;
саб̣б̣ам̣ хид̣̇ам̣ бхан̃ж̇арз гаалабарияааяам̣, д̇ам̣ мз мад̇ий ход̇и жараами д̇хаммам̣.
Sabbaṃ hidaṃ bhañjare kālapariyāyaṃ, taṃ me matī hoti carāmi dhammaṃ.
371.
371.
‘‘саб̣б̣зсамзван̃хи нараана нааринам̣, жалаажалам̣ баан̣абхунод̇ха ж̇ийвид̇ам̣;
‘‘Sabbesamevañhi narāna nārinaṃ, calācalaṃ pāṇabhunodha jīvitaṃ;
бадова д̇худ̇д̇асса, д̣̇умова гуулаж̇о, д̇ам̣ мз мад̇ий ход̇и жараами д̇хаммам̣.
Paṭova dhuttassa, dumova kūlajo, taṃ me matī hoti carāmi dhammaṃ.
372.
372.
‘‘д̣̇умабпалаанзва бад̇анд̇и маан̣аваа, д̣̇ахараа жа вуд̣̇д̇хаа жа сарийрабхзд̣̇аа;
‘‘Dumapphalāneva patanti māṇavā, daharā ca vuddhā ca sarīrabhedā;
наарияо нараа маж̇жхимаборисаа жа, д̇ам̣ мз мад̇ий ход̇и жараами д̇хаммам̣.
Nāriyo narā majjhimaporisā ca, taṃ me matī hoti carāmi dhammaṃ.
373.
373.
‘‘нааяам̣ ваяо д̇аарагарааж̇асаннибхо, яад̣̇аб̣бхад̇ийд̇ам̣ г̇ад̇амзва д̣̇аани д̇ам̣;
‘‘Nāyaṃ vayo tārakarājasannibho, yadabbhatītaṃ gatameva dāni taṃ;
ж̇ин̣н̣асса хий над̇т̇и рад̇ий гуд̇о сукам̣, д̇ам̣ мз мад̇ий ход̇и жараами д̇хаммам̣.
Jiṇṇassa hī natthi ratī kuto sukhaṃ, taṃ me matī hoti carāmi dhammaṃ.
374.
374.
‘‘яагкаа бисаажаа ат̇авааби бзд̇аа, губид̇аа д̇з ассасанд̇и мануссз;
‘‘Yakkhā pisācā athavāpi petā, kupitā te assasanti manusse;
на мажжуно ассасид̇уссаханд̇и, д̇ам̣ мз мад̇ий ход̇и жараами д̇хаммам̣.
Na maccuno assasitussahanti, taṃ me matī hoti carāmi dhammaṃ.
375.
375.
‘‘яагкз бисаажз ат̇авааби бзд̇з, губид̇зби д̇з ниж̇жхабанам̣ гаронд̇и;
‘‘Yakkhe pisāce athavāpi pete, kupitepi te nijjhapanaṃ karonti;
на мажжуно ниж̇жхабанам̣ гаронд̇и, д̇ам̣ мз мад̇ий ход̇и жараами д̇хаммам̣.
Na maccuno nijjhapanaṃ karonti, taṃ me matī hoti carāmi dhammaṃ.
376.
376.
‘‘абараад̇хагз д̣̇уусагз хзтагз жа, рааж̇аано д̣̇ан̣д̣знд̇и вид̣̇ид̇ваана д̣̇осам̣;
‘‘Aparādhake dūsake heṭhake ca, rājāno daṇḍenti viditvāna dosaṃ;
на мажжуно д̣̇ан̣д̣аяид̇уссаханд̇и, д̇ам̣ мз мад̇ий ход̇и жараами д̇хаммам̣.
Na maccuno daṇḍayitussahanti, taṃ me matī hoti carāmi dhammaṃ.
377.
377.
‘‘абараад̇хагаа д̣̇уусагаа хзтагаа жа, лабханд̇и д̇з рааж̇ино ниж̇жхабзд̇ум̣;
‘‘Aparādhakā dūsakā heṭhakā ca, labhanti te rājino nijjhapetuṃ;
на мажжуно ниж̇жхабанам̣ гаронд̇и, д̇ам̣ мз мад̇ий ход̇и жараами д̇хаммам̣.
Na maccuno nijjhapanaṃ karonti, taṃ me matī hoti carāmi dhammaṃ.
378.
378.
‘‘на кад̇д̇ияод̇и на жа б̣раахман̣од̇и, на ад̣дхагаа б̣алаваа д̇зж̇авааби;
‘‘Na khattiyoti na ca brāhmaṇoti, na aḍḍhakā balavā tejavāpi;
на мажжурааж̇асса абзгкамад̇т̇и, д̇ам̣ мз мад̇ий ход̇и жараами д̇хаммам̣.
Na maccurājassa apekkhamatthi, taṃ me matī hoti carāmi dhammaṃ.
379.
379.
‘‘сийхаа жа б̣яаг̇гхаа жа ат̇оби д̣̇ийбияо, басаяха каад̣̇анд̇и вибпанд̣̇амаанам̣;
‘‘Sīhā ca byagghā ca athopi dīpiyo, pasayha khādanti vipphandamānaṃ;
на мажжуно каад̣̇ид̇умуссаханд̇и, д̇ам̣ мз мад̇ий ход̇и жараами д̇хаммам̣.
Na maccuno khāditumussahanti, taṃ me matī hoti carāmi dhammaṃ.
380.
380.
‘‘мааяаагаараа ран̇г̇амаж̇жхз гаронд̇аа, мохзнд̇и жагкууни ж̇анасса д̇аавад̣̇з;
‘‘Māyākārā raṅgamajjhe karontā, mohenti cakkhūni janassa tāvade;
на мажжуно мохаяид̇уссаханд̇и, д̇ам̣ мз мад̇ий ход̇и жараами д̇хаммам̣.
Na maccuno mohayitussahanti, taṃ me matī hoti carāmi dhammaṃ.
381.
381.
‘‘аасийвисаа губид̇аа уг̇г̇ад̇зж̇аа, д̣ам̣санд̇и маарзнд̇иби д̇з мануссз;
‘‘Āsīvisā kupitā uggatejā, ḍaṃsanti mārentipi te manusse;
на мажжуно д̣ам̣сид̇умуссаханд̇и, д̇ам̣ мз мад̇ий ход̇и жараами д̇хаммам̣.
Na maccuno ḍaṃsitumussahanti, taṃ me matī hoti carāmi dhammaṃ.
382.
382.
‘‘аасийвисаа губид̇аа яам̣ д̣ам̣санд̇и, д̇игижчагаа д̇зса висам̣ хананд̇и;
‘‘Āsīvisā kupitā yaṃ ḍaṃsanti, tikicchakā tesa visaṃ hananti;
на мажжуно д̣̇адтависам̣ хананд̇и, д̇ам̣ мз мад̇ий ход̇и жараами д̇хаммам̣.
Na maccuno daṭṭhavisaṃ hananti, taṃ me matī hoti carāmi dhammaṃ.
383.
383.
‘‘д̇хамманд̇арий взд̇д̇аран̣ий жа бхож̇о, висаани ханд̇ваана бхуж̇ан̇г̇амаанам̣;
‘‘Dhammantarī vettaraṇī ca bhojo, visāni hantvāna bhujaṅgamānaṃ;
суяяанд̇и д̇з гаалагад̇аа д̇ат̇зва, д̇ам̣ мз мад̇ий ход̇и жараами д̇хаммам̣.
Suyyanti te kālakatā tatheva, taṃ me matī hoti carāmi dhammaṃ.
384.
384.
‘‘виж̇ж̇аад̇хараа гхорамад̇хийяамаанаа, ад̣̇ассанам̣ осад̇хзхи важ̇анд̇и;
‘‘Vijjādharā ghoramadhīyamānā, adassanaṃ osadhehi vajanti;
на мажжурааж̇асса важ̇анд̇ад̣̇ассанам̣, д̇ам̣ мз мад̇ий ход̇и жараами д̇хаммам̣.
Na maccurājassa vajantadassanaṃ, taṃ me matī hoti carāmi dhammaṃ.
385.
385.
‘‘д̇хаммо хавз рагкад̇и д̇хаммажаарим̣, д̇хаммо сужин̣н̣о сукамаавахаад̇и;
‘‘Dhammo have rakkhati dhammacāriṃ, dhammo suciṇṇo sukhamāvahāti;
зсаанисам̣со д̇хаммз сужин̣н̣з, на д̣̇уг̇г̇ад̇им̣ г̇ажчад̇и д̇хаммажаарий.
Esānisaṃso dhamme suciṇṇe, na duggatiṃ gacchati dhammacārī.
386.
386.
‘‘на хи д̇хаммо ад̇хаммо жа, убхо самавибаагино;
‘‘Na hi dhammo adhammo ca, ubho samavipākino;
ад̇хаммо нираяам̣ нзд̇и, д̇хаммо баабзд̇и суг̇г̇ад̇и’’нд̇и.
Adhammo nirayaṃ neti, dhammo pāpeti suggati’’nti.
д̇ад̇т̇а яамзгарад̇д̇инд̇и язбхуяязна сад̇д̇аа маад̇угужчимхи бадисанд̇хим̣ г̇ан̣ханд̇аа рад̇д̇ияам̣язва г̇ан̣ханд̇и, д̇асмаа звамааха. аяам̣ банзд̇т̇а ад̇т̇о – яам̣ згарад̇д̇им̣ ваа д̣̇иваа ваа батамамзва бадисанд̇хим̣ г̇ан̣хид̇ваа маад̇угужчисан̇каад̇з г̇аб̣бхз васад̇и. маан̣авод̇и сад̇д̇о галалабхаавзна бад̇идтаад̇и. аб̣бхудтид̇ова со яаад̇ийд̇и со маан̣аво яат̇аа наама валаахагасан̇каад̇о аб̣бхо удтид̇о ниб̣б̣ад̇д̇о вааяувзг̇аахад̇о бадиг̇ажчад̇и, д̇ат̇зва –
Tattha yamekarattinti yebhuyyena sattā mātukucchimhi paṭisandhiṃ gaṇhantā rattiyaṃyeva gaṇhanti, tasmā evamāha. Ayaṃ panettha attho – yaṃ ekarattiṃ vā divā vā paṭhamameva paṭisandhiṃ gaṇhitvā mātukucchisaṅkhāte gabbhe vasati. Māṇavoti satto kalalabhāvena patiṭṭhāti. Abbhuṭṭhitova so yātīti so māṇavo yathā nāma valāhakasaṅkhāto abbho uṭṭhito nibbatto vāyuvegāhato paṭigacchati, tatheva –
‘‘батамам̣ галалам̣ ход̇и, галалаа ход̇и аб̣б̣уд̣̇ам̣;
‘‘Paṭhamaṃ kalalaṃ hoti, kalalā hoti abbudaṃ;
аб̣б̣уд̣̇аа ж̇ааяад̇з бзси, бзси ниб̣б̣ад̇д̇ад̇ий гхано;
Abbudā jāyate pesi, pesi nibbattatī ghano;
гханаа басаакаа ж̇ааяанд̇и, гзсаа ломаа накааби жа.
Ghanā pasākhā jāyanti, kesā lomā nakhāpi ca.
‘‘яан̃жасса бхун̃ж̇ад̇ий маад̇аа, аннам̣ баанан̃жа бхож̇анам̣;
‘‘Yañcassa bhuñjatī mātā, annaṃ pānañca bhojanaṃ;
д̇зна со д̇ад̇т̇а яаабзд̇и, маад̇угужчиг̇ад̇о народ̇и. (сам̣. ни. 1.235);
Tena so tattha yāpeti, mātukucchigato naroti. (saṃ. ni. 1.235);
имам̣ маад̇угужчияам̣ галалаад̣̇ибхаавам̣, маад̇угужчид̇о жа нигканд̇о манд̣̇ад̣̇асагаад̣̇ибхаавам̣ аабаж̇ж̇амаано сад̇ад̇ам̣ самид̇ам̣ г̇ажчад̇и. са г̇ажчам̣ на нивад̇д̇ад̇ийд̇и сажааяам̣ звам̣ г̇ажчанд̇о буна аб̣б̣уд̣̇ад̇о галалабхаавам̣, бзсиаад̣̇ид̇о ваа аб̣б̣уд̣̇аад̣̇ибхаавам̣, кид̣д̣аад̣̇асагад̇о манд̣̇ад̣̇асагабхаавам̣, ван̣н̣ад̣̇асагаад̣̇ид̇о ваа кид̣д̣аад̣̇асагаад̣̇ибхаавам̣ баабун̣ид̇ум̣ на нивад̇д̇ад̇и. яат̇аа бана со валаахаго ваад̇авзг̇зна сам̣жун̣н̣ияамаано ‘‘ахам̣ асугадтаанз наама удтид̇о буна нивад̇д̇ид̇ваа д̇ад̇т̇зва г̇анд̇ваа багад̇ибхаавзна тассаамий’’д̇и на лабхад̇и, яам̣ д̣̇исам̣ г̇ад̇ам̣, д̇ам̣ г̇ад̇амзва, яам̣ анд̇арахид̇ам̣, д̇ам̣ анд̇арахид̇амзва ход̇и, д̇ат̇аа соби галалаад̣̇ибхаавзна г̇ажчамаано г̇ажчад̇зва, д̇асмим̣ д̇асмим̣ годтаасз сан̇каараа буримаанам̣ буримаанам̣ бажжаяаа худ̇ваа бажчад̇о анивад̇д̇ид̇ваа д̇ад̇т̇а д̇ад̇т̇зва бхиж̇ж̇анд̇и, ж̇араагаалз сан̇каараа ‘‘амхзхи зса буб̣б̣з яуваа т̇аамасамбанно гад̇о, буна нам̣ нивад̇д̇ид̇ваа д̇ад̇т̇зва гариссаамаа’’д̇и на лабханд̇и, д̇ад̇т̇а д̇ад̇т̇зва анд̇арад̇хааяанд̇ийд̇и д̣̇ассзд̇и.
Imaṃ mātukucchiyaṃ kalalādibhāvaṃ, mātukucchito ca nikkhanto mandadasakādibhāvaṃ āpajjamāno satataṃ samitaṃ gacchati. Sa gacchaṃ na nivattatīti sacāyaṃ evaṃ gacchanto puna abbudato kalalabhāvaṃ, pesiādito vā abbudādibhāvaṃ, khiḍḍādasakato mandadasakabhāvaṃ, vaṇṇadasakādito vā khiḍḍādasakādibhāvaṃ pāpuṇituṃ na nivattati. Yathā pana so valāhako vātavegena saṃcuṇṇiyamāno ‘‘ahaṃ asukaṭṭhāne nāma uṭṭhito puna nivattitvā tattheva gantvā pakatibhāvena ṭhassāmī’’ti na labhati, yaṃ disaṃ gataṃ, taṃ gatameva, yaṃ antarahitaṃ, taṃ antarahitameva hoti, tathā sopi kalalādibhāvena gacchamāno gacchateva, tasmiṃ tasmiṃ koṭṭhāse saṅkhārā purimānaṃ purimānaṃ paccayā hutvā pacchato anivattitvā tattha tattheva bhijjanti, jarākāle saṅkhārā ‘‘amhehi esa pubbe yuvā thāmasampanno kato, puna naṃ nivattitvā tattheva karissāmā’’ti na labhanti, tattha tattheva antaradhāyantīti dasseti.
на яуж̇жхамаанаад̇и убхад̇о б̣яуул̣хз сан̇г̇аамз яуж̇жханд̇аа. на б̣алзнавассид̇аад̇и на гааяаб̣алзна ваа яод̇хаб̣алзна ваа убаг̇ад̇аа саманнааг̇ад̇аа. на ж̇ийранд̇ийд̇и бурима-на-гаарам̣ аахарид̇ваа зваруубааби нараа на ж̇ийранд̇и на жааби на мийяарзд̇и ад̇т̇о взд̣̇ид̇аб̣б̣о. саб̣б̣ам̣ хид̣̇анд̇и махаарааж̇а, саб̣б̣амзва ид̣̇ам̣ баан̣аман̣д̣алам̣ махааяанд̇зна бийл̣ияамаанаа ужчугхадигаа вияа ж̇аад̇ияаа жа ж̇арааяа жа убад̣̇д̣̇уд̇ам̣ нижжам̣ бийл̣ид̇ам̣. д̇ам̣ мз мад̇ий ход̇ийд̇и д̇зна гааран̣зна мама ‘‘баб̣б̣аж̇ид̇ваа д̇хаммам̣ жараамий’’д̇и мад̇и ход̇и жид̇д̇ам̣ уббаж̇ж̇ад̇и.
Nayujjhamānāti ubhato byūḷhe saṅgāme yujjhantā. Na balenavassitāti na kāyabalena vā yodhabalena vā upagatā samannāgatā. Na jīrantīti purima-na-kāraṃ āharitvā evarūpāpi narā na jīranti na cāpi na mīyareti attho veditabbo. Sabbaṃ hidanti mahārāja, sabbameva idaṃ pāṇamaṇḍalaṃ mahāyantena pīḷiyamānā ucchughaṭikā viya jātiyā ca jarāya ca upaddutaṃ niccaṃ pīḷitaṃ. Taṃ me matī hotīti tena kāraṇena mama ‘‘pabbajitvā dhammaṃ carāmī’’ti mati hoti cittaṃ uppajjati.
жад̇уран̇г̇ининд̇и хад̇т̇иаад̣̇ийхи жад̇уран̇г̇зхи саманнааг̇ад̇ам̣. сзнам̣ субхим̣саруубанд̇и судту бхим̣санагаж̇аад̇игам̣ сзнам̣. ж̇аяанд̇ийд̇и гад̣̇аажи згажжз рааж̇аано ад̇д̇ано сзнааяа ж̇аяанд̇и. на мажжунод̇и д̇зби рааж̇аано махаасзнасса мажжуно сзнам̣ ж̇аяид̇ум̣ на уссаханд̇и, на б̣яаад̇хиж̇араамаран̣аани мад̣̇д̣̇ид̇ум̣ саггонд̇и. мужжарз згажжзяяаад̇и зд̇зхи хад̇т̇иаад̣̇ийхи бариваарид̇аа згажжз бажжаамид̇д̇аанам̣ хад̇т̇ад̇о мужжанд̇и, мажжуно бана санд̇игаа мужжид̇ум̣ на саггонд̇и. бабхан̃ж̇анд̇ийд̇и зд̇зхи хад̇т̇иаад̣̇ийхи бажжад̇т̇игарааж̇уунам̣ наг̇араани бабхан̃ж̇анд̇и. бад̇хам̣саяанд̇ийд̇и махааж̇анам̣ д̇хам̣сзнд̇аа бад̇хам̣сзнд̇аа ж̇ийвид̇агкаяам̣ баабзнд̇и. на мажжунод̇и д̇зби маран̣агаалз бад̇д̇з мажжуно бхан̃ж̇ид̇ум̣ на саггонд̇и.
Caturaṅgininti hatthiādīhi caturaṅgehi samannāgataṃ. Senaṃ subhiṃsarūpanti suṭṭhu bhiṃsanakajātikaṃ senaṃ. Jayantīti kadāci ekacce rājāno attano senāya jayanti. Na maccunoti tepi rājāno mahāsenassa maccuno senaṃ jayituṃ na ussahanti, na byādhijarāmaraṇāni maddituṃ sakkonti. Muccare ekacceyyāti etehi hatthiādīhi parivāritā ekacce paccāmittānaṃ hatthato muccanti, maccuno pana santikā muccituṃ na sakkonti. Pabhañjantīti etehi hatthiādīhi paccatthikarājūnaṃ nagarāni pabhañjanti. Padhaṃsayantīti mahājanaṃ dhaṃsentā padhaṃsentā jīvitakkhayaṃ pāpenti. Na maccunoti tepi maraṇakāle patte maccuno bhañjituṃ na sakkonti.
бхиннаг̇ал̣аа бабхиннаад̇и д̇ийсу таанзсу бабхиннаа худ̇ваа мад̣̇ам̣ г̇ал̣анд̇аа, баг̇гхарид̇амад̣̇аад̇и ад̇т̇о. на мажжунод̇и д̇зби махаамажжум̣ мад̣̇д̣̇ид̇ум̣ на саггонд̇и. иссаасинод̇и иссаасаа д̇хануг̇г̇ахаа. гад̇ахад̇т̇аад̇и сусигкид̇аа. д̣̇уурзбаад̇ийд̇и сарам̣ д̣̇уурз баад̇зд̇ум̣ самад̇т̇аа. агкан̣авзд̇хинод̇и авирад̣̇д̇хавзд̇хино, виж̇ж̇уаалогзна виж̇жханасамад̇т̇аа ваа. сараанийд̇и анод̇ад̇д̇аад̣̇ийни махаасараани кийяанд̇иязва. сасзлагаананаад̇и сабаб̣б̣ад̇аванасан̣д̣аа махаабат̇авийби кийяад̇и. саб̣б̣ам̣ хид̣̇анд̇и саб̣б̣амид̣̇ам̣ сан̇каараг̇ад̇ам̣ д̣̇ийгхаманд̇арам̣ тад̇ваа кийяад̇зва. габбудтаанаг̇г̇им̣ бад̇ваа махаасинзруби аг̇г̇имукз мад̇хусид̇т̇агам̣ вияа вилийяад̇зва, ан̣умад̇д̇оби сан̇кааро таад̇ум̣ на саггод̇и. гаалабарияааяанд̇и гаалабарияааяам̣ нассанагаалаваарам̣ бад̇ваа саб̣б̣ам̣ бхан̃ж̇арз, саб̣б̣ам̣ сан̇каараг̇ад̇ам̣ бхиж̇ж̇ад̇зва. д̇асса багаасанад̇т̇ам̣ сад̇д̇асуурияасуд̇д̇ам̣ (а. ни. 7.66) аахарид̇аб̣б̣ам̣.
Bhinnagaḷā pabhinnāti tīsu ṭhānesu pabhinnā hutvā madaṃ gaḷantā, paggharitamadāti attho. Na maccunoti tepi mahāmaccuṃ maddituṃ na sakkonti. Issāsinoti issāsā dhanuggahā. Katahatthāti susikkhitā. Dūrepātīti saraṃ dūre pātetuṃ samatthā. Akkhaṇavedhinoti aviraddhavedhino, vijjuālokena vijjhanasamatthā vā. Sarānīti anotattādīni mahāsarāni khīyantiyeva. Saselakānanāti sapabbatavanasaṇḍā mahāpathavīpi khīyati. Sabbaṃ hidanti sabbamidaṃ saṅkhāragataṃ dīghamantaraṃ ṭhatvā khīyateva. Kappuṭṭhānaggiṃ patvā mahāsinerupi aggimukhe madhusitthakaṃ viya vilīyateva, aṇumattopi saṅkhāro ṭhātuṃ na sakkoti. Kālapariyāyanti kālapariyāyaṃ nassanakālavāraṃ patvā sabbaṃ bhañjare, sabbaṃ saṅkhāragataṃ bhijjateva. Tassa pakāsanatthaṃ sattasūriyasuttaṃ (a. ni. 7.66) āharitabbaṃ.
жалаажаланд̇и жан̃жалам̣ сагабхаавзна таад̇ум̣ асамад̇т̇ам̣ наанаабхаававинаабхаавасабхаавамзва. баан̣абхунод̇ха ж̇ийвид̇анд̇и ид̇ха логз имзсам̣ баан̣абхууд̇аанам̣ ж̇ийвид̇ам̣ . бадова д̇худ̇д̇асса, д̣̇умова гуулаж̇од̇и сурад̇худ̇д̇о хи сурам̣ д̣̇исваава уд̣̇арз б̣ад̣̇д̇хам̣ саадагам̣ д̣̇ад̇ваа бивад̇зва, над̣̇ийгуулз ж̇аад̇ад̣̇умова гуулз луж̇ж̇амаанз луж̇ж̇ад̇и, яат̇аа зса бадо жа д̣̇умо жа жан̃жало, звам̣ сад̇д̇аанам̣ ж̇ийвид̇ам̣, д̣̇зваад̇и. д̣̇умабпалаанзваад̇и яат̇аа баггаани палаани ваад̇аахад̇аани д̣̇умаг̇г̇ад̇о бхуумияам̣ бад̇анд̇и, д̇ат̇звимз маан̣аваа ж̇арааваад̇аахад̇аа ж̇ийвид̇аа г̇ал̣ид̇ваа маран̣абат̇авияам̣ бад̇анд̇и. д̣̇ахараад̇и анд̇амасо галалабхаавз тид̇ааби. маж̇жхимаборисаад̇и наарийнараанам̣ маж̇жхз тид̇аа убхад̇об̣яан̃ж̇анаганабум̣сагаа.
Calācalanti cañcalaṃ sakabhāvena ṭhātuṃ asamatthaṃ nānābhāvavinābhāvasabhāvameva. Pāṇabhunodhajīvitanti idha loke imesaṃ pāṇabhūtānaṃ jīvitaṃ . Paṭova dhuttassa, dumova kūlajoti suradhutto hi suraṃ disvāva udare baddhaṃ sāṭakaṃ datvā pivateva, nadīkūle jātadumova kūle lujjamāne lujjati, yathā esa paṭo ca dumo ca cañcalo, evaṃ sattānaṃ jīvitaṃ, devāti. Dumapphalānevāti yathā pakkāni phalāni vātāhatāni dumaggato bhūmiyaṃ patanti, tathevime māṇavā jarāvātāhatā jīvitā gaḷitvā maraṇapathaviyaṃ patanti. Daharāti antamaso kalalabhāve ṭhitāpi. Majjhimaporisāti nārīnarānaṃ majjhe ṭhitā ubhatobyañjanakanapuṃsakā.
д̇аарагарааж̇асаннибход̇и яат̇аа д̇аарагарааж̇аа гаал̣абагкз кийн̣о, буна ж̇ун̣хабагкз буурад̇и, на звам̣ сад̇д̇аанам̣ ваяо. сад̇д̇аанан̃хи яам̣ аб̣бхад̇ийд̇ам̣, г̇ад̇амзва д̣̇аани д̇ам̣, на д̇асса бунааг̇аманам̣ ад̇т̇и. гуд̇о суканд̇и ж̇арааж̇ин̣н̣асса гаамаг̇ун̣зсу рад̇иби над̇т̇и, д̇з бадижжа уббаж̇ж̇анагасукам̣ гуд̇оязва. яагкаад̇и махид̣̇д̇хигаа яагкаа. бисаажаад̇и бам̣субисаажагаа. бзд̇аад̇и бзд̇д̇ивисаяигаа. ассасанд̇ийд̇и ассаасаваад̇зна убахананд̇и, аависанд̇ийд̇и ваа ад̇т̇о. на мажжунод̇и мажжум̣ бана д̇зби ассаасзна убаханид̇ум̣ ваа аависид̇ум̣ ваа на саггонд̇и. ниж̇жхабанам̣ гаронд̇ийд̇и б̣алигаммавасзна камаабзнд̇и басаад̣̇знд̇и. абараад̇хагзд̇и рааж̇аабараад̇хагаарагз. д̣̇уусагзд̇и раж̇ж̇ад̣̇уусагз. хзтагзд̇и санд̇хижчзд̣̇аад̣̇ийхи логавихзтагз. рааж̇аанод̇и рааж̇аано. вид̣̇ид̇ваана д̣̇осанд̇и д̣̇осам̣ ж̇аанид̇ваа яат̇аануруубзна д̣̇ан̣д̣зна д̣̇ан̣д̣знд̇ийд̇и ад̇т̇о. на мажжунод̇и д̇зби мажжум̣ д̣̇ан̣д̣аяид̇ум̣ на саггонд̇и.
Tārakarājasannibhoti yathā tārakarājā kāḷapakkhe khīṇo, puna juṇhapakkhe pūrati, na evaṃ sattānaṃ vayo. Sattānañhi yaṃ abbhatītaṃ, gatameva dāni taṃ, na tassa punāgamanaṃ atthi. Kuto sukhanti jarājiṇṇassa kāmaguṇesu ratipi natthi, te paṭicca uppajjanakasukhaṃ kutoyeva. Yakkhāti mahiddhikā yakkhā. Pisācāti paṃsupisācakā. Petāti pettivisayikā. Assasantīti assāsavātena upahananti, āvisantīti vā attho. Na maccunoti maccuṃ pana tepi assāsena upahanituṃ vā āvisituṃ vā na sakkonti. Nijjhapanaṃ karontīti balikammavasena khamāpenti pasādenti. Aparādhaketi rājāparādhakārake. Dūsaketi rajjadūsake. Heṭhaketi sandhicchedādīhi lokaviheṭhake. Rājānoti rājāno. Viditvāna dosanti dosaṃ jānitvā yathānurūpena daṇḍena daṇḍentīti attho. Na maccunoti tepi maccuṃ daṇḍayituṃ na sakkonti.
ниж̇жхабзд̇унд̇и сагкийхи ад̇д̇ано нирабараад̇хабхаавам̣ багаасзд̇ваа басаад̣̇зд̇ум̣. на ад̣дхагаа б̣алаваа д̇зж̇аваабийд̇и ‘‘имз ад̣дхаа, аяам̣ гааяаб̣алан̃аан̣аб̣алаад̣̇ийхи б̣алаваа, аяам̣ д̇зж̇аваа’’д̇и звамби на бажжурааж̇асса абзгкам̣ ад̇т̇и, згасмимби сад̇д̇з абзгкам̣ бзмам̣ синзхо над̇т̇и, саб̣б̣амзва абхимад̣̇д̣̇ад̇ийд̇и д̣̇ассзд̇и. басаяхаад̇и б̣алаггаарзна абхибхавид̇ваа. на мажжунод̇и д̇зби мажжум̣ каад̣̇ид̇ум̣ на саггонд̇и. гаронд̇аад̇и мааяам̣ гаронд̇аа. мохзнд̇ийд̇и абхууд̇ам̣ бхууд̇ам̣ гад̇ваа д̣̇ассзнд̇аа мохзнд̇и. уг̇г̇ад̇зж̇аад̇и уг̇г̇ад̇зна висад̇зж̇зна саманнааг̇ад̇аа. д̇игижчагаад̇и висавзж̇ж̇аа. д̇хамманд̇арий взд̇д̇аран̣ий жа бхож̇од̇и зд̇з звам̣наамагаа взж̇ж̇аа. гхорамад̇хийяамаанаад̇и гхорам̣ наама виж̇ж̇ам̣ ад̇хийяанд̇аа. осад̇хзхийд̇и гхорам̣ ваа г̇анд̇хаарим̣ ваа виж̇ж̇ам̣ саавзд̇ваа осад̇хам̣ аад̣̇ааяа д̇зхи осад̇хзхи бажжад̇т̇игаанам̣ ад̣̇ассанам̣ важ̇анд̇и.
Nijjhapetunti sakkhīhi attano niraparādhabhāvaṃ pakāsetvā pasādetuṃ. Na aḍḍhakā balavā tejavāpīti ‘‘ime aḍḍhā, ayaṃ kāyabalañāṇabalādīhi balavā, ayaṃ tejavā’’ti evampi na paccurājassa apekkhaṃ atthi, ekasmimpi satte apekkhaṃ pemaṃ sineho natthi, sabbameva abhimaddatīti dasseti. Pasayhāti balakkārena abhibhavitvā. Na maccunoti tepi maccuṃ khādituṃ na sakkonti. Karontāti māyaṃ karontā. Mohentīti abhūtaṃ bhūtaṃ katvā dassentā mohenti. Uggatejāti uggatena visatejena samannāgatā. Tikicchakāti visavejjā. Dhammantarī vettaraṇī ca bhojoti ete evaṃnāmakā vejjā. Ghoramadhīyamānāti ghoraṃ nāma vijjaṃ adhīyantā. Osadhehīti ghoraṃ vā gandhāriṃ vā vijjaṃ sāvetvā osadhaṃ ādāya tehi osadhehi paccatthikānaṃ adassanaṃ vajanti.
д̇хаммод̇и сужарид̇ад̇хаммо. рагкад̇ийд̇и язна рагкид̇о, д̇ам̣ бадирагкад̇и. суканд̇и часу гаамасаг̇г̇зсу сукам̣ аавахад̇и. баабзд̇ийд̇и бадисанд̇хивасзна убанзд̇и.
Dhammoti sucaritadhammo. Rakkhatīti yena rakkhito, taṃ paṭirakkhati. Sukhanti chasu kāmasaggesu sukhaṃ āvahati. Pāpetīti paṭisandhivasena upaneti.
звам̣ махаасад̇д̇о жад̇увийсад̇ияаа г̇аат̇аахи бид̇у д̇хаммам̣ д̣̇зсзд̇ваа ‘‘махаарааж̇а, д̇умхаагам̣ раж̇ж̇ам̣ д̇умхаагамзва ход̇у, на маяхам̣ иминаа ад̇т̇о, д̇умхзхи бана сад̣̇д̇хим̣ гат̇знд̇амзва мам̣ б̣яаад̇хиж̇араамаран̣аани убаг̇ажчанд̇и, д̇идтат̇а, д̇умхз’’д̇и вад̇ваа аяад̣̇аамам̣ чинд̣̇ид̇ваа мад̇д̇ахад̇т̇ий вияа ган̃жанабан̃ж̇арам̣ чинд̣̇ид̇ваа сийхабод̇аго вияа гаамз бахааяа маад̇аабид̇аро ванд̣̇ид̇ваа нигками. ат̇асса бид̇аа ‘‘мамаби раж̇ж̇знад̇т̇о над̇т̇ий’’д̇и раж̇ж̇ам̣ бахааяа д̇зна сад̣̇д̇хин̃н̃зва нигками, д̇асмим̣ нигканд̇з д̣̇звийби амажжааби б̣раахман̣аг̇ахабад̇игаад̣̇аяобийд̇и сагаланаг̇араваасино г̇зхаани чад̣д̣зд̇ваа нигкамим̣су. самааг̇амо махаа ахоси, барисаа д̣̇ваад̣̇асаяож̇анигаа ж̇аад̇аа. д̇ам̣ аад̣̇ааяа махаасад̇д̇о химаванд̇ам̣ баависи. сагго д̇асса нигканд̇абхаавам̣ н̃ад̇ваа виссагаммам̣ бзсзд̇ваа д̣̇ваад̣̇асаяож̇анааяаамам̣ сад̇д̇аяож̇анавид̇т̇аарам̣ ассамабад̣̇ам̣ гаарзси. саб̣б̣з баб̣б̣аж̇ид̇абаригкаарз бадияаад̣̇аабзси. ид̇о барам̣ махаасад̇д̇асса баб̣б̣аж̇ж̇аа жа оваад̣̇ад̣̇аанан̃жа б̣рахмалогабарааяан̣ад̇аа жа барисааяа анабааяаг̇аманийяад̇аа жа саб̣б̣аа хздтаа вуд̇д̇анаязнзва взд̣̇ид̇аб̣б̣аа.
Evaṃ mahāsatto catuvīsatiyā gāthāhi pitu dhammaṃ desetvā ‘‘mahārāja, tumhākaṃ rajjaṃ tumhākameva hotu, na mayhaṃ iminā attho, tumhehi pana saddhiṃ kathentameva maṃ byādhijarāmaraṇāni upagacchanti, tiṭṭhatha, tumhe’’ti vatvā ayadāmaṃ chinditvā mattahatthī viya kañcanapañjaraṃ chinditvā sīhapotako viya kāme pahāya mātāpitaro vanditvā nikkhami. Athassa pitā ‘‘mamapi rajjenattho natthī’’ti rajjaṃ pahāya tena saddhiññeva nikkhami, tasmiṃ nikkhante devīpi amaccāpi brāhmaṇagahapatikādayopīti sakalanagaravāsino gehāni chaḍḍetvā nikkhamiṃsu. Samāgamo mahā ahosi, parisā dvādasayojanikā jātā. Taṃ ādāya mahāsatto himavantaṃ pāvisi. Sakko tassa nikkhantabhāvaṃ ñatvā vissakammaṃ pesetvā dvādasayojanāyāmaṃ sattayojanavitthāraṃ assamapadaṃ kāresi. Sabbe pabbajitaparikkhāre paṭiyādāpesi. Ito paraṃ mahāsattassa pabbajjā ca ovādadānañca brahmalokaparāyaṇatā ca parisāya anapāyagamanīyatā ca sabbā heṭṭhā vuttanayeneva veditabbā.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, бхигкавз, буб̣б̣зби д̇ат̇ааг̇ад̇о махаабхинигкаманам̣ нигканд̇оязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа маад̇аабид̇аро махаарааж̇агулаани ахзсум̣, сзсабарисаа б̣уд̣̇д̇хабарисаа, аяогхарабан̣д̣ид̇о бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ, bhikkhave, pubbepi tathāgato mahābhinikkhamanaṃ nikkhantoyevā’’ti vatvā jātakaṃ samodhānesi – ‘‘tadā mātāpitaro mahārājakulāni ahesuṃ, sesaparisā buddhaparisā, ayogharapaṇḍito pana ahameva ahosi’’nti.
аяогхараж̇аад̇агаван̣н̣анаа жуд̣̇д̣̇асамаа.
Ayogharajātakavaṇṇanā cuddasamā.
ж̇аад̇агуд̣̇д̣̇аанам̣ –
Jātakuddānaṃ –
маад̇ан̇г̇о жид̇д̇асамбхууд̇о, сиви сирий жа рохан̣ам̣;
Mātaṅgo cittasambhūto, sivi sirī ca rohaṇaṃ;
хам̣со сад̇д̇иг̇умб̣о бхаллаа, соманассам̣ жамбзяяагам̣.
Haṃso sattigumbo bhallā, somanassaṃ campeyyakaṃ.
балобхам̣ бан̃жабан̣д̣ид̇ам̣, хад̇т̇ибаалам̣ аяогхарам̣;
Palobhaṃ pañcapaṇḍitaṃ, hatthipālaṃ ayogharaṃ;
вийсад̇ияамхи ж̇аад̇агаа, жад̇уд̣̇д̣̇асзва сан̇г̇ид̇аа.
Vīsatiyamhi jātakā, catuddaseva saṅgitā.
вийсад̇инибаад̇аван̣н̣анаа нидтид̇аа.
Vīsatinipātavaṇṇanā niṭṭhitā.
(жад̇уд̇т̇о бхааг̇о нидтид̇о)
(Catuttho bhāgo niṭṭhito)
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
ж̇аад̇ага-адтагат̇аа
Jātaka-aṭṭhakathā
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 510. аяогхараж̇аад̇агам̣ • 510. Ayogharajātakaṃ
