| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. аяог̇ул̣аваг̇г̇о
3. Ayoguḷavaggo
2. аяог̇ул̣асуд̇д̇аван̣н̣анаа
2. Ayoguḷasuttavaṇṇanā
834. иминаа жад̇умахаабхууд̇амаязнаад̇и иминаа саб̣б̣алогабажжагкзна жад̇уухи махаабхууд̇зхи ниб̣б̣ад̇д̇зна жад̇умахаабхууд̇амаязна. маномаяо бана ниммид̇агааяо бхаг̇авад̇о руживасзна барзсам̣ бажжагко ход̇и. омаад̇ийд̇и авамаад̇и. ава-буб̣б̣о хи маа-сад̣̇д̣̇о сад̇д̇иад̇т̇оби ход̇ийд̇и ‘‘баход̇и саггод̇ий’’д̇и ад̇т̇о вуд̇д̇о. асамбхиннабад̣̇анд̇и асаад̇хааран̣абад̣̇ам̣ ан̃н̃ад̇т̇а анааг̇ад̇ад̇д̇аа. гааяасса жид̇д̇з самод̣̇аханам̣ ааробанам̣ д̇анниссид̇ад̇аагаран̣ан̃жа ад̇т̇ад̇о жид̇д̇аг̇ад̇ияаа бавад̇д̇анамзваад̇и ааха ‘‘жид̇д̇аг̇ад̇ияаа бзсзд̇ий’’д̇и.
834.Iminā catumahābhūtamayenāti iminā sabbalokapaccakkhena catūhi mahābhūtehi nibbattena catumahābhūtamayena. Manomayo pana nimmitakāyo bhagavato rucivasena paresaṃ paccakkho hoti. Omātīti avamāti. Ava-pubbo hi mā-saddo sattiatthopi hotīti ‘‘pahoti sakkotī’’ti attho vutto. Asambhinnapadanti asādhāraṇapadaṃ aññattha anāgatattā. Kāyassa citte samodahanaṃ āropanaṃ tannissitatākaraṇañca atthato cittagatiyā pavattanamevāti āha ‘‘cittagatiyā pesetī’’ti.
д̇ад̇т̇а жид̇д̇аг̇ад̇иг̇аманам̣ наама жид̇д̇авасзна гааяасса барин̣ааманзна ‘‘аяам̣ гааяо имам̣ жид̇д̇ам̣ вияа ход̇уу’’д̇и гааяасса жид̇д̇зна самаанаг̇ад̇игад̇аатабанам̣. гат̇ам̣ бана гааяо д̣̇анд̇хабавад̇д̇иго лахубавад̇д̇инаа жид̇д̇зна самаанаг̇ад̇иго ход̇ийд̇и? на саб̣б̣ат̇аа самаанаг̇ад̇иго. яат̇зва хи гааяавасзна жид̇д̇абарин̣ааманз жид̇д̇ам̣ саб̣б̣ат̇аа гааязна самаанаг̇ад̇игам̣ на ход̇и. на хи гад̣̇аажи д̇ам̣ сабхаавасид̣̇д̇хзна ад̇д̇ано кан̣зна авад̇д̇ид̇ваа д̣̇анд̇хавуд̇д̇игасса руубад̇хаммасса васзна бавад̇д̇ид̇ум̣ саггод̇и, ‘‘ид̣̇ам̣ жид̇д̇ам̣ аяам̣ гааяо вияа ход̇уу’’д̇и бана ад̇хидтаанзна д̣̇анд̇хаг̇ад̇игасса гааяасса анувад̇д̇анад̇о яаава ижчид̇адтаанаббад̇д̇и, д̇аава гааяаг̇ад̇иануломзнзва худ̇ваа санд̇аанавасзна бавад̇д̇амаанам̣ жид̇д̇ам̣ гааяаг̇ад̇ияаа барин̣аамид̇ам̣ наама ход̇и. звам̣ ‘‘аяам̣ гааяо ид̣̇ам̣ жид̇д̇ам̣ вияа ход̇уу’’д̇и ад̇хидтаанзна баг̇зва сукалахусан̃н̃ааяа самбаад̣̇ид̇ад̇д̇аа абхаавид̇ид̣̇д̇хибаад̣̇аанам̣ вияа д̣̇анд̇хам̣ авад̇д̇ид̇ваа яат̇аа лахугам̣ гад̇ибаяажид̇д̇аваарзнзва ижчид̇адтаанаббад̇д̇и ход̇и, звам̣ бавад̇д̇амаано гааяо жид̇д̇аг̇ад̇ияаа барин̣аамид̇о наама ход̇и, на згажид̇д̇агкан̣знзва ижчид̇адтаанаббад̇д̇ияаа, зван̃жа гад̇ваа б̣аахаасамин̃ж̇анабасааран̣уубамааби убажаарзна винаа судтуд̇арам̣ яуд̇д̇аа ход̇ийд̇и. ан̃н̃ат̇аа д̇хаммад̇аавиломад̇аа сияаа, нааби д̇хаммаанам̣ лагкан̣ан̃н̃ат̇ад̇д̇ам̣ ид̣̇д̇хиб̣алзна гаад̇ум̣ саггаа, бхааван̃н̃ат̇ад̇д̇амзва бана гаад̇ум̣ саггаад̇и.
Tattha cittagatigamanaṃ nāma cittavasena kāyassa pariṇāmanena ‘‘ayaṃ kāyo imaṃ cittaṃ viya hotū’’ti kāyassa cittena samānagatikatāṭhapanaṃ. Kathaṃ pana kāyo dandhapavattiko lahupavattinā cittena samānagatiko hotīti? Na sabbathā samānagatiko. Yatheva hi kāyavasena cittapariṇāmane cittaṃ sabbathā kāyena samānagatikaṃ na hoti. Na hi kadāci taṃ sabhāvasiddhena attano khaṇena avattitvā dandhavuttikassa rūpadhammassa vasena pavattituṃ sakkoti, ‘‘idaṃ cittaṃ ayaṃ kāyo viya hotū’’ti pana adhiṭṭhānena dandhagatikassa kāyassa anuvattanato yāva icchitaṭṭhānappatti, tāva kāyagatianulomeneva hutvā santānavasena pavattamānaṃ cittaṃ kāyagatiyā pariṇāmitaṃ nāma hoti. Evaṃ ‘‘ayaṃ kāyo idaṃ cittaṃ viya hotū’’ti adhiṭṭhānena pageva sukhalahusaññāya sampāditattā abhāvitiddhipādānaṃ viya dandhaṃ avattitvā yathā lahukaṃ katipayacittavāreneva icchitaṭṭhānappatti hoti, evaṃ pavattamāno kāyo cittagatiyā pariṇāmito nāma hoti, na ekacittakkhaṇeneva icchitaṭṭhānappattiyā, evañca katvā bāhāsamiñjanapasāraṇūpamāpi upacārena vinā suṭṭhutaraṃ yuttā hotīti. Aññathā dhammatāvilomatā siyā, nāpi dhammānaṃ lakkhaṇaññathattaṃ iddhibalena kātuṃ sakkā, bhāvaññathattameva pana kātuṃ sakkāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. аяог̇ул̣асуд̇д̇ам̣ • 2. Ayoguḷasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. аяог̇ул̣асуд̇д̇аван̣н̣анаа • 2. Ayoguḷasuttavaṇṇanā
