| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਅਯੋਗੁਲ਼વਗ੍ਗੋ
3. Ayoguḷavaggo
੨. ਅਯੋਗੁਲ਼ਸੁਤ੍ਤવਣ੍ਣਨਾ
2. Ayoguḷasuttavaṇṇanā
੮੩੪. ਇਮਿਨਾ ਚਤੁਮਹਾਭੂਤਮਯੇਨਾਤਿ ਇਮਿਨਾ ਸਬ੍ਬਲੋਕਪਚ੍ਚਕ੍ਖੇਨ ਚਤੂਹਿ ਮਹਾਭੂਤੇਹਿ ਨਿਬ੍ਬਤ੍ਤੇਨ ਚਤੁਮਹਾਭੂਤਮਯੇਨ। ਮਨੋਮਯੋ ਪਨ ਨਿਮ੍ਮਿਤਕਾਯੋ ਭਗવਤੋ ਰੁਚਿવਸੇਨ ਪਰੇਸਂ ਪਚ੍ਚਕ੍ਖੋ ਹੋਤਿ। ਓਮਾਤੀਤਿ ਅવਮਾਤਿ। ਅવ-ਪੁਬ੍ਬੋ ਹਿ ਮਾ-ਸਦ੍ਦੋ ਸਤ੍ਤਿਅਤ੍ਥੋਪਿ ਹੋਤੀਤਿ ‘‘ਪਹੋਤਿ ਸਕ੍ਕੋਤੀ’’ਤਿ ਅਤ੍ਥੋ વੁਤ੍ਤੋ। ਅਸਮ੍ਭਿਨ੍ਨਪਦਨ੍ਤਿ ਅਸਾਧਾਰਣਪਦਂ ਅਞ੍ਞਤ੍ਥ ਅਨਾਗਤਤ੍ਤਾ। ਕਾਯਸ੍ਸ ਚਿਤ੍ਤੇ ਸਮੋਦਹਨਂ ਆਰੋਪਨਂ ਤਨ੍ਨਿਸ੍ਸਿਤਤਾਕਰਣਞ੍ਚ ਅਤ੍ਥਤੋ ਚਿਤ੍ਤਗਤਿਯਾ ਪવਤ੍ਤਨਮੇવਾਤਿ ਆਹ ‘‘ਚਿਤ੍ਤਗਤਿਯਾ ਪੇਸੇਤੀ’’ਤਿ।
834.Iminā catumahābhūtamayenāti iminā sabbalokapaccakkhena catūhi mahābhūtehi nibbattena catumahābhūtamayena. Manomayo pana nimmitakāyo bhagavato rucivasena paresaṃ paccakkho hoti. Omātīti avamāti. Ava-pubbo hi mā-saddo sattiatthopi hotīti ‘‘pahoti sakkotī’’ti attho vutto. Asambhinnapadanti asādhāraṇapadaṃ aññattha anāgatattā. Kāyassa citte samodahanaṃ āropanaṃ tannissitatākaraṇañca atthato cittagatiyā pavattanamevāti āha ‘‘cittagatiyā pesetī’’ti.
ਤਤ੍ਥ ਚਿਤ੍ਤਗਤਿਗਮਨਂ ਨਾਮ ਚਿਤ੍ਤવਸੇਨ ਕਾਯਸ੍ਸ ਪਰਿਣਾਮਨੇਨ ‘‘ਅਯਂ ਕਾਯੋ ਇਮਂ ਚਿਤ੍ਤਂ વਿਯ ਹੋਤੂ’’ਤਿ ਕਾਯਸ੍ਸ ਚਿਤ੍ਤੇਨ ਸਮਾਨਗਤਿਕਤਾਠਪਨਂ। ਕਥਂ ਪਨ ਕਾਯੋ ਦਨ੍ਧਪવਤ੍ਤਿਕੋ ਲਹੁਪવਤ੍ਤਿਨਾ ਚਿਤ੍ਤੇਨ ਸਮਾਨਗਤਿਕੋ ਹੋਤੀਤਿ? ਨ ਸਬ੍ਬਥਾ ਸਮਾਨਗਤਿਕੋ। ਯਥੇવ ਹਿ ਕਾਯવਸੇਨ ਚਿਤ੍ਤਪਰਿਣਾਮਨੇ ਚਿਤ੍ਤਂ ਸਬ੍ਬਥਾ ਕਾਯੇਨ ਸਮਾਨਗਤਿਕਂ ਨ ਹੋਤਿ। ਨ ਹਿ ਕਦਾਚਿ ਤਂ ਸਭਾવਸਿਦ੍ਧੇਨ ਅਤ੍ਤਨੋ ਖਣੇਨ ਅવਤ੍ਤਿਤ੍વਾ ਦਨ੍ਧવੁਤ੍ਤਿਕਸ੍ਸ ਰੂਪਧਮ੍ਮਸ੍ਸ વਸੇਨ ਪવਤ੍ਤਿਤੁਂ ਸਕ੍ਕੋਤਿ, ‘‘ਇਦਂ ਚਿਤ੍ਤਂ ਅਯਂ ਕਾਯੋ વਿਯ ਹੋਤੂ’’ਤਿ ਪਨ ਅਧਿਟ੍ਠਾਨੇਨ ਦਨ੍ਧਗਤਿਕਸ੍ਸ ਕਾਯਸ੍ਸ ਅਨੁવਤ੍ਤਨਤੋ ਯਾવ ਇਚ੍ਛਿਤਟ੍ਠਾਨਪ੍ਪਤ੍ਤਿ, ਤਾવ ਕਾਯਗਤਿਅਨੁਲੋਮੇਨੇવ ਹੁਤ੍વਾ ਸਨ੍ਤਾਨવਸੇਨ ਪવਤ੍ਤਮਾਨਂ ਚਿਤ੍ਤਂ ਕਾਯਗਤਿਯਾ ਪਰਿਣਾਮਿਤਂ ਨਾਮ ਹੋਤਿ। ਏવਂ ‘‘ਅਯਂ ਕਾਯੋ ਇਦਂ ਚਿਤ੍ਤਂ વਿਯ ਹੋਤੂ’’ਤਿ ਅਧਿਟ੍ਠਾਨੇਨ ਪਗੇવ ਸੁਖਲਹੁਸਞ੍ਞਾਯ ਸਮ੍ਪਾਦਿਤਤ੍ਤਾ ਅਭਾવਿਤਿਦ੍ਧਿਪਾਦਾਨਂ વਿਯ ਦਨ੍ਧਂ ਅવਤ੍ਤਿਤ੍વਾ ਯਥਾ ਲਹੁਕਂ ਕਤਿਪਯਚਿਤ੍ਤવਾਰੇਨੇવ ਇਚ੍ਛਿਤਟ੍ਠਾਨਪ੍ਪਤ੍ਤਿ ਹੋਤਿ, ਏવਂ ਪવਤ੍ਤਮਾਨੋ ਕਾਯੋ ਚਿਤ੍ਤਗਤਿਯਾ ਪਰਿਣਾਮਿਤੋ ਨਾਮ ਹੋਤਿ, ਨ ਏਕਚਿਤ੍ਤਕ੍ਖਣੇਨੇવ ਇਚ੍ਛਿਤਟ੍ਠਾਨਪ੍ਪਤ੍ਤਿਯਾ, ਏવਞ੍ਚ ਕਤ੍વਾ ਬਾਹਾਸਮਿਞ੍ਜਨਪਸਾਰਣੂਪਮਾਪਿ ਉਪਚਾਰੇਨ વਿਨਾ ਸੁਟ੍ਠੁਤਰਂ ਯੁਤ੍ਤਾ ਹੋਤੀਤਿ। ਅਞ੍ਞਥਾ ਧਮ੍ਮਤਾવਿਲੋਮਤਾ ਸਿਯਾ, ਨਾਪਿ ਧਮ੍ਮਾਨਂ ਲਕ੍ਖਣਞ੍ਞਥਤ੍ਤਂ ਇਦ੍ਧਿਬਲੇਨ ਕਾਤੁਂ ਸਕ੍ਕਾ, ਭਾવਞ੍ਞਥਤ੍ਤਮੇવ ਪਨ ਕਾਤੁਂ ਸਕ੍ਕਾਤਿ।
Tattha cittagatigamanaṃ nāma cittavasena kāyassa pariṇāmanena ‘‘ayaṃ kāyo imaṃ cittaṃ viya hotū’’ti kāyassa cittena samānagatikatāṭhapanaṃ. Kathaṃ pana kāyo dandhapavattiko lahupavattinā cittena samānagatiko hotīti? Na sabbathā samānagatiko. Yatheva hi kāyavasena cittapariṇāmane cittaṃ sabbathā kāyena samānagatikaṃ na hoti. Na hi kadāci taṃ sabhāvasiddhena attano khaṇena avattitvā dandhavuttikassa rūpadhammassa vasena pavattituṃ sakkoti, ‘‘idaṃ cittaṃ ayaṃ kāyo viya hotū’’ti pana adhiṭṭhānena dandhagatikassa kāyassa anuvattanato yāva icchitaṭṭhānappatti, tāva kāyagatianulomeneva hutvā santānavasena pavattamānaṃ cittaṃ kāyagatiyā pariṇāmitaṃ nāma hoti. Evaṃ ‘‘ayaṃ kāyo idaṃ cittaṃ viya hotū’’ti adhiṭṭhānena pageva sukhalahusaññāya sampāditattā abhāvitiddhipādānaṃ viya dandhaṃ avattitvā yathā lahukaṃ katipayacittavāreneva icchitaṭṭhānappatti hoti, evaṃ pavattamāno kāyo cittagatiyā pariṇāmito nāma hoti, na ekacittakkhaṇeneva icchitaṭṭhānappattiyā, evañca katvā bāhāsamiñjanapasāraṇūpamāpi upacārena vinā suṭṭhutaraṃ yuttā hotīti. Aññathā dhammatāvilomatā siyā, nāpi dhammānaṃ lakkhaṇaññathattaṃ iddhibalena kātuṃ sakkā, bhāvaññathattameva pana kātuṃ sakkāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਅਯੋਗੁਲ਼ਸੁਤ੍ਤਂ • 2. Ayoguḷasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਅਯੋਗੁਲ਼ਸੁਤ੍ਤવਣ੍ਣਨਾ • 2. Ayoguḷasuttavaṇṇanā
