| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5-10. аяонисосуд̇д̇аад̣̇иван̣н̣анаа
5-10. Ayonisosuttādivaṇṇanā
5-10. бан̃жамз гад̇и ну ко ануссад̇идтаанаанийд̇иаад̣̇и чаггз аави бхависсад̇ийд̇и. звам̣ жинд̇ид̇анд̇и аяонисо жинд̇ид̇ам̣. абан̃хамзва бан̃ханд̇и гат̇зсийд̇и абан̃хамзва бан̃хо аяанд̇и ман̃н̃амаано виссаж̇ж̇зси. д̣̇асавид̇хам̣ б̣яан̃ж̇анаб̣уд̣̇д̇хим̣ абарихаабзд̇ваад̇и –
5-10. Pañcame kati nu kho anussatiṭṭhānānītiādi chakke āvi bhavissatīti. Evaṃ cintitanti ayoniso cintitaṃ. Apañhameva pañhanti kathesīti apañhameva pañho ayanti maññamāno vissajjesi. Dasavidhaṃ byañjanabuddhiṃ aparihāpetvāti –
‘‘сит̇илам̣ д̇ханид̇ан̃жа д̣̇ийгхарассам̣, г̇аругам̣ лахуган̃жа ниг̇г̇ахийд̇ам̣;
‘‘Sithilaṃ dhanitañca dīgharassaṃ, garukaṃ lahukañca niggahītaṃ;
самб̣анд̇хам̣ вавад̇т̇ид̇ам̣ вимуд̇д̇ам̣, д̣̇асад̇хаа б̣яан̃ж̇анаб̣уд̣̇д̇хияаа бабхзд̣̇о’’д̇и. (д̣̇ий. ни. адта. 1.190; ма. ни. адта. 2.291; бари. адта. 485; ви. сан̇г̇а. адта. 252) –
Sambandhaṃ vavatthitaṃ vimuttaṃ, dasadhā byañjanabuddhiyā pabhedo’’ti. (dī. ni. aṭṭha. 1.190; ma. ni. aṭṭha. 2.291; pari. aṭṭha. 485; vi. saṅga. aṭṭha. 252) –
звам̣ вуд̇д̇ам̣ д̣̇асавид̇хам̣ б̣яан̃ж̇анаб̣уд̣̇д̇хим̣ абарихаабзд̇ваа.
Evaṃ vuttaṃ dasavidhaṃ byañjanabuddhiṃ aparihāpetvā.
д̇ад̇т̇а таанагаран̣аани сит̇илаани гад̇ваа ужжаарзд̇аб̣б̣ам̣ агкарам̣ сит̇илам̣, д̇ааниязва д̇ханид̇аани асит̇илаани гад̇ваа ужжаарзд̇аб̣б̣ам̣ агкарам̣ д̇ханид̇ам̣. д̣̇вимад̇д̇агаалам̣ д̣̇ийгхам̣, згамад̇д̇агаалам̣ рассам̣. г̇аруганд̇и д̣̇ийгхамзва, яам̣ ваа ‘‘ааяасмад̇о б̣уд̣̇д̇харагкид̇ад̇т̇зрассаа’’д̇и сам̣яог̇абарам̣ гад̇ваа вужжад̇и, лахуганд̇и рассамзва, яам̣ ваа ‘‘ааяасмад̇о б̣уд̣̇д̇харагкид̇ат̇зрассаа’’д̇и звам̣ висам̣яог̇абарам̣ гад̇ваа вужжад̇и. ниг̇г̇ахийд̇анд̇и яам̣ гаран̣аани ниг̇г̇ахзд̇ваа ависсаж̇ж̇зд̇ваа авивадзна мукзна саанунаасигам̣ гад̇ваа вад̇д̇аб̣б̣ам̣. самб̣анд̇ханд̇и яам̣ барабад̣̇зна самб̣анд̇хид̇ваа ‘‘д̇ун̣хассаа’’д̇и вужжад̇и. вавад̇т̇ид̇анд̇и яам̣ барабад̣̇зна асамб̣анд̇хам̣ гад̇ваа вижчинд̣̇ид̇ваа ‘‘д̇ун̣хий ассаа’’д̇и вужжад̇и. вимуд̇д̇анд̇и яам̣ гаран̣аани аниг̇г̇ахзд̇ваа виссаж̇ж̇зд̇ваа вивадзна мукзна саанунаасигам̣ агад̇ваа вужжад̇и. д̣̇асад̇хаа б̣яан̃ж̇анаб̣уд̣̇д̇хияаа бабхзд̣̇од̇и звам̣ сит̇илаад̣̇ивасзна б̣яан̃ж̇анаб̣уд̣̇д̇хияаа агкаруббаад̣̇агажид̇д̇асса д̣̇асаббагаарзна бабхзд̣̇о. саб̣б̣аани хи агкараани жид̇д̇асамудтаанаани яат̇аад̇хиббзд̇ад̇т̇аб̣яан̃ж̇анад̇о б̣яан̃ж̇анаани жа.
Tattha ṭhānakaraṇāni sithilāni katvā uccāretabbaṃ akkharaṃ sithilaṃ, tāniyeva dhanitāni asithilāni katvā uccāretabbaṃ akkharaṃ dhanitaṃ. Dvimattakālaṃ dīghaṃ, ekamattakālaṃ rassaṃ. Garukanti dīghameva, yaṃ vā ‘‘āyasmato buddharakkhitattherassā’’ti saṃyogaparaṃ katvā vuccati, lahukanti rassameva, yaṃ vā ‘‘āyasmato buddharakkhitatherassā’’ti evaṃ visaṃyogaparaṃ katvā vuccati. Niggahītanti yaṃ karaṇāni niggahetvā avissajjetvā avivaṭena mukhena sānunāsikaṃ katvā vattabbaṃ. Sambandhanti yaṃ parapadena sambandhitvā ‘‘tuṇhassā’’ti vuccati. Vavatthitanti yaṃ parapadena asambandhaṃ katvā vicchinditvā ‘‘tuṇhī assā’’ti vuccati. Vimuttanti yaṃ karaṇāni aniggahetvā vissajjetvā vivaṭena mukhena sānunāsikaṃ akatvā vuccati. Dasadhā byañjanabuddhiyā pabhedoti evaṃ sithilādivasena byañjanabuddhiyā akkharuppādakacittassa dasappakārena pabhedo. Sabbāni hi akkharāni cittasamuṭṭhānāni yathādhippetatthabyañjanato byañjanāni ca.
‘‘адтаанам̣ ко зд̇ам̣, аавусо саарибуд̇д̇аа’’д̇иаад̣̇и бан̃жагз аави бхависсад̇и. ‘‘гад̇и ну ко, аананд̣̇а, ануссад̇идтаанааний’’д̇иаад̣̇и бана чаггз аави бхависсад̇и. чадтаад̣̇ийсу над̇т̇и вад̇д̇аб̣б̣ам̣.
‘‘Aṭṭhānaṃkho etaṃ, āvuso sāriputtā’’tiādi pañcake āvi bhavissati. ‘‘Kati nu kho, ānanda, anussatiṭṭhānānī’’tiādi pana chakke āvi bhavissati. Chaṭṭhādīsu natthi vattabbaṃ.
аяонисосуд̇д̇аад̣̇иван̣н̣анаа нидтид̇аа.
Ayonisosuttādivaṇṇanā niṭṭhitā.
б̣аалаваг̇г̇аван̣н̣анаа нидтид̇аа.
Bālavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
5. аяонисосуд̇д̇ам̣ • 5. Ayonisosuttaṃ
6. агусаласуд̇д̇ам̣ • 6. Akusalasuttaṃ
7. сааваж̇ж̇асуд̇д̇ам̣ • 7. Sāvajjasuttaṃ
8. саб̣яааб̣аж̇жхасуд̇д̇ам̣ • 8. Sabyābajjhasuttaṃ
9. кад̇асуд̇д̇ам̣ • 9. Khatasuttaṃ
10. маласуд̇д̇ам̣ • 10. Malasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
5. аяонисосуд̇д̇аван̣н̣анаа • 5. Ayonisosuttavaṇṇanā
9. кад̇асуд̇д̇аван̣н̣анаа • 9. Khatasuttavaṇṇanā
10. маласуд̇д̇аван̣н̣анаа • 10. Malasuttavaṇṇanā
