| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. අයොනිසොසුත්‌තං
5. Ayonisosuttaṃ
5. ‘‘තීහි, භික්‌ඛවෙ, ධම්‌මෙහි සමන්‌නාගතො බාලො වෙදිතබ්‌බො. කතමෙහි තීහි? අයොනිසො පඤ්‌හං කත්‌තා හොති, අයොනිසො පඤ්‌හං විස්‌සජ්‌ජෙතා හොති, පරස්‌ස ඛො පන යොනිසො පඤ්‌හං විස්‌සජ්‌ජිතං පරිමණ්‌ඩලෙහි පදබ්‍යඤ්‌ජනෙහි සිලිට්‌ඨෙහි උපගතෙහි නාබ්‌භනුමොදිතා හොති. ඉමෙහි ඛො, භික්‌ඛවෙ, තීහි ධම්‌මෙහි සමන්‌නාගතො බාලො වෙදිතබ්‌බො.
5. ‘‘Tīhi, bhikkhave, dhammehi samannāgato bālo veditabbo. Katamehi tīhi? Ayoniso pañhaṃ kattā hoti, ayoniso pañhaṃ vissajjetā hoti, parassa kho pana yoniso pañhaṃ vissajjitaṃ parimaṇḍalehi padabyañjanehi siliṭṭhehi upagatehi nābbhanumoditā hoti. Imehi kho, bhikkhave, tīhi dhammehi samannāgato bālo veditabbo.
‘‘තීහි, භික්‌ඛවෙ, ධම්‌මෙහි සමන්‌නාගතො පණ්‌ඩිතො වෙදිතබ්‌බො. කතමෙහි තීහි? යොනිසො පඤ්‌හං කත්‌තා හොති, යොනිසො පඤ්‌හං විස්‌සජ්‌ජෙතා හොති, පරස්‌ස ඛො පන යොනිසො පඤ්‌හං විස්‌සජ්‌ජිතං පරිමණ්‌ඩලෙහි පදබ්‍යඤ්‌ජනෙහි සිලිට්‌ඨෙහි උපගතෙහි අබ්‌භනුමොදිතා හොති. ඉමෙහි ඛො, භික්‌ඛවෙ, තීහි ධම්‌මෙහි සමන්‌නාගතො පණ්‌ඩිතො වෙදිතබ්‌බො. තස්‌මාතිහ…. පඤ්‌චමං.
‘‘Tīhi, bhikkhave, dhammehi samannāgato paṇḍito veditabbo. Katamehi tīhi? Yoniso pañhaṃ kattā hoti, yoniso pañhaṃ vissajjetā hoti, parassa kho pana yoniso pañhaṃ vissajjitaṃ parimaṇḍalehi padabyañjanehi siliṭṭhehi upagatehi abbhanumoditā hoti. Imehi kho, bhikkhave, tīhi dhammehi samannāgato paṇḍito veditabbo. Tasmātiha…. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. අයොනිසොසුත්‌තවණ්‌ණනා • 5. Ayonisosuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-10. අයොනිසොසුත්‌තාදිවණ්‌ණනා • 5-10. Ayonisosuttādivaṇṇanā
