| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༥. ཨཡོནིསོསུཏྟཾ
5. Ayonisosuttaṃ
༥. ‘‘ཏཱིཧི, བྷིཀྑཝེ, དྷམྨེཧི སམནྣཱགཏོ བཱལོ ཝེདིཏབྦོ། ཀཏམེཧི ཏཱིཧི? ཨཡོནིསོ པཉྷཾ ཀཏྟཱ ཧོཏི, ཨཡོནིསོ པཉྷཾ ཝིསྶཛྫེཏཱ ཧོཏི, པརསྶ ཁོ པན ཡོནིསོ པཉྷཾ ཝིསྶཛྫིཏཾ པརིམཎྜལེཧི པདབྱཉྫནེཧི སིལིཊྛེཧི ཨུཔགཏེཧི ནཱབྦྷནུམོདིཏཱ ཧོཏི། ཨིམེཧི ཁོ, བྷིཀྑཝེ, ཏཱིཧི དྷམྨེཧི སམནྣཱགཏོ བཱལོ ཝེདིཏབྦོ།
5. ‘‘Tīhi, bhikkhave, dhammehi samannāgato bālo veditabbo. Katamehi tīhi? Ayoniso pañhaṃ kattā hoti, ayoniso pañhaṃ vissajjetā hoti, parassa kho pana yoniso pañhaṃ vissajjitaṃ parimaṇḍalehi padabyañjanehi siliṭṭhehi upagatehi nābbhanumoditā hoti. Imehi kho, bhikkhave, tīhi dhammehi samannāgato bālo veditabbo.
‘‘ཏཱིཧི, བྷིཀྑཝེ, དྷམྨེཧི སམནྣཱགཏོ པཎྜིཏོ ཝེདིཏབྦོ། ཀཏམེཧི ཏཱིཧི? ཡོནིསོ པཉྷཾ ཀཏྟཱ ཧོཏི, ཡོནིསོ པཉྷཾ ཝིསྶཛྫེཏཱ ཧོཏི, པརསྶ ཁོ པན ཡོནིསོ པཉྷཾ ཝིསྶཛྫིཏཾ པརིམཎྜལེཧི པདབྱཉྫནེཧི སིལིཊྛེཧི ཨུཔགཏེཧི ཨབྦྷནུམོདིཏཱ ཧོཏི། ཨིམེཧི ཁོ, བྷིཀྑཝེ, ཏཱིཧི དྷམྨེཧི སམནྣཱགཏོ པཎྜིཏོ ཝེདིཏབྦོ། ཏསྨཱཏིཧ…། པཉྩམཾ།
‘‘Tīhi, bhikkhave, dhammehi samannāgato paṇḍito veditabbo. Katamehi tīhi? Yoniso pañhaṃ kattā hoti, yoniso pañhaṃ vissajjetā hoti, parassa kho pana yoniso pañhaṃ vissajjitaṃ parimaṇḍalehi padabyañjanehi siliṭṭhehi upagatehi abbhanumoditā hoti. Imehi kho, bhikkhave, tīhi dhammehi samannāgato paṇḍito veditabbo. Tasmātiha…. Pañcamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥. ཨཡོནིསོསུཏྟཝཎྞནཱ • 5. Ayonisosuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༡༠. ཨཡོནིསོསུཏྟཱདིཝཎྞནཱ • 5-10. Ayonisosuttādivaṇṇanā
