| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. аяонисосуд̇д̇аван̣н̣анаа
5. Ayonisosuttavaṇṇanā
5. бан̃жамз аяонисо бан̃хам̣ гад̇д̇аа ход̇ийд̇и ‘‘гад̇и ну ко, уд̣̇ааяи, ануссад̇идтаанааний’’д̇и вуд̇д̇з ‘‘буб̣б̣зниваасо ануссад̇идтаанам̣ бхависсад̇ий’’д̇и жинд̇зд̇ваа лаал̣уд̣̇ааяид̇т̇зро вияа анубааяажинд̇ааяа абан̃хамзва бан̃ханд̇и гад̇д̇аа ход̇и. аяонисо бан̃хам̣ виссаж̇ж̇зд̇аа ход̇ийд̇и звам̣ жинд̇ид̇ам̣ бана бан̃хам̣ виссаж̇ж̇знд̇оби ‘‘ид̇ха, бханд̇з, бхигку анзгавихид̇ам̣ буб̣б̣зниваасам̣ ануссарад̇и. сзяяат̇ид̣̇ам̣, згамби ж̇аад̇и’’нд̇иаад̣̇инаа наязна соязва т̇зро вияа аяонисо виссаж̇ж̇зд̇аа ход̇и, абан̃хамзва бан̃ханд̇и гат̇зд̇и. бариман̣д̣алзхи бад̣̇аб̣яан̃ж̇анзхийд̇и зд̇т̇а бад̣̇амзва ад̇т̇асса б̣яан̃ж̇анад̇о бад̣̇аб̣яан̃ж̇анам̣. д̇ам̣ агкарабаарибуурим̣ гад̇ваа д̣̇асавид̇хам̣ б̣яан̃ж̇анаб̣уд̣̇д̇хим̣ абарихаабзд̇ваа вуд̇д̇ам̣ бариман̣д̣алам̣ наама ход̇и, зваруубзхи бад̣̇аб̣яан̃ж̇анзхийд̇и ад̇т̇о. силидтзхийд̇и бад̣̇асилидтад̇ааяа силидтзхи. убаг̇ад̇зхийд̇и ад̇т̇ан̃жа гааран̣ан̃жа убаг̇ад̇зхи. нааб̣бханумод̣̇ид̇аад̇и звам̣ яонисо саб̣б̣ам̣ гааран̣асамбаннам̣ гад̇вааби виссаж̇ж̇ид̇ам̣ барасса бан̃хам̣ наабхинумод̣̇ад̇и наабхинанд̣̇ад̇и саарибуд̇д̇ад̇т̇зрасса бан̃хам̣ лаал̣уд̣̇ааяид̇т̇зро вияа. яат̇ааха –
5. Pañcame ayoniso pañhaṃ kattā hotīti ‘‘kati nu kho, udāyi, anussatiṭṭhānānī’’ti vutte ‘‘pubbenivāso anussatiṭṭhānaṃ bhavissatī’’ti cintetvā lāḷudāyitthero viya anupāyacintāya apañhameva pañhanti kattā hoti. Ayoniso pañhaṃ vissajjetā hotīti evaṃ cintitaṃ pana pañhaṃ vissajjentopi ‘‘idha, bhante, bhikkhu anekavihitaṃ pubbenivāsaṃ anussarati. Seyyathidaṃ, ekampi jāti’’ntiādinā nayena soyeva thero viya ayoniso vissajjetā hoti, apañhameva pañhanti katheti. Parimaṇḍalehi padabyañjanehīti ettha padameva atthassa byañjanato padabyañjanaṃ. Taṃ akkharapāripūriṃ katvā dasavidhaṃ byañjanabuddhiṃ aparihāpetvā vuttaṃ parimaṇḍalaṃ nāma hoti, evarūpehi padabyañjanehīti attho. Siliṭṭhehīti padasiliṭṭhatāya siliṭṭhehi. Upagatehīti atthañca kāraṇañca upagatehi. Nābbhanumoditāti evaṃ yoniso sabbaṃ kāraṇasampannaṃ katvāpi vissajjitaṃ parassa pañhaṃ nābhinumodati nābhinandati sāriputtattherassa pañhaṃ lāḷudāyitthero viya. Yathāha –
‘‘адтаанам̣ ко зд̇ам̣, аавусо саарибуд̇д̇а, анавагаасо, яам̣ со ад̇иггаммзва габ̣ал̣ийгаараахаарабхагкаанам̣ д̣̇зваанам̣ сахаб̣яад̇ам̣ ан̃н̃ад̇арам̣ маномаяам̣ гааяам̣ убабанно сан̃н̃аавзд̣̇аяид̇анирод̇хам̣ самаабаж̇ж̇зяяааби вудтахзяяааби, над̇т̇зд̇ам̣ таана’’нд̇и (а. ни. 5.166).
‘‘Aṭṭhānaṃ kho etaṃ, āvuso sāriputta, anavakāso, yaṃ so atikkammeva kabaḷīkārāhārabhakkhānaṃ devānaṃ sahabyataṃ aññataraṃ manomayaṃ kāyaṃ upapanno saññāvedayitanirodhaṃ samāpajjeyyāpi vuṭṭhaheyyāpi, natthetaṃ ṭhāna’’nti (a. ni. 5.166).
яонисо бан̃хам̣ гад̇д̇аад̇иаад̣̇ийсу аананд̣̇ад̇т̇зро вияа яонисова бан̃хам̣ жинд̇зд̇ваа яонисо виссаж̇ж̇ид̇аа ход̇и. т̇зро хи ‘‘гад̇и ну ко, аананд̣̇а, ануссад̇идтаанааний’’д̇и бужчид̇о ‘‘аяам̣ бан̃хо бхависсад̇ий’’д̇и яонисо жинд̇зд̇ваа яонисо виссаж̇ж̇знд̇о ааха – ‘‘ид̇ха, бханд̇з, бхигку вивижжзва гаамзхи…бз… жад̇уд̇т̇аж̇жхаанам̣ убасамбаж̇ж̇а вихарад̇и. ид̣̇ам̣, бханд̇з, ануссад̇идтаанам̣ звам̣бхаавид̇ам̣ звам̣б̣ахулийгад̇ам̣ д̣̇идтад̇хаммасукавихаарааяа сам̣вад̇д̇ад̇ий’’д̇и. аб̣бханумод̣̇ид̇аа ход̇ийд̇и д̇ат̇ааг̇ад̇о вияа яонисо аб̣бханумод̣̇ид̇аа ход̇и. д̇ат̇ааг̇ад̇о хи аананд̣̇ад̇т̇зрзна бан̃хз виссаж̇ж̇ид̇з ‘‘саад̇ху саад̇ху, аананд̣̇а, д̇зна хи д̇вам̣, аананд̣̇а, имамби чадтам̣ ануссад̇идтаанам̣ д̇хаарзхи. ид̇хаананд̣̇а, бхигку сад̇ова абхиггамад̇и сад̇ова бадиггамад̇ий’’д̇иаад̣̇имааха. чадтаад̣̇ийни уд̇д̇аанад̇т̇аанзва.
Yoniso pañhaṃ kattātiādīsu ānandatthero viya yonisova pañhaṃ cintetvā yoniso vissajjitā hoti. Thero hi ‘‘kati nu kho, ānanda, anussatiṭṭhānānī’’ti pucchito ‘‘ayaṃ pañho bhavissatī’’ti yoniso cintetvā yoniso vissajjento āha – ‘‘idha, bhante, bhikkhu vivicceva kāmehi…pe… catutthajjhānaṃ upasampajja viharati. Idaṃ, bhante, anussatiṭṭhānaṃ evaṃbhāvitaṃ evaṃbahulīkataṃ diṭṭhadhammasukhavihārāya saṃvattatī’’ti. Abbhanumoditā hotīti tathāgato viya yoniso abbhanumoditā hoti. Tathāgato hi ānandattherena pañhe vissajjite ‘‘sādhu sādhu, ānanda, tena hi tvaṃ, ānanda, imampi chaṭṭhaṃ anussatiṭṭhānaṃ dhārehi. Idhānanda, bhikkhu satova abhikkamati satova paṭikkamatī’’tiādimāha. Chaṭṭhādīni uttānatthāneva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. аяонисосуд̇д̇ам̣ • 5. Ayonisosuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-10. аяонисосуд̇д̇аад̣̇иван̣н̣анаа • 5-10. Ayonisosuttādivaṇṇanā
