| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. аяяигаасуд̇д̇ам̣
2. Ayyikāsuttaṃ
133. саавад̇т̇инид̣̇аанам̣ . згаманд̇ам̣ нисиннам̣ ко рааж̇аанам̣ басзнад̣̇им̣ госалам̣ бхаг̇аваа зд̇ад̣̇авожа – ‘‘ханд̣̇а, гуд̇о ну д̇вам̣, махаарааж̇а, ааг̇ажчаси д̣̇иваад̣̇ивассаа’’д̇и?
133. Sāvatthinidānaṃ . Ekamantaṃ nisinnaṃ kho rājānaṃ pasenadiṃ kosalaṃ bhagavā etadavoca – ‘‘handa, kuto nu tvaṃ, mahārāja, āgacchasi divādivassā’’ti?
‘‘аяяигаа мз, бханд̇з, гаалан̇гад̇аа ж̇ин̣н̣аа вуд̣дхаа махаллигаа ад̣̇д̇хаг̇ад̇аа ваяоануббад̇д̇аа вийсавассасад̇игаа ж̇аад̇ияаа. аяяигаа ко бана мз, бханд̇з, бияаа ход̇и манаабаа. хад̇т̇ирад̇анзна жзбаахам̣, бханд̇з, лабхзяяам̣ ‘маа мз аяяигаа гааламагаасий’д̇и, хад̇т̇ирад̇анамбаахам̣ д̣̇ад̣̇зяяам̣ – ‘маа мз аяяигаа гааламагаасий’д̇и. ассарад̇анзна жзбаахам̣, бханд̇з, лабхзяяам̣ ‘маа мз аяяигаа гааламагаасий’д̇и, ассарад̇анамбаахам̣ д̣̇ад̣̇зяяам̣ – ‘маа мз аяяигаа гааламагаасий’д̇и. г̇аамаварзна жзбаахам̣ бханд̇з, лабхзяяам̣ ‘маа мз аяяигаа гааламагаасий’д̇и, г̇аамаварамбаахам̣ д̣̇ад̣̇зяяам̣ – ‘маа мз аяяигаа гааламагаасий’д̇и. ж̇анабад̣̇абад̣̇зсзна 1 жзбаахам̣, бханд̇з, лабхзяяам̣ ‘маа мз аяяигаа гааламагаасий’д̇и, ж̇анабад̣̇абад̣̇зсамбаахам̣ д̣̇ад̣̇зяяам̣ – ‘маа мз аяяигаа гааламагаасий’д̇и. ‘саб̣б̣з сад̇д̇аа, махаарааж̇а, маран̣ад̇хаммаа маран̣абарияосаанаа маран̣ам̣ анад̇ийд̇аа’д̇и. ‘ажчарияам̣, бханд̇з, аб̣бхуд̇ам̣, бханд̇з! яаавасубхаасид̇амид̣̇ам̣, бханд̇з, бхаг̇авад̇аа – саб̣б̣з сад̇д̇аа маран̣ад̇хаммаа маран̣абарияосаанаа маран̣ам̣ анад̇ийд̇аа’’’д̇и.
‘‘Ayyikā me, bhante, kālaṅkatā jiṇṇā vuḍḍhā mahallikā addhagatā vayoanuppattā vīsavassasatikā jātiyā. Ayyikā kho pana me, bhante, piyā hoti manāpā. Hatthiratanena cepāhaṃ, bhante, labheyyaṃ ‘mā me ayyikā kālamakāsī’ti, hatthiratanampāhaṃ dadeyyaṃ – ‘mā me ayyikā kālamakāsī’ti. Assaratanena cepāhaṃ, bhante, labheyyaṃ ‘mā me ayyikā kālamakāsī’ti, assaratanampāhaṃ dadeyyaṃ – ‘mā me ayyikā kālamakāsī’ti. Gāmavarena cepāhaṃ bhante, labheyyaṃ ‘mā me ayyikā kālamakāsī’ti, gāmavarampāhaṃ dadeyyaṃ – ‘mā me ayyikā kālamakāsī’ti. Janapadapadesena 2 cepāhaṃ, bhante, labheyyaṃ ‘mā me ayyikā kālamakāsī’ti, janapadapadesampāhaṃ dadeyyaṃ – ‘mā me ayyikā kālamakāsī’ti. ‘Sabbe sattā, mahārāja, maraṇadhammā maraṇapariyosānā maraṇaṃ anatītā’ti. ‘Acchariyaṃ, bhante, abbhutaṃ, bhante! Yāvasubhāsitamidaṃ, bhante, bhagavatā – sabbe sattā maraṇadhammā maraṇapariyosānā maraṇaṃ anatītā’’’ti.
‘‘звамзд̇ам̣, махаарааж̇а, звамзд̇ам̣, махаарааж̇а! саб̣б̣з сад̇д̇аа маран̣ад̇хаммаа маран̣абарияосаанаа маран̣ам̣ анад̇ийд̇аа. сзяяат̇ааби, махаарааж̇а, яаани гаанижи гумбхагаарабхааж̇анаани аамагаани жзва баггаани жа саб̣б̣аани д̇аани бхзд̣̇анад̇хаммаани бхзд̣̇анабарияосаанаани бхзд̣̇анам̣ анад̇ийд̇аани; звамзва ко, махаарааж̇а, саб̣б̣з сад̇д̇аа маран̣ад̇хаммаа маран̣абарияосаанаа маран̣ам̣ анад̇ийд̇аа’’д̇и. ид̣̇амавожа…бз…
‘‘Evametaṃ, mahārāja, evametaṃ, mahārāja! Sabbe sattā maraṇadhammā maraṇapariyosānā maraṇaṃ anatītā. Seyyathāpi, mahārāja, yāni kānici kumbhakārabhājanāni āmakāni ceva pakkāni ca sabbāni tāni bhedanadhammāni bhedanapariyosānāni bhedanaṃ anatītāni; evameva kho, mahārāja, sabbe sattā maraṇadhammā maraṇapariyosānā maraṇaṃ anatītā’’ti. Idamavoca…pe…
‘‘саб̣б̣з сад̇д̇аа мариссанд̇и, маран̣анд̇ан̃хи ж̇ийвид̇ам̣;
‘‘Sabbe sattā marissanti, maraṇantañhi jīvitaṃ;
яат̇аагаммам̣ г̇амиссанд̇и, бун̃н̃абаабапалуубаг̇аа;
Yathākammaṃ gamissanti, puññapāpaphalūpagā;
нираяам̣ баабагамманд̇аа, бун̃н̃агаммаа жа суг̇г̇ад̇им̣.
Nirayaṃ pāpakammantā, puññakammā ca suggatiṃ.
‘‘д̇асмаа гарзяяа галяаан̣ам̣, нижаяам̣ самбарааяигам̣;
‘‘Tasmā kareyya kalyāṇaṃ, nicayaṃ samparāyikaṃ;
бун̃н̃аани баралогасмим̣, бад̇идтаа хонд̇и баан̣ина’’нд̇и.
Puññāni paralokasmiṃ, patiṭṭhā honti pāṇina’’nti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. аяяигаасуд̇д̇аван̣н̣анаа • 2. Ayyikāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. аяяигаасуд̇д̇аван̣н̣анаа • 2. Ayyikāsuttavaṇṇanā
