| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. அய்யிகாஸுத்தவண்ணனா
2. Ayyikāsuttavaṇṇanā
133. து³தியே ஜிண்ணாதி ஜராஜிண்ணா. வுட்³டா⁴தி வயோவுட்³டா⁴. மஹல்லிகாதி ஜாதிமஹல்லிகா. அத்³த⁴க³தாதி அத்³த⁴ங் சிரகாலங் அதிக்கந்தா. வயோஅனுப்பத்தாதி பச்சி²மவயங் ஸம்பத்தா. பியா மனாபாதி ரஞ்ஞோ கிர மாதரி மதாய அய்யிகா மாதுட்டா²னே ட²த்வா படிஜக்³கி³, தேனஸ்ஸ அய்யிகாய ப³லவபேமங் உப்பஜ்ஜி. தஸ்மா ஏவமாஹ. ஹத்தி²ரதனேனாதி ஸதஸஹஸ்ஸக்³க⁴னகோ ஹத்தீ² ஸதஸஹஸ்ஸக்³க⁴னகேன அலங்காரேன அலங்கதோ ஹத்தி²ரதனங் நாம. அஸ்ஸரதனேபி ஏஸேவ நயோ. கா³மவரோபி ஸதஸஹஸ்ஸுட்டா²னககா³மோவ. ஸப்³பா³னி தானி பே⁴த³னத⁴ம்மானீதி தேஸு ஹி கிஞ்சி கரியமானமேவ பி⁴ஜ்ஜதி, கிஞ்சி கதபரியோஸிதங் சக்கதோ அனபனீதமேவ, கிஞ்சி அபனெத்வா பூ⁴மியங் ட²பிதமத்தங், கிஞ்சி ததோ பரங், ஏவமேவ ஸத்தேஸுபி கோசி படிஸந்தி⁴ங் க³ஹெத்வா மரதி, கோசி மூள்ஹக³ப்³பா⁴ய மாதரி மாதுகுச்சி²தோ அனிக்க²ந்தோவ, கோசி நிக்க²ந்தமத்தோ, கோசி ததோ பரந்தி. தஸ்மா ஏவமாஹ. து³தியங்.
133. Dutiye jiṇṇāti jarājiṇṇā. Vuḍḍhāti vayovuḍḍhā. Mahallikāti jātimahallikā. Addhagatāti addhaṃ cirakālaṃ atikkantā. Vayoanuppattāti pacchimavayaṃ sampattā. Piyā manāpāti rañño kira mātari matāya ayyikā mātuṭṭhāne ṭhatvā paṭijaggi, tenassa ayyikāya balavapemaṃ uppajji. Tasmā evamāha. Hatthiratanenāti satasahassagghanako hatthī satasahassagghanakena alaṅkārena alaṅkato hatthiratanaṃ nāma. Assaratanepi eseva nayo. Gāmavaropi satasahassuṭṭhānakagāmova. Sabbāni tāni bhedanadhammānīti tesu hi kiñci kariyamānameva bhijjati, kiñci katapariyositaṃ cakkato anapanītameva, kiñci apanetvā bhūmiyaṃ ṭhapitamattaṃ, kiñci tato paraṃ, evameva sattesupi koci paṭisandhiṃ gahetvā marati, koci mūḷhagabbhāya mātari mātukucchito anikkhantova, koci nikkhantamatto, koci tato paranti. Tasmā evamāha. Dutiyaṃ.
134. ததியே ஸப்³ப³ங் உத்தானமேவ. ததியங்.
134. Tatiye sabbaṃ uttānameva. Tatiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
2. அய்யிகாஸுத்தங் • 2. Ayyikāsuttaṃ
3. லோகஸுத்தங் • 3. Lokasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. அய்யிகாஸுத்தவண்ணனா • 2. Ayyikāsuttavaṇṇanā
