| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
২. অয্যিকাসুত্তৰণ্ণনা
2. Ayyikāsuttavaṇṇanā
১৩৩. জরাজিণ্ণাতি জরায জিণ্ণা। তেন পাকটজরায মত্থকপ্পত্তিমাহ। ৰযোৰুড্ঢাতি ৰযসা ৰুড্ঢা। তেন পচ্ছিমৰযস্স ওসক্কসম্পৰত্তিং ৰদতি। জাতিমহল্লিকাতি জাতিমহত্তগতা। চিরকালং অতিক্কন্তাতি দ্ৰে তযো রাজপরিৰট্টে ৰীতিৰত্তা। ৰযো-সদ্দো সাধারণৰচনোপি জিণ্ণসদ্দসন্নিধানতো ওসানৰযং এৰ ৰদতীতি আহ ‘‘পচ্ছিমৰযং সম্পত্তা’’তি। অয্যিকাতি মাতামহিং সন্ধায ৰদতি। হত্থী এৰ রতনভূতো হত্থিরতনন্তি আহ ‘‘সতসহস্সগ্ঘনকেনা’’তিআদি। সব্বানি তানীতি কুম্ভকারভাজনানি, তেহি সদ্ধিং সত্তসন্তানস্স পমাণং দস্সেন্তো ‘‘তেসু হী’’তিআদিমাহ, তং সুৰিঞ্ঞেয্যমেৰ।
133.Jarājiṇṇāti jarāya jiṇṇā. Tena pākaṭajarāya matthakappattimāha. Vayovuḍḍhāti vayasā vuḍḍhā. Tena pacchimavayassa osakkasampavattiṃ vadati. Jātimahallikāti jātimahattagatā. Cirakālaṃ atikkantāti dve tayo rājaparivaṭṭe vītivattā. Vayo-saddo sādhāraṇavacanopi jiṇṇasaddasannidhānato osānavayaṃ eva vadatīti āha ‘‘pacchimavayaṃ sampattā’’ti. Ayyikāti mātāmahiṃ sandhāya vadati. Hatthī eva ratanabhūto hatthiratananti āha ‘‘satasahassagghanakenā’’tiādi. Sabbāni tānīti kumbhakārabhājanāni, tehi saddhiṃ sattasantānassa pamāṇaṃ dassento ‘‘tesu hī’’tiādimāha, taṃ suviññeyyameva.
অয্যিকাসুত্তৰণ্ণনা নিট্ঠিতা।
Ayyikāsuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. অয্যিকাসুত্তং • 2. Ayyikāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. অয্যিকাসুত্তৰণ্ণনা • 2. Ayyikāsuttavaṇṇanā
