| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. аяяигаасуд̇д̇аван̣н̣анаа
2. Ayyikāsuttavaṇṇanā
133. д̣̇уд̇ияз ж̇ин̣н̣аад̇и ж̇арааж̇ин̣н̣аа. вуд̣дхаад̇и ваяовуд̣дхаа. махаллигаад̇и ж̇аад̇имахаллигаа. ад̣̇д̇хаг̇ад̇аад̇и ад̣̇д̇хам̣ жирагаалам̣ ад̇игганд̇аа. ваяоануббад̇д̇аад̇и бажчимаваяам̣ самбад̇д̇аа. бияаа манаабаад̇и ран̃н̃о гира маад̇ари мад̇ааяа аяяигаа маад̇удтаанз тад̇ваа бадиж̇аг̇г̇и, д̇знасса аяяигааяа б̣алавабзмам̣ уббаж̇ж̇и. д̇асмаа звамааха. хад̇т̇ирад̇анзнаад̇и сад̇асахассаг̇гханаго хад̇т̇ий сад̇асахассаг̇гханагзна алан̇гаарзна алан̇гад̇о хад̇т̇ирад̇анам̣ наама. ассарад̇анзби зсзва наяо. г̇аамавароби сад̇асахассудтаанагаг̇аамова. саб̣б̣аани д̇аани бхзд̣̇анад̇хаммаанийд̇и д̇зсу хи гин̃жи гарияамаанамзва бхиж̇ж̇ад̇и, гин̃жи гад̇абарияосид̇ам̣ жаггад̇о анабанийд̇амзва, гин̃жи абанзд̇ваа бхуумияам̣ табид̇амад̇д̇ам̣, гин̃жи д̇ад̇о барам̣, звамзва сад̇д̇зсуби гожи бадисанд̇хим̣ г̇ахзд̇ваа марад̇и, гожи муул̣хаг̇аб̣бхааяа маад̇ари маад̇угужчид̇о анигканд̇ова, гожи нигканд̇амад̇д̇о, гожи д̇ад̇о баранд̇и. д̇асмаа звамааха. д̣̇уд̇ияам̣.
133. Dutiye jiṇṇāti jarājiṇṇā. Vuḍḍhāti vayovuḍḍhā. Mahallikāti jātimahallikā. Addhagatāti addhaṃ cirakālaṃ atikkantā. Vayoanuppattāti pacchimavayaṃ sampattā. Piyā manāpāti rañño kira mātari matāya ayyikā mātuṭṭhāne ṭhatvā paṭijaggi, tenassa ayyikāya balavapemaṃ uppajji. Tasmā evamāha. Hatthiratanenāti satasahassagghanako hatthī satasahassagghanakena alaṅkārena alaṅkato hatthiratanaṃ nāma. Assaratanepi eseva nayo. Gāmavaropi satasahassuṭṭhānakagāmova. Sabbāni tāni bhedanadhammānīti tesu hi kiñci kariyamānameva bhijjati, kiñci katapariyositaṃ cakkato anapanītameva, kiñci apanetvā bhūmiyaṃ ṭhapitamattaṃ, kiñci tato paraṃ, evameva sattesupi koci paṭisandhiṃ gahetvā marati, koci mūḷhagabbhāya mātari mātukucchito anikkhantova, koci nikkhantamatto, koci tato paranti. Tasmā evamāha. Dutiyaṃ.
134. д̇ад̇ияз саб̣б̣ам̣ уд̇д̇аанамзва. д̇ад̇ияам̣.
134. Tatiye sabbaṃ uttānameva. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
2. аяяигаасуд̇д̇ам̣ • 2. Ayyikāsuttaṃ
3. логасуд̇д̇ам̣ • 3. Lokasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. аяяигаасуд̇д̇аван̣н̣анаа • 2. Ayyikāsuttavaṇṇanā
