| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. аяяигаасуд̇д̇аван̣н̣анаа
2. Ayyikāsuttavaṇṇanā
133. ж̇арааж̇ин̣н̣аад̇и ж̇арааяа ж̇ин̣н̣аа. д̇зна баагадаж̇арааяа мад̇т̇агаббад̇д̇имааха. ваяовуд̣дхаад̇и ваяасаа вуд̣дхаа. д̇зна бажчимаваяасса осаггасамбавад̇д̇им̣ вад̣̇ад̇и. ж̇аад̇имахаллигаад̇и ж̇аад̇имахад̇д̇аг̇ад̇аа. жирагаалам̣ ад̇игганд̇аад̇и д̣̇вз д̇аяо рааж̇абариваддз вийд̇ивад̇д̇аа. ваяо-сад̣̇д̣̇о саад̇хааран̣аважаноби ж̇ин̣н̣асад̣̇д̣̇асаннид̇хаанад̇о осаанаваяам̣ зва вад̣̇ад̇ийд̇и ааха ‘‘бажчимаваяам̣ самбад̇д̇аа’’д̇и. аяяигаад̇и маад̇аамахим̣ санд̇хааяа вад̣̇ад̇и. хад̇т̇ий зва рад̇анабхууд̇о хад̇т̇ирад̇ананд̇и ааха ‘‘сад̇асахассаг̇гханагзнаа’’д̇иаад̣̇и. саб̣б̣аани д̇аанийд̇и гумбхагаарабхааж̇анаани, д̇зхи сад̣̇д̇хим̣ сад̇д̇асанд̇аанасса бамаан̣ам̣ д̣̇ассзнд̇о ‘‘д̇зсу хий’’д̇иаад̣̇имааха, д̇ам̣ сувин̃н̃зяяамзва.
133.Jarājiṇṇāti jarāya jiṇṇā. Tena pākaṭajarāya matthakappattimāha. Vayovuḍḍhāti vayasā vuḍḍhā. Tena pacchimavayassa osakkasampavattiṃ vadati. Jātimahallikāti jātimahattagatā. Cirakālaṃ atikkantāti dve tayo rājaparivaṭṭe vītivattā. Vayo-saddo sādhāraṇavacanopi jiṇṇasaddasannidhānato osānavayaṃ eva vadatīti āha ‘‘pacchimavayaṃ sampattā’’ti. Ayyikāti mātāmahiṃ sandhāya vadati. Hatthī eva ratanabhūto hatthiratananti āha ‘‘satasahassagghanakenā’’tiādi. Sabbāni tānīti kumbhakārabhājanāni, tehi saddhiṃ sattasantānassa pamāṇaṃ dassento ‘‘tesu hī’’tiādimāha, taṃ suviññeyyameva.
аяяигаасуд̇д̇аван̣н̣анаа нидтид̇аа.
Ayyikāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. аяяигаасуд̇д̇ам̣ • 2. Ayyikāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. аяяигаасуд̇д̇аван̣н̣анаа • 2. Ayyikāsuttavaṇṇanā
