| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
២. អយ្យិកាសុត្តវណ្ណនា
2. Ayyikāsuttavaṇṇanā
១៣៣. ទុតិយេ ជិណ្ណាតិ ជរាជិណ្ណា។ វុឌ្ឍាតិ វយោវុឌ្ឍា។ មហល្លិកាតិ ជាតិមហល្លិកា។ អទ្ធគតាតិ អទ្ធំ ចិរកាលំ អតិក្កន្តា។ វយោអនុប្បត្តាតិ បច្ឆិមវយំ សម្បត្តា។ បិយា មនាបាតិ រញ្ញោ កិរ មាតរិ មតាយ អយ្យិកា មាតុដ្ឋានេ ឋត្វា បដិជគ្គិ, តេនស្ស អយ្យិកាយ ពលវបេមំ ឧប្បជ្ជិ។ តស្មា ឯវមាហ។ ហត្ថិរតនេនាតិ សតសហស្សគ្ឃនកោ ហត្ថី សតសហស្សគ្ឃនកេន អលង្ការេន អលង្កតោ ហត្ថិរតនំ នាម។ អស្សរតនេបិ ឯសេវ នយោ។ គាមវរោបិ សតសហស្សុដ្ឋានកគាមោវ។ សព្ពានិ តានិ ភេទនធម្មានីតិ តេសុ ហិ កិញ្ចិ ករិយមានមេវ ភិជ្ជតិ, កិញ្ចិ កតបរិយោសិតំ ចក្កតោ អនបនីតមេវ, កិញ្ចិ អបនេត្វា ភូមិយំ ឋបិតមត្តំ, កិញ្ចិ តតោ បរំ, ឯវមេវ សត្តេសុបិ កោចិ បដិសន្ធិំ គហេត្វា មរតិ, កោចិ មូឡ្ហគព្ភាយ មាតរិ មាតុកុច្ឆិតោ អនិក្ខន្តោវ, កោចិ និក្ខន្តមត្តោ, កោចិ តតោ បរន្តិ។ តស្មា ឯវមាហ។ ទុតិយំ។
133. Dutiye jiṇṇāti jarājiṇṇā. Vuḍḍhāti vayovuḍḍhā. Mahallikāti jātimahallikā. Addhagatāti addhaṃ cirakālaṃ atikkantā. Vayoanuppattāti pacchimavayaṃ sampattā. Piyā manāpāti rañño kira mātari matāya ayyikā mātuṭṭhāne ṭhatvā paṭijaggi, tenassa ayyikāya balavapemaṃ uppajji. Tasmā evamāha. Hatthiratanenāti satasahassagghanako hatthī satasahassagghanakena alaṅkārena alaṅkato hatthiratanaṃ nāma. Assaratanepi eseva nayo. Gāmavaropi satasahassuṭṭhānakagāmova. Sabbāni tāni bhedanadhammānīti tesu hi kiñci kariyamānameva bhijjati, kiñci katapariyositaṃ cakkato anapanītameva, kiñci apanetvā bhūmiyaṃ ṭhapitamattaṃ, kiñci tato paraṃ, evameva sattesupi koci paṭisandhiṃ gahetvā marati, koci mūḷhagabbhāya mātari mātukucchito anikkhantova, koci nikkhantamatto, koci tato paranti. Tasmā evamāha. Dutiyaṃ.
១៣៤. តតិយេ សព្ពំ ឧត្តានមេវ។ តតិយំ។
134. Tatiye sabbaṃ uttānameva. Tatiyaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
២. អយ្យិកាសុត្តំ • 2. Ayyikāsuttaṃ
៣. លោកសុត្តំ • 3. Lokasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២. អយ្យិកាសុត្តវណ្ណនា • 2. Ayyikāsuttavaṇṇanā
