| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
2. අය්‍යිකාසුත්‌තවණ්‌ණනා
2. Ayyikāsuttavaṇṇanā
133. දුතියෙ ජිණ්‌ණාති ජරාජිණ්‌ණා. වුඩ්‌ඪාති වයොවුඩ්‌ඪා. මහල්‌ලිකාති ජාතිමහල්‌ලිකා. අද්‌ධගතාති අද්‌ධං චිරකාලං අතික්‌කන්‌තා. වයොඅනුප්‌පත්‌තාති පච්‌ඡිමවයං සම්‌පත්‌තා. පියා මනාපාති රඤ්‌ඤො කිර මාතරි මතාය අය්‍යිකා මාතුට්‌ඨානෙ ඨත්‌වා පටිජග්‌ගි, තෙනස්‌ස අය්‍යිකාය බලවපෙමං උප්‌පජ්‌ජි. තස්‌මා එවමාහ. හත්‌ථිරතනෙනාති සතසහස්‌සග්‌ඝනකො හත්‌ථී සතසහස්‌සග්‌ඝනකෙන අලඞ්‌කාරෙන අලඞ්‌කතො හත්‌ථිරතනං නාම. අස්‌සරතනෙපි එසෙව නයො. ගාමවරොපි සතසහස්‌සුට්‌ඨානකගාමොව. සබ්‌බානි තානි භෙදනධම්‌මානීති තෙසු හි කිඤ්‌චි කරියමානමෙව භිජ්‌ජති, කිඤ්‌චි කතපරියොසිතං චක්‌කතො අනපනීතමෙව, කිඤ්‌චි අපනෙත්‌වා භූමියං ඨපිතමත්‌තං, කිඤ්‌චි තතො පරං, එවමෙව සත්‌තෙසුපි කොචි පටිසන්‌ධිං ගහෙත්‌වා මරති, කොචි මූළ්‌හගබ්‌භාය මාතරි මාතුකුච්‌ඡිතො අනික්‌ඛන්‌තොව, කොචි නික්‌ඛන්‌තමත්‌තො, කොචි තතො පරන්‌ති. තස්‌මා එවමාහ. දුතියං.
133. Dutiye jiṇṇāti jarājiṇṇā. Vuḍḍhāti vayovuḍḍhā. Mahallikāti jātimahallikā. Addhagatāti addhaṃ cirakālaṃ atikkantā. Vayoanuppattāti pacchimavayaṃ sampattā. Piyā manāpāti rañño kira mātari matāya ayyikā mātuṭṭhāne ṭhatvā paṭijaggi, tenassa ayyikāya balavapemaṃ uppajji. Tasmā evamāha. Hatthiratanenāti satasahassagghanako hatthī satasahassagghanakena alaṅkārena alaṅkato hatthiratanaṃ nāma. Assaratanepi eseva nayo. Gāmavaropi satasahassuṭṭhānakagāmova. Sabbāni tāni bhedanadhammānīti tesu hi kiñci kariyamānameva bhijjati, kiñci katapariyositaṃ cakkato anapanītameva, kiñci apanetvā bhūmiyaṃ ṭhapitamattaṃ, kiñci tato paraṃ, evameva sattesupi koci paṭisandhiṃ gahetvā marati, koci mūḷhagabbhāya mātari mātukucchito anikkhantova, koci nikkhantamatto, koci tato paranti. Tasmā evamāha. Dutiyaṃ.
134. තතියෙ සබ්‌බං උත්‌තානමෙව. තතියං.
134. Tatiye sabbaṃ uttānameva. Tatiyaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
2. අය්‍යිකාසුත්‌තං • 2. Ayyikāsuttaṃ
3. ලොකසුත්‌තං • 3. Lokasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. අය්‍යිකාසුත්‌තවණ්‌ණනා • 2. Ayyikāsuttavaṇṇanā
