| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. ཨཡྻིཀཱསུཏྟཝཎྞནཱ
2. Ayyikāsuttavaṇṇanā
༡༣༣. ཛརཱཛིཎྞཱཏི ཛརཱཡ ཛིཎྞཱ། ཏེན པཱཀཊཛརཱཡ མཏྠཀཔྤཏྟིམཱཧ། ཝཡོཝུཌྜྷཱཏི ཝཡསཱ ཝུཌྜྷཱ། ཏེན པཙྪིམཝཡསྶ ཨོསཀྐསམྤཝཏྟིཾ ཝདཏི། ཛཱཏིམཧལླིཀཱཏི ཛཱཏིམཧཏྟགཏཱ། ཙིརཀཱལཾ ཨཏིཀྐནྟཱཏི དྭེ ཏཡོ རཱཛཔརིཝཊྚེ ཝཱིཏིཝཏྟཱ། ཝཡོ-སདྡོ སཱདྷཱརཎཝཙནོཔི ཛིཎྞསདྡསནྣིདྷཱནཏོ ཨོསཱནཝཡཾ ཨེཝ ཝདཏཱིཏི ཨཱཧ ‘‘པཙྪིམཝཡཾ སམྤཏྟཱ’’ཏི། ཨཡྻིཀཱཏི མཱཏཱམཧིཾ སནྡྷཱཡ ཝདཏི། ཧཏྠཱི ཨེཝ རཏནབྷཱུཏོ ཧཏྠིརཏནནྟི ཨཱཧ ‘‘སཏསཧསྶགྒྷནཀེནཱ’’ཏིཨཱདི། སབྦཱནི ཏཱནཱིཏི ཀུམྦྷཀཱརབྷཱཛནཱནི, ཏེཧི སདྡྷིཾ སཏྟསནྟཱནསྶ པམཱཎཾ དསྶེནྟོ ‘‘ཏེསུ ཧཱི’’ཏིཨཱདིམཱཧ, ཏཾ སུཝིཉྙེཡྻམེཝ།
133.Jarājiṇṇāti jarāya jiṇṇā. Tena pākaṭajarāya matthakappattimāha. Vayovuḍḍhāti vayasā vuḍḍhā. Tena pacchimavayassa osakkasampavattiṃ vadati. Jātimahallikāti jātimahattagatā. Cirakālaṃ atikkantāti dve tayo rājaparivaṭṭe vītivattā. Vayo-saddo sādhāraṇavacanopi jiṇṇasaddasannidhānato osānavayaṃ eva vadatīti āha ‘‘pacchimavayaṃ sampattā’’ti. Ayyikāti mātāmahiṃ sandhāya vadati. Hatthī eva ratanabhūto hatthiratananti āha ‘‘satasahassagghanakenā’’tiādi. Sabbāni tānīti kumbhakārabhājanāni, tehi saddhiṃ sattasantānassa pamāṇaṃ dassento ‘‘tesu hī’’tiādimāha, taṃ suviññeyyameva.
ཨཡྻིཀཱསུཏྟཝཎྞནཱ ནིཊྛིཏཱ།
Ayyikāsuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. ཨཡྻིཀཱསུཏྟཾ • 2. Ayyikāsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. ཨཡྻིཀཱསུཏྟཝཎྞནཱ • 2. Ayyikāsuttavaṇṇanā
