| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਅਯ੍ਯਿਕਾਸੁਤ੍ਤવਣ੍ਣਨਾ
2. Ayyikāsuttavaṇṇanā
੧੩੩. ਦੁਤਿਯੇ ਜਿਣ੍ਣਾਤਿ ਜਰਾਜਿਣ੍ਣਾ। વੁਡ੍ਢਾਤਿ વਯੋવੁਡ੍ਢਾ। ਮਹਲ੍ਲਿਕਾਤਿ ਜਾਤਿਮਹਲ੍ਲਿਕਾ। ਅਦ੍ਧਗਤਾਤਿ ਅਦ੍ਧਂ ਚਿਰਕਾਲਂ ਅਤਿਕ੍ਕਨ੍ਤਾ। વਯੋਅਨੁਪ੍ਪਤ੍ਤਾਤਿ ਪਚ੍ਛਿਮવਯਂ ਸਮ੍ਪਤ੍ਤਾ। ਪਿਯਾ ਮਨਾਪਾਤਿ ਰਞ੍ਞੋ ਕਿਰ ਮਾਤਰਿ ਮਤਾਯ ਅਯ੍ਯਿਕਾ ਮਾਤੁਟ੍ਠਾਨੇ ਠਤ੍વਾ ਪਟਿਜਗ੍ਗਿ, ਤੇਨਸ੍ਸ ਅਯ੍ਯਿਕਾਯ ਬਲવਪੇਮਂ ਉਪ੍ਪਜ੍ਜਿ। ਤਸ੍ਮਾ ਏવਮਾਹ। ਹਤ੍ਥਿਰਤਨੇਨਾਤਿ ਸਤਸਹਸ੍ਸਗ੍ਘਨਕੋ ਹਤ੍ਥੀ ਸਤਸਹਸ੍ਸਗ੍ਘਨਕੇਨ ਅਲਙ੍ਕਾਰੇਨ ਅਲਙ੍ਕਤੋ ਹਤ੍ਥਿਰਤਨਂ ਨਾਮ। ਅਸ੍ਸਰਤਨੇਪਿ ਏਸੇવ ਨਯੋ। ਗਾਮવਰੋਪਿ ਸਤਸਹਸ੍ਸੁਟ੍ਠਾਨਕਗਾਮੋવ। ਸਬ੍ਬਾਨਿ ਤਾਨਿ ਭੇਦਨਧਮ੍ਮਾਨੀਤਿ ਤੇਸੁ ਹਿ ਕਿਞ੍ਚਿ ਕਰਿਯਮਾਨਮੇવ ਭਿਜ੍ਜਤਿ, ਕਿਞ੍ਚਿ ਕਤਪਰਿਯੋਸਿਤਂ ਚਕ੍ਕਤੋ ਅਨਪਨੀਤਮੇવ, ਕਿਞ੍ਚਿ ਅਪਨੇਤ੍વਾ ਭੂਮਿਯਂ ਠਪਿਤਮਤ੍ਤਂ, ਕਿਞ੍ਚਿ ਤਤੋ ਪਰਂ, ਏવਮੇવ ਸਤ੍ਤੇਸੁਪਿ ਕੋਚਿ ਪਟਿਸਨ੍ਧਿਂ ਗਹੇਤ੍વਾ ਮਰਤਿ, ਕੋਚਿ ਮੂਲ਼੍ਹਗਬ੍ਭਾਯ ਮਾਤਰਿ ਮਾਤੁਕੁਚ੍ਛਿਤੋ ਅਨਿਕ੍ਖਨ੍ਤੋવ, ਕੋਚਿ ਨਿਕ੍ਖਨ੍ਤਮਤ੍ਤੋ, ਕੋਚਿ ਤਤੋ ਪਰਨ੍ਤਿ। ਤਸ੍ਮਾ ਏવਮਾਹ। ਦੁਤਿਯਂ।
133. Dutiye jiṇṇāti jarājiṇṇā. Vuḍḍhāti vayovuḍḍhā. Mahallikāti jātimahallikā. Addhagatāti addhaṃ cirakālaṃ atikkantā. Vayoanuppattāti pacchimavayaṃ sampattā. Piyā manāpāti rañño kira mātari matāya ayyikā mātuṭṭhāne ṭhatvā paṭijaggi, tenassa ayyikāya balavapemaṃ uppajji. Tasmā evamāha. Hatthiratanenāti satasahassagghanako hatthī satasahassagghanakena alaṅkārena alaṅkato hatthiratanaṃ nāma. Assaratanepi eseva nayo. Gāmavaropi satasahassuṭṭhānakagāmova. Sabbāni tāni bhedanadhammānīti tesu hi kiñci kariyamānameva bhijjati, kiñci katapariyositaṃ cakkato anapanītameva, kiñci apanetvā bhūmiyaṃ ṭhapitamattaṃ, kiñci tato paraṃ, evameva sattesupi koci paṭisandhiṃ gahetvā marati, koci mūḷhagabbhāya mātari mātukucchito anikkhantova, koci nikkhantamatto, koci tato paranti. Tasmā evamāha. Dutiyaṃ.
੧੩੪. ਤਤਿਯੇ ਸਬ੍ਬਂ ਉਤ੍ਤਾਨਮੇવ। ਤਤਿਯਂ।
134. Tatiye sabbaṃ uttānameva. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੨. ਅਯ੍ਯਿਕਾਸੁਤ੍ਤਂ • 2. Ayyikāsuttaṃ
੩. ਲੋਕਸੁਤ੍ਤਂ • 3. Lokasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਅਯ੍ਯਿਕਾਸੁਤ੍ਤવਣ੍ਣਨਾ • 2. Ayyikāsuttavaṇṇanā
