| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൨. അയ്യികാസുത്തവണ്ണനാ
2. Ayyikāsuttavaṇṇanā
൧൩൩. ദുതിയേ ജിണ്ണാതി ജരാജിണ്ണാ. വുഡ്ഢാതി വയോവുഡ്ഢാ. മഹല്ലികാതി ജാതിമഹല്ലികാ. അദ്ധഗതാതി അദ്ധം ചിരകാലം അതിക്കന്താ. വയോഅനുപ്പത്താതി പച്ഛിമവയം സമ്പത്താ. പിയാ മനാപാതി രഞ്ഞോ കിര മാതരി മതായ അയ്യികാ മാതുട്ഠാനേ ഠത്വാ പടിജഗ്ഗി, തേനസ്സ അയ്യികായ ബലവപേമം ഉപ്പജ്ജി. തസ്മാ ഏവമാഹ. ഹത്ഥിരതനേനാതി സതസഹസ്സഗ്ഘനകോ ഹത്ഥീ സതസഹസ്സഗ്ഘനകേന അലങ്കാരേന അലങ്കതോ ഹത്ഥിരതനം നാമ. അസ്സരതനേപി ഏസേവ നയോ. ഗാമവരോപി സതസഹസ്സുട്ഠാനകഗാമോവ. സബ്ബാനി താനി ഭേദനധമ്മാനീതി തേസു ഹി കിഞ്ചി കരിയമാനമേവ ഭിജ്ജതി, കിഞ്ചി കതപരിയോസിതം ചക്കതോ അനപനീതമേവ, കിഞ്ചി അപനേത്വാ ഭൂമിയം ഠപിതമത്തം, കിഞ്ചി തതോ പരം, ഏവമേവ സത്തേസുപി കോചി പടിസന്ധിം ഗഹേത്വാ മരതി, കോചി മൂള്ഹഗബ്ഭായ മാതരി മാതുകുച്ഛിതോ അനിക്ഖന്തോവ, കോചി നിക്ഖന്തമത്തോ, കോചി തതോ പരന്തി. തസ്മാ ഏവമാഹ. ദുതിയം.
133. Dutiye jiṇṇāti jarājiṇṇā. Vuḍḍhāti vayovuḍḍhā. Mahallikāti jātimahallikā. Addhagatāti addhaṃ cirakālaṃ atikkantā. Vayoanuppattāti pacchimavayaṃ sampattā. Piyā manāpāti rañño kira mātari matāya ayyikā mātuṭṭhāne ṭhatvā paṭijaggi, tenassa ayyikāya balavapemaṃ uppajji. Tasmā evamāha. Hatthiratanenāti satasahassagghanako hatthī satasahassagghanakena alaṅkārena alaṅkato hatthiratanaṃ nāma. Assaratanepi eseva nayo. Gāmavaropi satasahassuṭṭhānakagāmova. Sabbāni tāni bhedanadhammānīti tesu hi kiñci kariyamānameva bhijjati, kiñci katapariyositaṃ cakkato anapanītameva, kiñci apanetvā bhūmiyaṃ ṭhapitamattaṃ, kiñci tato paraṃ, evameva sattesupi koci paṭisandhiṃ gahetvā marati, koci mūḷhagabbhāya mātari mātukucchito anikkhantova, koci nikkhantamatto, koci tato paranti. Tasmā evamāha. Dutiyaṃ.
൧൩൪. തതിയേ സബ്ബം ഉത്താനമേവ. തതിയം.
134. Tatiye sabbaṃ uttānameva. Tatiyaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya
൨. അയ്യികാസുത്തം • 2. Ayyikāsuttaṃ
൩. ലോകസുത്തം • 3. Lokasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൨. അയ്യികാസുത്തവണ്ണനാ • 2. Ayyikāsuttavaṇṇanā
