| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. බාහිරඅනිච්‌චනන්‌දික්‌ඛයසුත්‌තං
4. Bāhiraaniccanandikkhayasuttaṃ
159. ‘‘රූපෙ, භික්‌ඛවෙ, යොනිසො මනසි කරොථ; රූපානිච්‌චතඤ්‌ච යථාභූතං සමනුපස්‌සථ. රූපෙ, භික්‌ඛවෙ, භික්‌ඛු යොනිසො මනසිකරොන්‌තො, රූපානිච්‌චතඤ්‌ච යථාභූතං සමනුපස්‌සන්‌තො රූපෙසුපි නිබ්‌බින්‌දති. නන්‌දික්‌ඛයා රාගක්‌ඛයො; රාගක්‌ඛයා නන්‌දික්‌ඛයො. නන්‌දිරාගක්‌ඛයා චිත්‌තං සුවිමුත්‌තන්‌ති වුච්‌චති. සද්‌දෙ… ගන්‌ධෙ… රසෙ… ඵොට්‌ඨබ්‌බෙ… ධම්‌මෙ, භික්‌ඛවෙ, යොනිසො මනසි කරොථ; ධම්‌මානිච්‌චතඤ්‌ච යථාභූතං සමනුපස්‌සථ. ධම්‌මෙ, භික්‌ඛවෙ, භික්‌ඛු යොනිසො මනසිකරොන්‌තො, ධම්‌මානිච්‌චතඤ්‌ච යථාභූතං සමනුපස්‌සන්‌තො ධම්‌මෙසුපි නිබ්‌බින්‌දති. නන්‌දික්‌ඛයා රාගක්‌ඛයො; රාගක්‌ඛයා නන්‌දික්‌ඛයො . නන්‌දිරාගක්‌ඛයා චිත්‌තං සුවිමුත්‌තන්‌ති වුච්‌චතී’’ති. චතුත්‌ථං.
159. ‘‘Rūpe, bhikkhave, yoniso manasi karotha; rūpāniccatañca yathābhūtaṃ samanupassatha. Rūpe, bhikkhave, bhikkhu yoniso manasikaronto, rūpāniccatañca yathābhūtaṃ samanupassanto rūpesupi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati. Sadde… gandhe… rase… phoṭṭhabbe… dhamme, bhikkhave, yoniso manasi karotha; dhammāniccatañca yathābhūtaṃ samanupassatha. Dhamme, bhikkhave, bhikkhu yoniso manasikaronto, dhammāniccatañca yathābhūtaṃ samanupassanto dhammesupi nibbindati. Nandikkhayā rāgakkhayo; rāgakkhayā nandikkhayo . Nandirāgakkhayā cittaṃ suvimuttanti vuccatī’’ti. Catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-4. අජ්‌ඣත්‌තනන්‌දික්‌ඛයසුත්‌තාදිවණ්‌ණනා • 1-4. Ajjhattanandikkhayasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-4. අජ්‌ඣත්‌තනන්‌දික්‌ඛයසුත්‌තාදිවණ්‌ණනා • 1-4. Ajjhattanandikkhayasuttādivaṇṇanā
