| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. б̣аахирамаад̇игааван̣н̣анаа
5. Bāhiramātikāvaṇṇanā
5. саб̣б̣ааби д̇хаммасан̇г̇ан̣ий д̇хаад̇угат̇ааяа маад̇игаад̇и аяам̣ часадти д̇игабад̣̇аани, д̣̇вз жа д̣̇угабад̣̇асад̇аани сан̇кибид̇ваа нигкид̇д̇аа б̣аахирамаад̇игаа наама. аяан̃хи ‘‘бан̃жагканд̇хаа…бз… манасигааро’’д̇и звам̣ д̇хаад̇угат̇ааяа аб̣бханд̇арз авад̇ваа ‘‘саб̣б̣ааби д̇хаммасан̇г̇ан̣ий’’д̇и звам̣ д̇хаад̇угат̇ааяа маад̇игад̇о б̣ахи табид̇ад̇д̇аа б̣аахирамаад̇игаад̇и вужжад̇и.
5. Sabbāpi dhammasaṅgaṇī dhātukathāya mātikāti ayaṃ chasaṭṭhi tikapadāni, dve ca dukapadasatāni saṅkhipitvā nikkhittā bāhiramātikā nāma. Ayañhi ‘‘pañcakkhandhā…pe… manasikāro’’ti evaṃ dhātukathāya abbhantare avatvā ‘‘sabbāpi dhammasaṅgaṇī’’ti evaṃ dhātukathāya mātikato bahi ṭhapitattā bāhiramātikāti vuccati.
звам̣ маад̇игааяа бан̃жад̇хаа тид̇абхаавам̣ вид̣̇ид̇ваа ид̣̇аани ‘сан̇г̇ахо асан̇г̇ахо’д̇иаад̣̇ийсу сан̇г̇ахо д̇аава ж̇аад̇исан̃ж̇аад̇игирияааг̇ан̣анавасзна жад̇уб̣б̣ид̇хо. д̇ад̇т̇а – ‘‘саб̣б̣з кад̇д̇ияаа ааг̇ажчанд̇у, саб̣б̣з б̣раахман̣аа, саб̣б̣з взссаа, саб̣б̣з суд̣̇д̣̇аа ааг̇ажчанд̇у’’, ‘‘яаа жаавусо висаака, саммааваажаа, яо жа саммаагамманд̇о, яо жа саммааааж̇ийво, имз д̇хаммаа сийлагканд̇хз сан̇г̇ахид̇аа’’д̇и аяам̣ ж̇аад̇исан̇г̇ахо наама. ‘‘згаж̇аад̇игаа ааг̇ажчанд̇уу’’д̇и вуд̇д̇адтаанз вияа хи ид̇ха саб̣б̣зби ж̇аад̇ияаа згасан̇г̇ахам̣ г̇ад̇аа. ‘‘саб̣б̣з госалагаа ааг̇ажчанд̇у, саб̣б̣з мааг̇ад̇хагаа, саб̣б̣з бхааругажчагаа ааг̇ажчанд̇у’’, ‘‘яо жаавусо висаака, саммаавааяаамо; яаа жа саммаасад̇и, яо жа саммаасамаад̇хи, имз д̇хаммаа самаад̇хигканд̇хз сан̇г̇ахид̇аа’’д̇и (ма. ни. 1.462) аяам̣ сан̃ж̇аад̇исан̇г̇ахо наама. ‘‘згадтаанз ж̇аад̇аа сам̣вад̣дхаа ааг̇ажчанд̇уу’’д̇и вуд̇д̇адтаанз вияа хи ид̇ха саб̣б̣зби сан̃ж̇аад̇итаанзна нивуд̇т̇огаасзна згасан̇г̇ахам̣ г̇ад̇аа. ‘‘саб̣б̣з хад̇т̇аарохаа ааг̇ажчанд̇у, саб̣б̣з ассаарохаа, саб̣б̣з рат̇игаа ааг̇ажчанд̇у’’, ‘‘яаа жаавусо висаака, саммаад̣̇идти, яо жа саммаасан̇габбо, имз д̇хаммаа бан̃н̃аагканд̇хз сан̇г̇ахид̇аа’’д̇и (ма. ни. 1.462) аяам̣ гирияаасан̇г̇ахо наама. саб̣б̣зва хзд̇з ад̇д̇ано гирияаагаран̣зна згасан̇г̇ахам̣ г̇ад̇аа. ‘‘жагкааяад̇анам̣ гад̇амагканд̇хаг̇ан̣анам̣ г̇ажчад̇ийд̇и? руубагканд̇хаг̇ан̣анам̣ г̇ажчад̇ий’’д̇и. хан̃жи жагкааяад̇анам̣ руубагканд̇хаг̇ан̣анам̣ г̇ажчад̇и, д̇зна вад̇а рз вад̇д̇аб̣б̣з – ‘жагкааяад̇анам̣ руубагканд̇хзна сан̇г̇ахид̇а’’нд̇и (гат̇аа. 471), аяам̣ г̇ан̣анасан̇г̇ахо наама. аяамид̇ха ад̇хиббзд̇о. д̇аббадибагкзна асан̇г̇ахо взд̣̇ид̇аб̣б̣о. д̇зсам̣ вигаббад̇о сан̇г̇ахид̇зна асан̇г̇ахид̇аад̣̇ийни. згуббаад̣̇зганирод̇хазгавад̇т̇угазгаарамман̣ад̇аавасзна самбаяог̇о, д̇аббадибагкад̇о виббаяог̇о. д̇зсам̣ вигаббад̇о самбаяуд̇д̇зна виббаяуд̇д̇аад̣̇ийни. д̇ад̣̇убхаяасам̣саг̇г̇авигаббад̇о сан̇г̇ахид̇зна самбаяуд̇д̇ам̣ виббаяуд̇д̇анд̇иаад̣̇ийни. бан̃жагканд̇хаад̇иаад̣̇ийни бана канд̇хавибхан̇г̇аад̣̇ийсу вуд̇д̇анаязнзва взд̣̇ид̇аб̣б̣аани. пассаад̣̇аяо банзд̇т̇а саннидтаанавасзна вуд̇д̇асаб̣б̣ажид̇д̇уббаад̣̇асаад̇хааран̣ад̇о вуд̇д̇аад̇и.
Evaṃ mātikāya pañcadhā ṭhitabhāvaṃ viditvā idāni ‘saṅgaho asaṅgaho’tiādīsu saṅgaho tāva jātisañjātikiriyāgaṇanavasena catubbidho. Tattha – ‘‘sabbe khattiyā āgacchantu, sabbe brāhmaṇā, sabbe vessā, sabbe suddā āgacchantu’’, ‘‘yā cāvuso visākha, sammāvācā, yo ca sammākammanto, yo ca sammāājīvo, ime dhammā sīlakkhandhe saṅgahitā’’ti ayaṃ jātisaṅgaho nāma. ‘‘Ekajātikā āgacchantū’’ti vuttaṭṭhāne viya hi idha sabbepi jātiyā ekasaṅgahaṃ gatā. ‘‘Sabbe kosalakā āgacchantu, sabbe māgadhakā, sabbe bhārukacchakā āgacchantu’’, ‘‘yo cāvuso visākha, sammāvāyāmo; yā ca sammāsati, yo ca sammāsamādhi, ime dhammā samādhikkhandhe saṅgahitā’’ti (ma. ni. 1.462) ayaṃ sañjātisaṅgaho nāma. ‘‘Ekaṭṭhāne jātā saṃvaḍḍhā āgacchantū’’ti vuttaṭṭhāne viya hi idha sabbepi sañjātiṭhānena nivutthokāsena ekasaṅgahaṃ gatā. ‘‘Sabbe hatthārohā āgacchantu, sabbe assārohā, sabbe rathikā āgacchantu’’, ‘‘yā cāvuso visākha, sammādiṭṭhi, yo ca sammāsaṅkappo, ime dhammā paññākkhandhe saṅgahitā’’ti (ma. ni. 1.462) ayaṃ kiriyāsaṅgaho nāma. Sabbeva hete attano kiriyākaraṇena ekasaṅgahaṃ gatā. ‘‘Cakkhāyatanaṃ katamakkhandhagaṇanaṃ gacchatīti? Rūpakkhandhagaṇanaṃ gacchatī’’ti. Hañci cakkhāyatanaṃ rūpakkhandhagaṇanaṃ gacchati, tena vata re vattabbe – ‘cakkhāyatanaṃ rūpakkhandhena saṅgahita’’nti (kathā. 471), ayaṃ gaṇanasaṅgaho nāma. Ayamidha adhippeto. Tappaṭipakkhena asaṅgaho veditabbo. Tesaṃ vikappato saṅgahitena asaṅgahitādīni. Ekuppādekanirodhaekavatthukaekārammaṇatāvasena sampayogo, tappaṭipakkhato vippayogo. Tesaṃ vikappato sampayuttena vippayuttādīni. Tadubhayasaṃsaggavikappato saṅgahitena sampayuttaṃ vippayuttantiādīni. Pañcakkhandhātiādīni pana khandhavibhaṅgādīsu vuttanayeneva veditabbāni. Phassādayo panettha sanniṭṭhānavasena vuttasabbacittuppādasādhāraṇato vuttāti.
маад̇игааван̣н̣анаа.
Mātikāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 5. б̣аахирамаад̇игаа • 5. Bāhiramātikā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. б̣аахирамаад̇игааван̣н̣анаа • 5. Bāhiramātikāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. б̣аахирамаад̇игааван̣н̣анаа • 5. Bāhiramātikāvaṇṇanā
