| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
5. б̣аахирамаад̇игааван̣н̣анаа
5. Bāhiramātikāvaṇṇanā
5. звам̣ д̇хаад̇угат̇ааяа маад̇игад̇о б̣ахи табид̇ад̇д̇аад̇и ‘‘саб̣б̣ааби…бз… маад̇игаа’’д̇и зд̇зна табанаагаарзна б̣ахи бидтид̇о табид̇ад̇д̇аад̇и ад̇т̇о. зд̇зна ваа табанаагаарзна гусалаад̣̇ийнам̣ аран̣анд̇аанам̣ ид̇ха адтабзд̇ваа д̇хаад̇угат̇ааяа маад̇игад̇о б̣ахи багаран̣анд̇арамаад̇игааяа имасса багаран̣асса маад̇игаабхаавзна табид̇ад̇д̇аа д̇ат̇аа багаасид̇ад̇д̇аад̇и ад̇т̇о.
5. Evaṃ dhātukathāya mātikato bahi ṭhapitattāti ‘‘sabbāpi…pe… mātikā’’ti etena ṭhapanākārena bahi piṭṭhito ṭhapitattāti attho. Etena vā ṭhapanākārena kusalādīnaṃ araṇantānaṃ idha aṭṭhapetvā dhātukathāya mātikato bahi pakaraṇantaramātikāya imassa pakaraṇassa mātikābhāvena ṭhapitattā tathā pakāsitattāti attho.
сан̇г̇ахо асан̇г̇аход̇иаад̣̇ийсу сан̇г̇ахо згавид̇хова, со гасмаа ‘‘жад̇уб̣б̣ид̇хо’’д̇и вуд̇д̇од̇и? сан̇г̇аход̇и ад̇т̇ам̣ авад̇ваа анид̣̇д̇хаарид̇ад̇т̇асса сад̣̇д̣̇ассзва вуд̇д̇ад̇д̇аа. сан̇г̇ахо асан̇г̇аход̇иаад̣̇ийсу сад̣̇д̣̇зсу сан̇г̇ахасад̣̇д̣̇о д̇аава ад̇д̇ано ад̇т̇авасзна жад̇уб̣б̣ид̇ход̇и аяан̃хзд̇т̇ад̇т̇о. ад̇т̇оби ваа анид̣̇д̇хаарид̇ависзсо сааман̃н̃зна г̇ахзд̇аб̣б̣ад̇ам̣ бад̇д̇о ‘‘сан̇г̇ахо асан̇г̇ахо’’д̇иаад̣̇ийсу ‘‘сан̇г̇ахо’’д̇и вуд̇д̇од̇и на гожи д̣̇осо. нид̣̇д̇хаарид̇з хи висзсз д̇асса згавид̇хад̇аа сияаа, на д̇ад̇о буб̣б̣зд̇и. ж̇аад̇исад̣̇д̣̇асса саабзгкасад̣̇д̣̇ад̇д̇аа ‘‘ж̇аад̇ияаа сан̇г̇ахо’’д̇и вуд̇д̇з ‘‘ад̇д̇ано ж̇аад̇ияаа’’д̇и вин̃н̃ааяад̇и самб̣анд̇хаарахасса ан̃н̃асса авуд̇д̇ад̇д̇аад̇и ж̇аад̇исан̇г̇аход̇и руубаган̣д̣з вуд̇д̇о саж̇аад̇исан̇г̇ахо вуд̇д̇о ход̇и.
Saṅgaho asaṅgahotiādīsu saṅgaho ekavidhova, so kasmā ‘‘catubbidho’’ti vuttoti? Saṅgahoti atthaṃ avatvā aniddhāritatthassa saddasseva vuttattā. Saṅgaho asaṅgahotiādīsu saddesu saṅgahasaddo tāva attano atthavasena catubbidhoti ayañhetthattho. Atthopi vā aniddhāritaviseso sāmaññena gahetabbataṃ patto ‘‘saṅgaho asaṅgaho’’tiādīsu ‘‘saṅgaho’’ti vuttoti na koci doso. Niddhārite hi visese tassa ekavidhatā siyā, na tato pubbeti. Jātisaddassa sāpekkhasaddattā ‘‘jātiyā saṅgaho’’ti vutte ‘‘attano jātiyā’’ti viññāyati sambandhārahassa aññassa avuttattāti jātisaṅgahoti rūpakaṇḍe vutto sajātisaṅgaho vutto hoti.
зд̇т̇а наяамаад̇игааяа ‘‘сан̇г̇ахо асан̇г̇ахо, самбаяог̇о виббаяог̇о’’д̇и имз д̣̇вз бужчид̇аб̣б̣ависсаж̇ж̇ид̇аб̣б̣ад̇хаммависзсам̣ анид̣̇д̇хаарзд̇ваа сааман̃н̃зна д̇хаммаанам̣ бужчанависсаж̇ж̇ананаяауд̣̇д̣̇зсаа, авасзсаа нид̣̇д̇хаарзд̇ваа. ‘‘сан̇г̇ахид̇зна асан̇г̇ахид̇а’’нд̇и хи ‘‘сан̇г̇ахид̇зна асан̇г̇ахид̇ам̣ асан̇г̇ахид̇а’’нд̇и вад̇д̇аб̣б̣з згасса асан̇г̇ахид̇асад̣̇д̣̇асса лобо д̣̇адтаб̣б̣о. д̇зна сан̇г̇ахид̇ависзсависидто яо асан̇г̇ахид̇о д̇хаммависзсо, д̇анниссид̇о асан̇г̇ахид̇ад̇аасан̇каад̇о бужчаависсаж̇ж̇ананаяо уд̣̇д̣̇идто ход̇и, ‘‘сан̇г̇ахид̇знаа’’д̇и жа висзсанз гаран̣аважанам̣ д̣̇адтаб̣б̣ам̣. зса наяо д̇ад̇ияаад̣̇ийсу д̣̇асамаавасаанзсу наяуд̣̇д̣̇зсзсу чадтаваж̇ж̇зсу. д̇зсуби хи вуд̇д̇анаязна д̣̇вийхи д̣̇вийхи бад̣̇зхи бужчид̇аб̣б̣ависсаж̇ж̇ид̇аб̣б̣ад̇хаммависзсанид̣̇д̇хааран̣ам̣ гад̇ваа д̇ад̇т̇а д̇ад̇т̇а анд̇имабад̣̇асад̣̇исзна д̇ад̇ияабад̣̇зна бужчанависсаж̇ж̇ананаяаа уд̣̇д̣̇идтаад̇и. д̇ад̇т̇а жад̇уд̇т̇абан̃жамзсу гад̇д̇уад̇т̇з гаран̣анид̣̇д̣̇зсо, сад̇д̇амаад̣̇ийсу жа жад̇уусу сахаяог̇з д̣̇адтаб̣б̣о, на д̣̇уд̇ияад̇ад̇иязсу вияа самаанаад̇хигаран̣з висзсанз. д̇ад̇т̇а хи сабхааванд̇арзна сабхааванд̇арасса висзсанам̣ гад̇ам̣, зд̇зсу д̇хамманд̇арзна д̇хамманд̇арассаад̇и. згаад̣̇асамаад̣̇ийсу бана жад̇уусу аад̣̇ибад̣̇знзва д̇хаммависзсанид̣̇д̇хааран̣ам̣ гад̇ваа ид̇арзхи бужчанависсаж̇ж̇ананаяаа уд̣̇д̣̇идтаа. висзсанз зва жзд̇т̇а гаран̣аважанам̣ д̣̇адтаб̣б̣ам̣. бужчаависсаж̇ж̇анаанан̃хи ниссаяабхууд̇аа д̇хаммаа сан̇г̇ахид̇ад̇аад̣̇ивисзсзна гаран̣абхууд̇зна самбаяуд̇д̇авиббаяуд̇д̇аад̣̇ибхаавам̣ ад̇д̇ано висзсзнд̇ийд̇и.
Ettha nayamātikāya ‘‘saṅgaho asaṅgaho, sampayogo vippayogo’’ti ime dve pucchitabbavissajjitabbadhammavisesaṃ aniddhāretvā sāmaññena dhammānaṃ pucchanavissajjananayauddesā, avasesā niddhāretvā. ‘‘Saṅgahitena asaṅgahita’’nti hi ‘‘saṅgahitena asaṅgahitaṃ asaṅgahita’’nti vattabbe ekassa asaṅgahitasaddassa lopo daṭṭhabbo. Tena saṅgahitavisesavisiṭṭho yo asaṅgahito dhammaviseso, tannissito asaṅgahitatāsaṅkhāto pucchāvissajjananayo uddiṭṭho hoti, ‘‘saṅgahitenā’’ti ca visesane karaṇavacanaṃ daṭṭhabbaṃ. Esa nayo tatiyādīsu dasamāvasānesu nayuddesesu chaṭṭhavajjesu. Tesupi hi vuttanayena dvīhi dvīhi padehi pucchitabbavissajjitabbadhammavisesaniddhāraṇaṃ katvā tattha tattha antimapadasadisena tatiyapadena pucchanavissajjananayā uddiṭṭhāti. Tattha catutthapañcamesu kattuatthe karaṇaniddeso, sattamādīsu ca catūsu sahayoge daṭṭhabbo, na dutiyatatiyesu viya samānādhikaraṇe visesane. Tattha hi sabhāvantarena sabhāvantarassa visesanaṃ kataṃ, etesu dhammantarena dhammantarassāti. Ekādasamādīsu pana catūsu ādipadeneva dhammavisesaniddhāraṇaṃ katvā itarehi pucchanavissajjananayā uddiṭṭhā. Visesane eva cettha karaṇavacanaṃ daṭṭhabbaṃ. Pucchāvissajjanānañhi nissayabhūtā dhammā saṅgahitatādivisesena karaṇabhūtena sampayuttavippayuttādibhāvaṃ attano visesentīti.
вигаббад̇од̇и вивид̇хагаббанад̇о, вибхааг̇ад̇од̇и ад̇т̇о. саннидтаанавасзнаад̇и ад̇химогкасамбаяог̇авасзна. саннидтаанавасзна вуд̇д̇аа жа саб̣б̣з жа жид̇д̇уббаад̣̇аа саннидтаанавасзна вуд̇д̇асаб̣б̣ажид̇д̇уббаад̣̇аа, д̇зсам̣ саад̇хааран̣авасзнаад̇и звамзд̇т̇а ад̇т̇о д̣̇адтаб̣б̣о. ад̇химогко хи саннидтаанавасзна вуд̇д̇аанам̣ жид̇д̇уббаад̣̇аанам̣ саад̇хааран̣авасзна вуд̇д̇о, ид̇арз саб̣б̣зсанд̇и. д̇ад̇т̇а саад̇хааран̣аа басадаа баагадаа жаад̇и аад̣̇ид̇о бариг̇г̇ахзд̇аб̣б̣аа, д̇асмаа д̇зсам̣ сан̇г̇ахаад̣̇ибариг̇г̇ахад̇т̇ам̣ уд̣̇д̣̇зсо гад̇о, асаад̇хааран̣ааби бана бариг̇г̇ахзд̇аб̣б̣ааваад̇и д̇зсу махаависаязна ан̃н̃зсамби сан̇г̇ахаад̣̇ибариг̇г̇ахам̣ д̣̇ассзд̇ум̣ ад̇химогко уд̣̇д̣̇идто. ‘‘саннидтаанавасзна вуд̇д̇аа’’д̇и жа д̇хаммасан̇г̇ахаван̣н̣анааяам̣ бадижжасамуббаад̣̇авибхан̇г̇з жа важанам̣ санд̇хааяа вуд̇д̇анд̇и взд̣̇ид̇аб̣б̣ам̣. саннидтаанавасзна яз вуд̇д̇аа, д̇зсам̣ саб̣б̣зсам̣ саад̇хааран̣ад̇од̇и бана ад̇т̇з сад̇и саад̇хааран̣аасаад̇хааран̣зсу вад̇д̇аб̣б̣зсу яо асаад̇хааран̣зсу махаависаяо ад̇химогко, д̇асса васзна вуд̇д̇асаб̣б̣ажид̇д̇уббаад̣̇асаад̇хааран̣ад̇о пассаад̣̇аяо саб̣б̣асаад̇хааран̣аад̇и ад̇химогко жа асаад̇хааран̣зсу махаависаяод̇и гад̇ваа вуд̇д̇о ан̃н̃асса д̇аад̣̇исасса абхааваад̇и аяамад̇хиббааяо д̣̇адтаб̣б̣о.
Vikappatoti vividhakappanato, vibhāgatoti attho. Sanniṭṭhānavasenāti adhimokkhasampayogavasena. Sanniṭṭhānavasena vuttā ca sabbe ca cittuppādā sanniṭṭhānavasena vuttasabbacittuppādā, tesaṃ sādhāraṇavasenāti evamettha attho daṭṭhabbo. Adhimokkho hi sanniṭṭhānavasena vuttānaṃ cittuppādānaṃ sādhāraṇavasena vutto, itare sabbesanti. Tattha sādhāraṇā pasaṭā pākaṭā cāti ādito pariggahetabbā, tasmā tesaṃ saṅgahādipariggahatthaṃ uddeso kato, asādhāraṇāpi pana pariggahetabbāvāti tesu mahāvisayena aññesampi saṅgahādipariggahaṃ dassetuṃ adhimokkho uddiṭṭho. ‘‘Sanniṭṭhānavasena vuttā’’ti ca dhammasaṅgahavaṇṇanāyaṃ paṭiccasamuppādavibhaṅge ca vacanaṃ sandhāya vuttanti veditabbaṃ. Sanniṭṭhānavasena ye vuttā, tesaṃ sabbesaṃ sādhāraṇatoti pana atthe sati sādhāraṇāsādhāraṇesu vattabbesu yo asādhāraṇesu mahāvisayo adhimokkho, tassa vasena vuttasabbacittuppādasādhāraṇato phassādayo sabbasādhāraṇāti adhimokkho ca asādhāraṇesu mahāvisayoti katvā vutto aññassa tādisassa abhāvāti ayamadhippāyo daṭṭhabbo.
ж̇ийвид̇инд̣̇рияам̣ банзд̇т̇а руубамиссагад̇д̇аа на вуд̇д̇анд̇и взд̣̇ид̇аб̣б̣ам̣, жид̇д̇згаг̇г̇ад̇аа бана асамаад̇хисабхааваа сааман̃н̃асад̣̇д̣̇знзва сааман̃н̃ависзсасад̣̇д̣̇зхи жа самаад̇хисабхааваа висзсасад̣̇д̣̇аважанийяам̣ ан̃н̃ам̣ б̣яаабзд̇аб̣б̣ам̣ нивад̇д̇зд̇аб̣б̣ан̃жа над̇т̇ийд̇и анан̃н̃аб̣яаабаганивад̇д̇агасааман̃н̃ависзсад̣̇ийбанад̇о д̇ассзва д̇хаммасса бхзд̣̇ад̣̇ийбагзхи вад̇д̇аб̣б̣аа, на сукаад̣̇исабхааваа взд̣̇анаа вияа вуд̇д̇алагкан̣авибарийд̇зхи сааман̃н̃ависзсасад̣̇д̣̇зхзва, д̇асмаа ‘‘жид̇д̇згаг̇г̇ад̇аа’’д̇и аяам̣ сааман̃н̃асад̣̇д̣̇о самаад̇хисабхаавз висзсасад̣̇д̣̇анирабзгко бавад̇д̇амаано саяамзва висзсасад̣̇д̣̇амаабаж̇ж̇ид̇ваа асамаад̇хисабхаавамзва багаасзяяа, ид̇аро жа самаад̇хисабхаавамзваад̇и д̣̇вид̇хаа бхиннаа жид̇д̇згаг̇г̇ад̇аа асаад̇хааран̣аа жзва аббависаяаа жаад̇и ид̇ха уд̣̇д̣̇зсам̣ на арахад̇и. абхиннааби ваа пассаад̣̇ийнам̣ вияа баагадад̇д̇аабхаавад̇о ан̃н̃ад̇хамманиссаязна вад̇д̇аб̣б̣ад̇о жа саа ж̇ийвид̇ан̃жа на арахад̇ийд̇и на уд̣̇д̣̇идтаад̇и.
Jīvitindriyaṃ panettha rūpamissakattā na vuttanti veditabbaṃ, cittekaggatā pana asamādhisabhāvā sāmaññasaddeneva sāmaññavisesasaddehi ca samādhisabhāvā visesasaddavacanīyaṃ aññaṃ byāpetabbaṃ nivattetabbañca natthīti anaññabyāpakanivattakasāmaññavisesadīpanato tasseva dhammassa bhedadīpakehi vattabbā, na sukhādisabhāvā vedanā viya vuttalakkhaṇaviparītehi sāmaññavisesasaddeheva, tasmā ‘‘cittekaggatā’’ti ayaṃ sāmaññasaddo samādhisabhāve visesasaddanirapekkho pavattamāno sayameva visesasaddamāpajjitvā asamādhisabhāvameva pakāseyya, itaro ca samādhisabhāvamevāti dvidhā bhinnā cittekaggatā asādhāraṇā ceva appavisayā cāti idha uddesaṃ na arahati. Abhinnāpi vā phassādīnaṃ viya pākaṭattābhāvato aññadhammanissayena vattabbato ca sā jīvitañca na arahatīti na uddiṭṭhāti.
маад̇игааван̣н̣анаа нидтид̇аа.
Mātikāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 5. б̣аахирамаад̇игаа • 5. Bāhiramātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. б̣аахирамаад̇игааван̣н̣анаа • 5. Bāhiramātikāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. б̣аахирамаад̇игааван̣н̣анаа • 5. Bāhiramātikāvaṇṇanā
