| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
5. б̣аахирамаад̇игааван̣н̣анаа
5. Bāhiramātikāvaṇṇanā
5. зд̇зна табанаагаарзнаад̇и саруубзна аг̇г̇ахзд̇ваа яат̇аавуд̇д̇зна багаран̣анд̇арамаад̇игааяа ид̇ха маад̇игаабхаавагид̇д̇анасан̇каад̇зна табанаагаарзна. багаран̣анд̇аратабид̇ааяа маад̇игааяа авибхааг̇зна бажчад̇о г̇ахан̣ам̣ б̣ахи табананд̇и ааха ‘‘б̣ахи бидтид̇о табид̇ад̇д̇аа’’д̇и. ид̇ха адтабзд̇ваад̇и имиссаа д̇хаад̇угат̇ааяа саруубзна авад̇ваа. д̇ат̇аа багаасид̇ад̇д̇аад̇и маад̇игаабхаавзна ж̇од̇ид̇ад̇д̇аа. д̇хаммасан̇г̇ан̣ийсийсзна хи д̇хаммасан̇г̇ан̣ияам̣ ааг̇ад̇амаад̇игаава г̇ахид̇аад̇и. язхи наязхи д̇хаад̇угат̇ааяа нид̣̇д̣̇зсо, д̇зсу наязсу, д̇зхи вибхаж̇ид̇аб̣б̣зсу канд̇хаад̣̇ийсу, д̇зсам̣ наяаанам̣ бавад̇д̇ид̣̇вааралагкан̣зсу жа уд̣̇д̣̇идтзсу д̇хаад̇угат̇ааяа уд̣̇д̣̇зсавасзна вад̇д̇аб̣б̣ам̣ вуд̇д̇амзва ход̇ийд̇и яам̣ уд̣̇д̣̇зсавасзна вад̇д̇аб̣б̣ам̣, д̇ам̣ вад̇ваа буна яат̇аавуд̇д̇аанам̣ канд̇хаад̣̇ийнам̣ гусалаад̣̇ивибхааг̇ад̣̇ассанад̇т̇ам̣ ‘‘саб̣б̣ааби д̇хаммасан̇г̇ан̣ий д̇хаад̇угат̇ааяа маад̇игаа’’д̇и вуд̇д̇анд̇и звамзд̇т̇а маад̇игааяа нигкзбавид̇хи взд̣̇ид̇аб̣б̣о.
5. Etena ṭhapanākārenāti sarūpena aggahetvā yathāvuttena pakaraṇantaramātikāya idha mātikābhāvakittanasaṅkhātena ṭhapanākārena. Pakaraṇantaraṭhapitāya mātikāya avibhāgena pacchato gahaṇaṃ bahi ṭhapananti āha ‘‘bahi piṭṭhito ṭhapitattā’’ti. Idha aṭṭhapetvāti imissā dhātukathāya sarūpena avatvā. Tathā pakāsitattāti mātikābhāvena jotitattā. Dhammasaṅgaṇīsīsena hi dhammasaṅgaṇiyaṃ āgatamātikāva gahitāti. Yehi nayehi dhātukathāya niddeso, tesu nayesu, tehi vibhajitabbesu khandhādīsu, tesaṃ nayānaṃ pavattidvāralakkhaṇesu ca uddiṭṭhesu dhātukathāya uddesavasena vattabbaṃ vuttameva hotīti yaṃ uddesavasena vattabbaṃ, taṃ vatvā puna yathāvuttānaṃ khandhādīnaṃ kusalādivibhāgadassanatthaṃ ‘‘sabbāpi dhammasaṅgaṇī dhātukathāya mātikā’’ti vuttanti evamettha mātikāya nikkhepavidhi veditabbo.
‘‘г̇аавийд̇и аяамаахаа’’д̇и зд̇т̇а г̇аавий-сад̣̇д̣̇о вияа ‘‘сан̇г̇ахо асан̇г̇ахо’’д̇и зд̇т̇а бад̣̇ад̇т̇авибаллаасагааринаа ид̇и-сад̣̇д̣̇зна ад̇т̇абад̣̇ад̇т̇аго сан̇г̇ахаасан̇г̇аха-сад̣̇д̣̇о сад̣̇д̣̇абад̣̇ад̇т̇аго ж̇ааяад̇ийд̇и ад̇хиббааязнааха ‘‘анид̣̇д̇хаарид̇ад̇т̇асса сад̣̇д̣̇ассзва вуд̇д̇ад̇д̇аа’’д̇и. д̇зна ад̇т̇уд̣̇д̇хаарад̇о сан̇г̇ахасад̣̇д̣̇ам̣ сам̣ван̣н̣зд̇ийд̇и д̣̇ассзд̇и. анид̣̇д̇хаарид̇ависзсод̇и асан̇г̇ахид̇аж̇аад̇исан̃ж̇аад̇иаад̣̇ивисзсо. сааман̃н̃зна г̇ахзд̇аб̣б̣ад̇анд̇и сан̇г̇ахасад̣̇д̣̇аабхид̇хзяяад̇аасааман̃н̃зна вин̃н̃ааяамаано вужжамаано ваа. на жзд̇т̇а сааман̃н̃ан̃жа згаруубамзваад̇и жод̣̇анаа гаад̇аб̣б̣аа бхзд̣̇аабзгкад̇д̇аа д̇асса. яад̇д̇агаа хи д̇асса висзсаа, д̇ад̣̇абзгкамзва д̇анд̇и. ‘‘ад̇д̇ано ж̇аад̇ияаа’’д̇и вин̃н̃ааяад̇и яат̇аа ‘‘мад̇д̇зяяаа’’д̇и вуд̇д̇з ад̇д̇ано маад̇у хид̇аад̇и.
‘‘Gāvīti ayamāhā’’ti ettha gāvī-saddo viya ‘‘saṅgaho asaṅgaho’’ti ettha padatthavipallāsakārinā iti-saddena atthapadatthako saṅgahāsaṅgaha-saddo saddapadatthako jāyatīti adhippāyenāha ‘‘aniddhāritatthassa saddasseva vuttattā’’ti. Tena atthuddhārato saṅgahasaddaṃ saṃvaṇṇetīti dasseti. Aniddhāritavisesoti asaṅgahitajātisañjātiādiviseso. Sāmaññena gahetabbatanti saṅgahasaddābhidheyyatāsāmaññena viññāyamāno vuccamāno vā. Na cettha sāmaññañca ekarūpamevāti codanā kātabbā bhedāpekkhattā tassa. Yattakā hi tassa visesā, tadapekkhameva tanti. ‘‘Attano jātiyā’’ti viññāyati yathā ‘‘matteyyā’’ti vutte attano mātu hitāti.
д̇хаммависзсам̣ анид̣̇д̇хаарзд̇ваад̇и сан̇г̇ахид̇ад̇аад̣̇инаа бужчид̇аб̣б̣ависсаж̇ж̇зд̇аб̣б̣ад̇хаммаанам̣ висзсанам̣ агад̇ваа. сааман̃н̃знаад̇и ависзсзна. д̇хаммаананд̇и канд̇хаад̣̇ид̇хаммаанам̣. авасзсаа нид̣̇д̇хаарзд̇ваад̇и ‘‘сан̇г̇ахид̇зна асан̇г̇ахид̇а’’нд̇иаад̣̇игаа авасзсаа д̣̇ваад̣̇асаби бужчид̇аб̣б̣ависсаж̇ж̇зд̇аб̣б̣ад̇хаммависзсам̣ нид̣̇д̇хаарзд̇ваа д̇хаммаанам̣ бужчанависсаж̇ж̇ананаяауд̣̇д̣̇зсаад̇и яож̇анаа. нану жа ‘‘сан̇г̇ахид̇зна асан̇г̇ахид̇а’’нд̇иаад̣̇аяоби яат̇аавуд̇д̇ависзсам̣ анид̣̇д̇хаарзд̇ваа сааман̃н̃зна д̇хаммаанам̣ бужчанависсаж̇ж̇ананаяуд̣̇д̣̇зсаад̇и жод̣̇анам̣ санд̇хааяааха ‘‘сан̇г̇ахид̇зна асан̇г̇ахид̇а’’нд̇иаад̣̇и. яасса ад̇т̇о н̃ааяад̇и, сад̣̇д̣̇о жа на баяуж̇ж̇ад̇и, со лобод̇и взд̣̇ид̇аб̣б̣о, аавуд̇д̇иаад̣̇ивасзна ваа аяамад̇т̇о д̣̇ийбзд̇аб̣б̣о. д̇знаад̇и луд̇д̇анид̣̇д̣̇идтзна асан̇г̇ахид̇а-сад̣̇д̣̇зна. сан̇г̇ахид̇ависзсависидтод̇и жагкааяад̇анзна канд̇хасан̇г̇ахзна сан̇г̇ахид̇ад̇аависзсависидто, д̇зна сод̇ааяад̇анаад̣̇ибхаавзна асан̇г̇ахид̇о сод̇абасаад̣̇аад̣̇иго яо руббанасабхааво д̇хаммависзсо. д̇анниссид̇о д̇ам̣ д̇хаммависзсам̣ ниссааяа лаб̣бхамаано. ‘‘д̇з д̇хаммаа гад̇ихи канд̇хзхи…бз… жад̇уухи канд̇хзхи асан̇г̇ахид̇аа’’д̇иаад̣̇инаа асан̇г̇ахид̇ад̇аасан̇каад̇о бужчаависсаж̇ж̇ананаяо барад̇о бужчид̇ваа виссаж̇ж̇ияамаано ид̇ха уд̣̇д̣̇идто ход̇и. висзсанз гаран̣аважананд̇и иминаа д̇асса д̇хаммасса яат̇аавуд̇д̇асан̇г̇ахид̇ад̇аависзсависидтад̇ам̣язва вибхаавзд̇и. звамзд̇з бужчид̇аб̣б̣ависсаж̇ж̇зд̇аб̣б̣ад̇хаммависзсам̣ нид̣̇д̇хаарзд̇ваа бужчанависсаж̇ж̇ананаяуд̣̇д̣̇зсаа бавад̇д̇аад̇и взд̣̇ид̇аб̣б̣аа.
Dhammavisesaṃ aniddhāretvāti saṅgahitatādinā pucchitabbavissajjetabbadhammānaṃ visesanaṃ akatvā. Sāmaññenāti avisesena. Dhammānanti khandhādidhammānaṃ. Avasesā niddhāretvāti ‘‘saṅgahitena asaṅgahita’’ntiādikā avasesā dvādasapi pucchitabbavissajjetabbadhammavisesaṃ niddhāretvā dhammānaṃ pucchanavissajjananayauddesāti yojanā. Nanu ca ‘‘saṅgahitena asaṅgahita’’ntiādayopi yathāvuttavisesaṃ aniddhāretvā sāmaññena dhammānaṃ pucchanavissajjananayuddesāti codanaṃ sandhāyāha ‘‘saṅgahitena asaṅgahita’’ntiādi. Yassa attho ñāyati, saddo ca na payujjati, so lopoti veditabbo, āvuttiādivasena vā ayamattho dīpetabbo. Tenāti luttaniddiṭṭhena asaṅgahita-saddena. Saṅgahitavisesavisiṭṭhoti cakkhāyatanena khandhasaṅgahena saṅgahitatāvisesavisiṭṭho, tena sotāyatanādibhāvena asaṅgahito sotapasādādiko yo ruppanasabhāvo dhammaviseso. Tannissito taṃ dhammavisesaṃ nissāya labbhamāno. ‘‘Te dhammā katihi khandhehi…pe… catūhi khandhehi asaṅgahitā’’tiādinā asaṅgahitatāsaṅkhāto pucchāvissajjananayo parato pucchitvā vissajjiyamāno idha uddiṭṭho hoti. Visesane karaṇavacananti iminā tassa dhammassa yathāvuttasaṅgahitatāvisesavisiṭṭhataṃyeva vibhāveti. Evamete pucchitabbavissajjetabbadhammavisesaṃ niddhāretvā pucchanavissajjananayuddesā pavattāti veditabbā.
нану жа ‘‘сан̇г̇ахид̇зна асан̇г̇ахид̇а’’нд̇и зд̇д̇аавад̇ааби аяамад̇т̇о лаб̣бхад̇ийд̇и? на лаб̣бхад̇и д̇асса д̇хаммамад̇д̇ад̣̇ийбанад̇о. наяуд̣̇д̣̇зсо хзсо, на д̇хаммуд̣̇д̣̇зсо. д̇ат̇аа хи баал̣ияам̣ сан̇г̇ахид̇знаасан̇г̇ахид̇абад̣̇анид̣̇д̣̇зсз ‘‘жагкааяад̇анзна яз д̇хаммаа канд̇хасан̇г̇ахзна сан̇г̇ахид̇аа, ааяад̇ана…бз… д̇хаад̇усан̇г̇ахзна асан̇г̇ахид̇аа’’д̇и вад̇ваа ‘‘д̇з д̇хаммаа гад̇ихи канд̇хзхи…бз… асан̇г̇ахид̇аа’’д̇и (д̇хаад̇у. 171) бужчид̇ваа ‘‘д̇з д̇хаммаа жад̇уухи канд̇хзхи д̣̇вийхааяад̇анзхи адтахи д̇хаад̇уухи асан̇г̇ахид̇аа’’д̇и д̣̇уд̇ияам̣ асан̇г̇ахид̇абад̣̇ам̣ г̇ахид̇ам̣. ан̃н̃ат̇аа ‘‘жагкааяад̇анзна яз д̇хаммаа канд̇хасан̇г̇ахзна сан̇г̇ахид̇аа, д̇з д̇хаммаа ааяад̇анасан̇г̇ахзна асан̇г̇ахид̇аа, д̇хаад̇усан̇г̇ахзна асан̇г̇ахид̇аа. д̇з гад̇амз’’ижжзва нид̣̇д̣̇исид̇аб̣б̣ам̣ сияаа.
Nanu ca ‘‘saṅgahitena asaṅgahita’’nti ettāvatāpi ayamattho labbhatīti? Na labbhati tassa dhammamattadīpanato. Nayuddeso heso, na dhammuddeso. Tathā hi pāḷiyaṃ saṅgahitenaasaṅgahitapadaniddese ‘‘cakkhāyatanena ye dhammā khandhasaṅgahena saṅgahitā, āyatana…pe… dhātusaṅgahena asaṅgahitā’’ti vatvā ‘‘te dhammā katihi khandhehi…pe… asaṅgahitā’’ti (dhātu. 171) pucchitvā ‘‘te dhammā catūhi khandhehi dvīhāyatanehi aṭṭhahi dhātūhi asaṅgahitā’’ti dutiyaṃ asaṅgahitapadaṃ gahitaṃ. Aññathā ‘‘cakkhāyatanena ye dhammā khandhasaṅgahena saṅgahitā, te dhammā āyatanasaṅgahena asaṅgahitā, dhātusaṅgahena asaṅgahitā. Te katame’’icceva niddisitabbaṃ siyā.
зса наяод̇и ад̇ид̣̇зсзна д̣̇ассид̇амад̇т̇ам̣ баагадад̇арам̣ гаад̇ум̣ ‘‘д̇зсубий’’д̇иаад̣̇и вуд̇д̇ам̣. д̇ад̇ияабад̣̇знаад̇и луд̇д̇анид̣̇д̣̇зсзна г̇ахзд̇аб̣б̣анд̇и вуд̇д̇абад̣̇ам̣ санд̇хааяааха. гад̇д̇уад̇т̇з гаран̣анид̣̇д̣̇зсо сан̇г̇ахид̇аасан̇г̇ахид̇зхи д̇зхи д̇хаммзхи д̇хаммаанам̣ сан̇г̇ахид̇ад̇аасан̇г̇ахид̇ад̇ааяа вуд̇д̇ад̇д̇аа. д̇ат̇аа хи д̇ад̇т̇а баал̣ияам̣ ‘‘д̇зхи д̇хаммзхи яз д̇хаммаа’’д̇и д̇хаммамукзнзва сан̇г̇ахид̇ад̇аасан̇г̇ахид̇ад̇аа вуд̇д̇аа. д̣̇уд̇ияад̇ад̇иязсу бана сан̇г̇ахид̇ад̇аасан̇г̇ахид̇ад̇аасан̇каад̇ависзсанад̣̇ваарзна д̇хаммаанам̣ асан̇г̇ахид̇ад̇аасан̇г̇ахид̇ад̇аа вуд̇д̇аад̇и д̇ад̇т̇а ‘‘висзсанз гаран̣аважана’’нд̇и вуд̇д̇ам̣. д̇знааха ‘‘д̇ад̇т̇а хи…бз… д̇хамманд̇арассаа’’д̇и. д̇ад̇т̇а сабхааванд̇арзнаад̇и сан̇г̇ахид̇ад̇аасан̇г̇ахид̇ад̇аасан̇каад̇зна сабхааванд̇арзна багааранд̇арзна. сабхааванд̇арассаад̇и асан̇г̇ахид̇ад̇аасан̇г̇ахид̇ад̇аасан̇каад̇асса сабхааванд̇арасса. зд̇зсууд̇и жад̇уд̇т̇абан̃жамзсу. д̇хамманд̇арзнаад̇и ан̃н̃ад̇хаммзна. д̇хамманд̇арассаад̇и д̇ад̇о ан̃н̃асса д̇хаммасса висзсанам̣ гад̇ам̣. д̇ад̇т̇а хи анд̇арзна багаарависзсаамасанам̣ д̇хаммзнзва д̇хаммо висзсид̇од̇и. аад̣̇ибад̣̇знзваад̇и ‘‘сан̇г̇ахид̇знаа’’д̇иаад̣̇инаа вуд̇д̇зна батамабад̣̇знзва. ид̇арзхийд̇и ‘‘самбаяуд̇д̇ам̣ виббаяуд̇д̇а’’нд̇иаад̣̇инаа вуд̇д̇зхи д̣̇уд̇ияад̇ад̇ияабад̣̇зхи. зд̇т̇аад̇и згаад̣̇асамаад̣̇ийсу жад̇уусу. д̣̇уд̇ияад̇ад̇иязсу вияа висзсанз зва гаран̣аважанам̣ д̣̇адтаб̣б̣ам̣, на жад̇уд̇т̇абан̃жамзсу вияа гад̇д̇уад̇т̇зд̇и ад̇хиббааяо. бужчаависсаж̇ж̇анаананд̇иаад̣̇инаа д̇амзвад̇т̇ам̣ вибхаавзд̇и.
Esa nayoti atidesena dassitamatthaṃ pākaṭataraṃ kātuṃ ‘‘tesupī’’tiādi vuttaṃ. Tatiyapadenāti luttaniddesena gahetabbanti vuttapadaṃ sandhāyāha. Kattuatthe karaṇaniddeso saṅgahitāsaṅgahitehi tehi dhammehi dhammānaṃ saṅgahitatāsaṅgahitatāya vuttattā. Tathā hi tattha pāḷiyaṃ ‘‘tehi dhammehi ye dhammā’’ti dhammamukheneva saṅgahitatāsaṅgahitatā vuttā. Dutiyatatiyesu pana saṅgahitatāsaṅgahitatāsaṅkhātavisesanadvārena dhammānaṃ asaṅgahitatāsaṅgahitatā vuttāti tattha ‘‘visesane karaṇavacana’’nti vuttaṃ. Tenāha ‘‘tattha hi…pe… dhammantarassā’’ti. Tattha sabhāvantarenāti saṅgahitatāsaṅgahitatāsaṅkhātena sabhāvantarena pakārantarena. Sabhāvantarassāti asaṅgahitatāsaṅgahitatāsaṅkhātassa sabhāvantarassa. Etesūti catutthapañcamesu. Dhammantarenāti aññadhammena. Dhammantarassāti tato aññassa dhammassa visesanaṃ kataṃ. Tattha hi antarena pakāravisesāmasanaṃ dhammeneva dhammo visesitoti. Ādipadenevāti ‘‘saṅgahitenā’’tiādinā vuttena paṭhamapadeneva. Itarehīti ‘‘sampayuttaṃ vippayutta’’ntiādinā vuttehi dutiyatatiyapadehi. Etthāti ekādasamādīsu catūsu. Dutiyatatiyesu viya visesane eva karaṇavacanaṃ daṭṭhabbaṃ, na catutthapañcamesu viya kattuattheti adhippāyo. Pucchāvissajjanānantiādinā tamevatthaṃ vibhāveti.
вивид̇хагаббанад̇од̇и вивид̇хам̣ б̣ахуд̇хаа габбанад̇о, сан̇г̇ахаасан̇г̇ахаанам̣ висум̣ саха жа висзсанависзсид̇аб̣б̣абхаавагаббанад̇од̇и ад̇т̇о. д̇ам̣ бана вигаббанам̣ вуд̇д̇аагаарзна вибхаж̇анам̣ ход̇ийд̇и ааха ‘‘вибхааг̇ад̇од̇и ад̇т̇о’’д̇и. саннидтааналагкан̣зна ад̇химогкзна самбаяуд̇д̇ад̇хаммаа аарамман̣з нижчаяанаагаарзна бавад̇д̇ияаа саннидтаанавасзна вуд̇д̇ад̇хаммаа. д̇з жа д̇зхи сад̣̇д̇хим̣ д̇ад̣̇авасидтз д̣̇вибан̃жавин̃н̃аан̣авижигижчаасахаг̇ад̇ад̇хаммз жа сан̇г̇ахзд̇ваа ааха ‘‘саннидтаанавасзна вуд̇д̇аа жа саб̣б̣з жа жид̇д̇уббаад̣̇аа саннидтаанавасзна вуд̇д̇асаб̣б̣ажид̇д̇уббаад̣̇аа’’д̇и. ид̇арзд̇и пассаад̣̇аяо. саб̣б̣зсанд̇и згуунанавуд̇ияаа жид̇д̇уббаад̣̇аанам̣. бариг̇г̇ахзд̇аб̣б̣аад̇и сан̇г̇ахаад̣̇ивасзна бариг̇г̇ан̣хид̇аб̣б̣аа. махаависаязна ад̇химогкзна. ан̃н̃зсанд̇и вид̇аггаад̣̇ийнам̣. важанам̣ санд̇хааяаад̇и ‘‘ад̇химужжанам̣ ад̇химогко, со саннидтааналагкан̣о’’д̇и д̇хаммасан̇г̇ахаван̣н̣анааяам̣ (д̇ха. са. адта. язваабанагаван̣н̣анаа) ‘‘д̇ан̣хаабажжаяаа ад̇химогко, ад̇химогкабажжаяаа бхаво’’д̇и бадижжасамуббаад̣̇авибхан̇г̇з жа ааг̇ад̇ам̣ важанам̣ санд̇хааяа. ад̇т̇з сад̇ийд̇и ‘‘саннидтаана…бз… саад̇хааран̣ад̇о’’д̇и звамад̇т̇з вужжамаанз. вад̇д̇аб̣б̣зсууд̇и сан̇г̇ахаад̣̇ибариг̇г̇ахад̇т̇ам̣ вад̇д̇аб̣б̣зсу. вуд̇д̇аа пассаад̣̇аяо манасигаарабарияосаанаа. д̇аад̣̇исассаад̇и пассаад̣̇исад̣̇исасса саад̇хааран̣асса ад̇химогкасад̣̇исасса асаад̇хааран̣асса ан̃н̃асса д̇хаммасса абхааваа.
Vividhakappanatoti vividhaṃ bahudhā kappanato, saṅgahāsaṅgahānaṃ visuṃ saha ca visesanavisesitabbabhāvakappanatoti attho. Taṃ pana vikappanaṃ vuttākārena vibhajanaṃ hotīti āha ‘‘vibhāgatoti attho’’ti. Sanniṭṭhānalakkhaṇena adhimokkhena sampayuttadhammā ārammaṇe nicchayanākārena pavattiyā sanniṭṭhānavasena vuttadhammā. Te ca tehi saddhiṃ tadavasiṭṭhe dvipañcaviññāṇavicikicchāsahagatadhamme ca saṅgahetvā āha ‘‘sanniṭṭhānavasena vuttā ca sabbe ca cittuppādā sanniṭṭhānavasena vuttasabbacittuppādā’’ti. Itareti phassādayo. Sabbesanti ekūnanavutiyā cittuppādānaṃ. Pariggahetabbāti saṅgahādivasena pariggaṇhitabbā. Mahāvisayena adhimokkhena. Aññesanti vitakkādīnaṃ. Vacanaṃ sandhāyāti ‘‘adhimuccanaṃ adhimokkho, so sanniṭṭhānalakkhaṇo’’ti dhammasaṅgahavaṇṇanāyaṃ (dha. sa. aṭṭha. yevāpanakavaṇṇanā) ‘‘taṇhāpaccayā adhimokkho, adhimokkhapaccayā bhavo’’ti paṭiccasamuppādavibhaṅge ca āgataṃ vacanaṃ sandhāya. Atthe satīti ‘‘sanniṭṭhāna…pe… sādhāraṇato’’ti evamatthe vuccamāne. Vattabbesūti saṅgahādipariggahatthaṃ vattabbesu. Vuttā phassādayo manasikārapariyosānā. Tādisassāti phassādisadisassa sādhāraṇassa adhimokkhasadisassa asādhāraṇassa aññassa dhammassa abhāvā.
нану ж̇ийвид̇инд̣̇рияажид̇д̇адтид̇ияоби саад̇хааран̣аад̇и? сажжам̣ саад̇хааран̣аа, ад̇т̇и бана висзсод̇и д̣̇ассзнд̇о ааха ‘‘ж̇ийвид̇инд̣̇рияам̣ банаа’’д̇иаад̣̇и. асамаад̇хисабхааваа б̣алабхаавам̣ аббад̇д̇аа сааман̃н̃асад̣̇д̣̇знзва вад̇д̇аб̣б̣аад̇и яож̇анаа. сааман̃н̃ависзсасад̣̇д̣̇зхи жаад̇и сааман̃н̃ависзсасад̣̇д̣̇зхи вад̇д̇аб̣б̣аа жа самаад̇хисабхааваа жид̇д̇згаг̇г̇ад̇аа. висзсасад̣̇д̣̇аважанийяам̣ ан̃н̃анд̇и б̣алаббад̇д̇асамаад̇хид̇о ан̃н̃ам̣ сааман̃н̃асад̣̇д̣̇зна б̣яаабзд̇аб̣б̣ам̣, висзсасад̣̇д̣̇зна жа нивад̇д̇зд̇аб̣б̣ам̣ над̇т̇и самаад̇хисабхаавааяа зва жид̇д̇згаг̇г̇ад̇ааяа г̇ахид̇ад̇д̇аа. на ан̃н̃аб̣яаабаганивад̇д̇аго сааман̃н̃ависзсо анан̃н̃а…бз… висзсо , д̇асса д̣̇ийбанад̇о. д̇ассзва д̇хаммассаад̇и д̇ассзва б̣алаббад̇д̇асамаад̇хид̇хаммасса. бхзд̣̇ад̣̇ийбагзхийд̇и висзсад̣̇ийбагзхи самаад̇хиб̣алаад̣̇иважанзхи вад̇д̇аб̣б̣аа. вуд̇д̇алагкан̣аа анан̃н̃аб̣яаабаганивад̇д̇агасааман̃н̃ависзсад̣̇ийбанаа сад̣̇д̣̇аа. д̇ад̇о вибарийд̇зхи ан̃н̃ам̣ б̣яаабзд̇аб̣б̣ам̣ нивад̇д̇зд̇аб̣б̣ан̃жа г̇ахзд̇ваа бавад̇д̇зхи сааман̃н̃ависзсасад̣̇д̣̇зхзва на сукаад̣̇исабхааваа взд̣̇анаа вияа вад̇д̇аб̣б̣аа. д̇асмаад̇и яасмаа асамаад̇хисабхааваа самаад̇хисабхааваад̇и д̣̇взд̇хаа бхинд̣̇ид̇ваа г̇ахид̇аа жид̇д̇згаг̇г̇ад̇аа, д̇асмаа. асамаад̇хисабхаавамзва багаасзяяа висзсасад̣̇д̣̇анирабзгкам̣ бавад̇д̇амаанад̇д̇аа. ид̇арод̇и самаад̇хиб̣алаад̣̇иго висзсасад̣̇д̣̇о. ид̇хаад̇и имасмим̣ аб̣бханд̇арамаад̇игуд̣̇д̣̇зсз, саад̇хааран̣з пассаад̣̇игз, махаависаяз ваа ад̇химогкз уд̣̇д̣̇исияамаанз. нану жа абхинд̣̇ид̇ваа г̇аяхамаанаа жид̇д̇згаг̇г̇ад̇аа взд̣̇анаа вияа саад̇хааран̣аа ход̇ийд̇и жод̣̇анам̣ санд̇хааяааха ‘‘абхиннааби ваа’’д̇иаад̣̇и. ‘‘жид̇д̇асса тид̇и жид̇д̇згаг̇г̇ад̇аа ависаахадамаанасад̇аа (д̇ха. са. 11, 15). аруубийнам̣ д̇хаммаанам̣ ааяу тид̇ий’’д̇и (д̇ха. са. 19) важанад̇о самаад̇хиж̇ийвид̇инд̣̇рияаанам̣ ан̃н̃ад̇хамманиссаязна вад̇д̇аб̣б̣ад̇аа взд̣̇ид̇аб̣б̣аа. на арахад̇ийд̇и ид̇ха уд̣̇д̣̇зсам̣ на арахад̇и самукзнзва вад̇д̇аб̣б̣зсу пассаад̣̇ийсу уд̣̇д̣̇исияамаанзсууд̇и ад̇т̇о.
Nanu jīvitindriyacittaṭṭhitiyopi sādhāraṇāti? Saccaṃ sādhāraṇā, atthi pana visesoti dassento āha ‘‘jīvitindriyaṃ panā’’tiādi. Asamādhisabhāvā balabhāvaṃ appattā sāmaññasaddeneva vattabbāti yojanā. Sāmaññavisesasaddehi cāti sāmaññavisesasaddehi vattabbā ca samādhisabhāvā cittekaggatā. Visesasaddavacanīyaṃ aññanti balappattasamādhito aññaṃ sāmaññasaddena byāpetabbaṃ, visesasaddena ca nivattetabbaṃ natthi samādhisabhāvāya eva cittekaggatāya gahitattā. Na aññabyāpakanivattako sāmaññaviseso anañña…pe… viseso, tassa dīpanato. Tasseva dhammassāti tasseva balappattasamādhidhammassa. Bhedadīpakehīti visesadīpakehi samādhibalādivacanehi vattabbā. Vuttalakkhaṇā anaññabyāpakanivattakasāmaññavisesadīpanā saddā. Tato viparītehi aññaṃ byāpetabbaṃ nivattetabbañca gahetvā pavattehi sāmaññavisesasaddeheva na sukhādisabhāvā vedanā viya vattabbā. Tasmāti yasmā asamādhisabhāvā samādhisabhāvāti dvedhā bhinditvā gahitā cittekaggatā, tasmā. Asamādhisabhāvameva pakāseyya visesasaddanirapekkhaṃ pavattamānattā. Itaroti samādhibalādiko visesasaddo. Idhāti imasmiṃ abbhantaramātikuddese, sādhāraṇe phassādike, mahāvisaye vā adhimokkhe uddisiyamāne. Nanu ca abhinditvā gayhamānā cittekaggatā vedanā viya sādhāraṇā hotīti codanaṃ sandhāyāha ‘‘abhinnāpi vā’’tiādi. ‘‘Cittassa ṭhiti cittekaggatā avisāhaṭamānasatā (dha. sa. 11, 15). Arūpīnaṃ dhammānaṃ āyu ṭhitī’’ti (dha. sa. 19) vacanato samādhijīvitindriyānaṃ aññadhammanissayena vattabbatā veditabbā. Na arahatīti idha uddesaṃ na arahati samukheneva vattabbesu phassādīsu uddisiyamānesūti attho.
маад̇игааван̣н̣анаа нидтид̇аа.
Mātikāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 5. б̣аахирамаад̇игаа • 5. Bāhiramātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. б̣аахирамаад̇игааван̣н̣анаа • 5. Bāhiramātikāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. б̣аахирамаад̇игааван̣н̣анаа • 5. Bāhiramātikāvaṇṇanā
