| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༢. བཱཧིརཱནཏྟཧེཏུསུཏྟཾ
12. Bāhirānattahetusuttaṃ
༡༤༥. ‘‘རཱུཔཱ , བྷིཀྑཝེ, ཨནཏྟཱ། ཡོཔི ཧེཏུ, ཡོཔི པཙྩཡོ རཱུཔཱནཾ ཨུཔྤཱདཱཡ, སོཔི ཨནཏྟཱ། ཨནཏྟསམྦྷཱུཏཱ, བྷིཀྑཝེ, རཱུཔཱ ཀུཏོ ཨཏྟཱ བྷཝིསྶནྟི! སདྡཱ… གནྡྷཱ… རསཱ… ཕོཊྛབྦཱ… དྷམྨཱ ཨནཏྟཱ། ཡོཔི ཧེཏུ, ཡོཔི པཙྩཡོ དྷམྨཱནཾ ཨུཔྤཱདཱཡ, སོཔི ཨནཏྟཱ། ཨནཏྟསམྦྷཱུཏཱ, བྷིཀྑཝེ, དྷམྨཱ ཀུཏོ ཨཏྟཱ བྷཝིསྶནྟི! ཨེཝཾ པསྶཾ , བྷིཀྑཝེ, སུཏཝཱ ཨརིཡསཱཝཀོ རཱུཔེསུཔི ནིབྦིནྡཏི, སདྡེསུཔི… གནྡྷེསུཔི… རསེསུཔི… ཕོཊྛབྦེསུཔི… དྷམྨེསུཔི ནིབྦིནྡཏི། ནིབྦིནྡཾ ཝིརཛྫཏི; ཝིརཱགཱ ཝིམུཙྩཏི; ཝིམུཏྟསྨིཾ ཝིམུཏྟམིཏི ཉཱཎཾ ཧོཏི། ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི། དྭཱདསམཾ།
145. ‘‘Rūpā , bhikkhave, anattā. Yopi hetu, yopi paccayo rūpānaṃ uppādāya, sopi anattā. Anattasambhūtā, bhikkhave, rūpā kuto attā bhavissanti! Saddā… gandhā… rasā… phoṭṭhabbā… dhammā anattā. Yopi hetu, yopi paccayo dhammānaṃ uppādāya, sopi anattā. Anattasambhūtā, bhikkhave, dhammā kuto attā bhavissanti! Evaṃ passaṃ , bhikkhave, sutavā ariyasāvako rūpesupi nibbindati, saddesupi… gandhesupi… rasesupi… phoṭṭhabbesupi… dhammesupi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Dvādasamaṃ.
དེཝདཧཝགྒོ ཙུདྡསམོ།
Devadahavaggo cuddasamo.
ཏསྶུདྡཱནཾ –
Tassuddānaṃ –
དེཝདཧོ ཁཎོ རཱུཔཱ, དྭེ ནཏུམྷཱཀམེཝ ཙ།
Devadaho khaṇo rūpā, dve natumhākameva ca;
ཧེཏུནཱཔི ཏཡོ ཝུཏྟཱ, དུཝེ ཨཛ྄ཛྷཏྟབཱཧིརཱཏི༎
Hetunāpi tayo vuttā, duve ajjhattabāhirāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤-༡༢. དུཏིཡརཱུཔཱརཱམསུཏྟཱདིཝཎྞནཱ • 4-12. Dutiyarūpārāmasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤-༡༢. དུཏིཡརཱུཔཱརཱམསུཏྟཱདིཝཎྞནཱ • 4-12. Dutiyarūpārāmasuttādivaṇṇanā
