| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၂. ဗာဟိရာနတ္တာတီတာနာဂတသုတ္တံ
12. Bāhirānattātītānāgatasuttaṃ
၁၂. ‘‘ရူပာ, ဘိက္ခဝေ, အနတ္တာ အတီတာနာဂတာ; ကော ပန ဝာဒော ပစ္စုပ္ပန္နာနံ! ဧဝံ ပသ္သံ, ဘိက္ခဝေ, သုတဝာ အရိယသာဝကော အတီတေသု ရူပေသု အနပေက္ခော ဟောတိ; အနာဂတေ ရူပေ နာဘိနန္ဒတိ; ပစ္စုပ္ပန္နာနံ ရူပာနံ နိဗ္ဗိဒာယ ဝိရာဂာယ နိရောဓာယ ပဋိပန္နော ဟောတိ။ သဒ္ဒာ။ ဂန္ဓာ။ ရသာ။ ဖောဋ္ဌဗ္ဗာ။ ဓမ္မာ အနတ္တာ အတီတာနာဂတာ; ကော ပန ဝာဒော ပစ္စုပ္ပန္နာနံ! ဧဝံ ပသ္သံ, ဘိက္ခဝေ , သုတဝာ အရိယသာဝကော အတီတေသု ဓမ္မေသု အနပေက္ခော ဟောတိ; အနာဂတေ ဓမ္မေ နာဘိနန္ဒတိ; ပစ္စုပ္ပန္နာနံ ဓမ္မာနံ နိဗ္ဗိဒာယ ဝိရာဂာယ နိရောဓာယ ပဋိပန္နော ဟောတီ’’တိ။ ဒ္ဝာဒသမံ။
12. ‘‘Rūpā, bhikkhave, anattā atītānāgatā; ko pana vādo paccuppannānaṃ! Evaṃ passaṃ, bhikkhave, sutavā ariyasāvako atītesu rūpesu anapekkho hoti; anāgate rūpe nābhinandati; paccuppannānaṃ rūpānaṃ nibbidāya virāgāya nirodhāya paṭipanno hoti. Saddā… gandhā… rasā… phoṭṭhabbā… dhammā anattā atītānāgatā; ko pana vādo paccuppannānaṃ! Evaṃ passaṃ, bhikkhave , sutavā ariyasāvako atītesu dhammesu anapekkho hoti; anāgate dhamme nābhinandati; paccuppannānaṃ dhammānaṃ nibbidāya virāgāya nirodhāya paṭipanno hotī’’ti. Dvādasamaṃ.
အနိစ္စဝဂ္ဂော ပဌမော။
Aniccavaggo paṭhamo.
တသ္သုဒ္ဒာနံ –
Tassuddānaṃ –
အနိစ္စံ ဒုက္ခံ အနတ္တာ စ၊ တယော အဇ္ဈတ္တဗာဟိရာ။
Aniccaṃ dukkhaṃ anattā ca, tayo ajjhattabāhirā;
ယဒနိစ္စေန တယော ဝုတ္တာ၊ တေ တေ အဇ္ဈတ္တဗာဟိရာတိ။
Yadaniccena tayo vuttā, te te ajjhattabāhirāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇-၁၂. အဇ္ဈတ္တာနိစ္စာတီတာနာဂတသုတ္တာဒိဝဏ္ဏနာ • 7-12. Ajjhattāniccātītānāgatasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇-၁၂. အဇ္ဈတ္တာနိစ္စာတီတာနာဂတသုတ္တာဒိဝဏ္ဏနာ • 7-12. Ajjhattāniccātītānāgatasuttādivaṇṇanā
