| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. พาหิรงฺคสุตฺตํ
10. Bāhiraṅgasuttaṃ
๒๓๑. ‘‘พาหิรํ , ภิกฺขเว, องฺคนฺติ กริตฺวา นาญฺญํ เอกงฺคมฺปิ สมนุปสฺสามิ สตฺตนฺนํ โพชฺฌงฺคานํ อุปฺปาทาย, ยถยิทํ – ภิกฺขเว, กลฺยาณมิตฺตตาฯ กลฺยาณมิตฺตเสฺสตํ, ภิกฺขเว, ภิกฺขุโน ปาฎิกงฺขํ – สตฺต โพชฺฌเงฺค ภาเวสฺสติ, สตฺต โพชฺฌเงฺค พหุลีกริสฺสติฯ กถญฺจ, ภิกฺขเว, ภิกฺขุ กลฺยาณมิโตฺต สตฺต โพชฺฌเงฺค ภาเวติ, สตฺต โพชฺฌเงฺค พหุลีกโรติ? อิธ, ภิกฺขเว, ภิกฺขุ สติสโมฺพชฺฌงฺคํ ภาเวติ วิเวกนิสฺสิตํ…เป.… อุเปกฺขาสโมฺพชฺฌงฺคํ ภาเวติ วิเวกนิสฺสิตํ วิราคนิสฺสิตํ นิโรธนิสฺสิตํ โวสฺสคฺคปริณามิํฯ เอวํ โข, ภิกฺขเว, ภิกฺขุ กลฺยาณมิโตฺต สตฺต โพชฺฌเงฺค ภาเวติ, สตฺต โพชฺฌเงฺค พหุลีกโรตี’’ติฯ ทสมํฯ
231. ‘‘Bāhiraṃ , bhikkhave, aṅganti karitvā nāññaṃ ekaṅgampi samanupassāmi sattannaṃ bojjhaṅgānaṃ uppādāya, yathayidaṃ – bhikkhave, kalyāṇamittatā. Kalyāṇamittassetaṃ, bhikkhave, bhikkhuno pāṭikaṅkhaṃ – satta bojjhaṅge bhāvessati, satta bojjhaṅge bahulīkarissati. Kathañca, bhikkhave, bhikkhu kalyāṇamitto satta bojjhaṅge bhāveti, satta bojjhaṅge bahulīkaroti? Idha, bhikkhave, bhikkhu satisambojjhaṅgaṃ bhāveti vivekanissitaṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu kalyāṇamitto satta bojjhaṅge bhāveti, satta bojjhaṅge bahulīkarotī’’ti. Dasamaṃ.
จกฺกวตฺติวโคฺค ปญฺจโมฯ
Cakkavattivaggo pañcamo.
ตสฺสุทฺทานํ –
Tassuddānaṃ –
วิธา จกฺกวตฺติ มาโร, ทุปฺปโญฺญ ปญฺญเวน จ;
Vidhā cakkavatti māro, duppañño paññavena ca;
ทลิโทฺท อทลิโทฺท จ, อาทิจฺจเงฺคน เต ทสาติฯ
Daliddo adaliddo ca, ādiccaṅgena te dasāti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔-๑๐. ทุปฺปญฺญสุตฺตาทิวณฺณนา • 4-10. Duppaññasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔-๑๐. ทุปฺปญฺญสุตฺตาทิวณฺณนา • 4-10. Duppaññasuttādivaṇṇanā
