| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. བཱཧིརངྒསུཏྟཾ
10. Bāhiraṅgasuttaṃ
༢༣༡. ‘‘བཱཧིརཾ , བྷིཀྑཝེ, ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི སཏྟནྣཾ བོཛ྄ཛྷངྒཱནཾ ཨུཔྤཱདཱཡ, ཡཐཡིདཾ – བྷིཀྑཝེ, ཀལྱཱཎམིཏྟཏཱ། ཀལྱཱཎམིཏྟསྶེཏཾ, བྷིཀྑཝེ, བྷིཀྑུནོ པཱཊིཀངྑཾ – སཏྟ བོཛ྄ཛྷངྒེ བྷཱཝེསྶཏི, སཏྟ བོཛ྄ཛྷངྒེ བཧུལཱིཀརིསྶཏི། ཀཐཉྩ, བྷིཀྑཝེ, བྷིཀྑུ ཀལྱཱཎམིཏྟོ སཏྟ བོཛ྄ཛྷངྒེ བྷཱཝེཏི, སཏྟ བོཛ྄ཛྷངྒེ བཧུལཱིཀརོཏི? ཨིདྷ, བྷིཀྑཝེ, བྷིཀྑུ སཏིསམྦོཛ྄ཛྷངྒཾ བྷཱཝེཏི ཝིཝེཀནིསྶིཏཾ…པེ॰… ཨུཔེཀྑཱསམྦོཛ྄ཛྷངྒཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ། ཨེཝཾ ཁོ, བྷིཀྑཝེ, བྷིཀྑུ ཀལྱཱཎམིཏྟོ སཏྟ བོཛ྄ཛྷངྒེ བྷཱཝེཏི, སཏྟ བོཛ྄ཛྷངྒེ བཧུལཱིཀརོཏཱི’’ཏི། དསམཾ།
231. ‘‘Bāhiraṃ , bhikkhave, aṅganti karitvā nāññaṃ ekaṅgampi samanupassāmi sattannaṃ bojjhaṅgānaṃ uppādāya, yathayidaṃ – bhikkhave, kalyāṇamittatā. Kalyāṇamittassetaṃ, bhikkhave, bhikkhuno pāṭikaṅkhaṃ – satta bojjhaṅge bhāvessati, satta bojjhaṅge bahulīkarissati. Kathañca, bhikkhave, bhikkhu kalyāṇamitto satta bojjhaṅge bhāveti, satta bojjhaṅge bahulīkaroti? Idha, bhikkhave, bhikkhu satisambojjhaṅgaṃ bhāveti vivekanissitaṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu kalyāṇamitto satta bojjhaṅge bhāveti, satta bojjhaṅge bahulīkarotī’’ti. Dasamaṃ.
ཙཀྐཝཏྟིཝགྒོ པཉྩམོ།
Cakkavattivaggo pañcamo.
ཏསྶུདྡཱནཾ –
Tassuddānaṃ –
ཝིདྷཱ ཙཀྐཝཏྟི མཱརོ, དུཔྤཉྙོ པཉྙཝེན ཙ།
Vidhā cakkavatti māro, duppañño paññavena ca;
དལིདྡོ ཨདལིདྡོ ཙ, ཨཱདིཙྩངྒེན ཏེ དསཱཏི༎
Daliddo adaliddo ca, ādiccaṅgena te dasāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤-༡༠. དུཔྤཉྙསུཏྟཱདིཝཎྞནཱ • 4-10. Duppaññasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤-༡༠. དུཔྤཉྙསུཏྟཱདིཝཎྞནཱ • 4-10. Duppaññasuttādivaṇṇanā
