| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. பா³ஹிரானிச்சஸுத்தங்
4. Bāhirāniccasuttaṃ
4. ‘‘ரூபா , பி⁴க்க²வே, அனிச்சா. யத³னிச்சங் தங் து³க்க²ங்; யங் து³க்க²ங் தத³னத்தா. யத³னத்தா தங் ‘நேதங் மம, நேஸோஹமஸ்மி , ந மேஸோ அத்தா’தி ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங். ஸத்³தா³… க³ந்தா⁴… ரஸா… பொ²ட்ட²ப்³பா³… த⁴ம்மா அனிச்சா. யத³னிச்சங் தங் து³க்க²ங்; யங் து³க்க²ங் தத³னத்தா. யத³னத்தா தங் ‘நேதங் மம, நேஸோஹமஸ்மி, ந மேஸோ அத்தா’தி ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங். ஏவங் பஸ்ஸங், பி⁴க்க²வே, ஸுதவா அரியஸாவகோ ரூபேஸுபி நிப்³பி³ந்த³தி, ஸத்³தே³ஸுபி நிப்³பி³ந்த³தி, க³ந்தே⁴ஸுபி நிப்³பி³ந்த³தி, ரஸேஸுபி நிப்³பி³ந்த³தி, பொ²ட்ட²ப்³பே³ஸுபி நிப்³பி³ந்த³தி, த⁴ம்மேஸுபி நிப்³பி³ந்த³தி. நிப்³பி³ந்த³ங் விரஜ்ஜதி; விராகா³ விமுச்சதி; விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதீ’’தி. சதுத்த²ங்.
4. ‘‘Rūpā , bhikkhave, aniccā. Yadaniccaṃ taṃ dukkhaṃ; yaṃ dukkhaṃ tadanattā. Yadanattā taṃ ‘netaṃ mama, nesohamasmi , na meso attā’ti evametaṃ yathābhūtaṃ sammappaññāya daṭṭhabbaṃ. Saddā… gandhā… rasā… phoṭṭhabbā… dhammā aniccā. Yadaniccaṃ taṃ dukkhaṃ; yaṃ dukkhaṃ tadanattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evaṃ passaṃ, bhikkhave, sutavā ariyasāvako rūpesupi nibbindati, saddesupi nibbindati, gandhesupi nibbindati, rasesupi nibbindati, phoṭṭhabbesupi nibbindati, dhammesupi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-6. பா³ஹிரானிச்சஸுத்தாதி³வண்ணனா • 4-6. Bāhirāniccasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-6. பா³ஹிரானிச்சஸுத்தாதி³வண்ணனா • 4-6. Bāhirāniccasuttādivaṇṇanā
