| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
10. பா³ஹிரானிச்சாதீதானாக³தஸுத்தங்
10. Bāhirāniccātītānāgatasuttaṃ
10. ‘‘ரூபா , பி⁴க்க²வே, அனிச்சா அதீதானாக³தா; கோ பன வாதோ³ பச்சுப்பன்னானங்! ஏவங் பஸ்ஸங், பி⁴க்க²வே, ஸுதவா அரியஸாவகோ அதீதேஸு ரூபேஸு அனபெக்கோ² ஹோதி; அனாக³தே ரூபே நாபி⁴னந்த³தி; பச்சுப்பன்னானங் ரூபானங் நிப்³பி³தா³ய விராகா³ய நிரோதா⁴ய படிபன்னோ ஹோதி. ஸத்³தா³… க³ந்தா⁴… ரஸா… பொ²ட்ட²ப்³பா³… த⁴ம்மா அனிச்சா அதீதானாக³தா; கோ பன வாதோ³ பச்சுப்பன்னானங்! ஏவங் பஸ்ஸங், பி⁴க்க²வே, ஸுதவா அரியஸாவகோ அதீதேஸு த⁴ம்மேஸு அனபெக்கோ² ஹோதி; அனாக³தே த⁴ம்மே நாபி⁴னந்த³தி; பச்சுப்பன்னானங் த⁴ம்மானங் நிப்³பி³தா³ய விராகா³ய நிரோதா⁴ய படிபன்னோ ஹோதீ’’தி. த³ஸமங்.
10. ‘‘Rūpā , bhikkhave, aniccā atītānāgatā; ko pana vādo paccuppannānaṃ! Evaṃ passaṃ, bhikkhave, sutavā ariyasāvako atītesu rūpesu anapekkho hoti; anāgate rūpe nābhinandati; paccuppannānaṃ rūpānaṃ nibbidāya virāgāya nirodhāya paṭipanno hoti. Saddā… gandhā… rasā… phoṭṭhabbā… dhammā aniccā atītānāgatā; ko pana vādo paccuppannānaṃ! Evaṃ passaṃ, bhikkhave, sutavā ariyasāvako atītesu dhammesu anapekkho hoti; anāgate dhamme nābhinandati; paccuppannānaṃ dhammānaṃ nibbidāya virāgāya nirodhāya paṭipanno hotī’’ti. Dasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7-12. அஜ்ஜ²த்தானிச்சாதீதானாக³தஸுத்தாதி³வண்ணனா • 7-12. Ajjhattāniccātītānāgatasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7-12. அஜ்ஜ²த்தானிச்சாதீதானாக³தஸுத்தாதி³வண்ணனா • 7-12. Ajjhattāniccātītānāgatasuttādivaṇṇanā
