| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
винаяабидагз
Vinayapiṭake
баарааж̇игаган̣д̣а-адтагат̇аа (батамо бхааг̇о)
Pārājikakaṇḍa-aṭṭhakathā (paṭhamo bhāgo)
г̇ант̇аарамбхагат̇аа
Ganthārambhakathā
яо габбагодийхиби аббамзяяам̣;
Yo kappakoṭīhipi appameyyaṃ;
гаалам̣ гаронд̇о ад̇ид̣̇уггараани;
Kālaṃ karonto atidukkarāni;
кзд̣̇ам̣ г̇ад̇о логахид̇ааяа наат̇о;
Khedaṃ gato lokahitāya nātho;
намо махаагаарун̣игасса д̇асса.
Namo mahākāruṇikassa tassa.
асамб̣уд̇хам̣ б̣уд̣̇д̇ханисзвид̇ам̣ яам̣;
Asambudhaṃ buddhanisevitaṃ yaṃ;
бхаваабхавам̣ г̇ажчад̇и ж̇ийвалого;
Bhavābhavaṃ gacchati jīvaloko;
намо авиж̇ж̇аад̣̇игилзсаж̇аала-
Namo avijjādikilesajāla-
вид̣̇д̇хам̣сино д̇хаммаварасса д̇асса.
Viddhaṃsino dhammavarassa tassa.
г̇ун̣зхи яо сийласамаад̇хибан̃н̃аа-
Guṇehi yo sīlasamādhipaññā-
вимуд̇д̇ин̃аан̣аббабхуд̇ийхи яуд̇д̇о;
Vimuttiñāṇappabhutīhi yutto;
кзд̇д̇ам̣ ж̇анаанам̣ гусалад̇т̇игаанам̣;
Khettaṃ janānaṃ kusalatthikānaṃ;
д̇амарияасан̇гхам̣ сирасаа намаами.
Tamariyasaṅghaṃ sirasā namāmi.
ижжзвамажжанд̇анамассанзяяам̣;
Iccevamaccantanamassaneyyaṃ;
намассамаано рад̇анад̇д̇аяам̣ яам̣;
Namassamāno ratanattayaṃ yaṃ;
бун̃н̃аабхисанд̣̇ам̣ вибулам̣ алад̇т̇ам̣;
Puññābhisandaṃ vipulaṃ alatthaṃ;
д̇ассаанубхаавзна хад̇анд̇арааяо.
Tassānubhāvena hatantarāyo.
яасмим̣ тид̇з саасанамадтид̇асса;
Yasmiṃ ṭhite sāsanamaṭṭhitassa;
бад̇идтид̇ам̣ ход̇и сусан̣тид̇асса;
Patiṭṭhitaṃ hoti susaṇṭhitassa;
д̇ам̣ ван̣н̣аяиссам̣ винаяам̣ амиссам̣;
Taṃ vaṇṇayissaṃ vinayaṃ amissaṃ;
ниссааяа буб̣б̣аажарияаанубхаавам̣.
Nissāya pubbācariyānubhāvaṃ.
гааман̃жа буб̣б̣аажарияаасабхзхи;
Kāmañca pubbācariyāsabhehi;
н̃аан̣амб̣унид̣̇д̇ход̇амалаасавзхи;
Ñāṇambuniddhotamalāsavehi;
висуд̣̇д̇хавиж̇ж̇аабадисамбхид̣̇зхи ;
Visuddhavijjāpaṭisambhidehi ;
сад̣̇д̇хаммасам̣ван̣н̣анаговид̣̇зхи.
Saddhammasaṃvaṇṇanakovidehi.
саллзкияз носулабхуубамзхи;
Sallekhiye nosulabhūpamehi;
махаавихаарасса д̇хаж̇уубамзхи;
Mahāvihārassa dhajūpamehi;
сам̣ван̣н̣ид̇ояам̣ винаяо наязхи;
Saṃvaṇṇitoyaṃ vinayo nayehi;
жид̇д̇зхи самб̣уд̣̇д̇хаваранваязхи.
Cittehi sambuddhavaranvayehi.
сам̣ван̣н̣анаа сийхал̣ад̣̇ийбагзна;
Saṃvaṇṇanā sīhaḷadīpakena;
ваагязна зсаа бана сан̇кад̇ад̇д̇аа;
Vākyena esā pana saṅkhatattā;
на гин̃жи ад̇т̇ам̣ абхисамбхун̣аад̇и;
Na kiñci atthaṃ abhisambhuṇāti;
д̣̇ийбанд̇арз бхигкуж̇анасса яасмаа.
Dīpantare bhikkhujanassa yasmā.
д̇асмаа имам̣ баал̣инаяаануруубам̣;
Tasmā imaṃ pāḷinayānurūpaṃ;
сам̣ван̣н̣анам̣ д̣̇аани самаарабхиссам̣;
Saṃvaṇṇanaṃ dāni samārabhissaṃ;
аж̇жхзсанам̣ б̣уд̣̇д̇хасиривхаяасса;
Ajjhesanaṃ buddhasirivhayassa;
т̇зрасса саммаа самануссаранд̇о.
Therassa sammā samanussaranto.
сам̣ван̣н̣анам̣ д̇ан̃жа самаарабханд̇о;
Saṃvaṇṇanaṃ tañca samārabhanto;
д̇ассаа махааадтагат̇ам̣ сарийрам̣;
Tassā mahāaṭṭhakathaṃ sarīraṃ;
гад̇ваа махаабажжарияам̣ д̇ат̇зва;
Katvā mahāpaccariyaṃ tatheva;
гурунд̣̇инаамаад̣̇ису виссуд̇аасу.
Kurundināmādisu vissutāsu.
винижчаяо адтагат̇аасу вуд̇д̇о;
Vinicchayo aṭṭhakathāsu vutto;
яо яуд̇д̇амад̇т̇ам̣ абарижжаж̇анд̇о;
Yo yuttamatthaṃ apariccajanto;
д̇ад̇оби анд̇ог̇ад̇хат̇зраваад̣̇ам̣;
Tatopi antogadhatheravādaṃ;
сам̣ван̣н̣анам̣ самма самаарабхиссам̣.
Saṃvaṇṇanaṃ samma samārabhissaṃ.
д̇ам̣ мз нисаамзнд̇у басаннажид̇д̇аа;
Taṃ me nisāmentu pasannacittā;
т̇зраа жа бхигкуу навамаж̇жхимаа жа;
Therā ca bhikkhū navamajjhimā ca;
д̇хаммаббад̣̇ийбасса д̇ат̇ааг̇ад̇асса;
Dhammappadīpassa tathāgatassa;
саггажжа д̇хаммам̣ бад̇имаанаяанд̇аа.
Sakkacca dhammaṃ patimānayantā.
б̣уд̣̇д̇хзна д̇хаммо винаяо жа вуд̇д̇о;
Buddhena dhammo vinayo ca vutto;
яо д̇асса буд̇д̇зхи д̇ат̇зва н̃аад̇о;
Yo tassa puttehi tatheva ñāto;
со язхи д̇зсам̣ мад̇имажжаж̇анд̇аа;
So yehi tesaṃ matimaccajantā;
яасмаа бурз адтагат̇аа агам̣су.
Yasmā pure aṭṭhakathā akaṃsu.
д̇асмаа хи яам̣ адтагат̇аасу вуд̇д̇ам̣;
Tasmā hi yaṃ aṭṭhakathāsu vuttaṃ;
д̇ам̣ важ̇ж̇аяид̇ваана бамаад̣̇алзкам̣;
Taṃ vajjayitvāna pamādalekhaṃ;
саб̣б̣амби сигкаасу саг̇аараваанам̣;
Sabbampi sikkhāsu sagāravānaṃ;
яасмаа бамаан̣ам̣ ид̇ха бан̣д̣ид̇аанам̣.
Yasmā pamāṇaṃ idha paṇḍitānaṃ.
д̇ад̇о жа бхаасанд̇арамзва хид̇ваа;
Tato ca bhāsantarameva hitvā;
вид̇т̇аарамаг̇г̇ан̃жа самаасаяид̇ваа;
Vitthāramaggañca samāsayitvā;
винижчаяам̣ саб̣б̣амасзсаяид̇ваа;
Vinicchayaṃ sabbamasesayitvā;
д̇анд̇иггамам̣ гин̃жи авоггамид̇ваа.
Tantikkamaṃ kiñci avokkamitvā.
суд̇д̇анд̇игаанам̣ важанаанамад̇т̇ам̣;
Suttantikānaṃ vacanānamatthaṃ;
суд̇д̇аануруубам̣ барид̣̇ийбаяанд̇ий;
Suttānurūpaṃ paridīpayantī;
яасмаа аяам̣ хзссад̇и ван̣н̣анааби;
Yasmā ayaṃ hessati vaṇṇanāpi;
саггажжа д̇асмаа анусигкид̇аб̣б̣аад̇и.
Sakkacca tasmā anusikkhitabbāti.
б̣аахиранид̣̇аанагат̇аа
Bāhiranidānakathā
д̇ад̇т̇а д̇ам̣ ван̣н̣аяиссам̣ винаяанд̇и вуд̇д̇ад̇д̇аа винаяо д̇аава вавад̇т̇абзд̇аб̣б̣о. д̇знзд̇ам̣ вужжад̇и – ‘‘винаяо наама ид̇ха сагалам̣ винаяабидагам̣ ад̇хиббзд̇а’’нд̇и. сам̣ван̣н̣анад̇т̇ам̣ банасса аяам̣ маад̇игаа –
Tattha taṃ vaṇṇayissaṃ vinayanti vuttattā vinayo tāva vavatthapetabbo. Tenetaṃ vuccati – ‘‘vinayo nāma idha sakalaṃ vinayapiṭakaṃ adhippeta’’nti. Saṃvaṇṇanatthaṃ panassa ayaṃ mātikā –
вуд̇д̇ам̣ язна яад̣̇аа яасмаа, д̇хаарид̇ам̣ язна жаабхад̇ам̣;
Vuttaṃ yena yadā yasmā, dhāritaṃ yena cābhataṃ;
яад̇т̇аббад̇идтид̇ажзд̇амзд̇ам̣ вад̇ваа вид̇хим̣ д̇ад̇о.
Yatthappatiṭṭhitacetametaṃ vatvā vidhiṃ tato.
д̇знаад̇иаад̣̇ибаатасса, ад̇т̇ам̣ наанаббагаарад̇о;
Tenātiādipāṭhassa, atthaṃ nānappakārato;
д̣̇ассаяанд̇о гариссаами, винаяассад̇т̇аван̣н̣ананд̇и.
Dassayanto karissāmi, vinayassatthavaṇṇananti.
д̇ад̇т̇а вуд̇д̇ам̣ язна яад̣̇аа яасмаад̇и ид̣̇ам̣ д̇аава важанам̣ ‘‘д̇зна самаязна б̣уд̣̇д̇хо бхаг̇аваа взран̃ж̇ааяам̣ вихарад̇ий’’д̇и звамаад̣̇иважанам̣ санд̇хааяа вуд̇д̇ам̣. ид̣̇ан̃хи б̣уд̣̇д̇хасса бхаг̇авад̇о ад̇д̇абажжагкаважанам̣ на ход̇и, д̇асмаа вад̇д̇аб̣б̣амзд̇ам̣ ‘‘ид̣̇ам̣ важанам̣ гзна вуд̇д̇ам̣, гад̣̇аа вуд̇д̇ам̣, гасмаа жа вуд̇д̇а’’нд̇и? ааяасмад̇аа убаалид̇т̇зрзна вуд̇д̇ам̣, д̇ан̃жа бана батамамахаасан̇г̇ийд̇игаалз.
Tattha vuttaṃ yena yadā yasmāti idaṃ tāva vacanaṃ ‘‘tena samayena buddho bhagavā verañjāyaṃ viharatī’’ti evamādivacanaṃ sandhāya vuttaṃ. Idañhi buddhassa bhagavato attapaccakkhavacanaṃ na hoti, tasmā vattabbametaṃ ‘‘idaṃ vacanaṃ kena vuttaṃ, kadā vuttaṃ, kasmā ca vutta’’nti? Āyasmatā upālittherena vuttaṃ, tañca pana paṭhamamahāsaṅgītikāle.
