| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
б̣аахиранид̣̇аанагат̇аа
Bāhiranidānakathā
ид̣̇аани ‘‘д̇ам̣ ван̣н̣аяиссам̣ винаяа’’нд̇и бадин̃н̃аад̇ад̇д̇аа яат̇аабадин̃н̃аад̇авинаяасам̣ван̣н̣анам̣ гад̇д̇угаамо сам̣варавинаяабахаанавинаяаад̣̇ивасзна винаяасса б̣ахувид̇хад̇д̇аа ид̇ха сам̣ван̣н̣зд̇аб̣б̣абхаавзна ад̇хиббзд̇о д̇аава винаяо вавад̇т̇абзд̇аб̣б̣од̇и д̣̇ассзнд̇о ааха ‘‘д̇ад̇т̇аа’’д̇иаад̣̇и. д̇ад̇т̇а д̇ад̇т̇аад̇и д̇аасу г̇аат̇аасу. д̇аава-сад̣̇д̣̇о батаманд̇и имасмим̣ ад̇т̇з д̣̇адтаб̣б̣о. д̇зна батамам̣ винаяам̣ вавад̇т̇абзд̇ваа бажчаа д̇асса ван̣н̣анам̣ гариссаамийд̇и д̣̇ийбзд̇и. вавад̇т̇абзд̇аб̣б̣од̇и нияамзд̇аб̣б̣о. д̇знзд̇ам̣ вужжад̇ийд̇и яасмаа вавад̇т̇абзд̇аб̣б̣о, д̇зна хзд̇унаа зд̇ам̣ ‘‘винаяо наамаа’’д̇иаад̣̇игам̣ нияаамагаважанам̣ вужжад̇ийд̇и ад̇т̇о. ассаад̇и винаяасса. маад̇игаад̇и уд̣̇д̣̇зсо. со хи нид̣̇д̣̇зсабад̣̇аанам̣ ж̇ананийтаанз тид̇ад̇д̇аа маад̇аа вияаад̇и маад̇игаад̇и вужжад̇и.
Idāni ‘‘taṃ vaṇṇayissaṃ vinaya’’nti paṭiññātattā yathāpaṭiññātavinayasaṃvaṇṇanaṃ kattukāmo saṃvaravinayapahānavinayādivasena vinayassa bahuvidhattā idha saṃvaṇṇetabbabhāvena adhippeto tāva vinayo vavatthapetabboti dassento āha ‘‘tatthā’’tiādi. Tattha tatthāti tāsu gāthāsu. Tāva-saddo paṭhamanti imasmiṃ atthe daṭṭhabbo. Tena paṭhamaṃ vinayaṃ vavatthapetvā pacchā tassa vaṇṇanaṃ karissāmīti dīpeti. Vavatthapetabboti niyametabbo. Tenetaṃ vuccatīti yasmā vavatthapetabbo, tena hetunā etaṃ ‘‘vinayo nāmā’’tiādikaṃ niyāmakavacanaṃ vuccatīti attho. Assāti vinayassa. Mātikāti uddeso. So hi niddesapadānaṃ jananīṭhāne ṭhitattā mātā viyāti mātikāti vuccati.
ид̣̇аани ван̣н̣зд̇аб̣б̣амад̇т̇ам̣ маад̇игам̣ табзд̇ваа д̣̇ассзнд̇о ааха ‘‘вуд̇д̇ам̣ язнаа’’д̇иаад̣̇и. ид̣̇ам̣ вуд̇д̇ам̣ ход̇и – зд̇ам̣ ‘‘д̇зна самаязна б̣уд̣̇д̇хо бхаг̇аваа взран̃ж̇ааяам̣ вихарад̇ий’’д̇иаад̣̇инид̣̇аанаважанабадиман̣д̣ид̇ам̣ винаяабидагам̣ язна буг̇г̇алзна вуд̇д̇ам̣, яасмим̣ гаалз вуд̇д̇ам̣, яасмаа гааран̣аа вуд̇д̇ам̣, язна д̇хаарид̇ам̣, язна жа аабхад̇ам̣, язсу бад̇идтид̇ам̣, зд̇ам̣ яат̇аавуд̇д̇авид̇хаанам̣ вад̇ваа д̇ад̇о ‘‘д̇зна самаязнаа’’д̇иаад̣̇ибаатасса ад̇т̇ам̣ анзгаббагаарад̇о д̣̇ассаяанд̇о винаяасса ад̇т̇аван̣н̣анам̣ гариссаамийд̇и. зд̇т̇а жа ‘‘вуд̇д̇ам̣ язна яад̣̇аа яасмаа’’д̇и ид̣̇ам̣ важанам̣ ‘‘д̇зна самаязна б̣уд̣̇д̇хо бхаг̇аваа’’д̇иаад̣̇инид̣̇аанаважанамад̇д̇ам̣ абзгкид̇ваа вад̇д̇угаамоби висум̣ авад̇ваа ‘‘нид̣̇аанзна аад̣̇игаляаан̣ам̣, ‘ид̣̇амавожаа’д̇и ниг̇аманзна барияосаанагаляаан̣а’’нд̇и жа важанад̇о нид̣̇аананиг̇аманааниби сад̇т̇уд̣̇зсанааяа анувид̇хаанад̇д̇аа д̇ад̣̇анд̇ог̇ад̇хаанзваад̇и нид̣̇аанассаби винаяабаал̣ияам̣язва анд̇ог̇ад̇хад̇д̇аа ‘‘вуд̇д̇ам̣ язна яад̣̇аа яасмаа’’д̇и ид̣̇амби винаяабидагасамб̣анд̇хам̣язва гад̇ваа маад̇игам̣ табзси. маад̇игааяа хи ‘‘зд̇а’’нд̇и вуд̇д̇ам̣ винаяабидагам̣язва сааман̃н̃ад̇о саб̣б̣ад̇т̇а самб̣анд̇хамубаг̇ажчад̇и.
Idāni vaṇṇetabbamatthaṃ mātikaṃ ṭhapetvā dassento āha ‘‘vuttaṃ yenā’’tiādi. Idaṃ vuttaṃ hoti – etaṃ ‘‘tena samayena buddho bhagavā verañjāyaṃ viharatī’’tiādinidānavacanapaṭimaṇḍitaṃ vinayapiṭakaṃ yena puggalena vuttaṃ, yasmiṃ kāle vuttaṃ, yasmā kāraṇā vuttaṃ, yena dhāritaṃ, yena ca ābhataṃ, yesu patiṭṭhitaṃ, etaṃ yathāvuttavidhānaṃ vatvā tato ‘‘tena samayenā’’tiādipāṭhassa atthaṃ anekappakārato dassayanto vinayassa atthavaṇṇanaṃ karissāmīti. Ettha ca ‘‘vuttaṃ yena yadā yasmā’’ti idaṃ vacanaṃ ‘‘tena samayena buddho bhagavā’’tiādinidānavacanamattaṃ apekkhitvā vattukāmopi visuṃ avatvā ‘‘nidānena ādikalyāṇaṃ, ‘idamavocā’ti nigamanena pariyosānakalyāṇa’’nti ca vacanato nidānanigamanānipi satthudesanāya anuvidhānattā tadantogadhānevāti nidānassapi vinayapāḷiyaṃyeva antogadhattā ‘‘vuttaṃ yena yadā yasmā’’ti idampi vinayapiṭakasambandhaṃyeva katvā mātikaṃ ṭhapesi. Mātikāya hi ‘‘eta’’nti vuttaṃ vinayapiṭakaṃyeva sāmaññato sabbattha sambandhamupagacchati.
ид̣̇аани бана д̇ам̣ висум̣ нийхарид̇ваа д̣̇ассзнд̇о ‘‘д̇ад̇т̇а вуд̇д̇ам̣ язнаа’’д̇иаад̣̇имааха. д̇ад̇т̇а д̇ад̇т̇аад̇и д̇зсу маад̇игаабад̣̇зсу. ат̇а гасмаа ид̣̇амзва важанам̣ санд̇хааяа вуд̇д̇анд̇и ааха ‘‘ид̣̇ан̃хий’’д̇иаад̣̇и. ид̣̇анд̇и ‘‘д̇зна самаязна б̣уд̣̇д̇хо бхаг̇аваа’’д̇иаад̣̇иважанам̣ . хи-сад̣̇д̣̇о яасмаад̇и ад̇т̇з д̣̇адтаб̣б̣о, яасмаа б̣уд̣̇д̇хасса бхаг̇авад̇о ад̇д̇абажжагкаважанам̣ на ход̇и, д̇асмаад̇и вуд̇д̇ам̣ ход̇и. ад̇д̇абажжагкаважанам̣ на ход̇ийд̇и ад̇д̇ано бажжагкам̣ гад̇ваа вуд̇д̇аважанам̣ на ход̇и, бхаг̇авад̇аа вуд̇д̇аважанам̣ на ход̇ийд̇и ад̇хиббааяо. ‘‘ад̇д̇абажжагкаважанам̣ на ход̇ийд̇и аахажжа бхаасид̇ам̣ на ход̇ийд̇и ад̇хиббааяо’’д̇и гзнажи вуд̇д̇ам̣. г̇ан̣тибад̣̇з бана ‘‘ад̇д̇абажжагкаважанам̣ на ход̇ийд̇и ад̇д̇ано д̇харамаанагаалз вуд̇д̇аважанам̣ на ход̇ий’’д̇и ликид̇ам̣. д̇ад̣̇убхаяамби ад̇т̇ад̇о самаанамзва. ид̣̇аани бан̃хагаран̣ам̣ вад̇ваа ануггамзна яат̇аавуд̇д̇абан̃хависсаж̇ж̇анам̣ гаронд̇о ‘‘ааяасмад̇аа’’д̇иаад̣̇имааха. иминаа буг̇г̇алам̣ нияамзд̇и, ‘‘д̇ан̃жаа’’д̇иаад̣̇инаа гаалам̣ нияамзд̇и. д̇ан̃жа убаалид̇т̇зрзна вуд̇д̇аважанам̣ гаалад̇о батамамахаасан̇г̇ийд̇игаалз вуд̇д̇анд̇и ад̇т̇о.
Idāni pana taṃ visuṃ nīharitvā dassento ‘‘tattha vuttaṃ yenā’’tiādimāha. Tattha tatthāti tesu mātikāpadesu. Atha kasmā idameva vacanaṃ sandhāya vuttanti āha ‘‘idañhī’’tiādi. Idanti ‘‘tena samayena buddho bhagavā’’tiādivacanaṃ . Hi-saddo yasmāti atthe daṭṭhabbo, yasmā buddhassa bhagavato attapaccakkhavacanaṃ na hoti, tasmāti vuttaṃ hoti. Attapaccakkhavacanaṃ na hotīti attano paccakkhaṃ katvā vuttavacanaṃ na hoti, bhagavatā vuttavacanaṃ na hotīti adhippāyo. ‘‘Attapaccakkhavacanaṃ na hotīti āhacca bhāsitaṃ na hotīti adhippāyo’’ti kenaci vuttaṃ. Gaṇṭhipade pana ‘‘attapaccakkhavacanaṃ na hotīti attano dharamānakāle vuttavacanaṃ na hotī’’ti likhitaṃ. Tadubhayampi atthato samānameva. Idāni pañhakaraṇaṃ vatvā anukkamena yathāvuttapañhavissajjanaṃ karonto ‘‘āyasmatā’’tiādimāha. Iminā puggalaṃ niyameti, ‘‘tañcā’’tiādinā kālaṃ niyameti. Tañca upālittherena vuttavacanaṃ kālato paṭhamamahāsaṅgītikāle vuttanti attho.
