| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
б̣аахиранид̣̇аанагат̇аа
Bāhiranidānakathā
ид̣̇аани сам̣варавинаяабахаанавинаяаад̣̇ийсу б̣ахуусу винаязсу ад̇д̇анаа ‘‘д̇ам̣ ван̣н̣аяиссам̣ винаяа’’нд̇и звам̣ сам̣ван̣н̣зд̇аб̣б̣абхаавзна бадин̃н̃аад̇ам̣ винаяам̣ д̣̇ассзнд̇о ааха д̇ад̇т̇аад̇иаад̣̇и. д̇ад̇т̇а д̇ад̇т̇аад̇и яат̇аавуд̇д̇аасу г̇аат̇аасу. д̇аава-сад̣̇д̣̇о батаманд̇и имасмим̣ ад̇т̇з д̣̇адтаб̣б̣о, д̇зна батамам̣ винаяам̣ вавад̇т̇абзд̇ваа бажчаа д̇асса ван̣н̣анам̣ гариссаамаад̇и д̣̇ийбзд̇и. вавад̇т̇абзд̇аб̣б̣од̇и нияамзд̇аб̣б̣о. д̇знзд̇ам̣ вужжад̇ийд̇и яасмаа вавад̇т̇абзд̇аб̣б̣о, д̇зна хзд̇унаа зд̇ам̣ винаяо наамаад̇иаад̣̇игам̣ нияаамагаважанам̣ вужжад̇ийд̇и ад̇т̇о. ассаад̇и винаяасса. маад̇игаад̇и уд̣̇д̣̇зсо. со хи нид̣̇д̣̇зсабад̣̇аанам̣ ж̇ананийтаанз тид̇ад̇д̇аа маад̇аа вияаад̇и ‘‘маад̇игаа’’д̇и вужжад̇и.
Idāni saṃvaravinayapahānavinayādīsu bahūsu vinayesu attanā ‘‘taṃ vaṇṇayissaṃ vinaya’’nti evaṃ saṃvaṇṇetabbabhāvena paṭiññātaṃ vinayaṃ dassento āha tatthātiādi. Tattha tatthāti yathāvuttāsu gāthāsu. Tāva-saddo paṭhamanti imasmiṃ atthe daṭṭhabbo, tena paṭhamaṃ vinayaṃ vavatthapetvā pacchā tassa vaṇṇanaṃ karissāmāti dīpeti. Vavatthapetabboti niyametabbo. Tenetaṃ vuccatīti yasmā vavatthapetabbo, tena hetunā etaṃ vinayo nāmātiādikaṃ niyāmakavacanaṃ vuccatīti attho. Assāti vinayassa. Mātikāti uddeso. So hi niddesapadānaṃ jananīṭhāne ṭhitattā mātā viyāti ‘‘mātikā’’ti vuccati.
ид̣̇аани сам̣ван̣н̣зд̇аб̣б̣амад̇т̇ам̣ маад̇игам̣ бадтабзд̇ваа д̣̇ассзнд̇о ааха вуд̇д̇ам̣ язнаад̇иаад̣̇и. ид̣̇ам̣ вуд̇д̇ам̣ ход̇и – зд̇ам̣ д̇зна самаязна б̣уд̣̇д̇хо бхаг̇аваа взран̃ж̇ааяам̣ вихарад̇ийд̇иаад̣̇инид̣̇аанаважанабадиман̣д̣ид̇ам̣ винаяабидагам̣ язна буг̇г̇алзна вуд̇д̇ам̣, яасмим̣ гаалз вуд̇д̇ам̣, яасмаа гааран̣аа вуд̇д̇ам̣, язна д̇хаарид̇ам̣, язна жа аабхад̇ам̣, язсу бад̇идтид̇ам̣, зд̇ам̣ яат̇аавуд̇д̇авид̇хаанам̣ вад̇ваа д̇ад̇о д̇зна самаязнаад̇иаад̣̇ибаатасса ад̇т̇ам̣ анзгаббагаарад̇о д̣̇ассзнд̇о винаяасса ад̇т̇аван̣н̣анам̣ гариссаамийд̇и.
Idāni saṃvaṇṇetabbamatthaṃ mātikaṃ paṭṭhapetvā dassento āha vuttaṃ yenātiādi. Idaṃ vuttaṃ hoti – etaṃ tena samayena buddho bhagavā verañjāyaṃ viharatītiādinidānavacanapaṭimaṇḍitaṃ vinayapiṭakaṃ yena puggalena vuttaṃ, yasmiṃ kāle vuttaṃ, yasmā kāraṇā vuttaṃ, yena dhāritaṃ, yena ca ābhataṃ, yesu patiṭṭhitaṃ, etaṃ yathāvuttavidhānaṃ vatvā tato tena samayenātiādipāṭhassa atthaṃ anekappakārato dassento vinayassa atthavaṇṇanaṃ karissāmīti.
зд̇т̇а жа вуд̇д̇ам̣ язна яад̣̇аа яасмаад̇и ид̣̇ам̣ важанам̣ д̇зна самаязна б̣уд̣̇д̇хо бхаг̇аваад̇иаад̣̇инид̣̇аанаважанамад̇д̇ам̣ абзгкид̇ваа вад̇д̇угаамоби висум̣ авад̇ваа ‘‘нид̣̇аанзна аад̣̇игаляаан̣ам̣, ид̣̇амавожаад̇и ниг̇аманзна барияосаанагаляаан̣а’’нд̇и важанад̇о нид̣̇аананиг̇аманааниби сад̇т̇уд̣̇зсанааяа анувид̇хаанад̇д̇аа д̇ад̣̇анд̇ог̇ад̇хаанзваад̇и нид̣̇аанассааби винаяабаал̣ияам̣язва анд̇ог̇ад̇хад̇д̇аа вуд̇д̇ам̣ язна яад̣̇аа яасмаад̇и ид̣̇амби винаяабидагасамб̣анд̇хам̣язва гад̇ваа маад̇игам̣ табзд̇и. маад̇игааяа хи зд̇анд̇и вуд̇д̇ам̣ винаяабидагам̣язва сааман̃н̃ад̇о саб̣б̣ад̇т̇а самб̣анд̇хамубаг̇ажчад̇и.
Ettha ca vuttaṃ yena yadā yasmāti idaṃ vacanaṃ tena samayena buddho bhagavātiādinidānavacanamattaṃ apekkhitvā vattukāmopi visuṃ avatvā ‘‘nidānena ādikalyāṇaṃ, idamavocāti nigamanena pariyosānakalyāṇa’’nti vacanato nidānanigamanānipi satthudesanāya anuvidhānattā tadantogadhānevāti nidānassāpi vinayapāḷiyaṃyeva antogadhattā vuttaṃ yena yadā yasmāti idampi vinayapiṭakasambandhaṃyeva katvā mātikaṃ ṭhapeti. Mātikāya hi etanti vuttaṃ vinayapiṭakaṃyeva sāmaññato sabbattha sambandhamupagacchati.
ид̣̇аани бана д̇ам̣ висум̣ нийхарид̇ваа д̣̇ассзнд̇о д̇ад̇т̇а вуд̇д̇ам̣ язнаад̇иаад̣̇имааха. д̇ад̇т̇аад̇и д̇зсу маад̇игаабад̣̇зсу. ид̣̇анд̇и д̇зна самаязнаад̇иаад̣̇инид̣̇аанаважанам̣. хи-сад̣̇д̣̇о яасмаад̇и ад̇т̇о д̣̇адтаб̣б̣о, яасмаа б̣уд̣̇д̇хасса бхаг̇авад̇о ад̇д̇абажжагкаважанам̣ на ход̇и, д̇асмаад̇и вуд̇д̇ам̣ ход̇и. ад̇д̇абажжагкаважанам̣ на ход̇ийд̇и ад̇д̇анаа бажжагкам̣ гад̇ваа вуд̇д̇аважанам̣ на ход̇и. ат̇а ваа ад̇д̇ано бажжагкагаалз д̇харамаанагаалз вуд̇д̇аважанам̣ на ход̇и. д̇ад̣̇убхаязнааби бхаг̇авад̇о вуд̇д̇аважанам̣ на ход̇ийд̇и ад̇т̇о.
Idāni pana taṃ visuṃ nīharitvā dassento tattha vuttaṃ yenātiādimāha. Tatthāti tesu mātikāpadesu. Idanti tena samayenātiādinidānavacanaṃ. Hi-saddo yasmāti attho daṭṭhabbo, yasmā buddhassa bhagavato attapaccakkhavacanaṃ na hoti, tasmāti vuttaṃ hoti. Attapaccakkhavacanaṃ na hotīti attanā paccakkhaṃ katvā vuttavacanaṃ na hoti. Atha vā attano paccakkhakāle dharamānakāle vuttavacanaṃ na hoti. Tadubhayenāpi bhagavato vuttavacanaṃ na hotīti attho.
