| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
б̣аахиранид̣̇аанагат̇ааван̣н̣анаа
Bāhiranidānakathāvaṇṇanā
д̇ад̣̇ан̇г̇авинаяаад̣̇ибхзд̣̇зна винаяассаб̣ахуд̇д̇аа винаяо д̇аава вавад̇т̇абзд̇аб̣б̣о. ‘‘б̣уд̣̇д̇хзна д̇хаммо винаяо жа вуд̇д̇о’’д̇и буб̣б̣з вуд̇д̇ад̇д̇аа ид̣̇аани ‘‘вуд̇д̇ам̣ язнаа’’д̇и на вад̇д̇аб̣б̣анд̇и жз? д̇асса звамаад̣̇иважанам̣ санд̇хааяа вуд̇д̇анд̇и самб̣анд̇хо. д̇хаарид̇ам̣ язна жаабхад̇ам̣. яад̇т̇аббад̇идтид̇ан̃жзд̇анд̇и важанам̣ сагаламби винаяабидагам̣ санд̇хааяа вуд̇д̇ам̣. ад̇д̇абажжагкаважанам̣ на ход̇ийд̇и аахажжа бхаасид̇ам̣ на ход̇ийд̇и ад̇хиббааяо. на хи бхаг̇авад̇о ад̇ийд̇аад̣̇ийсу аббажжагкам̣ гин̃жи ад̇т̇и. яад̣̇и ад̇д̇абажжагкаважанам̣ на ход̇и, бад̣̇асод̇хаммаабад̇д̇им̣ на ж̇анзяяаад̇и жз? на, саавагабхаасид̇ассаби бад̣̇асод̇хаммаабад̇д̇иж̇ананад̇о. нияамаабхааваа ад̇иббасан̇г̇од̇и жз? на, бад̣̇асод̇хаммасигкаабад̣̇адтагат̇ааяам̣ ‘‘сан̇г̇ийд̇ид̇д̇аяам̣ аарул̣хо’’д̇и висзсид̇ад̇д̇аа. д̇ат̇аа адтагат̇ааяамби сан̇г̇ийд̇им̣ аарул̣хад̇д̇аа ‘‘канд̇хаанан̃жа бадибаади…бз… сам̣саарод̇и бавужжад̇ий’’д̇и (д̇ха. са. адта. нид̣̇аанагат̇аа; вибха. адта. 226 сан̇каарабад̣̇анид̣̇д̣̇зса) звамаад̣̇иважанам̣, яан̃жа сан̇г̇ийд̇иаарул̣хаггамаануг̇ад̇ам̣, д̇ам̣ бад̣̇асод̇хаммаабад̇д̇им̣ ж̇анзд̇ийд̇и ааяасмаа убад̇иссо.
Tadaṅgavinayādibhedena vinayassabahuttā vinayo tāva vavatthapetabbo. ‘‘Buddhena dhammo vinayo ca vutto’’ti pubbe vuttattā idāni ‘‘vuttaṃ yenā’’ti na vattabbanti ce? Tassa evamādivacanaṃ sandhāya vuttanti sambandho. Dhāritaṃ yena cābhataṃ. Yatthappatiṭṭhitañcetanti vacanaṃ sakalampi vinayapiṭakaṃ sandhāya vuttaṃ. Attapaccakkhavacanaṃ na hotīti āhacca bhāsitaṃ na hotīti adhippāyo. Na hi bhagavato atītādīsu appaccakkhaṃ kiñci atthi. Yadi attapaccakkhavacanaṃ na hoti, padasodhammāpattiṃ na janeyyāti ce? Na, sāvakabhāsitassapi padasodhammāpattijananato. Niyamābhāvā atippasaṅgoti ce? Na, padasodhammasikkhāpadaṭṭhakathāyaṃ ‘‘saṅgītittayaṃ āruḷho’’ti visesitattā. Tathā aṭṭhakathāyampi saṅgītiṃ āruḷhattā ‘‘khandhānañca paṭipāṭi…pe… saṃsāroti pavuccatī’’ti (dha. sa. aṭṭha. nidānakathā; vibha. aṭṭha. 226 saṅkhārapadaniddesa) evamādivacanaṃ, yañca saṅgītiāruḷhakkamānugataṃ, taṃ padasodhammāpattiṃ janetīti āyasmā upatisso.
