| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. б̣аахирапассанаанад̇д̇асуд̇д̇аад̣̇иван̣н̣анаа
9. Bāhiraphassanānattasuttādivaṇṇanā
93. вуд̇д̇аббагаарз аарамман̣зд̇и ‘‘аабаат̇з бад̇ид̇а’’нд̇иаад̣̇инаа хздтаа вуд̇д̇аббагаарз руубаарамман̣з. сан̃н̃аад̇и руубасан̃н̃аава. аруубад̇хаммоби самаано яасмим̣ аарамман̣з бавад̇д̇ад̇и, д̇ам̣ пусанд̇о вияа ход̇ийд̇и вуд̇д̇ам̣ ‘‘аарамман̣ам̣ пусамаано’’д̇и. д̇ан̣хааяа вад̇т̇убхууд̇ам̣язва руубаарамман̣ам̣ лаб̣бхад̇ийд̇и гад̇ваа ‘‘руубалаабхо’’д̇и ад̇хиббзд̇анд̇и ааха ‘‘саха д̇ан̣хааяа аарамман̣ам̣ руубалаабхо’’д̇и. саб̣б̣асан̇г̇аахиганаяод̇и згасмим̣язва аарамман̣з саб̣б̣зсам̣ сан̃н̃аад̣̇ийнам̣ д̇хаммаанам̣ уббад̇д̇ияаа саб̣б̣асан̇г̇ан̣ханавасзна д̣̇ассид̇анаяо. д̇знааха ‘‘згасмим̣язваа’’д̇иаад̣̇и. саб̣б̣асан̇г̇аахиганаяод̇и ваа д̇хувабарибхог̇авасзна ниб̣ад̣̇д̇хаарамман̣анд̇и ваа ааг̇анд̇угаарамман̣анд̇и ваа вибхааг̇ам̣ агад̇ваа саб̣б̣асан̇г̇аахиганаяо. абаро наяо. миссагод̇и ааг̇анд̇угаарамман̣з ниб̣ад̣̇д̇хаарамман̣з жа висаяад̇о ниб̣ад̣̇д̇хаарамман̣зна миссаго. ниб̣ад̣̇д̇хаарамман̣з сад̇д̇аанам̣ гилзсо манд̣̇о ход̇и. д̇ат̇аа хи сан̃н̃аасан̇габбапассавзд̣̇анаава д̣̇ассид̇аа. яам̣ гин̃жи вияаад̇и яам̣ гин̃жи ан̃н̃аман̃н̃ам̣ вияа. кобхзд̇ваад̇и гуд̇уухалуббаад̣̇анавасзна жид̇д̇ам̣ кобхзд̇ваа.
93.Vuttappakāreārammaṇeti ‘‘āpāthe patita’’ntiādinā heṭṭhā vuttappakāre rūpārammaṇe. Saññāti rūpasaññāva. Arūpadhammopi samāno yasmiṃ ārammaṇe pavattati, taṃ phusanto viya hotīti vuttaṃ ‘‘ārammaṇaṃ phusamāno’’ti. Taṇhāya vatthubhūtaṃyeva rūpārammaṇaṃ labbhatīti katvā ‘‘rūpalābho’’ti adhippetanti āha ‘‘saha taṇhāya ārammaṇaṃ rūpalābho’’ti. Sabbasaṅgāhikanayoti ekasmiṃyeva ārammaṇe sabbesaṃ saññādīnaṃ dhammānaṃ uppattiyā sabbasaṅgaṇhanavasena dassitanayo. Tenāha ‘‘ekasmiṃyevā’’tiādi. Sabbasaṅgāhikanayoti vā dhuvaparibhogavasena nibaddhārammaṇanti vā āgantukārammaṇanti vā vibhāgaṃ akatvā sabbasaṅgāhikanayo. Aparo nayo. Missakoti āgantukārammaṇe nibaddhārammaṇe ca visayato nibaddhārammaṇena missako. Nibaddhārammaṇe sattānaṃ kileso mando hoti. Tathā hi saññāsaṅkappaphassavedanāva dassitā. Yaṃ kiñci viyāti yaṃ kiñci aññamaññaṃ viya. Khobhetvāti kutūhaluppādanavasena cittaṃ khobhetvā.
убаасигаад̇и д̇асса амажжабуд̇д̇асса бхарияам̣ санд̇хааяааха. д̇асминд̇и ааг̇анд̇угаарамман̣з. лаабхо наама ‘‘лаб̣бхад̇ий’’д̇и гад̇ваа.
Upāsikāti tassa amaccaputtassa bhariyaṃ sandhāyāha. Tasminti āgantukārammaṇe. Lābho nāma ‘‘labbhatī’’ti katvā.
уруваллияаваасийд̇и уруваллияалзн̣аваасий, уруваллияавихаараваасийд̇и вад̣̇анд̇и. баал̣ияаад̇и ‘‘д̇хаад̇унаанад̇д̇ам̣, бхигкавз, бадижжа уббаж̇ж̇ад̇ий’’д̇иаад̣̇инаяабавад̇д̇ааяа имиссаа суд̇д̇абаал̣ияаа. бариваддзд̇ваад̇и маж̇жхз г̇ахид̇апассавзд̣̇анаабарияосаанз табанавасзна баал̣им̣ бариваддзд̇ваа. вуд̇д̇аббагаарзд̇иаад̣̇и баривад̇д̇зд̇аб̣б̣аагаарад̣̇ассанам̣. д̇ад̇т̇а вуд̇д̇аббагаарзд̇и аабаат̇аг̇ад̇аруубаарамман̣з. авибхууд̇авааранд̇и авибхууд̇аарамман̣аваарам̣. аяамзва ваа баато. г̇ан̣ханд̇и гат̇знд̇и. згаж̇аванаваарзби лаб̣бханд̇и жирад̇аранивзсаабхааваа. наанааж̇аванаваарзязва д̣̇ал̣хад̇аранивзсад̇ааяа.
Uruvalliyavāsīti uruvalliyaleṇavāsī, uruvalliyavihāravāsīti vadanti. Pāḷiyāti ‘‘dhātunānattaṃ, bhikkhave, paṭicca uppajjatī’’tiādinayapavattāya imissā suttapāḷiyā. Parivaṭṭetvāti majjhe gahitaphassavedanāpariyosāne ṭhapanavasena pāḷiṃ parivaṭṭetvā. Vuttappakāretiādi parivattetabbākāradassanaṃ. Tattha vuttappakāreti āpāthagatarūpārammaṇe. Avibhūtavāranti avibhūtārammaṇavāraṃ. Ayameva vā pāṭho. Gaṇhanti kathenti. Ekajavanavārepi labbhanti cirataranivesābhāvā. Nānājavanavāreyeva daḷhataranivesatāya.
94. д̣̇асамам̣ уд̇д̇аанамзва навамз вуд̇д̇анаяад̇д̇аа. бадисзд̇хамад̇д̇амзва хзд̇т̇а наанад̇д̇анд̇и.
94.Dasamaṃ uttānameva navame vuttanayattā. Paṭisedhamattameva hettha nānattanti.
б̣аахирапассанаанад̇д̇асуд̇д̇аад̣̇иван̣н̣анаа нидтид̇аа.
Bāhiraphassanānattasuttādivaṇṇanā niṭṭhitā.
наанад̇д̇аваг̇г̇аван̣н̣анаа нидтид̇аа.
Nānattavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
9. б̣аахирапассанаанад̇д̇асуд̇д̇ам̣ • 9. Bāhiraphassanānattasuttaṃ
10. д̣̇уд̇ияаб̣аахирапассанаанад̇д̇асуд̇д̇ам̣ • 10. Dutiyabāhiraphassanānattasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. б̣аахирапассанаанад̇д̇асуд̇д̇аад̣̇иван̣н̣анаа • 9. Bāhiraphassanānattasuttādivaṇṇanā
