| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਬਾਹਿਰਫਸ੍ਸਨਾਨਤ੍ਤਸੁਤ੍ਤਾਦਿવਣ੍ਣਨਾ
9. Bāhiraphassanānattasuttādivaṇṇanā
੯੩. વੁਤ੍ਤਪ੍ਪਕਾਰੇ ਆਰਮ੍ਮਣੇਤਿ ‘‘ਆਪਾਥੇ ਪਤਿਤ’’ਨ੍ਤਿਆਦਿਨਾ ਹੇਟ੍ਠਾ વੁਤ੍ਤਪ੍ਪਕਾਰੇ ਰੂਪਾਰਮ੍ਮਣੇ। ਸਞ੍ਞਾਤਿ ਰੂਪਸਞ੍ਞਾવ। ਅਰੂਪਧਮ੍ਮੋਪਿ ਸਮਾਨੋ ਯਸ੍ਮਿਂ ਆਰਮ੍ਮਣੇ ਪવਤ੍ਤਤਿ, ਤਂ ਫੁਸਨ੍ਤੋ વਿਯ ਹੋਤੀਤਿ વੁਤ੍ਤਂ ‘‘ਆਰਮ੍ਮਣਂ ਫੁਸਮਾਨੋ’’ਤਿ। ਤਣ੍ਹਾਯ વਤ੍ਥੁਭੂਤਂਯੇવ ਰੂਪਾਰਮ੍ਮਣਂ ਲਬ੍ਭਤੀਤਿ ਕਤ੍વਾ ‘‘ਰੂਪਲਾਭੋ’’ਤਿ ਅਧਿਪ੍ਪੇਤਨ੍ਤਿ ਆਹ ‘‘ਸਹ ਤਣ੍ਹਾਯ ਆਰਮ੍ਮਣਂ ਰੂਪਲਾਭੋ’’ਤਿ। ਸਬ੍ਬਸਙ੍ਗਾਹਿਕਨਯੋਤਿ ਏਕਸ੍ਮਿਂਯੇવ ਆਰਮ੍ਮਣੇ ਸਬ੍ਬੇਸਂ ਸਞ੍ਞਾਦੀਨਂ ਧਮ੍ਮਾਨਂ ਉਪ੍ਪਤ੍ਤਿਯਾ ਸਬ੍ਬਸਙ੍ਗਣ੍ਹਨવਸੇਨ ਦਸ੍ਸਿਤਨਯੋ। ਤੇਨਾਹ ‘‘ਏਕਸ੍ਮਿਂਯੇવਾ’’ਤਿਆਦਿ। ਸਬ੍ਬਸਙ੍ਗਾਹਿਕਨਯੋਤਿ વਾ ਧੁવਪਰਿਭੋਗવਸੇਨ ਨਿਬਦ੍ਧਾਰਮ੍ਮਣਨ੍ਤਿ વਾ ਆਗਨ੍ਤੁਕਾਰਮ੍ਮਣਨ੍ਤਿ વਾ વਿਭਾਗਂ ਅਕਤ੍વਾ ਸਬ੍ਬਸਙ੍ਗਾਹਿਕਨਯੋ। ਅਪਰੋ ਨਯੋ। ਮਿਸ੍ਸਕੋਤਿ ਆਗਨ੍ਤੁਕਾਰਮ੍ਮਣੇ ਨਿਬਦ੍ਧਾਰਮ੍ਮਣੇ ਚ વਿਸਯਤੋ ਨਿਬਦ੍ਧਾਰਮ੍ਮਣੇਨ ਮਿਸ੍ਸਕੋ। ਨਿਬਦ੍ਧਾਰਮ੍ਮਣੇ ਸਤ੍ਤਾਨਂ ਕਿਲੇਸੋ ਮਨ੍ਦੋ ਹੋਤਿ। ਤਥਾ ਹਿ ਸਞ੍ਞਾਸਙ੍ਕਪ੍ਪਫਸ੍ਸવੇਦਨਾવ ਦਸ੍ਸਿਤਾ। ਯਂ ਕਿਞ੍ਚਿ વਿਯਾਤਿ ਯਂ ਕਿਞ੍ਚਿ ਅਞ੍ਞਮਞ੍ਞਂ વਿਯ। ਖੋਭੇਤ੍વਾਤਿ ਕੁਤੂਹਲੁਪ੍ਪਾਦਨવਸੇਨ ਚਿਤ੍ਤਂ ਖੋਭੇਤ੍વਾ।
93.Vuttappakāreārammaṇeti ‘‘āpāthe patita’’ntiādinā heṭṭhā vuttappakāre rūpārammaṇe. Saññāti rūpasaññāva. Arūpadhammopi samāno yasmiṃ ārammaṇe pavattati, taṃ phusanto viya hotīti vuttaṃ ‘‘ārammaṇaṃ phusamāno’’ti. Taṇhāya vatthubhūtaṃyeva rūpārammaṇaṃ labbhatīti katvā ‘‘rūpalābho’’ti adhippetanti āha ‘‘saha taṇhāya ārammaṇaṃ rūpalābho’’ti. Sabbasaṅgāhikanayoti ekasmiṃyeva ārammaṇe sabbesaṃ saññādīnaṃ dhammānaṃ uppattiyā sabbasaṅgaṇhanavasena dassitanayo. Tenāha ‘‘ekasmiṃyevā’’tiādi. Sabbasaṅgāhikanayoti vā dhuvaparibhogavasena nibaddhārammaṇanti vā āgantukārammaṇanti vā vibhāgaṃ akatvā sabbasaṅgāhikanayo. Aparo nayo. Missakoti āgantukārammaṇe nibaddhārammaṇe ca visayato nibaddhārammaṇena missako. Nibaddhārammaṇe sattānaṃ kileso mando hoti. Tathā hi saññāsaṅkappaphassavedanāva dassitā. Yaṃ kiñci viyāti yaṃ kiñci aññamaññaṃ viya. Khobhetvāti kutūhaluppādanavasena cittaṃ khobhetvā.
ਉਪਾਸਿਕਾਤਿ ਤਸ੍ਸ ਅਮਚ੍ਚਪੁਤ੍ਤਸ੍ਸ ਭਰਿਯਂ ਸਨ੍ਧਾਯਾਹ। ਤਸ੍ਮਿਨ੍ਤਿ ਆਗਨ੍ਤੁਕਾਰਮ੍ਮਣੇ। ਲਾਭੋ ਨਾਮ ‘‘ਲਬ੍ਭਤੀ’’ਤਿ ਕਤ੍વਾ।
Upāsikāti tassa amaccaputtassa bhariyaṃ sandhāyāha. Tasminti āgantukārammaṇe. Lābho nāma ‘‘labbhatī’’ti katvā.
ਉਰੁવਲ੍ਲਿਯવਾਸੀਤਿ ਉਰੁવਲ੍ਲਿਯਲੇਣવਾਸੀ, ਉਰੁવਲ੍ਲਿਯવਿਹਾਰવਾਸੀਤਿ વਦਨ੍ਤਿ। ਪਾਲ਼ਿਯਾਤਿ ‘‘ਧਾਤੁਨਾਨਤ੍ਤਂ, ਭਿਕ੍ਖવੇ, ਪਟਿਚ੍ਚ ਉਪ੍ਪਜ੍ਜਤੀ’’ਤਿਆਦਿਨਯਪવਤ੍ਤਾਯ ਇਮਿਸ੍ਸਾ ਸੁਤ੍ਤਪਾਲ਼ਿਯਾ। ਪਰਿવਟ੍ਟੇਤ੍વਾਤਿ ਮਜ੍ਝੇ ਗਹਿਤਫਸ੍ਸવੇਦਨਾਪਰਿਯੋਸਾਨੇ ਠਪਨવਸੇਨ ਪਾਲ਼ਿਂ ਪਰਿવਟ੍ਟੇਤ੍વਾ। વੁਤ੍ਤਪ੍ਪਕਾਰੇਤਿਆਦਿ ਪਰਿવਤ੍ਤੇਤਬ੍ਬਾਕਾਰਦਸ੍ਸਨਂ। ਤਤ੍ਥ વੁਤ੍ਤਪ੍ਪਕਾਰੇਤਿ ਆਪਾਥਗਤਰੂਪਾਰਮ੍ਮਣੇ। ਅવਿਭੂਤવਾਰਨ੍ਤਿ ਅવਿਭੂਤਾਰਮ੍ਮਣવਾਰਂ। ਅਯਮੇવ વਾ ਪਾਠੋ। ਗਣ੍ਹਨ੍ਤਿ ਕਥੇਨ੍ਤਿ। ਏਕਜવਨવਾਰੇਪਿ ਲਬ੍ਭਨ੍ਤਿ ਚਿਰਤਰਨਿવੇਸਾਭਾવਾ। ਨਾਨਾਜવਨવਾਰੇਯੇવ ਦਲ਼੍ਹਤਰਨਿવੇਸਤਾਯ।
Uruvalliyavāsīti uruvalliyaleṇavāsī, uruvalliyavihāravāsīti vadanti. Pāḷiyāti ‘‘dhātunānattaṃ, bhikkhave, paṭicca uppajjatī’’tiādinayapavattāya imissā suttapāḷiyā. Parivaṭṭetvāti majjhe gahitaphassavedanāpariyosāne ṭhapanavasena pāḷiṃ parivaṭṭetvā. Vuttappakāretiādi parivattetabbākāradassanaṃ. Tattha vuttappakāreti āpāthagatarūpārammaṇe. Avibhūtavāranti avibhūtārammaṇavāraṃ. Ayameva vā pāṭho. Gaṇhanti kathenti. Ekajavanavārepi labbhanti cirataranivesābhāvā. Nānājavanavāreyeva daḷhataranivesatāya.
੯੪. ਦਸਮਂ ਉਤ੍ਤਾਨਮੇવ ਨવਮੇ વੁਤ੍ਤਨਯਤ੍ਤਾ। ਪਟਿਸੇਧਮਤ੍ਤਮੇવ ਹੇਤ੍ਥ ਨਾਨਤ੍ਤਨ੍ਤਿ।
94.Dasamaṃ uttānameva navame vuttanayattā. Paṭisedhamattameva hettha nānattanti.
ਬਾਹਿਰਫਸ੍ਸਨਾਨਤ੍ਤਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Bāhiraphassanānattasuttādivaṇṇanā niṭṭhitā.
ਨਾਨਤ੍ਤવਗ੍ਗવਣ੍ਣਨਾ ਨਿਟ੍ਠਿਤਾ।
Nānattavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੯. ਬਾਹਿਰਫਸ੍ਸਨਾਨਤ੍ਤਸੁਤ੍ਤਂ • 9. Bāhiraphassanānattasuttaṃ
੧੦. ਦੁਤਿਯਬਾਹਿਰਫਸ੍ਸਨਾਨਤ੍ਤਸੁਤ੍ਤਂ • 10. Dutiyabāhiraphassanānattasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਬਾਹਿਰਫਸ੍ਸਨਾਨਤ੍ਤਸੁਤ੍ਤਾਦਿવਣ੍ਣਨਾ • 9. Bāhiraphassanānattasuttādivaṇṇanā
