| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. பா³ஹிரப²ஸ்ஸனானத்தஸுத்தங்
9. Bāhiraphassanānattasuttaṃ
93. ஸாவத்தி²யங் விஹரதி…பே॰… ‘‘தா⁴துனானத்தங், பி⁴க்க²வே, படிச்ச உப்பஜ்ஜதி ஸஞ்ஞானானத்தங், ஸஞ்ஞானானத்தங் படிச்ச உப்பஜ்ஜதி ஸங்கப்பனானத்தங், ஸங்கப்பனானத்தங் படிச்ச உப்பஜ்ஜதி ப²ஸ்ஸனானத்தங் , ப²ஸ்ஸனானத்தங் படிச்ச உப்பஜ்ஜதி வேத³னானானத்தங், வேத³னானானத்தங் படிச்ச உப்பஜ்ஜதி ச²ந்த³னானத்தங், ச²ந்த³னானத்தங் படிச்ச உப்பஜ்ஜதி பரிளாஹனானத்தங், பரிளாஹனானத்தங் படிச்ச உப்பஜ்ஜதி பரியேஸனானானத்தங் , பரியேஸனானானத்தங் படிச்ச உப்பஜ்ஜதி லாப⁴னானத்தங். கதமஞ்ச, பி⁴க்க²வே, தா⁴துனானத்தங்? ரூபதா⁴து…பே॰… த⁴ம்மதா⁴து – இத³ங் வுச்சதி, பி⁴க்க²வே, தா⁴துனானத்தங்’’.
93. Sāvatthiyaṃ viharati…pe… ‘‘dhātunānattaṃ, bhikkhave, paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ, saṅkappanānattaṃ paṭicca uppajjati phassanānattaṃ , phassanānattaṃ paṭicca uppajjati vedanānānattaṃ, vedanānānattaṃ paṭicca uppajjati chandanānattaṃ, chandanānattaṃ paṭicca uppajjati pariḷāhanānattaṃ, pariḷāhanānattaṃ paṭicca uppajjati pariyesanānānattaṃ , pariyesanānānattaṃ paṭicca uppajjati lābhanānattaṃ. Katamañca, bhikkhave, dhātunānattaṃ? Rūpadhātu…pe… dhammadhātu – idaṃ vuccati, bhikkhave, dhātunānattaṃ’’.
‘‘கத²ஞ்ச, பி⁴க்க²வே, தா⁴துனானத்தங் படிச்ச உப்பஜ்ஜதி ஸஞ்ஞானானத்தங், ஸஞ்ஞானானத்தங் படிச்ச உப்பஜ்ஜதி…பே॰… லாப⁴னானத்தங்?
‘‘Kathañca, bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati…pe… lābhanānattaṃ?
‘‘ரூபதா⁴துங், பி⁴க்க²வே, படிச்ச உப்பஜ்ஜதி ரூபஸஞ்ஞா, ரூபஸஞ்ஞங் படிச்ச உப்பஜ்ஜதி ரூபஸங்கப்போ, ரூபஸங்கப்பங் படிச்ச உப்பஜ்ஜதி ரூபஸம்ப²ஸ்ஸோ, ரூபஸம்ப²ஸ்ஸங் படிச்ச உப்பஜ்ஜதி ரூபஸம்ப²ஸ்ஸஜா வேத³னா, ரூபஸம்ப²ஸ்ஸஜங் வேத³னங் படிச்ச உப்பஜ்ஜதி ரூபச்ச²ந்தோ³, ரூபச்ச²ந்த³ங் படிச்ச உப்பஜ்ஜதி ரூபபரிளாஹோ, ரூபபரிளாஹங் படிச்ச உப்பஜ்ஜதி ரூபபரியேஸனா, ரூபபரியேஸனங் படிச்ச உப்பஜ்ஜதி ரூபலாபோ⁴…பே॰… த⁴ம்மதா⁴துங் படிச்ச உப்பஜ்ஜதி த⁴ம்மஸஞ்ஞா, த⁴ம்மஸஞ்ஞங் படிச்ச உப்பஜ்ஜதி த⁴ம்மஸங்கப்போ, த⁴ம்மஸங்கப்பங் படிச்ச உப்பஜ்ஜதி த⁴ம்மஸம்ப²ஸ்ஸோ, த⁴ம்மஸம்ப²ஸ்ஸங் படிச்ச உப்பஜ்ஜதி த⁴ம்மஸம்ப²ஸ்ஸஜா வேத³னா, த⁴ம்மஸம்ப²ஸ்ஸஜங் வேத³னங் படிச்ச உப்பஜ்ஜதி த⁴ம்மச்ச²ந்தோ³, த⁴ம்மச்ச²ந்த³ங் படிச்ச உப்பஜ்ஜதி த⁴ம்மபரிளாஹோ, த⁴ம்மபரிளாஹங் படிச்ச உப்பஜ்ஜதி த⁴ம்மபரியேஸனா, த⁴ம்மபரியேஸனங் படிச்ச உப்பஜ்ஜதி த⁴ம்மலாபோ⁴ .
‘‘Rūpadhātuṃ, bhikkhave, paṭicca uppajjati rūpasaññā, rūpasaññaṃ paṭicca uppajjati rūpasaṅkappo, rūpasaṅkappaṃ paṭicca uppajjati rūpasamphasso, rūpasamphassaṃ paṭicca uppajjati rūpasamphassajā vedanā, rūpasamphassajaṃ vedanaṃ paṭicca uppajjati rūpacchando, rūpacchandaṃ paṭicca uppajjati rūpapariḷāho, rūpapariḷāhaṃ paṭicca uppajjati rūpapariyesanā, rūpapariyesanaṃ paṭicca uppajjati rūpalābho…pe… dhammadhātuṃ paṭicca uppajjati dhammasaññā, dhammasaññaṃ paṭicca uppajjati dhammasaṅkappo, dhammasaṅkappaṃ paṭicca uppajjati dhammasamphasso, dhammasamphassaṃ paṭicca uppajjati dhammasamphassajā vedanā, dhammasamphassajaṃ vedanaṃ paṭicca uppajjati dhammacchando, dhammacchandaṃ paṭicca uppajjati dhammapariḷāho, dhammapariḷāhaṃ paṭicca uppajjati dhammapariyesanā, dhammapariyesanaṃ paṭicca uppajjati dhammalābho .
‘‘ஏவங் கோ², பி⁴க்க²வே, தா⁴துனானத்தங் படிச்ச உப்பஜ்ஜதி ஸஞ்ஞானானத்தங், ஸஞ்ஞானானத்தங் படிச்ச உப்பஜ்ஜதி…பே॰… பரியேஸனானானத்தங், பரியேஸனானானத்தங் படிச்ச உப்பஜ்ஜதி லாப⁴னானத்த’’ந்தி. நவமங்.
‘‘Evaṃ kho, bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati…pe… pariyesanānānattaṃ, pariyesanānānattaṃ paṭicca uppajjati lābhanānatta’’nti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. பா³ஹிரப²ஸ்ஸனானத்தஸுத்தாதி³வண்ணனா • 9. Bāhiraphassanānattasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. பா³ஹிரப²ஸ்ஸனானத்தஸுத்தாதி³வண்ணனா • 9. Bāhiraphassanānattasuttādivaṇṇanā
