| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. б̣аахид̇игасуд̇д̇ам̣
8. Bāhitikasuttaṃ
358. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа аананд̣̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇ияам̣ бин̣д̣ааяа баависи. саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна буб̣б̣аараамо миг̇аарамаад̇убаасаад̣̇о д̇знубасан̇гами д̣̇иваавихаарааяа. д̇зна ко бана самаязна рааж̇аа басзнад̣̇и госало згабун̣д̣арийгам̣ нааг̇ам̣ абхирухид̇ваа саавад̇т̇ияаа нияяаад̇и д̣̇иваа д̣̇ивасса. ад̣̇д̣̇асаа ко рааж̇аа басзнад̣̇и госало ааяасманд̇ам̣ аананд̣̇ам̣ д̣̇уурад̇ова ааг̇ажчанд̇ам̣. д̣̇исваана сиривад̣дхам̣ махаамад̇д̇ам̣ ааманд̇зси – ‘‘ааяасмаа но зсо, самма сиривад̣дха, аананд̣̇о’’д̇и . ‘‘звам̣, махаарааж̇а, ааяасмаа зсо аананд̣̇о’’д̇и. ат̇а ко рааж̇аа басзнад̣̇и госало ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, язнааяасмаа аананд̣̇о д̇знубасан̇гама; убасан̇гамид̇ваа мама важанзна ааяасмад̇о аананд̣̇асса баад̣̇з сирасаа ванд̣̇аахи – ‘рааж̇аа, бханд̇з, басзнад̣̇и госало ааяасмад̇о аананд̣̇асса баад̣̇з сирасаа ванд̣̇ад̇ий’д̇и. зван̃жа вад̣̇зхи – ‘сажз гира, бханд̇з, ааяасмад̇о аананд̣̇асса на гин̃жи ажжааяигам̣ гаран̣ийяам̣, ааг̇амзд̇у гира, бханд̇з, ааяасмаа аананд̣̇о мухуд̇д̇ам̣ анугамбам̣ убаад̣̇ааяаа’’’д̇и. ‘‘звам̣, д̣̇зваа’’д̇и ко со бурисо ран̃н̃о басзнад̣̇исса госаласса бадиссуд̇ваа язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко со бурисо ааяасманд̇ам̣ аананд̣̇ам̣ зд̇ад̣̇авожа – ‘‘рааж̇аа, бханд̇з, басзнад̣̇и госало ааяасмад̇о аананд̣̇асса баад̣̇з сирасаа ванд̣̇ад̇и; зван̃жа вад̣̇зд̇и – ‘сажз гира, бханд̇з, ааяасмад̇о аананд̣̇асса на гин̃жи ажжааяигам̣ гаран̣ийяам̣, ааг̇амзд̇у гира, бханд̇з, ааяасмаа аананд̣̇о мухуд̇д̇ам̣ анугамбам̣ убаад̣̇ааяаа’’’д̇и. ад̇хиваасзси ко ааяасмаа аананд̣̇о д̇ун̣хийбхаавзна. ат̇а ко рааж̇аа басзнад̣̇и госало яаавад̇игаа нааг̇асса бхууми нааг̇зна г̇анд̇ваа нааг̇аа бажжорохид̇ваа бад̇д̇игова язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко рааж̇аа басзнад̣̇и госало ааяасманд̇ам̣ аананд̣̇ам̣ зд̇ад̣̇авожа – ‘‘сажз, бханд̇з, ааяасмад̇о аананд̣̇асса на гин̃жи ажжааяигам̣ гаран̣ийяам̣ , саад̇ху, бханд̇з, ааяасмаа аананд̣̇о язна ажиравад̇ияаа над̣̇ияаа д̇ийрам̣ д̇знубасан̇гамад̇у анугамбам̣ убаад̣̇ааяаа’’д̇и. ад̇хиваасзси ко ааяасмаа аананд̣̇о д̇ун̣хийбхаавзна.
358. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā ānando pubbaṇhasamayaṃ nivāsetvā pattacīvaramādāya sāvatthiyaṃ piṇḍāya pāvisi. Sāvatthiyaṃ piṇḍāya caritvā pacchābhattaṃ piṇḍapātapaṭikkanto yena pubbārāmo migāramātupāsādo tenupasaṅkami divāvihārāya. Tena kho pana samayena rājā pasenadi kosalo ekapuṇḍarīkaṃ nāgaṃ abhiruhitvā sāvatthiyā niyyāti divā divassa. Addasā kho rājā pasenadi kosalo āyasmantaṃ ānandaṃ dūratova āgacchantaṃ. Disvāna sirivaḍḍhaṃ mahāmattaṃ āmantesi – ‘‘āyasmā no eso, samma sirivaḍḍha, ānando’’ti . ‘‘Evaṃ, mahārāja, āyasmā eso ānando’’ti. Atha kho rājā pasenadi kosalo aññataraṃ purisaṃ āmantesi – ‘‘ehi tvaṃ, ambho purisa, yenāyasmā ānando tenupasaṅkama; upasaṅkamitvā mama vacanena āyasmato ānandassa pāde sirasā vandāhi – ‘rājā, bhante, pasenadi kosalo āyasmato ānandassa pāde sirasā vandatī’ti. Evañca vadehi – ‘sace kira, bhante, āyasmato ānandassa na kiñci accāyikaṃ karaṇīyaṃ, āgametu kira, bhante, āyasmā ānando muhuttaṃ anukampaṃ upādāyā’’’ti. ‘‘Evaṃ, devā’’ti kho so puriso rañño pasenadissa kosalassa paṭissutvā yenāyasmā ānando tenupasaṅkami; upasaṅkamitvā āyasmantaṃ ānandaṃ abhivādetvā ekamantaṃ aṭṭhāsi. Ekamantaṃ ṭhito kho so puriso āyasmantaṃ ānandaṃ etadavoca – ‘‘rājā, bhante, pasenadi kosalo āyasmato ānandassa pāde sirasā vandati; evañca vadeti – ‘sace kira, bhante, āyasmato ānandassa na kiñci accāyikaṃ karaṇīyaṃ, āgametu kira, bhante, āyasmā ānando muhuttaṃ anukampaṃ upādāyā’’’ti. Adhivāsesi kho āyasmā ānando tuṇhībhāvena. Atha kho rājā pasenadi kosalo yāvatikā nāgassa bhūmi nāgena gantvā nāgā paccorohitvā pattikova yenāyasmā ānando tenupasaṅkami; upasaṅkamitvā āyasmantaṃ ānandaṃ abhivādetvā ekamantaṃ aṭṭhāsi. Ekamantaṃ ṭhito kho rājā pasenadi kosalo āyasmantaṃ ānandaṃ etadavoca – ‘‘sace, bhante, āyasmato ānandassa na kiñci accāyikaṃ karaṇīyaṃ , sādhu, bhante, āyasmā ānando yena aciravatiyā nadiyā tīraṃ tenupasaṅkamatu anukampaṃ upādāyā’’ti. Adhivāsesi kho āyasmā ānando tuṇhībhāvena.
359. ат̇а ко ааяасмаа аананд̣̇о язна ажиравад̇ияаа над̣̇ияаа д̇ийрам̣ д̇знубасан̇гами; убасан̇гамид̇ваа ан̃н̃ад̇арасмим̣ ругкамуулз бан̃н̃ад̇д̇з аасанз нисийд̣̇и. ат̇а ко рааж̇аа басзнад̣̇и госало яаавад̇игаа нааг̇асса бхууми нааг̇зна г̇анд̇ваа нааг̇аа бажжорохид̇ваа бад̇д̇игова язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко рааж̇аа басзнад̣̇и госало ааяасманд̇ам̣ аананд̣̇ам̣ зд̇ад̣̇авожа – ‘‘ид̇ха, бханд̇з, ааяасмаа аананд̣̇о хад̇т̇ад̇т̇арз нисийд̣̇ад̇уу’’д̇и. ‘‘алам̣, махаарааж̇а. нисийд̣̇а д̇вам̣; нисинно ахам̣ сагз аасанз’’д̇и. нисийд̣̇и ко рааж̇аа басзнад̣̇и госало бан̃н̃ад̇д̇з аасанз. нисаж̇ж̇а ко рааж̇аа басзнад̣̇и госало ааяасманд̇ам̣ аананд̣̇ам̣ зд̇ад̣̇авожа – ‘‘гим̣ ну ко, бханд̇з аананд̣̇а, со бхаг̇аваа д̇ат̇ааруубам̣ гааяасамаажаарам̣ самаажарзяяа, яваасса гааяасамаажааро обаарамбхо саман̣зхи б̣раахман̣зхий’’д̇и 1? ‘‘на ко, махаарааж̇а, со бхаг̇аваа д̇ат̇ааруубам̣ гааяасамаажаарам̣ самаажарзяяа, яваасса гааяасамаажааро обаарамбхо саман̣зхи б̣раахман̣зхи вин̃н̃уухий’’д̇и.
359. Atha kho āyasmā ānando yena aciravatiyā nadiyā tīraṃ tenupasaṅkami; upasaṅkamitvā aññatarasmiṃ rukkhamūle paññatte āsane nisīdi. Atha kho rājā pasenadi kosalo yāvatikā nāgassa bhūmi nāgena gantvā nāgā paccorohitvā pattikova yenāyasmā ānando tenupasaṅkami; upasaṅkamitvā āyasmantaṃ ānandaṃ abhivādetvā ekamantaṃ aṭṭhāsi. Ekamantaṃ ṭhito kho rājā pasenadi kosalo āyasmantaṃ ānandaṃ etadavoca – ‘‘idha, bhante, āyasmā ānando hatthatthare nisīdatū’’ti. ‘‘Alaṃ, mahārāja. Nisīda tvaṃ; nisinno ahaṃ sake āsane’’ti. Nisīdi kho rājā pasenadi kosalo paññatte āsane. Nisajja kho rājā pasenadi kosalo āyasmantaṃ ānandaṃ etadavoca – ‘‘kiṃ nu kho, bhante ānanda, so bhagavā tathārūpaṃ kāyasamācāraṃ samācareyya, yvāssa kāyasamācāro opārambho samaṇehi brāhmaṇehī’’ti 2? ‘‘Na kho, mahārāja, so bhagavā tathārūpaṃ kāyasamācāraṃ samācareyya, yvāssa kāyasamācāro opārambho samaṇehi brāhmaṇehi viññūhī’’ti.
‘‘гим̣ бана, бханд̇з аананд̣̇а, со бхаг̇аваа д̇ат̇ааруубам̣ важийсамаажаарам̣…бз… маносамаажаарам̣ самаажарзяяа, яваасса маносамаажааро обаарамбхо саман̣зхи б̣раахман̣зхий’’д̇и 3? ‘‘на ко, махаарааж̇а, со бхаг̇аваа д̇ат̇ааруубам̣ маносамаажаарам̣ самаажарзяяа, яваасса маносамаажааро обаарамбхо саман̣зхи б̣раахман̣зхи вин̃н̃уухий’’д̇и.
‘‘Kiṃ pana, bhante ānanda, so bhagavā tathārūpaṃ vacīsamācāraṃ…pe… manosamācāraṃ samācareyya, yvāssa manosamācāro opārambho samaṇehi brāhmaṇehī’’ti 4? ‘‘Na kho, mahārāja, so bhagavā tathārūpaṃ manosamācāraṃ samācareyya, yvāssa manosamācāro opārambho samaṇehi brāhmaṇehi viññūhī’’ti.
‘‘ажчарияам̣, бханд̇з, аб̣бхуд̇ам̣, бханд̇з! яан̃хи маяам̣, бханд̇з, наасагкимхаа бан̃хзна барибуурзд̇ум̣ д̇ам̣, бханд̇з, ааяасмад̇аа аананд̣̇зна бан̃хасса взяяаагаран̣зна барибуурид̇ам̣. яз д̇з, бханд̇з, б̣аалаа аб̣яад̇д̇аа ананувижжа абарияог̇аахзд̇ваа барзсам̣ ван̣н̣ам̣ ваа аван̣н̣ам̣ ваа бхаасанд̇и, на маяам̣ д̇ам̣ саарад̇о бажжааг̇ажчаама; яз бана 5 д̇з, бханд̇з , бан̣д̣ид̇аа вияад̇д̇аа 6 мзд̇хаавино анувижжа барияог̇аахзд̇ваа барзсам̣ ван̣н̣ам̣ ваа аван̣н̣ам̣ ваа бхаасанд̇и, маяам̣ д̇ам̣ саарад̇о бажжааг̇ажчаама’’.
‘‘Acchariyaṃ, bhante, abbhutaṃ, bhante! Yañhi mayaṃ, bhante, nāsakkhimhā pañhena paripūretuṃ taṃ, bhante, āyasmatā ānandena pañhassa veyyākaraṇena paripūritaṃ. Ye te, bhante, bālā abyattā ananuvicca apariyogāhetvā paresaṃ vaṇṇaṃ vā avaṇṇaṃ vā bhāsanti, na mayaṃ taṃ sārato paccāgacchāma; ye pana 7 te, bhante , paṇḍitā viyattā 8 medhāvino anuvicca pariyogāhetvā paresaṃ vaṇṇaṃ vā avaṇṇaṃ vā bhāsanti, mayaṃ taṃ sārato paccāgacchāma’’.
360. ‘‘гад̇амо бана, бханд̇з аананд̣̇а, гааяасамаажааро обаарамбхо саман̣зхи б̣раахман̣зхи вин̃н̃уухий’’д̇и? ‘‘яо ко, махаарааж̇а, гааяасамаажааро агусало’’.
360. ‘‘Katamo pana, bhante ānanda, kāyasamācāro opārambho samaṇehi brāhmaṇehi viññūhī’’ti? ‘‘Yo kho, mahārāja, kāyasamācāro akusalo’’.
‘‘гад̇амо бана, бханд̇з, гааяасамаажааро агусало’’? ‘‘яо ко, махаарааж̇а, гааяасамаажааро сааваж̇ж̇о’’.
‘‘Katamo pana, bhante, kāyasamācāro akusalo’’? ‘‘Yo kho, mahārāja, kāyasamācāro sāvajjo’’.
‘‘гад̇амо бана, бханд̇з, гааяасамаажааро сааваж̇ж̇о’’? ‘‘яо ко, махаарааж̇а, гааяасамаажааро саб̣яааб̣аж̇жхо’’ 9.
‘‘Katamo pana, bhante, kāyasamācāro sāvajjo’’? ‘‘Yo kho, mahārāja, kāyasamācāro sabyābajjho’’ 10.
‘‘гад̇амо бана, бханд̇з, гааяасамаажааро саб̣яааб̣аж̇жхо’’? ‘‘яо ко, махаарааж̇а, гааяасамаажааро д̣̇угкавибааго’’.
‘‘Katamo pana, bhante, kāyasamācāro sabyābajjho’’? ‘‘Yo kho, mahārāja, kāyasamācāro dukkhavipāko’’.
‘‘гад̇амо бана, бханд̇з, гааяасамаажааро д̣̇угкавибааго’’? ‘‘яо ко, махаарааж̇а, гааяасамаажааро ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и д̇асса агусалаа д̇хаммаа абхивад̣дханд̇и, гусалаа д̇хаммаа барихааяанд̇и; зваруубо ко, махаарааж̇а, гааяасамаажааро обаарамбхо саман̣зхи б̣раахман̣зхи вин̃н̃уухий’’д̇и.
‘‘Katamo pana, bhante, kāyasamācāro dukkhavipāko’’? ‘‘Yo kho, mahārāja, kāyasamācāro attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati tassa akusalā dhammā abhivaḍḍhanti, kusalā dhammā parihāyanti; evarūpo kho, mahārāja, kāyasamācāro opārambho samaṇehi brāhmaṇehi viññūhī’’ti.
‘‘гад̇амо бана, бханд̇з аананд̣̇а, важийсамаажааро…бз… маносамаажааро обаарамбхо саман̣зхи б̣раахман̣зхи вин̃н̃уухий’’д̇и? ‘‘яо ко, махаарааж̇а, маносамаажааро агусало’’.
‘‘Katamo pana, bhante ānanda, vacīsamācāro…pe… manosamācāro opārambho samaṇehi brāhmaṇehi viññūhī’’ti? ‘‘Yo kho, mahārāja, manosamācāro akusalo’’.
‘‘гад̇амо бана, бханд̇з, маносамаажааро агусало’’? ‘‘яо ко, махаарааж̇а, маносамаажааро сааваж̇ж̇о’’.
‘‘Katamo pana, bhante, manosamācāro akusalo’’? ‘‘Yo kho, mahārāja, manosamācāro sāvajjo’’.
‘‘гад̇амо бана, бханд̇з, маносамаажааро сааваж̇ж̇о’’? ‘‘яо ко, махаарааж̇а, маносамаажааро саб̣яааб̣аж̇жхо’’.
‘‘Katamo pana, bhante, manosamācāro sāvajjo’’? ‘‘Yo kho, mahārāja, manosamācāro sabyābajjho’’.
‘‘гад̇амо бана, бханд̇з, маносамаажааро саб̣яааб̣аж̇жхо’’? ‘‘яо ко, махаарааж̇а, маносамаажааро д̣̇угкавибааго’’.
‘‘Katamo pana, bhante, manosamācāro sabyābajjho’’? ‘‘Yo kho, mahārāja, manosamācāro dukkhavipāko’’.
‘‘гад̇амо бана, бханд̇з, маносамаажааро д̣̇угкавибааго’’? ‘‘яо ко, махаарааж̇а, маносамаажааро ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и д̇асса агусалаа д̇хаммаа абхивад̣дханд̇и, гусалаа д̇хаммаа барихааяанд̇и; зваруубо ко, махаарааж̇а, маносамаажааро обаарамбхо саман̣зхи б̣раахман̣зхи вин̃н̃уухий’’д̇и.
‘‘Katamo pana, bhante, manosamācāro dukkhavipāko’’? ‘‘Yo kho, mahārāja, manosamācāro attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati tassa akusalā dhammā abhivaḍḍhanti, kusalā dhammā parihāyanti; evarūpo kho, mahārāja, manosamācāro opārambho samaṇehi brāhmaṇehi viññūhī’’ti.
‘‘гим̣ ну ко, бханд̇з аананд̣̇а, со бхаг̇аваа саб̣б̣зсам̣язва агусалаанам̣ д̇хаммаанам̣ бахаанам̣ ван̣н̣зд̇ий’’д̇и? ‘‘саб̣б̣аагусалад̇хаммабахийно ко, махаарааж̇а, д̇ат̇ааг̇ад̇о гусалад̇хаммасаманнааг̇ад̇о’’д̇и.
‘‘Kiṃ nu kho, bhante ānanda, so bhagavā sabbesaṃyeva akusalānaṃ dhammānaṃ pahānaṃ vaṇṇetī’’ti? ‘‘Sabbākusaladhammapahīno kho, mahārāja, tathāgato kusaladhammasamannāgato’’ti.
361. ‘‘гад̇амо бана, бханд̇з аананд̣̇а, гааяасамаажааро анобаарамбхо саман̣зхи б̣раахман̣зхи вин̃н̃уухий’’д̇и? ‘‘яо ко, махаарааж̇а, гааяасамаажааро гусало’’.
361. ‘‘Katamo pana, bhante ānanda, kāyasamācāro anopārambho samaṇehi brāhmaṇehi viññūhī’’ti? ‘‘Yo kho, mahārāja, kāyasamācāro kusalo’’.
‘‘гад̇амо бана, бханд̇з, гааяасамаажааро гусало’’? ‘‘яо ко, махаарааж̇а, гааяасамаажааро анаваж̇ж̇о’’.
‘‘Katamo pana, bhante, kāyasamācāro kusalo’’? ‘‘Yo kho, mahārāja, kāyasamācāro anavajjo’’.
‘‘гад̇амо бана, бханд̇з, гааяасамаажааро анаваж̇ж̇о’’? ‘‘яо ко, махаарааж̇а, гааяасамаажааро аб̣яааб̣аж̇жхо’’.
‘‘Katamo pana, bhante, kāyasamācāro anavajjo’’? ‘‘Yo kho, mahārāja, kāyasamācāro abyābajjho’’.
‘‘гад̇амо бана, бханд̇з, гааяасамаажааро аб̣яааб̣аж̇жхо’’? ‘‘яо ко, махаарааж̇а, гааяасамаажааро сукавибааго’’.
‘‘Katamo pana, bhante, kāyasamācāro abyābajjho’’? ‘‘Yo kho, mahārāja, kāyasamācāro sukhavipāko’’.
‘‘гад̇амо бана, бханд̇з, гааяасамаажааро сукавибааго’’?
‘‘Katamo pana, bhante, kāyasamācāro sukhavipāko’’?
‘‘яо ко, махаарааж̇а, гааяасамаажааро нзвад̇д̇аб̣яааб̣аад̇хааяаби сам̣вад̇д̇ад̇и, на бараб̣яааб̣аад̇хааяаби сам̣вад̇д̇ад̇и, на убхаяаб̣яааб̣аад̇хааяаби сам̣вад̇д̇ад̇и д̇асса агусалаа д̇хаммаа барихааяанд̇и, гусалаа д̇хаммаа абхивад̣дханд̇и; зваруубо ко, махаарааж̇а, гааяасамаажааро анобаарамбхо саман̣зхи б̣раахман̣зхи вин̃н̃уухий’’д̇и.
‘‘Yo kho, mahārāja, kāyasamācāro nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati tassa akusalā dhammā parihāyanti, kusalā dhammā abhivaḍḍhanti; evarūpo kho, mahārāja, kāyasamācāro anopārambho samaṇehi brāhmaṇehi viññūhī’’ti.
‘‘гад̇амо бана, бханд̇з аананд̣̇а, важийсамаажааро…бз… маносамаажааро анобаарамбхо саман̣зхи б̣раахман̣зхи вин̃н̃уухий’’д̇и? ‘‘яо ко, махаарааж̇а, маносамаажааро гусало’’.
‘‘Katamo pana, bhante ānanda, vacīsamācāro…pe… manosamācāro anopārambho samaṇehi brāhmaṇehi viññūhī’’ti? ‘‘Yo kho, mahārāja, manosamācāro kusalo’’.
‘‘гад̇амо бана, бханд̇з, маносамаажааро гусало’’? ‘‘яо ко, махаарааж̇а, маносамаажааро анаваж̇ж̇о’’.
‘‘Katamo pana, bhante, manosamācāro kusalo’’? ‘‘Yo kho, mahārāja, manosamācāro anavajjo’’.
‘‘гад̇амо бана, бханд̇з, маносамаажааро анаваж̇ж̇о’’? ‘‘яо ко, махаарааж̇а, маносамаажааро аб̣яааб̣аж̇жхо’’.
‘‘Katamo pana, bhante, manosamācāro anavajjo’’? ‘‘Yo kho, mahārāja, manosamācāro abyābajjho’’.
‘‘гад̇амо бана, бханд̇з, маносамаажааро аб̣яааб̣аж̇жхо’’? ‘‘яо ко, махаарааж̇а, маносамаажааро сукавибааго’’.
‘‘Katamo pana, bhante, manosamācāro abyābajjho’’? ‘‘Yo kho, mahārāja, manosamācāro sukhavipāko’’.
‘‘гад̇амо бана, бханд̇з, маносамаажааро сукавибааго’’? ‘‘яо ко, махаарааж̇а, маносамаажааро нзвад̇д̇аб̣яааб̣аад̇хааяаби сам̣вад̇д̇ад̇и, на бараб̣яааб̣аад̇хааяаби сам̣вад̇д̇ад̇и, на убхаяаб̣яааб̣аад̇хааяаби сам̣вад̇д̇ад̇и. д̇асса агусалаа д̇хаммаа барихааяанд̇и, гусалаа д̇хаммаа абхивад̣дханд̇и. зваруубо ко, махаарааж̇а, маносамаажааро анобаарамбхо саман̣зхи б̣раахман̣зхи вин̃н̃уухий’’д̇и.
‘‘Katamo pana, bhante, manosamācāro sukhavipāko’’? ‘‘Yo kho, mahārāja, manosamācāro nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati. Tassa akusalā dhammā parihāyanti, kusalā dhammā abhivaḍḍhanti. Evarūpo kho, mahārāja, manosamācāro anopārambho samaṇehi brāhmaṇehi viññūhī’’ti.
‘‘гим̣ бана, бханд̇з аананд̣̇а, со бхаг̇аваа саб̣б̣зсам̣язва гусалаанам̣ д̇хаммаанам̣ убасамбад̣̇ам̣ ван̣н̣зд̇ий’’д̇и? ‘‘саб̣б̣аагусалад̇хаммабахийно ко, махаарааж̇а, д̇ат̇ааг̇ад̇о гусалад̇хаммасаманнааг̇ад̇о’’д̇и.
‘‘Kiṃ pana, bhante ānanda, so bhagavā sabbesaṃyeva kusalānaṃ dhammānaṃ upasampadaṃ vaṇṇetī’’ti? ‘‘Sabbākusaladhammapahīno kho, mahārāja, tathāgato kusaladhammasamannāgato’’ti.
362. ‘‘ажчарияам̣ , бханд̇з, аб̣бхуд̇ам̣, бханд̇з! яаава субхаасид̇ам̣ жид̣̇ам̣ 11, бханд̇з, ааяасмад̇аа аананд̣̇зна. иминаа жа маяам̣, бханд̇з, ааяасмад̇о аананд̣̇асса субхаасид̇зна ад̇д̇аманаабхирад̣̇д̇хаа. звам̣ ад̇д̇аманаабхирад̣̇д̇хаа жа маяам̣ , бханд̇з, ааяасмад̇о аананд̣̇асса субхаасид̇зна. сажз, бханд̇з, ааяасмад̇о аананд̣̇асса хад̇т̇ирад̇анам̣ габбзяяа, хад̇т̇ирад̇анамби маяам̣ ааяасмад̇о аананд̣̇асса д̣̇ад̣̇зяяаама. сажз, бханд̇з, ааяасмад̇о аананд̣̇асса ассарад̇анам̣ габбзяяа, ассарад̇анамби маяам̣ ааяасмад̇о аананд̣̇асса д̣̇ад̣̇зяяаама. сажз, бханд̇з, ааяасмад̇о аананд̣̇асса г̇аамаварам̣ габбзяяа, г̇аамаварамби маяам̣ ааяасмад̇о аананд̣̇асса д̣̇ад̣̇зяяаама. аби жа, бханд̇з, маяамбзд̇ам̣ 12 ж̇аанаама – ‘нзд̇ам̣ ааяасмад̇о аананд̣̇асса габбад̇ий’д̇и. аяам̣ мз, бханд̇з, б̣аахид̇игаа ран̃н̃аа мааг̇ад̇хзна аж̇аад̇асад̇д̇унаа взд̣̇зхибуд̇д̇зна вад̇т̇анаал̣ияаа 13 багкибид̇ваа бахид̇аа сол̣асасамаа ааяаамзна, адтасамаа вид̇т̇аарзна . д̇ам̣, бханд̇з, ааяасмаа аананд̣̇о бадиг̇г̇ан̣хаад̇у анугамбам̣ убаад̣̇ааяаа’’д̇и. ‘‘алам̣, махаарааж̇а, барибун̣н̣ам̣ мз д̇ижийвара’’нд̇и.
362. ‘‘Acchariyaṃ , bhante, abbhutaṃ, bhante! Yāva subhāsitaṃ cidaṃ 14, bhante, āyasmatā ānandena. Iminā ca mayaṃ, bhante, āyasmato ānandassa subhāsitena attamanābhiraddhā. Evaṃ attamanābhiraddhā ca mayaṃ , bhante, āyasmato ānandassa subhāsitena. Sace, bhante, āyasmato ānandassa hatthiratanaṃ kappeyya, hatthiratanampi mayaṃ āyasmato ānandassa dadeyyāma. Sace, bhante, āyasmato ānandassa assaratanaṃ kappeyya, assaratanampi mayaṃ āyasmato ānandassa dadeyyāma. Sace, bhante, āyasmato ānandassa gāmavaraṃ kappeyya, gāmavarampi mayaṃ āyasmato ānandassa dadeyyāma. Api ca, bhante, mayampetaṃ 15 jānāma – ‘netaṃ āyasmato ānandassa kappatī’ti. Ayaṃ me, bhante, bāhitikā raññā māgadhena ajātasattunā vedehiputtena vatthanāḷiyā 16 pakkhipitvā pahitā soḷasasamā āyāmena, aṭṭhasamā vitthārena . Taṃ, bhante, āyasmā ānando paṭiggaṇhātu anukampaṃ upādāyā’’ti. ‘‘Alaṃ, mahārāja, paripuṇṇaṃ me ticīvara’’nti.
‘‘аяам̣ , бханд̇з, ажиравад̇ий над̣̇ий д̣̇идтаа ааяасмад̇аа жзва аананд̣̇зна амхзхи жа. яад̣̇аа убарибаб̣б̣ад̇з махаамзгхо абхиббавудто ход̇и, ат̇ааяам̣ ажиравад̇ий над̣̇ий убхад̇о гуулаани сам̣виссанд̣̇анд̇ий г̇ажчад̇и; звамзва ко, бханд̇з, ааяасмаа аананд̣̇о имааяа б̣аахид̇игааяа ад̇д̇ано д̇ижийварам̣ гариссад̇и. яам̣ банааяасмад̇о аананд̣̇асса бураан̣ам̣ д̇ижийварам̣ д̇ам̣ саб̣рахмажаарийхи сам̣вибхаж̇иссад̇и. звааяам̣ амхаагам̣ д̣̇агкин̣аа сам̣виссанд̣̇анд̇ий ман̃н̃з г̇амиссад̇и. бадиг̇г̇ан̣хаад̇у, бханд̇з, ааяасмаа аананд̣̇о б̣аахид̇ига’’нд̇и. бадиг̇г̇ахзси ко ааяасмаа аананд̣̇о б̣аахид̇игам̣.
‘‘Ayaṃ , bhante, aciravatī nadī diṭṭhā āyasmatā ceva ānandena amhehi ca. Yadā uparipabbate mahāmegho abhippavuṭṭho hoti, athāyaṃ aciravatī nadī ubhato kūlāni saṃvissandantī gacchati; evameva kho, bhante, āyasmā ānando imāya bāhitikāya attano ticīvaraṃ karissati. Yaṃ panāyasmato ānandassa purāṇaṃ ticīvaraṃ taṃ sabrahmacārīhi saṃvibhajissati. Evāyaṃ amhākaṃ dakkhiṇā saṃvissandantī maññe gamissati. Paṭiggaṇhātu, bhante, āyasmā ānando bāhitika’’nti. Paṭiggahesi kho āyasmā ānando bāhitikaṃ.
ат̇а ко рааж̇аа басзнад̣̇и госало ааяасманд̇ам̣ аананд̣̇ам̣ зд̇ад̣̇авожа – ‘‘ханд̣̇а жа д̣̇аани маяам̣, бханд̇з аананд̣̇а, г̇ажчаама; б̣ахугижжаа маяам̣ б̣ахугаран̣ийяаа’’д̇и. ‘‘яассад̣̇аани д̇вам̣, махаарааж̇а, гаалам̣ ман̃н̃асий’’д̇и. ат̇а ко рааж̇аа басзнад̣̇и госало ааяасмад̇о аананд̣̇асса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа ааяасманд̇ам̣ аананд̣̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.
Atha kho rājā pasenadi kosalo āyasmantaṃ ānandaṃ etadavoca – ‘‘handa ca dāni mayaṃ, bhante ānanda, gacchāma; bahukiccā mayaṃ bahukaraṇīyā’’ti. ‘‘Yassadāni tvaṃ, mahārāja, kālaṃ maññasī’’ti. Atha kho rājā pasenadi kosalo āyasmato ānandassa bhāsitaṃ abhinanditvā anumoditvā uṭṭhāyāsanā āyasmantaṃ ānandaṃ abhivādetvā padakkhiṇaṃ katvā pakkāmi.
363. ат̇а ко ааяасмаа аананд̣̇о ажирабагганд̇асса ран̃н̃о басзнад̣̇исса госаласса язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о яаавад̇аго ахоси ран̃н̃аа басзнад̣̇инаа госалзна сад̣̇д̇хим̣ гат̇аасаллаабо д̇ам̣ саб̣б̣ам̣ бхаг̇авад̇о аарожзси. д̇ан̃жа б̣аахид̇игам̣ бхаг̇авад̇о баад̣̇ааси. ат̇а ко бхаг̇аваа бхигкуу ааманд̇зси – ‘‘лаабхаа, бхигкавз, ран̃н̃о басзнад̣̇исса госаласса, сулад̣̇д̇халаабхаа, бхигкавз, ран̃н̃о басзнад̣̇исса госаласса; яам̣ рааж̇аа басзнад̣̇и госало лабхад̇и аананд̣̇ам̣ д̣̇ассанааяа, лабхад̇и баяирубаасанааяаа’’д̇и.
363. Atha kho āyasmā ānando acirapakkantassa rañño pasenadissa kosalassa yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando yāvatako ahosi raññā pasenadinā kosalena saddhiṃ kathāsallāpo taṃ sabbaṃ bhagavato ārocesi. Tañca bāhitikaṃ bhagavato pādāsi. Atha kho bhagavā bhikkhū āmantesi – ‘‘lābhā, bhikkhave, rañño pasenadissa kosalassa, suladdhalābhā, bhikkhave, rañño pasenadissa kosalassa; yaṃ rājā pasenadi kosalo labhati ānandaṃ dassanāya, labhati payirupāsanāyā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
б̣аахид̇игасуд̇д̇ам̣ нидтид̇ам̣ адтамам̣.
Bāhitikasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. б̣аахид̇игасуд̇д̇аван̣н̣анаа • 8. Bāhitikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. б̣аахид̇игасуд̇д̇аван̣н̣анаа • 8. Bāhitikasuttavaṇṇanā
