| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
8. б̣аахид̇игасуд̇д̇аван̣н̣анаа
8. Bāhitikasuttavaṇṇanā
358. звам̣ мз суд̇анд̇и б̣аахид̇игасуд̇д̇ам̣. д̇ад̇т̇а згабун̣д̣арийгам̣ нааг̇анд̇и звам̣наамагам̣ хад̇т̇им̣. д̇асса гира паасугаанам̣ убари д̇аалапаламад̇д̇ам̣ бан̣д̣арадтаанам̣ ад̇т̇и , д̇знасса згабун̣д̣арийгод̇и наамам̣ агам̣су. сиривад̣дхам̣ махаамад̇д̇анд̇и бажжзгахад̇т̇им̣ абхирухид̇ваа гат̇аапаасугад̇т̇ам̣ сад̣̇д̇хим̣ г̇ажчанд̇ам̣ звам̣наамагам̣ махаамад̇д̇ам̣. ааяасмаанод̇и зд̇т̇а нод̇и бужчааяа нибаад̇о. махаамад̇д̇о т̇зрасса сан̇гхаадибад̇д̇ад̇хааран̣аагаарам̣ саллагкзд̇ваа ‘‘звам̣, махаарааж̇аа’’д̇и ааха.
358.Evaṃme sutanti bāhitikasuttaṃ. Tattha ekapuṇḍarīkaṃ nāganti evaṃnāmakaṃ hatthiṃ. Tassa kira phāsukānaṃ upari tālaphalamattaṃ paṇḍaraṭṭhānaṃ atthi , tenassa ekapuṇḍarīkoti nāmaṃ akaṃsu. Sirivaḍḍhaṃ mahāmattanti paccekahatthiṃ abhiruhitvā kathāphāsukatthaṃ saddhiṃ gacchantaṃ evaṃnāmakaṃ mahāmattaṃ. Āyasmānoti ettha noti pucchāya nipāto. Mahāmatto therassa saṅghāṭipattadhāraṇākāraṃ sallakkhetvā ‘‘evaṃ, mahārājā’’ti āha.
359. обаарамбход̇и убаарамбхам̣ д̣̇осам̣ ааробанаарахо. гим̣ бужчаамийд̇и рааж̇аа бужчад̇и. сунд̣̇аривад̇т̇усмим̣ уббаннамид̣̇ам̣ суд̇д̇ам̣, д̇ам̣ бужчаамийд̇и бужчад̇и. яан̃хи маяам̣, бханд̇зд̇и, бханд̇з, яам̣ маяам̣ вин̃н̃уухийд̇и ид̣̇ам̣ бад̣̇ам̣ г̇ахзд̇ваа бан̃хзна барибуурзд̇ум̣ наасагкимхаа, д̇ам̣ гааран̣ам̣ ааяасмад̇аа звам̣ вад̣̇анд̇зна барибуурид̇ам̣.
359.Opārambhoti upārambhaṃ dosaṃ āropanāraho. Kiṃ pucchāmīti rājā pucchati. Sundarivatthusmiṃ uppannamidaṃ suttaṃ, taṃ pucchāmīti pucchati. Yañhi mayaṃ, bhanteti, bhante, yaṃ mayaṃ viññūhīti idaṃ padaṃ gahetvā pañhena paripūretuṃ nāsakkhimhā, taṃ kāraṇaṃ āyasmatā evaṃ vadantena paripūritaṃ.
360. агусалод̇и агосалласамбхууд̇о. сааваж̇ж̇од̇и сад̣̇осо. саб̣яааб̣аж̇жход̇и сад̣̇угко. д̣̇угкавибаагод̇и ид̇ха ниссанд̣̇авибааго гат̇ид̇о. д̇ассаад̇и д̇асса звам̣ ад̇д̇аб̣яааб̣аад̇хаад̣̇ийнам̣ ад̇т̇ааяа бавад̇д̇агааяасамаажаарасса.
360.Akusaloti akosallasambhūto. Sāvajjoti sadoso. Sabyābajjhoti sadukkho. Dukkhavipākoti idha nissandavipāko kathito. Tassāti tassa evaṃ attabyābādhādīnaṃ atthāya pavattakāyasamācārassa.
саб̣б̣аагусалад̇хаммабахийно ко, махаарааж̇а, д̇ат̇ааг̇ад̇о гусалад̇хаммасаманнааг̇ад̇од̇и зд̇т̇а саб̣б̣зсам̣язва агусалаанам̣ д̇хаммаанам̣ бахаанам̣ ван̣н̣зд̇ийд̇и. аама ван̣н̣зд̇ийд̇и вуд̇д̇з яат̇аа бужчаа, д̇ат̇аа ад̇т̇о вуд̇д̇о бхавзяяа. звам̣ б̣яаагаран̣ам̣ бана на бхаарияам̣. аббахийнаагусалоби хи бахаанам̣ ван̣н̣зяяа, бхаг̇аваа бана бахийнаагусалад̇ааяа яат̇аагаарий д̇ат̇ааваад̣̇ийд̇и д̣̇ассзд̇ум̣ звам̣ б̣яаагааси. суггабагкзби зсзва наяо.
Sabbākusaladhammapahīno kho, mahārāja, tathāgato kusaladhammasamannāgatoti ettha sabbesaṃyeva akusalānaṃ dhammānaṃ pahānaṃ vaṇṇetīti. Āma vaṇṇetīti vutte yathā pucchā, tathā attho vutto bhaveyya. Evaṃ byākaraṇaṃ pana na bhāriyaṃ. Appahīnaakusalopi hi pahānaṃ vaṇṇeyya, bhagavā pana pahīnākusalatāya yathākārī tathāvādīti dassetuṃ evaṃ byākāsi. Sukkapakkhepi eseva nayo.
362. б̣аахид̇игаад̇и б̣аахид̇ирадтз удтид̇авад̇т̇ассзд̇ам̣ наамам̣. сол̣асасамаа ааяаамзнаад̇и ааяаамзна самасол̣асахад̇т̇аа. адтасамаа вид̇т̇аарзнаад̇и вид̇т̇аарзна самаадтахад̇т̇аа.
362.Bāhitikāti bāhitiraṭṭhe uṭṭhitavatthassetaṃ nāmaṃ. Soḷasasamā āyāmenāti āyāmena samasoḷasahatthā. Aṭṭhasamā vitthārenāti vitthārena samaaṭṭhahatthā.
363. бхаг̇авад̇о баад̣̇аасийд̇и бхаг̇авад̇о нияяаад̇зси. д̣̇ад̇ваа жа бана г̇анд̇хагудияам̣ вид̇аанам̣ гад̇ваа б̣анд̇хи. д̇ад̇о бадтааяа г̇анд̇хагуди бхияяосомад̇д̇ааяа собхи. сзсам̣ саб̣б̣ад̇т̇а уд̇д̇аанамзва. нзяяабуг̇г̇аласса бана васзна аяам̣ д̣̇зсанаа нидтид̇аад̇и.
363.Bhagavatopādāsīti bhagavato niyyātesi. Datvā ca pana gandhakuṭiyaṃ vitānaṃ katvā bandhi. Tato paṭṭhāya gandhakuṭi bhiyyosomattāya sobhi. Sesaṃ sabbattha uttānameva. Neyyapuggalassa pana vasena ayaṃ desanā niṭṭhitāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
б̣аахид̇игасуд̇д̇аван̣н̣анаа нидтид̇аа.
Bāhitikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. б̣аахид̇игасуд̇д̇ам̣ • 8. Bāhitikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. б̣аахид̇игасуд̇д̇аван̣н̣анаа • 8. Bāhitikasuttavaṇṇanā
