| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੮. ਬਾਹਿਤਿਕਸੁਤ੍ਤવਣ੍ਣਨਾ
8. Bāhitikasuttavaṇṇanā
੩੫੮. ਏવਂ ਮੇ ਸੁਤਨ੍ਤਿ ਬਾਹਿਤਿਕਸੁਤ੍ਤਂ। ਤਤ੍ਥ ਏਕਪੁਣ੍ਡਰੀਕਂ ਨਾਗਨ੍ਤਿ ਏવਂਨਾਮਕਂ ਹਤ੍ਥਿਂ। ਤਸ੍ਸ ਕਿਰ ਫਾਸੁਕਾਨਂ ਉਪਰਿ ਤਾਲਫਲਮਤ੍ਤਂ ਪਣ੍ਡਰਟ੍ਠਾਨਂ ਅਤ੍ਥਿ , ਤੇਨਸ੍ਸ ਏਕਪੁਣ੍ਡਰੀਕੋਤਿ ਨਾਮਂ ਅਕਂਸੁ। ਸਿਰਿવਡ੍ਢਂ ਮਹਾਮਤ੍ਤਨ੍ਤਿ ਪਚ੍ਚੇਕਹਤ੍ਥਿਂ ਅਭਿਰੁਹਿਤ੍વਾ ਕਥਾਫਾਸੁਕਤ੍ਥਂ ਸਦ੍ਧਿਂ ਗਚ੍ਛਨ੍ਤਂ ਏવਂਨਾਮਕਂ ਮਹਾਮਤ੍ਤਂ। ਆਯਸ੍ਮਾਨੋਤਿ ਏਤ੍ਥ ਨੋਤਿ ਪੁਚ੍ਛਾਯ ਨਿਪਾਤੋ। ਮਹਾਮਤ੍ਤੋ ਥੇਰਸ੍ਸ ਸਙ੍ਘਾਟਿਪਤ੍ਤਧਾਰਣਾਕਾਰਂ ਸਲ੍ਲਕ੍ਖੇਤ੍વਾ ‘‘ਏવਂ, ਮਹਾਰਾਜਾ’’ਤਿ ਆਹ।
358.Evaṃme sutanti bāhitikasuttaṃ. Tattha ekapuṇḍarīkaṃ nāganti evaṃnāmakaṃ hatthiṃ. Tassa kira phāsukānaṃ upari tālaphalamattaṃ paṇḍaraṭṭhānaṃ atthi , tenassa ekapuṇḍarīkoti nāmaṃ akaṃsu. Sirivaḍḍhaṃ mahāmattanti paccekahatthiṃ abhiruhitvā kathāphāsukatthaṃ saddhiṃ gacchantaṃ evaṃnāmakaṃ mahāmattaṃ. Āyasmānoti ettha noti pucchāya nipāto. Mahāmatto therassa saṅghāṭipattadhāraṇākāraṃ sallakkhetvā ‘‘evaṃ, mahārājā’’ti āha.
੩੫੯. ਓਪਾਰਮ੍ਭੋਤਿ ਉਪਾਰਮ੍ਭਂ ਦੋਸਂ ਆਰੋਪਨਾਰਹੋ। ਕਿਂ ਪੁਚ੍ਛਾਮੀਤਿ ਰਾਜਾ ਪੁਚ੍ਛਤਿ। ਸੁਨ੍ਦਰਿવਤ੍ਥੁਸ੍ਮਿਂ ਉਪ੍ਪਨ੍ਨਮਿਦਂ ਸੁਤ੍ਤਂ, ਤਂ ਪੁਚ੍ਛਾਮੀਤਿ ਪੁਚ੍ਛਤਿ। ਯਞ੍ਹਿ ਮਯਂ, ਭਨ੍ਤੇਤਿ, ਭਨ੍ਤੇ, ਯਂ ਮਯਂ વਿਞ੍ਞੂਹੀਤਿ ਇਦਂ ਪਦਂ ਗਹੇਤ੍વਾ ਪਞ੍ਹੇਨ ਪਰਿਪੂਰੇਤੁਂ ਨਾਸਕ੍ਖਿਮ੍ਹਾ, ਤਂ ਕਾਰਣਂ ਆਯਸ੍ਮਤਾ ਏવਂ વਦਨ੍ਤੇਨ ਪਰਿਪੂਰਿਤਂ।
359.Opārambhoti upārambhaṃ dosaṃ āropanāraho. Kiṃ pucchāmīti rājā pucchati. Sundarivatthusmiṃ uppannamidaṃ suttaṃ, taṃ pucchāmīti pucchati. Yañhi mayaṃ, bhanteti, bhante, yaṃ mayaṃ viññūhīti idaṃ padaṃ gahetvā pañhena paripūretuṃ nāsakkhimhā, taṃ kāraṇaṃ āyasmatā evaṃ vadantena paripūritaṃ.
੩੬੦. ਅਕੁਸਲੋਤਿ ਅਕੋਸਲ੍ਲਸਮ੍ਭੂਤੋ। ਸਾવਜ੍ਜੋਤਿ ਸਦੋਸੋ। ਸਬ੍ਯਾਬਜ੍ਝੋਤਿ ਸਦੁਕ੍ਖੋ। ਦੁਕ੍ਖવਿਪਾਕੋਤਿ ਇਧ ਨਿਸ੍ਸਨ੍ਦવਿਪਾਕੋ ਕਥਿਤੋ। ਤਸ੍ਸਾਤਿ ਤਸ੍ਸ ਏવਂ ਅਤ੍ਤਬ੍ਯਾਬਾਧਾਦੀਨਂ ਅਤ੍ਥਾਯ ਪવਤ੍ਤਕਾਯਸਮਾਚਾਰਸ੍ਸ।
360.Akusaloti akosallasambhūto. Sāvajjoti sadoso. Sabyābajjhoti sadukkho. Dukkhavipākoti idha nissandavipāko kathito. Tassāti tassa evaṃ attabyābādhādīnaṃ atthāya pavattakāyasamācārassa.
ਸਬ੍ਬਾਕੁਸਲਧਮ੍ਮਪਹੀਨੋ ਖੋ, ਮਹਾਰਾਜ, ਤਥਾਗਤੋ ਕੁਸਲਧਮ੍ਮਸਮਨ੍ਨਾਗਤੋਤਿ ਏਤ੍ਥ ਸਬ੍ਬੇਸਂਯੇવ ਅਕੁਸਲਾਨਂ ਧਮ੍ਮਾਨਂ ਪਹਾਨਂ વਣ੍ਣੇਤੀਤਿ। ਆਮ વਣ੍ਣੇਤੀਤਿ વੁਤ੍ਤੇ ਯਥਾ ਪੁਚ੍ਛਾ, ਤਥਾ ਅਤ੍ਥੋ વੁਤ੍ਤੋ ਭવੇਯ੍ਯ। ਏવਂ ਬ੍ਯਾਕਰਣਂ ਪਨ ਨ ਭਾਰਿਯਂ। ਅਪ੍ਪਹੀਨਅਕੁਸਲੋਪਿ ਹਿ ਪਹਾਨਂ વਣ੍ਣੇਯ੍ਯ, ਭਗવਾ ਪਨ ਪਹੀਨਾਕੁਸਲਤਾਯ ਯਥਾਕਾਰੀ ਤਥਾવਾਦੀਤਿ ਦਸ੍ਸੇਤੁਂ ਏવਂ ਬ੍ਯਾਕਾਸਿ। ਸੁਕ੍ਕਪਕ੍ਖੇਪਿ ਏਸੇવ ਨਯੋ।
Sabbākusaladhammapahīno kho, mahārāja, tathāgato kusaladhammasamannāgatoti ettha sabbesaṃyeva akusalānaṃ dhammānaṃ pahānaṃ vaṇṇetīti. Āma vaṇṇetīti vutte yathā pucchā, tathā attho vutto bhaveyya. Evaṃ byākaraṇaṃ pana na bhāriyaṃ. Appahīnaakusalopi hi pahānaṃ vaṇṇeyya, bhagavā pana pahīnākusalatāya yathākārī tathāvādīti dassetuṃ evaṃ byākāsi. Sukkapakkhepi eseva nayo.
੩੬੨. ਬਾਹਿਤਿਕਾਤਿ ਬਾਹਿਤਿਰਟ੍ਠੇ ਉਟ੍ਠਿਤવਤ੍ਥਸ੍ਸੇਤਂ ਨਾਮਂ। ਸੋਲ਼ਸਸਮਾ ਆਯਾਮੇਨਾਤਿ ਆਯਾਮੇਨ ਸਮਸੋਲ਼ਸਹਤ੍ਥਾ। ਅਟ੍ਠਸਮਾ વਿਤ੍ਥਾਰੇਨਾਤਿ વਿਤ੍ਥਾਰੇਨ ਸਮਅਟ੍ਠਹਤ੍ਥਾ।
362.Bāhitikāti bāhitiraṭṭhe uṭṭhitavatthassetaṃ nāmaṃ. Soḷasasamā āyāmenāti āyāmena samasoḷasahatthā. Aṭṭhasamā vitthārenāti vitthārena samaaṭṭhahatthā.
੩੬੩. ਭਗવਤੋ ਪਾਦਾਸੀਤਿ ਭਗવਤੋ ਨਿਯ੍ਯਾਤੇਸਿ। ਦਤ੍વਾ ਚ ਪਨ ਗਨ੍ਧਕੁਟਿਯਂ વਿਤਾਨਂ ਕਤ੍વਾ ਬਨ੍ਧਿ। ਤਤੋ ਪਟ੍ਠਾਯ ਗਨ੍ਧਕੁਟਿ ਭਿਯ੍ਯੋਸੋਮਤ੍ਤਾਯ ਸੋਭਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવ। ਨੇਯ੍ਯਪੁਗ੍ਗਲਸ੍ਸ ਪਨ વਸੇਨ ਅਯਂ ਦੇਸਨਾ ਨਿਟ੍ਠਿਤਾਤਿ।
363.Bhagavatopādāsīti bhagavato niyyātesi. Datvā ca pana gandhakuṭiyaṃ vitānaṃ katvā bandhi. Tato paṭṭhāya gandhakuṭi bhiyyosomattāya sobhi. Sesaṃ sabbattha uttānameva. Neyyapuggalassa pana vasena ayaṃ desanā niṭṭhitāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਬਾਹਿਤਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Bāhitikasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੮. ਬਾਹਿਤਿਕਸੁਤ੍ਤਂ • 8. Bāhitikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੮. ਬਾਹਿਤਿਕਸੁਤ੍ਤવਣ੍ਣਨਾ • 8. Bāhitikasuttavaṇṇanā
