| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. б̣аахияад̇т̇зраабад̣̇аанаван̣н̣анаа
6. Bāhiyattheraapadānavaṇṇanā
чадтаабад̣̇аанз ид̇о сад̇асахассамхийд̇иаад̣̇игам̣ ааяасмад̇о б̣аахияасса д̣̇ааружийрияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇о б̣раахман̣асиббзсу нибпад̇д̇им̣ г̇анд̇ваа взд̣̇ан̇г̇зсу анаваяо згад̣̇ивасам̣ сад̇т̇у санд̇игам̣ г̇анд̇ваа д̇хаммам̣ сун̣анд̇о басаннамаанасо сад̇т̇аарам̣ згам̣ бхигкум̣ киббаабхин̃н̃аанам̣ аг̇г̇адтаанз табзнд̇ам̣ д̣̇исваа д̇ам̣ таанам̣ бад̇д̇угаамо сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа сад̇д̇аахасса ажжаязна бхаг̇авад̇о баад̣̇амуулз нибанно ‘‘бхаг̇аваа, бханд̇з, ид̇о сад̇д̇амз д̣̇ивасз яам̣ бхигкум̣ киббаабхин̃н̃аанам̣ аг̇г̇адтаанз табзси, со вияа ахамби анааг̇ад̇з згасса б̣уд̣̇д̇хасса саасанз киббаабхин̃н̃аанам̣ аг̇г̇о бхавзяяа’’нд̇и бад̇т̇анам̣ агааси . бхаг̇аваа анааг̇ад̇ам̣сан̃аан̣зна ологзд̇ваа самиж̇жханабхаавам̣ н̃ад̇ваа ‘‘анааг̇ад̇з г̇од̇амасса бхаг̇авад̇о саасанз баб̣б̣аж̇ид̇ваа киббаабхин̃н̃аанам̣ аг̇г̇о бхависсад̇ий’’д̇и б̣яаагааси. со яаавад̇ааяугам̣ бун̃н̃аани гад̇ваа д̇ад̇о жуд̇о д̣̇звалогз ниб̣б̣ад̇д̇о д̇ад̇т̇а ча гаамааважарасамбад̇д̇ияо анубхавид̇ваа буна мануссзсу жаггавад̇д̇иаад̣̇исамбад̇д̇ияо анзгагаббагодисад̇зсу анубхавид̇ваа гассабасса бхаг̇авад̇о гаалз згасмим̣ гулз ниб̣б̣ад̇д̇о, бхаг̇авад̇и бариниб̣б̣уд̇з баб̣б̣аж̇ид̇о яад̣̇аа саасанз осаггамаанз сад̇д̇а бхигкуу жад̇уннам̣ барисаанам̣ аж̇жхаажаарам̣ д̣̇исваа сам̣взг̇аббад̇д̇аа аран̃н̃ам̣ бависид̇ваа ‘‘яаава саасанасса анд̇арад̇хаанам̣ на ход̇и, д̇аава ад̇д̇ано бад̇идтам̣ гариссаамаа’’д̇и суван̣н̣ажзд̇ияам̣ ванд̣̇ид̇ваа д̇ад̇т̇а аран̃н̃з згам̣ баб̣б̣ад̇ам̣ д̣̇исваа ‘‘ж̇ийвид̇асаалаяаа нивад̇д̇анд̇у, нираалаяаа имам̣ баб̣б̣ад̇ам̣ абхируханд̇уу’’д̇и ниссзн̣им̣ б̣анд̇хид̇ваа саб̣б̣з д̇ам̣ баб̣б̣ад̇ам̣ абхируяха ниссзн̣им̣ баад̇зд̇ваа саман̣ад̇хаммам̣ гарим̣су. д̇зсу сан̇гхад̇т̇зро згарад̇д̇аад̇иггамзна арахад̇д̇ам̣ баабун̣и. со анод̇ад̇д̇ад̣̇ахз нааг̇алад̇аад̣̇анд̇агадтам̣ каад̣̇ид̇ваа мукам̣ д̇ховид̇ваа уд̇д̇арагуруд̇о бин̣д̣абаад̇ам̣ аахарид̇ваа д̇з бхигкуу ааха – ‘‘аавусо, имам̣ бин̣д̣абаад̇ам̣ бхун̃ж̇ат̇аа’’д̇и. д̇з аахам̣су – ‘‘гим̣, бханд̇з, амхзхи звам̣ гад̇игаа гад̇аа ‘яо батамам̣ арахад̇д̇ам̣ баабун̣аад̇и, д̇знаабхад̇ам̣ бин̣д̣абаад̇ам̣ авасзсаа барибхун̃ж̇анд̇уу’’’д̇и? ‘‘но хзд̇ам̣, аавусо’’д̇и. ‘‘д̇зна хи сажз маяамби д̇умхз вияа висзсам̣ ниб̣б̣ад̇д̇зссаама, саяам̣ аахарид̇ваа бхун̃ж̇иссаамаа’’д̇и на ижчим̣су.
Chaṭṭhāpadāne ito satasahassamhītiādikaṃ āyasmato bāhiyassa dārucīriyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto brāhmaṇasippesu nipphattiṃ gantvā vedaṅgesu anavayo ekadivasaṃ satthu santikaṃ gantvā dhammaṃ suṇanto pasannamānaso satthāraṃ ekaṃ bhikkhuṃ khippābhiññānaṃ aggaṭṭhāne ṭhapentaṃ disvā taṃ ṭhānaṃ pattukāmo sattāhaṃ buddhappamukhassa bhikkhusaṅghassa mahādānaṃ datvā sattāhassa accayena bhagavato pādamūle nipanno ‘‘bhagavā, bhante, ito sattame divase yaṃ bhikkhuṃ khippābhiññānaṃ aggaṭṭhāne ṭhapesi, so viya ahampi anāgate ekassa buddhassa sāsane khippābhiññānaṃ aggo bhaveyya’’nti patthanaṃ akāsi . Bhagavā anāgataṃsañāṇena oloketvā samijjhanabhāvaṃ ñatvā ‘‘anāgate gotamassa bhagavato sāsane pabbajitvā khippābhiññānaṃ aggo bhavissatī’’ti byākāsi. So yāvatāyukaṃ puññāni katvā tato cuto devaloke nibbatto tattha cha kāmāvacarasampattiyo anubhavitvā puna manussesu cakkavattiādisampattiyo anekakappakoṭisatesu anubhavitvā kassapassa bhagavato kāle ekasmiṃ kule nibbatto, bhagavati parinibbute pabbajito yadā sāsane osakkamāne satta bhikkhū catunnaṃ parisānaṃ ajjhācāraṃ disvā saṃvegappattā araññaṃ pavisitvā ‘‘yāva sāsanassa antaradhānaṃ na hoti, tāva attano patiṭṭhaṃ karissāmā’’ti suvaṇṇacetiyaṃ vanditvā tattha araññe ekaṃ pabbataṃ disvā ‘‘jīvitasālayā nivattantu, nirālayā imaṃ pabbataṃ abhiruhantū’’ti nisseṇiṃ bandhitvā sabbe taṃ pabbataṃ abhiruyha nisseṇiṃ pātetvā samaṇadhammaṃ kariṃsu. Tesu saṅghatthero ekarattātikkamena arahattaṃ pāpuṇi. So anotattadahe nāgalatādantakaṭṭhaṃ khāditvā mukhaṃ dhovitvā uttarakuruto piṇḍapātaṃ āharitvā te bhikkhū āha – ‘‘āvuso, imaṃ piṇḍapātaṃ bhuñjathā’’ti. Te āhaṃsu – ‘‘kiṃ, bhante, amhehi evaṃ katikā katā ‘yo paṭhamaṃ arahattaṃ pāpuṇāti, tenābhataṃ piṇḍapātaṃ avasesā paribhuñjantū’’’ti? ‘‘No hetaṃ, āvuso’’ti. ‘‘Tena hi sace mayampi tumhe viya visesaṃ nibbattessāma, sayaṃ āharitvā bhuñjissāmā’’ti na icchiṃsu.
д̣̇уд̇ияад̣̇ивасз д̣̇уд̇ияад̇т̇зро анааг̇аамий худ̇ваа д̇ат̇зва бин̣д̣абаад̇ам̣ аахарид̇ваа ид̇арз ниманд̇зси. д̇з звамаахам̣су – ‘‘гим̣ банаавусо, гад̇игаа гад̇аа, ‘махаат̇зрзна аабхад̇ам̣ бин̣д̣абаад̇ам̣ абхун̃ж̇ид̇ваа анут̇зрзна аабхад̇ам̣ бхун̃ж̇иссаамаа’’’д̇и? ‘‘но хзд̇ам̣, аавусо’’д̇и. ‘‘звам̣ санд̇з д̇умхз вияа маяамби висзсам̣ ниб̣б̣ад̇д̇зд̇ваа ад̇д̇ано ад̇д̇ано бурисагаарзна бхун̃ж̇ид̇ум̣ саггонд̇аа бхун̃ж̇иссаамаа’’д̇и на ижчим̣су. д̇зсу арахад̇д̇аббад̇д̇ад̇т̇зро бариниб̣б̣ааяи, д̣̇уд̇ияо анааг̇аамий б̣рахмалогз ниб̣б̣ад̇д̇и, ид̇арз бан̃жа висзсам̣ ниб̣б̣ад̇д̇зд̇ум̣ асаггонд̇аа суссид̇ваа сад̇д̇амз д̣̇ивасз гаалам̣ гад̇ваа д̣̇звалогз ниб̣б̣ад̇д̇им̣су. д̇ад̇т̇а д̣̇иб̣б̣асукам̣ анубхавид̇ваа имасмим̣ б̣уд̣̇д̇хуббаад̣̇з д̇ад̇о жавид̇ваа мануссзсу ниб̣б̣ад̇д̇им̣су. д̇зсу зго буггусаад̇и рааж̇аа ахоси, зго г̇анд̇хаарарадтз д̇аггасилааяам̣ гумаарагассабо, зго б̣аахияо д̣̇ааружийрияо, зго д̣̇аб̣б̣о маллабуд̇д̇о, зго сабхияо бариб̣б̣ааж̇агод̇и. д̇зсу аяам̣ б̣аахияо д̣̇ааружийрияо суббаарагабадданз ваан̣иж̇агулз ниб̣б̣ад̇д̇о ваан̣иж̇агаммз нибпад̇д̇им̣ г̇ад̇о махад̣̇д̇хано махаабхог̇о, со суван̣н̣абхуумим̣ г̇ажчанд̇зхи ваан̣иж̇зхи сад̣̇д̇хим̣ наавамааруяха вид̣̇зсам̣ г̇ажчанд̇о гад̇ибаахам̣ г̇анд̇ваа бхиннааяа наавааяа сзсзсу мажчагажчабабхагкзсу ж̇аад̇зсу згоязва авасидто згам̣ палагам̣ г̇ахзд̇ваа вааяаманд̇о сад̇д̇амз д̣̇ивасз суббаарагабадданад̇ийрам̣ оггами. д̇асса ниваасанабаарубанам̣ над̇т̇и, со ан̃н̃ам̣ гин̃жи абассанд̇о сугкагадтад̣̇ан̣д̣агз ваагзхи баливзтзд̇ваа ниваасзд̇ваа баарубид̇ваа жа д̣̇звагулад̇о габаалам̣ г̇ахзд̇ваа суббаарагабадданам̣ аг̇амааси. мануссаа д̇ам̣ д̣̇исваа яааг̇убхад̇д̇аад̣̇ийни д̣̇ад̇ваа ‘‘аяам̣ зго арахаа’’д̇и самбхаавзсум̣. со вад̇т̇зсу убанийд̇зсу ‘‘сажаахам̣ ниваасзми, баарубаами ваа, лаабхасаггааро мз барихааяиссад̇ий’’д̇и д̇аани бадигкибид̇ваа д̣̇ааружийраанзва барихари.
Dutiyadivase dutiyatthero anāgāmī hutvā tatheva piṇḍapātaṃ āharitvā itare nimantesi. Te evamāhaṃsu – ‘‘kiṃ panāvuso, katikā katā, ‘mahātherena ābhataṃ piṇḍapātaṃ abhuñjitvā anutherena ābhataṃ bhuñjissāmā’’’ti? ‘‘No hetaṃ, āvuso’’ti. ‘‘Evaṃ sante tumhe viya mayampi visesaṃ nibbattetvā attano attano purisakārena bhuñjituṃ sakkontā bhuñjissāmā’’ti na icchiṃsu. Tesu arahattappattatthero parinibbāyi, dutiyo anāgāmī brahmaloke nibbatti, itare pañca visesaṃ nibbattetuṃ asakkontā sussitvā sattame divase kālaṃ katvā devaloke nibbattiṃsu. Tattha dibbasukhaṃ anubhavitvā imasmiṃ buddhuppāde tato cavitvā manussesu nibbattiṃsu. Tesu eko pukkusāti rājā ahosi, eko gandhāraraṭṭhe takkasilāyaṃ kumārakassapo, eko bāhiyo dārucīriyo, eko dabbo mallaputto, eko sabhiyo paribbājakoti. Tesu ayaṃ bāhiyo dārucīriyo suppārakapaṭṭane vāṇijakule nibbatto vāṇijakamme nipphattiṃ gato mahaddhano mahābhogo, so suvaṇṇabhūmiṃ gacchantehi vāṇijehi saddhiṃ nāvamāruyha videsaṃ gacchanto katipāhaṃ gantvā bhinnāya nāvāya sesesu macchakacchapabhakkhesu jātesu ekoyeva avasiṭṭho ekaṃ phalakaṃ gahetvā vāyamanto sattame divase suppārakapaṭṭanatīraṃ okkami. Tassa nivāsanapārupanaṃ natthi, so aññaṃ kiñci apassanto sukkhakaṭṭhadaṇḍake vākehi paliveṭhetvā nivāsetvā pārupitvā ca devakulato kapālaṃ gahetvā suppārakapaṭṭanaṃ agamāsi. Manussā taṃ disvā yāgubhattādīni datvā ‘‘ayaṃ eko arahā’’ti sambhāvesuṃ. So vatthesu upanītesu ‘‘sacāhaṃ nivāsemi, pārupāmi vā, lābhasakkāro me parihāyissatī’’ti tāni paṭikkhipitvā dārucīrāneva parihari.
ат̇асса ‘‘арахаа, арахаа’’д̇и б̣ахуухи самбхаавияамаанасса звам̣ жзд̇асо баривид̇агго уд̣̇абаад̣̇и ‘‘яз гзжи логз араханд̇о ваа арахад̇д̇амаг̇г̇ам̣ ваа самаабаннаа, ахам̣ д̇зсам̣ ан̃н̃ад̇аро’’д̇и со д̇зна нияаамзна гуханагаммзна ж̇ийвигам̣ габбзд̇и.
Athassa ‘‘arahā, arahā’’ti bahūhi sambhāviyamānassa evaṃ cetaso parivitakko udapādi ‘‘ye keci loke arahanto vā arahattamaggaṃ vā samāpannā, ahaṃ tesaṃ aññataro’’ti so tena niyāmena kuhanakammena jīvikaṃ kappeti.
гассабад̣̇асаб̣аласса саасанз сад̇д̇асу ж̇анзсу баб̣б̣ад̇ам̣ ааруяха саман̣ад̇хаммам̣ гаронд̇зсу зго анааг̇аамий худ̇ваа суд̣̇д̇хааваасаб̣рахмалогз ниб̣б̣ад̇д̇ид̇ваа ад̇д̇ано б̣рахмасамбад̇д̇им̣ ологзнд̇о ааг̇ад̇адтаанам̣ ааваж̇ж̇знд̇о баб̣б̣ад̇амааруяха саман̣ад̇хаммам̣ гаран̣адтаанам̣ д̣̇исваа сзсаанам̣ ниб̣б̣ад̇д̇анадтаанам̣ ааваж̇ж̇знд̇о згасса бариниб̣б̣уд̇абхаавам̣ ид̇арзсан̃жа бан̃жаннам̣ гаамааважарад̣̇звалогз ниб̣б̣ад̇д̇абхаавам̣ н̃ад̇ваа д̇з гаалаанугаалам̣ ааваж̇ж̇зси ‘‘имасмим̣ бана гаалз гахам̣ ну ко д̇з’’д̇и ааваж̇ж̇знд̇о д̣̇ааружийрияам̣ суббаарагабадданам̣ ниссааяа гуханагаммзна ж̇ийвид̇ам̣ габбзнд̇ам̣ д̣̇исваа ‘‘надто вад̇ааяам̣ б̣аало, буб̣б̣з саман̣ад̇хаммам̣ гаронд̇о ад̇иуггадтабхаавзна арахад̇ааби аабхад̇ам̣ бин̣д̣абаад̇ам̣ абарибхун̃ж̇ид̇ваа ид̣̇аани уд̣̇арахзд̇у анаарахаава самаано арахад̇д̇ам̣ бадиж̇аанид̇ваа логам̣ ван̃жзнд̇о вижарад̇и, д̣̇асаб̣аласса уббаннабхаавам̣ на ж̇аанаад̇и, г̇ажчаами нам̣ сам̣взж̇зд̇ваа б̣уд̣̇д̇хуббаад̣̇ам̣ ж̇аанаабзссаамий’’д̇и кан̣знзва б̣рахмалогад̇о од̇арид̇ваа суббаарагабадданз рад̇д̇ибхааг̇асамананд̇арз д̣̇ааружийрияасса саммукз баад̇урахоси. со ад̇д̇ано васанадтаанз обхаасам̣ д̣̇исваа б̣ахи нигкамид̇ваа махааб̣рахмаанам̣ д̣̇исваа ан̃ж̇алим̣ баг̇г̇аяха ‘‘гз д̇умхз’’д̇и бужчи. ‘‘ахам̣ д̇умхаагам̣ бораан̣агасахааяо анааг̇аамипалам̣ бад̇ваа б̣рахмалогз ниб̣б̣ад̇д̇о, амхаагам̣ саб̣б̣аж̇здтаго арахаа худ̇ваа бариниб̣б̣уд̇о, д̇умхз бана бан̃жаж̇анаа д̣̇звалогз ниб̣б̣ад̇д̇аа. сваахам̣ д̣̇аани д̇ам̣ имасмим̣ таанз гуханагаммзна ж̇ийвигам̣ габбзнд̇ам̣ д̣̇исваа д̣̇амид̇ум̣ ааг̇ад̇о’’д̇и вад̇ваа ид̣̇ам̣ гааран̣ам̣ ааха – ‘‘нзва ко д̇вам̣, б̣аахияа, арахаа нааби арахад̇д̇амаг̇г̇ам̣ ваа самаабанно, сааби д̇з бадибад̣̇аа над̇т̇и, яааяа д̇вам̣ арахаа ваа асса арахад̇д̇амаг̇г̇ам̣ ваа самаабанно’’д̇и. ат̇асса сад̇т̇у уббаннабхаавам̣ саавад̇т̇ияам̣ васанабхааван̃жа аажигкид̇ваа ‘‘сад̇т̇у санд̇игам̣ г̇ажчаа’’д̇и д̇ам̣ уяяож̇зд̇ваа б̣рахмалогамзва аг̇амааси.
Kassapadasabalassa sāsane sattasu janesu pabbataṃ āruyha samaṇadhammaṃ karontesu eko anāgāmī hutvā suddhāvāsabrahmaloke nibbattitvā attano brahmasampattiṃ olokento āgataṭṭhānaṃ āvajjento pabbatamāruyha samaṇadhammaṃ karaṇaṭṭhānaṃ disvā sesānaṃ nibbattanaṭṭhānaṃ āvajjento ekassa parinibbutabhāvaṃ itaresañca pañcannaṃ kāmāvacaradevaloke nibbattabhāvaṃ ñatvā te kālānukālaṃ āvajjesi ‘‘imasmiṃ pana kāle kahaṃ nu kho te’’ti āvajjento dārucīriyaṃ suppārakapaṭṭanaṃ nissāya kuhanakammena jīvitaṃ kappentaṃ disvā ‘‘naṭṭho vatāyaṃ bālo, pubbe samaṇadhammaṃ karonto atiukkaṭṭhabhāvena arahatāpi ābhataṃ piṇḍapātaṃ aparibhuñjitvā idāni udarahetu anārahāva samāno arahattaṃ paṭijānitvā lokaṃ vañcento vicarati, dasabalassa uppannabhāvaṃ na jānāti, gacchāmi naṃ saṃvejetvā buddhuppādaṃ jānāpessāmī’’ti khaṇeneva brahmalokato otaritvā suppārakapaṭṭane rattibhāgasamanantare dārucīriyassa sammukhe pāturahosi. So attano vasanaṭṭhāne obhāsaṃ disvā bahi nikkhamitvā mahābrahmānaṃ disvā añjaliṃ paggayha ‘‘ke tumhe’’ti pucchi. ‘‘Ahaṃ tumhākaṃ porāṇakasahāyo anāgāmiphalaṃ patvā brahmaloke nibbatto, amhākaṃ sabbajeṭṭhako arahā hutvā parinibbuto, tumhe pana pañcajanā devaloke nibbattā. Svāhaṃ dāni taṃ imasmiṃ ṭhāne kuhanakammena jīvikaṃ kappentaṃ disvā damituṃ āgato’’ti vatvā idaṃ kāraṇaṃ āha – ‘‘neva kho tvaṃ, bāhiya, arahā nāpi arahattamaggaṃ vā samāpanno, sāpi te paṭipadā natthi, yāya tvaṃ arahā vā assa arahattamaggaṃ vā samāpanno’’ti. Athassa satthu uppannabhāvaṃ sāvatthiyaṃ vasanabhāvañca ācikkhitvā ‘‘satthu santikaṃ gacchā’’ti taṃ uyyojetvā brahmalokameva agamāsi.
б̣аахияо бана аагаасз тад̇ваа гат̇знд̇ам̣ махааб̣рахмаанам̣ ологзд̇ваа жинд̇зси – ‘‘ахо бхаарияам̣ гаммам̣ маяаа гад̇ам̣, анарахам̣ арахаа аханд̇и жинд̇зсим̣, аяан̃жа мам̣ ‘на д̇вам̣ арахаа, нааби арахад̇д̇амаг̇г̇ам̣ ваа самаабаннаасий’д̇и вад̣̇ад̇и, ад̇т̇и ну ко логз ан̃н̃о арахаа’’д̇и. ат̇а нам̣ бужчи – ‘‘ат̇а гз жарахи сад̣̇звагз логз араханд̇о ваа арахад̇д̇амаг̇г̇ам̣ ваа самаабаннаа’’д̇и. ат̇асса д̣̇звад̇аа аажигки – ‘‘ад̇т̇и, б̣аахияа, уд̇д̇арзсу ж̇анабад̣̇зсу саавад̇т̇и наама наг̇арам̣, д̇ад̇т̇а со бхаг̇аваа зд̇арахи вихарад̇и арахам̣ саммаасамб̣уд̣̇д̇хо. со хи, б̣аахияа, бхаг̇аваа арахаа жзва арахад̇д̇ааяа жа д̇хаммам̣ д̣̇зсзсий’’д̇и. б̣аахияо рад̇д̇ибхааг̇з д̣̇звад̇ааяа гат̇ам̣ суд̇ваа сам̣виг̇г̇амаанасо д̇ам̣кан̣ам̣язва суббаарагаа нигкамид̇ваа згарад̇д̇иваасзна саавад̇т̇им̣ аг̇амааси, г̇ажчанд̇о жа бана д̣̇звад̇аанубхаавзна б̣уд̣̇д̇хаанубхаавзна жа вийсаяож̇анасад̇игам̣ маг̇г̇ам̣ ад̇иггамид̇ваа саавад̇т̇им̣ ануббад̇д̇о, д̇асмим̣ кан̣з сад̇т̇аа саавад̇т̇ияам̣ бин̣д̣ааяа бавидто ход̇и. со ж̇зд̇аванам̣ бависид̇ваа аб̣бхогаасз жан̇гаманд̇з самб̣ахулз бхигкуу бужчи – ‘‘гухим̣ зд̇арахи сад̇т̇аа’’д̇и? бхигкуу ‘‘саавад̇т̇ияам̣ бин̣д̣ааяа бавидто’’д̇и вад̇ваа ‘‘д̇вам̣ бана гуд̇о ааг̇ад̇осий’’д̇и бужчим̣су. ‘‘суббаарагаа ааг̇ад̇омхий’’д̇и. ‘‘гад̣̇аа нигканд̇осий’’д̇и? ‘‘хияяо сааяанхасамаяз нигканд̇омхий’’д̇и. ‘‘д̣̇уурад̇оби ааг̇ад̇о, нисийд̣̇а д̇аава баад̣̇з д̇ховид̇ваа д̇злзна магкзд̇ваа т̇огам̣ виссамаахи, ааг̇ад̇агаалз сад̇т̇аарам̣ д̣̇агкиссад̇ий’’д̇и аахам̣су. ‘‘ахам̣, бханд̇з, сад̇т̇у ваа ад̇д̇ано ваа ж̇ийвид̇анд̇арааяам̣ на ж̇аанаами, гад̇т̇ажи адтад̇ваа анисийд̣̇ид̇ваа згарад̇д̇знзва вийсаяож̇анасад̇игам̣ маг̇г̇ам̣ ааг̇ад̇о, сад̇т̇аарам̣ бассид̇ваава виссамиссаамий’’д̇и ааха. со звам̣ вад̇ваа д̇арамаанаруубо саавад̇т̇им̣ бависид̇ваа бхаг̇аванд̇ам̣ анобамааяа б̣уд̣̇д̇хасирияаа жаранд̇ам̣ д̣̇исваа ‘‘жирассам̣ вад̇а мз г̇од̇амо саммаасамб̣уд̣̇д̇хо д̣̇идто’’д̇и д̣̇идтадтаанад̇о бадтааяа онад̇асарийро г̇анд̇ваа анд̇аравийт̇ияам̣ бан̃жабад̇идтид̇зна ванд̣̇ид̇ваа г̇обпагзсу д̣̇ал̣хам̣ г̇ахзд̇ваа звамааха – ‘‘д̣̇зсзд̇у, бханд̇з бхаг̇аваа, д̇хаммам̣, д̣̇зсзд̇у суг̇ад̇о д̇хаммам̣, яам̣ мамасса д̣̇ийгхарад̇д̇ам̣ хид̇ааяа сукааяаа’’д̇и. ат̇а нам̣ сад̇т̇аа ‘‘агаало ко д̇аава, б̣аахияа, анд̇арагхарам̣ бавидтамхаа бин̣д̣ааяаа’’д̇и бадигкиби.
Bāhiyo pana ākāse ṭhatvā kathentaṃ mahābrahmānaṃ oloketvā cintesi – ‘‘aho bhāriyaṃ kammaṃ mayā kataṃ, anarahaṃ arahā ahanti cintesiṃ, ayañca maṃ ‘na tvaṃ arahā, nāpi arahattamaggaṃ vā samāpannāsī’ti vadati, atthi nu kho loke añño arahā’’ti. Atha naṃ pucchi – ‘‘atha ke carahi sadevake loke arahanto vā arahattamaggaṃ vā samāpannā’’ti. Athassa devatā ācikkhi – ‘‘atthi, bāhiya, uttaresu janapadesu sāvatthi nāma nagaraṃ, tattha so bhagavā etarahi viharati arahaṃ sammāsambuddho. So hi, bāhiya, bhagavā arahā ceva arahattāya ca dhammaṃ desesī’’ti. Bāhiyo rattibhāge devatāya kathaṃ sutvā saṃviggamānaso taṃkhaṇaṃyeva suppārakā nikkhamitvā ekarattivāsena sāvatthiṃ agamāsi, gacchanto ca pana devatānubhāvena buddhānubhāvena ca vīsayojanasatikaṃ maggaṃ atikkamitvā sāvatthiṃ anuppatto, tasmiṃ khaṇe satthā sāvatthiyaṃ piṇḍāya paviṭṭho hoti. So jetavanaṃ pavisitvā abbhokāse caṅkamante sambahule bhikkhū pucchi – ‘‘kuhiṃ etarahi satthā’’ti? Bhikkhū ‘‘sāvatthiyaṃ piṇḍāya paviṭṭho’’ti vatvā ‘‘tvaṃ pana kuto āgatosī’’ti pucchiṃsu. ‘‘Suppārakā āgatomhī’’ti. ‘‘Kadā nikkhantosī’’ti? ‘‘Hiyyo sāyanhasamaye nikkhantomhī’’ti. ‘‘Dūratopi āgato, nisīda tāva pāde dhovitvā telena makkhetvā thokaṃ vissamāhi, āgatakāle satthāraṃ dakkhissatī’’ti āhaṃsu. ‘‘Ahaṃ, bhante, satthu vā attano vā jīvitantarāyaṃ na jānāmi, katthaci aṭṭhatvā anisīditvā ekaratteneva vīsayojanasatikaṃ maggaṃ āgato, satthāraṃ passitvāva vissamissāmī’’ti āha. So evaṃ vatvā taramānarūpo sāvatthiṃ pavisitvā bhagavantaṃ anopamāya buddhasiriyā carantaṃ disvā ‘‘cirassaṃ vata me gotamo sammāsambuddho diṭṭho’’ti diṭṭhaṭṭhānato paṭṭhāya onatasarīro gantvā antaravīthiyaṃ pañcapatiṭṭhitena vanditvā gopphakesu daḷhaṃ gahetvā evamāha – ‘‘desetu, bhante bhagavā, dhammaṃ, desetu sugato dhammaṃ, yaṃ mamassa dīgharattaṃ hitāya sukhāyā’’ti. Atha naṃ satthā ‘‘akālo kho tāva, bāhiya, antaragharaṃ paviṭṭhamhā piṇḍāyā’’ti paṭikkhipi.
д̇ам̣ суд̇ваа б̣аахияо, ‘‘бханд̇з, сам̣саарз сам̣саранд̇зна габ̣ал̣ийгаараахааро на алад̣̇д̇хабуб̣б̣о, д̇умхаагам̣ ваа маяхам̣ ваа ж̇ийвид̇анд̇арааяам̣ на ж̇аанаами, д̣̇зсзд̇у мз, бханд̇з бхаг̇аваа, д̇хаммам̣, д̣̇зсзд̇у суг̇ад̇о д̇хамма’’нд̇и буна яаажи. сад̇т̇аа д̣̇уд̇ияамби д̇ат̇зва бадигкиби. звам̣ гирасса ахоси – ‘‘имасса д̣̇идтагаалад̇о бадтааяа сагаласарийрам̣ бийд̇ияаа ниранд̇арам̣ аж̇жход̇т̇адам̣ ход̇и, б̣алавабийд̇ивзг̇о д̇хаммам̣ суд̇вааби на сагкиссад̇и бадивиж̇жхид̇ум̣, маж̇жхад̇д̇убзгкааяа д̇аава д̇идтад̇у, згарад̇д̇знзва вийсаяож̇анасад̇игам̣ маг̇г̇ам̣ ааг̇ад̇ассаби жасса д̣̇арат̇о б̣алаваа соби д̇аава бадиббассамбхад̇уу’’д̇и. д̇асмаа д̣̇вигкад̇д̇ум̣ бадигкибид̇ваа д̇ад̇ияам̣ яаажид̇о анд̇аравийт̇ияам̣ тид̇ова ‘‘д̇асмаад̇иха д̇з, б̣аахияа, звам̣ сигкид̇аб̣б̣ам̣, д̣̇идтз д̣̇идтамад̇д̇ам̣ бхависсад̇ий’’д̇иаад̣̇инаа (уд̣̇аа. 10) наязна анзгабарияааязна д̇хаммам̣ д̣̇зсзси. со сад̇т̇у д̇хаммам̣ сун̣анд̇оязва саб̣б̣аасавз кзбзд̇ваа саха бадисамбхид̣̇аахи арахад̇д̇ам̣ баабун̣и.
Taṃ sutvā bāhiyo, ‘‘bhante, saṃsāre saṃsarantena kabaḷīkārāhāro na aladdhapubbo, tumhākaṃ vā mayhaṃ vā jīvitantarāyaṃ na jānāmi, desetu me, bhante bhagavā, dhammaṃ, desetu sugato dhamma’’nti puna yāci. Satthā dutiyampi tatheva paṭikkhipi. Evaṃ kirassa ahosi – ‘‘imassa diṭṭhakālato paṭṭhāya sakalasarīraṃ pītiyā nirantaraṃ ajjhotthaṭaṃ hoti, balavapītivego dhammaṃ sutvāpi na sakkhissati paṭivijjhituṃ, majjhattupekkhāya tāva tiṭṭhatu, ekaratteneva vīsayojanasatikaṃ maggaṃ āgatassapi cassa daratho balavā sopi tāva paṭippassambhatū’’ti. Tasmā dvikkhattuṃ paṭikkhipitvā tatiyaṃ yācito antaravīthiyaṃ ṭhitova ‘‘tasmātiha te, bāhiya, evaṃ sikkhitabbaṃ, diṭṭhe diṭṭhamattaṃ bhavissatī’’tiādinā (udā. 10) nayena anekapariyāyena dhammaṃ desesi. So satthu dhammaṃ suṇantoyeva sabbāsave khepetvā saha paṭisambhidāhi arahattaṃ pāpuṇi.
178. со арахад̇д̇ам̣ бад̇д̇агкан̣зязва буб̣б̣агаммам̣ сарид̇ваа сан̃ж̇аад̇асоманассо буб̣б̣ажарид̇аабад̣̇аанам̣ багаасзнд̇о ид̇о сад̇асахассамхийд̇иаад̣̇имааха. д̇ам̣ хздтаа вуд̇д̇анаяад̇д̇аа уд̇д̇аанад̇т̇амзва. ануд̇д̇аанабад̣̇аван̣н̣анамзва гариссаама.
178. So arahattaṃ pattakkhaṇeyeva pubbakammaṃ saritvā sañjātasomanasso pubbacaritāpadānaṃ pakāsento ito satasahassamhītiādimāha. Taṃ heṭṭhā vuttanayattā uttānatthameva. Anuttānapadavaṇṇanameva karissāma.
181. хасанам̣ бажжавзгкан̣анд̇и барибун̣н̣асоманассаж̇аад̇ам̣ бажжавзгкан̣ам̣, гомаараван̣н̣ам̣ ад̇игомаланд̇и ад̇т̇о.
181.Hasanaṃ paccavekkhaṇanti paripuṇṇasomanassajātaṃ paccavekkhaṇaṃ, komāravaṇṇaṃ atikomalanti attho.
182. хзмаяан̃н̃обажид̇ан̇г̇анд̇и суван̣н̣асуд̇д̇аяан̃н̃обажид̇асуд̇д̇ааваяавам̣ сарийрам̣ д̣̇зханд̇и ад̇т̇о. баламб̣аб̣имб̣ад̇амб̣одтанд̇и оламб̣ид̇аб̣имб̣апаласад̣̇исам̣ рад̇д̇аван̣н̣ам̣ одтад̣̇ваяасаманнааг̇ад̇анд̇и ад̇т̇о. сзд̇ад̇ин̣хасамам̣ д̣̇иж̇анд̇и сунисид̇ад̇икин̣ааяалохагхам̣санзна гхам̣сид̇ваа самам̣ гад̇ам̣ вияа самад̣̇анд̇анд̇и ад̇т̇о.
182.Hemayaññopacitaṅganti suvaṇṇasuttayaññopacitasuttaavayavaṃ sarīraṃ dehanti attho. Palambabimbatamboṭṭhanti olambitabimbaphalasadisaṃ rattavaṇṇaṃ oṭṭhadvayasamannāgatanti attho. Setatiṇhasamaṃ dijanti sunisitatikhiṇaayalohaghaṃsanena ghaṃsitvā samaṃ kataṃ viya samadantanti attho.
183. бийд̇исампуллид̇аанананд̇и бийд̇ияаа судту пуллид̇ам̣ вигасид̇ам̣ аананам̣ мукам̣ аад̣̇аасад̇аласад̣̇исамукаванд̇анд̇и ад̇т̇о.
183.Pītisamphullitānananti pītiyā suṭṭhu phullitaṃ vikasitaṃ ānanaṃ mukhaṃ ādāsatalasadisamukhavantanti attho.
184. киббаабхин̃н̃асса бхигкунод̇и киббам̣ д̣̇зсанааяа самуг̇гхаадид̇агкан̣зязва абхивисзсзна н̃аад̇ум̣ самад̇т̇асса бхигкунод̇и ад̇т̇о.
184.Khippābhiññassa bhikkhunoti khippaṃ desanāya samugghāṭitakkhaṇeyeva abhivisesena ñātuṃ samatthassa bhikkhunoti attho.
186. саг̇г̇ам̣ аг̇ам̣ сабхаванам̣ яат̇аад̇и ад̇д̇ано г̇зхам̣ вияа саг̇г̇ам̣ логам̣ аг̇амаасинд̇и ад̇т̇о.
186.Saggaṃagaṃ sabhavanaṃ yathāti attano gehaṃ viya saggaṃ lokaṃ agamāsinti attho.
196. на д̇вам̣ убааяамаг̇г̇ан̃н̃ууд̇и д̇вам̣ ниб̣б̣аанаад̇хиг̇амуубааяабхууд̇амаг̇г̇ан̃н̃уу на ахосийд̇и ад̇т̇о.
196.Natvaṃ upāyamaggaññūti tvaṃ nibbānādhigamūpāyabhūtamaggaññū na ahosīti attho.
200. сад̇т̇уно сад̣̇аа ж̇инанд̇и сад̣̇аа саб̣б̣агаалам̣ ж̇инам̣ ж̇инанд̇о барааж̇ид̇агобо сад̇т̇уно саммаасамб̣уд̣̇д̇хасса вималаананам̣ аад̣̇аасад̇аласад̣̇исамукам̣ бассиссаами бассид̇ум̣ нигкамаамийд̇и яож̇анаа. д̣̇иж̇з абужчим̣ гухим̣ логананд̣̇анод̇и гухим̣ таанз логабасаад̣̇агаро сад̇т̇аад̇и д̣̇иж̇з б̣раахман̣з ахам̣ бхигкуу абужчинд̇и ад̇т̇о.
200.Satthuno sadā jinanti sadā sabbakālaṃ jinaṃ jinanto parājitakopo satthuno sammāsambuddhassa vimalānanaṃ ādāsatalasadisamukhaṃ passissāmi passituṃ nikkhamāmīti yojanā. Dije apucchiṃ kuhiṃ lokanandanoti kuhiṃ ṭhāne lokapasādakaro satthāti dije brāhmaṇe ahaṃ bhikkhū apucchinti attho.
201. сасова киббам̣ мунид̣̇ассануссугод̇и мунид̣̇ассанз д̇ат̇ааг̇ад̇ад̣̇ассанз уссуго уссаахаж̇аад̇о сасо ива киббам̣ баабун̣аад̇ийд̇и ад̇т̇о.
201.Sasova khippaṃ munidassanussukoti munidassane tathāgatadassane ussuko ussāhajāto saso iva khippaṃ pāpuṇātīti attho.
202. д̇увадам̣ г̇анд̇ваад̇и сийгхам̣ г̇анд̇ваа. бин̣д̣ад̇т̇ам̣ абихааг̇ид̇ханд̇и бин̣д̣абаад̇ам̣ бадижжа абихам̣ абаг̇ад̇абихам̣ аг̇ид̇хам̣ нид̇д̇ан̣хам̣.
202.Tuvaṭaṃ gantvāti sīghaṃ gantvā. Piṇḍatthaṃ apihāgidhanti piṇḍapātaṃ paṭicca apihaṃ apagatapihaṃ agidhaṃ nittaṇhaṃ.
203. алолагканд̇и ид̇о жид̇о жа анологаяамаанам̣ уд̇д̇амз саавад̇т̇инаг̇арз бин̣д̣ааяа вижаранд̇ам̣ ад̣̇агкинд̇и самб̣анд̇хо. сирийнилаяасан̇гаасанд̇и сирияаа лагкан̣аануб̣яан̃ж̇анасобхааяа нилаяам̣ сан̇гаасам̣ ж̇аламаанад̇оран̣асад̣̇исам̣. равид̣̇ид̇д̇ихараанананд̇и виж̇ж̇од̇амаанасуурияаман̣д̣алам̣ вияа виж̇ж̇од̇амаанамукаман̣д̣алам̣.
203.Alolakkhanti ito cito ca anolokayamānaṃ uttame sāvatthinagare piṇḍāya vicarantaṃ adakkhinti sambandho. Sirīnilayasaṅkāsanti siriyā lakkhaṇānubyañjanasobhāya nilayaṃ saṅkāsaṃ jalamānatoraṇasadisaṃ. Ravidittiharānananti vijjotamānasūriyamaṇḍalaṃ viya vijjotamānamukhamaṇḍalaṃ.
204. губат̇з виббанадтассаад̇и гужчид̇абат̇з собад̣̇д̣̇авамаг̇г̇з муул̣хасса мижчаабадибаннасса мз саран̣ам̣ хохи бад̇идтаа хохи. г̇од̇амаад̇и бхаг̇аванд̇ам̣ г̇од̇д̇зна аалабад̇и.
204.Kupathe vippanaṭṭhassāti kucchitapathe sopaddavamagge mūḷhassa micchāpaṭipannassa me saraṇaṃ hohi patiṭṭhā hohi. Gotamāti bhagavantaṃ gottena ālapati.
218. на д̇ад̇т̇а суггаа ж̇од̇анд̇ийд̇и суггабабхаасамбаннаа ж̇од̇амаанаосад̇хид̇аарагаад̣̇аяо на ж̇од̇анд̇и наббабхаасанд̇и. сзсам̣ уд̇д̇аанад̇т̇амзва. со звам̣ буб̣б̣ажарид̇аабад̣̇аанам̣ багаасзд̇ваа д̇аавад̣̇зва жа бхаг̇аванд̇ам̣ баб̣б̣аж̇ж̇ам̣ яаажи. ‘‘барибун̣н̣ам̣ д̇з бад̇д̇ажийвара’’нд̇и жа будто ‘‘на барибун̣н̣а’’нд̇и ааха. ат̇а нам̣ сад̇т̇аа ‘‘д̇зна хи бад̇д̇ажийварам̣ бариязсаахий’’д̇и вад̇ваа баггаами. со гира вийсад̇ивассасахассаани саман̣ад̇хаммам̣ гаронд̇о ‘‘бхигкунаа наама ад̇д̇анаа бажжаяз лабхид̇ваа ан̃н̃ам̣ анологзд̇ваа саяамзва барибхун̃ж̇ид̇ум̣ ваддад̇ий’’д̇и вад̇ваа згабхигкуссааби бад̇д̇зна ваа жийварзна ваа сан̇г̇ахам̣ наагааси, ‘‘на д̇знасса ид̣̇д̇химаяам̣ бад̇д̇ажийварам̣ уббаж̇ж̇иссад̇ий’’д̇и н̃ад̇ваа бхаг̇аваа зхибхигкубхаавзна баб̣б̣аж̇ж̇ам̣ наад̣̇ааси. д̇амби бад̇д̇ажийварам̣ бариязсамаанамзва сан̇гаарадтаанад̇о жол̣агкан̣д̣аани сам̣гад̣дхзнд̇ам̣ буб̣б̣авзриго амануссо згиссаа д̇арун̣аважчааяа г̇аавияаа сарийрз ад̇химужжид̇ваа ваамауурумхи бахарид̇ваа ж̇ийвид̇агкаяам̣ баабзси. сад̇т̇аа бин̣д̣ааяа жарид̇ваа гад̇абхад̇д̇агижжо самб̣ахулзхи бхигкуухи сад̣̇д̇хим̣ нигкаманд̇о б̣аахияасса сарийрам̣ сан̇гаарадтаанз бад̇ид̇ам̣ д̣̇исваа ‘‘г̇ан̣хат̇а, бхигкавз, зд̇ам̣ б̣аахияам̣ д̣̇ааружийрияанд̇и згасмим̣ г̇зхад̣̇ваарз тад̇ваа ман̃жагам̣ аахараабзд̇ваа имам̣ сарийрам̣ наг̇арад̣̇ваарад̇о нийхарид̇ваа жхаабзд̇ваа д̇хаад̇уяо г̇ахзд̇ваа т̇уубам̣ гарот̇аа’’д̇и бхигкуу аан̣аабзси.
218.Na tattha sukkā jotantīti sukkapabhāsampannā jotamānaosadhitārakādayo na jotanti nappabhāsanti. Sesaṃ uttānatthameva. So evaṃ pubbacaritāpadānaṃ pakāsetvā tāvadeva ca bhagavantaṃ pabbajjaṃ yāci. ‘‘Paripuṇṇaṃ te pattacīvara’’nti ca puṭṭho ‘‘na paripuṇṇa’’nti āha. Atha naṃ satthā ‘‘tena hi pattacīvaraṃ pariyesāhī’’ti vatvā pakkāmi. So kira vīsativassasahassāni samaṇadhammaṃ karonto ‘‘bhikkhunā nāma attanā paccaye labhitvā aññaṃ anoloketvā sayameva paribhuñjituṃ vaṭṭatī’’ti vatvā ekabhikkhussāpi pattena vā cīvarena vā saṅgahaṃ nākāsi, ‘‘na tenassa iddhimayaṃ pattacīvaraṃ uppajjissatī’’ti ñatvā bhagavā ehibhikkhubhāvena pabbajjaṃ nādāsi. Tampi pattacīvaraṃ pariyesamānameva saṅkāraṭṭhānato coḷakkhaṇḍāni saṃkaḍḍhentaṃ pubbaveriko amanusso ekissā taruṇavacchāya gāviyā sarīre adhimuccitvā vāmaūrumhi paharitvā jīvitakkhayaṃ pāpesi. Satthā piṇḍāya caritvā katabhattakicco sambahulehi bhikkhūhi saddhiṃ nikkhamanto bāhiyassa sarīraṃ saṅkāraṭṭhāne patitaṃ disvā ‘‘gaṇhatha, bhikkhave, etaṃ bāhiyaṃ dārucīriyanti ekasmiṃ gehadvāre ṭhatvā mañcakaṃ āharāpetvā imaṃ sarīraṃ nagaradvārato nīharitvā jhāpetvā dhātuyo gahetvā thūpaṃ karothā’’ti bhikkhū āṇāpesi.
д̇з бхигкуу д̇хаад̇ум̣ махаабат̇з т̇уубам̣ гаарзд̇ваа сад̇т̇аарам̣ убасан̇гамид̇ваа ад̇д̇ано гад̇агаммам̣ аарожзсум̣. д̇ад̇о сан̇гхамаж̇жхз гат̇аа уд̣̇абаад̣̇и – ‘‘д̇ат̇ааг̇ад̇о бхигкусан̇гхзна сарийражхаабанагижжам̣ гаарзси, д̇хаад̇уяо жа г̇аахаабзд̇ваа жзд̇ияам̣ гаараабзси, гад̇арамаг̇г̇о ну ко д̇зна самад̇хиг̇ад̇о, сааман̣зро ну ко со, бхигку ну ко’’д̇и. сад̇т̇аа д̇ам̣ адтуббад̇д̇им̣ гад̇ваа ‘‘бад̇идтид̇о, бхигкавз, б̣аахияо д̣̇ааружийрияо арахад̇д̇о’’д̇и убари д̇хаммад̣̇зсанам̣ вад̣дхзд̇и. д̇асса бариниб̣б̣уд̇абхааван̃жа аажигкид̇ваа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ киббаабхин̃н̃аанам̣ яад̣̇ид̣̇ам̣ б̣аахияо д̣̇ааружийрияо’’д̇и (а. ни. 1.209, 216) зд̇ад̣̇аг̇г̇з табзси.
Te bhikkhū dhātuṃ mahāpathe thūpaṃ kāretvā satthāraṃ upasaṅkamitvā attano katakammaṃ ārocesuṃ. Tato saṅghamajjhe kathā udapādi – ‘‘tathāgato bhikkhusaṅghena sarīrajhāpanakiccaṃ kāresi, dhātuyo ca gāhāpetvā cetiyaṃ kārāpesi, kataramaggo nu kho tena samadhigato, sāmaṇero nu kho so, bhikkhu nu kho’’ti. Satthā taṃ aṭṭhuppattiṃ katvā ‘‘patiṭṭhito, bhikkhave, bāhiyo dārucīriyo arahatto’’ti upari dhammadesanaṃ vaḍḍheti. Tassa parinibbutabhāvañca ācikkhitvā ‘‘etadaggaṃ, bhikkhave, mama sāvakānaṃ bhikkhūnaṃ khippābhiññānaṃ yadidaṃ bāhiyo dārucīriyo’’ti (a. ni. 1.209, 216) etadagge ṭhapesi.
ат̇а нам̣ бхигкуу бужчим̣су – ‘‘д̇умхз, бханд̇з, ‘б̣аахияо д̣̇ааружийрияо арахад̇д̇ам̣ бад̇д̇о’д̇и вад̣̇зт̇а, гад̣̇аа со арахад̇д̇ам̣ бад̇д̇о’’д̇и? ‘‘мама д̇хаммам̣ суд̇агаалз, бхигкавз’’д̇и. ‘‘гад̣̇аа банасса, бханд̇з, д̇умхзхи д̇хаммо гат̇ид̇о’’д̇и? ‘‘бхигкааяа жаранд̇зна анд̇аравийт̇ияам̣ тид̇знаа’’д̇и. ‘‘аббамад̇д̇аго, бханд̇з, д̇умхзхи анд̇аравийт̇ияам̣ тад̇ваа гат̇ид̇ад̇хаммо; гат̇ам̣ со д̇аавад̇д̇агзна висзсам̣ ниб̣б̣ад̇д̇зсий’’д̇и? ат̇а нз сад̇т̇аа, ‘‘бхигкавз, мама д̇хаммам̣ ‘аббам̣’ ваа ‘б̣ахум̣ ваа’д̇и маа жинд̇аяид̇т̇а. анзгааниби хи анад̇т̇абад̣̇асам̣хид̇аани г̇аат̇аасахассаани на сзяяо, ад̇т̇аниссид̇ам̣ бана згамби г̇аат̇аабад̣̇ам̣ сзяяо’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –
Atha naṃ bhikkhū pucchiṃsu – ‘‘tumhe, bhante, ‘bāhiyo dārucīriyo arahattaṃ patto’ti vadetha, kadā so arahattaṃ patto’’ti? ‘‘Mama dhammaṃ sutakāle, bhikkhave’’ti. ‘‘Kadā panassa, bhante, tumhehi dhammo kathito’’ti? ‘‘Bhikkhāya carantena antaravīthiyaṃ ṭhitenā’’ti. ‘‘Appamattako, bhante, tumhehi antaravīthiyaṃ ṭhatvā kathitadhammo; kathaṃ so tāvattakena visesaṃ nibbattesī’’ti? Atha ne satthā, ‘‘bhikkhave, mama dhammaṃ ‘appaṃ’ vā ‘bahuṃ vā’ti mā cintayittha. Anekānipi hi anatthapadasaṃhitāni gāthāsahassāni na seyyo, atthanissitaṃ pana ekampi gāthāpadaṃ seyyo’’ti vatvā anusandhiṃ ghaṭetvā dhammaṃ desento imaṃ gāthamāha –
‘‘сахассамаби жз г̇аат̇аа, анад̇т̇абад̣̇асам̣хид̇аа;
‘‘Sahassamapi ce gāthā, anatthapadasaṃhitā;
згам̣ г̇аат̇аабад̣̇ам̣ сзяяо, яам̣ суд̇ваа убасаммад̇ий’’д̇и. (д̇ха. ба. 101) –
Ekaṃ gāthāpadaṃ seyyo, yaṃ sutvā upasammatī’’ti. (dha. pa. 101) –
д̣̇зсанаабарияосаанз жад̇ураасийд̇ияаа баан̣асахассаанам̣ д̇хаммаабхисамаяо ахосийд̇и.
Desanāpariyosāne caturāsītiyā pāṇasahassānaṃ dhammābhisamayo ahosīti.
б̣аахияад̇т̇зраабад̣̇аанаван̣н̣анаа самад̇д̇аа.
Bāhiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. б̣аахияад̇т̇зраабад̣̇аанам̣ • 6. Bāhiyattheraapadānaṃ
