| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൪. ബഹുഭാണിസുത്തം
4. Bahubhāṇisuttaṃ
൨൧൪. ‘‘പഞ്ചിമേ, ഭിക്ഖവേ, ആദീനവാ ബഹുഭാണിസ്മിം പുഗ്ഗലേ. കതമേ പഞ്ച? മുസാ ഭണതി, പിസുണം ഭണതി, ഫരുസം ഭണതി, സമ്ഫപ്പലാപം ഭണതി, കായസ്സ ഭേദാ പരം മരണാ അപായം ദുഗ്ഗതിം വിനിപാതം നിരയം ഉപപജ്ജതി. ഇമേ ഖോ, ഭിക്ഖവേ, പഞ്ച ആദീനവാ ബഹുഭാണിസ്മിം പുഗ്ഗലേ.
214. ‘‘Pañcime, bhikkhave, ādīnavā bahubhāṇismiṃ puggale. Katame pañca? Musā bhaṇati, pisuṇaṃ bhaṇati, pharusaṃ bhaṇati, samphappalāpaṃ bhaṇati, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā bahubhāṇismiṃ puggale.
‘‘പഞ്ചിമേ, ഭിക്ഖവേ, ആനിസംസാ മന്തഭാണിസ്മിം പുഗ്ഗലേ. കതമേ പഞ്ച? ന മുസാ ഭണതി, ന പിസുണം ഭണതി, ന ഫരുസം ഭണതി, ന സമ്ഫപ്പലാപം ഭണതി, കായസ്സ ഭേദാ പരം മരണാ സുഗതിം സഗ്ഗം ലോകം ഉപപജ്ജതി. ഇമേ ഖോ, ഭിക്ഖവേ, പഞ്ച ആനിസംസാ മന്തഭാണിസ്മിം പുഗ്ഗലേ’’തി. ചതുത്ഥം.
‘‘Pañcime, bhikkhave, ānisaṃsā mantabhāṇismiṃ puggale. Katame pañca? Na musā bhaṇati, na pisuṇaṃ bhaṇati, na pharusaṃ bhaṇati, na samphappalāpaṃ bhaṇati, kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā mantabhāṇismiṃ puggale’’ti. Catutthaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൪. ബഹുഭാണിസുത്തവണ്ണനാ • 4. Bahubhāṇisuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൩-൧൦. സീലസുത്താദിവണ്ണനാ • 3-10. Sīlasuttādivaṇṇanā
