| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. б̣ахуд̇хаад̇угасуд̇д̇ам̣
5. Bahudhātukasuttaṃ
124. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
124. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘яаани гаанижи, бхигкавз, бхаяаани уббаж̇ж̇анд̇и саб̣б̣аани д̇аани б̣аалад̇о уббаж̇ж̇анд̇и, но бан̣д̣ид̇ад̇о; яз гзжи убад̣̇д̣̇аваа уббаж̇ж̇анд̇и саб̣б̣з д̇з б̣аалад̇о уббаж̇ж̇анд̇и, но бан̣д̣ид̇ад̇о; яз гзжи убасаг̇г̇аа уббаж̇ж̇анд̇и саб̣б̣з д̇з б̣аалад̇о уббаж̇ж̇анд̇и, но бан̣д̣ид̇ад̇о. сзяяат̇ааби, бхигкавз , нал̣ааг̇аараа ваа д̇ин̣ааг̇аараа ваа аг̇г̇и муд̇д̇о 1 гуудааг̇аарааниби д̣̇ахад̇и уллид̇д̇аавалид̇д̇аани ниваад̇аани пусид̇аг̇г̇ал̣аани бихид̇аваад̇абаанаани; звамзва ко, бхигкавз, яаани гаанижи бхаяаани уббаж̇ж̇анд̇и саб̣б̣аани д̇аани б̣аалад̇о уббаж̇ж̇анд̇и, но бан̣д̣ид̇ад̇о; яз гзжи убад̣̇д̣̇аваа уббаж̇ж̇анд̇и саб̣б̣з д̇з б̣аалад̇о уббаж̇ж̇анд̇и, но бан̣д̣ид̇ад̇о; яз гзжи убасаг̇г̇аа уббаж̇ж̇анд̇и саб̣б̣з д̇з б̣аалад̇о уббаж̇ж̇анд̇и, но бан̣д̣ид̇ад̇о. ид̇и ко, бхигкавз, саббадибхаяо б̣аало, аббадибхаяо бан̣д̣ид̇о; саубад̣̇д̣̇аво б̣аало, анубад̣̇д̣̇аво бан̣д̣ид̇о; саубасаг̇г̇о б̣аало, анубасаг̇г̇о бан̣д̣ид̇о. над̇т̇и, бхигкавз, бан̣д̣ид̇ад̇о бхаяам̣, над̇т̇и бан̣д̣ид̇ад̇о убад̣̇д̣̇аво, над̇т̇и бан̣д̣ид̇ад̇о убасаг̇г̇о. д̇асмаад̇иха, бхигкавз, ‘бан̣д̣ид̇аа бхависсаама виймам̣сагаа’д̇и – зван̃хи во, бхигкавз, сигкид̇аб̣б̣а’’нд̇и.
‘‘Yāni kānici, bhikkhave, bhayāni uppajjanti sabbāni tāni bālato uppajjanti, no paṇḍitato; ye keci upaddavā uppajjanti sabbe te bālato uppajjanti, no paṇḍitato; ye keci upasaggā uppajjanti sabbe te bālato uppajjanti, no paṇḍitato. Seyyathāpi, bhikkhave , naḷāgārā vā tiṇāgārā vā aggi mutto 2 kūṭāgārānipi dahati ullittāvalittāni nivātāni phusitaggaḷāni pihitavātapānāni; evameva kho, bhikkhave, yāni kānici bhayāni uppajjanti sabbāni tāni bālato uppajjanti, no paṇḍitato; ye keci upaddavā uppajjanti sabbe te bālato uppajjanti, no paṇḍitato; ye keci upasaggā uppajjanti sabbe te bālato uppajjanti, no paṇḍitato. Iti kho, bhikkhave, sappaṭibhayo bālo, appaṭibhayo paṇḍito; saupaddavo bālo, anupaddavo paṇḍito; saupasaggo bālo, anupasaggo paṇḍito. Natthi, bhikkhave, paṇḍitato bhayaṃ, natthi paṇḍitato upaddavo, natthi paṇḍitato upasaggo. Tasmātiha, bhikkhave, ‘paṇḍitā bhavissāma vīmaṃsakā’ti – evañhi vo, bhikkhave, sikkhitabba’’nti.
звам̣ вуд̇д̇з, ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘гид̇д̇аавад̇аа ну ко, бханд̇з, бан̣д̣ид̇о бхигку ‘виймам̣саго’д̇и алам̣ важанааяаа’’д̇и? ‘‘яад̇о ко, аананд̣̇а, бхигку д̇хаад̇угусало жа ход̇и, ааяад̇анагусало жа ход̇и, бадижжасамуббаад̣̇агусало жа ход̇и, таанаатаанагусало жа ход̇и – зд̇д̇аавад̇аа ко, аананд̣̇а, бан̣д̣ид̇о бхигку ‘виймам̣саго’д̇и алам̣ важанааяаа’’д̇и.
Evaṃ vutte, āyasmā ānando bhagavantaṃ etadavoca – ‘‘kittāvatā nu kho, bhante, paṇḍito bhikkhu ‘vīmaṃsako’ti alaṃ vacanāyā’’ti? ‘‘Yato kho, ānanda, bhikkhu dhātukusalo ca hoti, āyatanakusalo ca hoti, paṭiccasamuppādakusalo ca hoti, ṭhānāṭhānakusalo ca hoti – ettāvatā kho, ānanda, paṇḍito bhikkhu ‘vīmaṃsako’ti alaṃ vacanāyā’’ti.
125. ‘‘гид̇д̇аавад̇аа бана, бханд̇з, ‘д̇хаад̇угусало бхигкуу’д̇и алам̣ важанааяаа’’д̇и? ‘‘адтаараса ко имаа, аананд̣̇а, д̇хаад̇уяо – жагкуд̇хаад̇у, руубад̇хаад̇у, жагкувин̃н̃аан̣ад̇хаад̇у; сод̇ад̇хаад̇у, сад̣̇д̣̇ад̇хаад̇у, сод̇авин̃н̃аан̣ад̇хаад̇у; гхаанад̇хаад̇у, г̇анд̇хад̇хаад̇у, гхаанавин̃н̃аан̣ад̇хаад̇у; ж̇ивхаад̇хаад̇у, расад̇хаад̇у, ж̇ивхаавин̃н̃аан̣ад̇хаад̇у; гааяад̇хаад̇у, подтаб̣б̣ад̇хаад̇у, гааяавин̃н̃аан̣ад̇хаад̇у; манод̇хаад̇у, д̇хаммад̇хаад̇у, мановин̃н̃аан̣ад̇хаад̇у. имаа ко, аананд̣̇а, адтаараса д̇хаад̇уяо яад̇о ж̇аанаад̇и бассад̇и – зд̇д̇аавад̇ааби ко, аананд̣̇а, ‘д̇хаад̇угусало бхигкуу’д̇и алам̣ важанааяаа’’д̇и.
125. ‘‘Kittāvatā pana, bhante, ‘dhātukusalo bhikkhū’ti alaṃ vacanāyā’’ti? ‘‘Aṭṭhārasa kho imā, ānanda, dhātuyo – cakkhudhātu, rūpadhātu, cakkhuviññāṇadhātu; sotadhātu, saddadhātu, sotaviññāṇadhātu; ghānadhātu, gandhadhātu, ghānaviññāṇadhātu; jivhādhātu, rasadhātu, jivhāviññāṇadhātu; kāyadhātu, phoṭṭhabbadhātu, kāyaviññāṇadhātu; manodhātu, dhammadhātu, manoviññāṇadhātu. Imā kho, ānanda, aṭṭhārasa dhātuyo yato jānāti passati – ettāvatāpi kho, ānanda, ‘dhātukusalo bhikkhū’ti alaṃ vacanāyā’’ti.
‘‘сияаа бана, бханд̇з, ан̃н̃оби барияааяо, яат̇аа ‘д̇хаад̇угусало бхигкуу’д̇и алам̣ важанааяаа’’д̇и? ‘‘сияаа, аананд̣̇а. чаяимаа, аананд̣̇а, д̇хаад̇уяо – бат̇авийд̇хаад̇у, аабод̇хаад̇у, д̇зж̇од̇хаад̇у, вааяод̇хаад̇у, аагаасад̇хаад̇у, вин̃н̃аан̣ад̇хаад̇у. имаа ко, аананд̣̇а, ча д̇хаад̇уяо яад̇о ж̇аанаад̇и бассад̇и – зд̇д̇аавад̇ааби ко, аананд̣̇а, ‘д̇хаад̇угусало бхигкуу’д̇и алам̣ важанааяаа’’д̇и.
‘‘Siyā pana, bhante, aññopi pariyāyo, yathā ‘dhātukusalo bhikkhū’ti alaṃ vacanāyā’’ti? ‘‘Siyā, ānanda. Chayimā, ānanda, dhātuyo – pathavīdhātu, āpodhātu, tejodhātu, vāyodhātu, ākāsadhātu, viññāṇadhātu. Imā kho, ānanda, cha dhātuyo yato jānāti passati – ettāvatāpi kho, ānanda, ‘dhātukusalo bhikkhū’ti alaṃ vacanāyā’’ti.
‘‘сияаа бана, бханд̇з, ан̃н̃оби барияааяо, яат̇аа ‘д̇хаад̇угусало бхигкуу’д̇и алам̣ важанааяаа’’д̇и? ‘‘сияаа, аананд̣̇а. чаяимаа, аананд̣̇а, д̇хаад̇уяо – сукад̇хаад̇у , д̣̇угкад̇хаад̇у, соманассад̇хаад̇у, д̣̇оманассад̇хаад̇у, убзгкаад̇хаад̇у, авиж̇ж̇аад̇хаад̇у. имаа ко, аананд̣̇а, ча д̇хаад̇уяо яад̇о ж̇аанаад̇и бассад̇и – зд̇д̇аавад̇ааби ко, аананд̣̇а, ‘д̇хаад̇угусало бхигкуу’д̇и алам̣ важанааяаа’’д̇и.
‘‘Siyā pana, bhante, aññopi pariyāyo, yathā ‘dhātukusalo bhikkhū’ti alaṃ vacanāyā’’ti? ‘‘Siyā, ānanda. Chayimā, ānanda, dhātuyo – sukhadhātu , dukkhadhātu, somanassadhātu, domanassadhātu, upekkhādhātu, avijjādhātu. Imā kho, ānanda, cha dhātuyo yato jānāti passati – ettāvatāpi kho, ānanda, ‘dhātukusalo bhikkhū’ti alaṃ vacanāyā’’ti.
‘‘сияаа бана, бханд̇з, ан̃н̃оби барияааяо, яат̇аа ‘д̇хаад̇угусало бхигкуу’д̇и алам̣ важанааяаа’’д̇и? ‘‘сияаа, аананд̣̇а. чаяимаа, аананд̣̇а, д̇хаад̇уяо – гаамад̇хаад̇у, нзгкаммад̇хаад̇у, б̣яаабаад̣̇ад̇хаад̇у, аб̣яаабаад̣̇ад̇хаад̇у, вихим̣саад̇хаад̇у , авихим̣саад̇хаад̇у. имаа ко, аананд̣̇а, ча д̇хаад̇уяо яад̇о ж̇аанаад̇и бассад̇и – зд̇д̇аавад̇ааби ко, аананд̣̇а, ‘д̇хаад̇угусало бхигкуу’д̇и алам̣ важанааяаа’’д̇и.
‘‘Siyā pana, bhante, aññopi pariyāyo, yathā ‘dhātukusalo bhikkhū’ti alaṃ vacanāyā’’ti? ‘‘Siyā, ānanda. Chayimā, ānanda, dhātuyo – kāmadhātu, nekkhammadhātu, byāpādadhātu, abyāpādadhātu, vihiṃsādhātu , avihiṃsādhātu. Imā kho, ānanda, cha dhātuyo yato jānāti passati – ettāvatāpi kho, ānanda, ‘dhātukusalo bhikkhū’ti alaṃ vacanāyā’’ti.
‘‘сияаа бана, бханд̇з, ан̃н̃оби барияааяо, яат̇аа ‘д̇хаад̇угусало бхигкуу’д̇и алам̣ важанааяаа’’д̇и? ‘‘сияаа, аананд̣̇а. д̇иссо имаа, аананд̣̇а, д̇хаад̇уяо – гаамад̇хаад̇у, руубад̇хаад̇у, аруубад̇хаад̇у. имаа ко, аананд̣̇а, д̇иссо д̇хаад̇уяо яад̇о ж̇аанаад̇и бассад̇и – зд̇д̇аавад̇ааби ко, аананд̣̇а, ‘д̇хаад̇угусало бхигкуу’д̇и алам̣ важанааяаа’’д̇и.
‘‘Siyā pana, bhante, aññopi pariyāyo, yathā ‘dhātukusalo bhikkhū’ti alaṃ vacanāyā’’ti? ‘‘Siyā, ānanda. Tisso imā, ānanda, dhātuyo – kāmadhātu, rūpadhātu, arūpadhātu. Imā kho, ānanda, tisso dhātuyo yato jānāti passati – ettāvatāpi kho, ānanda, ‘dhātukusalo bhikkhū’ti alaṃ vacanāyā’’ti.
‘‘сияаа бана, бханд̇з, ан̃н̃оби барияааяо, яат̇аа ‘д̇хаад̇угусало бхигкуу’д̇и алам̣ важанааяаа’’д̇и? ‘‘сияаа, аананд̣̇а. д̣̇вз имаа, аананд̣̇а, д̇хаад̇уяо – сан̇кад̇аад̇хаад̇у, асан̇кад̇аад̇хаад̇у. имаа ко, аананд̣̇а, д̣̇вз д̇хаад̇уяо яад̇о ж̇аанаад̇и бассад̇и – зд̇д̇аавад̇ааби ко, аананд̣̇а, ‘д̇хаад̇угусало бхигкуу’д̇и алам̣ важанааяаа’’д̇и.
‘‘Siyā pana, bhante, aññopi pariyāyo, yathā ‘dhātukusalo bhikkhū’ti alaṃ vacanāyā’’ti? ‘‘Siyā, ānanda. Dve imā, ānanda, dhātuyo – saṅkhatādhātu, asaṅkhatādhātu. Imā kho, ānanda, dve dhātuyo yato jānāti passati – ettāvatāpi kho, ānanda, ‘dhātukusalo bhikkhū’ti alaṃ vacanāyā’’ti.
126. ‘‘гид̇д̇аавад̇аа бана, бханд̇з, ‘ааяад̇анагусало бхигкуу’д̇и алам̣ важанааяаа’’д̇и? ‘‘ча ко банимаани, аананд̣̇а, аж̇жхад̇д̇игаб̣аахираани ааяад̇анаани – жагкужзва руубаа жа сод̇ан̃жа сад̣̇д̣̇аа жа гхаанан̃жа г̇анд̇хаа жа ж̇ивхаа жа расаа жа гааяо жа подтаб̣б̣аа жа мано жа д̇хаммаа жа. имаани ко, аананд̣̇а, ча аж̇жхад̇д̇игаб̣аахираани ааяад̇анаани яад̇о ж̇аанаад̇и бассад̇и – зд̇д̇аавад̇аа ко, аананд̣̇а, ‘ааяад̇анагусало бхигкуу’д̇и алам̣ важанааяаа’’д̇и.
126. ‘‘Kittāvatā pana, bhante, ‘āyatanakusalo bhikkhū’ti alaṃ vacanāyā’’ti? ‘‘Cha kho panimāni, ānanda, ajjhattikabāhirāni āyatanāni – cakkhuceva rūpā ca sotañca saddā ca ghānañca gandhā ca jivhā ca rasā ca kāyo ca phoṭṭhabbā ca mano ca dhammā ca. Imāni kho, ānanda, cha ajjhattikabāhirāni āyatanāni yato jānāti passati – ettāvatā kho, ānanda, ‘āyatanakusalo bhikkhū’ti alaṃ vacanāyā’’ti.
‘‘гид̇д̇аавад̇аа бана, бханд̇з, ‘бадижжасамуббаад̣̇агусало бхигкуу’д̇и алам̣ важанааяаа’’д̇и? ‘‘ид̇хаананд̣̇а, бхигку звам̣ баж̇аанаад̇и – ‘имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇и, имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇и, яад̣̇ид̣̇ам̣ – авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубам̣, наамаруубабажжаяаа сал̣ааяад̇анам̣, сал̣ааяад̇анабажжаяаа пассо, пассабажжаяаа взд̣̇анаа, взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аанам̣, убаад̣̇аанабажжаяаа бхаво , бхавабажжаяаа ж̇аад̇и, ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассуубааяаасаа самбхаванд̇и. звамзд̇асса гзваласса д̣̇угкагканд̇хасса самуд̣̇аяо ход̇и. авиж̇ж̇ааяад̇взва асзсавирааг̇анирод̇хаа сан̇кааранирод̇хо, сан̇кааранирод̇хаа вин̃н̃аан̣анирод̇хо, вин̃н̃аан̣анирод̇хаа наамаруубанирод̇хо, наамаруубанирод̇хаа сал̣ааяад̇ананирод̇хо, сал̣ааяад̇ананирод̇хаа пассанирод̇хо, пассанирод̇хаа взд̣̇анаанирод̇хо, взд̣̇анаанирод̇хаа д̇ан̣хаанирод̇хо, д̇ан̣хаанирод̇хаа убаад̣̇аананирод̇хо, убаад̣̇аананирод̇хаа бхаванирод̇хо, бхаванирод̇хаа ж̇аад̇инирод̇хо, ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассуубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇и’. зд̇д̇аавад̇аа ко, аананд̣̇а, ‘бадижжасамуббаад̣̇агусало бхигкуу’д̇и алам̣ важанааяаа’’д̇и.
‘‘Kittāvatā pana, bhante, ‘paṭiccasamuppādakusalo bhikkhū’ti alaṃ vacanāyā’’ti? ‘‘Idhānanda, bhikkhu evaṃ pajānāti – ‘imasmiṃ sati idaṃ hoti, imassuppādā idaṃ uppajjati, imasmiṃ asati idaṃ na hoti, imassa nirodhā idaṃ nirujjhati, yadidaṃ – avijjāpaccayā saṅkhārā, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā saḷāyatanaṃ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo , bhavapaccayā jāti, jātipaccayā jarāmaraṇaṃ sokaparidevadukkhadomanassūpāyāsā sambhavanti. Evametassa kevalassa dukkhakkhandhassa samudayo hoti. Avijjāyatveva asesavirāganirodhā saṅkhāranirodho, saṅkhāranirodhā viññāṇanirodho, viññāṇanirodhā nāmarūpanirodho, nāmarūpanirodhā saḷāyatananirodho, saḷāyatananirodhā phassanirodho, phassanirodhā vedanānirodho, vedanānirodhā taṇhānirodho, taṇhānirodhā upādānanirodho, upādānanirodhā bhavanirodho, bhavanirodhā jātinirodho, jātinirodhā jarāmaraṇaṃ sokaparidevadukkhadomanassūpāyāsā nirujjhanti. Evametassa kevalassa dukkhakkhandhassa nirodho hoti’. Ettāvatā kho, ānanda, ‘paṭiccasamuppādakusalo bhikkhū’ti alaṃ vacanāyā’’ti.
127. ‘‘гид̇д̇аавад̇аа бана, бханд̇з, ‘таанаатаанагусало бхигкуу’д̇и алам̣ важанааяаа’’д̇и? ‘‘ид̇хаананд̣̇а, бхигку ‘адтаанамзд̇ам̣ анавагаасо яам̣ д̣̇идтисамбанно буг̇г̇ало ган̃жи 3 сан̇каарам̣ нижжад̇о убаг̇ажчзяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ бут̇уж̇ж̇ано ган̃жи сан̇каарам̣ нижжад̇о убаг̇ажчзяяа, таанамзд̇ам̣ виж̇ж̇ад̇ий’д̇и баж̇аанаад̇и; ‘адтаанамзд̇ам̣ анавагаасо яам̣ д̣̇идтисамбанно буг̇г̇ало ган̃жи сан̇каарам̣ сукад̇о убаг̇ажчзяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ бут̇уж̇ж̇ано ган̃жи сан̇каарам̣ сукад̇о убаг̇ажчзяяа, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ д̣̇идтисамбанно буг̇г̇ало ган̃жи д̇хаммам̣ ад̇д̇ад̇о убаг̇ажчзяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и, ‘таанан̃жа ко зд̇ам̣ виж̇ж̇ад̇и яам̣ бут̇уж̇ж̇ано ган̃жи д̇хаммам̣ ад̇д̇ад̇о убаг̇ажчзяяа, таанамзд̇ам̣ виж̇ж̇ад̇ий’д̇и баж̇аанаад̇и.
127. ‘‘Kittāvatā pana, bhante, ‘ṭhānāṭhānakusalo bhikkhū’ti alaṃ vacanāyā’’ti? ‘‘Idhānanda, bhikkhu ‘aṭṭhānametaṃ anavakāso yaṃ diṭṭhisampanno puggalo kañci 4 saṅkhāraṃ niccato upagaccheyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ puthujjano kañci saṅkhāraṃ niccato upagaccheyya, ṭhānametaṃ vijjatī’ti pajānāti; ‘aṭṭhānametaṃ anavakāso yaṃ diṭṭhisampanno puggalo kañci saṅkhāraṃ sukhato upagaccheyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ puthujjano kañci saṅkhāraṃ sukhato upagaccheyya, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ diṭṭhisampanno puggalo kañci dhammaṃ attato upagaccheyya, netaṃ ṭhānaṃ vijjatī’ti pajānāti, ‘ṭhānañca kho etaṃ vijjati yaṃ puthujjano kañci dhammaṃ attato upagaccheyya, ṭhānametaṃ vijjatī’ti pajānāti.
128. ‘‘‘адтаанамзд̇ам̣ анавагаасо яам̣ д̣̇идтисамбанно буг̇г̇ало маад̇арам̣ ж̇ийвид̇аа воробзяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ бут̇уж̇ж̇ано маад̇арам̣ ж̇ийвид̇аа воробзяяа, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ д̣̇идтисамбанно буг̇г̇ало бид̇арам̣ ж̇ийвид̇аа воробзяяа…бз… араханд̇ам̣ ж̇ийвид̇аа воробзяяа, таанамзд̇ам̣ виж̇ж̇ад̇ий’д̇и баж̇аанаад̇и; ‘адтаанамзд̇ам̣ анавагаасо яам̣ д̣̇идтисамбанно буг̇г̇ало д̣̇удтажид̇д̇о д̇ат̇ааг̇ад̇асса лохид̇ам̣ уббаад̣̇зяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ бут̇уж̇ж̇ано д̣̇удтажид̇д̇о д̇ат̇ааг̇ад̇асса лохид̇ам̣ уббаад̣̇зяяа, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ д̣̇идтисамбанно буг̇г̇ало сан̇гхам̣ бхинд̣̇зяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ бут̇уж̇ж̇ано сан̇гхам̣ бхинд̣̇зяяа, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ д̣̇идтисамбанно буг̇г̇ало ан̃н̃ам̣ сад̇т̇аарам̣ уд̣̇д̣̇исзяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ бут̇уж̇ж̇ано ан̃н̃ам̣ сад̇т̇аарам̣ уд̣̇д̣̇исзяяа, таанамзд̇ам̣ виж̇ж̇ад̇ий’д̇и баж̇аанаад̇и.
128. ‘‘‘Aṭṭhānametaṃ anavakāso yaṃ diṭṭhisampanno puggalo mātaraṃ jīvitā voropeyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ puthujjano mātaraṃ jīvitā voropeyya, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ diṭṭhisampanno puggalo pitaraṃ jīvitā voropeyya…pe… arahantaṃ jīvitā voropeyya, ṭhānametaṃ vijjatī’ti pajānāti; ‘aṭṭhānametaṃ anavakāso yaṃ diṭṭhisampanno puggalo duṭṭhacitto tathāgatassa lohitaṃ uppādeyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ puthujjano duṭṭhacitto tathāgatassa lohitaṃ uppādeyya, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ diṭṭhisampanno puggalo saṅghaṃ bhindeyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ puthujjano saṅghaṃ bhindeyya, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ diṭṭhisampanno puggalo aññaṃ satthāraṃ uddiseyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ puthujjano aññaṃ satthāraṃ uddiseyya, ṭhānametaṃ vijjatī’ti pajānāti.
129. ‘‘‘адтаанамзд̇ам̣ анавагаасо яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа абуб̣б̣ам̣ ажаримам̣ уббаж̇ж̇зяяум̣, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ згиссаа логад̇хаад̇уяаа зго арахам̣ саммаасамб̣уд̣̇д̇хо уббаж̇ж̇зяяа, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ згиссаа логад̇хаад̇уяаа д̣̇вз рааж̇аано жаггавад̇д̇ино абуб̣б̣ам̣ ажаримам̣ уббаж̇ж̇зяяум̣, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ згиссаа логад̇хаад̇уяаа зго рааж̇аа жаггавад̇д̇ий уббаж̇ж̇зяяа, таанамзд̇ам̣ виж̇ж̇ад̇ий’д̇и баж̇аанаад̇и.
129. ‘‘‘Aṭṭhānametaṃ anavakāso yaṃ ekissā lokadhātuyā dve arahanto sammāsambuddhā apubbaṃ acarimaṃ uppajjeyyuṃ, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ ekissā lokadhātuyā eko arahaṃ sammāsambuddho uppajjeyya, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ ekissā lokadhātuyā dve rājāno cakkavattino apubbaṃ acarimaṃ uppajjeyyuṃ, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ ekissā lokadhātuyā eko rājā cakkavattī uppajjeyya, ṭhānametaṃ vijjatī’ti pajānāti.
130. ‘‘‘адтаанамзд̇ам̣ анавагаасо яам̣ ид̇т̇ий арахам̣ асса саммаасамб̣уд̣̇д̇хо , нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ бурисо арахам̣ асса саммаасамб̣уд̣̇д̇хо, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ ид̇т̇ий рааж̇аа асса жаггавад̇д̇ий, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ бурисо рааж̇аа асса жаггавад̇д̇ий, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ ид̇т̇ий саггад̇д̇ам̣ гарзяяа … маарад̇д̇ам̣ гарзяяа… б̣рахмад̇д̇ам̣ гарзяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ бурисо саггад̇д̇ам̣ гарзяяа… маарад̇д̇ам̣ гарзяяа… б̣рахмад̇д̇ам̣ гарзяяа, таанамзд̇ам̣ виж̇ж̇ад̇ий’д̇и баж̇аанаад̇и.
130. ‘‘‘Aṭṭhānametaṃ anavakāso yaṃ itthī arahaṃ assa sammāsambuddho , netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ puriso arahaṃ assa sammāsambuddho, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ itthī rājā assa cakkavattī, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ puriso rājā assa cakkavattī, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ itthī sakkattaṃ kareyya … mārattaṃ kareyya… brahmattaṃ kareyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ puriso sakkattaṃ kareyya… mārattaṃ kareyya… brahmattaṃ kareyya, ṭhānametaṃ vijjatī’ti pajānāti.
131. ‘‘‘адтаанамзд̇ам̣ анавагаасо яам̣ гааяад̣̇ужжарид̇асса идто ганд̇о манаабо вибааго ниб̣б̣ад̇д̇зяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ гааяад̣̇ужжарид̇асса анидто аганд̇о аманаабо вибааго ниб̣б̣ад̇д̇зяяа, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ важийд̣̇ужжарид̇асса…бз… яам̣ манод̣̇ужжарид̇асса идто ганд̇о манаабо вибааго ниб̣б̣ад̇д̇зяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; таанан̃жа ко зд̇ам̣ виж̇ж̇ад̇и яам̣ важийд̣̇ужжарид̇асса…бз… яам̣ манод̣̇ужжарид̇асса анидто аганд̇о аманаабо вибааго ниб̣б̣ад̇д̇зяяа, таанамзд̇ам̣ виж̇ж̇ад̇ийд̇и баж̇аанаад̇и. ‘адтаанамзд̇ам̣ анавагаасо яам̣ гааяасужарид̇асса анидто аганд̇о аманаабо вибааго ниб̣б̣ад̇д̇зяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ гааяасужарид̇асса идто ганд̇о манаабо вибааго ниб̣б̣ад̇д̇зяяа, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ важийсужарид̇асса…бз… яам̣ маносужарид̇асса анидто аганд̇о аманаабо вибааго ниб̣б̣ад̇д̇зяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ важийсужарид̇асса…бз… яам̣ маносужарид̇асса идто ганд̇о манаабо вибааго ниб̣б̣ад̇д̇зяяа, таанамзд̇ам̣ виж̇ж̇ад̇ий’д̇и баж̇аанаад̇и.
131. ‘‘‘Aṭṭhānametaṃ anavakāso yaṃ kāyaduccaritassa iṭṭho kanto manāpo vipāko nibbatteyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ kāyaduccaritassa aniṭṭho akanto amanāpo vipāko nibbatteyya, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ vacīduccaritassa…pe… yaṃ manoduccaritassa iṭṭho kanto manāpo vipāko nibbatteyya, netaṃ ṭhānaṃ vijjatī’ti pajānāti; ṭhānañca kho etaṃ vijjati yaṃ vacīduccaritassa…pe… yaṃ manoduccaritassa aniṭṭho akanto amanāpo vipāko nibbatteyya, ṭhānametaṃ vijjatīti pajānāti. ‘Aṭṭhānametaṃ anavakāso yaṃ kāyasucaritassa aniṭṭho akanto amanāpo vipāko nibbatteyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ kāyasucaritassa iṭṭho kanto manāpo vipāko nibbatteyya, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ vacīsucaritassa…pe… yaṃ manosucaritassa aniṭṭho akanto amanāpo vipāko nibbatteyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ vacīsucaritassa…pe… yaṃ manosucaritassa iṭṭho kanto manāpo vipāko nibbatteyya, ṭhānametaṃ vijjatī’ti pajānāti.
‘‘‘адтаанамзд̇ам̣ анавагаасо яам̣ гааяад̣̇ужжарид̇асаман̇г̇ий д̇ам̣нид̣̇аанаа д̇аббажжаяаа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ гааяад̣̇ужжарид̇асаман̇г̇ий д̇ам̣нид̣̇аанаа д̇аббажжаяаа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ важийд̣̇ужжарид̇асаман̇г̇ий…бз… яам̣ манод̣̇ужжарид̇асаман̇г̇ий д̇ам̣нид̣̇аанаа д̇аббажжаяаа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ важийд̣̇ужжарид̇асаман̇г̇ий…бз… яам̣ манод̣̇ужжарид̇асаман̇г̇ий д̇ам̣нид̣̇аанаа д̇аббажжаяаа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ гааяасужарид̇асаман̇г̇ий д̇ам̣нид̣̇аанаа д̇аббажжаяаа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ гааяасужарид̇асаман̇г̇ий д̇ам̣нид̣̇аанаа д̇аббажжаяаа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа, таанамзд̇ам̣ виж̇ж̇ад̇ий’д̇и баж̇аанаад̇и. ‘адтаанамзд̇ам̣ анавагаасо яам̣ важийсужарид̇асаман̇г̇ий…бз… яам̣ маносужарид̇асаман̇г̇ий д̇ам̣нид̣̇аанаа д̇аббажжаяаа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа, нзд̇ам̣ таанам̣ виж̇ж̇ад̇ий’д̇и баж̇аанаад̇и; ‘таанан̃жа ко зд̇ам̣ виж̇ж̇ад̇и яам̣ важийсужарид̇асаман̇г̇ий…бз… яам̣ маносужарид̇асаман̇г̇ий д̇ам̣нид̣̇аанаа д̇аббажжаяаа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа, таанамзд̇ам̣ виж̇ж̇ад̇ий’д̇и баж̇аанаад̇и. зд̇д̇аавад̇аа ко, аананд̣̇а, ‘таанаатаанагусало бхигкуу’д̇и алам̣ важанааяаа’’д̇и.
‘‘‘Aṭṭhānametaṃ anavakāso yaṃ kāyaduccaritasamaṅgī taṃnidānā tappaccayā kāyassa bhedā paraṃ maraṇā sugatiṃ saggaṃ lokaṃ upapajjeyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ kāyaduccaritasamaṅgī taṃnidānā tappaccayā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ vacīduccaritasamaṅgī…pe… yaṃ manoduccaritasamaṅgī taṃnidānā tappaccayā kāyassa bhedā paraṃ maraṇā sugatiṃ saggaṃ lokaṃ upapajjeyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ vacīduccaritasamaṅgī…pe… yaṃ manoduccaritasamaṅgī taṃnidānā tappaccayā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ kāyasucaritasamaṅgī taṃnidānā tappaccayā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ kāyasucaritasamaṅgī taṃnidānā tappaccayā kāyassa bhedā paraṃ maraṇā sugatiṃ saggaṃ lokaṃ upapajjeyya, ṭhānametaṃ vijjatī’ti pajānāti. ‘Aṭṭhānametaṃ anavakāso yaṃ vacīsucaritasamaṅgī…pe… yaṃ manosucaritasamaṅgī taṃnidānā tappaccayā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya, netaṃ ṭhānaṃ vijjatī’ti pajānāti; ‘ṭhānañca kho etaṃ vijjati yaṃ vacīsucaritasamaṅgī…pe… yaṃ manosucaritasamaṅgī taṃnidānā tappaccayā kāyassa bhedā paraṃ maraṇā sugatiṃ saggaṃ lokaṃ upapajjeyya, ṭhānametaṃ vijjatī’ti pajānāti. Ettāvatā kho, ānanda, ‘ṭhānāṭhānakusalo bhikkhū’ti alaṃ vacanāyā’’ti.
132. звам̣ вуд̇д̇з ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з! гонаамо аяам̣, бханд̇з, д̇хаммабарияааяо’’д̇и? ‘‘д̇асмаад̇иха д̇вам̣, аананд̣̇а, имам̣ д̇хаммабарияааяам̣ ‘б̣ахуд̇хаад̇уго’д̇иби нам̣ д̇хаарзхи, ‘жад̇убариваддо’д̇иби нам̣ д̇хаарзхи, ‘д̇хаммаад̣̇аасо’д̇иби нам̣ д̇хаарзхи, ‘амад̇ад̣̇унд̣̇убхий’д̇иби 5 нам̣ д̇хаарзхи, ‘ануд̇д̇аро сан̇г̇аамавиж̇аяо’д̇иби нам̣ д̇хаарзхий’’д̇и.
132. Evaṃ vutte āyasmā ānando bhagavantaṃ etadavoca – ‘‘acchariyaṃ, bhante, abbhutaṃ, bhante! Konāmo ayaṃ, bhante, dhammapariyāyo’’ti? ‘‘Tasmātiha tvaṃ, ānanda, imaṃ dhammapariyāyaṃ ‘bahudhātuko’tipi naṃ dhārehi, ‘catuparivaṭṭo’tipi naṃ dhārehi, ‘dhammādāso’tipi naṃ dhārehi, ‘amatadundubhī’tipi 6 naṃ dhārehi, ‘anuttaro saṅgāmavijayo’tipi naṃ dhārehī’’ti.
ид̣̇амавожа бхаг̇аваа. ад̇д̇амано ааяасмаа аананд̣̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā ānando bhagavato bhāsitaṃ abhinandīti.
б̣ахуд̇хаад̇угасуд̇д̇ам̣ нидтид̇ам̣ бан̃жамам̣.
Bahudhātukasuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. б̣ахуд̇хаад̇угасуд̇д̇аван̣н̣анаа • 5. Bahudhātukasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. б̣ахуд̇хаад̇угасуд̇д̇аван̣н̣анаа • 5. Bahudhātukasuttavaṇṇanā
