| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. б̣ахуд̇хаад̇угасуд̇д̇аван̣н̣анаа
5. Bahudhātukasuttavaṇṇanā
124. звам̣ мз суд̇анд̇и б̣ахуд̇хаад̇угасуд̇д̇ам̣. д̇ад̇т̇а бхаяаанийд̇иаад̣̇ийсу бхаяанд̇и жид̇д̇уд̇раасо. убад̣̇д̣̇авод̇и анзгаг̇г̇ад̇аагааро. убасаг̇г̇од̇и убасадтаагааро д̇ад̇т̇а д̇ад̇т̇а лаг̇г̇анаагааро. д̇зсам̣ звам̣ наанад̇д̇ам̣ взд̣̇ид̇аб̣б̣ам̣ – баб̣б̣ад̇аад̣̇ивисаманиссид̇аа жораа ж̇анабад̣̇аваасийнам̣ бзсзнд̇и ‘‘маяам̣ асугад̣̇ивасз наама д̇умхаагам̣ г̇аамам̣ бахариссаамаа’’д̇и. д̇ам̣ бавад̇д̇им̣ суд̇агаалад̇о бадтааяа бхаяам̣ санд̇аасам̣ аабаж̇ж̇анд̇и. аяам̣ жид̇д̇уд̇раасо наама. ‘‘ид̇ха но жораа губид̇аа анад̇т̇амби аавахзяяу’’нд̇и хад̇т̇асаарам̣ г̇ахзд̇ваа д̣̇вибад̣̇ажад̇уббад̣̇зхи сад̣̇д̇хим̣ аран̃н̃ам̣ бависид̇ваа д̇ад̇т̇а д̇ад̇т̇а бхуумияам̣ нибаж̇ж̇анд̇и, д̣ам̣самагасаад̣̇ийхи каж̇ж̇амаанаа г̇умб̣анд̇араани бависанд̇и, каан̣уган̣дагз мад̣̇д̣̇анд̇и. д̇зсам̣ звам̣ вижаранд̇аанам̣ вигкид̇д̇абхааво анзгаг̇г̇ад̇аагааро наама. д̇ад̇о жорзсу яат̇аавуд̇д̇з д̣̇ивасз анааг̇ажчанд̇зсу ‘‘д̇ужчагасаасанам̣ д̇ам̣ бхависсад̇и, г̇аамам̣ бависиссаамаа’’д̇и сабаригкаараа г̇аамам̣ бависанд̇и, ат̇а д̇зсам̣ бавидтабхаавам̣ н̃ад̇ваа г̇аамам̣ бариваарзд̇ваа д̣̇ваарз аг̇г̇им̣ д̣̇ад̇ваа мануссз гхаад̇зд̇ваа жораа саб̣б̣ам̣ вибхавам̣ вилумбзд̇ваа г̇ажчанд̇и. д̇зсу гхаад̇ид̇аавасзсаа аг̇г̇им̣ ниб̣б̣аабзд̇ваа годтажчааяабхид̇д̇ижчааяаад̣̇ийсу д̇ад̇т̇а д̇ад̇т̇а лаг̇г̇ид̇ваа нисийд̣̇анд̇и надтам̣ анусожамаанаа. аяам̣ убасадтаагааро лаг̇г̇анаагааро наама.
124.Evaṃme sutanti bahudhātukasuttaṃ. Tattha bhayānītiādīsu bhayanti cittutrāso. Upaddavoti anekaggatākāro. Upasaggoti upasaṭṭhākāro tattha tattha lagganākāro. Tesaṃ evaṃ nānattaṃ veditabbaṃ – pabbatādivisamanissitā corā janapadavāsīnaṃ pesenti ‘‘mayaṃ asukadivase nāma tumhākaṃ gāmaṃ paharissāmā’’ti. Taṃ pavattiṃ sutakālato paṭṭhāya bhayaṃ santāsaṃ āpajjanti. Ayaṃ cittutrāso nāma. ‘‘Idha no corā kupitā anatthampi āvaheyyu’’nti hatthasāraṃ gahetvā dvipadacatuppadehi saddhiṃ araññaṃ pavisitvā tattha tattha bhūmiyaṃ nipajjanti, ḍaṃsamakasādīhi khajjamānā gumbantarāni pavisanti, khāṇukaṇṭake maddanti. Tesaṃ evaṃ vicarantānaṃ vikkhittabhāvo anekaggatākāro nāma. Tato coresu yathāvutte divase anāgacchantesu ‘‘tucchakasāsanaṃ taṃ bhavissati, gāmaṃ pavisissāmā’’ti saparikkhārā gāmaṃ pavisanti, atha tesaṃ paviṭṭhabhāvaṃ ñatvā gāmaṃ parivāretvā dvāre aggiṃ datvā manusse ghātetvā corā sabbaṃ vibhavaṃ vilumpetvā gacchanti. Tesu ghātitāvasesā aggiṃ nibbāpetvā koṭṭhacchāyabhitticchāyādīsu tattha tattha laggitvā nisīdanti naṭṭhaṃ anusocamānā. Ayaṃ upasaṭṭhākāro lagganākāro nāma.
нал̣ааг̇аараад̇и нал̣зхи барижчаннаа аг̇аараа, сзсасамбхаараа банзд̇т̇а ругкамаяаа хонд̇и. д̇ин̣ааг̇аарзби зсзва наяо. б̣аалад̇о уббаж̇ж̇анд̇ийд̇и б̣ааламзва ниссааяа уббаж̇ж̇анд̇и. б̣аало хи абан̣д̣ид̇абурисо раж̇ж̇ам̣ ваа убараж̇ж̇ам̣ ваа ан̃н̃ам̣ ваа бана маханд̇ам̣ таанам̣ бад̇т̇знд̇о гад̇ибаяз ад̇д̇анаа сад̣̇исз вид̇хаваабуд̇д̇з махаад̇худ̇д̇з г̇ахзд̇ваа ‘‘зт̇а ахам̣ д̇умхз иссарз гариссаамий’’д̇и баб̣б̣ад̇аг̇аханаад̣̇ийни ниссааяа анд̇анд̇з г̇аамз бахаранд̇о д̣̇аамаригабхаавам̣ ж̇аанаабзд̇ваа анубуб̣б̣зна ниг̇амзби ж̇анабад̣̇зби бахарад̇и, мануссаа г̇зхаани чад̣д̣зд̇ваа кзманд̇адтаанам̣ бад̇т̇аяамаанаа баггаманд̇и, д̇з ниссааяа васанд̇аа бхигкууби бхигкунияоби ад̇д̇ано ад̇д̇ано васанадтаанаани бахааяа баггаманд̇и. г̇ад̇аг̇ад̇адтаанз бхигкааби сзнаасанамби д̣̇уллабхам̣ ход̇и. звам̣ жад̇уннам̣ барисаанам̣ бхаяам̣ ааг̇ад̇амзва ход̇и. баб̣б̣аж̇ид̇зсуби д̣̇вз б̣аалаа бхигкуу ан̃н̃аман̃н̃ам̣ виваад̣̇ам̣ бадтабзд̇ваа жод̣̇анам̣ аарабханд̇и . ид̇и госамб̣иваасигаанам̣ вияа махаагалахо уббаж̇ж̇ад̇и, жад̇уннам̣ барисаанам̣ бхаяам̣ ааг̇ад̇амзва ход̇ийд̇и звам̣ яаани гаанижи бхаяаани уббаж̇ж̇анд̇и, саб̣б̣аани д̇аани б̣аалад̇о уббаж̇ж̇анд̇ийд̇и взд̣̇ид̇аб̣б̣аани.
Naḷāgārāti naḷehi paricchannā agārā, sesasambhārā panettha rukkhamayā honti. Tiṇāgārepi eseva nayo. Bālato uppajjantīti bālameva nissāya uppajjanti. Bālo hi apaṇḍitapuriso rajjaṃ vā uparajjaṃ vā aññaṃ vā pana mahantaṃ ṭhānaṃ patthento katipaye attanā sadise vidhavāputte mahādhutte gahetvā ‘‘etha ahaṃ tumhe issare karissāmī’’ti pabbatagahanādīni nissāya antante gāme paharanto dāmarikabhāvaṃ jānāpetvā anupubbena nigamepi janapadepi paharati, manussā gehāni chaḍḍetvā khemantaṭṭhānaṃ patthayamānā pakkamanti, te nissāya vasantā bhikkhūpi bhikkhuniyopi attano attano vasanaṭṭhānāni pahāya pakkamanti. Gatagataṭṭhāne bhikkhāpi senāsanampi dullabhaṃ hoti. Evaṃ catunnaṃ parisānaṃ bhayaṃ āgatameva hoti. Pabbajitesupi dve bālā bhikkhū aññamaññaṃ vivādaṃ paṭṭhapetvā codanaṃ ārabhanti . Iti kosambivāsikānaṃ viya mahākalaho uppajjati, catunnaṃ parisānaṃ bhayaṃ āgatameva hotīti evaṃ yāni kānici bhayāni uppajjanti, sabbāni tāni bālato uppajjantīti veditabbāni.
зд̇ад̣̇авожаад̇и бхаг̇авад̇аа д̇хаммад̣̇зсанаа мад̇т̇агам̣ абаабзд̇ваава нидтаабид̇аа. яам̣нуунаахам̣ д̣̇асаб̣алам̣ бужчид̇ваа саб̣б̣ан̃н̃уд̇ан̃н̃аан̣знзвасса д̣̇зсанааяа баарибуурим̣ гарзяяанд̇и жинд̇зд̇ваа зд̇ам̣ ‘‘гид̇д̇аавад̇аа ну ко, бханд̇з’’д̇иаад̣̇иважанам̣ авожа.
Etadavocāti bhagavatā dhammadesanā matthakaṃ apāpetvāva niṭṭhāpitā. Yaṃnūnāhaṃ dasabalaṃ pucchitvā sabbaññutaññāṇenevassa desanāya pāripūriṃ kareyyanti cintetvā etaṃ ‘‘kittāvatā nu kho, bhante’’tiādivacanaṃ avoca.
125. адтаарасасу д̇хаад̇уусу ад̣дхзгаад̣̇асад̇хаад̇уяо руубабариг̇г̇ахо, ад̣дхадтамагад̇хаад̇уяо аруубабариг̇г̇аход̇и руубааруубабариг̇г̇ахова гат̇ид̇о. саб̣б̣ааби канд̇хавасзна бан̃жагканд̇хаа хонд̇и. бан̃жаби канд̇хаа д̣̇угкасажжам̣, д̇зсам̣ самудтаабигаа д̇ан̣хаа самуд̣̇аяасажжам̣, убхиннам̣ аббавад̇д̇и нирод̇хасажжам̣, нирод̇хабаж̇аананаа бадибад̣̇аа маг̇г̇асажжам̣. ид̇и жад̇усажжагаммадтаанам̣ згасса бхигкуно ниг̇г̇аманам̣ мад̇т̇агам̣ баабзд̇ваа гат̇ид̇ам̣ ход̇и. аяамзд̇т̇а сан̇кзбо, вид̇т̇аарад̇о банзд̇аа д̇хаад̇уяо висуд̣̇д̇химаг̇г̇з гат̇ид̇аава. ж̇аанаад̇и бассад̇ийд̇и саха вибассанааяа маг̇г̇о вуд̇д̇о.
125. Aṭṭhārasasu dhātūsu aḍḍhekādasadhātuyo rūpapariggaho, aḍḍhaṭṭhamakadhātuyo arūpapariggahoti rūpārūpapariggahova kathito. Sabbāpi khandhavasena pañcakkhandhā honti. Pañcapi khandhā dukkhasaccaṃ, tesaṃ samuṭṭhāpikā taṇhā samudayasaccaṃ, ubhinnaṃ appavatti nirodhasaccaṃ, nirodhapajānanā paṭipadā maggasaccaṃ. Iti catusaccakammaṭṭhānaṃ ekassa bhikkhuno niggamanaṃ matthakaṃ pāpetvā kathitaṃ hoti. Ayamettha saṅkhepo, vitthārato panetā dhātuyo visuddhimagge kathitāva. Jānāti passatīti saha vipassanāya maggo vutto.
бат̇авийд̇хаад̇уаад̣̇аяо савин̃н̃аан̣агагааяам̣ сун̃н̃ад̇о ниссад̇д̇ад̇о д̣̇ассзд̇ум̣ вуд̇д̇аа. д̇ааби буримаахи адтаарасахи д̇хаад̇уухи буурзд̇аб̣б̣аа. буурзнд̇зна вин̃н̃аан̣ад̇хаад̇уд̇о нийхарид̇ваа буурзд̇аб̣б̣аа. вин̃н̃аан̣ад̇хаад̇у хзсаа жагкувин̃н̃аан̣аад̣̇ивасзна чаб̣б̣ид̇хаа ход̇и. д̇ад̇т̇а жагкувин̃н̃аан̣ад̇хаад̇уяаа бариг̇г̇ахид̇ааяа д̇ассаа вад̇т̇у жагкуд̇хаад̇у, аарамман̣ам̣ руубад̇хаад̇ууд̇и д̣̇вз д̇хаад̇уяо бариг̇г̇ахид̇аава хонд̇и. зса наяо саб̣б̣ад̇т̇а. мановин̃н̃аан̣ад̇хаад̇уяаа бана бариг̇г̇ахид̇ааяа д̇ассаа буримабажчимавасзна манод̇хаад̇у, аарамман̣авасзна д̇хаммад̇хаад̇ууд̇и д̣̇вз д̇хаад̇уяо бариг̇г̇ахид̇аава хонд̇и. ид̇и имаасу адтаарасасу д̇хаад̇уусу ад̣дхзгаад̣̇асад̇хаад̇уяо руубабариг̇г̇аход̇и буриманаязнзва ид̣̇амби згасса бхигкуно ниг̇г̇аманам̣ мад̇т̇агам̣ баабзд̇ваа гат̇ид̇ам̣ ход̇и.
Pathavīdhātuādayo saviññāṇakakāyaṃ suññato nissattato dassetuṃ vuttā. Tāpi purimāhi aṭṭhārasahi dhātūhi pūretabbā. Pūrentena viññāṇadhātuto nīharitvā pūretabbā. Viññāṇadhātu hesā cakkhuviññāṇādivasena chabbidhā hoti. Tattha cakkhuviññāṇadhātuyā pariggahitāya tassā vatthu cakkhudhātu, ārammaṇaṃ rūpadhātūti dve dhātuyo pariggahitāva honti. Esa nayo sabbattha. Manoviññāṇadhātuyā pana pariggahitāya tassā purimapacchimavasena manodhātu, ārammaṇavasena dhammadhātūti dve dhātuyo pariggahitāva honti. Iti imāsu aṭṭhārasasu dhātūsu aḍḍhekādasadhātuyo rūpapariggahoti purimanayeneva idampi ekassa bhikkhuno niggamanaṃ matthakaṃ pāpetvā kathitaṃ hoti.
сукад̇хаад̇ууд̇иаад̣̇ийсу сукан̃жа д̇ам̣ ниссад̇д̇асун̃н̃ад̇адтзна д̇хаад̇у жаад̇и сукад̇хаад̇у. зса наяо саб̣б̣ад̇т̇а. зд̇т̇а жа буримаа жад̇ассо д̇хаад̇уяо саббадибагкавасзна г̇ахид̇аа, бажчимаа д̣̇вз саригкагавасзна. авибхууд̇абхаавзна хи убзгкаад̇хаад̇у авиж̇ж̇аад̇хаад̇уяаа саригкаа. зд̇т̇а жа сукад̣̇угкад̇хаад̇уусу бариг̇г̇ахид̇аасу гааяавин̃н̃аан̣ад̇хаад̇у бариг̇г̇ахид̇аава ход̇и, сзсаасу бариг̇г̇ахид̇аасу мановин̃н̃аан̣ад̇хаад̇у бариг̇г̇ахид̇аава ход̇и. имааби ча д̇хаад̇уяо хздтаа адтаарасахиязва буурзд̇аб̣б̣аа. буурзнд̇зна убзгкаад̇хаад̇уд̇о нийхарид̇ваа буурзд̇аб̣б̣аа. ид̇и имаасу адтаарасасу д̇хаад̇уусу ад̣дхзгаад̣̇асад̇хаад̇уяо руубабариг̇г̇аход̇и буриманаязнзва ид̣̇амби згасса бхигкуно ниг̇г̇аманам̣ мад̇т̇агам̣ баабзд̇ваа гат̇ид̇ам̣ ход̇и.
Sukhadhātūtiādīsu sukhañca taṃ nissattasuññataṭṭhena dhātu cāti sukhadhātu. Esa nayo sabbattha. Ettha ca purimā catasso dhātuyo sappaṭipakkhavasena gahitā, pacchimā dve sarikkhakavasena. Avibhūtabhāvena hi upekkhādhātu avijjādhātuyā sarikkhā. Ettha ca sukhadukkhadhātūsu pariggahitāsu kāyaviññāṇadhātu pariggahitāva hoti, sesāsu pariggahitāsu manoviññāṇadhātu pariggahitāva hoti. Imāpi cha dhātuyo heṭṭhā aṭṭhārasahiyeva pūretabbā. Pūrentena upekkhādhātuto nīharitvā pūretabbā. Iti imāsu aṭṭhārasasu dhātūsu aḍḍhekādasadhātuyo rūpapariggahoti purimanayeneva idampi ekassa bhikkhuno niggamanaṃ matthakaṃ pāpetvā kathitaṃ hoti.
гаамад̇хаад̇уаад̣̇ийнам̣ д̣̇взд̇хаавид̇аггз (ма. ни. 1.206) гаамавид̇аггаад̣̇ийсу вуд̇д̇анаязнзва ад̇т̇о взд̣̇ид̇аб̣б̣о. абхид̇хаммзби ‘‘д̇ад̇т̇а гад̇амаа гаамад̇хаад̇у, гаамабадисам̣яуд̇д̇о д̇агго вид̇агго’’д̇иаад̣̇инаа (вибха. 182) наязнзва зд̇аасам̣ вид̇т̇ааро ааг̇ад̇оязва. имааби ча д̇хаад̇уяо хздтаа адтаарасахиязва буурзд̇аб̣б̣аа. буурзнд̇зна гаамад̇хаад̇уд̇о нийхарид̇ваа буурзд̇аб̣б̣аа. ид̇и имаасу адтаарасасу д̇хаад̇уусу ад̣дхзгаад̣̇асад̇хаад̇уяо руубабариг̇г̇аход̇и буриманаязнзва ид̣̇амби згасса бхигкуно ниг̇г̇аманам̣ мад̇т̇агам̣ баабзд̇ваа гат̇ид̇ам̣ ход̇и.
Kāmadhātuādīnaṃ dvedhāvitakke (ma. ni. 1.206) kāmavitakkādīsu vuttanayeneva attho veditabbo. Abhidhammepi ‘‘tattha katamā kāmadhātu, kāmapaṭisaṃyutto takko vitakko’’tiādinā (vibha. 182) nayeneva etāsaṃ vitthāro āgatoyeva. Imāpi cha dhātuyo heṭṭhā aṭṭhārasahiyeva pūretabbā. Pūrentena kāmadhātuto nīharitvā pūretabbā. Iti imāsu aṭṭhārasasu dhātūsu aḍḍhekādasadhātuyo rūpapariggahoti purimanayeneva idampi ekassa bhikkhuno niggamanaṃ matthakaṃ pāpetvā kathitaṃ hoti.
гаамад̇хаад̇уаад̣̇ийсу бан̃жа гаамааважарагканд̇хаа гаамад̇хаад̇у наама, бан̃жа руубааважарагканд̇хаа руубад̇хаад̇у наама, жад̇д̇ааро аруубааважарагканд̇хаа аруубад̇хаад̇у наама. абхид̇хаммз бана ‘‘д̇ад̇т̇а гад̇амаа гаамад̇хаад̇у, хздтад̇о авийжинираяам̣ барияанд̇ам̣ гарид̇ваа’’д̇иаад̣̇инаа (вибха. 182) наязна зд̇аасам̣ вид̇т̇ааро ааг̇ад̇оязва. имааби д̇иссо д̇хаад̇уяо хздтаа адтаарасахиязва буурзд̇аб̣б̣аа. буурзнд̇зна гаамад̇хаад̇уд̇о нийхарид̇ваа буурзд̇аб̣б̣аа. ид̇и имаасу адтаарасасу д̇хаад̇уусу ад̣дхзгаад̣̇асад̇хаад̇уяо руубабариг̇г̇аход̇и буриманаязнзва ид̣̇амби згасса бхигкуно ниг̇г̇аманам̣ мад̇т̇агам̣ баабзд̇ваа гат̇ид̇ам̣ ход̇и.
Kāmadhātuādīsu pañca kāmāvacarakkhandhā kāmadhātu nāma, pañca rūpāvacarakkhandhā rūpadhātu nāma, cattāro arūpāvacarakkhandhā arūpadhātu nāma. Abhidhamme pana ‘‘tattha katamā kāmadhātu, heṭṭhato avīcinirayaṃ pariyantaṃ karitvā’’tiādinā (vibha. 182) nayena etāsaṃ vitthāro āgatoyeva. Imāpi tisso dhātuyo heṭṭhā aṭṭhārasahiyeva pūretabbā. Pūrentena kāmadhātuto nīharitvā pūretabbā. Iti imāsu aṭṭhārasasu dhātūsu aḍḍhekādasadhātuyo rūpapariggahoti purimanayeneva idampi ekassa bhikkhuno niggamanaṃ matthakaṃ pāpetvā kathitaṃ hoti.
сан̇кад̇аад̇и бажжаязхи самааг̇анд̇ваа гад̇аа, бан̃жаннам̣ канд̇хаанамзд̇ам̣ ад̇хиважанам̣. на сан̇кад̇аа асан̇кад̇аа. ниб̣б̣аанассзд̇ам̣ ад̇хиважанам̣. имааби д̣̇вз д̇хаад̇уяо хздтаа адтаарасахиязва буурзд̇аб̣б̣аа. буурзнд̇зна сан̇кад̇ад̇хаад̇уд̇о нийхарид̇ваа буурзд̇аб̣б̣аа. ид̇и имаасу адтаарасасу д̇хаад̇уусу ад̣дхзгаад̣̇асад̇хаад̇уяо руубабариг̇г̇аход̇и буриманаязнзва ид̣̇амби згасса бхигкуно ниг̇г̇аманам̣ мад̇т̇агам̣ баабзд̇ваа гат̇ид̇ам̣ ход̇и.
Saṅkhatāti paccayehi samāgantvā katā, pañcannaṃ khandhānametaṃ adhivacanaṃ. Na saṅkhatā asaṅkhatā. Nibbānassetaṃ adhivacanaṃ. Imāpi dve dhātuyo heṭṭhā aṭṭhārasahiyeva pūretabbā. Pūrentena saṅkhatadhātuto nīharitvā pūretabbā. Iti imāsu aṭṭhārasasu dhātūsu aḍḍhekādasadhātuyo rūpapariggahoti purimanayeneva idampi ekassa bhikkhuno niggamanaṃ matthakaṃ pāpetvā kathitaṃ hoti.
126. аж̇жхад̇д̇игаб̣аахираанийд̇и аж̇жхад̇д̇игаани жа б̣аахираани жа. зд̇т̇а хи жагкуаад̣̇ийни аж̇жхад̇д̇игаани ча, руубаад̣̇ийни б̣аахираани ча. ид̇хааби ж̇аанаад̇и бассад̇ийд̇и саха вибассанааяа маг̇г̇о гат̇ид̇о.
126.Ajjhattikabāhirānīti ajjhattikāni ca bāhirāni ca. Ettha hi cakkhuādīni ajjhattikāni cha, rūpādīni bāhirāni cha. Idhāpi jānāti passatīti saha vipassanāya maggo kathito.
имасмим̣ сад̇и ид̣̇анд̇иаад̣̇и махаад̇ан̣хаасан̇каяз вид̇т̇аарид̇амзва.
Imasmiṃsati idantiādi mahātaṇhāsaṅkhaye vitthāritameva.
127. адтаананд̇и хзд̇убадигкзбо. анавагаасод̇и бажжаяабадигкзбо. убхаязнааби гааран̣амзва бадигкибад̇и. гааран̣ан̃хи д̇ад̣̇ааяад̇д̇авуд̇д̇ид̇ааяа ад̇д̇ано паласса таананд̇и жа авагаасод̇и жа вужжад̇и. яанд̇и язна гааран̣зна. д̣̇идтисамбаннод̇и маг̇г̇ад̣̇идтияаа самбанно сод̇аабанно арияасааваго. ган̃жи сан̇кааранд̇и жад̇убхуумагзсу сан̇кад̇асан̇каарзсу ган̃жи згасан̇каарамби. нижжад̇о убаг̇ажчзяяаад̇и нижжод̇и г̇ан̣хзяяа. нзд̇ам̣ таанам̣ виж̇ж̇ад̇ийд̇и зд̇ам̣ гааран̣ам̣ над̇т̇и на убалаб̣бхад̇и. яам̣ бут̇уж̇ж̇анод̇и язна гааран̣зна бут̇уж̇ж̇ано. таанамзд̇ам̣ виж̇ж̇ад̇ийд̇и зд̇ам̣ гааран̣ам̣ ад̇т̇и. сассад̇ад̣̇идтияаа хи со д̇збхуумагзсу сан̇кад̇асан̇каарзсу ган̃жи сан̇каарам̣ нижжад̇о г̇ан̣хзяяаад̇и ад̇т̇о. жад̇уд̇т̇абхуумагасан̇каараа бана д̇зж̇уссад̣̇ад̇д̇аа д̣̇ивасам̣ санд̇ад̇д̇о аяог̇ул̣о вияа магкигаанам̣ д̣̇идтияаа ваа ан̃н̃зсам̣ ваа агусалаанам̣ аарамман̣ам̣ на хонд̇и. иминаа наязна ган̃жи сан̇каарам̣ сукад̇од̇иаад̣̇ийсуби ад̇т̇о взд̣̇ид̇аб̣б̣о.
127.Aṭṭhānanti hetupaṭikkhepo. Anavakāsoti paccayapaṭikkhepo. Ubhayenāpi kāraṇameva paṭikkhipati. Kāraṇañhi tadāyattavuttitāya attano phalassa ṭhānanti ca avakāsoti ca vuccati. Yanti yena kāraṇena. Diṭṭhisampannoti maggadiṭṭhiyā sampanno sotāpanno ariyasāvako. Kañci saṅkhāranti catubhūmakesu saṅkhatasaṅkhāresu kañci ekasaṅkhārampi. Niccato upagaccheyyāti niccoti gaṇheyya. Netaṃ ṭhānaṃ vijjatīti etaṃ kāraṇaṃ natthi na upalabbhati. Yaṃ puthujjanoti yena kāraṇena puthujjano. Ṭhānametaṃ vijjatīti etaṃ kāraṇaṃ atthi. Sassatadiṭṭhiyā hi so tebhūmakesu saṅkhatasaṅkhāresu kañci saṅkhāraṃ niccato gaṇheyyāti attho. Catutthabhūmakasaṅkhārā pana tejussadattā divasaṃ santatto ayoguḷo viya makkhikānaṃ diṭṭhiyā vā aññesaṃ vā akusalānaṃ ārammaṇaṃ na honti. Iminā nayena kañci saṅkhāraṃ sukhatotiādīsupi attho veditabbo.
сукад̇о убаг̇ажчзяяаад̇и ‘‘зганд̇асукий ад̇д̇аа ход̇и арог̇о барам̣ маран̣аа’’д̇и (ма. ни. 3.21, 22) звам̣ ад̇д̇ад̣̇идтивасзна сукад̇о г̇аахам̣ санд̇хааязд̇ам̣ вуд̇д̇ам̣. д̣̇идтивиббаяуд̇д̇ажид̇д̇зна бана арияасааваго барил̣аахаабхибхууд̇о барил̣аахавуубасамад̇т̇ам̣ мад̇д̇ахад̇т̇им̣ барид̇д̇аасид̇о вияа, жогкаб̣раахман̣о вияа жа г̇уут̇ам̣ ган̃жи сан̇каарам̣ сукад̇о убаг̇ажчад̇и. ад̇д̇аваарз гасин̣аад̣̇ибан̣н̣ад̇д̇исан̇г̇ахад̇т̇ам̣ сан̇кааранд̇и авад̇ваа ган̃жи д̇хамманд̇и вуд̇д̇ам̣. ид̇хааби арияасаавагасса жад̇убхуумагавасзна взд̣̇ид̇аб̣б̣о, бут̇уж̇ж̇анасса д̇збхуумагавасзна. саб̣б̣аваарзсу арияасаавагассааби д̇збхуумагавасзнзва барижчзд̣̇о ваддад̇и. яам̣ яан̃хи бут̇уж̇ж̇ано г̇ан̣хаад̇и, д̇ад̇о д̇ад̇о арияасааваго г̇аахам̣ винивзтзд̇и. бут̇уж̇ж̇ано хи яам̣ яам̣ нижжам̣ сукам̣ ад̇д̇аад̇и г̇ан̣хаад̇и, д̇ам̣ д̇ам̣ арияасааваго анижжам̣ д̣̇угкам̣ анад̇д̇аад̇и г̇ан̣ханд̇о д̇ам̣ г̇аахам̣ винивзтзд̇и.
Sukhato upagaccheyyāti ‘‘ekantasukhī attā hoti arogo paraṃ maraṇā’’ti (ma. ni. 3.21, 22) evaṃ attadiṭṭhivasena sukhato gāhaṃ sandhāyetaṃ vuttaṃ. Diṭṭhivippayuttacittena pana ariyasāvako pariḷāhābhibhūto pariḷāhavūpasamatthaṃ mattahatthiṃ parittāsito viya, cokkhabrāhmaṇo viya ca gūthaṃ kañci saṅkhāraṃ sukhato upagacchati. Attavāre kasiṇādipaṇṇattisaṅgahatthaṃ saṅkhāranti avatvā kañci dhammanti vuttaṃ. Idhāpi ariyasāvakassa catubhūmakavasena veditabbo, puthujjanassa tebhūmakavasena. Sabbavāresu ariyasāvakassāpi tebhūmakavaseneva paricchedo vaṭṭati. Yaṃ yañhi puthujjano gaṇhāti, tato tato ariyasāvako gāhaṃ viniveṭheti. Puthujjano hi yaṃ yaṃ niccaṃ sukhaṃ attāti gaṇhāti, taṃ taṃ ariyasāvako aniccaṃ dukkhaṃ anattāti gaṇhanto taṃ gāhaṃ viniveṭheti.
128. маад̇аранд̇иаад̣̇ийсу ж̇анигаава маад̇аа, ж̇анаго бид̇аа, мануссабхууд̇ова кийн̣аасаво арахаад̇и ад̇хиббзд̇о. гим̣ бана арияасааваго ан̃н̃ам̣ ж̇ийвид̇аа воробзяяаад̇и? зд̇амби адтаанам̣. сажзби хи бхаванд̇араг̇ад̇ам̣ арияасаавагам̣ ад̇д̇ано арияабхаавам̣ аж̇аананд̇амби гожи звам̣ вад̣̇зяяа ‘‘имам̣ гунт̇агибиллигам̣ ж̇ийвид̇аа воробзд̇ваа сагалажаггаваал̣аг̇аб̣бхз жаггавад̇д̇ираж̇ж̇ам̣ бадибаж̇ж̇аахий’’д̇и , нзва со д̇ам̣ ж̇ийвид̇аа воробзяяа. ат̇ааби нам̣ звам̣ вад̣̇зяяа ‘‘сажз имам̣ на гхаад̇зссаси, сийсам̣ д̇з чинд̣̇иссаамаа’’д̇и. сийсамзвасса чинд̣̇зяяа, на жа со д̇ам̣ гхаад̇зяяа. бут̇уж̇ж̇анабхаавасса бана махаасааваж̇ж̇абхаавад̣̇ассанад̇т̇ам̣ арияасаавагасса жа б̣алад̣̇ийбанад̇т̇амзд̇ам̣ вуд̇д̇ам̣. аяан̃хзд̇т̇а ад̇хиббааяо – сааваж̇ж̇о бут̇уж̇ж̇анабхааво, яад̇ра хи наама бут̇уж̇ж̇ано маад̇угхаад̇аад̣̇ийниби аананд̇арияаани гариссад̇и. махааб̣ало жа арияасааваго, яо зд̇аани гаммаани на гарод̇ийд̇и.
128.Mātarantiādīsu janikāva mātā, janako pitā, manussabhūtova khīṇāsavo arahāti adhippeto. Kiṃ pana ariyasāvako aññaṃ jīvitā voropeyyāti? Etampi aṭṭhānaṃ. Sacepi hi bhavantaragataṃ ariyasāvakaṃ attano ariyabhāvaṃ ajānantampi koci evaṃ vadeyya ‘‘imaṃ kunthakipillikaṃ jīvitā voropetvā sakalacakkavāḷagabbhe cakkavattirajjaṃ paṭipajjāhī’’ti , neva so taṃ jīvitā voropeyya. Athāpi naṃ evaṃ vadeyya ‘‘sace imaṃ na ghātessasi, sīsaṃ te chindissāmā’’ti. Sīsamevassa chindeyya, na ca so taṃ ghāteyya. Puthujjanabhāvassa pana mahāsāvajjabhāvadassanatthaṃ ariyasāvakassa ca baladīpanatthametaṃ vuttaṃ. Ayañhettha adhippāyo – sāvajjo puthujjanabhāvo, yatra hi nāma puthujjano mātughātādīnipi ānantariyāni karissati. Mahābalo ca ariyasāvako, yo etāni kammāni na karotīti.
д̣̇удтажид̇д̇од̇и вад̇хагажид̇д̇зна бад̣̇удтажид̇д̇о. лохид̇ам̣ уббаад̣̇зяяаад̇и ж̇ийвамаанагасарийрз куд̣̇д̣̇агамагкигааяа биванамад̇д̇амби лохид̇ам̣ уббаад̣̇зяяа. сан̇гхам̣ бхинд̣̇зяяаад̇и самаанасам̣ваасагам̣ самаанасиймааяа тид̇ам̣ бан̃жахи гааран̣зхи сан̇гхам̣ бхинд̣̇зяяа. вуд̇д̇ан̃хзд̇ам̣ ‘‘бан̃жахубаали аагаарзхи сан̇гхо бхиж̇ж̇ад̇и. гаммзна уд̣̇д̣̇зсзна вохаранд̇о ануссааванзна салаагаг̇г̇аахзнаа’’д̇и (бари. 458).
Duṭṭhacittoti vadhakacittena paduṭṭhacitto. Lohitaṃ uppādeyyāti jīvamānakasarīre khuddakamakkhikāya pivanamattampi lohitaṃ uppādeyya. Saṅghaṃ bhindeyyāti samānasaṃvāsakaṃ samānasīmāya ṭhitaṃ pañcahi kāraṇehi saṅghaṃ bhindeyya. Vuttañhetaṃ ‘‘pañcahupāli ākārehi saṅgho bhijjati. Kammena uddesena voharanto anussāvanena salākaggāhenā’’ti (pari. 458).
д̇ад̇т̇а гаммзнаад̇и абалоганаад̣̇ийсу жад̇уусу гаммзсу ан̃н̃ад̇арзна гаммзна. уд̣̇д̣̇зсзнаад̇и бан̃жасу баад̇имогкуд̣̇д̣̇зсзсу ан̃н̃ад̇арзна уд̣̇д̣̇зсзна. вохаранд̇од̇и гат̇аяанд̇о, д̇аахи д̇аахи уббад̇д̇ийхи ад̇хаммам̣ д̇хаммод̇иаад̣̇ийни адтаараса бхзд̣̇агаравад̇т̇ууни д̣̇ийбзнд̇о. ануссааванзнаад̇и нану д̇умхз ж̇аанаат̇а маяхам̣ ужжаагулаа баб̣б̣аж̇ид̇абхаавам̣ б̣ахуссуд̇абхааван̃жа, маад̣̇исо наама уд̣̇д̇хаммам̣ уб̣б̣инаяам̣ сад̇т̇усаасанам̣ г̇аахзяяаад̇и жид̇д̇амби уббаад̣̇зд̇ум̣ д̇умхаагам̣ яуд̇д̇ам̣, гим̣ маяхам̣ авийжи нийлуббалаванам̣ вияа сийд̇ало, гим̣ ахам̣ абааяад̇о на бхааяаамийд̇иаад̣̇инаа наязна ган̣н̣амуулз важийбхзд̣̇ам̣ гад̇ваа ануссааванзна. салаагаг̇г̇аахзнаад̇и звам̣ ануссаавзд̇ваа д̇зсам̣ жид̇д̇ам̣ убад̇т̇амбхзд̇ваа анивад̇д̇ид̇хаммз гад̇ваа ‘‘г̇ан̣хат̇а имам̣ салаага’’нд̇и салаагаг̇г̇аахзна.
Tattha kammenāti apalokanādīsu catūsu kammesu aññatarena kammena. Uddesenāti pañcasu pātimokkhuddesesu aññatarena uddesena. Voharantoti kathayanto, tāhi tāhi uppattīhi adhammaṃ dhammotiādīni aṭṭhārasa bhedakaravatthūni dīpento. Anussāvanenāti nanu tumhe jānātha mayhaṃ uccākulā pabbajitabhāvaṃ bahussutabhāvañca, mādiso nāma uddhammaṃ ubbinayaṃ satthusāsanaṃ gāheyyāti cittampi uppādetuṃ tumhākaṃ yuttaṃ, kiṃ mayhaṃ avīci nīluppalavanaṃ viya sītalo, kiṃ ahaṃ apāyato na bhāyāmītiādinā nayena kaṇṇamūle vacībhedaṃ katvā anussāvanena. Salākaggāhenāti evaṃ anussāvetvā tesaṃ cittaṃ upatthambhetvā anivattidhamme katvā ‘‘gaṇhatha imaṃ salāka’’nti salākaggāhena.
зд̇т̇а жа гаммамзва уд̣̇д̣̇зсо ваа бамаан̣ам̣, вохаараануссааванасалаагаг̇г̇аахаа бана буб̣б̣абхааг̇аа. адтаарасавад̇т̇уд̣̇ийбанавасзна хи вохаранд̇зна д̇ад̇т̇а ружиж̇ананад̇т̇ам̣ ануссаавзд̇ваа салаагааяа г̇аахид̇ааяаби абхиннова ход̇и сан̇гхо. яад̣̇аа бана звам̣ жад̇д̇ааро ваа ад̇ирзгаа ваа салаагам̣ г̇аахзд̇ваа аавзн̣игам̣ гаммам̣ ваа уд̣̇д̣̇зсам̣ ваа гаронд̇и, д̇ад̣̇аа сан̇гхо бхинно наама ход̇и. звам̣ д̣̇идтисамбанно буг̇г̇ало сан̇гхам̣ бхинд̣̇зяяаад̇и нзд̇ам̣ таанам̣ виж̇ж̇ад̇и. зд̇д̇аавад̇аа маад̇угхаад̇аад̣̇ийни бан̃жа аананд̇арияагаммаани д̣̇ассид̇аани хонд̇и, яаани бут̇уж̇ж̇ано гарод̇и, на арияасааваго, д̇зсам̣ аавибхаавад̇т̇ам̣ –
Ettha ca kammameva uddeso vā pamāṇaṃ, vohārānussāvanasalākaggāhā pana pubbabhāgā. Aṭṭhārasavatthudīpanavasena hi voharantena tattha rucijananatthaṃ anussāvetvā salākāya gāhitāyapi abhinnova hoti saṅgho. Yadā pana evaṃ cattāro vā atirekā vā salākaṃ gāhetvā āveṇikaṃ kammaṃ vā uddesaṃ vā karonti, tadā saṅgho bhinno nāma hoti. Evaṃ diṭṭhisampanno puggalo saṅghaṃ bhindeyyāti netaṃ ṭhānaṃ vijjati. Ettāvatā mātughātādīni pañca ānantariyakammāni dassitāni honti, yāni puthujjano karoti, na ariyasāvako, tesaṃ āvibhāvatthaṃ –
гаммад̇о д̣̇ваарад̇о жзва, габбадтид̇ияад̇о д̇ат̇аа;
Kammato dvārato ceva, kappaṭṭhitiyato tathā;
баагасаад̇хааран̣аад̣̇ийхи, вин̃н̃аад̇аб̣б̣о винижчаяо.
Pākasādhāraṇādīhi, viññātabbo vinicchayo.
д̇ад̇т̇а гаммад̇о д̇аава – зд̇т̇а хи мануссабхууд̇ассзва мануссабхууд̇ам̣ маад̇арам̣ ваа бид̇арам̣ ваа аби баривад̇д̇алин̇г̇ам̣ ж̇ийвид̇аа воробзнд̇асса гаммам̣ аананд̇арияам̣ ход̇и, д̇асса вибаагам̣ бадиб̣аахиссаамийд̇и сагалажаггаваал̣ам̣ махаажзд̇ияаббамаан̣зхи ган̃жанат̇уубзхи буурзд̇вааби сагалажаггаваал̣ам̣ буурзд̇ваа нисиннабхигкусан̇гхасса махаад̣̇аанам̣ д̣̇ад̇вааби б̣уд̣̇д̇хасса бхаг̇авад̇о сан̇гхаадиган̣н̣ам̣ амун̃жанд̇о вижарид̇вааби гааяасса бхзд̣̇аа нираяамзва убабаж̇ж̇ад̇и. яо бана саяам̣ мануссабхууд̇о д̇иражчаанабхууд̇ам̣ маад̇арам̣ ваа бид̇арам̣ ваа, саяам̣ ваа д̇иражчаанабхууд̇о мануссабхууд̇ам̣, д̇иражчааноязва ваа д̇иражчаанабхууд̇ам̣ ж̇ийвид̇аа воробзд̇и, д̇асса гаммам̣ аананд̇арияам̣ на ход̇и, бхаарияам̣ бана ход̇и, аананд̇арияам̣ аахажжзва д̇идтад̇и. мануссаж̇аад̇игаанам̣ бана васзна аяам̣ бан̃хо гат̇ид̇о.
Tattha kammato tāva – ettha hi manussabhūtasseva manussabhūtaṃ mātaraṃ vā pitaraṃ vā api parivattaliṅgaṃ jīvitā voropentassa kammaṃ ānantariyaṃ hoti, tassa vipākaṃ paṭibāhissāmīti sakalacakkavāḷaṃ mahācetiyappamāṇehi kañcanathūpehi pūretvāpi sakalacakkavāḷaṃ pūretvā nisinnabhikkhusaṅghassa mahādānaṃ datvāpi buddhassa bhagavato saṅghāṭikaṇṇaṃ amuñcanto vicaritvāpi kāyassa bhedā nirayameva upapajjati. Yo pana sayaṃ manussabhūto tiracchānabhūtaṃ mātaraṃ vā pitaraṃ vā, sayaṃ vā tiracchānabhūto manussabhūtaṃ, tiracchānoyeva vā tiracchānabhūtaṃ jīvitā voropeti, tassa kammaṃ ānantariyaṃ na hoti, bhāriyaṃ pana hoti, ānantariyaṃ āhacceva tiṭṭhati. Manussajātikānaṃ pana vasena ayaṃ pañho kathito.
д̇ад̇т̇а зл̣агажад̇уггам̣ сан̇г̇аамажад̇уггам̣ жоражад̇угган̃жа гат̇зд̇аб̣б̣ам̣. зл̣агам̣ маарзмийд̇и абхисанд̇хинааби хи зл̣агадтаанз тид̇ам̣ мануссо мануссабхууд̇ам̣ маад̇арам̣ ваа бид̇арам̣ ваа маарзнд̇о аананд̇арияам̣ пусад̇и. зл̣агаабхисанд̇хинаа бана маад̇аабид̇ааабхисанд̇хинаа ваа зл̣агам̣ маарзнд̇о аананд̇арияам̣ на пусад̇и. маад̇аабид̇ааабхисанд̇хинаа маад̇аабид̇аро маарзнд̇о пусад̇зва. зсзва наяо ид̇арасмимби жад̇уггад̣̇ваяз. яат̇аа жа маад̇аабид̇уусу, звам̣ араханд̇зби зд̇аани жад̇уггаани взд̣̇ид̇аб̣б̣аани.
Tattha eḷakacatukkaṃ saṅgāmacatukkaṃ coracatukkañca kathetabbaṃ. Eḷakaṃ māremīti abhisandhināpi hi eḷakaṭṭhāne ṭhitaṃ manusso manussabhūtaṃ mātaraṃ vā pitaraṃ vā mārento ānantariyaṃ phusati. Eḷakābhisandhinā pana mātāpitāabhisandhinā vā eḷakaṃ mārento ānantariyaṃ na phusati. Mātāpitāabhisandhinā mātāpitaro mārento phusateva. Eseva nayo itarasmimpi catukkadvaye. Yathā ca mātāpitūsu, evaṃ arahantepi etāni catukkāni veditabbāni.
мануссаараханд̇амзва маарзд̇ваа аананд̇арияам̣ пусад̇и, на яагкабхууд̇ам̣. гаммам̣ бана бхаарияам̣, аананд̇арияасад̣̇исамзва. мануссаараханд̇асса жа бут̇уж̇ж̇анагаалзязва сад̇т̇аббахаарз ваа висз ваа д̣̇иннзби яад̣̇и со арахад̇д̇ам̣ бад̇ваа д̇знзва марад̇и, араханд̇агхаад̇о ход̇иязва. яам̣ бана бут̇уж̇ж̇анагаалз д̣̇иннам̣ д̣̇аанам̣ арахад̇д̇ам̣ бад̇ваа барибхун̃ж̇ад̇и, бут̇уж̇ж̇анассзва д̣̇иннам̣ ход̇и. сзсаарияабуг̇г̇алз маарзнд̇асса аананд̇арияам̣ над̇т̇и. гаммам̣ бана бхаарияам̣, аананд̇арияасад̣̇исамзва.
Manussaarahantameva māretvā ānantariyaṃ phusati, na yakkhabhūtaṃ. Kammaṃ pana bhāriyaṃ, ānantariyasadisameva. Manussaarahantassa ca puthujjanakāleyeva satthappahāre vā vise vā dinnepi yadi so arahattaṃ patvā teneva marati, arahantaghāto hotiyeva. Yaṃ pana puthujjanakāle dinnaṃ dānaṃ arahattaṃ patvā paribhuñjati, puthujjanasseva dinnaṃ hoti. Sesaariyapuggale mārentassa ānantariyaṃ natthi. Kammaṃ pana bhāriyaṃ, ānantariyasadisameva.
лохид̇уббаад̣̇з д̇ат̇ааг̇ад̇асса абхзж̇ж̇агааяад̇ааяа баруубаггамзна жаммажчзд̣̇ам̣ гад̇ваа лохид̇абаг̇гхаран̣ам̣ наама над̇т̇и. сарийрасса бана анд̇оязва згасмим̣язва таанз лохид̇ам̣ самосарад̇и. д̣̇звад̣̇ад̇д̇зна бавид̣̇д̇хасилад̇о бхиж̇ж̇ид̇ваа г̇ад̇аа сагалигааби д̇ат̇ааг̇ад̇асса баад̣̇анд̇ам̣ бахари, парасунаа бахадо вияа баад̣̇о анд̇олохид̇оязва ахоси. д̇ат̇аа гаронд̇асса аананд̇арияам̣ ход̇и. ж̇ийваго бана д̇ат̇ааг̇ад̇асса ружияаа сад̇т̇агзна жаммам̣ чинд̣̇ид̇ваа д̇амхаа таанаа д̣̇удталохид̇ам̣ нийхарид̇ваа паасумагааси, д̇ат̇аа гаронд̇асса бун̃н̃агаммамзва ход̇и.
Lohituppāde tathāgatassa abhejjakāyatāya parūpakkamena cammacchedaṃ katvā lohitapaggharaṇaṃ nāma natthi. Sarīrassa pana antoyeva ekasmiṃyeva ṭhāne lohitaṃ samosarati. Devadattena paviddhasilato bhijjitvā gatā sakalikāpi tathāgatassa pādantaṃ pahari, pharasunā pahaṭo viya pādo antolohitoyeva ahosi. Tathā karontassa ānantariyaṃ hoti. Jīvako pana tathāgatassa ruciyā satthakena cammaṃ chinditvā tamhā ṭhānā duṭṭhalohitaṃ nīharitvā phāsumakāsi, tathā karontassa puññakammameva hoti.
ат̇а яз жа бариниб̣б̣уд̇з д̇ат̇ааг̇ад̇з жзд̇ияам̣ бхинд̣̇анд̇и, б̣од̇хим̣ чинд̣̇анд̇и д̇хаад̇умхи убаггаманд̇и, д̇зсам̣ гим̣ ход̇ийд̇и? бхаарияам̣ гаммам̣ ход̇и аананд̇арияасад̣̇исам̣. сад̇хаад̇угам̣ бана т̇уубам̣ ваа бадимам̣ ваа б̣аад̇хамаанам̣ б̣од̇хисаакам̣ чинд̣̇ид̇ум̣ ваддад̇и. сажзби д̇ад̇т̇а нилийнаа сагун̣аа жзд̇ияз важжам̣ баад̇знд̇и, чинд̣̇ид̇ум̣ ваддад̇иязва. барибхог̇ажзд̇ияад̇о хи сарийражзд̇ияам̣ маханд̇ад̇арам̣. жзд̇ияавад̇т̇ум̣ бхинд̣̇ид̇ваа г̇ажчанд̇ам̣ б̣од̇химууламби чинд̣̇ид̇ваа харид̇ум̣ ваддад̇и. яаа бана б̣од̇хисаакаа б̣од̇хигхарам̣ б̣аад̇хад̇и, д̇ам̣ г̇зхарагкан̣ад̇т̇ам̣ чинд̣̇ид̇ум̣ на лабхад̇и, б̣од̇хиад̇т̇ан̃хи г̇зхам̣, на г̇зхад̇т̇ааяа б̣од̇хи. аасанагхарзби зсзва наяо. яасмим̣ бана аасанагхарз д̇хаад̇у нихид̇аа ход̇и, д̇асса рагкан̣ад̇т̇ааяа б̣од̇хисаакам̣ чинд̣̇ид̇ум̣ ваддад̇и. б̣од̇хиж̇аг̇г̇анад̇т̇ам̣ ож̇охаран̣асаакам̣ ваа бууд̇идтаанам̣ ваа чинд̣̇ид̇ум̣ ваддад̇иязва, бхаг̇авад̇о сарийрабадиж̇аг̇г̇анз вияа бун̃н̃амби ход̇и.
Atha ye ca parinibbute tathāgate cetiyaṃ bhindanti, bodhiṃ chindanti dhātumhi upakkamanti, tesaṃ kiṃ hotīti? Bhāriyaṃ kammaṃ hoti ānantariyasadisaṃ. Sadhātukaṃ pana thūpaṃ vā paṭimaṃ vā bādhamānaṃ bodhisākhaṃ chindituṃ vaṭṭati. Sacepi tattha nilīnā sakuṇā cetiye vaccaṃ pātenti, chindituṃ vaṭṭatiyeva. Paribhogacetiyato hi sarīracetiyaṃ mahantataraṃ. Cetiyavatthuṃ bhinditvā gacchantaṃ bodhimūlampi chinditvā harituṃ vaṭṭati. Yā pana bodhisākhā bodhigharaṃ bādhati, taṃ geharakkhaṇatthaṃ chindituṃ na labhati, bodhiatthañhi gehaṃ, na gehatthāya bodhi. Āsanagharepi eseva nayo. Yasmiṃ pana āsanaghare dhātu nihitā hoti, tassa rakkhaṇatthāya bodhisākhaṃ chindituṃ vaṭṭati. Bodhijagganatthaṃ ojoharaṇasākhaṃ vā pūtiṭṭhānaṃ vā chindituṃ vaṭṭatiyeva, bhagavato sarīrapaṭijaggane viya puññampi hoti.
сан̇гхабхзд̣̇з сиймадтагасан̇гхз асаннибад̇ид̇з висум̣ барисам̣ г̇ахзд̇ваа гад̇авохаараануссаавана-салаагаг̇г̇аахасса гаммам̣ ваа гаронд̇асса, уд̣̇д̣̇зсам̣ ваа уд̣̇д̣̇исанд̇асса бхзд̣̇о жа ход̇и аананд̇арияагамман̃жа. самаг̇г̇асан̃н̃ааяа бана ваддад̇ийд̇и гаммам̣ гаронд̇асса бхзд̣̇ова ход̇и, на аананд̇арияагаммам̣, д̇ат̇аа навад̇о уунабарисааяам̣. саб̣б̣анд̇имзна барижчзд̣̇зна наваннам̣ ж̇анаанам̣ яо сан̇гхам̣ бхинд̣̇ад̇и , д̇асса аананд̇арияагаммам̣ ход̇и. анувад̇д̇агаанам̣ ад̇хаммаваад̣̇ийнам̣ махаасааваж̇ж̇агаммам̣. д̇хаммаваад̣̇ино бана анаваж̇ж̇аа.
Saṅghabhede sīmaṭṭhakasaṅghe asannipatite visuṃ parisaṃ gahetvā katavohārānussāvana-salākaggāhassa kammaṃ vā karontassa, uddesaṃ vā uddisantassa bhedo ca hoti ānantariyakammañca. Samaggasaññāya pana vaṭṭatīti kammaṃ karontassa bhedova hoti, na ānantariyakammaṃ, tathā navato ūnaparisāyaṃ. Sabbantimena paricchedena navannaṃ janānaṃ yo saṅghaṃ bhindati , tassa ānantariyakammaṃ hoti. Anuvattakānaṃ adhammavādīnaṃ mahāsāvajjakammaṃ. Dhammavādino pana anavajjā.
д̇ад̇т̇а наваннамзва сан̇гхабхзд̣̇з ид̣̇ам̣ суд̇д̇ам̣ – ‘‘згад̇о убаали жад̇д̇ааро хонд̇и, згад̇о жад̇д̇ааро, навамо ануссаавзд̇и, салаагам̣ г̇аахзд̇и ‘аяам̣ д̇хаммо аяам̣ винаяо ид̣̇ам̣ сад̇т̇усаасанам̣, ид̣̇ам̣ г̇ан̣хат̇а, имам̣ рожзт̇аа’д̇и, звам̣ ко, убаали, сан̇гхарааж̇и жзва ход̇и сан̇гхабхзд̣̇о жа. наваннам̣ ваа, убаали, ад̇ирзганаваннам̣ ваа сан̇гхарааж̇и жзва ход̇и сан̇гхабхзд̣̇о жаа’’д̇и (жуул̣ава. 351). зд̇зсу бана бан̃жасу сан̇гхабхзд̣̇о важийгаммам̣, сзсаани гааяагаммаанийд̇и. звам̣ гаммад̇о вин̃н̃аад̇аб̣б̣о винижчаяо.
Tattha navannameva saṅghabhede idaṃ suttaṃ – ‘‘ekato upāli cattāro honti, ekato cattāro, navamo anussāveti, salākaṃ gāheti ‘ayaṃ dhammo ayaṃ vinayo idaṃ satthusāsanaṃ, idaṃ gaṇhatha, imaṃ rocethā’ti, evaṃ kho, upāli, saṅgharāji ceva hoti saṅghabhedo ca. Navannaṃ vā, upāli, atirekanavannaṃ vā saṅgharāji ceva hoti saṅghabhedo cā’’ti (cūḷava. 351). Etesu pana pañcasu saṅghabhedo vacīkammaṃ, sesāni kāyakammānīti. Evaṃ kammato viññātabbo vinicchayo.
д̣̇ваарад̇од̇и саб̣б̣аанзва жзд̇аани гааяад̣̇ваарад̇оби важийд̣̇ваарад̇оби самудтаханд̇и. буримаани банзд̇т̇а жад̇д̇аари аан̣ад̇д̇игавиж̇ж̇аамаяабаяог̇авасзна важийд̣̇ваарад̇о самудтахид̇вааби гааяад̣̇ваарамзва буурзнд̇и, сан̇гхабхзд̣̇о хад̇т̇амуд̣̇д̣̇ааяа бхзд̣̇ам̣ гаронд̇асса гааяад̣̇ваарад̇о самудтахид̇вааби важийд̣̇ваарамзва буурзд̇ийд̇и. звамзд̇т̇а д̣̇ваарад̇оби вин̃н̃аад̇аб̣б̣о винижчаяо.
Dvāratoti sabbāneva cetāni kāyadvāratopi vacīdvāratopi samuṭṭhahanti. Purimāni panettha cattāri āṇattikavijjāmayapayogavasena vacīdvārato samuṭṭhahitvāpi kāyadvārameva pūrenti, saṅghabhedo hatthamuddāya bhedaṃ karontassa kāyadvārato samuṭṭhahitvāpi vacīdvārameva pūretīti. Evamettha dvāratopi viññātabbo vinicchayo.
габбадтид̇ияад̇од̇и сан̇гхабхзд̣̇оязва жзд̇т̇а габбадтид̇ияо. сан̣таханд̇з хи габбз габбавзмаж̇жхз ваа сан̇гхабхзд̣̇ам̣ гад̇ваа габбавинаасзязва мужжад̇и. сажзби хи свзва габбо винассиссад̇ийд̇и аж̇ж̇а сан̇гхабхзд̣̇ам̣ гарод̇и, свзва мужжад̇и, згад̣̇ивасамзва нираяз бажжад̇и. звам̣ гаран̣ам̣ бана над̇т̇и. сзсаани жад̇д̇аари гаммаани аананд̇арияаанзва хонд̇и, на габбадтид̇ияаанийд̇и звамзд̇т̇а габбадтид̇ияад̇оби вин̃н̃аад̇аб̣б̣о винижчаяо.
Kappaṭṭhitiyatoti saṅghabhedoyeva cettha kappaṭṭhitiyo. Saṇṭhahante hi kappe kappavemajjhe vā saṅghabhedaṃ katvā kappavināseyeva muccati. Sacepi hi sveva kappo vinassissatīti ajja saṅghabhedaṃ karoti, sveva muccati, ekadivasameva niraye paccati. Evaṃ karaṇaṃ pana natthi. Sesāni cattāri kammāni ānantariyāneva honti, na kappaṭṭhitiyānīti evamettha kappaṭṭhitiyatopi viññātabbo vinicchayo.
баагад̇од̇и язна жа бан̃жабз’д̇аани гаммаани гад̇аани хонд̇и, д̇асса сан̇гхабхзд̣̇оязва бадисанд̇хивасзна вибажжад̇и, сзсаани ‘‘ахосигаммам̣, наахоси гаммавибааго’’д̇и звамаад̣̇ийсу сан̇кяам̣ г̇ажчанд̇и. сан̇гхасса бхзд̣̇аабхаавз лохид̇уббаад̣̇о, д̇ад̣̇абхаавз араханд̇агхаад̇о, д̇ад̣̇абхаавз жа сажз бид̇аа сийлаваа ход̇и, маад̇аа д̣̇уссийлаа, но ваа д̇ат̇аа сийлавад̇ий, бид̇угхаад̇о бадисанд̇хивасзна вибажжад̇и. сажз маад̇аабид̇угхаад̇о, д̣̇вийсуби сийлзна ваа д̣̇уссийлзна ваа самаанзсу маад̇угхаад̇ова бадисанд̇хивасзна вибажжад̇и . маад̇аа хи д̣̇уггарагаариний б̣ахуубагаараа жа буд̇д̇аананд̇и звамзд̇т̇а баагад̇оби вин̃н̃аад̇аб̣б̣о винижчаяо.
Pākatoti yena ca pañcape’tāni kammāni katāni honti, tassa saṅghabhedoyeva paṭisandhivasena vipaccati, sesāni ‘‘ahosikammaṃ, nāhosi kammavipāko’’ti evamādīsu saṅkhyaṃ gacchanti. Saṅghassa bhedābhāve lohituppādo, tadabhāve arahantaghāto, tadabhāve ca sace pitā sīlavā hoti, mātā dussīlā, no vā tathā sīlavatī, pitughāto paṭisandhivasena vipaccati. Sace mātāpitughāto, dvīsupi sīlena vā dussīlena vā samānesu mātughātova paṭisandhivasena vipaccati . Mātā hi dukkarakārinī bahūpakārā ca puttānanti evamettha pākatopi viññātabbo vinicchayo.
саад̇хааран̣аад̣̇ийхийд̇и буримаани жад̇д̇аари саб̣б̣зсамби г̇ахадтабаб̣б̣аж̇ид̇аанам̣ саад̇хааран̣аани. сан̇гхабхзд̣̇о бана ‘‘на ко, убаали бхигкуний, сан̇гхам̣ бхинд̣̇ад̇и, на сигкамаанаа, на сааман̣зро, на сааман̣зрий, на убаасаго, на убаасигаа сан̇гхам̣ бхинд̣̇ад̇и, бхигку ко, убаали, багад̇ад̇д̇о самаанасам̣ваасаго самаанасиймааяам̣ тид̇о сан̇гхам̣ бхинд̣̇ад̇ий’’д̇и (жуул̣ава. 351) важанад̇о вуд̇д̇аббагаарасса бхигкунова ход̇и, на ан̃н̃асса, д̇асмаа асаад̇хааран̣о. аад̣̇исад̣̇д̣̇зна саб̣б̣зби д̇з д̣̇угкавзд̣̇анаасахаг̇ад̇аа д̣̇осамохасамбаяуд̇д̇аа жаад̇и звамзд̇т̇а саад̇хааран̣аад̣̇ийхиби вин̃н̃аад̇аб̣б̣о винижчаяо.
Sādhāraṇādīhīti purimāni cattāri sabbesampi gahaṭṭhapabbajitānaṃ sādhāraṇāni. Saṅghabhedo pana ‘‘na kho, upāli bhikkhunī, saṅghaṃ bhindati, na sikkhamānā, na sāmaṇero, na sāmaṇerī, na upāsako, na upāsikā saṅghaṃ bhindati, bhikkhu kho, upāli, pakatatto samānasaṃvāsako samānasīmāyaṃ ṭhito saṅghaṃ bhindatī’’ti (cūḷava. 351) vacanato vuttappakārassa bhikkhunova hoti, na aññassa, tasmā asādhāraṇo. Ādisaddena sabbepi te dukkhavedanāsahagatā dosamohasampayuttā cāti evamettha sādhāraṇādīhipi viññātabbo vinicchayo.
ан̃н̃ам̣ сад̇т̇ааранд̇и ‘‘аяам̣ мз сад̇т̇аа сад̇т̇угижжам̣ гаад̇ум̣ асамад̇т̇о’’д̇и бхаванд̇арзби ан̃н̃ам̣ д̇ид̇т̇агарам̣ ‘‘аяам̣ мз сад̇т̇аа’’д̇и звам̣ г̇ан̣хзяяа, нзд̇ам̣ таанам̣ виж̇ж̇ад̇ийд̇и ад̇т̇о.
Aññaṃ satthāranti ‘‘ayaṃ me satthā satthukiccaṃ kātuṃ asamattho’’ti bhavantarepi aññaṃ titthakaraṃ ‘‘ayaṃ me satthā’’ti evaṃ gaṇheyya, netaṃ ṭhānaṃ vijjatīti attho.
129. згиссаа логад̇хаад̇уяаад̇и д̣̇асасахассилогад̇хаад̇уяаа. д̇ийн̣и хи кзд̇д̇аани ж̇аад̇икзд̇д̇ам̣ аан̣аакзд̇д̇ам̣ висаяакзд̇д̇ам̣. д̇ад̇т̇а ж̇аад̇икзд̇д̇ам̣ наама д̣̇асасахассий логад̇хаад̇у. саа хи д̇ат̇ааг̇ад̇асса маад̇угужчиоггаманагаалз нигкаманагаалз самб̣од̇хигаалз д̇хаммажаггаббавад̇д̇анз ааяусан̇каароссаж̇ж̇анз бариниб̣б̣аанз жа гамбад̇и. годисад̇асахассажаггаваал̣ам̣ бана аан̣аакзд̇д̇ам̣ наама. аадаанаадияаморабарид̇д̇ад̇хаж̇аг̇г̇абарид̇д̇арад̇анабарид̇д̇аад̣̇ийнан̃хи зд̇т̇а аан̣аа вад̇д̇ад̇и. висаяакзд̇д̇асса бана баримаан̣ам̣ над̇т̇и. б̣уд̣̇д̇хаанан̃хи ‘‘яаавад̇агам̣ н̃аан̣ам̣ д̇аавад̇агам̣ нзяяам̣, яаавад̇агам̣ нзяяам̣ д̇аавад̇агам̣ н̃аан̣ам̣, н̃аан̣абарияанд̇игам̣ нзяяам̣ нзяяабарияанд̇игам̣ н̃аан̣а’’нд̇и (бади. ма. 3.5) важанад̇о ависаяо наама над̇т̇и.
129.Ekissā lokadhātuyāti dasasahassilokadhātuyā. Tīṇi hi khettāni jātikhettaṃ āṇākhettaṃ visayakhettaṃ. Tattha jātikhettaṃ nāma dasasahassī lokadhātu. Sā hi tathāgatassa mātukucchiokkamanakāle nikkhamanakāle sambodhikāle dhammacakkappavattane āyusaṅkhārossajjane parinibbāne ca kampati. Koṭisatasahassacakkavāḷaṃ pana āṇākhettaṃ nāma. Āṭānāṭiyamoraparittadhajaggaparittaratanaparittādīnañhi ettha āṇā vattati. Visayakhettassa pana parimāṇaṃ natthi. Buddhānañhi ‘‘yāvatakaṃ ñāṇaṃ tāvatakaṃ neyyaṃ, yāvatakaṃ neyyaṃ tāvatakaṃ ñāṇaṃ, ñāṇapariyantikaṃ neyyaṃ neyyapariyantikaṃ ñāṇa’’nti (paṭi. ma. 3.5) vacanato avisayo nāma natthi.
имзсу бана д̇ийсу кзд̇д̇зсу табзд̇ваа имам̣ жаггаваал̣ам̣ ан̃н̃асмим̣ жаггаваал̣з б̣уд̣̇д̇хаа уббаж̇ж̇анд̇ийд̇и суд̇д̇ам̣ над̇т̇и, на уббаж̇ж̇анд̇ийд̇и бана ад̇т̇и. д̇ийн̣и бидагаани винаяабидагам̣ суд̇д̇анд̇абидагам̣ абхид̇хаммабидагам̣, д̇иссо сан̇г̇ийд̇ияо махаагассабад̇т̇зрасса сан̇г̇ийд̇и, яасад̇т̇зрасса сан̇г̇ийд̇и, мог̇г̇алибуд̇д̇ад̇иссад̇т̇зрасса сан̇г̇ийд̇ийд̇и. имаа д̇иссо сан̇г̇ийд̇ияо аарул̣хз д̇збидагз б̣уд̣̇д̇хаважанз имам̣ жаггаваал̣ам̣ мун̃жид̇ваа ан̃н̃ад̇т̇а б̣уд̣̇д̇хаа уббаж̇ж̇анд̇ийд̇и суд̇д̇ам̣ над̇т̇и, на уббаж̇ж̇анд̇ийд̇и бана ад̇т̇и.
Imesu pana tīsu khettesu ṭhapetvā imaṃ cakkavāḷaṃ aññasmiṃ cakkavāḷe buddhā uppajjantīti suttaṃ natthi, na uppajjantīti pana atthi. Tīṇi piṭakāni vinayapiṭakaṃ suttantapiṭakaṃ abhidhammapiṭakaṃ, tisso saṅgītiyo mahākassapattherassa saṅgīti, yasattherassa saṅgīti, moggaliputtatissattherassa saṅgītīti. Imā tisso saṅgītiyo āruḷhe tepiṭake buddhavacane imaṃ cakkavāḷaṃ muñcitvā aññattha buddhā uppajjantīti suttaṃ natthi, na uppajjantīti pana atthi.
абуб̣б̣ам̣ ажариманд̇и абурз абажчаа. згад̇о на уббаж̇ж̇анд̇и, бурз ваа бажчаа ваа уббаж̇ж̇анд̇ийд̇и вуд̇д̇ам̣ ход̇и. д̇ад̇т̇а хи б̣од̇хибаллан̇гз б̣од̇хим̣ аббад̇ваа на удтахиссаамийд̇и нисиннагаалад̇о бадтааяа яаава маад̇угужчисмим̣ бадисанд̇хиг̇г̇ахан̣ам̣, д̇аава буб̣б̣зд̇и на взд̣̇ид̇аб̣б̣ам̣. б̣од̇хисад̇д̇асса хи бадисанд̇хиг̇г̇ахан̣зна д̣̇асасахассажаггаваал̣агамбанзнзва кзд̇д̇абариг̇г̇ахо гад̇о, ан̃н̃асса б̣уд̣̇д̇хасса уббад̇д̇и ниваарид̇аава ход̇и. бариниб̣б̣аанагаалад̇о бадтааяа яаава саасабамад̇д̇аа д̇хаад̇у д̇идтад̇и, д̇аава бажчаад̇и на взд̣̇ид̇аб̣б̣ам̣. д̇хаад̇уусу хи тид̇аасу б̣уд̣̇д̇хаа тид̇аава хонд̇и. д̇асмаа зд̇т̇анд̇арз ан̃н̃асса б̣уд̣̇д̇хасса уббад̇д̇и ниваарид̇аава ход̇и. д̇хаад̇убариниб̣б̣аанз бана ж̇аад̇з ан̃н̃асса б̣уд̣̇д̇хасса уббад̇д̇и на ниваарид̇аа.
Apubbaṃ acarimanti apure apacchā. Ekato na uppajjanti, pure vā pacchā vā uppajjantīti vuttaṃ hoti. Tattha hi bodhipallaṅke bodhiṃ appatvā na uṭṭhahissāmīti nisinnakālato paṭṭhāya yāva mātukucchismiṃ paṭisandhiggahaṇaṃ, tāva pubbeti na veditabbaṃ. Bodhisattassa hi paṭisandhiggahaṇena dasasahassacakkavāḷakampaneneva khettapariggaho kato, aññassa buddhassa uppatti nivāritāva hoti. Parinibbānakālato paṭṭhāya yāva sāsapamattā dhātu tiṭṭhati, tāva pacchāti na veditabbaṃ. Dhātūsu hi ṭhitāsu buddhā ṭhitāva honti. Tasmā etthantare aññassa buddhassa uppatti nivāritāva hoti. Dhātuparinibbāne pana jāte aññassa buddhassa uppatti na nivāritā.
д̇ийн̣и хи анд̇арад̇хаанаани наама барияад̇д̇ианд̇арад̇хаанам̣, бадивзд̇хаанд̇арад̇хаанам̣, бадибад̇д̇ианд̇арад̇хаананд̇и. д̇ад̇т̇а барияад̇д̇ийд̇и д̇ийн̣и бидагаани. бадивзд̇ход̇и сажжабадивзд̇хо. бадибад̇д̇ийд̇и бадибад̣̇аа. д̇ад̇т̇а бадивзд̇хо жа бадибад̇д̇и жа ход̇иби на ход̇иби. згасмин̃хи гаалз бадивзд̇хад̇хараа бхигкуу б̣ахуу хонд̇и, зсо бхигку бут̇уж̇ж̇анод̇и ан̇г̇улим̣ басаарзд̇ваа д̣̇ассзд̇аб̣б̣о ход̇и. имасмим̣язва д̣̇ийбз згаваарз бут̇уж̇ж̇анабхигку наама наахоси. бадибад̇д̇ибууригааби гад̣̇аажи б̣ахуу хонд̇и гад̣̇аажи аббаа. ид̇и бадивзд̇хо жа бадибад̇д̇и жа ход̇иби на ход̇иби, саасанадтид̇ияаа бана барияад̇д̇и бамаан̣ам̣.
Tīṇi hi antaradhānāni nāma pariyattiantaradhānaṃ, paṭivedhaantaradhānaṃ, paṭipattiantaradhānanti. Tattha pariyattīti tīṇi piṭakāni. Paṭivedhoti saccapaṭivedho. Paṭipattīti paṭipadā. Tattha paṭivedho ca paṭipatti ca hotipi na hotipi. Ekasmiñhi kāle paṭivedhadharā bhikkhū bahū honti, eso bhikkhu puthujjanoti aṅguliṃ pasāretvā dassetabbo hoti. Imasmiṃyeva dīpe ekavāre puthujjanabhikkhu nāma nāhosi. Paṭipattipūrikāpi kadāci bahū honti kadāci appā. Iti paṭivedho ca paṭipatti ca hotipi na hotipi, sāsanaṭṭhitiyā pana pariyatti pamāṇaṃ.
бан̣д̣ид̇о хи д̇збидагам̣ суд̇ваа д̣̇взби буурзд̇и. яат̇аа амхаагам̣ б̣од̇хисад̇д̇о аал̣аарасса санд̇игз бан̃жаабхин̃н̃аа сад̇д̇а жа самаабад̇д̇ияо ниб̣б̣ад̇д̇зд̇ваа нзвасан̃н̃аанаасан̃н̃ааяад̇анасамаабад̇д̇ияаа баригаммам̣ бужчи, со на ж̇аанаамийд̇и ааха. д̇ад̇о уд̣̇агасса санд̇игам̣ г̇анд̇ваа ад̇хиг̇ад̇ам̣ висзсам̣ сам̣санд̣̇зд̇ваа нзвасан̃н̃аанаасан̃н̃ааяад̇анасса баригаммам̣ бужчи, со аажигки, д̇асса важанасамананд̇арамзва махаасад̇д̇о д̇ам̣ самбаад̣̇зси, звамзва бан̃н̃аваа бхигку барияад̇д̇им̣ суд̇ваа д̣̇взби буурзд̇и. д̇асмаа барияад̇д̇ияаа тид̇ааяа саасанам̣ тид̇ам̣ ход̇и.
Paṇḍito hi tepiṭakaṃ sutvā dvepi pūreti. Yathā amhākaṃ bodhisatto āḷārassa santike pañcābhiññā satta ca samāpattiyo nibbattetvā nevasaññānāsaññāyatanasamāpattiyā parikammaṃ pucchi, so na jānāmīti āha. Tato udakassa santikaṃ gantvā adhigataṃ visesaṃ saṃsandetvā nevasaññānāsaññāyatanassa parikammaṃ pucchi, so ācikkhi, tassa vacanasamanantarameva mahāsatto taṃ sampādesi, evameva paññavā bhikkhu pariyattiṃ sutvā dvepi pūreti. Tasmā pariyattiyā ṭhitāya sāsanaṃ ṭhitaṃ hoti.
яад̣̇аа бана саа анд̇арад̇хааяад̇и, д̇ад̣̇аа батамам̣ абхид̇хаммабидагам̣ нассад̇и. д̇ад̇т̇а бадтаанам̣ саб̣б̣абатамам̣ анд̇арад̇хааяад̇и, ануггамзна бажчаа д̇хаммасан̇г̇ахо, д̇асмим̣ анд̇арахид̇з ид̇арзсу д̣̇вийсу бидагзсу тид̇зсу саасанам̣ тид̇амзва ход̇и. д̇ад̇т̇а суд̇д̇анд̇абидагз анд̇арад̇хааяамаанз батамам̣ ан̇г̇уд̇д̇аранигааяо згаад̣̇асагад̇о бадтааяа яаава згагаа анд̇арад̇хааяад̇и, д̇ад̣̇ананд̇арам̣ сам̣яуд̇д̇анигааяо жаггабзяяаалад̇о бадтааяа яаава огхад̇аран̣аа анд̇арад̇хааяад̇и, д̇ад̣̇ананд̇арам̣ маж̇жхиманигааяо инд̣̇рияабхааванад̇о бадтааяа яаава муулабарияааяаа анд̇арад̇хааяад̇и, д̇ад̣̇ананд̇арам̣ д̣̇ийгханигааяо д̣̇асуд̇д̇арад̇о бадтааяа яаава б̣рахмаж̇аалаа анд̇арад̇хааяад̇и. згиссааби д̣̇виннамби г̇аат̇аанам̣ бужчаа ад̣̇д̇хаанам̣ г̇ажчад̇и, саасанам̣ д̇хаарзд̇ум̣ на саггод̇и сабхияабужчаа (су. ни. сабхияасуд̇д̇ам̣) вияа аал̣авагабужчаа (су. ни. аал̣авагасуд̇д̇ам̣; сам̣. ни. 1.246) вияа жа. зд̇аа гира гассабаб̣уд̣̇д̇хагаалигаа анд̇араа саасанам̣ д̇хаарзд̇ум̣ наасагким̣су.
Yadā pana sā antaradhāyati, tadā paṭhamaṃ abhidhammapiṭakaṃ nassati. Tattha paṭṭhānaṃ sabbapaṭhamaṃ antaradhāyati, anukkamena pacchā dhammasaṅgaho, tasmiṃ antarahite itaresu dvīsu piṭakesu ṭhitesu sāsanaṃ ṭhitameva hoti. Tattha suttantapiṭake antaradhāyamāne paṭhamaṃ aṅguttaranikāyo ekādasakato paṭṭhāya yāva ekakā antaradhāyati, tadanantaraṃ saṃyuttanikāyo cakkapeyyālato paṭṭhāya yāva oghataraṇā antaradhāyati, tadanantaraṃ majjhimanikāyo indriyabhāvanato paṭṭhāya yāva mūlapariyāyā antaradhāyati, tadanantaraṃ dīghanikāyo dasuttarato paṭṭhāya yāva brahmajālā antaradhāyati. Ekissāpi dvinnampi gāthānaṃ pucchā addhānaṃ gacchati, sāsanaṃ dhāretuṃ na sakkoti sabhiyapucchā (su. ni. sabhiyasuttaṃ) viya āḷavakapucchā (su. ni. āḷavakasuttaṃ; saṃ. ni. 1.246) viya ca. Etā kira kassapabuddhakālikā antarā sāsanaṃ dhāretuṃ nāsakkhiṃsu.
д̣̇вийсу бана бидагзсу анд̇арахид̇зсуби винаяабидагз тид̇з саасанам̣ д̇идтад̇и, бариваараканд̇хагзсу анд̇арахид̇зсу убхад̇овибхан̇г̇з тид̇з тид̇амзва ход̇и. убхад̇овибхан̇г̇з анд̇арахид̇з маад̇игааяа тид̇ааяаби тид̇амзва ход̇и. маад̇игааяа анд̇арахид̇ааяа баад̇имогкабаб̣б̣аж̇ж̇аубасамбад̣̇аасу тид̇аасу саасанам̣ д̇идтад̇и. лин̇г̇амад̣̇д̇хаанам̣ г̇ажчад̇и, сзд̇авад̇т̇асаман̣авам̣со бана гассабаб̣уд̣̇д̇хагаалад̇о бадтааяа саасанам̣ д̇хаарзд̇ум̣ наасагки. бажчимагасса бана сажжабадивзд̇хад̇о бажчимагасса сийлабхзд̣̇ад̇о жа бадтааяа саасанам̣ осаггид̇ам̣ наама ход̇и. д̇ад̇о бадтааяа ан̃н̃асса б̣уд̣̇д̇хасса уббад̇д̇и на ваарид̇аад̇и.
Dvīsu pana piṭakesu antarahitesupi vinayapiṭake ṭhite sāsanaṃ tiṭṭhati, parivārakhandhakesu antarahitesu ubhatovibhaṅge ṭhite ṭhitameva hoti. Ubhatovibhaṅge antarahite mātikāya ṭhitāyapi ṭhitameva hoti. Mātikāya antarahitāya pātimokkhapabbajjaupasampadāsu ṭhitāsu sāsanaṃ tiṭṭhati. Liṅgamaddhānaṃ gacchati, setavatthasamaṇavaṃso pana kassapabuddhakālato paṭṭhāya sāsanaṃ dhāretuṃ nāsakkhi. Pacchimakassa pana saccapaṭivedhato pacchimakassa sīlabhedato ca paṭṭhāya sāsanaṃ osakkitaṃ nāma hoti. Tato paṭṭhāya aññassa buddhassa uppatti na vāritāti.
д̇ийн̣и бариниб̣б̣аанаани наама гилзсабариниб̣б̣аанам̣ канд̇хабариниб̣б̣аанам̣ д̇хаад̇убариниб̣б̣аананд̇и. д̇ад̇т̇а гилзсабариниб̣б̣аанам̣ б̣од̇хибаллан̇гз ахоси, канд̇хабариниб̣б̣аанам̣ гусинаарааяам̣, д̇хаад̇убариниб̣б̣аанам̣ анааг̇ад̇з бхависсад̇и. саасанасса гира осагганагаалз имасмим̣ д̇амб̣абан̣н̣ид̣̇ийбз д̇хаад̇уяо саннибад̇ид̇ваа махаажзд̇ияам̣ г̇амиссанд̇и, махаажзд̇ияад̇о нааг̇ад̣̇ийбз рааж̇ааяад̇анажзд̇ияам̣, д̇ад̇о махааб̣од̇хибаллан̇гам̣ г̇амиссанд̇и, нааг̇абхаванад̇оби д̣̇звалогад̇оби б̣рахмалогад̇оби д̇хаад̇уяо махааб̣од̇хибаллан̇гамзва г̇амиссанд̇и. саасабамад̇д̇ааби д̇хаад̇у анд̇араа на нассиссад̇и. саб̣б̣аа д̇хаад̇уяо махааб̣од̇хибаллан̇гз раасибхууд̇аа суван̣н̣агканд̇хо вияа згаг̇гханаа худ̇ваа чаб̣б̣ан̣н̣арасмияо виссаж̇ж̇зссанд̇и, д̇аа д̣̇асасахассилогад̇хаад̇ум̣ париссанд̇и.
Tīṇi parinibbānāni nāma kilesaparinibbānaṃ khandhaparinibbānaṃ dhātuparinibbānanti. Tattha kilesaparinibbānaṃ bodhipallaṅke ahosi, khandhaparinibbānaṃ kusinārāyaṃ, dhātuparinibbānaṃ anāgate bhavissati. Sāsanassa kira osakkanakāle imasmiṃ tambapaṇṇidīpe dhātuyo sannipatitvā mahācetiyaṃ gamissanti, mahācetiyato nāgadīpe rājāyatanacetiyaṃ, tato mahābodhipallaṅkaṃ gamissanti, nāgabhavanatopi devalokatopi brahmalokatopi dhātuyo mahābodhipallaṅkameva gamissanti. Sāsapamattāpi dhātu antarā na nassissati. Sabbā dhātuyo mahābodhipallaṅke rāsibhūtā suvaṇṇakkhandho viya ekagghanā hutvā chabbaṇṇarasmiyo vissajjessanti, tā dasasahassilokadhātuṃ pharissanti.
д̇ад̇о д̣̇асасахассажаггаваал̣з д̣̇звад̇аа яо саннибад̇ид̇ваа ‘‘аж̇ж̇а сад̇т̇аа бариниб̣б̣ааяад̇и, аж̇ж̇а саасанам̣ осаггад̇и, бажчимад̣̇ассанам̣ д̣̇аани ид̣̇ам̣ амхаага’’нд̇и д̣̇асаб̣аласса бариниб̣б̣уд̇ад̣̇ивасад̇о маханд̇ад̇арам̣ гаарун̃н̃ам̣ гариссанд̇и. табзд̇ваа анааг̇аамикийн̣аасавз авасзсаа сагабхаавзна сан̣таад̇ум̣ на сагкиссанд̇и. д̇хаад̇уусу д̇зж̇од̇хаад̇у удтахид̇ваа яаава б̣рахмалогаа уг̇г̇ажчиссад̇и, саасабамад̇д̇ааяаби д̇хаад̇уяаа сад̇и згаж̇аалаава бхависсад̇и, д̇хаад̇уусу барияаад̣̇аанам̣ г̇ад̇аасу бажчиж̇ж̇иссад̇и. звам̣ маханд̇ам̣ аанубхаавам̣ д̣̇ассзд̇ваа д̇хаад̇уусу анд̇арахид̇аасу саасанам̣ анд̇арахид̇ам̣ наама ход̇и. яаава звам̣ на ананд̇арад̇хааяад̇и, д̇аава ажаримам̣ наама ход̇и. звам̣ абуб̣б̣ам̣ ажаримам̣ уббаж̇ж̇зяяунд̇и нзд̇ам̣ таанам̣ виж̇ж̇ад̇и.
Tato dasasahassacakkavāḷe devatā yo sannipatitvā ‘‘ajja satthā parinibbāyati, ajja sāsanaṃ osakkati, pacchimadassanaṃ dāni idaṃ amhāka’’nti dasabalassa parinibbutadivasato mahantataraṃ kāruññaṃ karissanti. Ṭhapetvā anāgāmikhīṇāsave avasesā sakabhāvena saṇṭhātuṃ na sakkhissanti. Dhātūsu tejodhātu uṭṭhahitvā yāva brahmalokā uggacchissati, sāsapamattāyapi dhātuyā sati ekajālāva bhavissati, dhātūsu pariyādānaṃ gatāsu pacchijjissati. Evaṃ mahantaṃ ānubhāvaṃ dassetvā dhātūsu antarahitāsu sāsanaṃ antarahitaṃ nāma hoti. Yāva evaṃ na anantaradhāyati, tāva acarimaṃ nāma hoti. Evaṃ apubbaṃ acarimaṃ uppajjeyyunti netaṃ ṭhānaṃ vijjati.
гасмаа бана абуб̣б̣ам̣ ажаримам̣ на уббаж̇ж̇анд̇ийд̇и. анажчарияад̇д̇аа. б̣уд̣̇д̇хаа хи ажчарияамануссаа. яат̇ааха – ‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и ажчарияамануссо, гад̇амо згабуг̇г̇ало, д̇ат̇ааг̇ад̇о арахам̣ саммаасамб̣уд̣̇д̇хо’’д̇и (а. ни. 1.171-174).
Kasmā pana apubbaṃ acarimaṃ na uppajjantīti. Anacchariyattā. Buddhā hi acchariyamanussā. Yathāha – ‘‘ekapuggalo, bhikkhave, loke uppajjamāno uppajjati acchariyamanusso, katamo ekapuggalo, tathāgato arahaṃ sammāsambuddho’’ti (a. ni. 1.171-174).
яад̣̇и жа д̣̇вз ваа жад̇д̇ааро ваа адта ваа сол̣аса ваа згад̇о уббаж̇ж̇зяяум̣, на ажчарияаа бхавзяяум̣. згасмин̃хи вихаарз д̣̇виннам̣ жзд̇ияаанамби лаабхасаггааро ул̣ааро на ход̇и бхигкууби б̣ахуд̇ааяа на ажчарияаа ж̇аад̇аа, звам̣ б̣уд̣̇д̇хааби бхавзяяум̣. д̇асмаа на уббаж̇ж̇анд̇и.
Yadi ca dve vā cattāro vā aṭṭha vā soḷasa vā ekato uppajjeyyuṃ, na acchariyā bhaveyyuṃ. Ekasmiñhi vihāre dvinnaṃ cetiyānampi lābhasakkāro uḷāro na hoti bhikkhūpi bahutāya na acchariyā jātā, evaṃ buddhāpi bhaveyyuṃ. Tasmā na uppajjanti.
д̣̇зсанааяа жа висзсаабхаавад̇о. яан̃хи сад̇ибадтаанаад̣̇ибхзд̣̇ам̣ д̇хаммам̣ зго д̣̇зсзд̇и, ан̃н̃зна уббаж̇ж̇ид̇вааби сова д̣̇зсзд̇аб̣б̣о сияаа. д̇ад̇о на ажчарияо сияаа, згасмим̣ бана д̇хаммам̣ д̣̇зсзнд̇з д̣̇зсанааби ажчарияаа ход̇и.
Desanāya ca visesābhāvato. Yañhi satipaṭṭhānādibhedaṃ dhammaṃ eko deseti, aññena uppajjitvāpi sova desetabbo siyā. Tato na acchariyo siyā, ekasmiṃ pana dhammaṃ desente desanāpi acchariyā hoti.
виваад̣̇аабхаавад̇о жа. б̣ахуусу жа б̣уд̣̇д̇хзсу уббаж̇ж̇анд̇зсу б̣ахуунам̣ аажарияаанам̣ анд̇зваасигаа вияа ‘‘амхаагам̣ б̣уд̣̇д̇хо баасаад̣̇иго, амхаагам̣ б̣уд̣̇д̇хо мад̇хурассаро лаабхий бун̃н̃аваа’’д̇и вивад̣̇зяяум̣, д̇асмааби звам̣ на уббаж̇ж̇анд̇и. абижзд̇ам̣ гааран̣ам̣ милинд̣̇аран̃н̃аа будтзна нааг̇асзнад̇т̇зрзна вид̇т̇аарид̇амзва. вуд̇д̇ан̃хи (ми. ба. 5.1.1) –
Vivādābhāvato ca. Bahūsu ca buddhesu uppajjantesu bahūnaṃ ācariyānaṃ antevāsikā viya ‘‘amhākaṃ buddho pāsādiko, amhākaṃ buddho madhurassaro lābhī puññavā’’ti vivadeyyuṃ, tasmāpi evaṃ na uppajjanti. Apicetaṃ kāraṇaṃ milindaraññā puṭṭhena nāgasenattherena vitthāritameva. Vuttañhi (mi. pa. 5.1.1) –
‘‘д̇ад̇т̇а, бханд̇з нааг̇асзна, бхаасид̇амбзд̇ам̣ бхаг̇авад̇аа ‘адтаанамзд̇ам̣, бхигкавз, анавагаасо, яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа абуб̣б̣ам̣ ажаримам̣ уббаж̇ж̇зяяум̣, нзд̇ам̣ таанам̣ виж̇ж̇ад̇ий’д̇и. д̣̇зсзнд̇аа жа, бханд̇з нааг̇асзна, саб̣б̣зби д̇ат̇ааг̇ад̇аа сад̇д̇ад̇им̣са б̣од̇хибагкияад̇хаммз д̣̇зсзнд̇и, гат̇аяамаанаа жа жад̇д̇аари арияасажжаани гат̇знд̇и, сигкаабзнд̇аа жа д̇ийсу сигкаасу сигкаабзнд̇и, анусаасамаанаа жа аббамаад̣̇абадибад̇д̇ияам̣ анусаасанд̇и. яад̣̇и, бханд̇з нааг̇асзна, саб̣б̣зсамби д̇ат̇ааг̇ад̇аанам̣ згаа д̣̇зсанаа згаа гат̇аа згаа сигкаа згаа анусидти, гзна гааран̣зна д̣̇вз д̇ат̇ааг̇ад̇аа згагкан̣з нуббаж̇ж̇анд̇и? згзнаби д̇аава б̣уд̣̇д̇хуббаад̣̇зна аяам̣ лого обхаасаж̇аад̇о. яад̣̇и д̣̇уд̇ияо б̣уд̣̇д̇хо бхавзяяа, д̣̇виннам̣ бабхааяа аяам̣ лого бхияяосомад̇д̇ааяа обхаасаж̇аад̇о бхавзяяа. овад̣̇амаанаа жа д̣̇вз д̇ат̇ааг̇ад̇аа сукам̣ овад̣̇зяяум̣, анусаасамаанаа жа сукам̣ анусаасзяяум̣, д̇ад̇т̇а мз гааран̣ам̣ б̣руухи, яат̇аахам̣ ниссам̣саяо бхавзяяанд̇и.
‘‘Tattha, bhante nāgasena, bhāsitampetaṃ bhagavatā ‘aṭṭhānametaṃ, bhikkhave, anavakāso, yaṃ ekissā lokadhātuyā dve arahanto sammāsambuddhā apubbaṃ acarimaṃ uppajjeyyuṃ, netaṃ ṭhānaṃ vijjatī’ti. Desentā ca, bhante nāgasena, sabbepi tathāgatā sattatiṃsa bodhipakkhiyadhamme desenti, kathayamānā ca cattāri ariyasaccāni kathenti, sikkhāpentā ca tīsu sikkhāsu sikkhāpenti, anusāsamānā ca appamādapaṭipattiyaṃ anusāsanti. Yadi, bhante nāgasena, sabbesampi tathāgatānaṃ ekā desanā ekā kathā ekā sikkhā ekā anusiṭṭhi, kena kāraṇena dve tathāgatā ekakkhaṇe nuppajjanti? Ekenapi tāva buddhuppādena ayaṃ loko obhāsajāto. Yadi dutiyo buddho bhaveyya, dvinnaṃ pabhāya ayaṃ loko bhiyyosomattāya obhāsajāto bhaveyya. Ovadamānā ca dve tathāgatā sukhaṃ ovadeyyuṃ, anusāsamānā ca sukhaṃ anusāseyyuṃ, tattha me kāraṇaṃ brūhi, yathāhaṃ nissaṃsayo bhaveyyanti.
аяам̣ махаарааж̇а д̣̇асасахассий логад̇хаад̇у згаб̣уд̣̇д̇хад̇хааран̣ий, згассзва д̇ат̇ааг̇ад̇асса г̇ун̣ам̣ д̇хаарзд̇и, яад̣̇и д̣̇уд̇ияо б̣уд̣̇д̇хо уббаж̇ж̇зяяа, нааяам̣ д̣̇асасахассий логад̇хаад̇у д̇хаарзяяа, жалзяяа гамбзяяа намзяяа онамзяяа винамзяяа вигирзяяа вид̇хамзяяа вид̣̇д̇хам̣сзяяа, на таанамубаг̇ажчзяяа.
Ayaṃ mahārāja dasasahassī lokadhātu ekabuddhadhāraṇī, ekasseva tathāgatassa guṇaṃ dhāreti, yadi dutiyo buddho uppajjeyya, nāyaṃ dasasahassī lokadhātu dhāreyya, caleyya kampeyya nameyya onameyya vinameyya vikireyya vidhameyya viddhaṃseyya, na ṭhānamupagaccheyya.
яат̇аа, махаарааж̇а, нааваа згабурисасанд̇хааран̣ий бхавзяяа. згасмим̣ бурисз абхируул̣хз саа нааваа самубаад̣̇игаа бхавзяяа. ат̇а д̣̇уд̇ияо бурисо ааг̇ажчзяяа д̇аад̣̇исо ааяунаа ван̣н̣зна ваязна бамаан̣зна гисат̇уулзна саб̣б̣ан̇г̇абажжан̇г̇зна, со д̇ам̣ наавам̣ абхируухзяяа. абину саа махаарааж̇а, нааваа д̣̇виннамби д̇хаарзяяаад̇и? на хи, бханд̇з, жалзяяа гамбзяяа намзяяа онамзяяа винамзяяа вигирзяяа вид̇хамзяяа вид̣̇д̇хам̣сзяяа, на таанамубаг̇ажчзяяа, осийд̣̇зяяа уд̣̇агзд̇и. звамзва ко, махаарааж̇а, аяам̣ д̣̇асасахассий логад̇хаад̇у згаб̣уд̣̇д̇хад̇хааран̣ий, згассзва д̇ат̇ааг̇ад̇асса г̇ун̣ам̣ д̇хаарзд̇и, яад̣̇и д̣̇уд̇ияо б̣уд̣̇д̇хо уббаж̇ж̇зяяа, нааяам̣ д̣̇асасахассий логад̇хаад̇у д̇хаарзяяа, жалзяяа…бз… на таанамубаг̇ажчзяяа.
Yathā, mahārāja, nāvā ekapurisasandhāraṇī bhaveyya. Ekasmiṃ purise abhirūḷhe sā nāvā samupādikā bhaveyya. Atha dutiyo puriso āgaccheyya tādiso āyunā vaṇṇena vayena pamāṇena kisathūlena sabbaṅgapaccaṅgena, so taṃ nāvaṃ abhirūheyya. Apinu sā mahārāja, nāvā dvinnampi dhāreyyāti? Na hi, bhante, caleyya kampeyya nameyya onameyya vinameyya vikireyya vidhameyya viddhaṃseyya, na ṭhānamupagaccheyya, osīdeyya udaketi. Evameva kho, mahārāja, ayaṃ dasasahassī lokadhātu ekabuddhadhāraṇī, ekasseva tathāgatassa guṇaṃ dhāreti, yadi dutiyo buddho uppajjeyya, nāyaṃ dasasahassī lokadhātu dhāreyya, caleyya…pe… na ṭhānamupagaccheyya.
яат̇аа ваа бана махаарааж̇а бурисо яаавад̣̇ад̇т̇ам̣ бхож̇анам̣ бхун̃ж̇зяяа чаад̣̇знд̇ам̣ яааваган̣тамабхибуураяид̇ваа, со д̇хаад̇о бийн̣ид̇о барибун̣н̣о ниранд̇аро д̇анд̣̇игад̇о анонамид̇ад̣̇ан̣д̣аж̇аад̇о бунад̣̇зва д̇ад̇д̇агам̣ бхож̇анам̣ бхун̃ж̇зяяа, абину ко, махаарааж̇а, бурисо сукид̇о бхавзяяаад̇и? на хи, бханд̇з, сагим̣ бхуд̇д̇ова марзяяаад̇и. звамзва ко, махаарааж̇а, аяам̣ д̣̇асасахассий логад̇хаад̇у згаб̣уд̣̇д̇хад̇хааран̣ий …бз… на таанамубаг̇ажчзяяаад̇и.
Yathā vā pana mahārāja puriso yāvadatthaṃ bhojanaṃ bhuñjeyya chādentaṃ yāvakaṇṭhamabhipūrayitvā, so dhāto pīṇito paripuṇṇo nirantaro tandikato anonamitadaṇḍajāto punadeva tattakaṃ bhojanaṃ bhuñjeyya, apinu kho, mahārāja, puriso sukhito bhaveyyāti? Na hi, bhante, sakiṃ bhuttova mareyyāti. Evameva kho, mahārāja, ayaṃ dasasahassī lokadhātu ekabuddhadhāraṇī …pe… na ṭhānamupagaccheyyāti.
гим̣ ну ко, бханд̇з нааг̇асзна, ад̇ид̇хаммабхаарзна бат̇авий жалад̇ийд̇и? ид̇ха, махаарааж̇а, д̣̇вз сагадаа рад̇анабарибуурид̇аа бхавзяяум̣ яаава мукасамаа. згасмаа сагадад̇о рад̇анам̣ г̇ахзд̇ваа згасмим̣ сагадз аагирзяяум̣, абину ко д̇ам̣, махаарааж̇а, сагадам̣ д̣̇виннамби сагадаанам̣ рад̇анам̣ д̇хаарзяяаад̇и? на хи, бханд̇з, наабхиби д̇асса палзяяа, арааби д̇асса бхиж̇ж̇зяяум̣, нзмиби д̇асса обад̇зяяа, агкоби д̇асса бхиж̇ж̇зяяаад̇и. гим̣ ну ко, махаарааж̇а, ад̇ирад̇анабхаарзна сагадам̣ бхиж̇ж̇ад̇ийд̇и? аама, бханд̇зд̇и. звамзва ко, махаарааж̇а, ад̇ид̇хаммабхаарзна бат̇авий жалад̇ийд̇и.
Kiṃ nu kho, bhante nāgasena, atidhammabhārena pathavī calatīti? Idha, mahārāja, dve sakaṭā ratanaparipūritā bhaveyyuṃ yāva mukhasamā. Ekasmā sakaṭato ratanaṃ gahetvā ekasmiṃ sakaṭe ākireyyuṃ, apinu kho taṃ, mahārāja, sakaṭaṃ dvinnampi sakaṭānaṃ ratanaṃ dhāreyyāti? Na hi, bhante, nābhipi tassa phaleyya, arāpi tassa bhijjeyyuṃ, nemipi tassa opateyya, akkhopi tassa bhijjeyyāti. Kiṃ nu kho, mahārāja, atiratanabhārena sakaṭaṃ bhijjatīti? Āma, bhanteti. Evameva kho, mahārāja, atidhammabhārena pathavī calatīti.
абижа махаарааж̇а имам̣ гааран̣ам̣ б̣уд̣̇д̇хаб̣алабарид̣̇ийбанааяа осаарид̇ам̣, ан̃н̃амби д̇ад̇т̇а абхируубам̣ гааран̣ам̣ сун̣охи, язна гааран̣зна д̣̇вз саммаасамб̣уд̣̇д̇хаа згагкан̣з нуббаж̇ж̇анд̇и. яад̣̇и, махаарааж̇а, д̣̇вз саммаасамб̣уд̣̇д̇хаа згагкан̣з уббаж̇ж̇зяяум̣, д̇зсам̣ барисааяа виваад̣̇о уббаж̇ж̇зяяа – ‘‘д̇умхаагам̣ б̣уд̣̇д̇хо амхаагам̣ б̣уд̣̇д̇хо’’д̇и убхад̇обагкаж̇аад̇аа бхавзяяум̣. яат̇аа, махаарааж̇а, д̣̇виннам̣ б̣алаваамажжаанам̣ барисааяа виваад̣̇о уббаж̇ж̇зяяа ‘д̇умхаагам̣ амажжо амхаагам̣ амажжо’д̇и убхад̇обагкаж̇аад̇аа хонд̇и, звамзва ко, махаарааж̇а, яад̣̇и, д̣̇вз саммаасамб̣уд̣̇д̇хаа згагкан̣з уббаж̇ж̇зяяум̣, д̇зсам̣ барисааяа виваад̣̇о уббаж̇ж̇зяяа ‘д̇умхаагам̣ б̣уд̣̇д̇хо амхаагам̣ б̣уд̣̇д̇хо’д̇и убхад̇обагкаж̇аад̇аа бхавзяяум̣. ид̣̇ам̣ д̇аава, махаарааж̇а, згам̣ гааран̣ам̣, язна гааран̣зна д̣̇вз саммаасамб̣уд̣̇д̇хаа згагкан̣з нуббаж̇ж̇анд̇и.
Apica mahārāja imaṃ kāraṇaṃ buddhabalaparidīpanāya osāritaṃ, aññampi tattha abhirūpaṃ kāraṇaṃ suṇohi, yena kāraṇena dve sammāsambuddhā ekakkhaṇe nuppajjanti. Yadi, mahārāja, dve sammāsambuddhā ekakkhaṇe uppajjeyyuṃ, tesaṃ parisāya vivādo uppajjeyya – ‘‘tumhākaṃ buddho amhākaṃ buddho’’ti ubhatopakkhajātā bhaveyyuṃ. Yathā, mahārāja, dvinnaṃ balavāmaccānaṃ parisāya vivādo uppajjeyya ‘tumhākaṃ amacco amhākaṃ amacco’ti ubhatopakkhajātā honti, evameva kho, mahārāja, yadi, dve sammāsambuddhā ekakkhaṇe uppajjeyyuṃ, tesaṃ parisāya vivādo uppajjeyya ‘tumhākaṃ buddho amhākaṃ buddho’ti ubhatopakkhajātā bhaveyyuṃ. Idaṃ tāva, mahārāja, ekaṃ kāraṇaṃ, yena kāraṇena dve sammāsambuddhā ekakkhaṇe nuppajjanti.
абарамби, махаарааж̇а, уд̇д̇арим̣ гааран̣ам̣ сун̣охи, язна гааран̣зна д̣̇вз саммаасамб̣уд̣̇д̇хаа згагкан̣з нуббаж̇ж̇анд̇и. яад̣̇и, махаарааж̇а, д̣̇вз саммаасамб̣уд̣̇д̇хаа згагкан̣з уббаж̇ж̇зяяум̣, аг̇г̇о б̣уд̣̇д̇ход̇и яам̣ важанам̣, д̇ам̣ мижчаа бхавзяяа. ж̇здто б̣уд̣̇д̇ход̇и яам̣ важанам̣, д̇ам̣ мижчаа бхавзяяа. сздто б̣уд̣̇д̇ход̇и, висидто б̣уд̣̇д̇ход̇и, уд̇д̇амо б̣уд̣̇д̇ход̇и, баваро б̣уд̣̇д̇ход̇и, асамо б̣уд̣̇д̇ход̇и, асамасамо б̣уд̣̇д̇ход̇и, аббадисамо б̣уд̣̇д̇ход̇и, аббадибхааг̇о б̣уд̣̇д̇ход̇и, аббадибуг̇г̇ало б̣уд̣̇д̇ход̇и яам̣ важанам̣ , д̇ам̣ мижчаа бхавзяяа. ид̣̇амби ко д̇вам̣, махаарааж̇а , гааран̣ам̣ ад̇т̇ад̇о самбадижча, язна гааран̣зна д̣̇вз саммаасамб̣уд̣̇д̇хаа згагкан̣з нуббаж̇ж̇анд̇и.
Aparampi, mahārāja, uttariṃ kāraṇaṃ suṇohi, yena kāraṇena dve sammāsambuddhā ekakkhaṇe nuppajjanti. Yadi, mahārāja, dve sammāsambuddhā ekakkhaṇe uppajjeyyuṃ, aggo buddhoti yaṃ vacanaṃ, taṃ micchā bhaveyya. Jeṭṭho buddhoti yaṃ vacanaṃ, taṃ micchā bhaveyya. Seṭṭho buddhoti, visiṭṭho buddhoti, uttamo buddhoti, pavaro buddhoti, asamo buddhoti, asamasamo buddhoti, appaṭisamo buddhoti, appaṭibhāgo buddhoti, appaṭipuggalo buddhoti yaṃ vacanaṃ , taṃ micchā bhaveyya. Idampi kho tvaṃ, mahārāja , kāraṇaṃ atthato sampaṭiccha, yena kāraṇena dve sammāsambuddhā ekakkhaṇe nuppajjanti.
абижа ко махаарааж̇а б̣уд̣̇д̇хаанам̣ бхаг̇аванд̇аанам̣ сабхаавабагад̇и зсаа, яам̣ згоязва б̣уд̣̇д̇хо логз уббаж̇ж̇ад̇и. гасмаа гааран̣аа? маханд̇ад̇ааяа саб̣б̣ан̃н̃уб̣уд̣̇д̇хаг̇ун̣аанам̣. ан̃н̃амби махаарааж̇а яам̣ логз маханд̇ам̣, д̇ам̣ згам̣язва ход̇и. бат̇авий, махаарааж̇а, маханд̇ий, саа згааязва. сааг̇аро маханд̇о, со згоязва. синзру г̇ирирааж̇аа маханд̇о, со згоязва. аагаасо маханд̇о, со згоязва. сагго маханд̇о, со згоязва. мааро маханд̇о, со згоязва. б̣рахмаа маханд̇о, со згоязва. д̇ат̇ааг̇ад̇о арахам̣ саммаасамб̣уд̣̇д̇хо маханд̇о, со згоязва логасмим̣. яад̇т̇а д̇з уббаж̇ж̇анд̇и, д̇ад̇т̇а ан̃н̃асса огаасо на ход̇и. д̇асмаа, махаарааж̇а, д̇ат̇ааг̇ад̇о арахам̣ саммаасамб̣уд̣̇д̇хо згоязва логасмим̣ уббаж̇ж̇ад̇ийд̇и. сугат̇ид̇о, бханд̇з нааг̇асзна, бан̃хо обаммзхи гааран̣зхий’’д̇и.
Apica kho mahārāja buddhānaṃ bhagavantānaṃ sabhāvapakati esā, yaṃ ekoyeva buddho loke uppajjati. Kasmā kāraṇā? Mahantatāya sabbaññubuddhaguṇānaṃ. Aññampi mahārāja yaṃ loke mahantaṃ, taṃ ekaṃyeva hoti. Pathavī, mahārāja, mahantī, sā ekāyeva. Sāgaro mahanto, so ekoyeva. Sineru girirājā mahanto, so ekoyeva. Ākāso mahanto, so ekoyeva. Sakko mahanto, so ekoyeva. Māro mahanto, so ekoyeva. Brahmā mahanto, so ekoyeva. Tathāgato arahaṃ sammāsambuddho mahanto, so ekoyeva lokasmiṃ. Yattha te uppajjanti, tattha aññassa okāso na hoti. Tasmā, mahārāja, tathāgato arahaṃ sammāsambuddho ekoyeva lokasmiṃ uppajjatīti. Sukathito, bhante nāgasena, pañho opammehi kāraṇehī’’ti.
згиссаа логад̇хаад̇уяаад̇и згасмим̣ жаггаваал̣з. хздтаа иминаава бад̣̇зна д̣̇асажаггаваал̣асахассаани г̇ахид̇аани д̇ааниби, згажаггаваал̣знзва барижчинд̣̇ид̇ум̣ вадданд̇и. б̣уд̣̇д̇хаа хи уббаж̇ж̇амаанаа имасмим̣язва жаггаваал̣з уббаж̇ж̇анд̇и, уббаж̇ж̇анадтаанз бана ваарид̇з ид̇о ан̃н̃зсу жаггаваал̣зсу нуббаж̇ж̇анд̇ийд̇и ваарид̇амзва ход̇и.
Ekissā lokadhātuyāti ekasmiṃ cakkavāḷe. Heṭṭhā imināva padena dasacakkavāḷasahassāni gahitāni tānipi, ekacakkavāḷeneva paricchindituṃ vaṭṭanti. Buddhā hi uppajjamānā imasmiṃyeva cakkavāḷe uppajjanti, uppajjanaṭṭhāne pana vārite ito aññesu cakkavāḷesu nuppajjantīti vāritameva hoti.
абуб̣б̣ам̣ ажариманд̇и зд̇т̇а жаггарад̇анабаад̇убхаавад̇о буб̣б̣з буб̣б̣ам̣, д̇ассзва анд̇арад̇хаанад̇о бажчаа жаримам̣. д̇ад̇т̇а д̣̇вид̇хаа жаггарад̇анасса анд̇арад̇хаанам̣ ход̇и, жаггавад̇д̇ино гаалам̣гирияад̇о ваа баб̣б̣аж̇ж̇ааяа ваа. анд̇арад̇хааяамаанан̃жа бана д̇ам̣ гаалам̣гирияад̇о ваа баб̣б̣аж̇ж̇ад̇о ваа сад̇д̇амз д̣̇ивасз анд̇арад̇хааяад̇и, д̇ад̇о барам̣ жаггавад̇д̇ино баад̇убхааво аваарид̇о.
Apubbaṃ acarimanti ettha cakkaratanapātubhāvato pubbe pubbaṃ, tasseva antaradhānato pacchā carimaṃ. Tattha dvidhā cakkaratanassa antaradhānaṃ hoti, cakkavattino kālaṃkiriyato vā pabbajjāya vā. Antaradhāyamānañca pana taṃ kālaṃkiriyato vā pabbajjato vā sattame divase antaradhāyati, tato paraṃ cakkavattino pātubhāvo avārito.
гасмаа бана згажаггаваал̣з д̣̇вз жаггавад̇д̇ино нуббаж̇ж̇анд̇ийд̇и . виваад̣̇убажчзд̣̇ад̇о ажчарияабхаавад̇о жаггарад̇анасса махаанубхаавад̇о жа. д̣̇вийсу хи уббаж̇ж̇анд̇зсу ‘‘амхаагам̣ рааж̇аа маханд̇о амхаагам̣ рааж̇аа маханд̇о’’д̇и виваад̣̇о уббаж̇ж̇зяяа. згасмим̣ д̣̇ийбз жаггавад̇д̇ийд̇и жа згасмим̣ д̣̇ийбз жаггавад̇д̇ийд̇и жа анажчарияаа бхавзяяум̣ . яо жааяам̣ жаггарад̇анасса д̣̇висахассад̣̇ийбабариваарзсу жад̇уусу махаад̣̇ийбзсу иссарияаануббад̣̇аанасамад̇т̇о махаанубхааво, со барихааязт̇а. ид̇и виваад̣̇убажчзд̣̇ад̇о ажчарияабхаавад̇о жаггарад̇анасса махаанубхаавад̇о жа на згажаггаваал̣з д̣̇вз уббаж̇ж̇анд̇и.
Kasmā pana ekacakkavāḷe dve cakkavattino nuppajjantīti . Vivādupacchedato acchariyabhāvato cakkaratanassa mahānubhāvato ca. Dvīsu hi uppajjantesu ‘‘amhākaṃ rājā mahanto amhākaṃ rājā mahanto’’ti vivādo uppajjeyya. Ekasmiṃ dīpe cakkavattīti ca ekasmiṃ dīpe cakkavattīti ca anacchariyā bhaveyyuṃ . Yo cāyaṃ cakkaratanassa dvisahassadīpaparivāresu catūsu mahādīpesu issariyānuppadānasamattho mahānubhāvo, so parihāyetha. Iti vivādupacchedato acchariyabhāvato cakkaratanassa mahānubhāvato ca na ekacakkavāḷe dve uppajjanti.
130. яам̣ ид̇т̇ий асса арахам̣ саммаасамб̣уд̣̇д̇ход̇и зд̇т̇а д̇идтад̇у д̇аава саб̣б̣ан̃н̃уг̇ун̣з ниб̣б̣ад̇д̇зд̇ваа логуд̇д̇ааран̣асамад̇т̇о б̣уд̣̇д̇хабхааво, бан̣ид̇хаанамад̇д̇амби ид̇т̇ияаа на самбаж̇ж̇ад̇и.
130.Yaṃ itthī assa arahaṃ sammāsambuddhoti ettha tiṭṭhatu tāva sabbaññuguṇe nibbattetvā lokuttāraṇasamattho buddhabhāvo, paṇidhānamattampi itthiyā na sampajjati.
мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;
Manussattaṃ liṅgasampatti, hetu satthāradassanaṃ;
баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа;
Pabbajjā guṇasampatti, adhikāro ca chandatā;
адтад̇хаммасамод̇хаанаа, абхинийхааро самиж̇жхад̇ийд̇и. (б̣у. вам̣. 2.59) –
Aṭṭhadhammasamodhānā, abhinīhāro samijjhatīti. (bu. vaṃ. 2.59) –
имаани хи бан̣ид̇хаанасамбад̇д̇игааран̣аани. ид̇и бан̣ид̇хаанамби самбаад̣̇зд̇ум̣ асамад̇т̇ааяа ид̇т̇ияаа гуд̇о б̣уд̣̇д̇хабхаавод̇и ‘‘адтаанамзд̇ам̣ анавагаасо яам̣ ид̇т̇ий асса арахам̣ саммаасамб̣уд̣̇д̇хо’’д̇и вуд̇д̇ам̣. саб̣б̣аагаарабарибууро жа бун̃н̃уссаяо саб̣б̣аагаарабарибуурамзва ад̇д̇абхаавам̣ ниб̣б̣ад̇д̇зд̇ийд̇и бурисова арахам̣ ход̇и саммаасамб̣уд̣̇д̇хо.
Imāni hi paṇidhānasampattikāraṇāni. Iti paṇidhānampi sampādetuṃ asamatthāya itthiyā kuto buddhabhāvoti ‘‘aṭṭhānametaṃ anavakāso yaṃ itthī assa arahaṃ sammāsambuddho’’ti vuttaṃ. Sabbākāraparipūro ca puññussayo sabbākāraparipūrameva attabhāvaṃ nibbattetīti purisova arahaṃ hoti sammāsambuddho.
яам̣ ид̇т̇ий рааж̇аа асса жаггавад̇д̇ийд̇иаад̣̇ийсуби яасмаа ид̇т̇ияаа госохид̇авад̇т̇аг̇уяхад̇аад̣̇ийнам̣ абхаавзна лагкан̣аани на барибуурзнд̇и, ид̇т̇ирад̇анаабхаавзна сад̇д̇арад̇анасаман̇г̇ид̇аа на самбаж̇ж̇ад̇и, саб̣б̣амануссзхи жа ад̇хиго ад̇д̇абхааво на ход̇и, д̇асмаа ‘‘адтаанамзд̇ам̣ анавагаасо яам̣ ид̇т̇ий рааж̇аа асса жаггавад̇д̇ий’’д̇и вуд̇д̇ам̣. яасмаа жа саггад̇д̇аад̣̇ийни д̇ийн̣и таанаани уд̇д̇амаани, ид̇т̇илин̇г̇ан̃жа хийнам̣, д̇асмаа д̇ассаа саггад̇д̇аад̣̇ийниби бадисид̣̇д̇хаани.
Yaṃ itthī rājā assa cakkavattītiādīsupi yasmā itthiyā kosohitavatthaguyhatādīnaṃ abhāvena lakkhaṇāni na paripūrenti, itthiratanābhāvena sattaratanasamaṅgitā na sampajjati, sabbamanussehi ca adhiko attabhāvo na hoti, tasmā ‘‘aṭṭhānametaṃ anavakāso yaṃ itthī rājā assa cakkavattī’’ti vuttaṃ. Yasmā ca sakkattādīni tīṇi ṭhānāni uttamāni, itthiliṅgañca hīnaṃ, tasmā tassā sakkattādīnipi paṭisiddhāni.
нану жа яат̇аа ид̇т̇илин̇г̇ам̣, звам̣ бурисалин̇г̇амби б̣рахмалогз над̇т̇и? д̇асмаа ‘‘яам̣ бурисо б̣рахмад̇д̇ам̣ гарзяяа, таанамзд̇ам̣ виж̇ж̇ад̇ий’’д̇иби на вад̇д̇аб̣б̣ам̣ сияаад̇и. но на вад̇д̇аб̣б̣ам̣. гасмаа? ид̇ха бурисасса д̇ад̇т̇а ниб̣б̣ад̇д̇анад̇о. б̣рахмад̇д̇анд̇и хи махааб̣рахмад̇д̇ам̣ ад̇хиббзд̇ам̣. ид̇т̇ий жа ид̇ха жхаанам̣ бхаавзд̇ваа гаалам̣ гад̇ваа б̣рахмабаарисаж̇ж̇аанам̣ сахаб̣яад̇ам̣ убабаж̇ж̇ад̇и, на махааб̣рахмаанам̣, бурисо бана д̇ад̇т̇а на уббаж̇ж̇ад̇ийд̇и на вад̇д̇аб̣б̣о. самаанзби жзд̇т̇а убхаяалин̇г̇аабхаавз бурисасан̣таанаава б̣рахмаано, на ид̇т̇исан̣таанаа, д̇асмаа сувуд̇д̇амзвзд̇ам̣.
Nanu ca yathā itthiliṅgaṃ, evaṃ purisaliṅgampi brahmaloke natthi? Tasmā ‘‘yaṃ puriso brahmattaṃ kareyya, ṭhānametaṃ vijjatī’’tipi na vattabbaṃ siyāti. No na vattabbaṃ. Kasmā? Idha purisassa tattha nibbattanato. Brahmattanti hi mahābrahmattaṃ adhippetaṃ. Itthī ca idha jhānaṃ bhāvetvā kālaṃ katvā brahmapārisajjānaṃ sahabyataṃ upapajjati, na mahābrahmānaṃ, puriso pana tattha na uppajjatīti na vattabbo. Samānepi cettha ubhayaliṅgābhāve purisasaṇṭhānāva brahmāno, na itthisaṇṭhānā, tasmā suvuttamevetaṃ.
131. гааяад̣̇ужжарид̇ассаад̇иаад̣̇ийсу яат̇аа нимб̣аб̣ийж̇агосаад̇агийб̣ийж̇аад̣̇ийни мад̇хурапалам̣ на ниб̣б̣ад̇д̇знд̇и, асаад̇ам̣ амад̇хурамзва ниб̣б̣ад̇д̇знд̇и, звам̣ гааяад̣̇ужжарид̇аад̣̇ийни мад̇хуравибаагам̣ на ниб̣б̣ад̇д̇знд̇и, амад̇хурамзва вибаагам̣ ниб̣б̣ад̇д̇знд̇и. яат̇аа жа ужчуб̣ийж̇асаалиб̣ийж̇аад̣̇ийни мад̇хурам̣ саад̣̇урасамзва палам̣ ниб̣б̣ад̇д̇знд̇и, на асаад̇ам̣ гадугам̣, звам̣ гааяасужарид̇аад̣̇ийни мад̇хурамзва вибаагам̣ ниб̣б̣ад̇д̇знд̇и, на амад̇хурам̣. вуд̇д̇амби жзд̇ам̣ –
131.Kāyaduccaritassātiādīsu yathā nimbabījakosātakībījādīni madhuraphalaṃ na nibbattenti, asātaṃ amadhurameva nibbattenti, evaṃ kāyaduccaritādīni madhuravipākaṃ na nibbattenti, amadhurameva vipākaṃ nibbattenti. Yathā ca ucchubījasālibījādīni madhuraṃ sādurasameva phalaṃ nibbattenti, na asātaṃ kaṭukaṃ, evaṃ kāyasucaritādīni madhurameva vipākaṃ nibbattenti, na amadhuraṃ. Vuttampi cetaṃ –
‘‘яаад̣̇исам̣ вабад̇з б̣ийж̇ам̣, д̇аад̣̇исам̣ харад̇з палам̣;
‘‘Yādisaṃ vapate bījaṃ, tādisaṃ harate phalaṃ;
галяаан̣агаарий галяаан̣ам̣, баабагаарий жа баабага’’нд̇и. (сам̣. ни. 1.256);
Kalyāṇakārī kalyāṇaṃ, pāpakārī ca pāpaka’’nti. (saṃ. ni. 1.256);
д̇асмаа ‘‘адтаанамзд̇ам̣ анавагаасо яам̣ гааяад̣̇ужжарид̇ассаа’’д̇иаад̣̇и вуд̇д̇ам̣.
Tasmā ‘‘aṭṭhānametaṃ anavakāso yaṃ kāyaduccaritassā’’tiādi vuttaṃ.
гааяад̣̇ужжарид̇асаман̇г̇ийд̇иаад̣̇ийсу саман̇г̇ийд̇и бан̃жавид̇хаа саман̇г̇ид̇аа ааяууханасаман̇г̇ид̇аа жзд̇анаасаман̇г̇ид̇аа гаммасаман̇г̇ид̇аа вибаагасаман̇г̇ид̇аа, убадтаанасаман̇г̇ид̇аад̇и. д̇ад̇т̇а гусалаагусалагаммааяууханагкан̣з ааяууханасаман̇г̇ид̇аад̇и вужжад̇и. д̇ат̇аа жзд̇анаасаман̇г̇ид̇аа. яаава бана арахад̇д̇ам̣ на баабун̣анд̇и, д̇аава саб̣б̣зби сад̇д̇аа буб̣б̣з убажид̇ам̣ вибаагаарахам̣ гаммам̣ санд̇хааяа ‘‘гаммасаман̇г̇ино’’д̇и вужжанд̇и, зсаа гаммасаман̇г̇ид̇аа. вибаагасаман̇г̇ид̇аа вибаагагкан̣зязва взд̣̇ид̇аб̣б̣аа. яаава бана сад̇д̇аа арахад̇д̇ам̣ на баабун̣анд̇и, д̇аава нзсам̣ д̇ад̇о д̇ад̇о жавид̇ваа нираяз д̇аава уббаж̇ж̇амаанаанам̣ аг̇г̇иж̇аалалохагумбхиаад̣̇ийхи убадтаанаагаарзхи нираяо, г̇аб̣бхасзяяагад̇д̇ам̣ аабаж̇ж̇амаанаанам̣ маад̇угужчи, д̣̇звзсу уббаж̇ж̇амаанаанам̣ габбаругкавимаанаад̣̇ийхи убадтаанаагаарзхи д̣̇звалогод̇и звам̣ уббад̇д̇инимид̇д̇ам̣ убадтаад̇и, ид̇и нзсам̣ иминаа уббад̇д̇инимид̇д̇аубадтаанзна абаримуд̇д̇ад̇аа убадтаанасаман̇г̇ид̇аа наама. саа жалад̇и сзсаа нижжалаа. нираяз хи убадтид̇зби д̣̇звалого убадтаад̇и, д̣̇звалогз убадтид̇зби нираяо убадтаад̇и, мануссалогз убадтид̇зби д̇иражчаанаяони убадтаад̇и, д̇иражчаанаяонияаа жа убадтид̇ааяаби мануссалого убадтаад̇иязва.
Kāyaduccaritasamaṅgītiādīsu samaṅgīti pañcavidhā samaṅgitā āyūhanasamaṅgitā cetanāsamaṅgitā kammasamaṅgitā vipākasamaṅgitā, upaṭṭhānasamaṅgitāti. Tattha kusalākusalakammāyūhanakkhaṇe āyūhanasamaṅgitāti vuccati. Tathā cetanāsamaṅgitā. Yāva pana arahattaṃ na pāpuṇanti, tāva sabbepi sattā pubbe upacitaṃ vipākārahaṃ kammaṃ sandhāya ‘‘kammasamaṅgino’’ti vuccanti, esā kammasamaṅgitā. Vipākasamaṅgitā vipākakkhaṇeyeva veditabbā. Yāva pana sattā arahattaṃ na pāpuṇanti, tāva nesaṃ tato tato cavitvā niraye tāva uppajjamānānaṃ aggijālalohakumbhiādīhi upaṭṭhānākārehi nirayo, gabbhaseyyakattaṃ āpajjamānānaṃ mātukucchi, devesu uppajjamānānaṃ kapparukkhavimānādīhi upaṭṭhānākārehi devalokoti evaṃ uppattinimittaṃ upaṭṭhāti, iti nesaṃ iminā uppattinimittaupaṭṭhānena aparimuttatā upaṭṭhānasamaṅgitā nāma. Sā calati sesā niccalā. Niraye hi upaṭṭhitepi devaloko upaṭṭhāti, devaloke upaṭṭhitepi nirayo upaṭṭhāti, manussaloke upaṭṭhitepi tiracchānayoni upaṭṭhāti, tiracchānayoniyā ca upaṭṭhitāyapi manussaloko upaṭṭhātiyeva.
д̇ад̇рид̣̇ам̣ вад̇т̇у – сон̣аг̇ирибаад̣̇з гира ажзлавихаарз сон̣ад̇т̇зро наама зго д̇хаммагат̇иго, д̇асса бид̇аа сунакаж̇ийвиго ахоси. т̇зро д̇ам̣ бадиб̣ааханд̇оби сам̣варз табзд̇ум̣ асаггонд̇о ‘‘маа насси ж̇араго’’д̇и махаллагагаалз агаамагам̣ баб̣б̣ааж̇зси. д̇асса г̇илаанасзяяааяа нибаннасса нираяо убадтаад̇и, сон̣аг̇ирибаад̣̇ад̇о маханд̇аа маханд̇аа сунакаа ааг̇анд̇ваа каад̣̇ид̇угаамаа вияа самбариваарзсум̣. со махаабхаяабхийд̇о – ‘‘ваарзхи, д̇аад̇а сон̣а, ваарзхи, д̇аад̇а сон̣аа’’д̇и ааха. гим̣ махаат̇зраад̇и. на бассаси д̇аад̇аад̇и д̇ам̣ бавад̇д̇им̣ аажигки. сон̣ад̇т̇зро – ‘‘гат̇ан̃хи наама маад̣̇исасса бид̇аа нираяз ниб̣б̣ад̇д̇иссад̇и, бад̇идтаа’сса бхависсаамий’’д̇и сааман̣зрзхи наанаабубпаани аахараабзд̇ваа жзд̇ияан̇г̇ан̣аб̣од̇хияан̇г̇ан̣зсу д̇аласант̇аран̣абууж̇ам̣ аасанабууж̇ан̃жа гаарзд̇ваа бид̇арам̣ ман̃жзна жзд̇ияан̇г̇ан̣ам̣ аахарид̇ваа ман̃жз нисийд̣̇аабзд̇ваа – ‘‘аяам̣ махаат̇зра-бууж̇аа д̇умхаагам̣ ад̇т̇ааяа гад̇аа ‘аяам̣ мз бхаг̇аваа д̣̇уг̇г̇ад̇абан̣н̣аагааро’д̇и вад̇ваа бхаг̇аванд̇ам̣ ванд̣̇ид̇ваа жид̇д̇ам̣ басаад̣̇зхий’’д̇и ааха. со махаат̇зро бууж̇ам̣ д̣̇исваа д̇ат̇аа гаронд̇о жид̇д̇ам̣ басаад̣̇зси, д̇аавад̣̇звасса д̣̇звалого убадтааси, нанд̣̇анавана-жид̇д̇алад̇аавана-миссагавана-паарусагаванавимаанаани жзва наадагаани жа бариваарзд̇ваа тид̇аани вияа ахзсум̣. со ‘‘абзт̇а абзт̇а сон̣аа’’д̇и ааха. гимид̣̇ам̣ т̇зраад̇и? зд̇аа д̇з, д̇аад̇а, маад̇аро ааг̇ажчанд̇ийд̇и . т̇зро ‘‘саг̇г̇о убадтид̇о махаат̇зрассаа’’д̇и жинд̇зси. звам̣ убадтаанасаман̇г̇ид̇аа жалад̇ийд̇и взд̣̇ид̇аб̣б̣аа. зд̇аасу саман̇г̇ид̇аасу ид̇ха ааяууханажзд̇анаагаммасаман̇г̇ид̇аавасзна гааяад̣̇ужжарид̇асаман̇г̇ийд̇иаад̣̇и вуд̇д̇ам̣.
Tatridaṃ vatthu – soṇagiripāde kira acelavihāre soṇatthero nāma eko dhammakathiko, tassa pitā sunakhajīviko ahosi. Thero taṃ paṭibāhantopi saṃvare ṭhapetuṃ asakkonto ‘‘mā nassi jarako’’ti mahallakakāle akāmakaṃ pabbājesi. Tassa gilānaseyyāya nipannassa nirayo upaṭṭhāti, soṇagiripādato mahantā mahantā sunakhā āgantvā khāditukāmā viya samparivāresuṃ. So mahābhayabhīto – ‘‘vārehi, tāta soṇa, vārehi, tāta soṇā’’ti āha. Kiṃ mahātherāti. Na passasi tātāti taṃ pavattiṃ ācikkhi. Soṇatthero – ‘‘kathañhi nāma mādisassa pitā niraye nibbattissati, patiṭṭhā’ssa bhavissāmī’’ti sāmaṇerehi nānāpupphāni āharāpetvā cetiyaṅgaṇabodhiyaṅgaṇesu talasantharaṇapūjaṃ āsanapūjañca kāretvā pitaraṃ mañcena cetiyaṅgaṇaṃ āharitvā mañce nisīdāpetvā – ‘‘ayaṃ mahāthera-pūjā tumhākaṃ atthāya katā ‘ayaṃ me bhagavā duggatapaṇṇākāro’ti vatvā bhagavantaṃ vanditvā cittaṃ pasādehī’’ti āha. So mahāthero pūjaṃ disvā tathā karonto cittaṃ pasādesi, tāvadevassa devaloko upaṭṭhāsi, nandanavana-cittalatāvana-missakavana-phārusakavanavimānāni ceva nāṭakāni ca parivāretvā ṭhitāni viya ahesuṃ. So ‘‘apetha apetha soṇā’’ti āha. Kimidaṃ therāti? Etā te, tāta, mātaro āgacchantīti . Thero ‘‘saggo upaṭṭhito mahātherassā’’ti cintesi. Evaṃ upaṭṭhānasamaṅgitā calatīti veditabbā. Etāsu samaṅgitāsu idha āyūhanacetanākammasamaṅgitāvasena kāyaduccaritasamaṅgītiādi vuttaṃ.
132. звам̣ вуд̇д̇з ааяасмаа аананд̣̇од̇и ‘‘звам̣ бхаг̇авад̇аа имасмим̣ суд̇д̇з вуд̇д̇з т̇зро аад̣̇ид̇о бадтааяа саб̣б̣асуд̇д̇ам̣ саманнаахарид̇ваа звам̣ сассиригам̣ гад̇ваа д̣̇зсид̇асуд̇д̇асса наама бхаг̇авад̇аа наамам̣ на г̇ахид̇ам̣. ханд̣̇асса наамам̣ г̇ан̣хаабзссаамий’’д̇и жинд̇зд̇ваа бхаг̇аванд̇ам̣ зд̇ад̣̇авожа.
132.Evaṃ vutte āyasmā ānandoti ‘‘evaṃ bhagavatā imasmiṃ sutte vutte thero ādito paṭṭhāya sabbasuttaṃ samannāharitvā evaṃ sassirikaṃ katvā desitasuttassa nāma bhagavatā nāmaṃ na gahitaṃ. Handassa nāmaṃ gaṇhāpessāmī’’ti cintetvā bhagavantaṃ etadavoca.
д̇асмаа д̇иха д̇ванд̇иаад̣̇ийсу аяам̣ ад̇т̇аяож̇анаа –
Tasmā tiha tvantiādīsu ayaṃ atthayojanā –
аананд̣̇а, яасмаа имасмим̣ д̇хаммабарияааяз ‘‘адтаараса ко имаа, аананд̣̇а, д̇хаад̇уяо, ча имаа, аананд̣̇а, д̇хаад̇уяо’’д̇и звам̣ б̣ахуд̇хаад̇уяо вибхад̇д̇аа, д̇асмаа д̇иха д̇вам̣ имам̣ д̇хаммабарияааяам̣ б̣ахуд̇хаад̇угод̇иби нам̣ д̇хаарзхи. яасмаа банзд̇т̇а д̇хаад̇уааяад̇анабадижжасамуббаад̣̇адтаанаадтаанавасзна жад̇д̇ааро бариваддаа гат̇ид̇аа , д̇асмаа жад̇убариваддод̇иби нам̣ д̇хаарзхи. яасмаа жа аад̣̇аасам̣ ологзнд̇асса муканимид̇д̇ам̣ вияа имам̣ д̇хаммабарияааяам̣ ологзнд̇асса зд̇з д̇хаад̇уаад̣̇аяо ад̇т̇аа баагадаа хонд̇и, д̇асмаа д̇хаммаад̣̇аасод̇иби нам̣ д̇хаарзхи. яасмаа жа яат̇аа наама барасзнамад̣̇д̣̇анаа яод̇хаа сан̇г̇аамад̇уурияам̣ баг̇г̇ахзд̇ваа барасзнам̣ бависид̇ваа сабад̇д̇з мад̣̇д̣̇ид̇ваа ад̇д̇ано ж̇аяам̣ г̇ан̣ханд̇и, звамзва гилзсасзнамад̣̇д̣̇анаа яог̇ино ид̇ха вуд̇д̇авасзна вибассанам̣ баг̇г̇ахзд̇ваа гилзсз мад̣̇д̣̇ид̇ваа ад̇д̇ано арахад̇д̇аж̇аяам̣ г̇ан̣ханд̇и, д̇асмаа амад̇ад̣̇унд̣̇убхийд̇иби нам̣ д̇хаарзхи. яасмаа жа яат̇аа сан̇г̇аамаяод̇хаа бан̃жаавуд̇хам̣ г̇ахзд̇ваа барасзнам̣ вид̣̇д̇хам̣сзд̇ваа ж̇аяам̣ г̇ан̣ханд̇и, звам̣ яог̇иноби ид̇ха вуд̇д̇ам̣ вибассанаавуд̇хам̣ г̇ахзд̇ваа гилзсасзнам̣ вид̣̇д̇хам̣сзд̇ваа арахад̇д̇аж̇аяам̣ г̇ан̣ханд̇и. д̇асмаа ануд̇д̇аро сан̇г̇аамавиж̇аяод̇иби нам̣ д̇хаарзхийд̇и.
Ānanda, yasmā imasmiṃ dhammapariyāye ‘‘aṭṭhārasa kho imā, ānanda, dhātuyo, cha imā, ānanda, dhātuyo’’ti evaṃ bahudhātuyo vibhattā, tasmā tiha tvaṃ imaṃ dhammapariyāyaṃ bahudhātukotipi naṃ dhārehi. Yasmā panettha dhātuāyatanapaṭiccasamuppādaṭṭhānāṭṭhānavasena cattāro parivaṭṭā kathitā , tasmā catuparivaṭṭotipi naṃ dhārehi. Yasmā ca ādāsaṃ olokentassa mukhanimittaṃ viya imaṃ dhammapariyāyaṃ olokentassa ete dhātuādayo atthā pākaṭā honti, tasmā dhammādāsotipi naṃ dhārehi. Yasmā ca yathā nāma parasenamaddanā yodhā saṅgāmatūriyaṃ paggahetvā parasenaṃ pavisitvā sapatte madditvā attano jayaṃ gaṇhanti, evameva kilesasenamaddanā yogino idha vuttavasena vipassanaṃ paggahetvā kilese madditvā attano arahattajayaṃ gaṇhanti, tasmā amatadundubhītipi naṃ dhārehi. Yasmā ca yathā saṅgāmayodhā pañcāvudhaṃ gahetvā parasenaṃ viddhaṃsetvā jayaṃ gaṇhanti, evaṃ yoginopi idha vuttaṃ vipassanāvudhaṃ gahetvā kilesasenaṃ viddhaṃsetvā arahattajayaṃ gaṇhanti. Tasmā anuttaro saṅgāmavijayotipi naṃ dhārehīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
б̣ахуд̇хаад̇угасуд̇д̇аван̣н̣анаа нидтид̇аа.
Bahudhātukasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. б̣ахуд̇хаад̇угасуд̇д̇ам̣ • 5. Bahudhātukasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. б̣ахуд̇хаад̇угасуд̇д̇аван̣н̣анаа • 5. Bahudhātukasuttavaṇṇanā
