| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. б̣ахуд̇хаад̇угасуд̇д̇аван̣н̣анаа
5. Bahudhātukasuttavaṇṇanā
124. бхаяанд̇и (а. ни. дий. 2.3.1) жид̇д̇асам̣саббад̇аад̇и ааха ‘‘жид̇д̇уд̇раасо’’д̇и. убад̣̇д̣̇авод̇и анд̇арааяо. д̇асса бана вигкзбагааран̣ад̇д̇аа вуд̇д̇ам̣ ‘‘анзгаг̇г̇ад̇аагааро’’д̇и. убасаг̇г̇од̇и убасаж̇ж̇анам̣. д̇ад̇о аббад̇ийгааравигхаад̇аабад̇д̇и яасмаа бад̇ийгаараабхаавзна вихан̃н̃амаанасса гин̃жи гаад̇ум̣ асамад̇т̇асса осийд̣̇анагааран̣ам̣, д̇асмаа вуд̇д̇ам̣ – ‘‘д̇ад̇т̇а д̇ад̇т̇а лаг̇г̇анаагааро’’д̇и. ван̃жзд̇ваа ааг̇анд̇ум̣ яат̇аавуд̇д̇з д̣̇ивасз анааг̇ажчанд̇зсу. б̣ахи анигкаманад̇т̇ааяа д̣̇ваарз аг̇г̇им̣ д̣̇ад̇ваа.
124.Bhayanti (a. ni. ṭī. 2.3.1) cittasaṃsappatāti āha ‘‘cittutrāso’’ti. Upaddavoti antarāyo. Tassa pana vikkhepakāraṇattā vuttaṃ ‘‘anekaggatākāro’’ti. Upasaggoti upasajjanaṃ. Tato appatīkāravighātāpatti yasmā patīkārābhāvena vihaññamānassa kiñci kātuṃ asamatthassa osīdanakāraṇaṃ, tasmā vuttaṃ – ‘‘tattha tattha lagganākāro’’ti. Vañcetvā āgantuṃ yathāvutte divase anāgacchantesu. Bahi anikkhamanatthāya dvāre aggiṃ datvā.
нал̣зхийд̇и нал̣ажчаннасан̇кзбзна убари чаад̣̇зд̇ваа д̇зхиязва д̣̇ааругажчад̣̇ананияаамзна барид̇оби чаад̣̇ид̇аа. зсзва наяод̇и иминаа д̇ин̣зхи чаннад̇ам̣, сзсасамбхаараанам̣ ругкамаяад̇ан̃жа ад̇ид̣̇исад̇и. вид̇хаваабуд̇д̇зд̇и ад̣̇анд̇абхаавобалагкан̣ам̣. д̇з хи ниббид̇игаа авинийд̇аа асам̣яад̇аа агижжагаарино хонд̇и.
Naḷehīti naḷacchannasaṅkhepena upari chādetvā tehiyeva dārukacchadananiyāmena paritopi chāditā. Eseva nayoti iminā tiṇehi channataṃ, sesasambhārānaṃ rukkhamayatañca atidisati. Vidhavāputteti adantabhāvopalakkhaṇaṃ. Te hi nippitikā avinītā asaṃyatā akiccakārino honti.
мад̇т̇агам̣ абаабзд̇ваава нидтаабид̇аад̇и гасмаа бхаг̇аваа звамагаасийд̇и? аананд̣̇ад̇т̇зрасса бужчаагосаллад̣̇ийбанад̇т̇амзва, д̇ад̇т̇а нисиннаанам̣ саннибад̇ид̇абхигкуунам̣ д̣̇зсанааяа ж̇аананад̇т̇ан̃жа. д̇з гира сан̇кзбад̇о вуд̇д̇амад̇т̇ам̣ аж̇аананд̇аа анд̇хагаарам̣ бавидтаа вияа тид̇аа. бужчаанусанд̇хивасзна бариг̇г̇аяха ж̇ааниссанд̇ийд̇и.
Matthakaṃ apāpetvāva niṭṭhāpitāti kasmā bhagavā evamakāsīti? Ānandattherassa pucchākosalladīpanatthameva, tattha nisinnānaṃ sannipatitabhikkhūnaṃ desanāya jānanatthañca. Te kira saṅkhepato vuttamatthaṃ ajānantā andhakāraṃ paviṭṭhā viya ṭhitā. Pucchānusandhivasena pariggayha jānissantīti.
125. руубабариг̇г̇ахова гат̇ид̇о, на ан̃н̃ам̣ гин̃жийд̇и ад̇т̇о. ид̣̇аани д̇ад̇о сажжаани нид̣̇д̇хаарзд̇ваа жад̇усажжагаммадтаанам̣ д̣̇ассзд̇ум̣, ‘‘саб̣б̣аабий’’д̇иаад̣̇и вуд̇д̇ам̣. бан̃жагканд̇хаа хонд̇ийд̇и ад̣̇д̇хзгаад̣̇аса д̇хаад̇уяо руубагканд̇хо, ад̣̇д̇хадтамаа д̇хаад̇уяо яат̇аарахам̣ взд̣̇анаад̣̇аяо жад̇д̇ааро аруубино канд̇хаад̇и звам̣ адтаараса д̇хаад̇уяо бан̃жагканд̇хаа хонд̇и. бан̃жаби канд̇хаа д̇ан̣хааваж̇ж̇аа д̣̇угкасажжам̣. аббавад̇д̇ийд̇и аббавад̇д̇инимид̇д̇ам̣. нирод̇хабаж̇аананаад̇и бан̃н̃аасийсзна маг̇г̇агижжамааха. саммаад̣̇идтибамуко хи арияамаг̇г̇о. мад̇т̇агам̣ баабзд̇ваа гат̇ид̇ам̣ ход̇и саммасанасса бхуумияаа нибпад̇д̇ияаа жа гат̇ид̇ад̇д̇аа. ж̇аанаад̇и бассад̇ийд̇и иминаа н̃аан̣ад̣̇ассанам̣ гат̇ид̇ам̣ д̇ам̣ бана логияам̣ логуд̇д̇аранд̇и д̣̇увид̇ханд̇и д̇ад̣̇убхаяамби д̣̇ассзнд̇о ааха – ‘‘саха вибассанааяа маг̇г̇о вуд̇д̇о’’д̇и.
125.Rūpapariggahova kathito, na aññaṃ kiñcīti attho. Idāni tato saccāni niddhāretvā catusaccakammaṭṭhānaṃ dassetuṃ, ‘‘sabbāpī’’tiādi vuttaṃ. Pañcakkhandhā hontīti addhekādasa dhātuyo rūpakkhandho, addhaṭṭhamā dhātuyo yathārahaṃ vedanādayo cattāro arūpino khandhāti evaṃ aṭṭhārasa dhātuyo pañcakkhandhā honti. Pañcapi khandhā taṇhāvajjā dukkhasaccaṃ. Appavattīti appavattinimittaṃ. Nirodhapajānanāti paññāsīsena maggakiccamāha. Sammādiṭṭhipamukho hi ariyamaggo. Matthakaṃ pāpetvā kathitaṃ hoti sammasanassa bhūmiyā nipphattiyā ca kathitattā. Jānāti passatīti iminā ñāṇadassanaṃ kathitaṃ taṃ pana lokiyaṃ lokuttaranti duvidhanti tadubhayampi dassento āha – ‘‘saha vipassanāya maggo vutto’’ti.
зд̇д̇аавад̇ааби код̇и би-сад̣̇д̣̇аг̇г̇ахан̣зна ан̃н̃зна барияааязна сад̇т̇аа д̇хаад̇угосаллам̣ д̣̇зсзд̇угаамод̇и т̇зро , ‘‘сияаа бана, бханд̇з’’д̇и бужчад̇ийд̇и бхаг̇аваа бат̇авийд̇хаад̇уаад̣̇ивасзнаби д̇хаад̇угосаллам̣ вибхаавзд̇и. д̇ад̇т̇а бат̇авийд̇хаад̇уаад̣̇исад̣̇д̣̇зна д̣̇зсанаагааран̣ам̣ вибхаавзнд̇о, ‘‘бат̇авийд̇хаад̇у…бз… вуд̇д̇аа’’д̇и ааха. д̇ааби хи аад̣̇ид̇о ча д̇хаад̇уяо. ‘‘вин̃н̃аан̣ад̇хаад̇уд̇о нийхарид̇ваа буурзд̇аб̣б̣аа’’д̇и вад̇ваа гат̇ам̣ руубад̇хаад̇уяо нийхарийяанд̇ийд̇и жод̣̇анам̣ санд̇хааяа д̇ам̣ наяам̣ д̣̇ассзд̇ум̣, ‘‘вин̃н̃аан̣ад̇хаад̇уу’’д̇иаад̣̇и вуд̇д̇ам̣. гааман̃жзд̇т̇а гааяавин̃н̃аан̣ад̇хаад̇уяаа аарамман̣ам̣ подтаб̣б̣ад̇хаад̇убат̇авийд̇хаад̇у аад̣̇ивасзна д̣̇зсанаарул̣амзва, гааяад̇хаад̇у бана нийхарид̇аб̣б̣аад̇и згам̣самзва нийхаран̣авид̇хим̣ д̣̇ассзнд̇о, ‘‘зса наяо саб̣б̣ад̇т̇аа’’д̇и ааха. буримабажчимавасзна манод̇хаад̇ууд̇и бажчимабхааг̇авасзна гирияааманод̇хаад̇у г̇ахзд̇аб̣б̣аа д̇ассаануруубабхаавад̇о. нану жзд̇т̇а манод̇хаад̇у наамааяам̣ мановин̃н̃аан̣ад̇хаад̇уяаа асам̣садтаа, висум̣язва жзсаа д̇хаад̇ууд̇и? сажжамзд̇ам̣ адтаарасад̇хаад̇уд̣̇зсанааяа, жид̇д̇авибхад̇д̇инид̣̇д̣̇зсз чавин̃н̃аан̣агааяад̣̇зсанааяам̣ бана саа мановин̃н̃аан̣агааяасан̇г̇ахид̇ааваад̇и д̣̇адтаб̣б̣ам̣. яам̣ банзд̇т̇а вад̇д̇аб̣б̣ам̣ д̇ам̣ висуд̣̇д̇химаг̇г̇асам̣ван̣н̣анааяам̣ (висуд̣̇д̇хи. махаадий. 2.517) вуд̇д̇анаязна взд̣̇ид̇аб̣б̣ам̣. ат̇а ваа буримабажчимавасзнаад̇и бурзжараанужаравасзна. манод̇хаад̇ууд̇и вибаагаманод̇хаад̇у г̇ахзд̇аб̣б̣аа бурзжаран̣ад̇о, барад̇о уббаж̇ж̇анагирияаамановин̃н̃аан̣ад̇хаад̇уяаа ананд̇арам̣ манод̇хаад̇уяаа, гирияааманод̇хаад̇уяаа ананд̇арам̣ мановин̃н̃аан̣ад̇хаад̇уяаа ануббаж̇ж̇анад̇о жа.
Ettāvatāpi khoti pi-saddaggahaṇena aññena pariyāyena satthā dhātukosallaṃ desetukāmoti thero , ‘‘siyā pana, bhante’’ti pucchatīti bhagavā pathavīdhātuādivasenapi dhātukosallaṃ vibhāveti. Tattha pathavīdhātuādisaddena desanākāraṇaṃ vibhāvento, ‘‘pathavīdhātu…pe… vuttā’’ti āha. Tāpi hi ādito cha dhātuyo. ‘‘Viññāṇadhātutonīharitvā pūretabbā’’ti vatvā kathaṃ rūpadhātuyo nīharīyantīti codanaṃ sandhāya taṃ nayaṃ dassetuṃ, ‘‘viññāṇadhātū’’tiādi vuttaṃ. Kāmañcettha kāyaviññāṇadhātuyā ārammaṇaṃ phoṭṭhabbadhātupathavīdhātu ādivasena desanāruḷameva, kāyadhātu pana nīharitabbāti ekaṃsameva nīharaṇavidhiṃ dassento, ‘‘esa nayo sabbatthā’’ti āha. Purimapacchimavasena manodhātūti pacchimabhāgavasena kiriyāmanodhātu gahetabbā tassānurūpabhāvato. Nanu cettha manodhātu nāmāyaṃ manoviññāṇadhātuyā asaṃsaṭṭhā, visuṃyeva cesā dhātūti? Saccametaṃ aṭṭhārasadhātudesanāya, cittavibhattiniddese chaviññāṇakāyadesanāyaṃ pana sā manoviññāṇakāyasaṅgahitāvāti daṭṭhabbaṃ. Yaṃ panettha vattabbaṃ taṃ visuddhimaggasaṃvaṇṇanāyaṃ (visuddhi. mahāṭī. 2.517) vuttanayena veditabbaṃ. Atha vā purimapacchimavasenāti purecarānucaravasena. Manodhātūti vipākamanodhātu gahetabbā purecaraṇato, parato uppajjanakiriyāmanoviññāṇadhātuyā anantaraṃ manodhātuyā, kiriyāmanodhātuyā anantaraṃ manoviññāṇadhātuyā anuppajjanato ca.
д̇хаммаанам̣ яаавад̣̇зва ниссад̇д̇аниж̇ж̇ийвавибхааванад̇т̇ааяа сад̇т̇у д̇хаад̇уд̣̇зсанаад̇и ан̃н̃зсу сабхаавад̇хааран̣аад̣̇иад̇т̇зсу лаб̣бхамаанзсуби аяамзд̇т̇а ад̇т̇о бад̇хаанод̇и ааха – ‘‘зсанаяо саб̣б̣ад̇т̇аа’’д̇и. саббадибагкавасзнаад̇и саббадибхааг̇авасзна сукам̣ д̣̇угкзна саббадибхааг̇ам̣, д̣̇угкам̣ сукзна, звам̣ соманассад̣̇оманассаад̇и. яат̇аа сукаад̣̇ийнам̣язва самуд̣̇аажааро вибхууд̇о, на убзгкааяа, звам̣ рааг̇аад̣̇ийнам̣язва самуд̣̇аажааро вибхууд̇о, на мохасса, д̇зна вуд̇д̇ам̣ ‘‘авибхууд̇абхаавзнаа’’д̇и. гааяавин̃н̃аан̣ад̇хаад̇у бариг̇г̇ахид̇аава ход̇и д̇ад̣̇авинаабхаавад̇о. сзсаасу соманассад̇хаад̇уаад̣̇ийсу, бариг̇г̇ахид̇аава ход̇и авинаабхаавад̇о зва. на хи соманассаад̣̇аяо манод̇хаад̇уяаа винаа вад̇д̇анд̇и. убзгкаад̇хаад̇уд̇о нийхарид̇ваад̇и зд̇т̇а жагкувин̃н̃аан̣ад̇хаад̇уаад̣̇аяо жад̇ассо вин̃н̃аан̣ад̇хаад̇уяо д̇аасам̣ вад̇т̇аарамман̣абхууд̇аа жагкуд̇хаад̇уаад̣̇аяо жаад̇и адта руубад̇хаад̇уяо, манод̇хаад̇у, убзгкаасахаг̇ад̇аа мановин̃н̃аан̣ад̇хаад̇у, убзгкаасахаг̇ад̇аа зва д̇хаммад̇хаад̇ууд̇и звам̣ баннараса д̇хаад̇уяо убзгкаад̇хаад̇уд̇о нийхарид̇аб̣б̣аа. соманассад̇хаад̇уаад̣̇аяо бана жад̇ассо д̇хаад̇уяо д̇хаммад̇хаад̇уанд̇ог̇ад̇хаа , звам̣ сукад̇хаад̇уд̇о гааяавин̃н̃аан̣ад̇хаад̇уяаа д̇ассаа вад̇т̇аарамман̣абхууд̇аанам̣ гааяад̇хаад̇уподтаб̣б̣ад̇хаад̇уунан̃жа нийхаран̣аа хздтаа д̣̇ассид̇анаяаад̇и, ‘‘убзгкаад̇хаад̇уд̇о нийхарид̇ваа буурзд̇аб̣б̣аа’’ижжзва вуд̇д̇ам̣.
Dhammānaṃ yāvadeva nissattanijjīvavibhāvanatthāya satthu dhātudesanāti aññesu sabhāvadhāraṇādiatthesu labbhamānesupi ayamettha attho padhānoti āha – ‘‘esanayo sabbatthā’’ti. Sappaṭipakkhavasenāti sappaṭibhāgavasena sukhaṃ dukkhena sappaṭibhāgaṃ, dukkhaṃ sukhena, evaṃ somanassadomanassāti. Yathā sukhādīnaṃyeva samudācāro vibhūto, na upekkhāya, evaṃ rāgādīnaṃyeva samudācāro vibhūto, na mohassa, tena vuttaṃ ‘‘avibhūtabhāvenā’’ti. Kāyaviññāṇadhātu pariggahitāva hoti tadavinābhāvato. Sesāsu somanassadhātuādīsu, pariggahitāva hoti avinābhāvato eva. Na hi somanassādayo manodhātuyā vinā vattanti. Upekkhādhātuto nīharitvāti ettha cakkhuviññāṇadhātuādayo catasso viññāṇadhātuyo tāsaṃ vatthārammaṇabhūtā cakkhudhātuādayo cāti aṭṭha rūpadhātuyo, manodhātu, upekkhāsahagatā manoviññāṇadhātu, upekkhāsahagatā eva dhammadhātūti evaṃ pannarasa dhātuyo upekkhādhātuto nīharitabbā. Somanassadhātuādayo pana catasso dhātuyo dhammadhātuantogadhā , evaṃ sukhadhātuto kāyaviññāṇadhātuyā tassā vatthārammaṇabhūtānaṃ kāyadhātuphoṭṭhabbadhātūnañca nīharaṇā heṭṭhā dassitanayāti, ‘‘upekkhādhātuto nīharitvā pūretabbā’’icceva vuttaṃ.
гаамавид̇аггаад̣̇аяо ид̇ха гаамад̇хаад̇уаад̣̇ибарияааязна вуд̇д̇аад̇и ‘‘гаамад̇хаад̇уаад̣̇ийнам̣ д̣̇взд̇хаавид̇аггз гаамавид̇аггаад̣̇ийсу вуд̇д̇анаязна ад̇т̇о взд̣̇ид̇аб̣б̣о’’д̇и ааха. д̇ад̇т̇а хи ‘‘гаамавид̇аггод̇и гаамабадисам̣яуд̇д̇о вид̇агго, б̣яаабаад̣̇авид̇аггод̇и б̣яаабаад̣̇абадисам̣яуд̇д̇о вид̇агго, вихим̣саавид̇аггод̇и вихим̣саабадисам̣яуд̇д̇о вид̇агго, нзгкаммабадисам̣яуд̇д̇о вид̇агго нзгкаммавид̇агго, со яаава батамаж̇жхаанаа ваддад̇и. аб̣яаабаад̣̇абадисам̣яуд̇д̇о вид̇агго аб̣яаабаад̣̇авид̇агго, со мзд̇д̇аабуб̣б̣абхааг̇ад̇о бадтааяа яаава батамаж̇жхаанаа ваддад̇и. авихим̣саабадисам̣яуд̇д̇о вид̇агго авихим̣саавид̇агго, со гарун̣ааяа буб̣б̣абхааг̇ад̇о бадтааяа яаава батамаж̇жхаанаа ваддад̇ий’’д̇и вуд̇д̇ам̣. аяам̣ банад̇т̇о абхид̇хаммз вид̇т̇аарад̇о ааг̇ад̇о зваад̇и д̣̇ассзд̇ум̣, ‘‘абхид̇хаммз’’д̇иаад̣̇и вуд̇д̇ам̣. гаамад̇хаад̇уд̇о нийхарид̇ваад̇и зд̇т̇а гаамаг̇г̇ахан̣зна г̇ахид̇аа руубад̇хаад̇уаад̣̇аяо ча, д̇ам̣висаяаа сад̇д̇авин̃н̃аан̣ад̇хаад̇уяо, д̇ад̇т̇а бан̃жаннам̣ вин̃н̃аан̣ад̇хаад̇уунам̣ жагкуд̇хаад̇уаад̣̇аяо бан̃жаад̇и адтаараса. нзгкаммад̇хаад̇уаад̣̇аяо бана д̇хаммад̇хаад̇уанд̇ог̇ад̇хаа зва.
Kāmavitakkādayo idha kāmadhātuādipariyāyena vuttāti ‘‘kāmadhātuādīnaṃ dvedhāvitakke kāmavitakkādīsu vuttanayena attho veditabbo’’ti āha. Tattha hi ‘‘kāmavitakkoti kāmapaṭisaṃyutto vitakko, byāpādavitakkoti byāpādapaṭisaṃyutto vitakko, vihiṃsāvitakkoti vihiṃsāpaṭisaṃyutto vitakko, nekkhammapaṭisaṃyutto vitakko nekkhammavitakko, so yāva paṭhamajjhānā vaṭṭati. Abyāpādapaṭisaṃyutto vitakko abyāpādavitakko, so mettāpubbabhāgato paṭṭhāya yāva paṭhamajjhānā vaṭṭati. Avihiṃsāpaṭisaṃyutto vitakko avihiṃsāvitakko, so karuṇāya pubbabhāgato paṭṭhāya yāva paṭhamajjhānā vaṭṭatī’’ti vuttaṃ. Ayaṃ panattho abhidhamme vitthārato āgato evāti dassetuṃ, ‘‘abhidhamme’’tiādi vuttaṃ. Kāmadhātuto nīharitvāti ettha kāmaggahaṇena gahitā rūpadhātuādayo cha, taṃvisayā sattaviññāṇadhātuyo, tattha pañcannaṃ viññāṇadhātūnaṃ cakkhudhātuādayo pañcāti aṭṭhārasa. Nekkhammadhātuādayo pana dhammadhātuantogadhā eva.
гаамад̇ан̣хааяа висаяабхууд̇аа д̇хаммаа гаамад̇хаад̇ууд̇и ааха – ‘‘бан̃жа гаамааважарагканд̇хаа гаамад̇хаад̇уу’’д̇и. д̇ат̇аа руубад̇ан̣хааяа висаяабхууд̇аа д̇хаммаа руубад̇хаад̇у, аруубад̇ан̣хааяа висаяабхууд̇аа д̇хаммаа аруубад̇хаад̇ууд̇и ааха – ‘‘жад̇д̇ааро аруубааважарагканд̇хаа’’д̇иаад̣̇и. гаамад̇ан̣хаа гаамо уд̇д̇арабад̣̇алобзна, звам̣ руубааруубад̇ан̣хаа руубааруубам̣. аарамман̣агаран̣авасзна д̇аа яад̇т̇а аважаранд̇и, д̇з гаамааважараад̣̇аяод̇и звам̣ гаамааважарагканд̇хаад̣̇ийнам̣ гаамад̇ан̣хаад̣̇ибхааво взд̣̇ид̇аб̣б̣о. аад̣̇инаа наязнаад̇и зд̇зна ‘‘убарид̇о бараниммид̇авасавад̇д̇ид̣̇звз анд̇огарид̇ваа зд̇т̇ааважараа’’д̇иаад̣̇ибаал̣им̣ (вибха. 1020) сан̇г̇ан̣хаад̇и. зд̇т̇ааважараад̇и авийжибараниммид̇абарижчинногаасааяа гаамад̇ан̣хааяа висаяабхаавам̣ санд̇хааяа вуд̇д̇ам̣, д̇ад̣̇огаасад̇аа жа д̇ан̣хааяа д̇анниннад̇д̇аа взд̣̇ид̇аб̣б̣аа. сзсабад̣̇ад̣̇ваязби зсзва наяо. барибун̣н̣аадтаарасад̇хаад̇угад̇д̇аа гаамааважарад̇хаммаанам̣ ‘‘гаамад̇хаад̇уд̇о нийхарид̇ваа буурзд̇аб̣б̣аа’’д̇и вуд̇д̇ам̣. мановин̃н̃аан̣ад̇хаад̇уд̇хаммад̇хаад̇у згад̣̇зсамад̇д̇амзва хи руубааруубааважарад̇хаммаад̇и.
Kāmataṇhāya visayabhūtā dhammā kāmadhātūti āha – ‘‘pañca kāmāvacarakkhandhā kāmadhātū’’ti. Tathā rūpataṇhāya visayabhūtā dhammā rūpadhātu, arūpataṇhāya visayabhūtā dhammā arūpadhātūti āha – ‘‘cattāro arūpāvacarakkhandhā’’tiādi. Kāmataṇhā kāmo uttarapadalopena, evaṃ rūpārūpataṇhā rūpārūpaṃ. Ārammaṇakaraṇavasena tā yattha avacaranti, te kāmāvacarādayoti evaṃ kāmāvacarakkhandhādīnaṃ kāmataṇhādibhāvo veditabbo. Ādinā nayenāti etena ‘‘uparito paranimmitavasavattideve antokaritvā etthāvacarā’’tiādipāḷiṃ (vibha. 1020) saṅgaṇhāti. Etthāvacarāti avīciparanimmitaparicchinnokāsāya kāmataṇhāya visayabhāvaṃ sandhāya vuttaṃ, tadokāsatā ca taṇhāya tanninnattā veditabbā. Sesapadadvayepi eseva nayo. Paripuṇṇaaṭṭhārasadhātukattā kāmāvacaradhammānaṃ ‘‘kāmadhātuto nīharitvā pūretabbā’’ti vuttaṃ. Manoviññāṇadhātudhammadhātu ekadesamattameva hi rūpārūpāvacaradhammāti.
самааг̇анд̇ваад̇и сахид̇аа худ̇ваа. яад̇д̇аган̃хи бажжаяад̇хаммаа ад̇д̇ано паласса гааран̣ам̣, д̇ад̇т̇а д̇анниб̣б̣ад̇д̇анз самааг̇ад̇аа вияа ход̇и взгаллз д̇ад̣̇аниб̣б̣ад̇д̇анад̇о. сан̇кад̇ад̇хаад̇уд̇о нийхарид̇ваа буурзд̇аб̣б̣аа асан̇кад̇ааяа д̇хаад̇уяаа д̇хаммад̇хаад̇узгад̣̇зсабхаавад̇о.
Samāgantvāti sahitā hutvā. Yattakañhi paccayadhammā attano phalassa kāraṇaṃ, tattha tannibbattane samāgatā viya hoti vekalle tadanibbattanato. Saṅkhatadhātuto nīharitvā pūretabbā asaṅkhatāya dhātuyā dhammadhātuekadesabhāvato.
126. звам̣ бавад̇д̇амаанаа маяам̣ ад̇д̇аад̇и г̇ахан̣ам̣ г̇амиссаамаад̇и иминаа вияа ад̇хиббааязна ад̇д̇аанам̣ ад̇хигижжа уд̣̇д̣̇исса бавад̇д̇аа аж̇жхад̇д̇аа, д̇зсу бхаваа д̇аббарияаабаннад̇д̇аад̇и аж̇жхад̇д̇игаани. д̇ад̇о б̣ахибхууд̇аани б̣аахираани. ааяад̇анагат̇аа бадижжасамуббаад̣̇агат̇аа жа висуд̣̇д̇химаг̇г̇з (висуд̣̇д̇хи. 2.510, 570, 571) вуд̇д̇анаязнзва взд̣̇ид̇аб̣б̣аад̇и на вид̇т̇аарид̇аа.
126. Evaṃ pavattamānā mayaṃ attāti gahaṇaṃ gamissāmāti iminā viya adhippāyena attānaṃ adhikicca uddissa pavattā ajjhattā, tesu bhavā tappariyāpannattāti ajjhattikāni. Tato bahibhūtāni bāhirāni. Āyatanakathā paṭiccasamuppādakathā ca visuddhimagge (visuddhi. 2.510, 570, 571) vuttanayeneva veditabbāti na vitthāritā.
127. авиж̇ж̇амаанам̣ таанам̣ адтаанам̣ (а. ни. дий. 1.1.268; вибха. мууладий. 809), над̇т̇и таананд̇и ваа адтаанам̣. анавагаасод̇и зд̇т̇а зсзва наяо. д̇ад̣̇ад̇т̇аниг̇аманамзва хи ‘‘нзд̇ам̣ таанам̣ виж̇ж̇ад̇ий’’д̇и важананд̇и. д̇знааха ‘‘убхаязнабий’’д̇иаад̣̇и. яанд̇и гааран̣з бажжад̇д̇аважанам̣, хзд̇уад̇т̇о жа гааран̣ад̇т̇од̇и ааха – ‘‘яанд̇и язна гааран̣знаа’’д̇и. уггадтанид̣̇д̣̇зсзна зд̇т̇а д̣̇идтисамбад̇д̇и взд̣̇ид̇аб̣б̣аад̇и вуд̇д̇ам̣ ‘‘маг̇г̇ад̣̇идтияаа самбанно’’д̇и. гуд̇о банааяамад̇т̇о лаб̣бхад̇ийд̇и? лин̇г̇ад̇о. лин̇г̇ан̃хзд̇ам̣, яад̣̇ид̣̇ам̣ нижжад̇о убаг̇аманабадигкзбо. жад̇убхуумагзсууд̇и ид̣̇ам̣ жад̇уд̇т̇абхуумагасан̇каараанам̣ арияасаавагасса висаяабхаавуубаг̇аманад̇о вуд̇д̇ам̣; на бана д̇з аараб̣бха нижжад̇о убаг̇аманасаб̣бхаавад̇о. вагкад̇и жа ‘‘жад̇уд̇т̇абхуумагасан̇каараа банаа’’д̇иаад̣̇инаа. абхисан̇кад̇асан̇каараабхисан̇каран̣агасан̇каараанам̣ саббад̣̇зсад̇д̇аа ниббад̣̇зсасан̇каараг̇г̇ахан̣ад̇т̇ам̣ ‘‘сан̇кад̇асан̇каарзсуу’’д̇и вуд̇д̇ам̣. логуд̇д̇арасан̇каараанам̣ бана нивад̇д̇анз гааран̣ам̣ саяамзва вагкад̇и. зд̇ам̣ гааран̣ам̣ над̇т̇и сзд̇угхаад̇ад̇д̇аа. д̇зж̇уссад̣̇ад̇д̇аад̇и сам̣гилзсавид̇хаманад̇зж̇асса ад̇хигабхаавад̇о. д̇ат̇аа хи д̇з г̇амбхийрабхаавзна д̣̇уд̣̇д̣̇асаа. агусалаанам̣ аарамман̣ам̣ на хонд̇ийд̇и ид̣̇ам̣ багаран̣авасзна вуд̇д̇ам̣. аббахийнавибаллаасаанам̣ сад̇д̇аанам̣ гусалад̇хаммаанамби д̇з аарамман̣ам̣ на хонд̇и.
127. Avijjamānaṃ ṭhānaṃ aṭṭhānaṃ (a. ni. ṭī. 1.1.268; vibha. mūlaṭī. 809), natthi ṭhānanti vā aṭṭhānaṃ. Anavakāsoti ettha eseva nayo. Tadatthanigamanameva hi ‘‘netaṃ ṭhānaṃ vijjatī’’ti vacananti. Tenāha ‘‘ubhayenapī’’tiādi. Yanti kāraṇe paccattavacanaṃ, hetuattho ca kāraṇatthoti āha – ‘‘yanti yena kāraṇenā’’ti. Ukkaṭṭhaniddesena ettha diṭṭhisampatti veditabbāti vuttaṃ ‘‘maggadiṭṭhiyā sampanno’’ti. Kuto panāyamattho labbhatīti? Liṅgato. Liṅgañhetaṃ, yadidaṃ niccato upagamanapaṭikkhepo. Catubhūmakesūti idaṃ catutthabhūmakasaṅkhārānaṃ ariyasāvakassa visayabhāvūpagamanato vuttaṃ; na pana te ārabbha niccato upagamanasabbhāvato. Vakkhati ca ‘‘catutthabhūmakasaṅkhārā panā’’tiādinā. Abhisaṅkhatasaṅkhāraabhisaṅkharaṇakasaṅkhārānaṃ sappadesattā nippadesasaṅkhāraggahaṇatthaṃ ‘‘saṅkhatasaṅkhāresū’’ti vuttaṃ. Lokuttarasaṅkhārānaṃ pana nivattane kāraṇaṃ sayameva vakkhati. Etaṃ kāraṇaṃ natthi setughātattā. Tejussadattāti saṃkilesavidhamanatejassa adhikabhāvato. Tathā hi te gambhīrabhāvena duddasā. Akusalānaṃ ārammaṇaṃ na hontīti idaṃ pakaraṇavasena vuttaṃ. Appahīnavipallāsānaṃ sattānaṃ kusaladhammānampi te ārammaṇaṃ na honti.
асукз ‘‘сука’’нд̇и вибаллаасо жа ид̇ха сукад̇о убаг̇аманасса таананд̇и ад̇хиббзд̇анд̇и д̣̇ассзнд̇о, ‘‘зганд̇а…бз… вуд̇д̇а’’нд̇и. ад̇д̇ад̣̇идтивасзнаад̇и бад̇хаанад̣̇идтимааха . д̣̇идтияаа ниб̣б̣аанасса ависаяабхааво хздтаа вуд̇д̇о зваад̇и ‘‘гасин̣аад̣̇ибан̣н̣ад̇д̇исан̇г̇ахад̇т̇а’’нд̇и вуд̇д̇ам̣. барижчзд̣̇од̇и сан̇каараанам̣ барижчзд̣̇о сан̇каараанам̣ барижчиж̇ж̇аг̇ахан̣ам̣. свааяам̣ язсам̣ нижжаад̣̇ид̇о убаг̇аманам̣ бхавад̇и д̇зсам̣язва васзна гаад̇аб̣б̣од̇и д̣̇ассзнд̇о ‘‘саб̣б̣аваарзсуу’’д̇иаад̣̇имааха. саб̣б̣аваарзсууд̇и нижжаад̣̇исаб̣б̣аваарзсу. бут̇уж̇ж̇ано хийд̇и хи-сад̣̇д̣̇о хзд̇уад̇т̇о. яасмаа яам̣ яам̣ сан̇каарам̣ нижжаад̣̇ивасзна бут̇уж̇ж̇анагаалз убаг̇ажчад̇и, д̇ам̣ д̇ам̣ арияамаг̇г̇аад̇хиг̇амзна анижжаад̣̇ивасзна г̇ан̣ханд̇о яаат̇аавад̇о ж̇аананд̇о д̇ам̣ г̇аахам̣ д̇ам̣ д̣̇идтим̣ винивзтзд̇и виссаж̇ж̇зд̇и. д̇асмаа яад̇т̇а г̇аахо д̇ад̇т̇а виссаж̇ж̇анаад̇и жад̇уд̇т̇абхуумагасан̇каараа ид̇ха сан̇каараг̇г̇ахан̣зна на г̇аяхад̇ийд̇и ад̇т̇о.
Asukhe ‘‘sukha’’nti vipallāso ca idha sukhato upagamanassa ṭhānanti adhippetanti dassento, ‘‘ekanta…pe… vutta’’nti. Attadiṭṭhivasenāti padhānadiṭṭhimāha . Diṭṭhiyā nibbānassa avisayabhāvo heṭṭhā vutto evāti ‘‘kasiṇādipaṇṇattisaṅgahattha’’nti vuttaṃ. Paricchedoti saṅkhārānaṃ paricchedo saṅkhārānaṃ paricchijjagahaṇaṃ. Svāyaṃ yesaṃ niccādito upagamanaṃ bhavati tesaṃyeva vasena kātabboti dassento ‘‘sabbavāresū’’tiādimāha. Sabbavāresūti niccādisabbavāresu. Puthujjano hīti hi-saddo hetuattho. Yasmā yaṃ yaṃ saṅkhāraṃ niccādivasena puthujjanakāle upagacchati, taṃ taṃ ariyamaggādhigamena aniccādivasena gaṇhanto yāthāvato jānanto taṃ gāhaṃ taṃ diṭṭhiṃ viniveṭheti vissajjeti. Tasmā yattha gāho tattha vissajjanāti catutthabhūmakasaṅkhārā idha saṅkhāraggahaṇena na gayhatīti attho.
128. буд̇д̇асамб̣анд̇хзна маад̇аабид̇усаман̃н̃аа, д̣̇ад̇д̇агид̇д̇имаад̣̇ивасзнаби буд̇д̇авохааро логз д̣̇иссад̇и, со жа ко барияааяад̇о ниббарияааяасид̣̇д̇хам̣ д̇ам̣ д̣̇ассзд̇ум̣, ‘‘ж̇анигаа ва маад̇аа ж̇анаго бид̇аа’’д̇и вуд̇д̇ам̣. д̇ат̇аа аананд̇арияагаммасса ад̇хиббзд̇ад̇д̇аа ‘‘мануссабхууд̇ова кийн̣аасаво арахаад̇и ад̇хиббзд̇о’’д̇и вуд̇д̇ам̣. ‘‘адтаанамзд̇а’’нд̇иаад̣̇инаа маад̇уаад̣̇ийнам̣язва ж̇ийвид̇аа воробанз арияасаавагасса абхаб̣б̣абхаавад̣̇ассанад̇о д̇ад̣̇ан̃н̃ам̣ арияасааваго ж̇ийвид̇аа воробзд̇ийд̇и ид̣̇ам̣ ад̇т̇ад̇о аабаннамзваад̇и ман̃н̃амаано вад̣̇ад̇и – ‘‘гим̣ бана арияасааваго ан̃н̃ам̣ ж̇ийвид̇аа воробзяяаа’’д̇и ? ‘‘адтаанамзд̇ам̣, бхигкавз, анавагаасо, яам̣ д̣̇идтисамбанно буг̇г̇ало сан̃жижжа баан̣ам̣ ж̇ийвид̇аа воробзяяа, нзд̇ам̣ таанам̣ виж̇ж̇ад̇ий’’д̇и важанад̇о, ‘‘зд̇амби адтаана’’нд̇и вуд̇д̇ам̣. д̇знааха ‘‘сажзби хий’’д̇иаад̣̇и. б̣алад̣̇ийбанад̇т̇анд̇и сад̣̇д̇хаад̣̇иб̣аласаманнааг̇амад̣̇ийбанад̇т̇ам̣. арияамаг̇г̇знааг̇ад̇асад̣̇д̇хаад̣̇иб̣алавасзна хи арияасааваго д̇аад̣̇исам̣ сааваж̇ж̇ам̣ на гарод̇и.
128. Puttasambandhena mātāpitusamaññā, dattakittimādivasenapi puttavohāro loke dissati, so ca kho pariyāyato nippariyāyasiddhaṃ taṃ dassetuṃ, ‘‘janikā va mātā janako pitā’’ti vuttaṃ. Tathā ānantariyakammassa adhippetattā ‘‘manussabhūtova khīṇāsavo arahāti adhippeto’’ti vuttaṃ. ‘‘Aṭṭhānameta’’ntiādinā mātuādīnaṃyeva jīvitā voropane ariyasāvakassa abhabbabhāvadassanato tadaññaṃ ariyasāvako jīvitā voropetīti idaṃ atthato āpannamevāti maññamāno vadati – ‘‘kiṃ pana ariyasāvako aññaṃ jīvitā voropeyyā’’ti ? ‘‘Aṭṭhānametaṃ, bhikkhave, anavakāso, yaṃ diṭṭhisampanno puggalo sañcicca pāṇaṃ jīvitā voropeyya, netaṃ ṭhānaṃ vijjatī’’ti vacanato, ‘‘etampi aṭṭhāna’’nti vuttaṃ. Tenāha ‘‘sacepi hī’’tiādi. Baladīpanatthanti saddhādibalasamannāgamadīpanatthaṃ. Ariyamaggenāgatasaddhādibalavasena hi ariyasāvako tādisaṃ sāvajjaṃ na karoti.
бан̃жахи гааран̣зхийд̇и ид̣̇ам̣ ад̇т̇анибпаад̣̇агаани д̇зсам̣ буб̣б̣абхааг̇ияаани жа гааран̣аани гааран̣абхаавасааман̃н̃зна згаж̇жхам̣ г̇ахзд̇ваа вуд̇д̇ам̣, на бана саб̣б̣зсам̣ бан̃жаннам̣ сахаяог̇агкамад̇о. аагаарзхийд̇и гааран̣зхи. ануссааванзнаад̇и ануруубам̣ сааванзна. бхзд̣̇асса ануруубам̣ яат̇аа бхзд̣̇о ход̇и, звам̣ бхинд̣̇ид̇аб̣б̣аанам̣ бхигкуунам̣ ад̇д̇ано важанасса сааванзна вин̃н̃аабанзна. д̇знааха ‘‘нану д̇умхз’’д̇иаад̣̇и. ган̣н̣амуулз важийбхзд̣̇ам̣ гад̇ваад̇и зд̇зна ‘‘баагадам̣ гад̇ваа бхзд̣̇агаравад̇т̇уд̣̇ийбанам̣ вохааро, д̇ад̇т̇а ад̇д̇ано нижчид̇амад̇т̇ам̣ рахассавасзна вин̃н̃аабанам̣ ануссаавана’’нд̇и д̣̇ассзд̇и.
Pañcahi kāraṇehīti idaṃ atthanipphādakāni tesaṃ pubbabhāgiyāni ca kāraṇāni kāraṇabhāvasāmaññena ekajjhaṃ gahetvā vuttaṃ, na pana sabbesaṃ pañcannaṃ sahayogakkhamato. Ākārehīti kāraṇehi. Anussāvanenāti anurūpaṃ sāvanena. Bhedassa anurūpaṃ yathā bhedo hoti, evaṃ bhinditabbānaṃ bhikkhūnaṃ attano vacanassa sāvanena viññāpanena. Tenāha ‘‘nanu tumhe’’tiādi. Kaṇṇamūle vacībhedaṃ katvāti etena ‘‘pākaṭaṃ katvā bhedakaravatthudīpanaṃ vohāro, tattha attano nicchitamatthaṃ rahassavasena viññāpanaṃ anussāvana’’nti dasseti.
гаммамзва уд̣̇д̣̇зсо ваа бамаан̣анд̇и д̇зхи сан̇гхабхзд̣̇асид̣̇д̇хид̇о вуд̇д̇ам̣, ид̇арз бана д̇зсам̣ буб̣б̣абхааг̇абхууд̇аа. д̇знааха ‘‘вохаараа’’д̇иаад̣̇и. д̇ад̇т̇аад̇и вохаарз. жуд̇иананд̇арам̣ палам̣ ананд̇арам̣ наама, д̇асмим̣ ананд̇арз нияуд̇д̇аани д̇анниб̣б̣ад̇д̇анзна ананд̇арагаран̣асийлаани, ананд̇араббаяож̇анаани жаад̇и аананд̇арияаани, д̇аани зва ‘‘аананд̇арияагаммааний’’д̇и вуд̇д̇аани.
Kammameva uddeso vā pamāṇanti tehi saṅghabhedasiddhito vuttaṃ, itare pana tesaṃ pubbabhāgabhūtā. Tenāha ‘‘vohārā’’tiādi. Tatthāti vohāre. Cutianantaraṃ phalaṃ anantaraṃ nāma, tasmiṃ anantare niyuttāni tannibbattanena anantarakaraṇasīlāni, anantarappayojanāni cāti ānantariyāni, tāni eva ‘‘ānantariyakammānī’’ti vuttāni.
гаммад̇од̇и ‘‘звам̣ аананд̇арияагаммам̣ ход̇и, звам̣ ананд̇арияагаммасад̣̇иса’’нд̇и звам̣ гаммавибхааг̇ад̇о. д̣̇ваарад̇од̇и гааяаад̣̇ид̣̇ваарад̇о. габбадтид̇ияад̇од̇и ‘‘ид̣̇ам̣ габбадтид̇игавибаагам̣, ид̣̇ам̣ на габбадтид̇игавибаага’’нд̇и звам̣ габбадтид̇ияавибхааг̇ад̇о. баагаад̇и ‘‘ид̣̇амзд̇т̇а вибажжад̇и, ид̣̇ам̣ на вибажжад̇ий’’д̇и вибажжанавибхааг̇ад̇о. саад̇хааран̣аад̣̇ийхийд̇и г̇ахадтабаб̣б̣аж̇ид̇аанам̣ саад̇хааран̣аасаад̇хааран̣ад̇о, аад̣̇и-сад̣̇д̣̇зна взд̣̇анаад̣̇ивибхааг̇ад̇о жа.
Kammatoti ‘‘evaṃ ānantariyakammaṃ hoti, evaṃ anantariyakammasadisa’’nti evaṃ kammavibhāgato. Dvāratoti kāyādidvārato. Kappaṭṭhitiyatoti ‘‘idaṃ kappaṭṭhitikavipākaṃ, idaṃ na kappaṭṭhitikavipāka’’nti evaṃ kappaṭṭhitiyavibhāgato. Pākāti ‘‘idamettha vipaccati, idaṃ na vipaccatī’’ti vipaccanavibhāgato. Sādhāraṇādīhīti gahaṭṭhapabbajitānaṃ sādhāraṇāsādhāraṇato, ādi-saddena vedanādivibhāgato ca.
яасмаа мануссад̇д̇абхаавз тид̇ассзва жа гусалад̇хаммаанам̣ д̇игкависад̣̇асуурабхааваабад̇д̇и, яат̇аа д̇ам̣ д̇ин̣н̣амби б̣од̇хисад̇д̇аанам̣ б̣од̇хид̇д̇аяаниб̣б̣ад̇д̇ияам̣, звам̣ мануссабхаавз тид̇ассзва агусалад̇хаммаанамби д̇игкависад̣̇асуурабхааваабад̇д̇ийд̇и ааха ‘‘мануссабхууд̇ассзваа’’д̇и. баагад̇игамануссаанамби жа гусалад̇хаммаанам̣ висзсаббад̇д̇и вимаанавад̇т̇уадтагат̇ааяам̣ (ви. ва. адта. 3) вуд̇д̇анаязна взд̣̇ид̇аб̣б̣аа. яат̇аа вуд̇д̇о жа ад̇т̇о самаанаж̇аад̇ияасса вигобанз гаммам̣ г̇аруд̇арам̣, на д̇ат̇аа виж̇аад̇ияассаад̇и вуд̇д̇ам̣ – ‘‘мануссабхууд̇ам̣ маад̇арам̣ ваа бид̇арам̣ ваа’’д̇и. лин̇г̇з баривад̇д̇з жа со зва згагамманиб̣б̣ад̇д̇о бхаван̇г̇аббаб̣анд̇хо, ж̇ийвид̇инд̣̇рияаббаб̣анд̇хо жа, на ан̃н̃од̇и ааха ‘‘аби баривад̇д̇алин̇г̇а’’нд̇и. араханд̇зби зсзва наяо. д̇асса вибааганд̇иаад̣̇и гаммасса аананд̇арияабхаавасамад̇т̇анам̣, жад̇угодиган̃жзд̇т̇а самбхавад̇и. д̇ад̇т̇а батамаа годи д̣̇ассид̇аа, ид̇араасу висан̇гзд̇ам̣ д̣̇ассзд̇ум̣, ‘‘яо банаа’’д̇иаад̣̇и вуд̇д̇ам̣. яад̣̇иби д̇ад̇т̇а висан̇гзд̇о, гаммам̣ бана г̇аруд̇арам̣ аананд̇арияасад̣̇исам̣ бхааяид̇аб̣б̣анд̇и ааха – ‘‘аананд̇арияам̣ аахажжзва д̇идтад̇ий’’д̇и. аяам̣ бан̃ход̇и н̃аабанижчааниб̣б̣ад̇д̇аа гат̇аа.
Yasmā manussattabhāve ṭhitasseva ca kusaladhammānaṃ tikkhavisadasūrabhāvāpatti, yathā taṃ tiṇṇampi bodhisattānaṃ bodhittayanibbattiyaṃ, evaṃ manussabhāve ṭhitasseva akusaladhammānampi tikkhavisadasūrabhāvāpattīti āha ‘‘manussabhūtassevā’’ti. Pākatikamanussānampi ca kusaladhammānaṃ visesappatti vimānavatthuaṭṭhakathāyaṃ (vi. va. aṭṭha. 3) vuttanayena veditabbā. Yathā vutto ca attho samānajātiyassa vikopane kammaṃ garutaraṃ, na tathā vijātiyassāti vuttaṃ – ‘‘manussabhūtaṃ mātaraṃ vā pitaraṃ vā’’ti. Liṅge parivatte ca so eva ekakammanibbatto bhavaṅgappabandho, jīvitindriyappabandho ca, na aññoti āha ‘‘api parivattaliṅga’’nti. Arahantepi eseva nayo. Tassa vipākantiādi kammassa ānantariyabhāvasamatthanaṃ, catukoṭikañcettha sambhavati. Tattha paṭhamā koṭi dassitā, itarāsu visaṅketaṃ dassetuṃ, ‘‘yo panā’’tiādi vuttaṃ. Yadipi tattha visaṅketo, kammaṃ pana garutaraṃ ānantariyasadisaṃ bhāyitabbanti āha – ‘‘ānantariyaṃ āhacceva tiṭṭhatī’’ti. Ayaṃ pañhoti ñāpanicchānibbattā kathā.
аананд̇арияам̣ пусад̇и маран̣аад̇хиббааязнзва аананд̇арияавад̇т̇уно вигобид̇ад̇д̇аа. аананд̇арияам̣ на пусад̇и аананд̇арияавад̇т̇уабхаавад̇о. саб̣б̣ад̇т̇а хи буримам̣ абхисанд̇хижид̇д̇ам̣ аббамаан̣ам̣, вад̇хагажид̇д̇ам̣ бана д̇ад̣̇аарамман̣ам̣ ж̇ийвид̇инд̣̇рияан̃жа аананд̇арияанаананд̇арияабхаавз бамаан̣анд̇и д̣̇адтаб̣б̣ам̣. сан̇г̇аамажад̇уггам̣ самбад̇д̇авасзна яож̇зд̇аб̣б̣ам̣.
Ānantariyaṃ phusati maraṇādhippāyeneva ānantariyavatthuno vikopitattā. Ānantariyaṃ na phusati ānantariyavatthuabhāvato. Sabbattha hi purimaṃ abhisandhicittaṃ appamāṇaṃ, vadhakacittaṃ pana tadārammaṇaṃ jīvitindriyañca ānantariyanānantariyabhāve pamāṇanti daṭṭhabbaṃ. Saṅgāmacatukkaṃ sampattavasena yojetabbaṃ.
д̇знзваад̇и д̇знзва баяог̇зна. араханд̇агхаад̇о ход̇иязва арахад̇о маарид̇ад̇д̇аа. бут̇уж̇ж̇анассзва д̣̇иннам̣ ход̇ийд̇и яасмаа яат̇аа вад̇хагажид̇д̇ам̣ бажжуббаннаарамман̣амби баб̣анд̇хавижчзд̣̇авасзна жа ж̇ийвид̇инд̣̇рияам̣ аарамман̣ам̣ гад̇ваа бавад̇д̇ад̇и, на звам̣ жааг̇ажзд̇анаа, саа хи жаж̇ид̇аб̣б̣авад̇т̇ум̣ аарамман̣ам̣ гад̇ваа жаж̇анамад̇д̇амзва ход̇и, ан̃н̃асанд̇агабхаавагаран̣ан̃жа д̇асса жаж̇анам̣, д̇асмаа яасса д̇ам̣ санд̇агам̣ гад̇ам̣. д̇ассзва д̣̇иннам̣ ход̇ийд̇и.
Tenevāti teneva payogena. Arahantaghāto hotiyeva arahato māritattā. Puthujjanasseva dinnaṃ hotīti yasmā yathā vadhakacittaṃ paccuppannārammaṇampi pabandhavicchedavasena ca jīvitindriyaṃ ārammaṇaṃ katvā pavattati, na evaṃ cāgacetanā, sā hi cajitabbavatthuṃ ārammaṇaṃ katvā cajanamattameva hoti, aññasantakabhāvakaraṇañca tassa cajanaṃ, tasmā yassa taṃ santakaṃ kataṃ. Tasseva dinnaṃ hotīti.
лохид̇ам̣ само сарад̇ийд̇и абхигхаад̇зна багуббамаанам̣ сан̃жид̇ам̣ ход̇и. маханд̇ад̇аранд̇и г̇аруд̇арам̣. сарийрабадиж̇аг̇г̇анз вияаад̇и сад̇т̇уруубагааяабадиж̇аг̇г̇анз вияа.
Lohitaṃ samo saratīti abhighātena pakuppamānaṃ sañcitaṃ hoti. Mahantataranti garutaraṃ. Sarīrapaṭijaggane viyāti satthurūpakāyapaṭijaggane viya.
асаннибад̇ид̇зд̇и ид̣̇ам̣ саамаг̇г̇ияад̣̇ийбанам̣. бхзд̣̇о жа ход̇ийд̇и сан̇гхасса бхзд̣̇о ход̇и. ваддад̇ийд̇и сан̃н̃ааяаад̇и ийд̣̇исагаран̣ам̣ сан̇гхасса бхзд̣̇ааяа на ход̇ийд̇и сан̃н̃ааяа. навад̇о уунабарисааяам̣ гаронд̇асса д̇ат̇аад̇и яож̇зд̇аб̣б̣ам̣, д̇ат̇аад̇и иминаа ‘‘на аананд̇арияагамманд̇и’’ имам̣ аагад̣дхад̇и, на бана ‘‘бхзд̣̇о ход̇ий’’д̇и ид̣̇ам̣. хздтиманд̇зна хи наваннамзва васзна сан̇гхабхзд̣̇о. д̇хаммаваад̣̇ино анаваж̇ж̇аа яат̇аад̇хаммам̣ авадтаанад̇о. сан̇гхабхзд̣̇асса буб̣б̣абхааг̇о сан̇гхарааж̇и.
Asannipatiteti idaṃ sāmaggiyadīpanaṃ. Bhedo ca hotīti saṅghassa bhedo hoti. Vaṭṭatīti saññāyāti īdisakaraṇaṃ saṅghassa bhedāya na hotīti saññāya. Navato ūnaparisāyaṃ karontassa tathāti yojetabbaṃ, tathāti iminā ‘‘na ānantariyakammanti’’ imaṃ ākaḍḍhati, na pana ‘‘bhedo hotī’’ti idaṃ. Heṭṭhimantena hi navannameva vasena saṅghabhedo. Dhammavādino anavajjā yathādhammaṃ avaṭṭhānato. Saṅghabhedassa pubbabhāgo saṅgharāji.
гааяад̣̇ваарамзва буурзнд̇и гааяагаммабхаавзнзва лагкид̇аб̣б̣ад̇о.
Kāyadvārameva pūrenti kāyakammabhāveneva lakkhitabbato.
‘‘сан̣таханд̇з хи…бз… мужжад̇ий’’д̇и ид̣̇ам̣ габбадтагат̇ааяа на самзд̇и. д̇ат̇аа хи габбадтагат̇ааяам̣ (гат̇аа. адта. 654-657) вуд̇д̇ам̣ – ‘‘аабааяигод̇и ид̣̇ам̣ суд̇д̇ам̣ яам̣ со згам̣ габбам̣ асийд̇ибхааг̇з гад̇ваа д̇ад̇о згабхааг̇амад̇д̇ам̣ гаалам̣ д̇идтзяяа, д̇ам̣ ааяугаббам̣ санд̇хааяа вуд̇д̇а’’нд̇и. габбавинаасзязваад̇и бана ааяугаббавинаасзязваад̇и ад̇т̇з сад̇и над̇т̇и вирод̇хо. зд̇т̇а жа сан̣таханд̇зд̇и ид̣̇амби ‘‘свзвавинассиссад̇ий’’д̇и вияа абхууд̇абаригаббавасзна вуд̇д̇ам̣. згад̣̇ивасамзва нираяз бажжад̇и д̇ад̇о барам̣ габбаабхаавз ааяугаббассаби абхаавад̇од̇и авирод̇хад̇о ад̇т̇аяож̇анаа д̣̇адтаб̣б̣аа. сзсаанийд̇и сан̇гхабхзд̣̇ад̇о ан̃н̃аани аананд̇арияагаммаани.
‘‘Saṇṭhahante hi…pe… muccatī’’ti idaṃ kappaṭṭhakathāya na sameti. Tathā hi kappaṭṭhakathāyaṃ (kathā. aṭṭha. 654-657) vuttaṃ – ‘‘āpāyikoti idaṃ suttaṃ yaṃ so ekaṃ kappaṃ asītibhāge katvā tato ekabhāgamattaṃ kālaṃ tiṭṭheyya, taṃ āyukappaṃ sandhāya vutta’’nti. Kappavināseyevāti pana āyukappavināseyevāti atthe sati natthi virodho. Ettha ca saṇṭhahanteti idampi ‘‘svevavinassissatī’’ti viya abhūtaparikappavasena vuttaṃ. Ekadivasameva niraye paccati tato paraṃ kappābhāve āyukappassapi abhāvatoti avirodhato atthayojanā daṭṭhabbā. Sesānīti saṅghabhedato aññāni ānantariyakammāni.
ахосигаммам̣…бз… сан̇кяам̣ г̇ажчанд̇и, звам̣ сад̇и гат̇ам̣ нзсам̣ аананд̇арияад̇аа жуд̇иананд̇арам̣ вибаагад̣̇аанаабхаавад̇о. ат̇а сад̇и палад̣̇аанз жуд̇иананд̇аро зва зд̇зсам̣ палагаало, на ан̃н̃од̇и палагааланияамзна нияад̇ад̇аа нижчид̇аа, на палад̣̇аананияамзна, звамби нияад̇апалагаалаанам̣ ан̃н̃зсамби убабаж̇ж̇авзд̣̇анийяаанам̣ д̣̇идтад̇хаммавзд̣̇анийяаанан̃жа нияад̇ад̇аа аабаж̇ж̇зяяа. д̇асмаа вибаагад̇хаммад̇хаммаанам̣ бажжаяанд̇аравигалад̇аад̣̇ийхи авибажжамаанаанамби ад̇д̇ано сабхаавзна вибаагад̇хаммад̇аа вияа б̣алавад̇аа аананд̇ариязна вибаагз д̣̇иннз авибажжамаанаанамби аананд̇арияаанам̣ палад̣̇аанз нияад̇асабхааваа аананд̇арияасабхааваа жа бавад̇д̇ийд̇и ад̇д̇ано сабхаавзна палад̣̇аананияамзнзва нияад̇ад̇аа аананд̇арияад̇аа жа взд̣̇ид̇аб̣б̣аа. авассан̃жа аананд̇арияасабхааваа д̇ад̇о зва нияад̇асабхааваа жа д̇зсам̣ бавад̇д̇ийд̇и самбадижчид̇аб̣б̣амзд̇ам̣ ан̃н̃асса б̣алавад̇о аананд̇арияасса абхаавз жуд̇иананд̇арам̣ зганд̇зна палад̣̇аанад̇о.
Ahosikammaṃ…pe… saṅkhyaṃ gacchanti, evaṃ sati kathaṃ nesaṃ ānantariyatā cutianantaraṃ vipākadānābhāvato. Atha sati phaladāne cutianantaro eva etesaṃ phalakālo, na aññoti phalakālaniyamena niyatatā nicchitā, na phaladānaniyamena, evampi niyataphalakālānaṃ aññesampi upapajjavedanīyānaṃ diṭṭhadhammavedanīyānañca niyatatā āpajjeyya. Tasmā vipākadhammadhammānaṃ paccayantaravikalatādīhi avipaccamānānampi attano sabhāvena vipākadhammatā viya balavatā ānantariyena vipāke dinne avipaccamānānampi ānantariyānaṃ phaladāne niyatasabhāvā ānantariyasabhāvā ca pavattīti attano sabhāvena phaladānaniyameneva niyatatā ānantariyatā ca veditabbā. Avassañca ānantariyasabhāvā tato eva niyatasabhāvā ca tesaṃ pavattīti sampaṭicchitabbametaṃ aññassa balavato ānantariyassa abhāve cutianantaraṃ ekantena phaladānato.
нану звам̣ ан̃н̃зсамби убабаж̇ж̇авзд̣̇анийяаанам̣ ан̃н̃асмим̣ вибаагад̣̇ааяагз асад̇и жуд̇иананд̇арамзганд̇зна палад̣̇аанад̇о нияад̇асабхааваа ананд̇арияасабхааваа жа бавад̇д̇и аабаж̇ж̇ад̇ийд̇и? наабаж̇ж̇ад̇и. асамаанаж̇аад̇игзна жзд̇обан̣ид̇хивасзна убагхаад̇агзна жа нивад̇д̇зд̇аб̣б̣авибаагад̇д̇аа ананд̇арз зганд̇апалад̣̇ааяагад̇д̇аабхааваа. на бана аананд̇арияагаанам̣ батамаж̇жхаанаад̣̇ийнам̣ д̣̇уд̇ияаж̇жхаанаад̣̇ийни вияа асамаанаж̇аад̇игам̣ паланивад̇д̇агам̣ ад̇т̇и саб̣б̣аананд̇арияаанам̣ авийжипалад̇д̇аа. на жа хздтуубабад̇д̇им̣ ижчад̇о сийлавад̇о жзд̇обан̣ид̇хи вияа убаруубабад̇д̇иж̇анагагаммапалам̣ аананд̇арияапалам̣ нивад̇д̇зд̇ум̣ самад̇т̇о жзд̇обан̣ид̇хи ад̇т̇и анижчанд̇ассзва авийжибаад̇анад̇о, на жа аананд̇арияобагхаад̇агам̣ гин̃жи гаммам̣ ад̇т̇и, д̇асмаа д̇зсам̣язва ананд̇арз зганд̇авибаагаж̇анагасабхааваа бавад̇д̇ийд̇и. анзгаани жа аананд̇арияаани гад̇аани зганд̇знзва вибаагз нияад̇асабхаавад̇д̇аа убарад̇аавибажжанасабхааваасан̇гад̇д̇аа нижчид̇аани сабхаавад̇о нияад̇аанзва. д̇зсу бана самаанасабхаавзсу згзна вибаагз д̣̇иннз ид̇араани ад̇д̇анаа гаад̇аб̣б̣агижжасса д̇знзва гад̇ад̇д̇аа на д̣̇уд̇ияам̣ д̇ад̇ияам̣ ваа бадисанд̇хим̣ гаронд̇и. на самад̇т̇ад̇аавигхаад̇ад̇д̇аад̇и над̇т̇и д̇зсам̣ аананд̇арияагад̇аа нивад̇д̇и; г̇аруд̇арабхааво бана д̇зсу лаб̣бхад̇зваад̇и сан̇гхабхзд̣̇асса сияаа г̇аруд̇арабхаавод̇и, ‘‘язна…бз… вибажжад̇ий’’д̇и ааха. згасса бана ан̃н̃аани убад̇т̇амбхагаани хонд̇ийд̇и д̣̇адтаб̣б̣аани. бадисанд̇хивасзна вибажжад̇ийд̇и важанзна ид̇арзсам̣ бавад̇д̇ивибаагад̣̇ааяид̇аа анун̃н̃аад̇аа вияа д̣̇иссад̇и. но ваа д̇ат̇аа сийлавад̇ийд̇и яат̇аа бид̇аа сийлаваа, д̇ат̇аа сийлавад̇ий но ваа ход̇ийд̇и яож̇анаа. сажз маад̇аа сийлавад̇ий, маад̇угхаад̇о бадисанд̇хивасзна вибажжад̇ийд̇и яож̇анаа.
Nanu evaṃ aññesampi upapajjavedanīyānaṃ aññasmiṃ vipākadāyake asati cutianantaramekantena phaladānato niyatasabhāvā anantariyasabhāvā ca pavatti āpajjatīti? Nāpajjati. Asamānajātikena cetopaṇidhivasena upaghātakena ca nivattetabbavipākattā anantare ekantaphaladāyakattābhāvā. Na pana ānantariyakānaṃ paṭhamajjhānādīnaṃ dutiyajjhānādīni viya asamānajātikaṃ phalanivattakaṃ atthi sabbānantariyānaṃ avīciphalattā. Na ca heṭṭhūpapattiṃ icchato sīlavato cetopaṇidhi viya uparūpapattijanakakammaphalaṃ ānantariyaphalaṃ nivattetuṃ samattho cetopaṇidhi atthi anicchantasseva avīcipātanato, na ca ānantariyopaghātakaṃ kiñci kammaṃ atthi, tasmā tesaṃyeva anantare ekantavipākajanakasabhāvā pavattīti. Anekāni ca ānantariyāni katāni ekanteneva vipāke niyatasabhāvattā uparatāvipaccanasabhāvāsaṅkattā nicchitāni sabhāvato niyatāneva. Tesu pana samānasabhāvesu ekena vipāke dinne itarāni attanā kātabbakiccassa teneva katattā na dutiyaṃ tatiyaṃ vā paṭisandhiṃ karonti. Na samatthatāvighātattāti natthi tesaṃ ānantariyakatā nivatti; garutarabhāvo pana tesu labbhatevāti saṅghabhedassa siyā garutarabhāvoti, ‘‘yena…pe… vipaccatī’’ti āha. Ekassa pana aññāni upatthambhakāni hontīti daṭṭhabbāni. Paṭisandhivasena vipaccatīti vacanena itaresaṃ pavattivipākadāyitā anuññātā viya dissati. No vā tathā sīlavatīti yathā pitā sīlavā, tathā sīlavatī no vā hotīti yojanā. Sace mātā sīlavatī, mātughāto paṭisandhivasena vipaccatīti yojanā.
багад̇ад̇д̇од̇и анугкид̇д̇о. самаанасам̣ваасагод̇и абаарааж̇иго. самаанасиймааяанд̇и згасиймааяам̣.
Pakatattoti anukkhitto. Samānasaṃvāsakoti apārājiko. Samānasīmāyanti ekasīmāyaṃ.
сад̇т̇угижжам̣ гаад̇ум̣ асамад̇т̇од̇и яам̣ сад̇т̇аараа гаад̇аб̣б̣агижжам̣ анусаасанаад̣̇и, д̇ам̣ гаад̇ум̣ асамад̇т̇од̇и бхаг̇аванд̇ам̣ бажжагкааяа. ан̃н̃ам̣ д̇ид̇т̇агаранд̇и ан̃н̃ам̣ сад̇т̇аарам̣.
Satthukiccaṃ kātuṃ asamatthoti yaṃ satthārā kātabbakiccaṃ anusāsanādi, taṃ kātuṃ asamatthoti bhagavantaṃ paccakkhāya. Aññaṃ titthakaranti aññaṃ satthāraṃ.
129. абхиж̇аад̇иаад̣̇ису (а. ни. дий. 1.1.277) багаббанзна д̣̇звад̇уубасан̇гаманаад̣̇инаа ж̇аад̇ажаггаваал̣зна самаанаяог̇агкзмам̣ д̣̇асасахассабаримаан̣ам̣ таанам̣ ж̇аад̇икзд̇д̇ам̣, сарасзнзва аан̣аабавад̇д̇идтаанам̣ аан̣аакзд̇д̇ам̣, висаяабхууд̇ам̣ таанам̣ висаяакзд̇д̇ам̣. д̣̇асасахассий логад̇хаад̇ууд̇и имааяа логад̇хаад̇уяаа сад̣̇д̇хим̣ имам̣ логад̇хаад̇ум̣ бариваарзд̇ваа тид̇аа д̣̇асасахассий логад̇хаад̇у. д̇ад̇д̇агаанам̣язва ж̇аад̇икзд̇д̇абхааво д̇хаммад̇аавасзна взд̣̇ид̇аб̣б̣о. ‘‘бариг̇г̇ахавасзнаа’’д̇и гзжи. ‘‘саб̣б̣зсамби б̣уд̣̇д̇хаанам̣ д̇ад̇д̇агам̣ зва ж̇аад̇икзд̇д̇ам̣ д̇анниваасийнам̣язва жа д̣̇звад̇аанам̣ д̇хаммаабхисамаяо’’д̇и жа вад̣̇анд̇и. маад̇угужчиоггаманагаалаад̣̇ийнам̣ чаннам̣ зва г̇ахан̣ам̣ нид̣̇ассанамад̇д̇ам̣ махаабхинийхаараад̣̇игаалзби д̇асса багамбанасса лаб̣бхамаанад̇о. аан̣аакзд̇д̇ам̣ наама яам̣ згаж̇жхам̣ сам̣ваддад̇и жа виваддад̇и жа. аан̣аа вад̇д̇ад̇и аан̣ааяа д̇анниваасийнам̣ д̣̇звад̇аанам̣ сирасаа самбадижчанзна, д̇ан̃жа ко гзвалам̣ б̣уд̣̇д̇хаанам̣ аанубхаавзнзва, на ад̇хиббааяавасзна, ад̇хиббааяавасзна бана ‘‘яаавад̇аа ваа бана ааган̇кзяяаа’’д̇и (а. ни. 3.81) важанад̇о д̇ад̇о барамби аан̣аа бавад̇д̇зяяа.
129. Abhijātiādisu (a. ni. ṭī. 1.1.277) pakappanena devatūpasaṅkamanādinā jātacakkavāḷena samānayogakkhemaṃ dasasahassaparimāṇaṃ ṭhānaṃ jātikhettaṃ, saraseneva āṇāpavattiṭṭhānaṃ āṇākhettaṃ, visayabhūtaṃ ṭhānaṃ visayakhettaṃ. Dasasahassī lokadhātūti imāya lokadhātuyā saddhiṃ imaṃ lokadhātuṃ parivāretvā ṭhitā dasasahassī lokadhātu. Tattakānaṃyeva jātikhettabhāvo dhammatāvasena veditabbo. ‘‘Pariggahavasenā’’ti keci. ‘‘Sabbesampi buddhānaṃ tattakaṃ eva jātikhettaṃ tannivāsīnaṃyeva ca devatānaṃ dhammābhisamayo’’ti ca vadanti. Mātukucchiokkamanakālādīnaṃ channaṃ eva gahaṇaṃ nidassanamattaṃ mahābhinīhārādikālepi tassa pakampanassa labbhamānato. Āṇākhettaṃ nāma yaṃ ekajjhaṃ saṃvaṭṭati ca vivaṭṭati ca. Āṇā vattati āṇāya tannivāsīnaṃ devatānaṃ sirasā sampaṭicchanena, tañca kho kevalaṃ buddhānaṃ ānubhāveneva, na adhippāyavasena, adhippāyavasena pana ‘‘yāvatā vā pana ākaṅkheyyā’’ti (a. ni. 3.81) vacanato tato parampi āṇā pavatteyya.
на уббаж̇ж̇анд̇ийд̇и бана ад̇т̇ийд̇и, ‘‘на мз аажарияо ад̇т̇и, сад̣̇исо мз на виж̇ж̇ад̇ий’’д̇иаад̣̇им̣ (ма. ни. 1.285; 2.341; махаава. 11; гат̇аа. 405; ми. ба. 4.5.11) имиссам̣ логад̇хаад̇уяам̣ тад̇ваа вад̣̇анд̇зна бхаг̇авад̇аа, ‘‘гим̣ банаавусо саарибуд̇д̇а, ад̇т̇зд̇арахи ан̃н̃з саман̣аа ваа б̣раахман̣аа ваа бхаг̇авад̇аа самасамаа самб̣од̇хияанд̇и, звам̣ будто ахам̣, бханд̇з, нод̇и вад̣̇зяяа’’нд̇и (д̣̇ий. ни. 3.161), вад̇ваа д̇асса гааран̣ам̣ д̣̇ассзд̇ум̣, ‘‘адтаанамзд̇ам̣ анавагаасо, яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа’’д̇и имам̣ суд̇д̇ам̣ (д̣̇ий. ни. 3.161; ми. ба. 5.1.1) д̣̇ассзнд̇зна д̇хаммасзнаабад̇инаа жа б̣уд̣̇д̇хакзд̇д̇абхууд̇ам̣ имам̣ логад̇хаад̇ум̣ табзд̇ваа ан̃н̃ад̇т̇а ануббад̇д̇и вуд̇д̇аа ход̇ийд̇и ад̇хиббааяо.
Na uppajjantīti pana atthīti, ‘‘na me ācariyo atthi, sadiso me na vijjatī’’tiādiṃ (ma. ni. 1.285; 2.341; mahāva. 11; kathā. 405; mi. pa. 4.5.11) imissaṃ lokadhātuyaṃ ṭhatvā vadantena bhagavatā, ‘‘kiṃ panāvuso sāriputta, atthetarahi aññe samaṇā vā brāhmaṇā vā bhagavatā samasamā sambodhiyanti, evaṃ puṭṭho ahaṃ, bhante, noti vadeyya’’nti (dī. ni. 3.161), vatvā tassa kāraṇaṃ dassetuṃ, ‘‘aṭṭhānametaṃ anavakāso, yaṃ ekissā lokadhātuyā dve arahanto sammāsambuddhā’’ti imaṃ suttaṃ (dī. ni. 3.161; mi. pa. 5.1.1) dassentena dhammasenāpatinā ca buddhakhettabhūtaṃ imaṃ lokadhātuṃ ṭhapetvā aññattha anuppatti vuttā hotīti adhippāyo.
згад̇од̇и саха, згасмим̣ гаалзд̇и ад̇т̇о. со бана гаало гат̇ам̣ барижчиннод̇и жаримабхавз бадисанд̇хиг̇г̇ахан̣ад̇о бадтааяа яаава д̇хаад̇убариниб̣б̣аанаад̇и д̣̇ассзнд̇о ‘‘д̇ад̇т̇аа’’д̇иаад̣̇имааха. нисиннагаалад̇о бадтааяаад̇и бадиломаггамзна вад̣̇ад̇и. бариниб̣б̣аанад̇о бадтааяаад̇и анубаад̣̇исзсааяа ниб̣б̣аанад̇хаад̇уяаа бариниб̣б̣аанад̇о бадтааяа. зд̇т̇анд̇арзд̇и жаримабхавз б̣од̇хисад̇д̇асса бадисанд̇хиг̇г̇ахан̣ам̣ д̇хаад̇убариниб̣б̣аананд̇и зд̇зсам̣ анд̇арз.
Ekatoti saha, ekasmiṃ kāleti attho. So pana kālo kathaṃ paricchinnoti carimabhave paṭisandhiggahaṇato paṭṭhāya yāva dhātuparinibbānāti dassento ‘‘tatthā’’tiādimāha. Nisinnakālato paṭṭhāyāti paṭilomakkamena vadati. Parinibbānato paṭṭhāyāti anupādisesāya nibbānadhātuyā parinibbānato paṭṭhāya. Etthantareti carimabhave bodhisattassa paṭisandhiggahaṇaṃ dhātuparinibbānanti etesaṃ antare.
ан̃н̃асса б̣уд̣̇д̇хасса уббад̇д̇и на ниваарид̇аа, д̇ад̇т̇а гааран̣ам̣ д̣̇ассзд̇ум̣ ‘‘д̇ийн̣и хий’’д̇иаад̣̇и вуд̇д̇ам̣. бадибад̇д̇ианд̇арад̇хаанзна хи саасанасса осаггид̇ад̇д̇аа абарасса б̣уд̣̇д̇хасса уббад̇д̇и лад̣̇д̇хаавасараа ход̇и. бадибад̣̇аад̇и бадивзд̇хаавахаа буб̣б̣абхааг̇абадибад̣̇аа. ‘‘барияад̇д̇и бамаан̣а’’нд̇и вад̇ваа д̇амад̇т̇ам̣ б̣од̇хисад̇д̇ам̣ нид̣̇ассанам̣ гад̇ваа д̣̇ассзд̇ум̣, ‘‘яат̇аа’’д̇иаад̣̇и вуд̇д̇ам̣ д̇аяид̣̇ам̣ хийнам̣ гад̇анд̇и д̣̇адтаб̣б̣ам̣. нияяаанигад̇хаммасса тид̇ин̃хи д̣̇ассзнд̇о анияяаанигад̇хаммам̣ нид̣̇ассзд̇и.
Aññassa buddhassa uppatti na nivāritā, tattha kāraṇaṃ dassetuṃ ‘‘tīṇi hī’’tiādi vuttaṃ. Paṭipattiantaradhānena hi sāsanassa osakkitattā aparassa buddhassa uppatti laddhāvasarā hoti. Paṭipadāti paṭivedhāvahā pubbabhāgapaṭipadā. ‘‘Pariyatti pamāṇa’’nti vatvā tamatthaṃ bodhisattaṃ nidassanaṃ katvā dassetuṃ, ‘‘yathā’’tiādi vuttaṃ tayidaṃ hīnaṃ katanti daṭṭhabbaṃ. Niyyānikadhammassa ṭhitiñhi dassento aniyyānikadhammaṃ nidasseti.
маад̇игааяа анд̇арахид̇ааяаад̇и, ‘‘яо бана бхигкуу’’д̇иаад̣̇инаяаббад̇д̇аа сигкаабад̣̇абаал̣и маад̇игаа, д̇ааяа анд̇арахид̇ааяа нид̣̇аануд̣̇д̣̇зсасан̇каад̇з баад̇имогкуд̣̇д̣̇зсз баб̣б̣аж̇ж̇ааяубасамбад̣̇аагаммзсу жа саасанам̣ д̇идтад̇ийд̇и ад̇т̇о. ат̇а ваа баад̇имогкз д̇харанд̇зязва баб̣б̣аж̇ж̇аа убасамбад̣̇аа жа, звам̣ сад̇и д̇ад̣̇убхаяам̣ баад̇имогкз анд̇ог̇ад̇хам̣ д̇ад̣̇убхаяаабхаавз баад̇имогкаабхаавад̇о, д̇асмаа д̇аяид̣̇ам̣ д̇аяам̣ саасанасса тид̇ихзд̇ууд̇и ааха – ‘‘баад̇имогкабаб̣б̣аж̇ж̇ааубасамбад̣̇аасу тид̇аасу саасанам̣ д̇идтад̇ий’’д̇и. яасмаа ваа убасамбад̣̇аад̇хийнам̣ баад̇имогкам̣, убасамбад̣̇аа жа баб̣б̣аж̇ж̇аад̇хийнаа, д̇асмаа баад̇имогкз сид̣̇д̇хз, сид̣̇д̇хаасу баб̣б̣аж̇ж̇ааубасамбад̣̇аасу жа саасанам̣ д̇идтад̇и. бажчимабадивзд̇хад̇о хи барам̣ бадивзд̇хасаасанам̣, бажчимасийлад̇о жа барам̣ бадибад̇д̇исаасанам̣ винадтам̣ наама ход̇и. осаггид̇ам̣ наамаад̇и бажчимагабадивзд̇хасийлабхзд̣̇ад̣̇ваяам̣ згад̇о гад̇ваа д̇ад̇о барам̣ винадтам̣ наама ход̇ийд̇и ад̇т̇о.
Mātikāya antarahitāyāti, ‘‘yo pana bhikkhū’’tiādinayappattā sikkhāpadapāḷi mātikā, tāya antarahitāya nidānuddesasaṅkhāte pātimokkhuddese pabbajjāyupasampadākammesu ca sāsanaṃ tiṭṭhatīti attho. Atha vā pātimokkhe dharanteyeva pabbajjā upasampadā ca, evaṃ sati tadubhayaṃ pātimokkhe antogadhaṃ tadubhayābhāve pātimokkhābhāvato, tasmā tayidaṃ tayaṃ sāsanassa ṭhitihetūti āha – ‘‘pātimokkhapabbajjāupasampadāsu ṭhitāsu sāsanaṃ tiṭṭhatī’’ti. Yasmā vā upasampadādhīnaṃ pātimokkhaṃ, upasampadā ca pabbajjādhīnā, tasmā pātimokkhe siddhe, siddhāsu pabbajjāupasampadāsu ca sāsanaṃ tiṭṭhati. Pacchimapaṭivedhato hi paraṃ paṭivedhasāsanaṃ, pacchimasīlato ca paraṃ paṭipattisāsanaṃ vinaṭṭhaṃ nāma hoti. Osakkitaṃ nāmāti pacchimakapaṭivedhasīlabhedadvayaṃ ekato katvā tato paraṃ vinaṭṭhaṃ nāma hotīti attho.
д̇зна гаамам̣ ‘‘саасанадтид̇ияаа барияад̇д̇и бамаан̣а’’нд̇и вуд̇д̇ам̣, барияад̇д̇и бана бадибад̇д̇ихзд̇угаад̇и бадибад̇д̇ияаа асад̇и аббад̇идтаа ход̇и, д̇асмаа бадибад̇д̇ианд̇арад̇хаанам̣ саасаносагганасса висзсагааран̣анд̇и д̣̇ассзд̇ваа д̇аяид̣̇ам̣ саасаносагганам̣ д̇хаад̇убариниб̣б̣ааносаананд̇и д̣̇ассзд̇ум̣, ‘‘д̇ийн̣и бариниб̣б̣аанааний’’д̇и вуд̇д̇ам̣.
Tena kāmaṃ ‘‘sāsanaṭṭhitiyā pariyatti pamāṇa’’nti vuttaṃ, pariyatti pana paṭipattihetukāti paṭipattiyā asati appatiṭṭhā hoti, tasmā paṭipattiantaradhānaṃ sāsanosakkanassa visesakāraṇanti dassetvā tayidaṃ sāsanosakkanaṃ dhātuparinibbānosānanti dassetuṃ, ‘‘tīṇi parinibbānānī’’ti vuttaṃ.
гаарун̃н̃анд̇и барид̣̇званагаарун̃н̃ам̣. ж̇амб̣уд̣̇ийбз д̣̇ийбанд̇арзсу д̣̇званааг̇аб̣рахмалогзсу жа виббагирид̇ваа тид̇аанам̣ д̇хаад̇уунам̣ махааб̣од̇хибаллан̇гз згаж̇жхам̣ саннибад̇анам̣, расмивиссаж̇ж̇анам̣, д̇ад̇т̇а д̇зж̇од̇хаад̇уяаа удтаанам̣, згаж̇аалийбхааво жаад̇и саб̣б̣амзд̇ам̣ сад̇т̇у ад̇хидтаанавасзнзва взд̣̇ид̇аб̣б̣ам̣.
Kāruññanti paridevanakāruññaṃ. Jambudīpe dīpantaresu devanāgabrahmalokesu ca vippakiritvā ṭhitānaṃ dhātūnaṃ mahābodhipallaṅke ekajjhaṃ sannipatanaṃ, rasmivissajjanaṃ, tattha tejodhātuyā uṭṭhānaṃ, ekajālībhāvo cāti sabbametaṃ satthu adhiṭṭhānavaseneva veditabbaṃ.
анажчарияад̇д̇аад̇и д̣̇вийсуби уббаж̇ж̇амаанзсу ажчарияад̇д̇аабхаавад̣̇осад̇од̇и ад̇т̇о. б̣уд̣̇д̇хаа наама маж̇жхз бхиннам̣ суван̣н̣ам̣ вияа згасад̣̇исаад̇и д̇зсам̣ д̣̇зсанааби згарасаа зваад̇и ааха – ‘‘д̣̇зсанааяа жа висзсаабхаавад̇о’’д̇и. зд̇знаби анажчарияад̇д̇амзва саад̇хзд̇и. виваад̣̇абхаавад̇од̇и зд̇зна виваад̣̇аабхаавад̇т̇ам̣ д̣̇вз згад̇о на уббаж̇ж̇анд̇ийд̇и д̣̇ассзд̇и.
Anacchariyattāti dvīsupi uppajjamānesu acchariyattābhāvadosatoti attho. Buddhā nāma majjhe bhinnaṃ suvaṇṇaṃ viya ekasadisāti tesaṃ desanāpi ekarasā evāti āha – ‘‘desanāya ca visesābhāvato’’ti. Etenapi anacchariyattameva sādheti. Vivādabhāvatoti etena vivādābhāvatthaṃ dve ekato na uppajjantīti dasseti.
д̇ад̇т̇аад̇и милинд̣̇абан̃хз. згам̣ б̣уд̣̇д̇хам̣ д̇хаарзд̇ийд̇и згаб̣уд̣̇д̇хад̇хааран̣ий. зд̇зна звам̣ сабхааваа зд̇з б̣уд̣̇д̇хаг̇ун̣аа, язна д̣̇уд̇ияаб̣уд̣̇д̇хаг̇ун̣з д̇хаарзд̇ум̣ асамад̇т̇аа аяам̣ логад̇хаад̇ууд̇и д̣̇ассзд̇и. бажжаяависзсанибпаннаанан̃хи г̇ун̣ад̇хаммаанам̣ бхаарияо висзсо на саггаа д̇хаарзд̇унд̇и, ‘‘на д̇хаарзяяаа’’д̇и вад̇ваа д̇амзва ад̇хааран̣ам̣ барияааяанд̇арзнаби багаасзнд̇о ‘‘жалзяяаа’’д̇иаад̣̇имааха. д̇ад̇т̇а жалзяяаад̇и барибпанд̣̇зяяа. гамбзяяаад̇и бавзд̇хзяяа. намзяяаад̇и згабассзна намзяяа. онамзяяаад̇и осийд̣̇зяяа. винамзяяаад̇и вивид̇хам̣ ид̇ожид̇о жа намзяяа. вигирзяяаад̇и ваад̇зна т̇усамудти вияа виббагирзяяа. вид̇хамзяяаад̇и винассзяяа. вид̣̇д̇хам̣сзяяаад̇и саб̣б̣асо вид̣̇д̇хасд̇аа бхавзяяа. д̇ат̇аабхууд̇аа жа гад̇т̇ажи на д̇идтзяяаад̇и ааха ‘‘на таанамубаг̇ажчзяяаа’’д̇и.
Tatthāti milindapañhe. Ekaṃ buddhaṃ dhāretīti ekabuddhadhāraṇī. Etena evaṃ sabhāvā ete buddhaguṇā, yena dutiyabuddhaguṇe dhāretuṃ asamatthā ayaṃ lokadhātūti dasseti. Paccayavisesanipphannānañhi guṇadhammānaṃ bhāriyo viseso na sakkā dhāretunti, ‘‘na dhāreyyā’’ti vatvā tameva adhāraṇaṃ pariyāyantarenapi pakāsento ‘‘caleyyā’’tiādimāha. Tattha caleyyāti paripphandeyya. Kampeyyāti pavedheyya. Nameyyāti ekapassena nameyya. Onameyyāti osīdeyya. Vinameyyāti vividhaṃ itocito ca nameyya. Vikireyyāti vātena thusamuṭṭhi viya vippakireyya. Vidhameyyāti vinasseyya. Viddhaṃseyyāti sabbaso viddhastā bhaveyya. Tathābhūtā ca katthaci na tiṭṭheyyāti āha ‘‘na ṭhānamupagaccheyyā’’ti.
ид̣̇аани д̇ад̇т̇а нид̣̇ассанам̣ д̣̇ассзнд̇о, ‘‘яат̇аа, махаарааж̇аа’’д̇иаад̣̇имааха. д̇ад̇т̇а самубаад̣̇игаад̇и самам̣ уд̣̇д̇хам̣ баж̇ж̇ад̇и бавад̇д̇ад̇ийд̇и самубаад̣̇игаа, уд̣̇агасса убари самам̣ г̇ааминийд̇и ад̇т̇о. ван̣н̣знаад̇и сан̣таанзна. бамаан̣знаад̇и аарохзна . гисат̇уулзнаад̇и гисат̇уулабхаавзна, барин̣аахзнаад̇и ад̇т̇о.
Idāni tattha nidassanaṃ dassento, ‘‘yathā, mahārājā’’tiādimāha. Tattha samupādikāti samaṃ uddhaṃ pajjati pavattatīti samupādikā, udakassa upari samaṃ gāminīti attho. Vaṇṇenāti saṇṭhānena. Pamāṇenāti ārohena . Kisathūlenāti kisathūlabhāvena, pariṇāhenāti attho.
чаад̣̇знд̇анд̇и рожзнд̇ам̣ ружим̣ уббаад̣̇знд̇ам̣. д̇анд̣̇ийгад̇од̇и д̇зна бхож̇анзна д̇анд̣̇ийбхууд̇о. анонамид̇ад̣̇ан̣д̣аж̇аад̇од̇и яаавад̣̇ад̇т̇ам̣ бхож̇анзна онамид̇ум̣ асаггун̣зяяад̇ааяа анонамид̇ад̣̇ан̣д̣о вияа ж̇аад̇о. сагим̣ бхуд̇д̇о вамзяяаад̇и згамби аалобам̣ аж̇жхохарид̇ваа вамзяяаад̇и ад̇т̇о.
Chādentanti rocentaṃ ruciṃ uppādentaṃ. Tandīkatoti tena bhojanena tandībhūto. Anonamitadaṇḍajātoti yāvadatthaṃ bhojanena onamituṃ asakkuṇeyyatāya anonamitadaṇḍo viya jāto. Sakiṃ bhutto vameyyāti ekampi ālopaṃ ajjhoharitvā vameyyāti attho.
ад̇ид̇хаммабхаарзна бат̇авий жалад̇ийд̇и д̇хаммзна наама бат̇авий д̇идтзяяа. саа гим̣ д̇знзва жалад̇и винассад̇ийд̇и ад̇хиббааязна бужчад̇и. буна т̇зро ‘‘рад̇анам̣ наама логз гудумб̣ам̣ санд̇хаарзнд̇ам̣ абхимад̇ан̃жа логзна ад̇д̇ано г̇арусабхаавад̇ааяа сагадабхан̇г̇асса гааран̣ам̣ ад̇ибхаарабхууд̇ам̣ д̣̇идтам̣. звам̣д̇хаммо жа хид̇асукависзсзхи д̇ам̣саман̇г̇инам̣ д̇хаарзнд̇о абхимад̇о жа вин̃н̃уунам̣ г̇амбхийраббамзяяабхаавзна г̇арусабхаавад̇д̇аа ад̇ибхаарабхууд̇о бат̇авийжаланасса гааран̣ам̣ ход̇ий’’д̇и д̣̇ассзнд̇о, ‘‘ид̇ха, махаарааж̇а, д̣̇вз сагадаа’’д̇иаад̣̇имааха. зд̇знзва д̇ат̇ааг̇ад̇асса маад̇угужчиоггаманаад̣̇игаалз бат̇авийгамбанагааран̣ам̣ сам̣ван̣н̣ид̇анд̇и д̣̇адтаб̣б̣ам̣. згасагадад̇о рад̇ананд̇и згасмаа, згасса ваа сагадасса рад̇анам̣, д̇асмаа сагадад̇о г̇ахзд̇ваад̇и ад̇т̇о.
Atidhammabhārena pathavī calatīti dhammena nāma pathavī tiṭṭheyya. Sā kiṃ teneva calati vinassatīti adhippāyena pucchati. Puna thero ‘‘ratanaṃ nāma loke kuṭumbaṃ sandhārentaṃ abhimatañca lokena attano garusabhāvatāya sakaṭabhaṅgassa kāraṇaṃ atibhārabhūtaṃ diṭṭhaṃ. Evaṃdhammo ca hitasukhavisesehi taṃsamaṅginaṃ dhārento abhimato ca viññūnaṃ gambhīrappameyyabhāvena garusabhāvattā atibhārabhūto pathavīcalanassa kāraṇaṃ hotī’’ti dassento, ‘‘idha, mahārāja, dve sakaṭā’’tiādimāha. Eteneva tathāgatassa mātukucchiokkamanādikāle pathavīkampanakāraṇaṃ saṃvaṇṇitanti daṭṭhabbaṃ. Ekasakaṭato ratananti ekasmā, ekassa vā sakaṭassa ratanaṃ, tasmā sakaṭato gahetvāti attho.
осаарид̇анд̇и ужжаарид̇ам̣, вуд̇д̇анд̇и ад̇т̇о. аг̇г̇од̇и саб̣б̣асад̇д̇зхи аг̇г̇о.
Osāritanti uccāritaṃ, vuttanti attho. Aggoti sabbasattehi aggo.
сабхаавабагад̇ийд̇и сабхаавабхууд̇аа агид̇д̇имаа багад̇и. гааран̣амаханд̇ад̇ааяаад̇и маханд̇зхи б̣уд̣̇д̇хагаарагад̇хаммзхи баарамид̇аасан̇каад̇зхи гааран̣зхи б̣уд̣̇д̇хаг̇ун̣аанам̣ ниб̣б̣ад̇д̇ид̇од̇и вуд̇д̇ам̣ ход̇и. бат̇авиаад̣̇ийни маханд̇аани вад̇т̇ууни, маханд̇аа жа саггабхааваад̣̇аяо ад̇д̇ано ад̇д̇ано висаяз згзгаа зва, саммаасамб̣уд̣̇д̇хоби маханд̇о ад̇д̇ано висаяз згова, го жа д̇асса висаяо? б̣уд̣̇д̇хабхууми, яаавад̇агам̣ ваа н̃зяяам̣. звам̣ ‘‘аагаасо вияа ананд̇ависаяо бхаг̇аваа згова ход̇ий’’д̇и вад̣̇анд̇о баражаггаваал̣зсу д̣̇уд̇ияасса б̣уд̣̇д̇хасса абхаавам̣ д̣̇ассзд̇и.
Sabhāvapakatīti sabhāvabhūtā akittimā pakati. Kāraṇamahantatāyāti mahantehi buddhakārakadhammehi pāramitāsaṅkhātehi kāraṇehi buddhaguṇānaṃ nibbattitoti vuttaṃ hoti. Pathaviādīni mahantāni vatthūni, mahantā ca sakkabhāvādayo attano attano visaye ekekā eva, sammāsambuddhopi mahanto attano visaye ekova, ko ca tassa visayo? Buddhabhūmi, yāvatakaṃ vā ñeyyaṃ. Evaṃ ‘‘ākāso viya anantavisayo bhagavā ekova hotī’’ti vadanto paracakkavāḷesu dutiyassa buddhassa abhāvaṃ dasseti.
иминаава бад̣̇знаад̇и ‘‘згиссаа логад̇хаад̇уяаа’’д̇и иминаа зва бад̣̇зна. д̣̇асажаггаваал̣асахассаани г̇ахид̇аани ж̇аад̇икзд̇д̇ад̇д̇аа. згажаггаваал̣знзваад̇и иминаа згажаггаваал̣знзва. яат̇аа – ‘‘имасмим̣язва жаггаваал̣з уббаж̇ж̇анд̇ий’’д̇и вуд̇д̇з имасмимби жаггаваал̣з ж̇амб̣уд̣̇ийбзязва, д̇ад̇т̇аби маж̇жхимабад̣̇зсз зваад̇и барижчинд̣̇ид̇ум̣ ваддад̇и; звам̣ ‘‘згиссаа логад̇хаад̇уяаа’’д̇и ж̇аад̇икзд̇д̇з ад̇хиббзд̇зби иминаава жаггаваал̣зна барижчинд̣̇ид̇ум̣ ваддад̇и.
Imināvapadenāti ‘‘ekissā lokadhātuyā’’ti iminā eva padena. Dasacakkavāḷasahassāni gahitāni jātikhettattā. Ekacakkavāḷenevāti iminā ekacakkavāḷeneva. Yathā – ‘‘imasmiṃyeva cakkavāḷe uppajjantī’’ti vutte imasmimpi cakkavāḷe jambudīpeyeva, tatthapi majjhimapadese evāti paricchindituṃ vaṭṭati; evaṃ ‘‘ekissā lokadhātuyā’’ti jātikhette adhippetepi imināva cakkavāḷena paricchindituṃ vaṭṭati.
виваад̣̇уубажчзд̣̇ад̇од̇и виваад̣̇уубажчзд̣̇агааран̣аа. д̣̇вийсу уббаннзсу яо виваад̣̇о бхавзяяа, д̇асса ануббаад̣̇оязвзд̇т̇а виваад̣̇убажчзд̣̇о. згасмим̣ д̣̇ийбзд̇иаад̣̇инаа д̣̇ийбанд̇арзби згаж̇жхам̣ на уббаж̇ж̇анд̇и, баг̇зва згад̣̇ийбзд̇и д̣̇ассзд̇и. со барихааязт̇аад̇и жаггаваал̣асса бад̣̇зсз зва вад̇д̇ид̇аб̣б̣ад̇д̇аа барихааязяяа.
Vivādūpacchedatoti vivādūpacchedakāraṇā. Dvīsu uppannesu yo vivādo bhaveyya, tassa anuppādoyevettha vivādupacchedo. Ekasmiṃ dīpetiādinā dīpantarepi ekajjhaṃ na uppajjanti, pageva ekadīpeti dasseti. So parihāyethāti cakkavāḷassa padese eva vattitabbattā parihāyeyya.
130. мануссад̇д̇анд̇и мануссабхааво д̇ассзва баб̣б̣аж̇ж̇аад̣̇иг̇ун̣асамбад̇д̇иаад̣̇ийнам̣ яог̇г̇абхаавад̇о. лин̇г̇асамбад̇д̇ийд̇и бурисабхааво. хзд̇ууд̇и мановажийбан̣ид̇хаанабуб̣б̣игаа хзд̇усамбад̣̇аа. сад̇т̇аарад̣̇ассананд̇и сад̇т̇усаммукийбхааво. баб̣б̣аж̇ж̇аад̇и гаммагирияаваад̣̇ийсу д̇аабасзсу, бхигкуусу ваа баб̣б̣аж̇ж̇аа. г̇ун̣асамбад̇д̇ийд̇и абхин̃н̃аад̣̇иг̇ун̣асамбад̣̇аа. ад̇хигаарод̇и б̣уд̣̇д̇хам̣ уд̣̇д̣̇исса ад̇хиго саггааро. чанд̣̇ад̇аад̇и саммаасамб̣од̇хим̣ уд̣̇д̣̇исса саад̇исаяо гад̇д̇угамяад̇аагусалажчанд̣̇о. адтад̇хаммасамод̇хаанаад̇и зд̇зсам̣ адтаннам̣ д̇хаммаанам̣ самааяог̇зна. абхинийхаарод̇и гааяабан̣ид̇хаанам̣. самиж̇жхад̇ийд̇и нибпаж̇ж̇ад̇ийд̇и аяамзд̇т̇а сан̇кзбо, вид̇т̇ааро бана барамад̇т̇ад̣̇ийбанияаа жарияаабидагаван̣н̣анааяа (жарияаа. адта. багин̣н̣агагат̇аа) вуд̇д̇анаязнзва взд̣̇ид̇аб̣б̣о.
130.Manussattanti manussabhāvo tasseva pabbajjādiguṇasampattiādīnaṃ yoggabhāvato. Liṅgasampattīti purisabhāvo. Hetūti manovacīpaṇidhānapubbikā hetusampadā. Satthāradassananti satthusammukhībhāvo. Pabbajjāti kammakiriyavādīsu tāpasesu, bhikkhūsu vā pabbajjā. Guṇasampattīti abhiññādiguṇasampadā. Adhikāroti buddhaṃ uddissa adhiko sakkāro. Chandatāti sammāsambodhiṃ uddissa sātisayo kattukamyatākusalacchando. Aṭṭhadhammasamodhānāti etesaṃ aṭṭhannaṃ dhammānaṃ samāyogena. Abhinīhāroti kāyapaṇidhānaṃ. Samijjhatīti nipphajjatīti ayamettha saṅkhepo, vitthāro pana paramatthadīpaniyā cariyāpiṭakavaṇṇanāya (cariyā. aṭṭha. pakiṇṇakakathā) vuttanayeneva veditabbo.
саб̣б̣аагаарабарибуурамзваад̇и барибун̣н̣алагкан̣ад̇ааяа сад̇д̇уссад̣̇аад̣̇ийхи саб̣б̣аагаарзхи самбаннамзва. на хи ид̇т̇ияаа госохид̇авад̇т̇аг̇уяхад̇аа самбхавад̇и, д̣̇уд̇ияабагад̇и жа наама батамабагад̇ид̇о нихийнаа зва. д̇знзвааха ананд̇араваарз ‘‘яасмаа’’д̇иаад̣̇и.
Sabbākāraparipūramevāti paripuṇṇalakkhaṇatāya sattussadādīhi sabbākārehi sampannameva. Na hi itthiyā kosohitavatthaguyhatā sambhavati, dutiyapakati ca nāma paṭhamapakatito nihīnā eva. Tenevāha anantaravāre ‘‘yasmā’’tiādi.
ид̇ха бурисасса д̇ад̇т̇а ниб̣б̣ад̇д̇анад̇од̇и имасмим̣ мануссалогз бурисабхууд̇асса д̇ад̇т̇а б̣рахмалогз б̣рахмад̇д̇абхаавзна ниб̣б̣ад̇д̇анад̇о. д̇зна асад̇иби бурисалин̇г̇з бурисаагаараа б̣рахмаано хонд̇ийд̇и д̣̇ассзд̇и. д̇ам̣язва хи бурисаагаарам̣ санд̇хааяа вуд̇д̇ам̣ – ‘‘яам̣ бурисо б̣рахмад̇д̇ам̣ гарзяяаа’’д̇и. д̇знзвааха ‘‘самаанзбий’’д̇иаад̣̇и. яад̣̇и звам̣ ид̇т̇ияо б̣рахмалогз на уббаж̇ж̇анд̇ийд̇и ааха ‘‘б̣рахмад̇д̇а’’нд̇иаад̣̇и.
Idha purisassa tattha nibbattanatoti imasmiṃ manussaloke purisabhūtassa tattha brahmaloke brahmattabhāvena nibbattanato. Tena asatipi purisaliṅge purisākārā brahmāno hontīti dasseti. Taṃyeva hi purisākāraṃ sandhāya vuttaṃ – ‘‘yaṃ puriso brahmattaṃ kareyyā’’ti. Tenevāha ‘‘samānepī’’tiādi. Yadi evaṃ itthiyo brahmaloke na uppajjantīti āha ‘‘brahmatta’’ntiādi.
131. гааяад̣̇ужжарид̇ассаад̇иаад̣̇ибаал̣ияаа гамманияаамо наама гат̇ид̇о. саман̃ж̇анам̣ саман̇г̇о, со зд̇асса ад̇т̇ийд̇и саман̇г̇ий, саманнааг̇ад̇о. саман̃ж̇анасийло ваа саман̇г̇ий. буб̣б̣абхааг̇з ааяууханасаман̇г̇ид̇аа, саннидтаабагажзд̇анаавасзна жзд̇анаасаман̇г̇ид̇аа. жзд̇анаасанд̇ад̇ивасзна ваа ааяууханасаман̇г̇ид̇аа, д̇ам̣д̇ам̣жзд̇анаакан̣авасзна жзд̇анаасаман̇г̇ид̇аа. гад̇уубажид̇асса авибаггавибаагасса гаммасса васзна гаммасаман̇г̇ид̇аа, гаммз бана вибажжид̇ум̣ аарад̣̇д̇хз вибаагаббавад̇д̇ивасзна вибаагасаман̇г̇ид̇аа. гаммаад̣̇ийнам̣ убадтаанагаалавасзна убадтаанасаман̇г̇ид̇аа. гусалаагусалагаммааяууханагкан̣зд̇и гусалагаммасса жа агусалагаммасса жа самийханагкан̣з. д̇ат̇аад̇и иминаа гусалаагусалагаммабад̣̇ам̣ аагад̣дхад̇и. яат̇аа гад̇ам̣ гаммам̣ палад̣̇аанасамад̇т̇ам̣ ход̇и, д̇ат̇аа гад̇ам̣ убажид̇ам̣. вибаагаараханд̇и д̣̇уд̇ияабхаваад̣̇ийсу вибажжанаарахам̣. уббаж̇ж̇амаанаанам̣ убабад̇д̇инимид̇д̇ам̣ убадтаад̇ийд̇и яож̇анаа. жалад̇ийд̇и баривад̇д̇ад̇и. згзна хи гаммунаа д̇аж̇ж̇з нимид̇д̇з убадтаабид̇з бажжаяависзсавасзна д̇ад̇о ан̃н̃зна гаммунаа ан̃н̃асса нимид̇д̇асса убадтаанам̣ баривад̇д̇анам̣.
131.Kāyaduccaritassātiādipāḷiyā kammaniyāmo nāma kathito. Samañjanaṃ samaṅgo, so etassa atthīti samaṅgī, samannāgato. Samañjanasīlo vā samaṅgī. Pubbabhāge āyūhanasamaṅgitā, sanniṭṭhāpakacetanāvasena cetanāsamaṅgitā. Cetanāsantativasena vā āyūhanasamaṅgitā, taṃtaṃcetanākhaṇavasena cetanāsamaṅgitā. Katūpacitassa avipakkavipākassa kammassa vasena kammasamaṅgitā, kamme pana vipaccituṃ āraddhe vipākappavattivasena vipākasamaṅgitā. Kammādīnaṃ upaṭṭhānakālavasena upaṭṭhānasamaṅgitā. Kusalākusalakammāyūhanakkhaṇeti kusalakammassa ca akusalakammassa ca samīhanakkhaṇe. Tathāti iminā kusalākusalakammapadaṃ ākaḍḍhati. Yathā kataṃ kammaṃ phaladānasamatthaṃ hoti, tathā kataṃ upacitaṃ. Vipākārahanti dutiyabhavādīsu vipaccanārahaṃ. Uppajjamānānaṃ upapattinimittaṃ upaṭṭhātīti yojanā. Calatīti parivattati. Ekena hi kammunā tajje nimitte upaṭṭhāpite paccayavisesavasena tato aññena kammunā aññassa nimittassa upaṭṭhānaṃ parivattanaṃ.
сунакаж̇ийвигод̇и сунакзхи ж̇ийванасийло. д̇аласант̇аран̣абууж̇анд̇и бхуумид̇аласса бубпзхи санд̇аран̣абууж̇ам̣. ааяууханажзд̇анаагаммасаман̇г̇ид̇аавасзнаад̇и гааяад̣̇ужжарид̇асса абараабарам̣ ааяууханзна саннидтаабагажзд̇анааяа д̇ассзва багаббанз гаммагкаяагаран̃аан̣зна акзбид̇ад̇д̇аа яат̇уубажид̇агаммунаа жа саман̇г̇ибхаавасса васзна.
Sunakhajīvikoti sunakhehi jīvanasīlo. Talasantharaṇapūjanti bhūmitalassa pupphehi santaraṇapūjaṃ. Āyūhanacetanākammasamaṅgitāvasenāti kāyaduccaritassa aparāparaṃ āyūhanena sanniṭṭhāpakacetanāya tasseva pakappane kammakkhayakarañāṇena akhepitattā yathūpacitakammunā ca samaṅgibhāvassa vasena.
132. звам̣ сассириганд̇и вуд̇д̇аббагаарзна анзгад̇хаад̇увибхаж̇анаад̣̇инаа наанаанаяавижид̇д̇ад̇ааяа бараманибун̣аг̇амбхийрад̇ааяа жа ад̇т̇ад̇о б̣яан̃ж̇анад̇о жа сасобхам̣ гад̇ваа.
132.Evaṃ sassirikanti vuttappakārena anekadhātuvibhajanādinā nānānayavicittatāya paramanipuṇagambhīratāya ca atthato byañjanato ca sasobhaṃ katvā.
нам̣ д̇хаарзхийд̇и зд̇т̇а нанд̇и нибаад̇амад̇д̇ам̣. д̇хаад̇уаад̣̇ивасзна бариваддийяанд̇и ад̇т̇аа зд̇зхийд̇и бариваддаа, д̣̇зсанаабхзд̣̇аа. жад̇д̇ааро бариваддаа зд̇асса, зд̇асмим̣ ваад̇и жад̇убариваддо, д̇хаммабарияааяо. д̇хаммо жа со барияад̇д̇ибхаавад̇о яат̇аавуд̇д̇знад̇т̇зна аад̣̇аасод̇и д̇хаммаад̣̇аасо. убадтаанадтзна яат̇аад̇хаммаанам̣ аад̣̇аасод̇иби д̇хаммаад̣̇аасо. яат̇аа хи аад̣̇аасзна сад̇д̇аанам̣ мукз малад̣̇осахаран̣ам̣, звам̣ иминааби суд̇д̇зна яог̇ийнам̣ мукз малад̣̇осахаран̣ам̣. д̇асмаад̇и яасмаа иминаа суд̇д̇зна гилзсз мад̣̇д̣̇ид̇ваа самат̇аад̇хиг̇амзна яог̇ино ж̇аяаббад̇д̇аа; д̇асмаа амад̇абураббавзсанз уг̇гхосанамахаабхзрид̇ааяа жа амад̇ад̣̇унд̣̇убхи. ид̇ха вуд̇д̇анд̇и имасмим̣ суд̇д̇з вуд̇д̇ам̣. ануд̇д̇аро сан̇г̇аамавиж̇аяод̇и ануд̇д̇арабхаавад̇о гилзсасан̇г̇аамавиж̇аяо, ‘‘виж̇зд̇и зд̇знаа’’д̇и гад̇ваа. сзсам̣ сувин̃н̃зяяамзва.
Naṃ dhārehīti ettha nanti nipātamattaṃ. Dhātuādivasena parivaṭṭīyanti atthā etehīti parivaṭṭā, desanābhedā. Cattāro parivaṭṭā etassa, etasmiṃ vāti catuparivaṭṭo, dhammapariyāyo. Dhammo ca so pariyattibhāvato yathāvuttenatthena ādāsoti dhammādāso. Upaṭṭhānaṭṭhena yathādhammānaṃ ādāsotipi dhammādāso. Yathā hi ādāsena sattānaṃ mukhe maladosaharaṇaṃ, evaṃ imināpi suttena yogīnaṃ mukhe maladosaharaṇaṃ. Tasmāti yasmā iminā suttena kilese madditvā samathādhigamena yogino jayappattā; tasmā amatapurappavesane ugghosanamahābheritāya ca amatadundubhi. Idha vuttanti imasmiṃ sutte vuttaṃ. Anuttaro saṅgāmavijayoti anuttarabhāvato kilesasaṅgāmavijayo, ‘‘vijeti etenā’’ti katvā. Sesaṃ suviññeyyameva.
б̣ахуд̇хаад̇угасуд̇д̇аван̣н̣анааяа лийнад̇т̇аббагаасанаа самад̇д̇аа.
Bahudhātukasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. б̣ахуд̇хаад̇угасуд̇д̇ам̣ • 5. Bahudhātukasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. б̣ахуд̇хаад̇угасуд̇д̇аван̣н̣анаа • 5. Bahudhātukasuttavaṇṇanā
