| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. б̣ахуд̇хийд̇арасуд̇д̇аван̣н̣анаа
10. Bahudhītarasuttavaṇṇanā
196. д̣̇асамз ан̃н̃ад̇арасмим̣ ванасан̣д̣зд̇и бажжуусасамаяз логам̣ ологзнд̇о д̇асса б̣раахман̣асса арахад̇д̇асса убаниссаяам̣ д̣̇исваа ‘‘г̇ажчаамисса сан̇г̇ахам̣ гариссаамий’’д̇и г̇анд̇ваа д̇асмим̣ ванасан̣д̣з вихарад̇и. надтаа хонд̇ийд̇и гасид̇ваа виссадтаа адавимукаа жарамаанаа б̣раахман̣з бхун̃ж̇ид̇ум̣ г̇ад̇з балаад̇аа хонд̇и. баллан̇ганд̇и саманд̇ад̇о ууруб̣ад̣̇д̇хаасанам̣. аабхуж̇ид̇ваад̇и б̣анд̇хид̇ваа . уж̇ум̣ гааяам̣ бан̣ид̇хааяаад̇и убаримам̣ сарийрам̣ уж̇угам̣ табзд̇ваа, адтаараса бидтиган̣дагз годияаа годим̣ бадибаад̣̇зд̇ваа. баримукам̣ сад̇им̣ убадтабзд̇ваад̇и гаммадтаанаабхимукам̣ сад̇им̣ табаяид̇ваа, мукасамийбз ваа гад̇ваад̇и ад̇т̇о. д̇знзва вибхан̇г̇з вуд̇д̇ам̣ – ‘‘аяам̣ сад̇и убадтид̇аа ход̇и суубадтид̇аа наасигаг̇г̇з ваа муканимид̇д̇з ваа, д̇зна вужжад̇и баримукам̣ сад̇им̣ убадтабзд̇ваа’’д̇и (вибха. 537). ат̇а ваа ‘‘барийд̇и бариг̇г̇ахадто. муканд̇и нияяаанадто. сад̇ийд̇и убадтаанадто. д̇зна вужжад̇и баримукам̣ сад̇им̣ убадтабзд̇ваа’’д̇и звам̣ бадисамбхид̣̇ааяам̣ (бади. ма. 1.164) вуд̇д̇анаязнабзд̇т̇а ад̇т̇о д̣̇адтаб̣б̣о. д̇ад̇рааяам̣ сан̇кзбо – ‘‘бариг̇г̇ахид̇анияяаанам̣ сад̇им̣ гад̇ваа’’д̇и. звам̣ нисийд̣̇анд̇о жа бана чаб̣б̣ан̣н̣аа гханаб̣уд̣̇д̇харасмияо виссаж̇ж̇зд̇ваа нисийд̣̇и. убасан̇гамийд̇и д̣̇оманассаабхибхууд̇о аахин̣д̣анд̇о, ‘‘сукзна вад̇ааяам̣ саман̣о нисинно’’д̇и жинд̇зд̇ваа убасан̇гами.
196. Dasame aññatarasmiṃ vanasaṇḍeti paccūsasamaye lokaṃ olokento tassa brāhmaṇassa arahattassa upanissayaṃ disvā ‘‘gacchāmissa saṅgahaṃ karissāmī’’ti gantvā tasmiṃ vanasaṇḍe viharati. Naṭṭhā hontīti kasitvā vissaṭṭhā aṭavimukhā caramānā brāhmaṇe bhuñjituṃ gate palātā honti. Pallaṅkanti samantato ūrubaddhāsanaṃ. Ābhujitvāti bandhitvā . Ujuṃ kāyaṃ paṇidhāyāti uparimaṃ sarīraṃ ujukaṃ ṭhapetvā, aṭṭhārasa piṭṭhikaṇṭake koṭiyā koṭiṃ paṭipādetvā. Parimukhaṃ satiṃ upaṭṭhapetvāti kammaṭṭhānābhimukhaṃ satiṃ ṭhapayitvā, mukhasamīpe vā katvāti attho. Teneva vibhaṅge vuttaṃ – ‘‘ayaṃ sati upaṭṭhitā hoti sūpaṭṭhitā nāsikagge vā mukhanimitte vā, tena vuccati parimukhaṃ satiṃ upaṭṭhapetvā’’ti (vibha. 537). Atha vā ‘‘parīti pariggahaṭṭho. Mukhanti niyyānaṭṭho. Satīti upaṭṭhānaṭṭho. Tena vuccati parimukhaṃ satiṃ upaṭṭhapetvā’’ti evaṃ paṭisambhidāyaṃ (paṭi. ma. 1.164) vuttanayenapettha attho daṭṭhabbo. Tatrāyaṃ saṅkhepo – ‘‘pariggahitaniyyānaṃ satiṃ katvā’’ti. Evaṃ nisīdanto ca pana chabbaṇṇā ghanabuddharasmiyo vissajjetvā nisīdi. Upasaṅkamīti domanassābhibhūto āhiṇḍanto, ‘‘sukhena vatāyaṃ samaṇo nisinno’’ti cintetvā upasaṅkami.
аж̇ж̇асадтим̣ на д̣̇иссанд̇ийд̇и аж̇ж̇а чад̣̇ивасамад̇д̇агаа бадтааяа на д̣̇иссанд̇и. баабагаад̇и лаамагаа д̇илакаан̣угаа. д̇зна гира д̇илакзд̇д̇з вабид̇з д̇ад̣̇ахзва д̣̇зво вассид̇ваа д̇илз бам̣сумхи осийд̣̇аабзси , бубпам̣ ваа палам̣ ваа г̇ахзд̇ум̣ наасагким̣су. язби вад̣дхим̣су, д̇зсам̣ убари баан̣агаа бад̇ид̇ваа бан̣н̣аани каад̣̇им̣су, згабан̣н̣ад̣̇убан̣н̣аа каан̣угаа авасиссим̣су. б̣раахман̣о кзд̇д̇ам̣ ологзд̇ум̣ г̇ад̇о д̇з д̣̇исваа – ‘‘вад̣дхияаа мз д̇илаа г̇ахид̇аа, д̇зби надтаа’’д̇и д̣̇оманассаж̇аад̇о ахоси, д̇ам̣ г̇ахзд̇ваа имам̣ г̇аат̇амааха.
Ajjasaṭṭhiṃna dissantīti ajja chadivasamattakā paṭṭhāya na dissanti. Pāpakāti lāmakā tilakhāṇukā. Tena kira tilakhette vapite tadaheva devo vassitvā tile paṃsumhi osīdāpesi , pupphaṃ vā phalaṃ vā gahetuṃ nāsakkhiṃsu. Yepi vaḍḍhiṃsu, tesaṃ upari pāṇakā patitvā paṇṇāni khādiṃsu, ekapaṇṇadupaṇṇā khāṇukā avasissiṃsu. Brāhmaṇo khettaṃ oloketuṃ gato te disvā – ‘‘vaḍḍhiyā me tilā gahitā, tepi naṭṭhā’’ti domanassajāto ahosi, taṃ gahetvā imaṃ gāthamāha.
уссол̣хигааяаад̇и уссаахзна ган̣н̣анан̇г̇удтаад̣̇ийни угкибид̇ваа вижаранд̇аа уббад̇анд̇и. д̇асса гира анубуб̣б̣зна бхог̇зсу баригкийн̣зсу багкибид̇аб̣б̣асса абхаавзна д̇ужчагодтаа ахзсум̣. д̇асса ид̇о жид̇о жа сад̇д̇ахи гхарзхи ааг̇ад̇аа муусигаа д̇з д̇ужчагодтз бависид̇ваа уяяаанагийл̣ам̣ гийл̣анд̇аа вияа нажжанд̇и, д̇ам̣ г̇ахзд̇ваа звамааха.
Ussoḷhikāyāti ussāhena kaṇṇanaṅguṭṭhādīni ukkhipitvā vicarantā uppatanti. Tassa kira anupubbena bhogesu parikkhīṇesu pakkhipitabbassa abhāvena tucchakoṭṭhā ahesuṃ. Tassa ito cito ca sattahi gharehi āgatā mūsikā te tucchakoṭṭhe pavisitvā uyyānakīḷaṃ kīḷantā viya naccanti, taṃ gahetvā evamāha.
уббаадагзхи сан̃чаннод̇и уббаадагабаан̣агзхи сан̃чанно. д̇асса гира б̣раахман̣асса саяанад̇т̇ааяа сант̇ад̇ам̣ д̇ин̣абан̣н̣асант̇аарам̣ гожи анд̇аранд̇араа бадиж̇аг̇г̇анд̇о над̇т̇и. со д̣̇ивасам̣ аран̃н̃з гаммам̣ гад̇ваа сааяам̣ ааг̇анд̇ваа д̇асмим̣ нибаж̇ж̇ад̇и. ат̇асса уббаадагабаан̣агаа сарийрам̣ згажчаннам̣ гаронд̇аа каад̣̇анд̇и, д̇ам̣ г̇ахзд̇ваа звамааха.
Uppāṭakehi sañchannoti uppāṭakapāṇakehi sañchanno. Tassa kira brāhmaṇassa sayanatthāya santhataṃ tiṇapaṇṇasanthāraṃ koci antarantarā paṭijagganto natthi. So divasaṃ araññe kammaṃ katvā sāyaṃ āgantvā tasmiṃ nipajjati. Athassa uppāṭakapāṇakā sarīraṃ ekacchannaṃ karontā khādanti, taṃ gahetvā evamāha.
вид̇хаваад̇и мад̇абад̇игаа. яаава гира д̇асса б̣раахман̣асса г̇зхз вибхавамад̇д̇аа ахоси, д̇аава д̇аа вид̇хавааби худ̇ваа бад̇игулзсу васид̇ум̣ лабхим̣су. яад̣̇аа бана со нид̣̇д̇хано ж̇аад̇о, д̇ад̣̇аа д̇аа ‘‘бид̇угхарам̣ г̇ажчат̇аа’’д̇и сассусасураад̣̇ийхи ниггад̣дхид̇аа д̇ад̇о д̇ассзва гхарам̣ ааг̇анд̇ваа васанд̇ияо б̣раахман̣асса бхож̇анагаалз ‘‘г̇ажчат̇а аяяагзна сад̣̇д̇хим̣ бхун̃ж̇ат̇аа’’д̇и буд̇д̇з бзсзнд̇и, д̇зхи баад̇ияам̣ хад̇т̇зсу од̇аарид̇зсу б̣раахман̣о хад̇т̇асса огаасам̣ на лабхад̇и. д̇ам̣ г̇ахзд̇ваа имам̣ г̇аат̇амааха.
Vidhavāti matapatikā. Yāva kira tassa brāhmaṇassa gehe vibhavamattā ahosi, tāva tā vidhavāpi hutvā patikulesu vasituṃ labhiṃsu. Yadā pana so niddhano jāto, tadā tā ‘‘pitugharaṃ gacchathā’’ti sassusasurādīhi nikkaḍḍhitā tato tasseva gharaṃ āgantvā vasantiyo brāhmaṇassa bhojanakāle ‘‘gacchatha ayyakena saddhiṃ bhuñjathā’’ti putte pesenti, tehi pātiyaṃ hatthesu otāritesu brāhmaṇo hatthassa okāsaṃ na labhati. Taṃ gahetvā imaṃ gāthamāha.
бин̇г̇алаад̇и гал̣аарабин̇г̇алаа. д̇илагаахад̇аад̇и гаал̣асзд̇аад̣̇иван̣н̣зхи д̇илагзхи аахад̇аг̇ад̇д̇аа. сод̇д̇ам̣ баад̣̇зна б̣од̇хзд̇ийд̇и нид̣̇д̣̇ам̣ огганд̇ам̣ баад̣̇зна бахарид̇ваа баб̣од̇хзд̇и. аяам̣ гира б̣раахман̣о муусигасад̣̇д̣̇зна уб̣б̣аал̣хо уббаадагзхи жа каж̇ж̇амаано саб̣б̣арад̇д̇им̣ нид̣̇д̣̇ам̣ алабхид̇ваа бажжуусагаалз нид̣̇д̣̇ааяад̇и. ат̇а нам̣ агкийсу ниммилид̇амад̇д̇зсвзва – ‘‘гим̣ гароси, б̣раахман̣а, бажчаа жа буб̣б̣з жа г̇ахид̇асса ин̣асса? вад̣дхи мад̇т̇агам̣ бад̇д̇аа, сад̇д̇а д̇хийд̇аро босзд̇аб̣б̣аа. ид̣̇аани ин̣ааяигаа ааг̇анд̇ваа г̇зхам̣ бариваарзссанд̇и, г̇ажча гаммам̣ гарохий’’д̇и баад̣̇зна бахарид̇ваа баб̣од̇хзд̇и. д̇ам̣ г̇ахзд̇ваа имам̣ г̇аат̇амааха.
Piṅgalāti kaḷārapiṅgalā. Tilakāhatāti kāḷasetādivaṇṇehi tilakehi āhatagattā. Sottaṃ pādena bodhetīti niddaṃ okkantaṃ pādena paharitvā pabodheti. Ayaṃ kira brāhmaṇo mūsikasaddena ubbāḷho uppāṭakehi ca khajjamāno sabbarattiṃ niddaṃ alabhitvā paccūsakāle niddāyati. Atha naṃ akkhīsu nimmilitamattesveva – ‘‘kiṃ karosi, brāhmaṇa, pacchā ca pubbe ca gahitassa iṇassa? Vaḍḍhi matthakaṃ pattā, satta dhītaro posetabbā. Idāni iṇāyikā āgantvā gehaṃ parivāressanti, gaccha kammaṃ karohī’’ti pādena paharitvā pabodheti. Taṃ gahetvā imaṃ gāthamāha.
ин̣ааяигаад̇и язсам̣ анзна хад̇т̇ад̇о ин̣ам̣ г̇ахид̇ам̣. со гира гассажи хад̇т̇ад̇о згам̣ гахаабан̣ам̣ гассажи д̣̇вз гассажи д̣̇аса…бз… гассажи сад̇анд̇и звам̣ б̣ахуунам̣ хад̇т̇ад̇о ин̣ам̣ аг̇г̇ахзси. д̇з д̣̇иваа б̣раахман̣ам̣ абассанд̇аа ‘‘г̇зхад̇о д̇ам̣ нигканд̇амзва г̇ан̣хиссаамаа’’д̇и б̣алавабажжуусз г̇анд̇ваа жод̣̇знд̇и. д̇ам̣ г̇ахзд̇ваа имам̣ г̇аат̇амааха.
Iṇāyikāti yesaṃ anena hatthato iṇaṃ gahitaṃ. So kira kassaci hatthato ekaṃ kahāpaṇaṃ kassaci dve kassaci dasa…pe… kassaci satanti evaṃ bahūnaṃ hatthato iṇaṃ aggahesi. Te divā brāhmaṇaṃ apassantā ‘‘gehato taṃ nikkhantameva gaṇhissāmā’’ti balavapaccūse gantvā codenti. Taṃ gahetvā imaṃ gāthamāha.
бхаг̇аваа д̇зна б̣раахман̣зна имаахи сад̇д̇ахи г̇аат̇аахи д̣̇угкз гат̇ид̇з ‘‘яам̣ яам̣, б̣раахман̣а, д̇аяаа д̣̇угкам̣ гат̇ид̇ам̣, саб̣б̣амзд̇ам̣ маяхам̣ над̇т̇ий’’д̇и д̣̇ассзнд̇о бадиг̇аат̇аахи б̣раахман̣асса д̇хаммад̣̇зсанам̣ вад̣дхзси. б̣раахман̣о д̇аа г̇аат̇аа суд̇ваа бхаг̇авад̇и басанно саран̣зсу бад̇идтааяа баб̣б̣аж̇ид̇ваа арахад̇д̇ам̣ баабун̣и. д̇ам̣ д̣̇ассзд̇ум̣ звам̣ вуд̇д̇з бхаарад̣̇вааж̇аг̇од̇д̇од̇иаад̣̇и вуд̇д̇ам̣. д̇ад̇т̇а алад̇т̇аад̇и лабхи.
Bhagavā tena brāhmaṇena imāhi sattahi gāthāhi dukkhe kathite ‘‘yaṃ yaṃ, brāhmaṇa, tayā dukkhaṃ kathitaṃ, sabbametaṃ mayhaṃ natthī’’ti dassento paṭigāthāhi brāhmaṇassa dhammadesanaṃ vaḍḍhesi. Brāhmaṇo tā gāthā sutvā bhagavati pasanno saraṇesu patiṭṭhāya pabbajitvā arahattaṃ pāpuṇi. Taṃ dassetuṃ evaṃ vutte bhāradvājagottotiādi vuttaṃ. Tattha alatthāti labhi.
д̇ан̃жа бана б̣раахман̣ам̣ бхаг̇аваа баб̣б̣ааж̇зд̇ваа аад̣̇ааяа ж̇зд̇аванам̣ г̇анд̇ваа бунад̣̇ивасз д̇зна т̇зрзна бажчаасаман̣зна госаларан̃н̃о г̇зхад̣̇ваарам̣ аг̇амааси . рааж̇аа ‘‘сад̇т̇аа ааг̇ад̇о’’д̇и суд̇ваа баасаад̣̇аа оруяха ванд̣̇ид̇ваа хад̇т̇ад̇о бад̇д̇ам̣ г̇ахзд̇ваа д̇ат̇ааг̇ад̇ам̣ убарибаасаад̣̇ам̣ ааробзд̇ваа вараасанз нисийд̣̇аабзд̇ваа г̇анд̇ход̣̇агзна баад̣̇з д̇ховид̇ваа сад̇абаагад̇злзна магкзд̇ваа яааг̇ум̣ аахараабзд̇ваа раж̇ад̇ад̣̇ан̣д̣ам̣ суван̣н̣агадажчум̣ г̇ахзд̇ваа сад̇т̇у убанаамзси. сад̇т̇аа бад̇д̇ам̣ бид̣̇ахи. рааж̇аа д̇ат̇ааг̇ад̇асса баад̣̇зсу бад̇ид̇ваа, ‘‘сажз мз, бханд̇з, д̣̇осо ад̇т̇и, камат̇аа’’д̇и ааха. над̇т̇и, махаарааж̇аад̇и. ат̇а гасмаа яааг̇ум̣ на г̇ан̣хат̇аад̇и? балиб̣од̇хо ад̇т̇и, махаарааж̇аад̇и. гим̣ бана, бханд̇з, яааг̇ум̣ аг̇ан̣ханд̇зхзва лабхид̇аб̣б̣о зса балиб̣од̇хо, бадиб̣ало ахам̣ балиб̣од̇хам̣ д̣̇аад̇ум̣, г̇ан̣хат̇а, бханд̇зд̇и. сад̇т̇аа аг̇г̇ахзси. махаллагад̇т̇зроби д̣̇ийгхарад̇д̇ам̣ чаад̇о яаавад̣̇ад̇т̇ам̣ яааг̇ум̣ биви. рааж̇аа каад̣̇анийяабхож̇анийяам̣ д̣̇ад̇ваа бхад̇д̇агижжаавасаанз бхаг̇аванд̇ам̣ ванд̣̇ид̇ваа ааха – ‘‘бхаг̇аваа д̇умхз бавзн̣ияаа ааг̇ад̇з оггаагавам̣сз уббаж̇ж̇ид̇ваа жаггавад̇д̇исирим̣ бахааяа баб̣б̣аж̇ид̇ваа логз аг̇г̇ад̇ам̣ бад̇д̇о, го наама, бханд̇з, д̇умхаагам̣ балиб̣од̇хо’’д̇и? махаарааж̇а, зд̇асса махаллагад̇т̇зрасса балиб̣од̇хо амхаагам̣ балиб̣од̇хасад̣̇исоваад̇и.
Tañca pana brāhmaṇaṃ bhagavā pabbājetvā ādāya jetavanaṃ gantvā punadivase tena therena pacchāsamaṇena kosalarañño gehadvāraṃ agamāsi . Rājā ‘‘satthā āgato’’ti sutvā pāsādā oruyha vanditvā hatthato pattaṃ gahetvā tathāgataṃ uparipāsādaṃ āropetvā varāsane nisīdāpetvā gandhodakena pāde dhovitvā satapākatelena makkhetvā yāguṃ āharāpetvā rajatadaṇḍaṃ suvaṇṇakaṭacchuṃ gahetvā satthu upanāmesi. Satthā pattaṃ pidahi. Rājā tathāgatassa pādesu patitvā, ‘‘sace me, bhante, doso atthi, khamathā’’ti āha. Natthi, mahārājāti. Atha kasmā yāguṃ na gaṇhathāti? Palibodho atthi, mahārājāti. Kiṃ pana, bhante, yāguṃ agaṇhanteheva labhitabbo esa palibodho, paṭibalo ahaṃ palibodhaṃ dātuṃ, gaṇhatha, bhanteti. Satthā aggahesi. Mahallakattheropi dīgharattaṃ chāto yāvadatthaṃ yāguṃ pivi. Rājā khādanīyabhojanīyaṃ datvā bhattakiccāvasāne bhagavantaṃ vanditvā āha – ‘‘bhagavā tumhe paveṇiyā āgate okkākavaṃse uppajjitvā cakkavattisiriṃ pahāya pabbajitvā loke aggataṃ patto, ko nāma, bhante, tumhākaṃ palibodho’’ti? Mahārāja, etassa mahallakattherassa palibodho amhākaṃ palibodhasadisovāti.
рааж̇аа т̇зрам̣ ванд̣̇ид̇ваа – ‘‘го, бханд̇з, д̇умхаагам̣ балиб̣од̇хо’’д̇и бужчи? ин̣абалиб̣од̇хо, махаарааж̇аад̇и. гид̇д̇аго, бханд̇зд̇и? г̇ан̣зхи, махаарааж̇аад̇и. ран̃н̃о ‘‘згам̣ д̣̇вз сад̇ам̣ сахасса’’нд̇и г̇ан̣знд̇асса ан̇г̇улияо наббахонд̇и. ат̇згам̣ бурисам̣ баггосид̇ваа, ‘‘г̇ажча, бхан̣з, наг̇арз бхзрим̣ жараабзхи ‘саб̣б̣з б̣ахуд̇хийд̇игаб̣раахман̣асса ин̣ааяигаа рааж̇ан̇г̇ан̣з саннибад̇анд̇уу’’д̇и. мануссаа бхзрим̣ суд̇ваа саннибад̇им̣су. рааж̇аа д̇зсам̣ хад̇т̇ад̇о бан̣н̣аани аахараабзд̇ваа саб̣б̣зсам̣ ануунам̣ д̇ханамад̣̇ааси. д̇ад̇т̇а суван̣н̣амзва сад̇асахассаг̇гханагам̣ ахоси. буна рааж̇аа бужчи – ‘‘ан̃н̃оби ад̇т̇и, бханд̇з, балиб̣од̇хо’’д̇и. ин̣ам̣ наама, махаарааж̇а, д̣̇ад̇ваа мужжид̇ум̣ саггаа, зд̇аа бана сад̇д̇а д̣̇ааригаа махаабалиб̣од̇хаа маяханд̇и. рааж̇аа яаанаани бзсзд̇ваа д̇асса д̇хийд̇аро аахараабзд̇ваа ад̇д̇ано д̇хийд̇аро гад̇ваа д̇ам̣ д̇ам̣ гулагхарам̣ бзсзд̇ваа, ‘‘ан̃н̃оби, бханд̇з, ад̇т̇и балиб̣од̇хо’’д̇и бужчи? б̣раахман̣ий, махаарааж̇аад̇и. рааж̇аа яаанам̣ бзсзд̇ваа, д̇асса б̣раахман̣им̣ аахараабзд̇ваа, аяяигадтаанз табзд̇ваа буна бужчи – ‘‘ан̃н̃оби, бханд̇з, ад̇т̇и балиб̣од̇хо’’д̇и? над̇т̇и , махаарааж̇аад̇и вуд̇д̇з рааж̇ааби жийварад̣̇уссаани д̣̇аабзд̇ваа, ‘‘бханд̇з, мама санд̇агам̣ д̇умхаагам̣ бхигкубхаавам̣ ж̇аанаат̇аа’’д̇и ааха. аама, махаарааж̇аад̇и. ат̇а нам̣ рааж̇аа ааха – ‘‘бханд̇з, жийварабин̣д̣абаад̇аад̣̇аяоби саб̣б̣з бажжаяаа амхаагам̣ санд̇агаа бхависсанд̇и. д̇умхз д̇ат̇ааг̇ад̇асса манам̣ г̇ахзд̇ваа саман̣ад̇хаммам̣ гарот̇аа’’д̇и. т̇зро д̇ат̇зва аббамад̇д̇о саман̣ад̇хаммам̣ гаронд̇о нажирассзва аасавагкаяам̣ бад̇д̇од̇и. д̣̇асамам̣.
Rājā theraṃ vanditvā – ‘‘ko, bhante, tumhākaṃ palibodho’’ti pucchi? Iṇapalibodho, mahārājāti. Kittako, bhanteti? Gaṇehi, mahārājāti. Rañño ‘‘ekaṃ dve sataṃ sahassa’’nti gaṇentassa aṅguliyo nappahonti. Athekaṃ purisaṃ pakkositvā, ‘‘gaccha, bhaṇe, nagare bheriṃ carāpehi ‘sabbe bahudhītikabrāhmaṇassa iṇāyikā rājaṅgaṇe sannipatantū’’ti. Manussā bheriṃ sutvā sannipatiṃsu. Rājā tesaṃ hatthato paṇṇāni āharāpetvā sabbesaṃ anūnaṃ dhanamadāsi. Tattha suvaṇṇameva satasahassagghanakaṃ ahosi. Puna rājā pucchi – ‘‘aññopi atthi, bhante, palibodho’’ti. Iṇaṃ nāma, mahārāja, datvā muccituṃ sakkā, etā pana satta dārikā mahāpalibodhā mayhanti. Rājā yānāni pesetvā tassa dhītaro āharāpetvā attano dhītaro katvā taṃ taṃ kulagharaṃ pesetvā, ‘‘aññopi, bhante, atthi palibodho’’ti pucchi? Brāhmaṇī, mahārājāti. Rājā yānaṃ pesetvā, tassa brāhmaṇiṃ āharāpetvā, ayyikaṭṭhāne ṭhapetvā puna pucchi – ‘‘aññopi, bhante, atthi palibodho’’ti? Natthi , mahārājāti vutte rājāpi cīvaradussāni dāpetvā, ‘‘bhante, mama santakaṃ tumhākaṃ bhikkhubhāvaṃ jānāthā’’ti āha. Āma, mahārājāti. Atha naṃ rājā āha – ‘‘bhante, cīvarapiṇḍapātādayopi sabbe paccayā amhākaṃ santakā bhavissanti. Tumhe tathāgatassa manaṃ gahetvā samaṇadhammaṃ karothā’’ti. Thero tatheva appamatto samaṇadhammaṃ karonto nacirasseva āsavakkhayaṃ pattoti. Dasamaṃ.
батамо ваг̇г̇о.
Paṭhamo vaggo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. б̣ахуд̇хийд̇арасуд̇д̇ам̣ • 10. Bahudhītarasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. б̣ахуд̇хийд̇арасуд̇д̇аван̣н̣анаа • 10. Bahudhītarasuttavaṇṇanā
