| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. б̣ахуд̇хийд̇арасуд̇д̇аван̣н̣анаа
10. Bahudhītarasuttavaṇṇanā
196. саманд̇ад̇од̇и д̣̇агкин̣аваамаанам̣ васзна саманд̇ад̇о. ууруб̣ад̣̇д̇хаасананд̇и ууруунам̣ б̣анд̇ханавасзна нисаж̇ж̇анам̣. д̣̇виннам̣ ууруунам̣ ан̃н̃аман̃н̃аб̣анд̇ханавасзна аабхуж̇ид̇аагаарам̣ санд̇хааяааха ‘‘аабхуж̇ид̇ваад̇и б̣анд̇хид̇ваа’’д̇и. хздтимагааяасса ануж̇угам̣ табанам̣ нисаж̇ж̇ааважанзнзва б̣од̇хид̇анд̇и ‘‘уж̇ум̣ гааяа’’нд̇и зд̇т̇а гааяа-сад̣̇д̣̇о убаримагааяависаяод̇и ааха ‘‘убаримам̣ сарийрам̣ уж̇угам̣ табзд̇ваа’’д̇и. д̇ам̣ бана уж̇угадтабанам̣ саруубад̇о баяож̇анад̇о жа д̣̇ассзд̇ум̣ ‘‘адтаарасаа’’д̇иаад̣̇и вуд̇д̇ам̣. баримуканд̇и зд̇т̇а бари-сад̣̇д̣̇о абхисад̣̇д̣̇зна самаанад̇т̇од̇и ааха ‘‘гаммадтаанаабхимука’’нд̇и, б̣ахид̣̇д̇хаа бут̇уд̇д̇аарамман̣ад̇о ниваарзд̇ваа гаммадтаанам̣язва бурзгкад̇од̇и ад̇т̇о. бариг̇г̇ахадто ‘‘барин̣ааяигаа’’д̇иаад̣̇ийсу вияа. муканд̇и нияяаанадто ‘‘сун̃н̃ад̇авимогкамука’’нд̇иаад̣̇ийсу вияа. бадибагкад̇о ниг̇г̇аманадто хи нияяаанадто, д̇асмаа бариг̇г̇ахид̇анияяаананд̇и саб̣б̣ат̇аа г̇ахид̇асаммосам̣ барижжад̇д̇асаммосам̣ сад̇им̣ гад̇ваа барамам̣ сад̇инзбаггам̣ убадтабзд̇ваад̇и ад̇т̇о. чаб̣б̣ан̣н̣аа…бз… нисийд̣̇и б̣раахман̣асса басаад̣̇асан̃ж̇аананад̇т̇ам̣. адавимукаа жарамаанаад̇и г̇ожарам̣ г̇ан̣ханд̇аа.
196.Samantatoti dakkhiṇavāmānaṃ vasena samantato. Ūrubaddhāsananti ūrūnaṃ bandhanavasena nisajjanaṃ. Dvinnaṃ ūrūnaṃ aññamaññabandhanavasena ābhujitākāraṃ sandhāyāha ‘‘ābhujitvāti bandhitvā’’ti. Heṭṭhimakāyassa anujukaṃ ṭhapanaṃ nisajjāvacaneneva bodhitanti ‘‘ujuṃ kāya’’nti ettha kāya-saddo uparimakāyavisayoti āha ‘‘uparimaṃ sarīraṃ ujukaṃ ṭhapetvā’’ti. Taṃ pana ujukaṭṭhapanaṃ sarūpato payojanato ca dassetuṃ ‘‘aṭṭhārasā’’tiādi vuttaṃ. Parimukhanti ettha pari-saddo abhisaddena samānatthoti āha ‘‘kammaṭṭhānābhimukha’’nti, bahiddhā puthuttārammaṇato nivāretvā kammaṭṭhānaṃyeva purekkhatoti attho. Pariggahaṭṭho ‘‘pariṇāyikā’’tiādīsu viya. Mukhanti niyyānaṭṭho ‘‘suññatavimokkhamukha’’ntiādīsu viya. Paṭipakkhato niggamanaṭṭho hi niyyānaṭṭho, tasmā pariggahitaniyyānanti sabbathā gahitasammosaṃ pariccattasammosaṃ satiṃ katvā paramaṃ satinepakkaṃ upaṭṭhapetvāti attho. Chabbaṇṇā…pe… nisīdi brāhmaṇassa pasādasañjānanatthaṃ. Aṭavimukhā caramānāti gocaraṃ gaṇhantā.
аж̇ж̇асадтинд̇и аж̇ж̇а чаннам̣ бууран̣ий садтий д̣̇ивасавуд̇д̇и, аж̇ж̇а аад̣̇им̣ гад̇ваа ча д̣̇ивасзд̇и ад̇т̇о. ажжанд̇асам̣яог̇з жзд̇ам̣ убаяог̇аважанам̣. аж̇ж̇а чад̣̇ивасамад̇д̇агаад̇и аж̇ж̇ад̇о чадтад̣̇ивасамад̇д̇агаа. лаамагаад̇и нихийнаа нибпалаа. д̇знааха ‘‘д̇илакаан̣угаа’’д̇иаад̣̇и.
Ajjasaṭṭhinti ajja channaṃ pūraṇī saṭṭhī divasavutti, ajja ādiṃ katvā cha divaseti attho. Accantasaṃyoge cetaṃ upayogavacanaṃ. Ajja chadivasamattakāti ajjato chaṭṭhadivasamattakā. Lāmakāti nihīnā nipphalā. Tenāha ‘‘tilakhāṇukā’’tiādi.
уссаахзнаад̇и уд̣̇д̇хам̣ уд̣̇д̇хам̣ басаарзна абхибхаванзна. д̇ам̣ бана нзсам̣ абхибхаванам̣ д̣̇ассзд̇ум̣ ‘‘ган̣н̣анан̇г̇удтаад̣̇ийний’’д̇иаад̣̇имааха.
Ussāhenāti uddhaṃ uddhaṃ pasārena abhibhavanena. Taṃ pana nesaṃ abhibhavanaṃ dassetuṃ ‘‘kaṇṇanaṅguṭṭhādīnī’’tiādimāha.
‘‘уббаадагабаан̣агаа’’д̇и д̇ажам̣ уббаадзд̇ваа вияа каад̣̇агабаан̣агаа уугааман̇г̇улаад̣̇аяо.
‘‘Uppāṭakapāṇakā’’ti tacaṃ uppāṭetvā viya khādakapāṇakā ūkāmaṅgulādayo.
гал̣аарабин̇г̇алаад̇и нигканд̇абин̇г̇алагкигаа, гал̣аарабин̇г̇алаад̇и ваа рад̇д̇аг̇ад̇д̇аа жа бин̇г̇алажагкугаа жа. д̇илагаахад̇аад̇и аахад̇ад̇илагаа, д̇илаббамаан̣зхи б̣инд̣̇уухи саманд̇ад̇о сант̇ад̇асарийраа.
Kaḷārapiṅgalāti nikkhantapiṅgalakkhikā, kaḷārapiṅgalāti vā rattagattā ca piṅgalacakkhukā ca. Tilakāhatāti āhatatilakā, tilappamāṇehi bindūhi samantato santhatasarīrā.
бадиг̇аат̇аахи б̣раахман̣асса д̇хаммад̣̇зсанам̣ вад̣дхзсийд̇и багад̇ияаа д̇асса ад̇д̇анаа гат̇зд̇аб̣б̣ам̣ д̇хаммад̣̇зсанам̣ баб̣б̣аж̇ж̇ааг̇ун̣агид̇д̇анавасзна сад̇д̇ахи вад̣дхзси. баб̣б̣аж̇ид̇ваад̇и ин̣ааяигаанам̣ ад̇д̇ано балиб̣од̇хам̣ д̇ат̇аа д̇ат̇аа ж̇аанаабзд̇ваа баб̣б̣аж̇ид̇ваа.
Paṭigāthāhi brāhmaṇassa dhammadesanaṃ vaḍḍhesīti pakatiyā tassa attanā kathetabbaṃ dhammadesanaṃ pabbajjāguṇakittanavasena sattahi vaḍḍhesi. Pabbajitvāti iṇāyikānaṃ attano palibodhaṃ tathā tathā jānāpetvā pabbajitvā.
яат̇аа жа д̇ад̇т̇а бхаг̇аваа бадибаж̇ж̇и, д̇ам̣ д̣̇ассзд̇ум̣ ‘‘буна д̣̇ивасз’’д̇иаад̣̇и вуд̇д̇ам̣.
Yathā ca tattha bhagavā paṭipajji, taṃ dassetuṃ ‘‘puna divase’’tiādi vuttaṃ.
д̇ам̣ д̇ам̣ гулагхарам̣ бзсзд̇ваад̇и д̇ам̣ д̇ам̣ д̇асса б̣раахман̣асса д̇хийд̇арам̣ д̇асса д̇ассаанужчавигасса б̣раахман̣асса д̣̇знд̇о д̇ам̣ д̇ам̣ гулагхарам̣ бзсзд̇ваа б̣раахман̣ад̇хаммз г̇аругаран̣аабхаавад̇о.
Taṃ taṃ kulagharaṃ pesetvāti taṃ taṃ tassa brāhmaṇassa dhītaraṃ tassa tassānucchavikassa brāhmaṇassa dento taṃ taṃ kulagharaṃ pesetvā brāhmaṇadhamme garukaraṇābhāvato.
‘‘надтз мад̇з баб̣б̣аж̇ид̇з, набум̣сагзби бхад̇д̇ари;
‘‘Naṭṭhe mate pabbajite, napuṃsakepi bhattari;
ид̇т̇ияаа бад̇исздтааяа, на ан̃н̃о бад̇и ижчияо’’д̇и. –
Itthiyā patiseṭṭhāya, na añño pati icchiyo’’ti. –
аяан̃хи б̣раахман̣ад̇хаммо. аяяигадтаанзд̇и маад̇аамахидтаанз табзси сад̇т̇у жид̇д̇аараад̇ханавасзнаад̇и.
Ayañhi brāhmaṇadhammo. Ayyikaṭṭhāneti mātāmahiṭṭhāne ṭhapesi satthu cittārādhanavasenāti.
б̣ахуд̇хийд̇арасуд̇д̇аван̣н̣анаа нидтид̇аа.
Bahudhītarasuttavaṇṇanā niṭṭhitā.
батамаваг̇г̇аван̣н̣анаа нидтид̇аа.
Paṭhamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. б̣ахуд̇хийд̇арасуд̇д̇ам̣ • 10. Bahudhītarasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. б̣ахуд̇хийд̇арасуд̇д̇аван̣н̣анаа • 10. Bahudhītarasuttavaṇṇanā
